انا قررت اطبخلكوا كل يوم...,,, [الأرشيف] - بوابة الثانوية العامة المصرية

Sharp Nails

18-01-2009, 09:48 AM

صباح الخير عاملين اية

هو احنا لية مش بندخل القسم دة

مع انه لظيظ والله

المهم

بصوا انا لقيت نفسى فاضية كدة

وواخدة الاجازة لوحدى وقاعدة لوحدى وبنام لوحدى وبصحى لوحدى

فجالى اكتئاب بصراحة

مش لاقيه حاجة اعملها فقولت

((هعملكوا الغدا كل يوم))

:av4056bb7jp3::av4056bb7jp3::av4056bb7jp3:

مبسوطين؟؟؟؟؟؟؟؟؟ اكيد طبعا مبسوطين

لحد بس ما حد كدة ياخد الاجازة معايا

وبعدين يجى يقف معايا فالمطبخ

وكلنا هناكل محدش يخاف يعنى

كله كله كله هياكل الاكل كتير والحمد لله

مبسوطين؟؟؟؟؟؟؟؟اكيد طبعا مبسوطين

Rien

18-01-2009, 09:57 AM

همس

18-01-2009, 10:05 AM

مامي نيسو

هنآكل ايه النهاردة على الغدا ؟؟ :)

النهايدة الضهيية هآكل يز عليه شعيية

ههههههههههههههه

ها عرفتي تقرأيها ؟؟

دي كل ما أسأل ماما هنآكل ايه النهاردة تقولي كدا

Sharp Nails

18-01-2009, 10:06 AM

شكلكوا كدة ياعينى جعانين وبتزكروا ومش ملاحقين تعملوا اكل لنفسكوا
المهم النهاردة هعملكوا اول طبخة
وهى
بانية ومكرونة وشوربة لسان عصفور وهنحمر بطاطس للى عاوز
الاول الفراخ هنجبها ونغسلها بالخل والدقيق حلو
وبعدين نغسلها بالمية
وبعدين نجيب الكابة ونقطع فيها بصلتين حلوين كدة
ونحطهم عالفراخ ومعاهم ملح وفلفل وليمون كتير ونقطتين خل
عشان الفراخ تحب الليمون
وقلب قلب قلب
خلصنا من البانية
نحطها فالتلاجة بقى تتبل
يجى ساعة ولا اتنين

نروح عالمكرونة بقى
هنجيب طمطماية ونقطعها حتت
واهنا بنقطعها هنكون حطين مية عالنار تغلى شان نسلق المكرونة
وبعدين هنسلق الكرونة تكون حلوة كدة مش نسبها لحد ما تتعجن
وبعدين نحطها فى مصفة ونغسلها كويس عشان النشا الى فيه تنزل
نرجع للطمطماية
خرطناها كويس وسلقنا المكرونة
نروح جيبين حلة ونحط فيها شوية زيت يسخنوا حلو اوى
ونروح رمين الطماطماية فيه وقلب قلب قلب
لحد ما تتشوح حلو ونلاقيها نزلت ميتها كدة
نكون محضرين الصلصة
ازاى؟؟هنجيب كوباية ونحط فيها معلقتين ونص صلصة
وعليهم مية مل الكوباية وقلب قلب قلب
ونروح حطنهم عالطماطم
ونسيب الصلصة لحد ما تعزل
ونحط ملح وفلفل وشطة
وياسلام بقى لو فى شوية عصاج نحطهم مع الصلصة
المهم خلصنا الصلصة وعزلت نحط عليها المكرونة وقلب قلب قلب
ونهدى النار ونسيبها تسخن

نروح للسان عصفور حلة برضه ونحط فيها سمنه تسيح حلو اوى
وبعدين نحط اللسان عصفور وقلب قلب قلب لحد ما لونه يبقى حلو مصفر كدة
ونروح حطين عليه مية ومعاهم مكعبين شوربة ماجى
وملح وفلفل واتنين حبهان
ونغطى عليه ونعلى النار لحد ما يغلى ويفور ويقع على البوتاجاز
وبعدين نقفل النار ونسيبه مع نفسه

نرجع للبانية اتبلت وبقت تمام التمام
هنجيب بيضة ونربها قلب قلب قلب مع شعرة فلفل
وطبق فيه الفيجتار الحار
ونطلع الفرخاية من التتبيله ونزل من عليها البصل
ونحطها فاليض وبعدين نطلعها ونحطها فالفيجتار
ونغطيها بالفيجتار
ونحمرها فالزيت اكيد

والبطاطس بقى سهل امرها ممكن نجيب زينب تقطعها وتعملها

ها شبعتوا ياولادى :romarioxp6:
حد بقى يجى يروق المطبخ عشان ضهرى اتقطم

Rien

18-01-2009, 10:17 AM

نروح للسان عصفور حلة برضه ونحط فيها سمنه تسيح حلو اوى
وبعدين نحط اللسان عصفور وقلب قلب قلب لحد ما لونه يبقى حلو مصفر كدة
ونروح حطين عليه مية ومعاهم مكعبين شوربة ماجى
وملح وفلفل واتنين حبهان
ونغطى عليه ونعلى النار لحد ما يغلى ويفور ويقع على البوتاجاز
وبعدين نقفل النار ونسيبه مع نفسه

لحد ما يغلى ويفور ويقع على البوتاجاز
طباخة فاشلة
:slap1qk6:

ها شبعتوا ياولادى :romarioxp6:

حد بقى يجى يروق المطبخ عشان ضهرى اتقطم
هابقى اجى اتغدى عندك كل يوم
بس انا ثانوية عامة
ماليش دعوة بترويق المطبخ
:022yb4:

همس

18-01-2009, 10:30 AM

ما شاء الله
تسلم ايديك

بانيه وبطاطس

ومكرونة

محدش مدلعنا أدك

لا لا انا كدا هآجي آكل عندك كل يوم

احجزيلي كرسي يا بت يا نيسو في مطعمك الجميل دا

انطلقي ... على بركة الله

وانا متابعة معاكي :)

Sharp Nails

18-01-2009, 10:38 AM

صباح الافكار يا نسمة

بغض النظر عن انى باحقد عليكى عشان الاجازة
:stickjo4:
فكرة لذيذة
بس هو غدا بس يعنى
مفيش فطار للناس اللى بتقعد عالصبح دى ؟
:p
طب هو انتى هاتعمليلنا على ذوقك ولا فيه مينيو ؟

:d

انا فضيلكوا بقى
هو الاكل الى هعمله فى بيتى هتكلوا منه
هو انتوا اتأكلونا على مزاجكوا:slap1qk6:

لحد ما يغلى ويفور ويقع على البوتاجاز
طباخة فاشلة
:slap1qk6:

[color=#000000]هابقى اجى اتغدى عندك كل يوم

بس انا ثانوية عامة
ماليش دعوة بترويق المطبخ

:022yb4:

[COLOR=#ff0000]يابنتى لازم يغلى كويس اوى
ساعات بتلحقيه قبل ما يقع برة وساعات لا
بس الاغلبية مش بتلحقيه
بيقع

