اي الامراض الاجتماعيه الاتيه الاكثر خطوره علي مجتمعنا ؟ [الأرشيف]

مشاهدة النسخة كاملة : اي الامراض الاجتماعيه الاتيه الاكثر خطوره علي مجتمعنا ؟

مسيو وليد عسكر

23-01-2009, 05:59 PM

مس رانيا حسن

23-01-2009, 06:09 PM

من وجههة نظرى ان تلك المشكلات غير منفصله عن بعضها
فكل منها قد يقود الى الاخرى
بالاضافه الى ان كل منها يساوى الاخرى من حيث الخطورة
مثلا البطالة قد تؤدى الى الادمان
عموما احيى حضرتك لطرح هذا الموضوع
جزاك الله خيرا
ولى عوده مرة اخرى ان شاء الله
نظرا لارتباطى الان بحصه بالغرفه الصوتيه
فى امان الله

Sharp Nails

23-01-2009, 06:13 PM

انا من رأى غياب القدوه والوازع الديني
لان اولا الوازع الدينى هو اساس لاى اخلاقيات فالدنيا كلها
لو الانسان عنده اسس دينيه قوية
اكيد مش هيقرب من الادمان
وربنا هيفتح عليه ويرزقه فى شغله وفى زوجته وفى اسرته

و((كل نفسا بما كسبت رهينه))
هنعمل كويس كل الى نتمناه ربنا هيديهولنا
هنعمل وحش كل مصايب الدنيا هطولنا

شكرا عالموضوع

منى ذكى

23-01-2009, 06:43 PM

رأى الادمان لان الانسان المدمن بيكون غير واعى عن تصرفاته والانسان اللى مش مسئول عن تصرفاته ممكن يعمل كل الامراض دى اللى بتسبب انهيار المجتمع

مسيو وليد عسكر

23-01-2009, 07:06 PM

سيف سالم

23-01-2009, 07:26 PM

غياب الدين او قلة تأثيرة هو اخطر الامراض لانه يؤدي الي الامراض الاخري واكثر

**تسابيح**

23-01-2009, 07:51 PM

مسيو وليد عسكر

23-01-2009, 08:21 PM

مسيو وليد عسكر

23-01-2009, 08:23 PM

رأى الادمان لان الانسان المدمن بيكون غير واعى عن تصرفاته والانسان اللى مش مسئول عن تصرفاته ممكن يعمل كل الامراض دى اللى بتسبب انهيار المجتمع
الف شكر اخت مني علي مرورك وياريت توضحي الحل من وجهه نظرك

مسيو وليد عسكر

23-01-2009, 08:26 PM

انا من رأي 4-غياب القدوه والوازع الديني

لان لما مش هيكون فيه دين يبقي الدنيا هتبقي كوسة زي ما هي دلوقتي يعني:):)
والدين هو العامل الاساسي ان الواحد يعرف حاجة واحدة بس ان نصيبة في الدنيا دي هيأخذها مهما حصل
عشان كدا مفيش ولد هيضعف ويقول بدل الحكومة مش موفرة شغل مش هشتغل لا بدل عنده وعي ديني هيعرف ان ربنا سبب الاسباب وقال اجتهدوا وانا اوفقوا وكمان اللي عنده قدوة عمره ما ينحرف ويياس ويروح يشرب مخدرات لا هيفكر كويس ما هو عند دين وقدوة اما بالنسبة للعنوسة بالانسا لو مش هيتجوز يعني مش هيموت يعني من الاخر العنوسة دي مفيهاش اي مشكلة فيه ناس مش عايزة تجوز !!!!!!هو الجواز بالعفية!!!:049gc0::049gc0:

شكرا لموضوع حضرتك الهائل :av4056bb7jp3::av4056bb7jp3:

اشكرك اختي الصغيره علي ردك المبرر الرائع واجييكي عليه كما احييكي علي اسمك الفريد من نوعه في المنتدي فهو يشف عن ذوق رفيع في الاختيار
بس ليا اختلاف معاكي ان العنوسه مرض اجتماعي لايمكن اغافله لان الزواج من سنن الفطره ولا يمكن تجاهله باي حال من الاحوال

