من بوابة الثانوية الى أوباما [الأرشيف] - بوابة الثانوية العامة المصرية

مشاهدة النسخة كاملة : من بوابة الثانوية الى أوباما

هانى الشرقاوى

23-01-2009, 01:16 AM

من غزة الى أوباما
ده كان عنوان حملة على النت تفذها شباب وبنات من الادرن العربى
أنا ناوى ان شاء الله نعمل حاجة زى كده
هنعمل حملة ( الاسم هنتقف عليه لما نتجمع )
الحملة عبارة عن خطابات بكل اللغات الحية الى كل العالم وكل واحد يقول الخطاب باللغة اللى بيجيدها
الخطاب هيتحدث عن مشاكل العرب والمسلمين والعنف وما يسمى الارهاب وأوباما هيحمل قدر كبير من الناس اللى الخطاب هيتوجه لها

وأنا عن نفسى بتكلم العربية والانجليزية والفرنسية بطلاقة والروسية والايطالية بس مش زى اللغات التانية

اتصلت بمجموعة من أصحابى عشان يساعدونى بس للاسف معظهم رفضوا عشان ظروف الامتحانات ومش وافق غير تلاتة

أنا محتاج حد يساعدنى فى الحملة دى من أعضاء المنتدى
اللى شايف فى نفسه انه بجيد اى لغة غير العربية وحاب انه يتواصل معايا ومع الشلة يقول عشان نتواصل ونتقابل
وأنا مستعد أوصل أى حد من القاهرة الكبرى رايح جاى بس طبعا الاجرة دبل هههههه مش تقلقوا
المشكلة أنا ما بعرفش أتكلم
بس اللى حاب يتواصل يقولى او يبعتلى رسالة خاصة
واحنا نشوف هنعمل ايه

BaNZeR

23-01-2009, 05:56 AM

وأنا عن نفسى بتكلم العربية والانجليزية والفرنسية بطلاقة والروسية والايطالية بس مش زى اللغات التانية

بسم الله ماشاء الله
ربنا يزيد ويبارك

بص هو زي ما التانيين اعتذروا عن الامتحانات حتلاقي هنا المنتدى كله طلبة وبرده وراهم امتحانات
وانا منهم طبعاً
انا الحمد لله أخرني اترجم جملتين انجليزي بس نساعد بعض إن شاء الله

خليها كمان اسبوع واحد وحيكون كله خلص تقريباً
ونبدأ بالحملة
وجزاك الله خيرا

هانى الشرقاوى

23-01-2009, 06:10 AM

بص هو زي ما التانيين اعتذروا عن الامتحانات حتلاقي هنا المنتدى كله طلبة وبرده وراهم امتحانات
وانا منهم طبعاً
انا الحمد لله أخرني اترجم جملتين انجليزي بس نساعد بعض إن شاء الله

خليها كمان اسبوع واحد وحيكون كله خلص تقريباً
ونبدأ بالحملة

وجزاك الله خيرا

بس المشكلة فى عامل الوقت
عايزين نستغل الفرصة عشان الحضور مش أكتر
أنا أقدر أنفذ الفكرة مع أصحابى من الاجانب
بس أفضل ان ورشة العمل كلها تكون مصريين

BaNZeR

23-01-2009, 06:23 AM

هو الموضوع ده مرتبط بوقت معين ؟

هانى الشرقاوى

23-01-2009, 06:29 AM

هو الموضوع ده مرتبط بوقت معين ؟

ما تصحى معايا امال
هههه
وقت تولى أوباما الفعلى للسطلة الاميريكية
فهمتنى ولا لسه برده
شكلك بتنام على الجهاز زى

هانى الشرقاوى

23-01-2009, 07:22 PM

أعتقد ان الموضوع كان مكانه فى القسم العام أفضل

إيساف

23-01-2009, 07:48 PM

elwarda

23-01-2009, 09:02 PM

جمبل اوى
وانا كمان ياريت اكون معاك
بس المشكلة فى اللغات دى

هانى الشرقاوى

23-01-2009, 09:18 PM

مش عرفتنى يعنى يا هانى
أنا معاك يا معلم
بس نتقابل عندى فى المهندسين وكفاية اللى شفته عندك سواء فى مدينة نصر أو المعادى
أو نتقابل فى أرض حيادية فى عين شمس عند سما ( وقابلنى بقا لو البت أقصد الدكتورة نجحت :angry2:)
وبعدين متبقاش عنصرى
مش لازم تكون المجموعة كلها مصريين
شوف مثلا الواد بتاع الهند ده اللى اسمه مسيح الله
وشوف فاطمة بتاعة نيجيريا
وشوف يا عمى سما وعمرو وهند وهيثم
هو أنا أقولك

الفكرة تجنن يا هانى ولازم ننفذها
وأنا معاك بس بالانجلش
هههههههه وبلاش فضايح
حكلمك ونظبط

اهلى إيساف
انت فين يلا مختفى فين

مية مية يا مان
وده كمان واحد موافق
فعلا يا إيساف العدد اللى فى بالى لو مكملش من المصريين ممكن نوشف صحابنا من الافارقة والاسيويين

بس معلش بقا
المكان هيكون فى الحى السادس عندى يا مان المهندسين بعيدة يا ابنى لو حد جه من مكان بعيد وكمان مينفعش نروح عند سما سيب البنت تنفع كفاية احنا فاشلين هههههههه أخبار الامتحانات ايه ؟
الشقة فااااااااااااااااضية
وأنا ماصدقت أقابل حد بقا

هانى الشرقاوى

23-01-2009, 09:20 PM

جمبل اوى
وانا كمان ياريت اكون معاك
بس المشكلة فى اللغات دى

تشرفى
مش لازم انك تذيعى خطاب
مجرد وجودك ده أكبر تشجيع وحافز لينا

elwarda

24-01-2009, 01:19 PM

ميرسى اوى
ربنا يخليك

المفروض انت حتبدا من امتى
او حتعمل ايه

هانى الشرقاوى

24-01-2009, 03:24 PM

ميرسى اوى
ربنا يخليك

المفروض انت حتبدا من امتى
او حتعمل ايه

لسه والله مش عارف هنبدا امتى
أما حنعمل ايه
فان شاء الله
حنعمل خطابات بلغات مختلفة وكتير بس الخطاب موحد وحندعمه بكليبات كانت الفرقة بتاعتى عملتها قبل كده وبعد كده حنزله على اليوتيب وعلى المواقع الشهيرة فى كل بلد
وربنا يسهل

eng/yasmeen

24-01-2009, 03:58 PM

انا معاكو ياجماعة
بجد فكرة ممتازة