وماشى ياستى
عشان انتى بتزاكرى مش هنشغلك
هنجيب حد من الى مش بيزاكروا

Sharp Nails

18-01-2009, 10:44 AM

مامي نيسو

هنآكل ايه النهاردة على الغدا ؟؟ :)

النهايدة الضهيية هآكل يز عليه شعيية

ههههههههههههههه

ها عرفتي تقرأيها ؟؟

دي كل ما أسأل ماما هنآكل ايه النهاردة تقولي كدا
ولا فهمت حاجة بس تقريبا رز بالشعرية:av4056bb7jp3:

ما شاء الله
تسلم ايديك

بانيه وبطاطس

ومكرونة

محدش مدلعنا أدك

لا لا انا كدا هآجي آكل عندك كل يوم

احجزيلي كرسي يا بت يا نيسو في مطعمك الجميل دا

انطلقي ... على بركة الله

وانا متابعة معاكي :)
شوفتى الدلع يانيدو
واهلا بيكى ياقمر فمطعمى المتواضع
ابقى عدى علينا كل يوم

طـفـلـة الامـس

18-01-2009, 11:51 AM

Sharp Nails

18-01-2009, 12:08 PM

بالهنا والشفا ياحلوين
كل يوم من دة

JusT DreaM

18-01-2009, 03:47 PM

مفيش حلو:d
لا بجد يانيسو تسلم ايدك
عالاقل تعلمي العالم اللي مبتعرفش تعمل حاجة دي:romarioxp6:
انا بعرف اعمل مكرونة:redface:

Sharp Nails

18-01-2009, 03:47 PM

MoHaMeD ELsHeRbEnY

18-01-2009, 03:51 PM

Sharp Nails

18-01-2009, 04:30 PM

مفيش حلو:d
لا بجد يانيسو تسلم ايدك
عالاقل تعلمي العالم اللي مبتعرفش تعمل حاجة دي:romarioxp6:
انا بعرف اعمل مكرونة:redface:

الحلو هيكون مرة تانية ان شاء الله
انتوا تأمروا
شوفوا لما ببقى فاضية بظبطكوا ازاى

Sharp Nails

18-01-2009, 04:33 PM

اية ياحاجة بدون تريقة كدة يعنى

نحط ملح قد اية يعنى ؟؟

ههههههههههه

لسة بكمل الموضوع

بس نعرف دى الاول

شكرا يانسمة على الاكل الجميل

ربنا يسترها

ومولعش فى المطبخ

هههههههههههههههه

فى رعاية الله

بص الملح والتوابل دية حسب النظر كدة
ولو المطبخ ولع يبقى فدايا:romarioxp6:

pureheart

18-01-2009, 04:58 PM

الغدة مرة وحدة
طب قولى فطار الاول
و على كدة بتعرفى تطبخى و لا ايه :confused:
طب المهم التكلفة بتاعة الغدة على مين:049gc0: مهو حرام انك كل يوم تغدينا فى بيتيك كدة مهو كدة البيت يتبهتل و لما الدراسة تيجى تلقى نفسك حتعطى تنفضى :blink:و تمسحى:wacko: و كمان الفلوس اللى انتى محوشاه تخلص:(
ايه نسيت مبروك على الاجازة :av4056bb7jp3:و عقبالنا كدة لما نخلص من الثانوية العامة و سننها:unsure:

أسيل رزق

18-01-2009, 05:07 PM

كده يا نسوم بتنافسينى يا بت :angry2:

مش انتى عارفة انى عاملة برنامج فتافيت هنا

بس ماشى مش هعديهالك بالساهل:040vk0:

كلها اسبوع و هرجع الموضوع تانى

و يا أنا يا انتى فى المطبخ ده:stickjo4:

:::::::

فكرتك كميلة يا نسومتى

و أهى شغلانة تلمك بدل ما انتى مابتعمليش بلقمتك :slap1qk6:

يلا يا سيدة أنا عايزاكى تطبخيلى محشى بتنجان بس أسود مش أبيض

و ليلتك هتبقى لون البتنجان لو طلع مش حلو:stickjo4:

سلام يا سيدة قصدى يا نسوم :romarioxp6:

Travel

18-01-2009, 11:01 PM

المهم النهاردة هعملكوا اول طبخة
بانية ومكرونة وشوربة لسان عصفور وهنحمر بطاطس للى عاوز

مفيش دليفرى:(

الاول الفراخ هنجبها ونغسلها بالخل والدقيق حلو
وبعدين نغسلها بالمية
وبعدين نجيب الكابة ونقطع فيها بصلتين حلوين كدة
لا
الا البصل
حرااااااااااااام
انا ماما كل ما تقولى تعالى اشتغليلك شغلانة تنفعك مستقبليا الاقيى الشغلانة المستقبلية
تقشير البصل وتقطيعه فى الكبة
:giljotiiniug3:
ونحطهم عالفراخ ومعاهم ملح وفلفل وليمون كتير ونقطتين خل
عشان الفراخ تحب الليمون
وقلب قلب قلب
خلصنا من البانية
نحطها فالتلاجة بقى تتبل
يجى ساعة ولا اتنين
جك فراخ فى عينك:slap1qk6:
وبعدين مش بتحب الليمون ولا حاجة
اسالينى انا :d
نروح عالمكرونة بقى
هنجيب طمطماية ونقطعها حتت
واهنا بنقطعها هنكون حطين مية عالنار تغلى شان نسلق المكرونة
وبعدين هنسلق الكرونة تكون حلوة كدة مش نسبها لحد ما تتعجن
خليها تتعجن
علشان تليق على الاكل الشهى :d
وبعدين نحطها فى مصفة ونغسلها كويس عشان النشا الى فيه تنزل
نرجع للطمطماية
خرطناها كويس وسلقنا المكرونة
نروح جيبين حلة ونحط فيها شوية زيت يسخنوا حلو اوى
ونروح رمين الطماطماية فيه وقلب قلب قلب
لحد ما تتشوح حلو ونلاقيها نزلت ميتها كدة
نكون محضرين الصلصة
ازاى؟؟هنجيب كوباية ونحط فيها معلقتين ونص صلصة
وعليهم مية مل الكوباية وقلب قلب قلب
ونروح حطنهم عالطماطم
ونسيب الصلصة لحد ما تعزل
ونحط ملح وفلفل وشطة
وياسلام بقى لو فى شوية عصاج نحطهم مع الصلصة
المهم خلصنا الصلصة وعزلت نحط عليها المكرونة وقلب قلب قلب
ونهدى النار ونسيبها تسخن

نروح للسان عصفور حلة برضه ونحط فيها سمنه تسيح حلو اوى
وبعدين نحط اللسان عصفور وقلب قلب قلب لحد ما لونه يبقى حلو مصفر كدة
ونروح حطين عليه مية ومعاهم مكعبين شوربة ماجى
وملح وفلفل واتنين حبهان
ونغطى عليه ونعلى النار لحد ما يغلى ويفور ويقع على البوتاجاز
وبعدين نقفل النار ونسيبه مع نفسه

نرجع للبانية اتبلت وبقت تمام التمام
هنجيب بيضة ونربها قلب قلب قلب مع شعرة فلفل
وطبق فيه الفيجتار الحار
ونطلع الفرخاية من التتبيله ونزل من عليها البصل
ونحطها فاليض وبعدين نطلعها ونحطها فالفيجتار
ونغطيها بالفيجتار
ونحمرها فالزيت اكيد

