تم انعقاد القمة العربية يقال عنها مؤتمر القمة
عنوان للوطن العربى وما يحدث فيه
بتفكرنى كلمة القمة العربية اننا نرى فيها 3 قمم

القمة الاولى هى قمة البرود
انتم عارفين ايه هى قمة البرود؟
وهى ان تشغل شريط فاضى تشغل الكاسيت وتحط شريط فاضى وتقعد تسمعة
القمة الثانية هى قمة السخافة
هى انك تقلب الشريط الفاضى وتسمعة برضة
القمة الثالثة هى قمة التناحة
قمة التناحة هى انك تعيد مقطع عجبك فى الشريط الفاضى
دى القمم التلاتى التى تعبر عنها القمة العربية
ليه؟
لانهم بيقولوا كلام فاضى وبيقلبوا الشريط الفاضى
وبيعيدو المقطع الى عجبهم فى الشريط الفاضى
كلام فارغ
كلام لا يؤثر
كلام لا يودى ولا يجيب
فعلا القمة العربية هى قمة البرود والسخافة والتناحة
عارفين ليه؟؟
علشان ببساطة شديدة جدا اى مؤتمر قمة اوروبى لما بينعقد بيروح كل الحكام المجتمع الاوربى بيتكلموا وعاملين فى حسابهم عند عودتهم انه سوف يجدوا شعب قادر ان يحاسبهم ويسطقهم فى الانتخابات وان يمنعهم من الجلوس على الكرسى الحكم مرة تانية
وسيجدون صحافة تحاسبهم عما تم اتخاذه من قرارات وتكشف وتفضح اى تصرف وتنتقدهم وتهاجمهم وتحاسبة
سيجدون احزاب معارضة تحاكمهم وتناقشهم وتعارضهم وتزلزلهم وتكشف وتفضح
كل حاكم اوروبى يجلس فى مؤتمر اوروبى عامل حسابة انه راجع فى الى يحاسبة ويسألة ويحاكمة
تعالى بقا على اى دولة عربية مصر - السعودية- البحرين - الامارات - الكويت- اليمن - ليبيا اى دولة
وشوف الصحف تانى يوم انعقاد القمة وشوف الصور لكل دولة على حدى ترى ان رئيسها هو الى كان منور القمة وانه كان القائد وصاحب الروئية وهو الذى قرر وهو الذى فكر وهو الذى عدل وهو الذى قرروهو الذى قاد ولولا وجوده لفشلت القمة ناهيك عن الصور وهم يعلمون جيدا انها فاشلة من قبل انعقادهااا

بس هم عارفين إنها فاشلة؟؟؟ لا أعتقد
هم عارفين إنها ناجحة حتى إن لم تنعقد
طبعا زى نسبة النحاج بتاعتهم وبنفس الطريقة 99,9%

هو انا مليش فى السياسة
بس هقول اللى جوايا من نحية المؤتمر ده
تقريبا دى سياسة زمان بالظبط
التاريخ بيعيد نفسه
. . . .
العرب بيقولوا هيعملوا وهيعملوا وكام مؤتمر اتعمل فى خدمة القضية زى ما هما بيقولوا
والنتيجة
O
العرب بيتخانقوا مع بعض
وكل ده بيخدم الحلف الاوروبى الصهيونى

زى كل مرة
الاجتماعات بتاعتهم
بس وجهة الاختلاف بيكون فى الاماكن بس :(

شكلى بخرف
:confused:

وبصراحة دي قمة قلة الأدب انهم يعملوا قمة على قدها كده في الظروف دي

بس هم عارفين إنها فاشلة؟؟؟ لا أعتقد
هم عارفين إنها ناجحة حتى إن لم تنعقد
طبعا زى نسبة النجاح بتاعتهم وبنفس الطريقة 99,9%

للأسف هم مش عارفين ناجحة والا فاشلة
لانهم لم يجربوا القمة الناجحة
والقمم الطبيعية للحكام العرب دائما فاشلة
لذلك اصبحت القاعدة هى الفشل
والعادة والتعود على الفشل وعدم التفاهم اصبحا هما القاعدة والاساس بين الرؤساء العرب

