ارجو من الجميع الدخول فى مشكلة تؤرقنى بشدة [الأرشيف]

مشاهدة النسخة كاملة : ارجو من الجميع الدخول فى مشكلة تؤرقنى بشدة

mrhamed

20-01-2009, 11:55 PM

السلام عليكم ورحمة الله وبركاته

بعد سلسلة من الاستفسارات حول امكانية اعادة الثانوية العامة رد عليه الكثيرين انه ممنوع وان كل طالب له الحق فى دخول الثانوى مرة واحدة فقط

طيب والواحد يعمل ايه لو مر يبه ظروف فى المرحلة الثانوية سواء مشكلات نفسية او صحية او غير ذلك واطاحت بحلمه بعيدا ويشعر دوما بعقدة الذنب فهو يريد ان يدخل كلية للاسف لاتقبل الا بمجموع فى بلدنا هذه

بحثت فى البلاد الاوربية الاخرى ووجدت ان دخول الكليات بها مرتبط باختبارات قدرات وان الى عايز يدخل الكلية الى بيحبها بيدخل , اذا هنا يفرض علينا دخول كليات للاسف ندخلها لان مجموعنا جاب تلك الكلية وبالتالى يخرج جريجين يعانون حالات احباط دائم ولايكون هناك ابداع ولاغير ذلك لان ببساطة معظم الطلاب داخلين كليات على عكس رغباتهم ووالامتحانات فى الثانوية والمشكلات التى يمروا بها تكون حائل فى سبيل ذلك

سالت عن سبب عدم وجود علماء فى مصر سنويا , ورايت اننا للاسف لانقدر حق التعليم فى مصر ولانعطى لطالب العلم حقه فاهى طوابير العاطلين تصطف سنويا وكان الكليات تخرج عاطلين لايصلحوا للعمل لانهم فى كليات لم يكونوا يريدونها

كانت تلك المقدمة ضرورية لاشرح لكم سبب انى قررت وفكرت فى اعادة الثانوية العامة متحملا كل الصعاب فيها مرة اخرى لتحقيق حلمى القديم , افاجا بالقرار السالف ذكره انه لايجوز اعادة الثانوية العامة باعتبار ان هذا الطالب اخذ حقه فى التعليم المجانى مرة واحدة

وهنا طرات على عقلى فكرة , لماذا لاتسمح الوزارة باعادة الثانوية العامة وتضع شروط فى سبيل ذلك
على سبيل المثال
من يريد اعادة الثانوية العامة عليه ان يسدد مبلغ من المال سنويا لادارة المدرسة
من يريد اعادة الثانوية العامة عليه تحمل كافة النفقات والاعباء المالية

وبالتالى ستحقق الوزارة هنا مكسب مادى لابأس به يمكنها فى استخدامه لتحسين المعامل داخل المدارس وهى لم تخسر شئ كل مافعلته ان اعطت لهؤلاء شرعية الاعادة فقط ولم تتكفل بتعليمهم او ماشابه

ان الوزارة ستضمن وبشكل كبير ان هؤلاء الطلاب دخلوا وهم يحملون هدفا فى عقولهم وبالتالى ستضمن ان يخرج منهم العلماء الذين ينفعون بلدهم لانهم اختارو التضحية بسنوات عمرهم مرة اخرى فى سبيل تحقيق احلامهم وهى تضحية لاتقدر بمال

والله لقد صعب على حالى وحالتى فى احباط مستمر واكتئاب لم استطع رغم قراتى للعديد من المقالات حول التنمية البشرية ان تزيل هذا الاكتئاب والاحباط فالانسان ليس الة وانما روح يريد ان يتعايش مع مايريد وياليت كنت املك من المال لادرس فى جامعة خاصة وا اسافر للخارج لاحصل على مااتمنى ولكن حالى كحال معظم شباب هذا البلد من الكادحين الذين يخرجون يوميا للحصول على لقمة عيشهم

صرخة اصرخها واتمنى من وزير التربية والتعليم د/يبسرى الجمل ان تصل له مناشدتى , بالسماح لى باعادة الثانوية العامة واصدار قرار بشان ذلك وانا على يقين من ان سيادته يشجع التعليم فى كل وقت حتى وان كانت فرصة ثانية

اناشد كل اعضاء ومشرفى وادارى المنتدى ممن لهم مركز فى وزارة التربية والتعليم سواء مدرسا او مديرا ان يوصل صوتى للمسئولين لانى تعبت من كثرة البحث والسؤال

انا لم ارد ان اكون من ضمن الذين يعملون فى وظائف لايتمنوها انا اعرف ان هذه البلد تستحق منا ان نعمل بجهد واخلاص لها ولكن لابد ان نعمل فيما نحب

كم كنت اتمنى لو ان نظام الثانوية الجديد يطبق منذ امد بعيد ولكن الحمد لله على كل شئ

وارجو مرة اخرى من المسئولين بوزارة التربية والتعليم دعمى , والله فكرت فى ارسال رسالة لسيادة الوزير برغبتى فى اعادة الثانوية العامة لعله يرد على ولكنى اردت طرح المشكلة على صفحات هذا المنتدى الكريم لعلها تلقى صدى

اتمنى من كل من يدخل لقراءة المشكلة ان يعتبرها جزءا منه وان يعمل على ان يصل الى المسئولين بها وليعم انه بذلك فهو قد احيى نفس ومن احياها فكانما احيا الناس جميعا

والله ولى التوفيق
انتظر ردودكم ودعمكم

7abiby el-awlany

21-01-2009, 12:20 AM

السلام عليكم ورحمة الله وبركاته
وعليكم السلام ورحمة الله وبركاته
بعد سلسلة من الاستفسارات حول امكانية اعادة الثانوية العامة رد عليه الكثيرين انه ممنوع وان كل طالب له الحق فى دخول الثانوى مرة واحدة فقط

طيب والواحد يعمل ايه لو مر يبه ظروف فى المرحلة الثانوية سواء مشكلات نفسية او صحية او غير ذلك واطاحت بحلمه بعيدا ويشعر دوما بعقدة الذنب فهو يريد ان يدخل كلية للاسف لاتقبل الا بمجموع فى بلدنا هذه
عوضه على ربنا
بحثت فى البلاد الاوربية الاخرى ووجدت ان دخول الكليات بها مرتبط باختبارات قدرات وان الى عايز يدخل الكلية الى بيحبها بيدخل , اذا هنا يفرض علينا دخول كليات للاسف ندخلها لان مجموعنا جاب تلك الكلية وبالتالى يخرج جريجين يعانون حالات احباط دائم ولايكون هناك ابداع ولاغير ذلك لان ببساطة معظم الطلاب داخلين كليات على عكس رغباتهم ووالامتحانات فى الثانوية والمشكلات التى يمروا بها تكون حائل فى سبيل ذلك