والبطاطس بقى سهل امرها ممكن نجيب زينب تقطعها وتعملها
زينب عاوزة الاكل دليفرى
والله مفطرتش لغايت دلوقت :(
ها شبعتوا ياولادى :romarioxp6:

حد بقى يجى يروق المطبخ عشان ضهرى اتقطم

اه
شبعنا من قبل ما ناكل
اكلا مسموما :romarioxp6:
ملى كملى
ياااااااااااه
لو الاعضاء فكرت تجرب الاكل ده
بجد هنقلل الكثافة السكانية :d

هانى الشرقاوى

18-01-2009, 11:05 PM

يبقى ضمنا تقلص معوى
هههههههههههه
بس على كل أنا محتاجلكم أوى ف الظروف المنيلة اللى أنا فيها دى
نفسى مرة أطبخ حاجة وتتعدل يعنى عشان أرضى غرورى وظروف الوحدة ربنا يخدها
بس بتعرفوا تتطبخوا ولا ده كله كلام فى الهوا وانتو زى حالاتى

dream2

18-01-2009, 11:34 PM

هههههههههههههه

تسلم ايدك فى جميع الاحوال

وبالهنا والشفا للاكيله

أسيل رزق

19-01-2009, 11:40 AM

ايه الحلاوة دى يا نيسو

افكارك زى وشك :slap1qk6:
اما نشوف اخرتها معاكى وطبعا برده انا ماليش دعوة بعمايل المطبخ دى
كفاية بعمل عندنا اوى:(:(:(
وعندى امتحانات كمان
انتى ممكن تاخدى ميهو فى الشغلانة دى
فاضية ومش وراها حاجة

كل ما افتح الميل الاقيها منورة:av4056bb7jp3:

يا نصباية :stickjo4:
أنا يا بت فاضية ومش ورايا حاجة .. يا فاشلة كل ما أدخل الاقيكى متلئحة أوف لاين وعمالة ترخمى عليا .. أسيح ؟ أسيح ؟؟:049gc0:
نهارك مش معدى إنهارده يا سارة:slap1qk6:

شكلى هغسلك انتى مش المواعين .. يا دزمة:angry2:

غورى يا بت روحى ذاكرى .. بدل ما نخلى "عثمان "فراش القسم :stickjo4:

:::::::::::::

زوبا لما هتشوفك يا نسوم مش هتسيبك فى حالك

على فكرة سرك فى بير مش هقولها إن الفراخ اللى طبختيها دى من فراخها العريقة:romarioxp6:

يلا بقى أنا عملت اللى عليا:cool: .. بس أنا مش هاكل من أكلك يا سيدة .. أصلك بتحطى مرقة و أنا بحب الطبيعى:006et4: .. :bosyht9:

حبيبى يا نسوم :wub:.. إن شاء الله القسم يقب على وش الدنيا :friendsxs3:.. بس ربنا يستر ومايغرقش منك انتى:d

Travel

19-01-2009, 12:08 PM

زوبا لما هتشوفك يا نسوم مش هتسيبك فى حالك
بس لما تدخل يا حقنة:040vk0:
على فكرة سرك فى بير مش هقولها إن الفراخ اللى طبختيها دى من فراخها العريقة:romarioxp6:
نيسو
:excl:
بقى بتطبخى فراخى العريقة يا دزمة
ماااااااااشى
لما اول يوم عاملالهم (فراخ) بانية
اومال باقى الايام هتعملى ايه
هتدبحينى انا:slap1qk6:
يلا بقى أنا عملت اللى عليا:cool: .. بس أنا مش هاكل من أكلك يا سيدة .. أصلك بتحطى مرقة و أنا بحب الطبيعى:006et4: .. :bosyht9:
يا ماهى اصلا اكلها ده اللى يفكر بس انه ياكل منه او يعمل زيه
يفتكر
كل نفس زائقة الموت:d

انتظرونا قريبا
مع الاكلة التانية
ملوخية بالقطط
(قطط نيسو):040vk0:

أسيل رزق

19-01-2009, 12:17 PM

انتظرونا قريبا
مع الاكلة التانية
ملوخية بالقطط
(قطط نيسو):040vk0:[/center]
ههههههههه

اوعى تقولى إنها فكرتى .. لحسن نسمة دى إيدها غبية أوى :(

هيييييييه بوظنالها الموضووووووووع :romarioxp6:

Travel

19-01-2009, 12:22 PM

ههههههههه

اوعى تقولى إنها فكرتى .. لحسن نسمة دى إيدها غبية أوى :(
شكلك مجرباها
دى نيسو دى رقيقة خالص مالص
اسالينى انا عن رقة لسانها:(

هو انا هقولها حاجة بس
اذا كنت انا حقنة 3 مل سريعة المفعول
يبقى انت المحلول نفسه يا حقنة:040vk0:
هيييييييه بوظنالها الموضووووووووع :romarioxp6:
هى مش عاوزة
قسم/المطبخ
يظهر شوية
ادينا بنطلعهولها
وبنعمله دعايا :d
مبروك عليكى يا نيسو الموضوع وهو بايظ:av4056bb7jp3:

أسيل رزق

19-01-2009, 12:30 PM

Sharp Nails

19-01-2009, 02:21 PM

النهاردة هنعمل حاجة عالسريع كدة
عشان انا زهقت منكوا بصراحة:d
بهزر
بصوا ياولادى ياحلوين
هعملكوا لحمة وبسلة ورز

اول حاجة هنجيب اللحمة ..حلو؟؟
ونجيب حلة _اظن مفيش احلى من كدة_:d

نبدأ من الاول عشان هنبتدى الجد بقى
نجيب بصلة ونقطعا فالكبة
وبعدين نحط سمنه فى الحلة ونسخنها حلو
ونجيب البصلة المتخرطة دية ونحطها فالسمنة وقلب قلب قلب
تصفر شوية كدة وبعدين نحط عليها اللحمة
وبرضه قلب قلب قلب
لحد ما اللحمة والبصل يتشوحوا حلو كدة
وتبقى اللحمة مش فيها اللون الاحمر دة تبيض كدة

وبعدين نجيب طماطم نقطعا فالخلاط ونحط معاها يجى 3 معالق صلصة
واضرب اضرب اضرب
وبعدين نحطها عاللحمة ونغطى عليهم ونسيبهم بقى يغلى مع بعض
لحد ما اللحمة تستوى وتبقى تمام التمام

استوت اللحمة وبقت زي الفل
نروح جيبين البسلة بقى المكورة دة
ونحطها فى الحلة معاهم
انا عن نفسى بحب احط جزر معاهم _عشان الجزر يقوى النظر_
ونسيبهم مع بعض برضه لحد ما البسلة والجزر يستوى حلو
مع طبعا بقى ملح على فلفل وكدة يعنى