شكرك لمرورك الجميل يا مس هدى

هو انا مليش فى السياسة


بس هقول اللى جوايا من نحية المؤتمر ده
تقريبا دى سياسة زمان بالظبط
التاريخ بيعيد نفسه
. . . .
العرب بيقولوا هيعملوا وهيعملوا وكام مؤتمر اتعمل فى خدمة القضية زى ما هما بيقولوا
والنتيجة
O
العرب بيتخانقوا مع بعض
وكل ده بيخدم الحلف الاوروبى الصهيونى

زى كل مرة
الاجتماعات بتاعتهم
بس وجهة الاختلاف بيكون فى الاماكن بس :(

شكلى بخرف

:confused:


بالعكس انتى مش بتخرفى ولا حاجه

وجهة نظرك سليمة 100%

وبعدين مش لازم يكون لك فى السياسة علشان تقولى رأيك او تشعرى بما يدور من حولك

ووجهة نظرك سليمة جدا لما قولتى ان دائما الاختلاف او التغيير بيكون فى المكان لكن عمر المضمون ما تغير ابدا وكأن هناك اصرار على التخلف

المشاكل عندنا اصبحت متشعبة ومتفرعة بشكل مخيف
الاول كانت الخلافات بسيطة بين رئيس الدولة الفولانية مع الملك فلان الفلانى وانتهينا
الان والجديد تجد الخلافات داخل الخلافات وداخل داخل الخلافات تلاقى شوية خلافات تانية
على سبيل المثال
عندك الحكومة الفلسطينية + حركة حماس + حركة فتح

هؤلاء هم المدافعين الاوائل عن الارض المحتلة والمتصديين ( من المفترض) الى جيش الاحتلال
ومن المفترض ايضا ان يكونا قوة واحده ويد واحده
ولكن للأسف
حركة حماس فى صراعات كبيرة جدا بينها وبين السلطة الفلسطينية وايضا بينها وبين حركة فتح

والسلطة الفلسطينية على خلاف كبير جدا بينها وبين حركة فتح

يعنى ال3 على خلافات كبيرة جدا وانشقاقات تصل لحد الضرب والدماء فيما بينهم

ماذا لو اتفقت حركة حماس وحركة فتح فى المقاومة ضد العدو الغاشم وتركوا الخلافات جانبا؟

لدرجة ان عباس ابو مازن ( الرئيس) رفض حضور القمة التى تم انعقادها فى الدوحة لحل مشكلة بلادة

هل احد يتصور هذا؟؟
وذهب الى قمة الكويت التى من المفترض فى جدول اعمالها هو دراسة اقتصادية وان قصية عزة سوف تكون على هامش القمة

خلاصة القول ان كلامك المختصر صحيح جدا واننا دائما نختلف ونترك العدو ينهش ارضنا ويقتل اطفالنا ونحن نصر على الخلافات

شكرا لمرورك الطيب :stickjo4:

وبصراحة دي قمة قلة الأدب انهم يعملوا قمة على قدها كده في الظروف دي

الحقيقة انا مش فاهم قصدك

ياترى ايه الى مش عاجبك حجم القمة وشكلها؟

والا مضمون القمة وقراراتها ؟؟

شكرا لمرورك

للأسف هم مش عارفين ناجحة والا فاشلة
لانهم لم يجربوا القمة الناجحة
والقمم الطبيعية للحكام العرب دائما فاشلة
لذلك اصبحت القاعدة هى الفشل
والعادة والتعود على الفشل وعدم التفاهم اصبحا هما القاعدة والاساس بين الرؤساء العرب

