مشاهدة النسخة كاملة : انت ياد يا قمر ...يا لهووووى
هانى الشرقاوى 24-01-2009, 03:41 PM كنت بسمع كتير عن معكاسة البنات للشباب بس صراحة كنت عمرى ما شفت حاجة زى كده
وأول مرة شفت الموضوع ده كان من فترة كده
كان فيه برنامج تدريبى للمرشدين السياحيين تبع المتحف المصرى ومتحف بريطانى وأنا كنت معاهم بس كنت أصغر واحد هناك
المهم بعد لما البرنامج خلص
رحت مول كده فى الهرم وهناك شفت بنت كبيرة شوية ماشية وراء شاب وهاتك يا معكاسة بس هى كانت بتتكلم بالروسية وبعد شوية لقيت الشاب وقف وفضل يتكلم معاها بس بالفرنسية هى تتكلم بالروسية وهو يرد بالفرنسية
ههههه كان موقف غريب أوى
كان فيه اتنين من أصحابى بيحبو بعض وكانت البنت تفضل تعاكس عمرو قدامنا على سبيل الهزار وتفضل تدايقه وكلنا كنا عارفين انها بتغيظه بس لانه مش كان عايزنا نعرف
وفيه مرة كنت أنا وهيه فى المهندسين بنزور واحدة صاحبتنا تعبانه
واحنا خارجين من عندها لقينا عمرو واقف بالعربية على الناصية وهى خدت بالها فراحت ناحيته كده قدام كل الناس وفضلت تعاكس وتقول يا لهوى هو حسين فهمى هنا ....وكلام كده
والدة عمرو بقا كانت فى العربية من وراء
سمعت طبعا اللى حصل لان الناس كلها اتلمت
ندت عليا وقالتى مين البنت دى يا هانى ؟ فقلتها دى صاحبتنا ومعانا فى الفرقة ...بصت لعمرو كده قالها بتهزر يا ماما ...ندت والدة عمرو على سها وسمعتها شوية كلام هههههه بس بعد كده صالحتها وعرفت الحكاية وبقت أم عمرو وسها أصحاب
بس أنا كنت متخيل ان كل دى مواقف فردية لا تذكر
لحد لما الموقف ده حصل معايا امبارح
كنت خارج بره وأنا ماشى كان فيه شوية بنات كده ماشيين ورايا لقيت واحدة منهم بتقول يا لهوى على عينيه يا خرابى ويقولوا ويردوا على بعض والمشكلة ان الناس كانت ماشية فى الشارع وشايفين كل حاجة ودول ولا هنا
والله العظيم أنا اتكسفت ولما لقيت مش فيه أمل انهم يسكتو جريت وأنقذت نفسى من نظرات الناس هههههههههه
عمرى فى حياتى ما كنت أتخيل ان موقف زى ده ممكن يحصل معايا
بس بعد كده لقتنى بسئل نفسى وبقول : هو احنا وصلنا لكده ؟
CoMMaNdo 24-01-2009, 03:46 PM ياعم عادى متستغربش اوى كدا
بتحصل كتير الحاجات دى:d
بنات اخر زمن يا جدع :d
eng/yasmeen 24-01-2009, 03:50 PM هههههههههههههههه
عادى بما اننا بقينا ف عصر سمح بالمساواة بين البنت والولد
فبعد كده تشوف البنات بتعاكس الولاد وهيبقى شىء عادى جدا
شكرا على التوبيك
هانى الشرقاوى 24-01-2009, 03:53 PM هههههههههههههههه
عادى بما اننا بقينا ف عصر سمح بالمساواة بين البنت والولد
فبعد كده تشوف البنات بتعاكس الولاد وهيبقى شىء عادى جدا
شكرا على التوبيك
على فكرة أنا شايف ان معكاسة أى طرف للتانى متساوية فى الخطأ
بس أنا كنت فاكر ان البنت حيائها بيمنعها من كده
هى المساواة مطلوبة
بس مش فى دى
شكرا لمرورك
هانى الشرقاوى 24-01-2009, 03:54 PM ياعم عادى متستغربش اوى كدا
بتحصل كتير الحاجات دى:d
بنات اخر زمن يا جدع :d
واضح انك اتبهدلت كتير فى الحوارت دى
