عتاب الى أخى شريف والمشرفين [الأرشيف] - بوابة الثانوية العامة المصرية

مشاهدة النسخة كاملة : عتاب الى أخى شريف والمشرفين

صقر المنوفية

19-01-2009, 03:56 AM

عتاب الى أخى شريف

أخى /شريف
لقد وضعت موضوع الى أخىشر يف والزملاء
وتم حذفه فى نفس اليوم
وتكلمت يومها على أن المنتدى أصابة السكون والهدوء وقلت أن الصمت والسكون فى المنتدى العظيم ربما يرجع الى مايحدث فى غزة وطالبت بعمل قسم خاص بكل ماهوجديد بالنسبة للكادر والامتحانات والنشرات والاستفسارات
ولكن كان ردك عنيف وقلت أن بسبب ما تشاهدة من أحداث فى غزة رفع ضغطك الى 170على 110 وقلت اصمت يا أخى أى كادر نتكلم عنه وبعدها بساعات قليلة عمل الاخ الفاضل جمال الدين موضوع على المرحلة الثانية وطبعا باركت له هذا وقمت بتثبيته وهذا ماكنت اطالب به فلماذا هذه الازدواجية
وهذا هو ردك على موضوع الاستاذ /جمال الدين وهو زميلى ودفعتى

الله عليك يا استاذنا الفاضل استاذ جمال
الموضوع حقا رائع ويخدم الجميع من الأعضاء الأفاضل
لذا اسمحلي بعد اذنك
سأقوم بتثبيت هذا الموضوع
لأهميته الشديدة لنا جميعا
و لكي نستفيد جميعا من خبرات حضرتك
و هو موضوع مشابه تقريبا لموضوع الاستاذ محمد فخراني المثبت
مشابه من حيث الفكرة
و ليس من حيث المحتوي
فكثير من المعلمين الأحباب في هذا القسم لديهم الكثير من الاستفسارات
في هذا الموضوع ينتظرون بشغف ردود ذوي الخبرة علي أسئلتهم
أتمني من الله أن يعينك علي هذا العمل
و لنقسم العمل فيما بيننا أخي الكبير الكريم
فقم حضرتك بالرد علي الاستفسارات بنشاطك المعهود
و سأتفرغ أنا إلي الاهتمام بتنسيق القسم و تنظيمه
ليكون هناك تكامل في أداء المهام المكلفين بها
و جزاك الله ألف خير علي مجهوداتك
و لا حرمنا الله منك في قسم الكادر أخي المعطاء

والسلام على من اتبع الهدى

محمد عبد العظيم وسية

19-01-2009, 07:59 AM

أستاذنا الكبير مقاما وسنا ..... صقر المنوفية الجريء

طبعا عتابك فوق رءوسنا جميعا ....
وإن دل فإنما يدل على كرم أخلاقك وحبك لعمل الخير ....

ومن المؤكد أنه حدث سوء تفاهم ولبس في الموضوع سيوضحه السادة المشرفون الأفاضل مستر شريف وأستاذ جمال ..

وشكرا لعتابك ..

لأنك اتبعت القول المأثور :

أبقاك من عاتبك .

صقر المنوفية

19-01-2009, 12:33 PM

سيف سالم

19-01-2009, 01:06 PM

جمال سراج

19-01-2009, 02:49 PM

انت ايه والاستاذ جمال ايه واحد
لا تزعل واجعلها تكاملية بين وبين الجميع
بس انا لي عتاب - اذا قبلت العتاب -
السلام عليكم ورحمة الله افضل من والسلام على من اتبع الهدي
كنت عاوز اقول كدا
سبقتنى الى الخير ان شاء الله
بارك الله فيك

M.Sherif

19-01-2009, 02:53 PM

استعنا ع الشقا بالله:)
كل يومين الاقي موضوع من نفس النوعية و اقعد أرد عليه بالتلات ساعات و يضيع اليوم
ياللا فداكم
حبيبي في الله صقر المنوفية ..يعلم الله عز و جل كم أحبك و أحترمك
و أتمني تواجدك الدائم معنا و غيري الكثير
فبالله عليك لا تحمل الأمور أكثر مما تحتمل
فالأمر و الله العظيم أبسط من ذلك بكثير
و دعني أرد علي كلماتك كلمة كلمة