سالت عن سبب عدم وجود علماء فى مصر سنويا , ورايت اننا للاسف لانقدر حق التعليم فى مصر ولانعطى لطالب العلم حقه فاهى طوابير العاطلين تصطف سنويا وكان الكليات تخرج عاطلين لايصلحوا للعمل لانهم فى كليات لم يكونوا يريدونها
وده سؤال برضه ؟
كانت تلك المقدمة ضرورية لاشرح لكم سبب انى قررت وفكرت فى اعادة الثانوية العامة متحملا كل الصعاب فيها مرة اخرى لتحقيق حلمى القديم , افاجا بالقرار السالف ذكره انه لايجوز اعادة الثانوية العامة باعتبار ان هذا الطالب اخذ حقه فى التعليم المجانى مرة واحدة

وهنا طرات على عقلى فكرة , لماذا لاتسمح الوزارة باعادة الثانوية العامة وتضع شروط فى سبيل ذلك
على سبيل المثال
من يريد اعادة الثانوية العامة عليه ان يسدد مبلغ من المال سنويا لادارة المدرسة
يا عم هي ناقصه
من يريد اعادة الثانوية العامة عليه تحمل كافة النفقات والاعباء المالية

وبالتالى ستحقق الوزارة هنا مكسب مادى لابأس به يمكنها فى استخدامه لتحسين المعامل داخل المدارس وهى لم تخسر شئ كل مافعلته ان اعطت لهؤلاء شرعية الاعادة فقط ولم تتكفل بتعليمهم او ماشابه

ان الوزارة ستضمن وبشكل كبير ان هؤلاء الطلاب دخلوا وهم يحملون هدفا فى عقولهم وبالتالى ستضمن ان يخرج منهم العلماء الذين ينفعون بلدهم لانهم اختارو التضحية بسنوات عمرهم مرة اخرى فى سبيل تحقيق احلامهم وهى تضحية لاتقدر بمال
هأو ابقى قابلني
والله لقد صعب على حالى وحالتى فى احباط مستمر واكتئاب لم استطع رغم قراتى للعديد من المقالات حول التنمية البشرية ان تزيل هذا الاكتئاب والاحباط فالانسان ليس الة وانما روح يريد ان يتعايش مع مايريد وياليت كنت املك من المال لادرس فى جامعة خاصة وا اسافر للخارج لاحصل على مااتمنى ولكن حالى كحال معظم شباب هذا البلد من الكادحين الذين يخرجون يوميا للحصول على لقمة عيشهم
معلهش انت حاول تقعد مع نفسك وتلملم اوراقك بسرعة اكيد ربنا هيوفقك ان شاء الله

صرخة اصرخها واتمنى من وزير التربية والتعليم د/يبسرى الجمل ان تصل له مناشدتى , بالسماح لى باعادة الثانوية العامة واصدار قرار بشان ذلك وانا على يقين من ان سيادته يشجع التعليم فى كل وقت حتى وان كانت فرصة ثانية

اناشد كل اعضاء ومشرفى وادارى المنتدى ممن لهم مركز فى وزارة التربية والتعليم سواء مدرسا او مديرا ان يوصل صوتى للمسئولين لانى تعبت من كثرة البحث والسؤال

انا لم ارد ان اكون من ضمن الذين يعملون فى وظائف لايتمنوها انا اعرف ان هذه البلد تستحق منا ان نعمل بجهد واخلاص لها ولكن لابد ان نعمل فيما نحب

كم كنت اتمنى لو ان نظام الثانوية الجديد يطبق منذ امد بعيد ولكن الحمد لله على كل شئ

وارجو مرة اخرى من المسئولين بوزارة التربية والتعليم دعمى , والله فكرت فى ارسال رسالة لسيادة الوزير برغبتى فى اعادة الثانوية العامة لعله يرد على ولكنى اردت طرح المشكلة على صفحات هذا المنتدى الكريم لعلها تلقى صدى

اتمنى من كل من يدخل لقراءة المشكلة ان يعتبرها جزءا منه وان يعمل على ان يصل الى المسئولين بها وليعم انه بذلك فهو قد احيى نفس ومن احياها فكانما احيا الناس جميعا
انسب حل اللي قولتهولك فوق
والله ولى التوفيق
ربنا معاك وينولك اللي في بالك
انتظر ردودكم ودعمكم
في امان الله

Sharp Nails

21-01-2009, 12:47 AM

mrhamed

21-01-2009, 01:11 AM

اولا كدة بجد مش قادرة اقول كلمة
فى الظلم والقر الى البلد عيشاه دة
وبعدين معلش حضتك بتقول ان الطلاب الى مش اخدوا الثانوية وعاوزين يخدوها
يدفعوا مبلغ من المال وان تكون نفقات التعليم كلها على حسبهم
دة من اية ان شاء الله
المفروض ما دام انا جزئية من البلد دية
انسانة مواطنه فيها يبقى ليا حقوقى
وحقهم علينا انهم يتكفلوا بينا
بس نقول اية حسبى الله ونعم الوكيل
ربنا معاك يارب وان شاء الله تقدر
تكمل دراستك تانى

ياريت محدش من الادارين
ينقل الموضوع
دة بناءا على اتفاق بينى وبين زينب

اشكرك على اهتمامك بالموضوع
اولا بالنسبة لاقتراحى ان الدولة تاخد فلوس انا اقصد كحل للى عايز يعيد ثانوية بمعنى ان الدولة تتكفل بالمرة الاولى والى عايز يعيد يدفع ده الى اقصده , لانى سالت كثيرا والله العظيم ذهبت لاحد مديرى المدارس اساله رد عليه باسلوب غليظ ماينفعش ومااعرفش ايه

ولكن ان شاء الله صوتى يصل للمسئولين بفضل الله اولا ثم بتعاونكم فى نشر الموضوع على نطاق اوسع

Sharp Nails

21-01-2009, 01:16 AM

اشكرك على اهتمامك بالموضوع
اولا بالنسبة لاقتراحى ان الدولة تاخد فلوس انا اقصد كحل للى عايز يعيد ثانوية بمعنى ان الدولة تتكفل بالمرة الاولى والى عايز يعيد يدفع ده الى اقصده , لانى سالت كثيرا والله العظيم ذهبت لاحد مديرى المدارس اساله رد عليه باسلوب غليظ ماينفعش ومااعرفش ايه