eng/yasmeen 24-01-2009, 04:05 PM على فكرة أنا شايف ان معكاسة أى طرف للتانى متساوية فى الخطأ
بس أنا كنت فاكر ان البنت حيائها بيمنعها من كده
هى المساواة مطلوبة
بس مش فى دى
شكرا لمرورك
على فكرة كده حضرتك فهمت غلط
ان مش مع اللى بيحصل بس بديك سبب ليه
مش اكتر
طبعا المفروض ان حياء البنتيمنعها بس ده لما يكون فى حياء عند البنات اللى بتقول عنهم
تقبل مرورى
أحمـدنجـم 24-01-2009, 04:11 PM شوف يا هاني يا حبيبي هي قالت ايه .. يا لهوي على عيونك يا خرابي .. يعني معتقدش انها قالت حاجة كويسة .. هو فيه حاجة كويسة يتقال عليها يا خرابي .. هاني أرجوك تتابع عيونك عند طبيب عيون ومتفهمش البنت غلط هي اتخضت عل عيونك ههههههههه .. وسلملي على الحياء .. سلام
هانى الشرقاوى 24-01-2009, 04:14 PM شوف يا هاني يا حبيبي هي قالت ايه .. يا لهوي على عيونك يا خرابي .. يعني معتقدش انها قالت حاجة كويسة .. هو فيه حاجة كويسة يتقال عليها يا خرابي .. هاني أرجوك تتابع عيونك عند طبيب عيون ومتفهمش البنت غلط هي اتخضت عل عيونك ههههههههه .. وسلملي على الحياء .. سلام
هههههههههه
فعلا حضرتك عندك حق
أنا فعلا عيونى ضاربة هههههه
الظاهر انى محتاج أغير النضارة
ولازم أشوف أتابع الموضوع ده
MoHaMeD ELsHeRbEnY 24-01-2009, 04:24 PM اية ياهانى
دى بتحصل فى احسن العائلات
عائلة محافظة
هههههههههههههههههههه
ليا رد تانى فى الموضوع دة ياكبير
فى رعاية الله
ymymym 24-01-2009, 04:26 PM ايوه يا عم عاوز تقولنا انك عينيك حلوه يعني:p
هانى الشرقاوى 24-01-2009, 04:30 PM ايوه يا عم عاوز تقولنا انك عينيك حلوه يعني:p
حلوة ايه بس دى ضاربة بعيد عنك
صحيح هى مزرقة وفيها حاجة خضراء كده ....ههههههههه
بس ضاربة :angry2:
ربنا ما يكتبها عليكى الحزنة دى النضارة :)
على فكرة أنا مش أحول أوى
بس أحول نصف ونصف
نظرى 4.5 على ستة
إيساف 24-01-2009, 04:37 PM أكيد البعيدة كانت حولة أكيد
فاكر يوم ما كسرتلك النضارة هههههههه
بس بينى وبينك البنت معزروة برده يا هانى
يا راجل كفاية افترا بقا حرام عليك
ما هو مش معقول يا هانى
انت فى كل حتة كده عمل قلق ..زلو فضلت كده كتير حقتلك
ههههههههه
منك لله يا بعيد
Miss Aml 24-01-2009, 04:44 PM السلام عليكم ورحمة الله وبركاته
على فكرة يعنى دى حالة من الناس
ولا تعمم
اكيد الناس دى عندها حالة نفسية او كبت
وحظك انهم طلعوا هذا الكبت عليك
فاعتبرها شى عابر وانتهى وكمل حياتك عادى
لان هذا الكلام لا يستاهل انك تقواوا قدام الناس
وشكرا
maysa_2 24-01-2009, 04:44 PM اللى يعيش ياما يشوف
الدنيا دى بقي فيها كل حاجة بالمقلوب
مستتغربش كتير
كل حاجة فيها بقت غلط في غلط الا ماهدى الله
وشكرا
doaa shedid 24-01-2009, 04:55 PM على فكرة أنا شايف ان معكاسة أى طرف للتانى متساوية فى الخطأ
بس أنا كنت فاكر ان البنت حيائها بيمنعها من كده
هى المساواة مطلوبة
بس مش فى دى
شكرا لمرورك
طبعا الموضوع لطيف وفعلا كل كلامك حق
انا مدرسة فى مدرسة ثانوى وبسمع ده من البنات بشكل مباشر
لكن تعرف ليه بقينا كده!!!!!!!!!!