نروح بقى نعمل الرز بعد ما نحط البسلة عشان على ما البسلة تستوى
يكون الرز هو كمان استوى
الرز دة بقى لعبتى
نجيب الرز ننقيه كويس ونغسله حلو اوى لحد ما اللون الابيض الى بينزل منه دة يروح
وبعدين ..وبعدين اية يانيسو ..اه نجيب حلة ونحط فيها سمنة ولما تسخن حلو نحط الشعرية
وقلب قلب قلب لحد ما تصفر الشعرية وتبقى حلوة كدة
وبعدين نروح حطين الرز ونشوحهم مع بعض دقيقتين كدة
برضه قلب قلب قلب
وبعدين نروح حطين مية لحد ما تغطى الرز وفوقيه سنة كدة
مش تحطوا مية كتير ليعجن ويبقى كور رز:(
وبعدين نحط ملح ونغطى عليه ونعلى النار
لحد ما ميته تتشرب ونروح مهدين النار ونسيبه بقى لحد ما يستوى
ولو حب شوية مية نديله عشان من السخونة بيعطش اوكى:d

ولو مثلا تحبوا نحمر بطاطس اتس اوكى
زوزو تحمرلنا بطاطس

وطبعا سلطات بقى
اى حد يعملها نخلى مها تعملها
عقابا ليها:stickjo4:

شبعتوا؟؟:d
سلام بقى حد يجى يروق المطبخ عشان ضهرى وجعنى
مالوقفة طول النهار
وانتوا ولا بيطمر فيكوا
:slap1qk6:
جاتكوا القرف فى خلفتكوا الى زى وشكوا
:angry2:
--------------------------------------
فاصل ونواصل غداا ومع تالت اطباقنا
:romarioxp6:

Sharp Nails

19-01-2009, 02:32 PM

بت يامها انتى وزينب
انكشحوا من وشى مش عاوزة اشوف حد فيكوا
وعالله اسمع بس صوت قباقيبكوا
عشان ان شاء الله هفشفشها فوق نفخكوا انتوا الاتنبن
وتبقى اخوات شجرة الدر
قال ملوخية بالقطط قال
جاتك القرف

همس

19-01-2009, 07:16 PM

هههههههههههههههههههههههههههههههههههههههههههههههههه هههههههه

بعد ما استحملنا الاكل الجميل دا

جتنا القرف في خلقتنا ؟؟

كفاية اننا مستحملين وبنافقك يا نيسو وبنقولك حلو

هههههههههههههههههههههههههههه

تسلم ايدك يا قمر

ولا تزعلوا خلوا السلطة عليا

انا اخصائية سلطة

شوفتي يا نسمة انا اغلب واحدة فيهم ازاي ؟؟

ههههههههه

بقولك ايه يا مخفية

انتي عليكي عفريت بيخليكي تكرري الكلمات 3 مرات ؟؟

قلب قلب قلب

اضرب اضرب اضرب

كل كل كل

موت موت موت

هههههههههههه

بعيد الشر علينا

ربنا يحفظنا جميعا

ويطلع اكلك حلو يا بت

بقولك ايه

انتوا عندكم بتحمروا بطاطس مع البسلة ؟؟

يا سلام

دا انتوا مطعم شفتشي

هههههههه

انا هدخل في تحدي مع البت زوزو

انا متأكدة محدش بيعرف يعمل البطاطس زيي

تسلمي يا نسمة

استمري استمري

انا معاكي

Travel

19-01-2009, 07:36 PM

ههههههههههههههههه

أنا هساهم بشىء بسيط جداً:028ja7:

هبعت خميس بتاع القلل:d يجيب لترين جاز وعلبة كبريت:bosyht9:

أنا لتر:romarioxp6: وانتى لتر يا زوبا:friendsxs3:

.. مؤكد هتيجى تولع فينا:039uw8::022yb4:

ونيسو علبة الكبريت :d
فكرة حلوة
بت يامها انتى وزينب
انكشحوا من وشى مش عاوزة اشوف حد فيكوا
وعالله اسمع بس صوت قباقيبكوا
عشان ان شاء الله هفشفشها فوق نفخكوا انتوا الاتنبن
وتبقى اخوات شجرة الدر
قال ملوخية بالقطط قال
جاتك القرف
ههههههههه
فى اوروبا والدول المتقدمة
بياكلوا
القطط مع الارز والاعشاب الطبيعية
(زى فيلم الارهاب والكباب):d

Sharp Nails

19-01-2009, 11:03 PM

هههههههههههههههههههههههههههههههههههههههههههههههههه هههههههه

بعد ما استحملنا الاكل الجميل دا

جتنا القرف في خلقتنا ؟؟
انا مش قولت خلقتكوا
انا قولت خلفتكوا تفرق
مش انا خلفتكوا ونسيتكوا
وبعملوا الاكل كمان:stickjo4:

كفاية اننا مستحملين وبنافقك يا نيسو وبنقولك حلو

هههههههههههههههههههههههههههه

تسلم ايدك يا قمر

ولا تزعلوا خلوا السلطة عليا

انا اخصائية سلطة

شوفتي يا نسمة انا اغلب واحدة فيهم ازاي ؟؟
هو بالساهل كدة هتعملى السلطة
دة لازم تدخلى دورات وامتحانات
الا السلطة

ههههههههه

بقولك ايه يا مخفية

انتي عليكي عفريت بيخليكي تكرري الكلمات 3 مرات ؟؟

قلب قلب قلب

اضرب اضرب اضرب

كل كل كل

موت موت موت
بالظبط كدة
ولما اشوفك يانيدو
هقولك لطش لطش لطش
:slap1qk6::slap1qk6::slap1qk6:

هههههههههههه

بعيد الشر علينا

ربنا يحفظنا جميعا

ويطلع اكلك حلو يا بت
اسألى محمد اللورد
اهوه جرب البانية ومنشكح منها

بقولك ايه

انتوا عندكم بتحمروا بطاطس مع البسلة ؟؟

لا اصلى لقيت 3 اكلات بس
فقولت نعمل اى لوك كدة
اى عك وخلاص قال يعنى انتوا بتميزوا

يا سلام

دا انتوا مطعم شفتشي

هههههههه

انا هدخل في تحدي مع البت زوزو

انا متأكدة محدش بيعرف يعمل البطاطس زيي

تسلمي يا نسمة

استمري استمري

انا معاكي
ماشى اما نشوف مين بطاطسته احلى
اصل البطاطس دية فن برضه
امال
؟؟!!

