مشاهدة النسخة كاملة : لمى تيك اواى
لمى 2016 21-01-2009, 10:00 AM السلام عليكم
طبعا لانى لقيت الكل بيطبخ فانا غيرت
و قولت اشمعنا هما يعنى
فقولت اطبخ انا كمان
يلا بقى
ان شاء الله
هاحط الوجبات بتاعة ال (fast food)
((تيك اواى يعنى
حلوة تيك اواى دى))
اللى انا بعرف اعملها
عشان الحوادث:)
النهاردة بقى هنعمل اكلة تحفة
بس بجد هى اكلة حلوة و سريعة
و ان شاء الله
اللى هيجربها زى ما انا قولت
هتطلع معاه جميلة
الاكلة بقى اسمها
مكرونة بالجبنة التركى(الرومى) و الفلفل و الزيتون
و الكاتشب
المقادير:
1. تحطوا اى نوع مكرونة بتحبوه كيلو منه
اوك؟
2.تجيبوا تمن كيلو زيتون اخضر ***** النوى
3.ربع كيلو جبنة رومى مبشورة
4. شوية زيت ذرة صغننين
5. كاتشاب حسب الرغبة
و ممكن مش يتحط اصلا
الطريقة:
الاول هتسلقوا المكرونة و بعدين تصفوها كويس و بعدين تحطوها فى اى حاجة و تحطوها على النار و معاها شوية زيت الدرة و بعدين تسوبوها شوية لحد ما تسخن و بعد كدة تشيلوها من على النار و بعدين تحطوا الاضافات اللى قولنا عليها فوق و هى سخنة نار عشان الحاجات دى تسيح و تديكوا طعم حلو ممكن لو فيه فراخ تتحط معاها
و بالهنا و الشفتشى
لمى 2016 21-01-2009, 10:15 AM صحيح نسيت اقول
الاكلة الجاية ان شاء الله
هتكون
هامبرجر
و ابقوا سلمولى على هارديز:)
MoHaMeD ELsHeRbEnY 22-01-2009, 10:30 AM اية الجمال دا يالمى
مجهود رائع
جزاكى الله خيرا علية
وشكرا على الاكلة
فى رعاية الله
لمى 2016 22-01-2009, 05:43 PM اية الجمال دا يالمى
مجهود رائع
جزاكى الله خيرا علية
وشكرا على الاكلة
فى رعاية الله
هههههههههههههه
مجهود رايع ايه بس
دة انا بعمل المجهود الرائع دة
على طول
اكن يعنى مفيش حاجة تتاكل تانية غير الاكلة دى:)
شكرا يا محمد على ردك
منورنى و الله
مستنية رايك فى الاكلة التانية
اوركيديا 22-01-2009, 06:04 PM جميل قوى
بموت انا فى الحاجات دى
تسلم ايدك:)
لمى 2016 22-01-2009, 06:09 PM السلام عليكم
انا قولت هاعملكم هامبرجر
لذيذ
و ابقوا سلمولى على هارديز
الحاجات دى انا بعملها بجد
اصل انا شطورة اوى فى المطبخ الحمد لله
اهلا بيكم فى مطعمكم المفضل
لمى تيك اواى
المقادير
نص كيلو لحمة مفرومة
بصوا بقى انتو هتجيبوا عيش فينو
قديم شوية نشف يعنى
و تقوموا طاحنينه
نص كوباية بقى منه
نص كوباية بصل مفروم فرم ناعم
نص كوباية عصير طماطم
بيضة مخفوقة كويس اوى
ربع معلقة صغيرة فلفل اسود
الطريقة
هنخلط الحاجات اللى فوق مع بعضها
و نشكلها على شكل اقراص
سمك القرص 1 سم
نحط بقى الاقراص دى تحت شواية الفرن
بس يبقوا بعاد عن سطح الفرن 10 سم كدة و لا حاجة
نشوى بقى الاقراص دى 10 دقايق كدة و لا حاجة
و نقلبهم على الجنب التانى
و بعدين تقدموه بقى مع العيش بس يستحن ان العيش يبقى سخن
لمى 2016 22-01-2009, 06:12 PM جميل قوى
بموت انا فى الحاجات دى
تسلم ايدك:)
ربنا يكرمك يا لولا
منورانى و الله
لو عايزة تجربى تقدرى و الله
الكلام دة عن تجربة
لمى 2016 22-01-2009, 08:41 PM نسيت اقول على الصوص اللى هنحطه جنب الهامبرجر
نحط 3 معالق مايونيز و معلقة كاتشب و ربع معلقة مستردة
و نعمل منهم صوص و بعدين تحطوا الصوص على العيش بس مش تكتروا يعنى