ولكن ان شاء الله صوتى يصل للمسئولين بفضل الله اولا ثم بتعاونكم فى نشر الموضوع على نطاق اوسع

ما انا فاهمه ان حضرتك تقصد كدة
بس انا الى منرفزنى
ان دة يحصل
ليه اصلا احنا مسئولين منهم
وواجبهم علينا انهم يلبولنا طلبتنا
ربنا معاك يارب وان شاء الله
حد من المنتدى يقدر يوصل صوتك لمسئول او حد ليه يد فالموضوع
بالتوفيق ان شاء الله

mrhamed

21-01-2009, 01:56 AM

ما انا فاهمه ان حضرتك تقصد كدة
بس انا الى منرفزنى
ان دة يحصل
ليه اصلا احنا مسئولين منهم
وواجبهم علينا انهم يلبولنا طلبتنا
ربنا معاك يارب وان شاء الله
حد من المنتدى يقدر يوصل صوتك لمسئول او حد ليه يد فالموضوع
بالتوفيق ان شاء الله

لا بيقولوا ممنوع اعادة الثانوية العامة طالما حصلت عليها مرة , قصدهم ممنوع التفكير فى الاعادة اصلا ليه مااعرفش

mohamadelhawary

21-01-2009, 02:03 AM

كل ما أستطيع أن أقوله لك ولى أيضاً أن تحاول أن تصنع حلم يسهل تحقيقه

mrhamed

21-01-2009, 03:02 PM

كل ما أستطيع أن أقوله لك ولى أيضاً أن تحاول أن تصنع حلم يسهل تحقيقه

اعلم والله انه يجب على ان ابنى حلم اخر ولكن مااذا افعل وقد سيطر هذا الحلم على كل كيانى ولايوجد له حل سوى باعادة الثانوية العامة

فهل يصل صوتى الى المسئولين

mrhamed

22-01-2009, 09:10 PM

اين باقى الردود

mrhamed

23-01-2009, 03:43 PM

ارجو من المسئولين فى الموقع محاولة مساعدتى ولكم كل الشكر

GeNeRaL MB

23-01-2009, 04:32 PM

والله ما عارف اقول ايه

Dr.tuty

26-01-2009, 05:18 PM

اولا قدر الله وما شاء فعل
بس حضرتك مسألتش نفسك ليه مصر مش فيها النظام دة؟؟؟؟؟؟؟؟؟؟؟
اعتقد ان لو في حاجة في بلدنا مبنية ولو جزء بسيط على وجهة النظر الشخصية (القدرات مسألة نسبية) كلنا عارفين ان هيتدخل فيها المصالح الذاتية وساعتها بتكون الصدمة اكبر ميت مرة من اللي ميجبش مجموع............
اتمنالك التوفيق

shouaeb

27-01-2009, 12:15 AM

السلام عليكم
ازيك يمحمود:av4056bb7jp3:

لسة بردة مفيش امل
ولا يهمك ان شاء الله ها نلاقى طريقة

الهم هو انت سالت مين
وسالت فين:stickjo4:

عايزين نسعى فى الموضوع:049gc0:
عشان على بداية السنة الجديدة نكون وصلنا لحل:giljotiiniug3:

bonno

27-01-2009, 01:32 AM

اقعد مع الجمل و هلال
و لما تلاقي حل ابقا قولي
انتا مش عايش في مصر
مصر انسى يا عمرو

maha10137

18-12-2009, 11:43 PM

ازيك mrhamed انا عندى نفس مشكلتك ونفسى برده اعيد الثانوية العامة ومعايا حاليا ماجستير وبرده لما سالت على نظام الاعادة قالولى ماينفعش لانك حصلتى عليها قبل كده ونفسى اعيدها مرة اخرى ومش عارفة اعمل ايه
فعلا البلد دى بتحطم اى حد وعلى فكرة وانا فى الثانوية العامة حصلتلى ظروف صعبة جدا زاثرت عليا ومش عارفة اعمل ايه
ياريت تبعتيلى ونتكلم على الميل

زائر غير مسجل

31-12-2009, 08:29 PM

زائر غير مسجل

06-01-2010, 06:00 AM

أنا بكيت وأنا بقرا رسالتك..أنت بالظبط بتتكلم بصوتى ..ومعظم الناس اللى مدخلوش الكلية اللى عايزينها بينسوا الموضوع ده بعد كام سنة بس أنا للأسف مش قادرة أنسى..ومن كتر مارسالتك أثرت فيا دى أول مرة أعلق على موضوع رغم أنى بدخل النت من زمان

maha10137

17-01-2010, 02:23 AM

ازيكم عاملين ايه
ياجماعة ياريت كل اللى عنده المشكلة دى نجتمع كلنا ونقدم شكوى و نعتبرها مجازفة مش هنخسر حاجة اكتر من اللى خسرانه فى البلد دى
ياريت لو عايزين بجد تسيبوا ايميلاتكم ونشوف هنعمل ايه

ZerOo_CodE

18-01-2010, 02:54 AM

اعتقد انه الحل فعلا هو اللى قالته

maha10137

اولا اللى قالته عين العقل

ثانيا انتوا كتير ومش هتخسرو حاجه

بس لو ممكن منعلقش العيب على البلد وانا شايف الكل

معلق عليها العيب رغم انها ملهاش ذنب الذنب فى النظام اللى فيها

صدقونى بإيدينا نغير كل حاجه للأحسن لو احنا ..............