مسيو وليد عسكر

23-01-2009, 08:28 PM

غياب الدين او قلة تأثيرة هو اخطر الامراض لانه يؤدي الي الامراض الاخري واكثر
الف شكر استاذ سيف علي ردك الرائع وانا اتفق معك بكل تاكيد

welcomeeee

23-01-2009, 08:43 PM

انا رأيي غياب القدوه والوازع الديني
لانه السبب فى كل المشاكل الاخرى
شكرا على الموضوع

sunsero2000

23-01-2009, 08:53 PM

البطاله طبعا هى الاخطر لانها تسبب كل الباقى

هانى الشرقاوى

23-01-2009, 09:06 PM

طبعا البطالة
مصر مجتمع الاجانب بيحسدوها عليه
لان تقريبا نصف السكان طبعا شباب غير الدول الغريبة المعمرين نسبتهم كبيرة جدا
والبطالة تفشيت بشكل كبير أوى فى المجتمع وبين الحاصلين على مؤهلات عليا
وبالطريقة دى البطالة بتقود الشخص الى مصايب تانية كتيرة وكبيرة منها الادمان وطبعا العنوسة
والشباب بيصاب باحباط يخليها يكره الدنيا واللى فيها وبتضيع القيم والاخلاق وسط هذا الكم الهائل من التخلف وطبعا بيضيع الوازع الدينى وبيلجأ بقا الشباب الى التطرف والجماعات المتشددة والمحظورة وللاسف بيكون هدف سهل أوى وفريسة ضعيفة
أو ممكن يقتنع بتيارات مش من مجتمعنا خالص وبتبدأ تظهر مفاهيم وايدلوجيات جديدة وأنا مش ضد ده بس ضد اللى بيحصل بعد كده
المجتمع بيحصله فوران وتصادم وللاسف هو برده الخسران فى الاول وفى الاخر

elwarda

23-01-2009, 09:09 PM

انا راى غياب القدوة وابعد عن الدين
دا اكتر مشكلة
لان لوفى قدوة كوبسة
عمرنا م حنوقع فى غلط
ولا حيكون فيه مشاكل

Travel

23-01-2009, 09:11 PM

**تسابيح**

23-01-2009, 09:15 PM

اشكرك اختي الصغيره علي ردك المبرر الرائع واجييكي عليه كما احييكي علي اسمك الفريد من نوعه في المنتدي فهو يشف عن ذوق رفيع في الاختيار
بس ليا اختلاف معاكي ان العنوسه مرض اجتماعي لايمكن اغافله لان الزواج من سنن الفطره ولا يمكن تجاهله باي حال من الاحوال

ع فكرة بقا يامسيو أنا أول واحدة معرضة عن الجواز:d:d
بهزر طبعا
بس هي تخلص الثانوية العامة واول عريس ع طول عشان مخليش العنوسة تدخل بيتنا:022yb4::022yb4:
أنا ع فكرة كان قصدي ان فيه حاجات تانية أكثر اهمية لدمار المجتمع غير العنوسة ومشكلة العنوسة دي حلها بسيط جدا ان اللي في بالي يتشال مش هقول انه اللي حاكم البلد يعني:d:rolleyes:
وكل شباب يشتغل بقا ومش يبقي فيه كسل ويبقي فيه تربية صح عشان البلد تصلح حلها ويحكمنا واحد عاقل
مصر مش فيه فقر مصر فية قلة رأي
شكرا يامسيو دا من ذوق حضرتك اكيد عشان حضرتك ذوق رفيع شايف اسمي كويس:blush::blush::blush:
كل كلامي اللي فوق هزار ع فكرة لحد يفهمني صح ولا حاجة قصدي غلط يوووووه بقا:d:d:d
بجد موضوع مهم
شكرا لحضرتك جامد

مسيو وليد عسكر

25-01-2009, 07:27 PM

انا رأيي غياب القدوه والوازع الديني
لانه السبب فى كل المشاكل الاخرى
شكرا على الموضوع
الف شكر اخي الكريم لمرورك العطر