و بعدين تحطوا بقى خس لو بتحبوه يعنى و بعدين تحطوا الهمبرجر
و بعدين تحطوا صوص و خس تاانى و تقوموا حاطين
عيش بقى تانى
و كلوا و ادعولى
المرة الجاية ان شاء الله اللى هى بكرة
هاعملكم لازانيا يا رب بس ما اخلصش كل الحاجات اللى انا بعرف اعملها و بعدين نقعد نغنى ظلموه:redface:
Sherif Elkhodary 22-01-2009, 10:13 PM هو انتي هتعملي بورجر ليه مش هو بيبقي جاهز ؟؟؟ علي العموم شكلك شاطرة في المطبخ ربنا يزيدك في امان الله
لمى 2016 23-01-2009, 07:03 AM هو انتي هتعملي بورجر ليه مش هو بيبقي جاهز ؟؟؟ علي العموم شكلك شاطرة في المطبخ ربنا يزيدك في امان الله
ههههههههههههه
هاعمل برجر لسبب بسيط جدا
هو انى اعرفكم انى بعرف اعمله:)
لا طبعا اصلى بصراحة كدة بقرف
فقولت اعمله بنفسى
منور و الله يا باشمهندس شريف
يا رب يكون المطعم بتاعى عجبك
Travel 23-01-2009, 09:11 AM نسيت اقول على الصوص اللى هنحطه جنب الهامبرجر
نحط 3 معالق مايونيز و معلقة كاتشب و ربع معلقة مستردة
و نعمل منهم صوص و بعدين تحطوا الصوص على العيش بس مش تكتروا يعنى
و بعدين تحطوا بقى خس لو بتحبوه يعنى و بعدين تحطوا الهمبرجر
و بعدين تحطوا صوص و خس تاانى و تقوموا حاطين
عيش بقى تانى
و كلوا و ادعولى
بت يا لمى
حطى المقادير كلها مع بعض مرة واحدة:slap1qk6:
مش تحطى حاجة وتقولى نسيت وتقومى كاتباها فى وقت تان
علشان بجد بجد بفكر اعمل الهامبرجر ده
علشان عندنا ظروف ومحدش فى البيت واختى بتمتحن
وشكلى هدوقهم اكل من ايديا:049gc0:
ربنا معاهم
بس بجد انتى ضامنة الاكل اللى بتعمليه ده:(
لمى 2016 23-01-2009, 09:19 AM اهلا اهلا
برواد مطعمنا الحلوين
عاملين ايه؟
بصوا بقى انا كنت قولت انى هاعنل لكم لازانيا
بس قولت انها هتبقى صعبة عليكم
فقررت انى اعنل لكم بيتزا
اسمها fast pizza
عشان الوقت بقى و كدة
المقادير بقى
1فنجال شاي دقيق
1فنجال شاي لبن بودرة
1 فنجال شاي زيت
1فنجال ماية
بيضتين
ملعقة صغيرة بكنج بودر(مش عارفة هتفهموها دى و لا لأ بس هو فيه نوعين كيس بيبقى احمر و التانى اخضر الاحمر احسن بقى)
وشويه ملح
الطريقة
هنخلط كل الكلام دة فى الخلاط و بعد كدة نحطهم فى الصينية
عارفين جبنة كيرى هنجيبها و تقطعها عليهم بطريقة هبلة كدة يعنى
و بعدين بقى نجط فلفل اخضر (حار _وبارد) لو مش بتحبوا الاكل السبايسى مش صرورى الحار دة
و بعدين تقطعوا بقى شوية زتون حلوين كدة و بعدين تحطوها فى الفرن لحد ما تستوى
و بعدين تاكلوها بقى
و متنسوش تجيبولى صينية معاكم
لمى 2016 23-01-2009, 09:24 AM بت يا لمى
حطى المقادير كلها مع بعض مرة واحدة:slap1qk6:
مش تحطى حاجة وتقولى نسيت وتقومى كاتباها فى وقت تان
علشان بجد بجد بفكر اعمل الهامبرجر ده
علشان عندنا ظروف ومحدش فى البيت واختى بتمتحن
وشكلى هدوقهم اكل من ايديا:049gc0:
ربنا معاهم
بس بجد انتى ضامنة الاكل اللى بتعمليه ده:([/center]
يا بنتى دة صوص
يعنى مش ضرورى و ممكن ميتعملش اصلا
دة بس عشان يفتح نفسك اللى هى اصلا مفتوحة على طول دى
Dr Hamsa 23-01-2009, 09:30 AM تمام الله ينور ما شاء الله عليكى
شكلى كده هحسدك والله، خمسه فى عينى
اصلى مش بعرف اعمل حاجه خالص :bosyht9:
ان شاء الله ابقى اعمل الاكلات دى فى الصيف