Sharp Nails

19-01-2009, 11:05 PM

ونيسو علبة الكبريت :d
فكرة حلوة

ههههههههه
فى اوروبا والدول المتقدمة
بياكلوا
القطط مع الارز والاعشاب الطبيعية
(زى فيلم الارهاب والكباب):d[/center]

دة انا الى هتحول واتأرهب
وهغتالك
:slap1qk6:
يابنتى كلى وقومى اغسلى ايدك
ولسانك بالمرة:slap1qk6:

همس

19-01-2009, 11:25 PM

ههههههههههههههههههههههههههههههههه

والله بجد

انا من غيركم مش اقدر اعيش

ربنا يخليكم ليا يا بنانيت

البت نيسو دي مصيبة بجد

عليها كلام والله ما اعرف بتجيبه منين

من الارض الي بعد سابع ارض

وطبعا زوزو حبيبي

غنية عن التعريف

هههههههههههههههههههههههههه

شفتي انا منشكحة اهو

من ساعة ما اكلت البطاطس مع البسلة

هههههههههه

يعيش عكك يا نسمة

سوري يعيش ابداعك يا نسمة

Sherif Elkhodary

19-01-2009, 11:28 PM

Travel

19-01-2009, 11:29 PM

دة انا الى هتحول واتأرهب

وهغتالك
:slap1qk6:
اهون عليكى برضه:blush:
يابنتى كلى وقومى اغسلى ايدك

ولسانك بالمرة:slap1qk6:

اكل
:excl:
انتى بتدعى عليا ولا ايه
:(

همس

19-01-2009, 11:33 PM

pureheart

19-01-2009, 11:39 PM

يوووه
بسلة و رز
ديه اكله رخمة
احنا حنشوفلنا طباخة تانية غيرك

Travel

19-01-2009, 11:39 PM

احم احم

نسمة ممكن بجد و الله مش بهزار بقا

عاوزك تعملي حاجة و اعملها زيك
و الله مش بهزر بجد
عاوزك تعملي بيتزا و قوليلي و انا اعملها
بس بجد مش عك و لوث كله كويس وخبط في الحلل والكلام ده
منتظر ردك

في امان الله

ههههههههههههههه

بيتزا يا شريف
انت عاوز تموت ناقص عمر ولا ايه
يا شريف
دى بتنفز اللى كانت بتشوفه فى الافلام
او
اللى كانت بتشوفه فى الحلم
ايام ما كانت بتحلم انها طباخة بريمو قد الدنيا :d
بس بتصحى بقى تلاقى نفسها على الارض
بيطلع ده كلوا من تاثير النوم على الارض
متحاولش يا شيرف انك تعمل اكل زيها
ولو عملته متخليش حد من البيت يدوقه
كفاية انت
لحسن يقولوا
مقتل اسرة فى ظروف غامضة
:giljotiiniug3:

بت يا زوزو
نحم يا معلمى :d
البت دي هيتقال عليها اشطر مننا في الطبيخ ولا ايه

خلى اللى يقول يقول
بس اهم حاجة
مش عاوزين حد يجرب
مش عاوزين خساير :040vk0:

Sharp Nails

19-01-2009, 11:41 PM

Sharp Nails

19-01-2009, 11:43 PM

احم احم
نسمة ممكن بجد و الله مش بهزار بقا
عاوزك تعملي حاجة و اعملها زيك
و الله مش بهزر بجد
عاوزك تعملي بيتزا و قوليلي و انا اعملها
بس بجد مش عك و لوث كله كويس وخبط في الحلل والكلام ده
منتظر ردك
في امان الله

اوبص بيتزا ؟؟!!
جيت فى ملعبى ياشريف
ماشى ان شاء الله قريبا
انتظروا العدد القادم
ربنا يستر
:(
هو انا اصلا حافظالى اكلتين
هحوم بيهم فالموضوع
بس بجد اوعدك هعملكوا بيتزا

Sharp Nails

19-01-2009, 11:50 PM

اكل
:excl:
انتى بتدعى عليا ولا ايه
:([/center]
الله يرحم
اول ما قولتلك هأكلك كنتى هتعيطى مالفرحة
:slap1qk6:
انتى تطولى يالى بتخافى مالبصل انتى

ههههههههههههههه

بيتزا يا شريف
انت عاوز تموت ناقص عمر ولا ايه
يا شريف
دى بتنفز اللى كانت بتشوفه فى الافلام
او
اللى كانت بتشوفه فى الحلم
ايام ما كانت بتحلم انها طباخة بريمو قد الدنيا :d
بس بتصحى بقى تلاقى نفسها على الارض
بيطلع ده كلوا من تاثير النوم على الارض
متحاولش يا شيرف انك تعمل اكل زيها
ولو عملته متخليش حد من البيت يدوقه
كفاية انت
لحسن يقولوا
مقتل اسرة فى ظروف غامضة
:giljotiiniug3:

اية يابت الخفة دية
هقع من طولى
يعنى مالدور السابع
زوزو
دول هيقولوا مقتل زينب من شارب نيلز
ياضنايا اتقى شرى
خافى منى اوك
:stickjo4:
وخافى مالجدع دة
انا بخده يخلص معايا
:stickjo4:
شايفة ايده قد اية
:d

خلى اللى يقول يقول
بس اهم حاجة
مش عاوزين حد يجرب

مش عاوزين خساير :040vk0:

جاربوا ياختى
قل موتوا بغيظكم انتى وهى
فى ناس جربت البانية وناس جربت المكرونة
اتكبسى
كوبس كابسة :av4056bb7jp3:
يالا يالى بتخافى مالبصل
دة انتى هيروحك :d

Sharp Nails

19-01-2009, 11:55 PM

بيتزا

يا سلاااااااااااام

دا اخرها البسلة يا شريف

اسألني انا عن البيتزا

بت يا زوزو

البت دي هيتقال عليها اشطر مننا في الطبيخ ولا ايه

انا كدا هبدأ احقد

بس بامانة انا بعرف اعمل البيتزا حلو اوي

بس هستنى لحد ما نسمة تقول

لان طبعا هي صاحبة الموضوع

كلها ليوم السبت يا بت يا نسمة وهفوق ليكي

وهآجي اطبخ وانضف معاكي
وهو انا فى ديك وفرخة الساعة لما تطبخى يافاشلة
يابنتى انا عاملة رهان عالقسم
بجد لجر رجليكوا كلكوا:d
لازم اكسب الرهان
دة ازازة فيروس اناناس وواحد شيبسى ومولتو وهوهوز
ولبان وغداوة فى مؤمن
وفى الاخرخروجة جدعة :d
هقف على باب القسم واقول ارب ارب ارررررررب

يوووه
بسلة و رز
ديه اكله رخمة
احنا حنشوفلنا طباخة تانية غيرك

وانتى ارخم
:slap1qk6:
مش بقولكوا خلفة تقرف
انا هبيعكوا فى سوق العبيد
:slap1qk6:

Sherif Elkhodary

19-01-2009, 11:59 PM

ههههههههههههههه

بيتزا يا شريف
انت عاوز تموت ناقص عمر ولا ايه
يا شريف
دى بتنفز اللى كانت بتشوفه فى الافلام
او
اللى كانت بتشوفه فى الحلم
ايام ما كانت بتحلم انها طباخة بريمو قد الدنيا :d
بس بتصحى بقى تلاقى نفسها على الارض
بيطلع ده كلوا من تاثير النوم على الارض
متحاولش يا شيرف انك تعمل اكل زيها
ولو عملته متخليش حد من البيت يدوقه
كفاية انت
لحسن يقولوا
مقتل اسرة فى ظروف غامضة

انتي رايك كده
؟؟؟؟

اوبص بيتزا ؟؟!!
جيت فى ملعبى ياشريف
ماشى ان شاء الله قريبا
انتظروا العدد القادم
ربنا يستر
:(
هو انا اصلا حافظالى اكلتين
هحوم بيهم فالموضوع
بس بجد اوعدك هعملكوا بيتزا

لا انا غيرت رايي
مش عاوز
هههههههههههههههه
(بهزر طبعا )
منتظر ان شاء الله
في أمان الله