بس للأسف كله بينظر إلى الآخر

ويقف محلك سر لا يحل ولا يربط

لو غيرنا من انفسنا هنتقدم كتير

**تسابيح**

18-01-2010, 09:32 AM

ايه ياجماعة دا
ازاي يعني افهم بس!!
الاستاذ بتاع الانجليزي ذاكر ثانوية عامة ودخل طب بيطري
وهو دلوقتي في اخر سنه مع انه معه كلية تربية
وكمان واحد قريبي في حقوق وأخذ ثانوية عامه مع انه كان صناعه قبل كدا
وناس تانية كثير
يعني اللي عايز يعيد هيعيد بس بستغرب ان فيه حد بيقول مينفعش ......!!
ربنا يوفقك
مع اني ضد الاعادة بس دي ميول وحب بقي
بس حضرتك كنت بتدرس ايه!
سؤال فضولي:d

ياريت لو عايزين بجد تسيبوا ايميلاتكم ونشوف هنعمل ايه

ممنوع وضع ايميلات

سلالالالالالالالالالام

عضو غير مسجل

23-01-2010, 06:24 PM

فعلا أنا معاكى يامها لازم نعمل حاجة..وأنا معاكو

زائر غير مسجل

31-01-2010, 11:53 AM

والله العظيم نفس مشكلتى بس انا اكتر شويه لانى محدش عرفنى حكاية انو مينفعش الاعاده دى وكمان دخلت اولى ثانوى ونجحت ودخلت تانيه وبعد ما اهملت كليتى وقعدت اذاكر ثانويه فى شهر خامسه قالولى ميتفعش تعيدى وانا دلوقتى فى تالته اعلام ضاعت منى الصيدله على 3من عشره بس يعنى درجه ونص والله بالذمه فى ظلم اكتر من كده ياريت كل اللى عنده المشكله دى نجتمع كلنا يمكن حد يعبرنا ونلاقى حل

كومودو

15-02-2010, 10:42 PM

انا برضو يا جماعة مهتم بالموضوع دا وهوا تقريبا ينفع بس مش عارف ازاي
لو حد عارف يكلمني على الايميل
mohamedinv***********
شكرا

ahmedkuwit

23-02-2010, 01:03 AM

امممممم نفس مشكلتي من الواضح ان الشيطان بيستخدم نفس الخطه والطريقه في الضحك علينا كلنا:abdoog8: عاوزين حل

smsm.com

25-02-2010, 08:08 PM

ربنا
معاك
ويوفقك

maha10137

01-03-2010, 03:23 AM

ازيكم ياجماعة على فكرة انا لسه مهتمية بالموضوع لو حد عاوز يجرب معايا ونكتب طلب ياريت يرد عليا

XMTMX2009

12-03-2010, 01:09 AM

انا برد مهتم بس عايزين نعرف ايه النظام

ramy_adel

13-03-2010, 04:45 AM

الحمد لله انا لقيت الحل لكل من يرغب فى اعادة الثانوية ولانى مررت بظروف مشابهة وعرفت الحل الوحيد مش هابخل على اى حد
اخوكم فى الله

عطاوية

16-03-2010, 01:59 PM

السلام عليكم و رحمة الله

كيف بالله عليك يا رامى يمكن اعادة الثانوية العامة؟ لقد حصلت على الثانوية العامة منذ حوالى عشر سنوات و حاولت التقدم لها مرة اخرى بدون جدوىز أرجوا الافادة بالله عليك يا رامى.

جزاكم الله خيرا

Aimless

16-03-2010, 11:57 PM

الحمد لله انا لقيت الحل لكل من يرغب فى اعادة الثانوية ولانى مررت بظروف مشابهة وعرفت الحل الوحيد مش هابخل على اى حد
اخوكم فى الله

ياتري ماهو الحل اخي الكريم
:)

عطاوية

18-03-2010, 08:06 PM

الحمد لله انا لقيت الحل لكل من يرغب فى اعادة الثانوية ولانى مررت بظروف مشابهة وعرفت الحل الوحيد مش هابخل على اى حد
اخوكم فى الله

يا أخى الكريم رامى ارجوا بالله عليك أن تخبرنا بهذا الحل. لقد أنتظرت أكثر من عشر سنين و أنا أعيش على أمل واحد و هو اعادة الثانوية العامة. أرجوا الافادة و لكم الأجر و الثواب من الله.

ramy_adel

23-03-2010, 02:35 PM

ارجو التواصل من خلال الايميل ramyadel_shehata yahoo

عطاوية

23-03-2010, 09:30 PM

شكرا على email
جزاكم الله خيرا

عطاوية

23-03-2010, 09:32 PM

ارجو التواصل من خلال الايميل ramyadel_shehata yahoo
شكرا على الرد

XMTMX2009

25-03-2010, 05:38 AM

مش عارف انت محطتش تجربتك ليه المهم تما الاضافة

maha10137

26-03-2010, 02:27 AM

عطاوية

26-03-2010, 06:54 PM

ياجماعة انا كمان عاوزة اعيد الثانوية العامة بس كمان عاوزين نتاكد هو دخول كليات الطب او الصيدلة لهم سن محدد علشان فى ناس بيقولوا كده احسن نعيد الثانوية العامة وفى الاخر نروح تجارة او اداب وياريت كل اللى عاوز يعيد يكون على تواصل مع بعض

لا أعتقد أن دخول الكليات دى بالسن فهناك طالب نشرت عنه الجرائد منذ فترة و كان فى كلية الطب و عنده 60 سنة.

عطاوية

26-03-2010, 06:55 PM

ياجماعة انا كمان عاوزة اعيد الثانوية العامة بس كمان عاوزين نتاكد هو دخول كليات الطب او الصيدلة لهم سن محدد علشان فى ناس بيقولوا كده احسن نعيد الثانوية العامة وفى الاخر نروح تجارة او اداب وياريت كل اللى عاوز يعيد يكون على تواصل مع بعض

لكن مين قالك يا مها أن دخول هذه الكليات مرتبط بسن معين؟

reem_a

06-04-2010, 01:30 AM

السلام عليكم
اعزائي كل من شارك في هذا الموضوع أعدتم لي الامل مرة أخرى وجددتم أحلامي
أتمنى ممن يتوصل لحل انه ينشره ويبلغنا

زائر غير مسجل

12-04-2010, 10:59 AM

كل ما أستطيع أن أقوله لك ولى أيضاً أن تحاول أن تصنع حلم يسهل تحقيقه

زائر غير مسجل

27-04-2010, 10:56 PM

يا جماعه انا كمان بجد عاوزه اعيد ثانوي عام انا اداب انجليش وبعمل ماسترز ومش هتصدقوا حجم الكارثه الى انا فيها وانا عماله الف من كليه لكليه علشان الاقى دكتور يمسكلى الرساله والله العظيم حرام كده يعنى ظرف فى ثانويه عامه ضيع مستقبلى ومنعنى احقق حلمى ودلوقتى كمان قارفنى ومش عاوزين يسجلولى طيب قولولى اعمل ايه انا طهقت ربنا ياخدنا من البلد دى بقه الى يعرف اى طريقه نعيد بيها ثانوى الله يكرمه ميتاخرش عليا وده ايميلى mom_mamy2002***********

menaa.alaa

30-04-2010, 07:09 PM

ياجماعه انتو لسه الموضوع فى دماغكم ولا كبرتوا دماغكم ولا ايه؟ ياريت الى وصل لحاجه يساعدنا ويعرفنا.استاذه مها ومستر حامد وصلتوا لايه؟وهتكملو بجد فى موضوع الشكوى ده ولا ايه؟ احنا لازم نتجمع كلنا ونشوف هنعمل ايه. وبعدين الاستاذ اسلام الى قال انه ممكن الامتحان فى سفاره لبيبا حد عرف يوصلو؟ ارجوكم التواصل معايا ايميلىmom_mamy2002*yahoo

menaa.alaa

30-04-2010, 07:13 PM

طيب احنا ممكن نكتب الشكوى ونبعتها كلنا لايميل الوزير يمكن يبص فيها الايميل Minister*moe.gov.eg