وطالبت بعمل قسم خاص بكل ماهوجديد بالنسبة للكادر والامتحانات والنشرات والاستفسارات

أولا : عايز أعرف اقتراح حضرتك اللي طرحته في موضوعك اللي اتنقل تقصد بيه ايه؟؟؟؟؟؟ علشان انا فعلا مش فاهمه بصراحة والله العظيم
يعني ايه ((قسم خاص بكل ما هو جديد بالنسبة للكادر و الامتحانات و النشرات و الاستفسارات؟))
أمال صفحة الكادر اللي فيها موضوعات الاعضاء ...الاعضاء هيكتبوا فيها ايه غير كده؟ ما هوا ده تخصص قسم الكادر كله بحاله علي بعضه
ازاي اعمل كل ده في موضوع مثبت واحد؟ طب لما كل ده يبقا في موضوع مثبت واحد يبقا باقي الصفحة هيتكتب فيها ايه؟ أو نخصصها لايه؟؟؟
ده أولا ...ثانيا بقا انت حضرتك ماتعرفش ان في قسم فعلا عن استفسارات المعلمين عن الكادر و عن شئون العاملين و موضوع اخر عن الاختبارات مثبتين بالفعل؟؟؟؟؟؟؟؟
و لا حضرتك ماخدتش بالك؟
ده اللي انا فهمته من اقتراح حضرتك لانه عام جدا و شامل و مش محدد
ياريت توضح اكتر اقتراحك و انا اقسم بالله لو فكرة جديدة ومهمة لنا جميعا هنفذها فورا و سيتم تثبيت الموضوع فورا

ولكن كان ردك عنيف وقلت أن بسبب ما تشاهدة من أحداث فى غزة رفع ضغطك الى 170على 110 وقلت اصمت يا أخى أى كادر نتكلم عنه

يا أخي الفاضل و الله ردي ما كنش عنيف و لا حاجة انا كنت بس متضايق من اللي بيحصل و فعلا كان ضغطي عالي جدا و انت في موضوعك ده سألت سؤال و قلت ليه قسم الكادر في صمت و سكون و انا حبيت افسرلك الامر و اسف لو كنت وصلتلك وجهة نظري بصورة خاطئة ...

وبعدها بساعات قليلة عمل الاخ الفاضل جمال الدين موضوع على المرحلة الثانية

طب ما تيجي مع بعض كده نقارن بين اقتراحك في موضوعك و موضوع الاستاذ جمال
هل هناك وجه مقارنة؟؟؟؟؟؟
اساسا انا مافهمتش اقتراحك اسمحلي...
حضرتك كنت عاوز موضوعك ده يتثبت ولا ايه مش فاهم؟؟؟؟؟
اما موضوع الاستاذ جمال حضرتك مش شايف انه مهم و يستحق التثبيت؟؟؟
ياريت لو مش شايف تقولي
لو مش هيخدم الناس هنا ياريت تعرفوني يا جماعة و احنا نلغي تثبيته
نعمل استطلاع و اللي مش عايز الموضوع ده يتثبت يقول
فكرة الموضوع انه استفسارات بخصوص تطبيق المرحلة الثانية من الكادر..و النقطة دي هي اهم ما يشغلنا في هذا القسم ..و كل يوم الاعضاء يعملوا موضوعات استفسارات في موضوعات خاصة منفردة و كثرت موضوعات الاستفسارات و لا تجد من يرد عليها..لكن لما نجمع كل الاستفسارات في موضوع واحد و يرد عليها واحد بخبرة الاستاذ جمال الدين
بغض النظر عن كونه مشرف أو غيره
متهيألي كده هيبقا الوضع افضل
و لا ايه رأي حضرتك؟