شكرك لمرورك الجميل يا مس هدى

جزاك الله خيرا يا أستاذنا على هذا الموضوع ونحن الذين نشكرك على جرعة السياسة المغلفة بالشيكولاتة التى يمتلىء بها أسلوب مقالك الراقى خفيف الظل
لكن الحقيقة أنهم لم يتعودوا الفشل فجميع الإستفتاءات والإنتخابات تمام يا فندم
كذلك لم يعتادوا النجاح لأن النجاح يحتاج لعمل واجتهاد ..لا يعرفون كيفيته
إنهم اعتادوا الزيف هذا ما تعوده رؤساء العرب

وأشكرك مرة أخرى على هذا الموضوع الطريف المغلف بروح المرح والدعابة

بالعكس انتى مش بتخرفى ولا حاجه

وجهة نظرك سليمة 100%
بجد
طب كويس:(
وبعدين مش لازم يكون لك فى السياسة علشان تقولى رأيك او تشعرى بما يدور من حولك
اللى اقصده
انى لو ليا فى السياسة هكون متمكنة اكتر فى الرد
ووجهة نظرك سليمة جدا لما قولتى ان دائما الاختلاف او التغيير بيكون فى المكان لكن عمر المضمون ما تغير ابدا وكأن هناك اصرار على التخلف

المشاكل عندنا اصبحت متشعبة ومتفرعة بشكل مخيف
الاول كانت الخلافات بسيطة بين رئيس الدولة الفولانية مع الملك فلان الفلانى وانتهينا
الان والجديد تجد الخلافات داخل الخلافات وداخل داخل الخلافات تلاقى شوية خلافات تانية
على سبيل المثال
عندك الحكومة الفلسطينية + حركة حماس + حركة فتح

هؤلاء هم المدافعين الاوائل عن الارض المحتلة والمتصديين ( من المفترض) الى جيش الاحتلال
ومن المفترض ايضا ان يكونا قوة واحده ويد واحده
ولكن للأسف
حركة حماس فى صراعات كبيرة جدا بينها وبين السلطة الفلسطينية وايضا بينها وبين حركة فتح

والسلطة الفلسطينية على خلاف كبير جدا بينها وبين حركة فتح

يعنى ال3 على خلافات كبيرة جدا وانشقاقات تصل لحد الضرب والدماء فيما بينهم

ماذا لو اتفقت حركة حماس وحركة فتح فى المقاومة ضد العدو الغاشم وتركوا الخلافات جانبا؟
اهو انا بقى معرفش ولا حاجة من اللى حضرتك قولتها دى
بس ادينى عرفت خلاص
المشكلة فى ابنية الدولة وعمادها واقصد بيهم
الحكومة والزعامة المتخصة بحكايتها
دول لو اتفقوا هينصلح كل حاجة
انما للاسف الانقاسم موجود ما بينهم باستمرار
كان فى عفريت مقسوم
كل ما يتصالحوا يتخانقوا تان مع بعض:(
لدرجة ان عباس ابو مازن ( الرئيس) رفض حضور القمة التى تم انعقادها فى الدوحة لحل مشكلة بلادة
الدوحة دى فى قطر تقريبا على ما اسمع :d
اهم الامراء والزعماء والقادة العرب اتفقوا على انهم مش هيعتبروا مؤتمر الدوحة مؤتمر فعال
وهيكون بداله مؤتمر الكويت
عالم فاضية:)
هل احد يتصور هذا؟؟
وذهب الى قمة الكويت التى من المفترض فى جدول اعمالها هو دراسة اقتصادية وان قصية عزة سوف تكون على هامش القمة
تقريبا قضية غزة لما اتناقشت كانت بنسبة قليلة
واهتموا بالدراسة الاقتصادية اكتر
غزة ايه بس اللى هيهتموا بيها
كانوا ممكن يخلصوا المشكلة لو منعوا الغاز او البترول عن اسرائيل
بس هما ضعفا:)
خلاصة القول ان كلامك المختصر صحيح جدا واننا دائما نختلف ونترك العدو ينهش ارضنا ويقتل اطفالنا ونحن نصر على الخلافات

شكرا لمرورك الطيب :stickjo4:
والله طيب اهو المرة دى
هى كانت مشكلة بسيطة وراحت خلاص
اكييد حضرتك بتقول كده برضه
:d