عــــابر ســــبيل

30-04-2010, 07:32 PM

لكن مين قالك يا مها أن دخول هذه الكليات مرتبط بسن معين؟

نعم الكليات العملية بالتحديد مرتبطة بسن معين

باتول المبروك

03-05-2010, 04:39 PM

امممممم نفس مشكلتي من الواضح ان الشيطان بيستخدم نفس الخطه والطريقه في الضحك علينا كلنا:abdoog8: عاوزين حل

والله نفس مشكلتى امنية حياتى اعيد الثانوية العامة لانى دخلت معهد مش كويس خالص وغير كدة انا مريت بظروف صعبة فى الثانوية هى الى خلتنى اجيب المجموع ده الحمدلله على كل حال بس انا لما هعيد الثانوية العامة مشاكل كتير اوى هتتحل باذن الله بجد امنية حياتى اعيد الثانوية العامة ويارب يارب يكون ليا الفرصة وعلى فكرة انا احتمال لقدر الله يجيلى مرض نفسى بسبب الموضوع ده لان ده امنية حياتى بمشيئة الله وكمان انا سألت السنة ديه من شهرين قالوا انه ينفع عادى وانتوا هنا بتقولوا معدش يعنى هما ممكن يكونوا ضحكوا عليا ولا ايه اتمنى غير كدة لانى والله العظيم ديه امنية حياتى بعد رضا ربنا طبعا

عطاوية

07-05-2010, 09:03 PM

طيب احنا ممكن نكتب الشكوى ونبعتها كلنا لايميل الوزير يمكن يبص فيها الايميل minister*moe.gov.eg

فكرة كويسة بس يا ريت تبعت و متستناش حد

maha10137

29-05-2010, 12:44 AM

السلام عليكم انا بعت للايميل الوزارة وبعتولى الرد فعلا وقالولى طالما عيدتيها مرة ليس لكى الحق فى اعادتها مرة اخرى ياريت الكل يبعت يمكن لو شافوا شكاوى كتير يوافقوا على الاعادة

maha10137

26-08-2010, 05:16 AM

ازيكم ياجماعة
انتوا نسيتوا موضوع الاعادة خلاص

clinical chemist10

26-08-2010, 07:41 AM

بالنسبه للكليات عادي ممكن تاخد بكالوريوس بعد بكالوريوس تاني ودي ميزه موجوده في بعض الكليات ومنها كليه علوم لكن محدش بيعملها بسبب ان فرص العمل تقريبا واحده فاللي يخلي واحد يتجه لدراسه بكالوريوس جديد يخليه انه افضل ياخد ماجستير ودكتوراه وممكن يراس خريجي الكليات الاخري فيحق لخريج كليه العلوم ان ياخد بكالوريوس صيدله ويحق لخريج كليه صيدله ان ياخد بكالوريوس علوم ولكن الاغلبيه مبيعملوش كدة لان تقريبا هي هي فرص العمل وبيحضرو دراسات عليا

maha10137

27-08-2010, 05:03 AM

حتى لو كنت ادبى وخريجة تجارة ممكن ادخل علوم

memo7351

22-09-2010, 05:40 PM

بسم الله الرحمن الرحيم
السلام عليكم ورحمة الله وبركاته

لقد كانت امنيتي ان اعيد الثانوية العامة مرة اخرى

ولكن (والحمد لله)
استفسرت عن الامر عند اصحاب الامر

تم الاستفسار من قبل
ادارة الهرم التعليمية بالجيزة
ادارة عابدين التعليمية بالقاهرة

وكانت الاجابة

انه لا يجوز لاي شخص حصل على شهادة الثانوية العامة ان يقوم باعادتها مرة اخرى

وعند السؤال عن
اذا كان هذا قرار جديد

كانت الاجابة

انه لم يكن اصلا هناك اعادة للثانوية العامة من قبل
وانه لا يجوز لمن حصل عليها ان يعود مرة اخرى لكي يحصل عليها

وعند السؤال عن من هم الذين يأخذونها منازل

كانت الاجابة

الراسب والذي لم يحضر الدور الثاني للامتحان معا
اذا اجتمع فيه الشرطين السابقين معا يجوز ان يأخذها منازل
وذلك لانه مازال لم يحصل على شهادة الثانوية العامة

ارجو ان تكون الامور اصبحت واضحة لدى الجميع

وارجو من السادة الافاضل الذين يردون على الموضوع دون معرفة منهم وعن جهل تام بالموضوع ان يصمتوا ولا يضللوا الاخرين بجهلهم او على الاقل يستفسروا عن الموضوع قبل ان يردوا

تقبلوا خالص تحياتي وامتناني
وشكرا...

with no name

29-09-2010, 11:51 AM

انا كمان نفسى قوى فى الموضوع دة يا ريت يا جماعة تقولوللى حل من فضلكم لو لقيتو حل ؟ :s:s:s

menaa.alaa

08-10-2010, 03:08 PM

يامها يعني انتي عيدتيها قبل كده ودي تالت محاوله ليكي ولا ايه لاني انا اخدتها مره واحده بس من سبع سنين وبيقولولي مفيش اعاده خالص لو عدتيها مره بعدها عرفيني وقوليلي عملي ايه كمان ايه موضوع انه ممكن تاخد بكالورويس وتقدم في كليه تانيه مش فاهمه ؟الى وصل لحاجه يعرفنا

menaa.alaa

08-10-2010, 03:09 PM

ازاى تكوني ادبي وخريجه تجاره وتدخلي صيدله ولا علوم هل ده ينفع؟يعني انا اداب انجلش ممكن ادخل صيدله ؟ ماتفهمونا ياجدعان

maha10137

10-10-2010, 01:53 PM

السلام عليكم
مش انا اللى قولت يامونى ده عضو هنا اللى قال كده وانا بسال ينفع لو حد ادبى يدخل علوم وفقا لكلامه لكن انا مش عارفة
وياريت لو حد عرف انه ينفع الاعادة يقول لانى سالت وقالوا ماينفعش