اكيد فى البيت هيدعوا عليا قصدى هيدعو ليا:av4056bb7jp3:
لمى 2016 23-01-2009, 09:34 AM تمام الله ينور ما شاء الله عليكى
شكلى كده هحسدك والله، خمسه فى عينى
اصلى مش بعرف اعمل حاجه خالص :bosyht9:
ان شاء الله ابقى اعمل الاكلات دى فى الصيف
اكيد فى البيت هيدعوا عليا قصدى هيدعو ليا:av4056bb7jp3:
اولا انا ممكن استعبط و اعتبر دى اهانة
هيدعوا عليكى ليه
دة الاكل دة لطيف خالص اهو
حاجة كدة بتتعمل و انتى بتذاكرى فيزيا
حاجة كميلة خالص
ان شاء الله هيدعولك و انتى هتدعيلى
Travel 23-01-2009, 09:50 AM يا بنتى دة صوص
لا والله مصاحبتوش قبل كده:(
يعنى مش ضرورى و ممكن ميتعملش اصلا
دة بس عشان يفتح نفسك اللى هى اصلا مفتوحة على طول دى
مفتوحة
لا والله انا فى النازل
والحالة متدهورة خالص
وبعدين ميحسد الاخوات الا بعضها:slap1qk6:
لمى 2016 23-01-2009, 09:53 AM مفتوحة
لا والله انا فى النازل
والحالة متدهورة خالص
وبعدين ميحسد الاخوات الا بعضها:slap1qk6:
ماشى يا ست الكتكوتة
بعدين انتى عايزة تصاحبى الصوص كمان
مش كفاية بنات المنتدى اللى انتى مش عتقاهم دول
الأستاذة أم معتصم 24-01-2009, 12:17 AM اسمحى لى اشوف المطبخ الرائع
مطبخ لمى حبيبتى
ربنا يوفقك يا بنتى
بس مقاديرك محتاجة تظبيط شوية
ايه فنجان شاى دقيق
ليه انتى مش ناوية تعزمى اى حد من الاسرة هتاكلى لوحدك
ومفيش حتى عزومة لمس فاطمة
كده
مكنش العشم
على فكرة انا كنت بدات سلسلة من الحلويات من فترة
ولكن لم تجد صدى الظاهر لم تعجب رواد المطبخ
فاكتفيت ببدايتها ولم اكملها
يارب انتى تكملى المسيرة وتكملى المطبخ ده على خير
ربنا معاكى حبيبتى
مس رانيا حسن 24-01-2009, 12:18 AM لمى انا هجرب بس لو حصللى حاجه
على مسئوليتك
بس انا حاسه انها وصفات متجربه
الله المستعان
جزاكى الله خيرا
متابعين معاكى باقى الوصفات
فى امان الله
مس رانيا حسن 24-01-2009, 12:21 AM اسمحى لى اشوف المطبخ الرائع
مطبخ لمى حبيبتى
ربنا يوفقك يا بنتى
بس مقاديرك محتاجة تظبيط شوية
ايه فنجان شاى دقيق
ليه انتى مش ناوية تعزمى اى حد من الاسرة هتاكلى لوحدك
ومفيش حتى عزومة لمس فاطمة
كده
مكنش العشم
على فكرة انا كنت بدات سلسلة من الحلويات من فترة
ولكن لم تجد صدى الظاهر لم تعجب رواد المطبخ
فاكتفيت ببدايتها ولم اكملها
يارب انتى تكملى المسيرة وتكملى المطبخ ده على خير
ربنا معاكى حبيبتى
بتقولى تيك اواى
مش ينفع مع فنجان شاى
اانتى محتاجه 100 فنجان
ههههههههههههه
مش ناويه ترسلى لينا
امال بتقولى تيك اواى
انتى بقى عاوزة تجوعينا
ههههههههههه
اوركيديا 27-01-2009, 12:52 PM بت يا لمى
شكلى حعمل البرجر ده او البيتزا لسه مش قررت :(
ماما بتزن عليا عايزانى اعمل حاجه
و انا الحمد لله
:( ميح :(
لما نشوف اخرتها معاكى ايه
:stickjo4:
لمى 2016 27-01-2009, 05:23 PM بت يا لمى
شكلى حعمل البرجر ده او البيتزا لسه مش قررت :(
ماما بتزن عليا عايزانى اعمل حاجه
و انا الحمد لله
:( ميح :(
لما نشوف اخرتها معاكى ايه
:stickjo4:
انا بخلى مسئوليتى يا ستى
صحيح انا بعرف اعمل الحاجات دى
بس انا مش اضمنك تحطي لهم جبس بدل الدقيق
تبقى فضيحة غذائية و محسوبة عليا
لمى 2016 27-01-2009, 05:26 PM اسمحى لى اشوف المطبخ الرائع