مسيو وليد عسكر

25-01-2009, 07:30 PM

البطاله طبعا هى الاخطر لانها تسبب كل الباقى
الف شكر اخي الكريم علي ردك ومروك

مسيو وليد عسكر

25-01-2009, 07:33 PM

مسيو وليد عسكر

25-01-2009, 07:35 PM

انا راى غياب القدوة وابعد عن الدين
دا اكتر مشكلة
لان لوفى قدوة كوبسة
عمرنا م حنوقع فى غلط
ولا حيكون فيه مشاكل
اشكرك اخي علي كلماتك وعلي ردك المبرر ربنا يبارك في عمرك

مسيو وليد عسكر

25-01-2009, 07:40 PM

نا شايفة ان البطالة تقريبا هى اللى تؤدى للمشاكل دى كلها

يعنى البطالة تخلى الشباب انهم ينحرفوا بمعنى
القاعدة على القهاوى
والكافيهات وفى المطاعم
ده كلوا خلى عندهم فراغ قاتل
بقوا يعاكسوا البنات بس
طبعا البطالة يعنى مفيش فلوس يعنى مفيش جواز
يعنى بالتالى هيسبب العنوسة فى مصر

هكمل بكرة باذن الله ردى:(

اشكرك اختي الفاضله علي ردك وعلي كلماتك ولكني اري ان البدايه من غياب الدين وبعدها تكتمل السلسله كما ذكرتي...الف شكر وربنا يبارك في عمرك ومنتظر بقيه ردك

CoMMaNdo

25-01-2009, 07:51 PM

هيا انعدام القدوة والوازع الدينى هوا سبب كل المشاكل
لان لو مفيش دين ومفيش قدوه هيبقى فيه فشل وبعد الفشل بطاله وبعد البطاله ادمان وبعد الادمان عنوسه
لان مش هيبقى فيه شباب صالحين !
يعنى انعدام القدوة والوازع الدينى هما الى بيبسببوا المشكال دى كلها
وشكرا لحضرتك جدا على الموضوع الجميل دا

THE SMART GIRL

25-01-2009, 07:57 PM

انا رايى البطاله

doaa shedid

25-01-2009, 08:34 PM

شارك معنا بالراي في الاستطلاع الاتي
اي الامراض الاجتماعيه الاتيه الاكثر خطوره علي مجتمعنا ؟
ا-العنوسه
2-البطاله
3-الادمان
4-غياب القدوه والوازع الديني
شارك بالراي والدليل والحل
مع الاخذ في الاعتبار ان كلها كوارث تدمر اي مجتمع ولكني اريد ان اعرف اكثرهم خطوره وايهم يمثل قنبله موقوته قد تنفجر في اي وقت ولذا يلزم التعامل معها باقصي سرعه

موضوع مهم جدا وخطير
وارى ان انعدام القدوة والوازع الدينى هى المحرك الاساسى لحل المشكلات الثلاث السابقة

بالنسبة لغياب القدوة:
نجد الان معظم البشر شكل بعض
واسمحولى اوضح شكل بعض دى معناها ايه؟
يعنى الناس بقت بتستسهل تقليد بعض فى اى حاجة وفى كل حاجة
حتى اذا متناسبش هذا الشخص، انما يرى فلان ناجح فى كذا اعمل زيه بدل ميفكر ويتعب نفسه
فتحول الناس الى "ضل" كل واحد ضل للتانى، الاخطر ان محدش بيقدر يكمل فى تقليد الغير
ويرجع لنقطة البداية ويدور على حد تانى ويقلده وهكذا
فمبقاش فى حد قدوة لحد اصبحت الناس مخلخلة، واختفى عنصر التميز بين الناس

وطبعا التقليد سبب فى المشاكل الثلاث السابقة
* معظم البنات عايزة شبكة وشقة ومهر زى البنات فى عيلتها او زى اصحابها ... فاصبح هناك عنوسه
* الشباب يقلدون بعض فيما يتعاطونه من مخدرات ... فاصبح هناك ادمان
* كل واحد عايز يشتغل فى مكان كويس وتكييف ويقبض بالدولار زى اصحابه...اصبح هناك بطالة

اما بالنسبة للوازع الدينى:
كذلك اصبح لدى الكثيرون الدين مظهر وليس جوهر
كلام بالقرآن والسنة ، انما الافعال ابعد ما تكون عن الدين