أخي الحبيب بورسعيدي في ظني واعتقادي .. أن الوثيقة الختامية لأي قمة عربية تعد قبل انعقاد القمة ذاتها .. وهذا الاجتماع ليس إلا لأخذ بعض اللقطات الفوتوغرافية والمتحركة للحكام وهم مجتمعون ولي اقتراح لو سمحت أن يستعين الحكام العرب بأحد مصممي الجرافيك لتجميع صورهم الثابتة وتحريكها ومن ثم تسجيلها وإلقاء الصوت عليها وإخراج عمل فني رائع متكامل يسمى القمة العربية أو القمة تون وتبقى اخت سبيس تون ... وسلملي على القمم ..

أخي الحبيب بورسعيدي في ظني واعتقادي .. أن الوثيقة الختامية لأي قمة عربية تعد قبل انعقاد القمة ذاتها .. وهذا الاجتماع ليس إلا لأخذ بعض اللقطات الفوتوغرافية والمتحركة للحكام وهم مجتمعون ولي اقتراح لو سمحت أن يستعين الحكام العرب بأحد مصممي الجرافيك لتجميع صورهم الثابتة وتحريكها ومن ثم تسجيلها وإلقاء الصوت عليها وإخراج عمل فني رائع متكامل يسمى القمة العربية أو القمة تون وتبقى اخت سبيس تون ... وسلملي على القمم ..

حقيقى مداخلة مفيدة منك والله يا استاذ نجم

وتصوير وتشبيه غاية فى الدقة والاتقان بين الافلام الكارتون وبين قمه القمم

مع الاعتذار للافلام الكارتون ومحطات ازاعتها لاننا دائما نحب نشاهد الافلام الكارتون حتى لو كانت مكررة ودائما ما نستفيد منها ولكن القمم دى يابااااااااااى على ثقل دمها ودم من يشاركون فيها

شكرا لمشاركتك الهادفة

قمة القمم

انا لغاية دلوقتي مش عارف امير قطر

شكله عامل ازاي دلوقتي

الراجل ده كان عاوز يعمل قمه عشان

يظهر فالصوره ويبقي قدام الناس انه عمل قمه

اهه ومحدش يجي ويلومني اني موقتش جنب غزه

بس للاسف ماخترش الوقت المناسب

عشان يحبك قصة القمه دي

السعوديه ومصر فعلا مكنوش غلطانين انهم مراحوش القمه

يعني ايه دوله عاوزه تعمل قمه طارئه وكده او كده في قمه بعديها

ب 4 ايام ولا عشان نطلع في الصوره وخلاص

تيجي تسالهم ايه لازمة القمه الطارئه

وقمة الكويت خلاص فاضل عليها 4 ايام

يقولك لا كرامتنا

احنا منقبلش اننا نناقش امور غزه علي هامش مؤتمر اقتصادي

ده سبب ده

دي حجه دي

المهم يا قطر ان الزعماء يجتمعوا ويدونا قرار مش مهم هامش

بقي اساسي المهم انه يحصل اجتماع

وكمان قمة الكويت جابة نتايج اكتر من نتايج قمة الدوحه

تبرع امير الكويت 500000 الف دولا يعني نص مليون دولار

وتبرع السعوديه ب 2 مليار ريال لاعمار غزه

اهه ده الي حصل في الهامش وغيره وغيره يا امير قطر!!!!!!!!!!!!!!!!!!!!!!!!11


شكرا بجد يا استاذ مجدي علي موضوعك

القمة الاولى هى قمة البرود
القمة الثانية هى قمة السخافة
القمة الثالثة هى قمة التناحة

ياترى لو هعلق هعلق أقول إيه الضرب فى الميت حرام وإحنا ميتين وبننضرب ضرب ما أكلوش حمار فى مطلع ولا حرامى فى موقف .

ومفيش فى إدينا غير إننا نرفعها للسما ونقول بصوت عالى
يـــــــــــــــــــــــــــــــــــــــــــــــــ ــــــــــارب