الصقر المصرى 1

24-12-2010, 01:29 AM

يا جماعه أعتقد ان الحل الوحيد ان احنا ناخد الدبلومه الأمريكيه وبعدها ندخل كليه عمليه كويسه تناسب طموحتنا ورغباتنا
هى مكلفه حوالى 17 ألف جنيه مصرى فى السنه وطبعا مستواها أكبر بكتير من مستوى الثانويه العامه وكلها بالانجليزى
ومعترف بها من جميع دول العالم وممكن تدخل بها كليه فى مصر او فى اى مكان فى العالم

maha10137

28-12-2010, 02:22 AM

السلام عليكم
ازيك ياصقر اخبارك ايه هى الدبلومة دى تنفع لو كنت اصلا ادبى وعاوزة ادخلها علشان ادخل كلية علمية و لا لها شروط معينة
ياريت لو تفهمها كويس تبلغنى بها

الصقر المصرى 1

28-12-2010, 10:19 PM

الدبلومه دى هى الثانويه العامه الأمريكيه ومالهاش علاقه بالسن ولا كنتى أدبى أو علمى فى الثانويه العامه والتفاصيل هحاول ابعتها لكي

menaa.alaa

21-01-2011, 01:28 AM

ايه ياجماعه مفيش جديد؟ محدش وصل لحاجه؟مها انتي ودكتور محمد موصلتوش لحاجه؟ هو كان قال انه لما هيرجع مصر هيروح يسال ومن ساعت مارجع منعرفش عنه حاجه. وهنفضل نكلم نفسنا على الموقع ده كده على الفاضي ولا ايه حد يرد عليا؟موضوع الدبلومه الامريكيه ده صعب قوي لان المبلغ جامد خصوصا ان في غيرنا بيتعلم في العيله مش هناخد فرصتنا وفرصه غيرنا؟ اريد حلالالالالالالالالالالالالالا

الصقر المصرى 1

22-01-2011, 01:35 AM

الدبلومه الأمريكيه هتكلف فى حدود 25 ألف فى السنه يعنى غاليه برده بس لو فيه حد حالته الماديه كويسه اعتقد ياخدها افضل أو يدخل كليه خاصه زى الصيدله أو الطب فى جامعه أكتوبر او msa بس انا شايف ان الناس كلها نامت خالص

كمان أنا سألت فى الإمارات فى إمارة الشارقه على امكانية اعادة الثانويه العامه هناك قالوا تجيب شهادة أخر سنه دراسيه حضرتها فى مصر وتكمل الباقى ولما قلت انى واخد الثانويه العامه فى مصر وأخدت كليه كمان بس انا عايز أعيد الثانوى هنا قالوا مينفعشى مش مسموح لحد اعاده الثانويه العامه الا فى حاله انه لم يأخدها قبل كده بعد كده اتصلت بوزارة التربية والتعليم فى إمارة دبى قالوا نفس الكلام وواحد هناك بلغنى انى معرفشى حد انى واخد الثانويه والكليه فى مصر بس لو اتعرفت هيعملوا لى مشاكل

انا أرفت وتعبت من البحث عن الموضوع ده . عايزين نشوف لها حل

الصقر المصرى 1

22-01-2011, 09:18 PM

ايه يا جماعه ليه مفيش أى مشاركات

كلكم نسيتم حلمكم ولا ايه عايزين نرجه نشارك تانى ونقرر ازاى نوصل صوتنا للمسئولين فى البلد دى

لازم نعمل حاجه بدل ما نفضل كل يوم ندخل نقرأ فى الموضوع ونخرج تانى

عايزين نفكر نعمل ايه
وياريت المشاركات كلها ترجع تانى وما نفقدشى الأمل ممكن لو طالبنا بحقنا فى إعادة الثانويه العامه نحصل عليه
بس نطالب بدل ما احنا قاعدين كده وساكتين

الصقر المصرى 1

22-01-2011, 10:52 PM

ايه يا جماعه محدش بيدخل على الموضوع ليه فين مها ومنى ومحمد محدش بيدخل وبيقول أى حاجه ليه

عايزين نعمل أى حاجه

الصقر المصرى 1

23-01-2011, 05:16 PM

هو أنا هفضل أكلم نفسى كل يوم على الموقع ده ولا ايه

محدش بيدخل ليه

dalia2090

24-01-2011, 05:53 PM

يا جماعة انا نفسيتى تعبت بسبب الموضوع ده وبجد هموت والاقي حل انا سالت في مديرية الجيزة التعليمية وقالولي ينفع علي فكرة واضح ان كل الموظفين شغالين بمزاجهم
تجيب شهادة من الادارة اللي انت تابع ليها انك نجحت في اولى ثانوى بعدين تدخلسنة تانية
وانا فعلا جبت الشهادة دي
يعنى موجودة اهي .. وسالت في المدرسة قالولي علي كتابة الاستمارات اروح اكتب الاستمارة... ازاي في ادارة عابدين دي قالو مينفعش
بالنسبة للامريكان دبلومة نفسي فيها جدا ع الاقل دماغي هتشتغل بس للاسف غالية اوي عليا
ياريت بجد كل اللي مهم يقول وكلنا نجرب نقدم السنة الجاية ونشوف يمكن المحاولة تنجح
كل ده برضة كلرام ومحدش خد خطوات فعلية
وانا معرفتش اخد خطوات فعلية السنة دي
ياريت لو في حد مهتم يقولي وده اميلي
cute2_dodo_85 علي الياهو

maha10137

26-01-2011, 03:22 AM

السلام عليكم
ازيكم ياجماعة انا موجودة والله بس مش عارفة هنعمل ايه
مفيش غير اننا نقدم طلب جماعى ويمكن يتوافق عليه
وتعالى نتكلم كلنا على الميل علشان نوصل لحل
ايميلى نفس اسمى على الموقع
وياريت لو حد منكم من اسكندرية نشجع بعض
ا

menaa.alaa

04-02-2011, 12:39 AM

ايه ياجماعه فينكم ؟ انا بقترح ان حد يكونلنا جروب على الفيس بوك اكيد هنلاقي ناس هناك كتير ولما نتجمع هناك نقدر نتكلم اكتر وافضل ويمكن نقدر نوصل صوتنا بس حد يعمله لاني معرفش اعمل واحد اعملوه وابعتولي انضم معاكم انا زهقت وحياتي ملهاش طعم ولا معني يعني لما اخد دكتوراه في الادب الانجليزي هعمل ايه للناس يعني هفيد مجتمعي ازاي يعني باسلوب الكتابه ولا بمشاعر الشخصيه ااااااااااااااااه ارجوكم الحل. بعدين الي مسافر بره ممكن ياخدها من اي حته بره دي فرصه بس متعرفش حد انك واخدها قبل كده

menaa.alaa

04-02-2011, 12:43 AM

يامها بعتلك كتير قوي على الميل وكل ما ادخل مش بلاقيكي فاتحه ومش بلاقي منك اي رد لا انتي ولا الدكتور محمد حاولوا تعملو الجروب الي قلتلكم عليه