مس رانيا حسن

20-01-2009, 12:01 AM

ها يا شباب
هتاكلونا ايه بكرة
بس ارجوكم خلوا بالكم مننا
عاوزين اكل ونروح بيتنا
مش نروح المستشفى
هههههههههههههه
فى امان الله

همس

20-01-2009, 12:08 AM

لا يا ميس رانيا

انتي غالية علينا جدا بجد

بلاش تآكلي من اكلها

احنا بنآكل فداكم

عشان محدش فيكم يآكل ويجرى فيه حاجة

هههههههههههه

انا قلت اقول لحضرتك عشان تآخدي بالك

كل الاكل
الا امل نسوم

pureheart

20-01-2009, 12:17 AM

وانتى ارخم
:slap1qk6:
مش بقولكوا خلفة تقرف
انا هبيعكوا فى سوق العبيد
:slap1qk6:يا نهارك ابيض
انا رخمة :angry2:
بقى كدة بعتينى مع اول قلم:wacko:
بقى مسواش عندك شوية بسلة :(
بعدين سوق العبيد دة ايه :mad:
هو احنا رجعنا فى العصر الجاهلى :slap1qk6:

Sharp Nails

20-01-2009, 12:20 AM

انتي رايك كده
؟؟؟؟

لا انا غيرت رايي
مش عاوز
هههههههههههههههه
(بهزر طبعا )
منتظر ان شاء الله
في أمان الله
بقى كددددددددددددددددة
:slap1qk6:

ها يا شباب
هتاكلونا ايه بكرة
بس ارجوكم خلوا بالكم مننا
عاوزين اكل ونروح بيتنا
مش نروح المستشفى
هههههههههههههه
فى امان الله
هنأكلكوا اية ؟؟!!
مفأجاة بقى
نيدو هى الى اقترحت عليا
ربنا يستر

لمى 2016

20-01-2009, 12:21 AM

يااااااااااااااااااااااا دى العك
ايه اللى انتوا عملينه دة
يا خيبتى يانى
معرفتش اربى صبرنى يا ربى
كدة كدة
ماشى يا ست كوتا
تعملى موضوع عن الطبيخ و مش تقوليلى
بعدين يعنى ازاى مش تستشيرى الشيف لمى
دة انا بعمل احلى شاى كشرى فى مصر
شوفتى حد بيعمل شاى و كشرى فى نفس الوقت قبل كدة
هههههههههه

الاستاذ محمد سرور

20-01-2009, 05:56 AM

بعد اذنك يا نسمة ممكن اشارك بسرعة معاكى

نتناول طريقة سهلة وناجحة لعمل البيتزا فى المنزل وهى:
أولا المقادير :
1)3 كوب دقيق
2) ملعقة خميرة جافة
3)ملعقة صغيرةسكر
4) 12 ملعقة كبيرة زيت،4 ملاعق لكل كوب دقيق
5) ذرة ملح
6) كوب ماء أو حليب
الطريقة :
1) ينخل الدقيق ويوضع فى اناء ويوضع عليه ذرة الملح ويقلب 2) فى هذه الأثناء نكون احضرنا ربع كوب ماء دافىء وأذبنا فيه الخميرة مع ملعقة السكر ثم نغطيها ونتركها لتتخمر
3) نضع الزيت على الدقيق وبفرك بالاصابع جيدا حتى يختفى الزيت
4) نضيف الماء بالتدريج الى الدقيق ويعجن جيدا مع اضافة الخميرة ويتم عجن المقدار جيدا حتى تتكون عجينة لينة متماسكة 5) تغطى العجينة وتترك فى مكان دافىء حتى تخمر لمدة لا تقل عن ساعتين فى هذه الأثناء يتم عمل الخلطة التى ستوضع فوق البتزا
المقادير للخلطة:
1) نصف كيلو طماطم مقطعة قطع صغيرة
2) بصلة مفرية
3) فصان ثوم مفريان ناعم
4) 2 ملعقة صلصة
5) ملعقة صغيرة سكر
6) فلفل اخضر واحمر واصفر مقطع مكعبات
7 ) نصف كيلو لحم مفروم أو دجاج مفرى أو أى اضافات ممكن قطط مقطعة طرنشات :):)
8 )ملح ؛ فلفل أسود؛ بهار ؛ 2 ملعقة كبيرة زيت

الطريقة :
يسخن الزيت ويوضع به البصل حتى يصفر لونه ثم نضيف الثوم ثم اللحم المفروم وقليل من الماء ثم يترك قليلا حتى يتم نضج اللحم ثم بعد ذلك نضيف باقى المقادير وتترك على نار هادئة حتى تمام النضج فى هذه الأثناء تكون العجينة جاهزة للعمل ؛؛؛؛؛؛؛ أحضر 2 صينية متوسطة الحجم او قوالب البيتزا قسمى العجينة الى جزئين وادهن القوالب بالزيت ثم أفرد فيها العجينة ثم أفرد عليها الخلطة بعد أن تبرد وزينها بالجبن الموتزاريلا أو الجبن الرومى وضعها فى الفرن لمدة ربع ساعة وبالهناء

الاسعاف 123 خدمة الاتصال مجانية :(:(

MoHaMeD ELsHeRbEnY

20-01-2009, 08:32 AM

وربنا شكلكم يضحك

ونسمة شديتكم كلكم للقسم

ههههههههههههههههههه

بعد اما كان محدش بيدخلة

بس شهادة حق

والله بجد يعنى

الفراخ طلعت حلوة

ونسمة طلعت طباخة بريمو

اهوة يانسمة واقف معاكى

اى خدمة ياحاجة

ههههههههههههههههههه

من يوم السبت هخلص امتحانات

واجى ليكى يانسمة اخد دورات تدريبية فى الطبيخ

ان شاء الله

فى رعاية الله

همس

20-01-2009, 09:04 AM

ههههههههههههههههههه

والله يا نسمة طلعتي ادها وادود

خليتي العالم كله يدخل المطبخ

شكرا يا استاذ محمد على الوصفة جزاك الله خيرا

واهم جزء بجد جزء خدمة الاسعاااااف

ههههههههههههههههه

بجد جزاك الله خيرا

ايه يا بت يا نسمة ما ترحبي بالناس الكبار الي معانا في الموضوع

منورين بجد ميس رانيا واستاذ محمد

منورين

dr.aaa

20-01-2009, 09:05 AM

ميرس يا نسة على الاكل الجميل وانتظري مني كمان رد علشان مستعجل

لمى 2016

20-01-2009, 09:08 AM

والله يا نسمة طلعتي ادها وادود

خليتي العالم كله يدخل المطبخ

عندك حق فعلا نيسو عملت حس للمطبخ كدة
مليته دوشة
هى صحيح عكت يا ما بس تشكر بردو
انا على فكرة مكنتش اعرف ان فيه قسم اسمه
المطبخ
الا اما هى عملت الموضوع
يلا هو دة حال الدنيا:romarioxp6:

