السلام عليكم يا اعضاء منتدي الثانويه الغاليين


انا كنت عاوزه اسال سؤال ليه بعض المشرفين بيعاملونا معامله سيئه كده ليه ؟
بجد مش عارفه في مشرفين كويسين جدا جدا معايا وفي مشرفين بيحسسوني اني حشره علي الجنب ولا اسوي في حين اني عمري ما ضايقتهم مش عارفه دا ايه بالضبط في كذا عضو برضه اشتكي من الحكايه يا تري ليه؟
ما كلنا اولاد تسعه يعني مش معني انك مشرف او انك مشرفه يبقي احنا نتعامل كده صح ولا غلط والله انا حسيت باني ولا ليا اي قيمه
وانا متاكده ان الموضوع مش هيعجب المشرف اللي مش طايقني او المشرفه اللي مش طايقاني دي وهيتحذف الصراحه مش مهم عندي يتحذف ولا لأ المهم عندي نصيحه ليكم
اولا متغروش قوي كده لانك مشرف او اكتر من مشرف
ثانيا خليك او خليكي ظريفه او ظريف عشان الناس تتقبلك
يعني الواحد مش هيلاقي ناس سيئه بره في العالم الخارجي وبنقابلهم وجها لوجه
وكمان نلاقي هنا في المنتدي يعني بجد كفايه قوي لغايه كده بجد فعلا كفايه وارحمونا بقي

ياريت برضه لو سمحت لو الموضوع متقفلش ياريت رد كام مشرف كده من غير ما يدخل ويطنش او من غير ما تدخل وتطنش كده يقول رايه فعلا وايه المفروض يتعمل كتييييييييييييييير قوي من الاعضاء انا كنت اعرفهم سابوا المنتدي بسبب المعامله الغريبه دي غير كده كمان طبعا في اسباب تانيه غير الاداره او مشرفينها بس دا كان سبب من الاسباب

السلام عليكم يا اعضاء منتدي الثانويه الغاليين


عليكم السلام ورحمة الله وبركاتة


انا كنت عاوزه اسال سؤال ليه بعض المشرفين بيعاملونا معامله سيئه كده ليه ؟

معلش يا اخت ymymym هنعاملكم معاملة سيئة لية ؟؟

طيب مين المشرفين دول ؟؟

وعاملوكى معاملة سيئة ازاى

واحنا هنتصرف

ولو ادارى هوة الى بيعاملك وحش

فية اسلام ومحمد هيتصرفو

ولو نائب مدير

فية الاستاذ اشرف والاستاذ عصام هيتصرفو

فاهمانى ؟؟



بجد مش عارفه في مشرفين كويسين جدا جدا معايا وفي مشرفين بيحسسوني اني حشره علي الجنب ولا اسوي في حين اني عمري ما ضايقتهم مش عارفه دا ايه بالضبط في كذا عضو برضه اشتكي من الحكايه يا تري ليه؟


لا طبعا

مفيش فرق بين المشرف والعضو والمدير

كلنا اخوات طبعا

وياريت تقولى اسماء

ولو مش عاوزة تقولى هنا

ممكن تقولى لاى شخص من الادارة على الخاص

انا او غيرى

وهنتصرف زى ما قلنا حضرتك


ما كلنا اولاد تسعه يعني مش معني انك مشرف او انك مشرفه يبقي احنا نتعامل كده صح ولا غلط والله انا حسيت باني ولا ليا اي قيمه

احنا كلنا ولاد تسعة صح

بس انا بردك معتقدش ان فية مشرف هيعاملك وحش

بدون سبب

عشان كدة انا بقولك قولى من المشرفين دول

وعاملك وحش ازى ؟؟


وانا متاكده ان الموضوع مش هيعجب المشرف اللي مش طايقني او المشرفه اللي مش طايقاني دي وهيتحذف الصراحه مش مهم عندي يتحذف ولا لأ المهم عندي نصيحه ليكم

دا بصراحة حسب راى مشرفتين القسم

بس بعد اذنهم

ميتحذفش الا لما نحل المشكلة

اولا متغروش قوي كده لانك مشرف او اكتر من مشرف

على فكرة

الاشراف دا مش شئ نتباهى بية والله

بالعكس

الله تعب اعصاب لاكبر درجة ممكن تتخيليها

يبقى هنتغر على اية ؟؟

ثانيا خليك او خليكي ظريفه او ظريف عشان الناس تتقبلك
يعني الواحد مش هيلاقي ناس سيئه بره في العالم الخارجي وبنقابلهم وجها لوجه
وكمان نلاقي هنا في المنتدي يعني بجد كفايه قوي لغايه كده بجد فعلا كفايه وارحمونا بقي

كل مكان وفية الحلو والوحش

بس هنا الوحش بالدليل

هنقدر نحاسبة

علشان احنا هنا كلنا اخوات

وبنتقبل كلام بعض

لان انا مش بحاسبة على انة غلط

لا انا اكنى بعطية نصيحة

فاهمانى ؟

ياريت برضه لو سمحت لو الموضوع متقفلش ياريت رد كام مشرف كده من غير ما يدخل ويطنش او من غير ما تدخل وتطنش كده يقول رايه فعلا وايه المفروض يتعمل كتييييييييييييييير قوي من الاعضاء انا كنت اعرفهم سابوا المنتدي بسبب المعامله الغريبه دي غير كده كمان طبعا في اسباب تانيه غير الاداره او مشرفينها بس دا كان سبب من الاسباب