مطبخ لمى حبيبتى
ربنا يوفقك يا بنتى
بس مقاديرك محتاجة تظبيط شوية
ايه فنجان شاى دقيق
ليه انتى مش ناوية تعزمى اى حد من الاسرة هتاكلى لوحدك
ومفيش حتى عزومة لمس فاطمة
كده
مكنش العشم
على فكرة انا كنت بدات سلسلة من الحلويات من فترة
ولكن لم تجد صدى الظاهر لم تعجب رواد المطبخ
فاكتفيت ببدايتها ولم اكملها
يارب انتى تكملى المسيرة وتكملى المطبخ ده على خير
ربنا معاكى حبيبتى
لا يا ميس انا بتكلم عن وجبة لفرد واح بس
عايزين تكتروا بقىتقدروا تضاعفوا الكمية زى ما انتوا عاوزين
خلى الطابق مستور يا مس
دة ربنا مكمل الموضوع دة جمايل اصلا:)
منورة يا ميس و الله
يا رب يكون عجبك طبيخى:)
لمى 2016 27-01-2009, 05:29 PM لمى انا هجرب بس لو حصللى حاجه
على مسئوليتك
بس انا حاسه انها وصفات متجربه
الله المستعان
جزاكى الله خيرا
متابعين معاكى باقى الوصفات
فى امان الله
جربى يا ميس جربى
ربنا معاكى بقى
بس مش تقلقى انا اعرف دكتور ممتاز خالص:)
بعد الشر عنك طبعا
لا و الله بجد
دى عمايل ايديا
مش تقلقوا خالص
ربنا يستر
اوركيديا 30-01-2009, 02:52 PM بطلتى ليه انتى كمان :angry2:
هو ايه اللى حصلكوا
بتجوعونا ليه
:slap1qk6:
لمى 2016 02-02-2009, 09:26 AM ادينى رجعت تانى اهوه
معلش يا جماعة اعذرونى
كنت مريضة:(
المهم بقى
النهاردة هنعمل حاجة احنا كلنا تقريبا بنحبها
اللى هى السوسيس
اوك؟
بس هنعمله بالصلصة
اوك؟
يبقى الاكلة بقى اسمها ايه؟
سوسيس بالصلصة
المقادير
هتجيبوا ايه بقى
سوسيس
3 معالق صلصة كبار بطلوا بخل هاه
فلفل حراق شوية
ملح
فلفل تانى بس فلفل اسود يعنى
كمون
كسبرة (و لو ان ملهاش لازمة )
5 فصوص توم و اهرسوهم ازاى بقى دى حاجة تبعكم
الطريقة
هتحمروا السوسيس يتحمر مش يتشوى:o
و بعدين نقطعه حتت صغنونة
و بعدين نحمر التوم فى زبدة(يا ريت لو فيرن);)
بعد ما التوم يتحمر هنحط الفلفل الحراق دة و نحط شوية شطة و شوية صلصة
و شوية ماية و اسيبهم يتسبكوا شوية
(عارفين يعنى ايه يتسبكوا و الله شكلكم ما عارفين حاجة):bosyht9:
بعدين تحطوا السوسيس اللى حمرناه دة
و شوية بهارات كدة
ممكن يعنى الكلام دة يتم فى سندويتشات او تاكلوه مع مكرونة
يلا روحوا كلوا و قولولى رايكم اللى مش هيفيدنى بحاجة دة:)
JusT DreaM 04-02-2009, 08:49 AM حلو الاكل
بس سؤال رفيع
ايه اللي بينك وبين الصلصة:slap1qk6:
اول مرة في حياتي حياتي كلها اسمع عن بيتزا من غير صلصة
والمكرونة اللي من غير صلصة دي الله اعلم طعمها هيبقى ازاي
بفكر اعملهم بس هضيف صلصة :d
لمى 2016 04-02-2009, 04:01 PM حلو الاكل
بس سؤال رفيع
ايه اللي بينك وبين الصلصة:slap1qk6:
اول مرة في حياتي حياتي كلها اسمع عن بيتزا من غير صلصة
والمكرونة اللي من غير صلصة دي الله اعلم طعمها هيبقى ازاي
بفكر اعملهم بس هضيف صلصة :d
اللى يريحك
بس المكرونة اعتقد انى قولت ان هيبقى فيها كاتشاب
و بعدين البيتزا عادى ممكن تبقى من غير صلصة يعنى
نورتى التوبيك يا ايمو
ايه المواهب اللذيذة دى
:d
كملى يا لمى .. كملى
جوعتينى عالصبح
برضو هاقوم انام
:slap1qk6:
عاشقـــ الانمى ـــة 08-02-2009, 11:25 AM هههههههههههههههه
والله يا بنتى افتكرتك ديلفرى
من كتر الجوع بقى معلش
|