الصقر المصرى 1

04-02-2011, 04:05 AM

يا أخت منال انا فكرت فى موضوع الجروب ده قبل كده وكنت هعمله بس لما بدأت الثورة فى مصر فضلت إنى أجله لبعدها لأن الناس كلها مشغوله بالثورة والمظاهرات و من ضمن الناس دول أكيد فيه كتير عايزين يعيدوا الثانويه العامه من تانى والكل الوقتى مهتم بموضوع الثوره فالأفضل ان احنا نأجله شويه انا هعمله ان شاء الله بس لما الأمور تهدى بس شويه فى مصر وفيه قانون الثانويه العامه الجديد كان بيتم اعداده من قبل الحكومه القديمه اللى قدمت استقالتها . لما نشوف الحكومه الجديده أو الحكومه الانتقاليه هتعمل ايه هتمشى فى نفس الموضوع ولا لأ . لو الحكومه الجديده اتكلمت عن موضوع تطوير التعليم وده أكيد طبعا فإن شاء الله كلنا هنقدم طلب جماعى وكلنا نمضى عليه ونذكر الأسماء والرقم القومى كمان ونبعته لسيادة الوزير الجديد .

وان شاء الله انا عندى خطه كويسه للضغط على الحكومه علشان يعطوا فرصه لإعادة الثانويه العامه .

menaa.alaa

04-02-2011, 05:02 PM

السلام عليكم
ياريت نجهز للجروب ده ولما الدنيا تهدا ان شاء الله نعمله بس موضوع اننا نقدم شكوي فيها الرقم القومي اعتقد انها مش هتنفع لان محدش بيبص في شكاوي وهتترمي في اي درج واذا حصل وبصوا فيها يبقي هيتابعونا بالرقم القومي وهيمنعوا اعادتها لينا باي طريقه . احنا كل الموضوع اننا خايفين نعيدها من وراعم بس مع الاسف البلد دي محدش بياخد حقه فيها الا لو مشي غلط. بنت عمتى عادتها بس قدمت في مدرسه في بلد ارياف تبع طنطا وكانت وعايداها معايا 2007 ولما روحت سالت على الاعاده قالولي قفلناها وقالولها كمان كده بس هيه راحت قدمت من وراهم ومتكشفتش ودلوقتي متخرجه من صيدله واستلمت تكليف وعايشه تمام

الصقر المصرى 1

04-02-2011, 10:16 PM

والله بنت عمتك حظها حلو جدا . انصح منك كنت المفروض تعملى زيها كان زمانك فى صيدله الوقتى . الخوف اللى لو قدمنا من وراهم وقعدنا ندرس 3 سنين وفى الاخر اكتشفوها نعمل ايه ؟؟؟؟؟؟

شوفى لو عددنا كبير هناخد حقنا والله لو فضلنا نطالب بيه دايما أهم حاجه ما نتكاسل

انا هعمل الجروب ان شاء الله بس بعد اما الدنيا تهدى بس لأن فى كل الأحوال الوقتى محدش هيستجيب

انا كنت بعت لمستشار القانونى اللى موجود على الموقع ده وقالى احنا فى انتظار القانون الجديد لما نشوف هيسفر عن ايه

ده اميلى egyptianfalcon85 على الياهو للتواصل

menaa.alaa

15-02-2011, 10:20 PM

السلام عليكم
يا جماعه انا مش شايفه حد بيتحرك خالص الكل بيطالب بمطالبه واحنا ساكتين.الدستور دلوقتي بيتغير هنستنا لامتى. قانون عدم اعادة الثانوية ده لازم يتعدل ودلوقتي وقتها.انا حاولت ابعت لمنى الشاذلي بس تقريبا بتستخدم شبه نت مش مشتركه انا فيها فمعرفتش ابعت.حد يحاول يبعتلها على ايميل البرنامج. الي قدرت عليه اني اخدت ايميل وائل غنيم من على موقعه بتاع الفيس وبعتله طلب يوصلهولها ومش عارفه وصله ولالا لانه ماردش عليا. ممكن حد يتحرك ويحاول يوصل الصوت لاي مسؤل. حد يحاول يبعت لمني او لمحمود سعد ولا اي حد يسمع صوتنا. اتحركوا شويه ارجوكم