* العنوسة عدم رضى بما قسمه الله والنظر لما عند الغير
* الادمان عدم خوف من الله والحساب عن الصحة والمال
* البطالة عدم رضى بما قسمه الله من رزق

MohammeD el_SadaT

25-01-2009, 09:40 PM

4-غياب القدوه والوازع الديني

شيل الدين من الدنيا هتتحول فى ثوانى لغابه

مسيو وليد عسكر

25-01-2009, 10:38 PM

ع فكرة بقا يامسيو أنا أول واحدة معرضة عن الجواز:d:d

بهزر طبعا
بس هي تخلص الثانوية العامة واول عريس ع طول عشان مخليش العنوسة تدخل بيتنا:022yb4::022yb4:
أنا ع فكرة كان قصدي ان فيه حاجات تانية أكثر اهمية لدمار المجتمع غير العنوسة ومشكلة العنوسة دي حلها بسيط جدا ان اللي في بالي يتشال مش هقول انه اللي حاكم البلد يعني:d:rolleyes:
وكل شباب يشتغل بقا ومش يبقي فيه كسل ويبقي فيه تربية صح عشان البلد تصلح حلها ويحكمنا واحد عاقل
مصر مش فيه فقر مصر فية قلة رأي
شكرا يامسيو دا من ذوق حضرتك اكيد عشان حضرتك ذوق رفيع شايف اسمي كويس:blush::blush::blush:
كل كلامي اللي فوق هزار ع فكرة لحد يفهمني صح ولا حاجة قصدي غلط يوووووه بقا:d:d:d
بجد موضوع مهم
شكرا لحضرتك جامد
ربنا يخليكي واشكرك علي ردك الانيق وخفه دمك وبساطتك في الكلمات
واطمني طول ما روحك المرحه دي موجوده هتلاقي الخطاب طوابير بس اهم شيء يفضل ده بعد الجواز ولا يظهر الوجه الاخر المشع برائحه البصل والتكشيره اللي بتقصر العمر
خالص وارق تحياتي لمرورك العطر

Not Allowed

26-01-2009, 05:29 PM

شكرآ ليك يا مستر طبعآ كلها مشاكل

بس انا لقيت ان مفيش حد قال العنوسة فقولت اصوت ليها علشان كلهم يبانوا انهم مشاكل :)

ربنا يعفينا منهم جميعآ يارب

نعمه محمود

26-01-2009, 11:23 PM

ارى ان غياب القدوة هو اخطر ما يواجه المجتمع.وغياب الوازع الدينى بيسبب بلاوى كتير أثرها يمتد للمجتمع
يمكن العاطل او المدمن اثره محدود لكن عندما لايوجد قدوة يصبح التخبط هو سيد الموقف.اما العنوسه فهى مشكلة اجتماعيه نتيجة الظروف الاقتصادية والثقافيه للمجتمع

BaNZeR

26-01-2009, 11:50 PM

البطالة هي أحد الاسباب التي تؤدي لانعدام الوازع الديني

لأنه الواحد عشان يكون مستقيم لازم وضعه يكون مستقر
وإلا لازم يكون عنده ايمان قوي عشان يتحمل

..حدوتة..

27-01-2009, 02:35 PM

طبعا غياب الوازع لدينى والقدوة
لأنهم لو موجودين مش هيبقى فى كل ده

الاستاذ محمد سرور

27-01-2009, 03:18 PM

شارك معنا بالراي في الاستطلاع الاتي
اي الامراض الاجتماعيه الاتيه الاكثر خطوره علي مجتمعنا ؟
ا-العنوسه
2-البطاله
3-الادمان
4-غياب القدوه والوازع الديني
شارك بالراي والدليل والحل
مع الاخذ في الاعتبار ان كلها كوارث تدمر اي مجتمع ولكني اريد ان اعرف اكثرهم خطوره وايهم يمثل قنبله موقوته قد تنفجر في اي وقت ولذا يلزم التعامل معها باقصي سرعه

السلام عليكم ورحمة الله

انا اول مرة اشوف الموضوع
فعذرا لتأخرى

انا ارى انها امراض متداخلة
بدايتها غياب القدوة والوازع الدينى
ويوازية البطالة
والعنوسة نتاج البطالة
والادمان نتاج غياب القدوة والوازع الدينى