dr.aaa

20-01-2009, 09:15 AM

النهاردة هنعمل حاجة عالسريع كدة

عشان انا زهقت منكوا بصراحة:d
بهزر
بصوا ياولادى ياحلوين
هعملكوا لحمة وبسلة ورز

ايه الطعامة دي بسلة ورز ولحمة ونسمة
ده احنا محدش قدنا انا مش هاكل في البيت تاني
انا مقيم في المطعم ده
بسي ياريت تكون الترابيزة ل4 أفراد :039uw8: :av4056bb7jp3::av4056bb7jp3:علشان اجيب أصحابي معايا
وبصي بقى يا نسمة لو هتعملي فراخ تاني بليز يعني هتقل عليكي :redface::redface: يبقى شليلي الصدر لان انا مش باكل الورك بسي طبعا في السر:049gc0::049gc0: من غير محد من الاعضاء ياخد باله
وعلى العموم أنا مستعد اساعد في المطبخ:078111rg3::078111rg3: وبما ان انا ثانوية عامة ومش فاضي وكمان فاشل :confused::confused:
ممكن اعمل انا الشاي بعد الأكل بسي مش بعده علطول علشان فايدة الاكل متروحشي يعني بعده بساعتين كده
وعلى العموم انا ما دقتش أكل بالطعامة دي قبل كده طبعا علشان من ايدك يا نسمة :078111rg3::078111rg3::078111rg3:
ميرس جدا ليكي :):)

++++++++++++++++++++++++++++++++++++++++++++++
وكمان انا مش هقدر انسى الاستاذ محمد سرور على البيتزا الجميلة :022yb4::022yb4:
وعلى فكرة ممكن نريح نفسنا ونطلب دليفري من أي مطعم :d:p

أسيل رزق

20-01-2009, 09:30 AM

هههههههههههه

بجد مش عارفة أعلق على مين

انتو مشكلة

وانتى يا بت يا نسمة بتزعقيلى ليه يا دزمة:slap1qk6:

هتعمليهم عليا ولا إيه؟؟:stickjo4:

وبعدين خفى شوية أكلتى منى الجو ،، شكلك عايزة تقفلى البرنامج بتاعى:angry2:

و اطبخى أكلة حلوة إنهارده;) .. عندى إنجليزى بكره وكالعادة مش فاهمة حاجة:022yb4:

يلا غوروا كفاية عليكم كده :wub::romarioxp6:

Rien

20-01-2009, 10:50 AM

ولو حب شوية مية نديله عشان من السخونة بيعطش اوكى:d

ملحوظة
المية اللى هاتتزود لازم تتسخن قبل ما تتحط
عشان لو اتحطت باردة زى ما كانت
الرز بيعجن
واسأل مجرب
:(
مش انا اللى جربت بس عرفت يعنى
هو انا اتجننت عشان اعمل اكل ولا ايه
لما اخلص ثانوية
اول مرة احس بقيمة الثانوية العامة
:bosyht9:
اى خدمة يا نيسو مظبطاكى اهو وباتعلم منك
:p
وبجد طالبة معايا اجرب اعمل حاجة من الحاجات اللى هاتحطيها ف الاجازة
عشان تبقى اول حاجة اعملها من طريقتك انتى
ربنا يستر
:d

شبعتوا؟؟:d
سلام بقى حد يجى يروق المطبخ عشان ضهرى وجعنى
مالوقفة طول النهار
وانتوا ولا بيطمر فيكوا
:slap1qk6:
جاتكوا القرف فى خلفتكوا الى زى وشكوا
:angry2:
--------------------------------------
فاصل ونواصل غداا ومع تالت اطباقنا
:romarioxp6:

باحب الثانوية العامة انا
:p
مستنيين الطبق الجاى
:078111rg3:

عندك حق فعلا نيسو عملت حس للمطبخ كدة
مليته دوشة
هى صحيح عكت يا ما بس تشكر بردو
انا على فكرة مكنتش اعرف ان فيه قسم اسمه
المطبخ
الا اما هى عملت الموضوع
يلا هو دة حال الدنيا:romarioxp6:
لالا نيسو مش بتعك
:slap1qk6:
دى مظبطانا
ربنا يستر
:blush:
بطلوا دوشة ف المطبخ بقى مش عارفة اذاكر
انا سايباه ليكوا وهاروح اذاكر ف قسم تانى
:slap1qk6:

همس

20-01-2009, 03:00 PM

نيسو:( الله يخليكي بعد أكلة النهاردة توقفي الموضوع لحد يوم السبت الله يخليكي بجد لأن مش هينفع افتح الجهاز الا يوم السبث:( لو بثحبيني بجد ارجوووكي. دا حتى الرد دا كتباه من الموبايل:(

Sharp Nails

20-01-2009, 06:48 PM

اولا انا اسفة ياولادى انى مش طبخت النهاردة
اصلى كنت تعبانة شوية
معلش بقى هناكل النهاردة
من بيتزا مستر محمد
تسلم عالبيتزا بجد جميلة
وتعالوا نصوم من هنا ليوم السبت الجاى
عشان نيدو مش هتدخل ياحرام
وانا بينى وبنكوا تعبانة الفترة دية
ومفيش دماغ اقف فالمطبخ
بس ممكن نبقى نعمل مع بعض اى حاجة كدة
لحد ما نيدو ترجع

pureheart

20-01-2009, 07:01 PM

هى ديه اخرتها
يومين اكل و بقى الاسبوع صيام:mad:
ادى اخرة اللى يمشى ورا العيال:slap1qk6:

هانى الشرقاوى

20-01-2009, 07:04 PM

Sharp Nails

20-01-2009, 07:13 PM

وأنا اللى قلت ان كل يوم هشوف طبخة جديدة بدل الارف اللى اللى أنا فيها ده
يا خسارة :)

بجد اسفة غصب عنى
بس هحاول ان شاء الله
ادخل كل يوم اعمل حاجة

هدى_60

20-01-2009, 07:34 PM

http://eshraqa1.com/vb/imgcache/2/57alsh3er.gif

Travel

20-01-2009, 09:44 PM

ها يا شباب
هتاكلونا ايه بكرة
بس ارجوكم خلوا بالكم مننا
عاوزين اكل ونروح بيتنا
مش نروح المستشفى
هههههههههههههه
فى امان الله
يا مس/رانيا
الاكل ده للمشاهدة فقط
مش للتذوق والتجربة
صدقينى انا:(

بعد اذنك يا نسمة ممكن اشارك بسرعة معاكى

يا مستر/محمد
احنا نطردلك نيسو خالص وحضرتك تقعد مكانها:romarioxp6:

7 ) نصف كيلو لحم مفروم أو دجاج مفرى أو أى اضافات ممكن
شكل البيتزا دى مش هتتعمل خالص:stickjo4:
قطط مقطعة طرنشات :):)
اه
دى ممكن
تبقى طعمها جامد اوى
صح يا نيسو
:confused:

الاسعاف 123 خدمة الاتصال مجانية :(:(

ههههههه
مستر/محمد
هو فى خدمة توصيل الاسعاف لحد عندنا مجانى
:confused:
لا بجد باين عليها هتطلع حلوة
بقى حضرتك بتعرف تطبخ
وانا اخرى فى المطبخ اكل محروق قصدى مشوى:(
واضح انى هستفيد من خبرة حضرتك فى المستقبل