MR7mo

27-02-2011, 07:51 AM

والله موضوع اعاده الثانويه دا فكـرت فيه كتـير
ولو اني مستصعب المذاكره من تـاني بس الواحد لما يفكر انه حيعيش بقيت حياته زي ماهوا كدا
بيحس بحـاله نفسيه زي الزفت .. انـا مخلص اداب انجـلش وقدمت في كل المجـالات
من غير اي فايده وبقول الحمد لله مفيش لسه نصيب يعني
حتـي موضوع التدريس فشلت فيه لاني لاقيته مش بيجيب همه حتي لو برا مصر
وطبعا الكليات والاكادميات العسكريه والوظائف المرموقه محتاجين وسايط انا مش ادها
بس انا عندي فكره كدا مش عارف تبقي صح ولا غلط عن اعاده الثانويه
ان الواحد ياخد شهاده الاعداديه ويقدمـ بيها في المدرسه الثانويه ويدخل اولي ثانوي من تاني
وهمـا تلات سنين الثانوي كدا كدا كانوا ضايعين والواحد ولا لاقي شغله ولا مشغله
بس نصيـحه للكـل بجد مووضوع المذاكره دآ مش سهل وممكن بعد ما نعيدهـا نجيب نفس المجموع
مهيـا فقر بقــا والي ليه نصيب في حاجه لازم يشوفهـا..
بس انا ديمـا حاسس ان ربنـا بيعوض الناس يعني الي حصلته ظروف في الثانويه دآ اكيد ربنا حيعوضه خير
والي قدم في وظيفه احلامـه الي قعد يخطط ليهـا وجه واحد ميستحقهاش خدها بواسطه اكيد ربنا حيعوضه
الواحد لما بيفكر كدا ويجيبها يمين وشمـال و بما اني ولد بقول الوقت الي حضيعه في الثانوي تلات سنين ولو دخلت طب ست سنين دا لو مدبلرتش سنه ع الاقل يعني حضيع من عمري عشر سنين !!!
ليييييه هوا الواحد عنده كـام عشر سنين في عمره
الواحد يعمـله مشروع احسن ويحاول يدور ع شغلانه اي كلامـ وخـلاص علي ما ربنا يفرجهـا
وادينـا نزلنا في الثوره وانضربنـا واتهزقنـا .... يارب بس البلد حالنا يتصلح
وعلي فكره مش شرط الي متخرج من اداب او تربيه انه يشتغل مدرس
انا واحد صحبي خريج خدمه اجتماعيه وشغال في البترول وواحد تاني خريج اداب انجلش شغال في البنك الاهلي وواحد تالت خريج حقوق شغال في المحكمه واعرف واحد مخلص هندسه وقاعد مش لاقي شغل
نبقي ندخل ولادنـا بقا الكليات الي حلمنـا بيهـا
لاننـا لو دخلنـاها احنـا بعد اعاده الثانويه مظنش حيكون فينـا حيل نتجوز ونخلف
دا رايء الشخصي انما اي حد واثق من نفسه في المذاكره خلاص يحاول يدخلها تاني بدل ما يعيش طول حياته ندمـان لانه حاسس ان دا مش مكانه ولا عارف يتاقلمـ
ولا منه عارف يعيش ويمشي في مجاله ولا منه خدها وريح نفسه ودخل حاجه كويسه
بجـد ربنـا يوفق الجميـع ويقدرنـا ع نظـام التعليم الفاشل المصري
حسبي الله ونعمـ الوكيـل

مريم زيدان

09-03-2011, 05:02 AM

نفس مشكلتك نفسى اعيدها
لكن بصراحة مش عايزة اعيدها من اول سنة اولى
اعيدها من اول سنة تانية المرحلة الاولى و الثانية
بجد انا تعبانة نفسيا جدااااااااا

مريم زيدان

09-03-2011, 05:06 AM

هى الدبلومة الامريكية دى كام سنة ..؟؟

مريم زيدان

10-03-2011, 04:23 AM

http://www.facebook.com/pages/%D9%8A%D8%A7-%D8%B3%D9%8A%D8%A7%D8%AF%D8%A9-%D9%88%D8%B2%D9%8A%D8%B1-%D8%A7%D9%84%D8%AA%D8%B1%D8%A8%D9%8A%D8%A9-%D9%88-%D8%A7%D9%84%D8%AA%D8%B9%D9%84%D9%8A%D9%85-%D9%86%D8%B1%D8%AC%D9%88%D9%83-%D8%A7%D9%86-%D8%AA%D8%B9%D8%B7%D9%8A%D9%86%D8%A7-%D9%81%D8%B1%D8%B5%D8%A9-%D8%A3%D8%AE%D8%B1%D9%89/109330715813361?sk=info#!/pages/%D9%8A%D8%A7-%D8%B3%D9%8A%D8%A7%D8%AF%D8%A9-%D9%88%D8%B2%D9%8A%D8%B1-%D8%A7%D9%84%D8%AA%D8%B1%D8%A8%D9%8A%D8%A9-%D9%88-%D8%A7%D9%84%D8%AA%D8%B9%D9%84%D9%8A%D9%85-%D9%86%D8%B1%D8%AC%D9%88%D9%83-%D8%A7%D9%86-%D8%AA%D8%B9%D8%B7%D9%8A%D9%86%D8%A7-%D9%81%D8%B1%D8%B5%D8%A9-%D8%A3%D8%AE%D8%B1%D9%89/109330715813361?sk=info

shikso

15-05-2011, 04:54 PM

الكلام دا جميل جدا ..............

والله احنا شكلنا هنفضل نلف وندور حولين نفسنا كدا كتير ............... ياريت نحدد ميعاد نتكلم فيه كلنا مثلا فى غرفة شات خاصة فى اى مكان ....

ياسين المصرى1

22-05-2011, 08:37 PM

ايه الالغاز دية يعنى ينفع ولا لا

akh moslem

28-05-2011, 08:21 AM

يا جماعة معكم اخوكم احمد مصطفي خريج تجارة القاهرة 2010 وكنت قد نويت ان اعيد الثانوية العامة هذا العام ولكني فوجئت مثلكم ان هناك قانون يحول دون تحقيق وانا اري انا هذا القانون غير دستوري لذلك قرت ان اتخذ خطوة جديه تجاه هذا الامر وهي رفع قضية بالطعن في دستورية هذا القانون بالمحكمة الدستورية العليا وبعد قراءة تعليقاتكم الخاصة بهذا الموضوع ازداد اصراري علي الخوض في هذا الامر كما قررت ان اتحمل تكاليف هذه القضية طواعية مني وكل ما اريده منكم شيئان:
1-ان نقوم بحشد اكبر عدد من المتضررين من هذا القانون ليكون صوتنا مسموعا لدي المسئولين
2-ان نتواصل معا في اقرب وقت ممكن او ان نتقابل جميعا لتنسيق ما يجب علينا فعله
ولمن يرغب منكم في التواصل معي فيمكنه الاتصال بي من خلال الوسائل التالية:
0168693097
sameh_2010_5***********

محمد يونايتد

30-05-2011, 02:55 AM

السلام عليكم
احنا هانعمل صفحة على فيس بوك اسمها السماح باعادة الثانوية العامة
المهتم بالموضوع ياريت يشترك ويدعو اصدقاؤه

محمد يونايتد

06-06-2011, 02:23 AM

احنا عملنا مجموعة على الفيس بوك عشان نجمع نفسنا عليها
http://www.facebook.com/pages/%D8%A7%D9%84%D8%B3%D9%85%D8%A7%D8%AD-%D8%A8%D8%A7%D8%B9%D8%A7%D8%AF%D8%A9-%D8%A7%D9%84%D8%AB%D8%A7%D9%86%D9%88%D9%8A%D8%A9-%D8%A7%D9%84%D8%B9%D8%A7%D9%85%D8%A9/175299405860966

ياسين المصرى1

07-06-2011, 09:51 PM

لا حياة مع الياس ولا حياة بلا امل

mood100

14-06-2011, 04:54 AM

أ.أحمد مصطفى ربنا يجازيك خير...وياريت تبلغنا بالجديد