علشان عمر ما هيكون فى مساواة بين البنت والولد
وكل ميحاولوا يثبتوا ان في مساواه تبوظ الدنيا اوى
ويتم تبادل الادوار والبنات تعاكس الولاد
الى بين الولد والبنت تساوى يعنى كل واحد له وعليه بما يتناسب مع نوعه
انما مش مساواه يعنى كما للولد يكون مثله للبنت
صدقنى يوم منرجع نعترف ان الولد حاجة البنت حاجة
الدنيا هترجع صح
JusT DreaM 24-01-2009, 05:09 PM :av4056bb7jp3::av4056bb7jp3::av4056bb7jp3:
قبل اي حاجة احب اضمنلك ان التوبيك ده هيتعتي التلاتين رد النهاردة:)
تاني حاجة
ضحكتني اوي حكاية انك طلعت تجري دي
انا عندي واحده زملتي معاكستش واد
هيا كانت بتص بس:romarioxp6:
لفلها الواد وقالها انتي بتعاكسيني :huh:
وحصلت مع نفس البنت بس ولد تاني بقى:blush:
عادي الدنيا بقت بالمقلوب دلوقت
بس الموقف الاحلى من ان انتا تجري
انك تقف وتهزأهم
:049gc0:
MohammeD el_SadaT 24-01-2009, 05:19 PM بص ياهانى فى كل حاجه الكويس والوحش
زى ما فيها صبيان أخلاقهم مش كويسه وبتسمحلهم إنهم يعاكسو فى اللى رايح واللى جاى لمجرد التسليه بردو فيه بنات بتعاكس فى الشباب اللى رايح واللى جاى لمجرد التسليه.
" وبعدين كل إناء ينضح بما فيه "
واللى بيحصل ده إن دل فبيدل على شىء واحد إن الشخصيه دى نشأت فى بيئه منحطه وده اللى موت عندها الحياء .
احمد نوفل 24-01-2009, 07:29 PM لا حول ولا قوة الا بالله العلى العظيم
انا حصلى موقف عمره ما هنساه انا مرة كنت راجع من الشغل انا وابن خالى وماشيين فى شارع كله بنات
فلاقينا 3 بنات ماشيين ورانا بيقولواه انتا يا واد جميل ايه يا اخواتى العسل ده يا خرابى
انتا علشان عسول وجميل تتقل علينا فراح ابن خالى لاقها احترمى نفسك فرد عليه قالتله انتا عامل فيها احمد رمزى ملقوش خدت حتة دين قلم على وشها
وادى حال ا لدنيا
BaNZeR 24-01-2009, 07:36 PM عجب والله عجب واللى يعيش ياما يشوف
vampire1188 24-01-2009, 07:41 PM عمرى فى حياتى ما كنت أتخيل ان موقف زى ده ممكن يحصل معايا
هههههههههه .. وحياتك عندي حصل معايا انا شخصيا !!
كنت واقف معا ناس في الحرم القديم بتاع الايه يو سي قبل ماينقلوه للقاهرة الجديدة
والناس كانت كتيرة .. حوالي 6 او 7 واقفين في دوارية كدا .. وفي عز ماحنا واقفين وبنتكلم
اتلاقيتلك واحده طلعت في النص وبتقولي by the way .. عنيك حلوة اوي
عايز اقولك وشي دا جاب الوان الطيف العشرة !! ..
هاتقولي الوان الطيف سبعة .. هاقولك معايا انا كانوا عشرة !
هوا اما البنت تعاكس الولد من منطلق الهزار والضحك .. اتس اوكي مافيش مشاكل
لكن اما يكون من منطلق الجد زي الموقف المنيل اللي حصلي دا ..
وخاصة اما يكون الموقف في وسط ناس يبقي فيه مشاكل ونص وتلات اربع
ومعا ذلك مش هاقدر اقولك غير take it easy ..
وكما قال احد الحكماء اللي انا ماعرفش هوا مين اصلا .. ( عيش بارد تموت مرتاح )
وزي ماواحده اعرفها برده كانت بتقول دايما ( عند الحاجة .. ضع اعصابك في تلاجة ! )
M.Sherif 24-01-2009, 07:55 PM غزة مين بس اللي كنا بنبكي عليها من كام يوم !!!!!
ميراج 24-01-2009, 08:12 PM لاحول ولاقوه الا بالله
هيه وصلت لكده
ههههههههههههه
*ساسُّو* 24-01-2009, 08:16 PM على فكرة
أخويا حكالى موقف زى ده بالظبط
بس كان هو وواحد صاحبه بيتمشوا فى طريق ضلمة طلع عليهم بنتين ما يعلم بيهم الا ربنا
المفروض ان الولدين يعاكسوا البنتين فى حته ضلمة*حصل العكس*
وفضلت البنات ماشيين وراهم مسافة كتيرة
حافظ على نفسك وغير لون عينيك *البس لانسس او اى حاجة* علشان البنات كانوا زمان بيسمعوا عن حاجة اسمها *حياء*
وتقريبا بقى موضة قديمة
وعيش فى الدور مرة من نفسك*كل مرة انت اللى بتعاكس جرب مرة اللى بتعمله فى البنات اللى بتعاكسهم*
Last Fantasy 24-01-2009, 08:19 PM أنا بقي بشكك في نواياك
هههههههههههههههه
تسلم يا جميل علي التوبيك
معلش الموضوع هيتحذف يا جماعة :)
|