وطبعا باركت له هذا وقمت بتثبيته

يعني ايه (( و طبعا باركت له))؟
الكلمة دي متهيألي ميصحش تتقال علشان عيب
احنا مش صغيرين للكلام ده
دي مش مباركة ده شكر علي الموضوع
زي ما بشكر ناس كتير جدا معظمهم اعضاء مش مشرفين و بس...أقسم بالله العظيم أنني لا يعنيني اطلاقا اسم صاحب الموضوع ..كل ما أنظر له هو قيمة الموضوع بالنسبة لنا في قسم الكادر وتقييمه...
و امتي انا باركت للاستاذ جمال علي اي موضوع ليه قبل كده؟ و ليه كلمة طبعا اللي حضرتك قولتها دي؟
تصدق بالله؟ و الله العظيم انا الي الان لم اتحدث مطلقا مع استاذ جمال علي الياهو مثلا مثل كل الاصدقاء..و لم أتشرف بالحديث معه لا وجها لوجه و لا في اي مكان غير يدوب رسالتين تلاتة علي الخاص و في ظروف تدعو الي ذلك و للاسف...اللي يسمع كلامك يا اخي العزيز يتصور اننا عاملين روباطية و عصابة مع بعض...
لا اله الا الله
اقسم بالله العظيم ما في حاجة من دي خالص..كل ردودي و مشاركاتي تأتي عفوية وليدة اللحظة تلقائية بدون ترتيب...أنا يا أخي الفاضل شخص تحركني العاطفة والشعور و الاندماج مع موضوعات الاخرين و كلماتهم و ليس مع أشخاصهم...و لو الواحد بتاع تربيطات و صداقات ما كنش يبقا ده حاله..أحب أن أطمئنك أنني لا أكره شئ في الدنيا قدر ما كرهت المجاملات و الكوسة علي حساب الاخرين..يا أخي الكريم أنا كنت بحترق أيام النتيجة بسبب الموضوعات اللي مالهاش علاقة بالقسم قبل أن أكون مشرف..و منذ فترة قصيرة الحمد لله أخذت وسام علي تنظيم القسم وترتيبه...بعد كل ذلك تفتكر اني هثبت موضوع مالوش لازمة مجاملة لمشرف أو مدير موقع حتي؟؟؟؟؟؟؟؟

وهذا ماكنت اطالب به

نفسي اعرف ايه اللي حضرتك كنت بتطالب بيه ده ؟؟؟؟
انا مافهمتش اقتراحك لانه غير منطقي
و لا علاقة لموضوعك بموضوع استاذ جمال نهائي
مش عارف بتقارن بينهم ليه؟
و موضوعك مش مكانه هنا
مكانه قسم الاقتراحات
ان كان اقتراح مقبول منطقيا اساسا

فلماذا هذه الازدواجية

شكرا جزيلا علي هذا الاتهام
جزاك الله خيرا
لكن ياريت يكون بأدلة

و أخيرا اقرأ ردودي أخي الكريم و أتمني بعد أن تقرأها تبعتلي علي الخاص انك قرأتها علشان احذف الموضوع ده !!
ايوه لازم يتحذف
عارف ليه؟
لان العتاب للمشرفين اتفقنا انه يكون علي الخاص
و هذا من قوانين القسم التي يجب أن تحترم
و أنا معك علي الخاص إلي ما يشاء الله
حتي لا ينشغل الاعضاء الافاضل بهذه النوعية من الموضوعات التي لن تقدم و لن تؤخر
و لا ايه رأي حضرتك؟

M.Sherif

19-01-2009, 02:57 PM

ومن المؤكد أنه حدث سوء تفاهم ولبس في الموضوع .