فنمسك بداية الامراض
غياب القدوة والوازع الدينى .... حلهم ... تغير جذرى للجهاز الاعلامى كاملا
فلقد حكى لى امام مسجد انه كان فى خطبة وتحدث فيها عن حكم الغناء وقال ان الكثير من حرام
وبعد انتهاء الخطبة وقف رجل وسط المسجد وقال له
انت بتقول ان الغناء حرام ...طيب انا عندى دليل انه حلال
فتعجب الشيخ وقال له هات دليلك
فقال الرجل .. ان اخت الرسول (( الشيماء )) كانت بتغنى.... :angry2:

فتعجب الشيخ وقال ها ليس بدليل لانها لم تكن كلك
فرد عليه الرجل وقال لقد رأيتها بعينى وهى تغنى ......:(

فتعجب الشيخ وسأله فى غيظ ... انت عندك كام سنة علشان تقول انك شوفتها
فرد الرجل بتلقائية .. لقد رأيتها تغنى فى التلفزيون .....

فما كان من الشيخ الا ان كظم غيظه من الرجل .....:slap1qk6:

وتحول هذا الغيظ الى ما يفعله الاعلام فى عقول الناس التى تعيش على الفطرة
وقس على ذلك الكثير منة الافكار التى تودى بالكثير من حياة الناس

فمنها الشك فى الزوجة وسوء سلوكها وما نراته كل يوم من جرائم قتل بسبب هذا الامر وفى النهاية غير صحيح

الزواج العرفى وما يترتب عليه

كفاية كدة علشان لو اتكلمت تانى ممكن دة يكون اخر رد لى فى الموقع :(

Travel

28-01-2009, 09:15 PM

انا شايفة ان البطالة تقريبا هى اللى تؤدى للمشاكل دى كلها

يعنى البطالة تخلى الشباب انهم ينحرفوا بمعنى
القاعدة على القهاوى
والكافيهات وفى المطاعم
ده كلوا خلى عندهم فراغ قاتل
نت
ودردشة
بقوا يعاكسوا البنات
بس
طبعا البطالة يعنى مفيش فلوس يعنى مفيش جواز
يعنى بالتالى هيسبب العنوسة فى مصر
ده غير ان وقت الفراغ
مفيش شغل
مفيش . . مفيش
هيخلى الشباب يدمنوا
هيخلى جواهم روح التجربة
فى اى حاجة هتفيدهم بالسوء:(
بس على فكرة
حكاية القدوة والوازع الدينى
مش هتفيد بحاجة فى زماننا ده
لان مفيش دين
مفيش عقل
نادر ما يكون فى قدوة للشباب او مثل اعلى
:(

شيل الدين من الدنيا هتتحول فى ثوانى لغابه

معاك حق فعلاا فى الجملة دى

أفنان أحمد

29-01-2009, 01:21 PM

-غياب القدوه والوازع الديني
أعتقد وهى الحقيقة أن غياب القدوة و الوازع الدينى هوأساس باقى المشكلات لأننا وخاصة العرب لا نصلح إلا بدين فغيرنا قد يكون ملحدا أو غير ذلك وينجز ويتفوق فى عمله وينجز لكن العرب لا يصلحون إلا بدين ( ألا يعلم من خلق وهو اللطيف الخبير)
فإذا وجدت القدوات الصالحة وعدنا إلى ديننا فسيصلح الله الحال كله إن شاء الله
والحل أن يتكاتف المعلمون جميعا على غرس القيم العظيمة والأخلاق الفاضلة فى نفوس الطلاب وخاصة بالقدوة الصالحة وهى أعلى أنواع التربية ما قيمة أن أقول وأقول ثم أفعل عكس ما أقول لن يصدقنى أحد فالله الله فى أبنائنا الطلاب والله إنها لحسنات جارية فيا ليت قومى يعلمون
والدور العظيم للآباء والأمهات من أول يوم لا نقول الولد صغير لا يفهم لا نحن واهمون إنه يسجل الحركات والسكنات وكل شىء والولد فى ميزان أبيه
آسفة على الإطالة وجزاكم الله خيرا على الموضوع الهام