السلام عليكم ورحمة الله وبركاته

لقيت القصيدة الجامدة اللى هتقروها دلوقتى وكنت عايزاكم فى حاجة فى آخر الموضوع

ميت ألف فرصه عشان أسيب مصر
ولا عمري سبتها
علشان هى بلادي اللي بجد بحبها
بحبها بكدبها وصدقها
بحب فيها أصالة وندالة أهلها
بحب فيها السهر بحب
زيفها وأصلها
بحب فيها طلعة الشمس
تنور وشها
بحب فيها القمر طالع
يغازل حسنها
بحب فيها المشي علي شط
نيلها وبحرها
بحب فيها بناتها
راسمين ملامح شعبها
دي بنت مايصه وحاطه
ورده فـ شعرها
ودي بنت جد ونازله
جري لشغلها
هتلاقي فين بلد
فيها الكنايس والجوامع
بتحضن بعضها
مسلم مسيحي إخوات
راضعين طيبة من صدرها
نبع الحنان ويناموا حاضنين
أرضها
هتلاقي فين تاني بلد
كل حاجه فيها
تخليك تحبها
هتقولي ظالمه هقولك
برضو بحبها
هتقولي ضالمه
مهو ده سواد شعرها
هتقولي زحمه هقولك
علشان بنعشق أرضها
هتقولي فيها فساد
هقولك ده من طيبة شعبها
جرب كده تسهر ولو وحدك
علي ضف نيلها وحبها
جرب تشوف بنت حلوه
مع شاب واقف جمبها
بيحبها شايل في قلبه
هموم الدنيا كلها
وبرضو بيحبها
جرب كده تاكل دره وترمس
علي شطها
وتشوف وشوش الناس
واضحك زيها
طب وانت ماشي لوحدك
ووقعت في مشكله
مش بتلاقي ألف واحد
جمبك بيحلها
لا تعرفهم ولا يعرفوك
بس جمعكم حبها
أهي هي دي مصر
زاحمه ظالمه
فاسده ضالمه مش مهم
ده كفايه خفت دمها
هافضل لمصر أقول وأعيد
أنا أصلي عاشق أرضها

وطبعا ده كله كلام في الهوا
أنا لو تجيني نص فرصة هقول لها
بالسلامه يا مصر
ومش عايز أشوف وشها
وهي دي بقى ندالة أهلها

طبعاً اللى قراها ضحك لما شبع ضحك .. بس أنا لما لقيت القصيدة دى وكانت فى أكتر من منتدى عربى ومش قادرة أقولكم قمة الاستهزاء بينا شكلها عامل إزاى من الإخوة العرب المحترمين

أنا عايزة أقول مثل بسيط يا ريت يعرفوه : تعرف فلان؟؟ أه أعرفه .. عاشرته؟؟ لأ .. تبقى ماتعرفوش

لو الشعب المصرى ندل فعلاً مع إنه مش كده .. يبقى الوطن العربى كله يبيع أهله علشان اللى فى باله

بس كده دا اللى كنت عايزة أقوله .. ولو بإيدى كنت حطيت الموضوع فى العام

والله عندك حق يا مها
دلوقت كلوا بيتكلم على المصريين اصلا انهم اندال
ولو جتلى فرصة اسيبها
محدش حس بالغربة برة علشان يتكلم
اللى بيجربها بيقول وطنى اولى بيها
اتبهدل فيه اهون من انى اتبهدل براه
بس هقول ايه
عن نفسى
لو جتلى فرصة هسيبها من بكرة :d

اسئلينى أنا
رغم انى سافرت كتير وعرفت ناس من كل شكل ومن كل لون ومن كل دين
بس بجد أطيب ناس قابلتهم كانوا هما المصريين
خصوصا فى الشرقية عاصمة القلوب البيضاء الناس هناك بحس انهم من كوكب تانى او عالم أخر
صحيح المصريين فكرهم جامد الى حد ما بس أحسن ما فيهم انهم على الفطرة وجدعان أوى
بس حكاية عاشق أرضها والكلام دوت ما بيحصلش
وأنا عن نفسى فى أول فرصة ح أهاجر

واضح إن أنا اللى ههاجر من المنتدى!! :stickjo4:

منورين مصر ..:slap1qk6:

والله المصريين ما بين كل العرب اللى فيهم مزايا مش عند حد

ولولا الواحد مابيحبش يتكلم على حد
انا كنت طلعت عيوب الناس اللى بيتريقوا دول بس الواحد ما بيحبش يغلط

وموضوع الهجرة من البلد ده مش ندالة ولا حاجة
يعني مفيش طلبة خليجيين في مصر ؟
مفيش طلبة عرب غير مصريين في امريكا ولا كندا
بلاش طلبة
مش فيهم رجال وامراء بيكونوا في امريكا

لما الواحد يحب يحسن مستواه المعيشي ويطلع بره يكون نفسه ويرجع
تبقى ده ندالة ؟؟؟


وبعدين لما المصري يروح للسعودي على اساس إننا كلنا عرب ومسلمين وإخوة في الله
كإنك بتطلع من الشارع بتاعك للشارع اللى جنبيك عشان تقابل صاحبك
يبقى كده انت تخليك عن بيتك وشارعك
يعني هما الملوك واحنا الـ......

يكفي شرفاً ان القرآن قد ذكرنا في كتابه دون سائر الدول
وأن الرسول قد شرفنا وكرمنا في أكثر من حديث له

ولنا الله

عجبنى الرد ده


يكفي شرفاً ان القرآن قد ذكرنا في كتابه دون سائر الدول
وأن الرسول قد شرفنا وكرمنا في أكثر من حديث له

ولنا الله
بس جامدة القصيدة يا مها
ممكن اختمها بالنشيد الوطنى
وان لم اكن مصريا لوددت ان اكون مصريا
والحاجات دى
:p

.. أحب مصر .. ليس شعاراً أردده .. لكن حبها فطرة داخلي لا يمكن التنصل منه أو إنكاره مهما حدث . . مصر .. كم عظيمة تلك الأرض وطاهرة .. كم غلبت جيوشاً وجبابرة .. مصر .. كم تحملت وكم قاسى شعبها على مر التاريخ .. ولكنه الشعب الذي لا يباد ولا يعرف الهزيمة .. وإن كانت مصر في كبوة الآن .. فقد مر عليها كبوات مماثلة على مر التاريخ وبعدها استردت كيانها وعزيمتها .. وأنا واثق أن هذا اليوم قريب بإذن الله تعالى ..