لبس ايه و سوء تفاهم ايه يا مستر محمد؟
هوا في ايه؟
مافيش حاجة حصلت اساسا
موضوعه كان اقتراح و كان اقتراح غير مناسب
و موضوع استاذ جمال موضوع استفسارات هام لنا جميعا وليس له علاقة
بموضوع الاخ صقر المنوفية اطلاقا لا من قريب ولا من بعيد

ففيما المقارنة اساسا؟؟؟
و ما وجه الازدواجية في ذلك؟؟؟؟؟؟؟؟؟؟؟؟؟؟؟

نعمه محمود

19-01-2009, 03:18 PM

الله يكون في عونك أخى شريف

انت ليك الجنة
هو كل يوم من ده
لالالالالالالالالالالالالالالالالالالالالالالالالا لالا
دى شغلانة المشرف دى طلعت صعبة اوووووووووووى

جمال سراج

19-01-2009, 03:23 PM

الله يكون في عونك أخى شريف

انت ليك الجنة
هو كل يوم من ده
لالالالالالالالالالالالالالالالالالالالالالالالالا لالا
دى شغلانة المشرف دى طلعت صعبة اوووووووووووى

بجد ربنا يكون فى عونه
بس هو لها
ربنا يعينك

medotops

19-01-2009, 06:07 PM

ولكن كان ردك عنيف
بدون تعليق

M.Sherif

19-01-2009, 06:10 PM

ولكن كان ردك عنيف
بدون تعليق
يا اخي بدون تعليق ليه؟
ماتعلق براحتك زي مانت عايز
المجال مفتوح
و الصدور متسعة ان شاء الله
و اسف بشدة ان كان تصور البعض ان ردي عنيف
مع اني والله مبتسم دوما طول منا بشارك في ردود كل الزملاء في هذا المنتدي

ربنا يعفو عنا جميعا

M.Sherif

19-01-2009, 06:15 PM

الله يكون في عونك أخى شريف

انت ليك الجنة
هو كل يوم من ده
لالالالالالالالالالالالالالالالالالالالالالالالالا لالا
دى شغلانة المشرف دى طلعت صعبة اوووووووووووى

و الله يا أخت نعمة مانصحكيش في يوم من الايام تكوني مشرفة
و خصوصا علي قسم عليه اقبال كبير
لانه محتاج طولة بال و تفرغ ووقت كبير مش موجودين عند معظمنا
لكن الحمد لله رب العالمين
كل الموضوعات اللي من النوعية دي
بيبقا هدفي الوحيد ان الاخ العضو الزعلان من حاجة انه في النهاية يصفي
و لو لا قدر الله أخطأنا في حقه يسامحنا و يعفو عننا
و تصفي القلوب و النفوس لنتفرغ لما هو أهم
علشان كده بحب أرد علي نقطة نقطة باستفاضة
علشان نتناول كل الجوانب
و كل الامور تبقا في غاية الوضوح و لمصلحة الجميع
ألف شكر علي كلماتك وجزاكي الله خيرا

medotops

19-01-2009, 07:17 PM

يا اخي بدون تعليق ليه؟

ماتعلق براحتك زي مانت عايز
المجال مفتوح
و الصدور متسعة ان شاء الله
و اسف بشدة ان كان تصور البعض ان ردي عنيف
مع اني والله مبتسم دوما طول منا بشارك في ردود كل الزملاء في هذا المنتدي

ربنا يعفو عنا جميعا

عموما سماح ياعم وصافى يالبن
وكل عام وانتم بخير

leprince

19-01-2009, 07:43 PM

ارجو منك اخى الفاضل ان تكون فهمت وجهة نظر اخانا شريف

بارك الله فيكم جميعا

اسامه القزاز

19-01-2009, 08:50 PM

الأستاذ والأخ الفاضل شريف ( أعتقد الضغط دا مش من غزة )
الأستاذ والأخ الكبير صقر المنوفية ( نحترمك ونقدرك ونستفيد من خبرتك بدون تثبيت )
الأستاذ القدير / جمال الدين عوض ( انت مكسب للجميع وخاصة لى )
حفظكم الله جميعاً ورعاكم وجمعنا دائماً على محبته لعمل الخير .

صقر المنوفية

19-01-2009, 09:18 PM

أخوانى الزملاء لقد أرسلت للاخ شريف رسالة على الخاص وطلبت منه حذف الموضوع لان الاختلاف فى الرأى لا يفسد للود قضيةووضحت له وجهه نظرى فى بعض الامورالخاصة بالموضوع
والسلام عليكم ورحمة الله وبركاته