خلاص بعد اذن نسمة وزينب

الموضوع ميتحذفش الا بعد رد كام مشرف

وبعدين لو انتو شايفين انة مخالف

تقدرو تحذفوة

والاعضاء زى الادارة بالظبط حضرتك

مفيش فرق

ومعلش الى بيسيب المنتدى

يبقى اساسا مينفعش انة يكون اخ لينا

لانة مقدرش يتغلب على المشكلة الى ابلتة

وساب المنتدى

هوة حر بقى

والدنيا مبتقفش لحد

ولو بتقف لحد

كانت وقفت لرسول الله صلى الله علية وسلم

فى رعاية الله

طب ممكن سؤال
؟
هو إيه اللى حصل
!

عارفه أكبر فائده لأن المنتدى طبقات فى الرتب إيه
؟!

إن لما إتنين أعضاء يحصل بينهم خلاف وحد يحس إنه مظلوم يشتكى للمشرف . ولما عضو يتظلم من مشرف يشتكى للإدارى . ولو إتظلم من الإدارى يشتكى لنائب المدير . ولو نائب المدير ظلمه يشتكى للمدير . ولو المدير ظلما يشتكى لله سبحانه وتعالى .
ثم إن صاحب الحق بيقدر يتكلم وعينه قويه يعنى لو إتظلم وإتكلم هيلاقى بدل ال ا / 10000000 يقفو جنبه لحد ما حقه يرجعله .

ثم إن الحكمه فى إن مفيش شخص لوحده منفرد بالسلطه هى إن أكيد مش كل الإداره هتجتمع على ظلمك لو أنا ظلمتك مثلاً أكيد هتلاقى غيرى معاكى .

ولو غيرى ظلمك أكيد هتلاقينى معاك .
لأن
" الحق أحق أن يتبع "
وبالتالى
" الساكت عن الحق شيطان أخرس "

يعنى لو إتظلمى قولى إتظلمتى فى إيه ولو فعلاً حضرتك مظلومه أكيد هنرجعلك حق والحق اللى يرضيكى كمان .
لكن لو سكتى وقولتى هو مين اللى هيقف جنبى دا إدارى دا مشرف دا مدير الشخص ده هيزيد فيها ومش هيهمه حد .
على رأى المثل
" يا فرعون إيه فرعنك قال ملقتش حد يصدنى "

ويمكن تكونى إنتى اللى فاهمه المشرف غلط وإن هو ليه وجهة نظر إنتى مقدرتيش تفهميها أو هو مقدرش يفهمه خطأ غير مقصود يعنى يبقى ليه نشيل من بعض على حاجه مش مقصوده .
" يابخت من بكانى ولا ضحك الناس عليا "

وفى النهايه لو حضرتك حاسه إنك فعلاً مظلومه إنتى أو غيرك من أى شخص فى الإداره مهما إن كانت سلطته حتى لو كان الأستاذ أشرف نفسه .
إكتبى شكوتك ولو الشكوه متنفعش تكون عامه قدام كل الناس إبعتيها على الخاص لأى شخص تثقى فيه من الإداره .
ولو تخلى عن الحق ومجبش حقك ساعتها أنا اللى بقولك من حقك تخليها فضيحه واللى ما يشترى يتفرج .
ونجيب الشوم :stickjo4:ونكسر المنتدى :slap1qk6:
ولا إيه
:049gc0:

هو ايه الي حصل طيب وخلاكي تقولي كدا

؟؟؟

بس الموضوع مش هيتحذف ولا حاجة ان شاء الله

ومش في فرق بين مشرف او اداري او عضو

كلنا واحد

ومن تواضع لله رفعه

بس ياريت تقولي ايه الي مدايقك

وان شاء الله مش هيحصل الا كل خير

كلنا واحد

ومن تواضع لله رفعه

الاول مش تعرفينا ايه اللى حصل ونشوف الغلط فين ؟

احكى علشان اللى غلط يتحاسب

اولا السلام عليكم

ثانيا قبل كل حاجه عاوزين نعرف ايه الي خلاكي تقولي كده

يعني ايه الموقف الي حصل عشان تقولي كده

ولو فيه ظلم ان شاء الله يتبدل بالعدل


وكلنا اذان صاغيه

:)

بعيدا عن كل الكلام ده
الموضوع مغلق
علشان قولت مليون مرة
اللى عنده مشكلة محددة وشكوى من عضو مشرف ادارى مدير يتفضل يقول حصل
كذا , وكذا , وكذا
انما الكلام العايم ده مبحبوش
وهتخلى الكل يقول ان التانى هو سبب المشكلة
الموضوع مغلق
عند حضرتك شكوى محددة اتفضلى قوليها مفيش يبئا ملوش لزمة الكلام ده
شكرا