Sharp Nails

21-01-2009, 02:46 PM

معلش بقى يانيدو هعمل الاكل النهاردة
الناس جعانة وعاوزة تاكل مش معقول هنخليهم يصوموا ليوم السبت
انا هبقى اشيلك طبقك

نبتدى الطبخة التالتة او تعتبر الرابعة والله
بعد بيتزا مستر محمد

هنعمل النهاردة ورق عنب وفراخ محمرة وشوربة لسان عصفور وبطاطس ((هدية العدد))
اولا الورق عنب
الخلطة بتاعته ::
هنجيب رز وننقيه ونغسله والحوار دة
وطماطم نضربها فالخلاط مع بصل وفلفل وملح
ونجيب خضرة ((بقدونس وكسبرة وشبت))ونقطعهم حتت صغيورة
وبعدين نجيب حلة حلوة كدة ونسيح فيها سمنه
ونروح حطين الصلصة فالسمنة ونسيبها تعزل
وبعدين نروح حطين الرز والخضرة ونقلبهم حلو مع بعضهم
دقيقين كدة ونروح طفين عليهم
نجيب بقى الورق عنب ونغلى مية فى حلة حلو ونروح حطين الورق عنب فالمية المغلية دية
تقلبتنين برضه لحد ما يستوى كدة ونطلعه نحطه فى مصفة
ونغسله بالمرة
وبعدين نجيب حلة حلوة بقى ونقطع فيها بصلاية وطماطماية
مع ملح وفلفل وممكن برضه نحط معاهم شرايح فلفل اخضر
ونلف الورق عنب ونرصه فى الحلة الحلوة دية
خلصنا من الورق عنب
اه ممكن برضه نحشى معاه فلفل رومى
عشان مش ينفع نعمل الورق عنب لوحده كدة

المفروض بقى واحنا بنعمل الورق عنب
نكون مولعين على الفراخ تستوى
اول حاجة هنغسل الفراخ بملح وخل ودقيق
وبعدين نغسلها بالمية ونحطها فى مية عالنار فى حلة اكيد
معاها بصلايه بملح وفلفل برضه واتنين حبهان
ونسيبها بقى ساعة مثلا لحد ما تستوى

نرجع تانى للورق عنب الى رصناه فالحله
ونولع عليه النار ونعليها خمس دقايق كدة ولا عشرة
ونروح حطين عليها شوربة من بتاعت الفرخة
لحد ما نغطيه بالشوربة
ونسيبه بقى النار عالية عليه لحد ما يشرب الشوربة دية
وبعدين نهدى النار عليه

وشوية شوية بقى هنلاقيه بيستوى
ولو لقناه لسة مش استوى والشوربة خلصت منه
نزوده شوية شوربة كمان

نرجع تانى بقى للفراخ _دوختكوا معلش_
هنطلعها من شوبتها ونصفيها
وبعدين نحطها فى صنية ونعص عليا ليمون مع فلفل
وندخلها الفرن لحد ما تحمر وتحلو كدة
بس اوعى تحرقوها:(

خلصنا من الورق عنب والفراخ
نعمل بقى اللسان عصفور دة عادى بقى
نسيح سمنة ونحمر فيها اللسان عصفور ونحط عليهم
شوربة من بتاعت الفراخ مع فلفل وملح

وممكن بقى كمالة عدد نحمر بطاطس
:)
شبعتوا؟؟

dr.aaa

21-01-2009, 02:58 PM

الحمد لله انا كده خلاص شبعت على الاخر :av4056bb7jp3::av4056bb7jp3::av4056bb7jp3:
مع اني مكلتش ورق العنب بسي ريحة الاكل كانت جميلة
وتسلم ايدك يانسمة
بسي انا زعلان لاني قلتلك انا مش باكل الورك
وانتي مش شلتيلي الصدر :(:(:(
وبعدين كويس ان احنا مش صمنا لحد يوم السبت :078111rg3:
الا بالحق مش في حاجة نحلي بيها :confused::confused:
هههههههههههه
يلا مش مهم
ميرسي اوي لحد كده
انا هتصرف واجيب حاجة من التلاجة

Taleba Me7tasa

21-01-2009, 03:05 PM

ههههههههه لا رايقين بجد
اجازة ايه يابنتى اللي خدتيها
مانتى علاطول اجازة
دة انا منين مافتح الميل الاقيكي منورة
اللهم لا حقد ولا حسد :040vk0:

وانتى يا بت يا زوزو
باذن الله هلم فراخك دي كلها واعملهالهم هنا غدا
دة اذا رضيو ياكلوها كمان :d

بس ملاحظة عودة البنات وبقوة لقسم المطبخ
كويس اتعلمولكو حاجة تنفعكو :d

يلا بقى رشحولى حاجة من دي اعملهالهم هنا فالاجازة باذن الله
(هيصعبو عليا اوي)

وابقى احكيلكم بقى تجربتي ف البيتزا :romarioxp6:

pureheart

21-01-2009, 04:00 PM

اخيراً
عملتى اكله عدلة:)
اهو كدة الناس تشبع
مش تقوليلى بسلة و رز:slap1qk6:

لمى 2016

21-01-2009, 04:20 PM

يا لهوس
يعنى عايزة تموتينا
عاملة لنا كوكو
عندها انفلوزة التيور
كدة برضو ينفع كدة يعنى
انا زوعلانة

Travel

21-01-2009, 07:55 PM

هنعمل النهاردة ورق عنب وفراخ محمرة وشوربة لسان عصفور وبطاطس ((هدية العدد))
يعنى اول اكلة
كانت فراخ بانيه وعديناها
قولنا ماشى
جاهلة مبتعرفش تطبخ
انما المرة دى كمان
فراخ
ده بقى اسميه ايه
حقد طبقى على فراخى
هبلغ فيكى جمعية الرفق بالحيوان
اوعى تبصيلهم تان:slap1qk6:
نرجع تانى بقى للفراخ _دوختكوا معلش_
هنطلعها من شوبتها ونصفيها
وبعدين نحطها فى صنية ونعص عليا ليمون مع فلفل
وندخلها الفرن لحد ما تحمر وتحلو كدة
بس اوعى تحرقوها:(
اه الله يخليكوا
دى كانت بنت ناس طيبييين اوى
الله يرحمك ويحسن اليكى:(

فرختى
خدوكى لحم
وكلوكى ورموكى عضم:(

وانتى يا بت يا زوزو
قولنا مليون مرة
مسميش بت:slap1qk6:
باذن الله هلم فراخك دي كلها واعملهالهم هنا غدا
دة اذا رضيو ياكلوها كمان :d

كلك عفريت وتعبان يا مؤذية انتى
امشى اطلعى برة يا لمضة
قال فراخى قال
انتوا تطولوا
:giljotiiniug3:

يا لهوس
يعنى عايزة تموتينا
عاملة لنا كوكو
عندها انفلوزة التيور
كدة برضو ينفع كدة يعنى
انا زوعلانة
اللى يزعل المنتدى يفوت جمل :d
فراخى عندها حماية خاصة
اى حد يقرب منها بتستعبط وتقول انها تعبانة
:romarioxp6:
اللى هيبص لفراخى تان انتوا حرين
فاهمة منك ليها ليها له:040vk0: