http://islamroses.com/zeenah_images/besm4.gif





دخلت الجامعة لقيتها عايمة


لقيت شباب مهيســين


لابسين هلاهيل ومقطيعن


لما تسألهم ؟


يقولك على الموضة احنا عايشين


وعلى أخر صيحات الغرب مقليدين


يا جماعة احنا لية للغرب متبعين؟


وساقطاتهم مقتبسين ؟


أما البنات دول غلبانين


لابسين ومش لابسين


ميني جيبات وجينزات


وفلانات بحملاتات


وعدسات ومكياجات


باختصار كاسيات عاريات


وآه يا عيني تسمع القهقهات


تناب من الافواه


وتشوف الشباب ويا البنات


كلام واحتكاك من غير التزام


ده بقت حاجة آخر إحترام


يا ألف خسارة على الأجيال


مات الحياء وتعرت الأبناء


الأخلاق بقت عملة مصدية


مش بتصرف في الدنيا ديه


وروني أحلى نعي في ده أجيال

http://www.uaekeys.com/fwasel/www.uaekeys.com11.gif



ده اللى انا شوفته في الجامعة عند اخويا وعرفت لية هو مش بينزل الجامعة غير الامتحانات والمذكرات
بس ده لو مأساة جامعة لية بنشوف المنظر ده في الشارع كمان؟!!!

واكتر من كده موجود صدقني
كلامك جميل
بسي مين يفهمه ومين يحاول يغيره
ميرسي جدا

حياة الجامعة بالفعل أمست في حالة يرثى لها وقد استخدمت الفعل (أمست) لما أعنيه من الظلام والعتمة التي يحياها الطلاب - معظمهم - داخل الجامعة ، فلا أحد منهم - إلا من رحم ربي - يدرك معنى الحياة الجامعية أو يدرك هدفها الصحيح ألا وهو تنمية القدرات على البحث العلمي فالجامعة ما هي إلا مجال من مجالات العلم المتعددة والتي يحاول الإنسان أن يحصل منها كل ما هو جديد نافع .. وللاسف رأينا الصورة العكسية فأمست الجامعة مكاناً تنتهك فيه حرمات وحدود لله عز وجل تحت مسميات عدة (الشلة - الأنتيم - الحب - الصداقة) وكل تلك المسميات من تزيين الشيطان لبني الإنسان .. وأشكرك أخي الحبيب على هذا الوصف الموجز لحياة الجامعة وتذكرني هنا بقصيدة كانت أختي قد كتبتها منذ فترة سأعرض جزء منها بعد إذنك ...
تقول أختي ..
البنت سابت ثانوية كان ليها أحلام
الواد كمان سابها وماشي بيعزف أنغام
الدنيا ف عنيهم واسعة
والحلم ف اديهم شمعة
البنت رسمت كلية
آداب وطب أو تجارية
الواد طلب من ربه علوم اقتصادية
فرحوا الاتنين بالكلية
ومعاها حياة الحرية
حياة لعبية ومخبية
وراها أحلام الزوجية
ازاي هيبنوا بيت لاتنين
وعش اتنين فوق شجراية
وازاي يعيشوا كدا هانيين
بكنكة وقلة وكباية
وقت المحاضرة يا أخوانا
يكونوا تمام في الكافيتريا
دا يعاكس كل زميلة
ودا يرسم على بدرية
ودي لابسة الجينز محزق
ويبص الواد ويبرق
والوسط الساقط ساقط
وعيونك دي أصلية ؟
ولا باللينسيز قولي
لونتي العين يا عنية ؟
وأبص الناحية التانية
الصورة يا ناس عكسية
دا قاعد جوه محاضرة
ويقول العلم مثابرة
ودي تدعي المولى يعينها
تنجح وتكون مثالية
وتلف السنة حواليا
واتفرج على بدرية
الاقيها تعيط جامد
وتقول الحق عليا
ازاي ضحيت بامبارح
علشان كلمة حنية
خشوا اللجنة دي مستعفية
حلفة لا تبقى مستغنية
عن أوهام شلة بدرية

أكتفي بهذا القدر من القصيدة والتي لملتها من ذاكرتي على قدر المستطاع .. وأكرر شكري لصاحب الموضوع

واكتر من كده موجود صدقني
كلامك جميل
بسي مين يفهمه ومين يحاول يغيره
ميرسي جدا

حضرتك استاذنجم المشاعر عمل حملة توعية علشان كده في قسم العام
ياريت نتغير بجد لازم نحازل ومش نيأس :)

ما يقدم فى التليفزيون هو السبب ... ( عليكم أنفسكم ... )

والله فعلا مأساة

فعلا عندك حق ماساه بس ما في شئ بادينا نعمله غير تطوير الذات والنفس البشريه وده بياخد وقت ع ما تغير وجهه نظر الشخص اللي قدامك وده يتوقف ع طريقه استيعابه لما هو يقال له
يسلمووووووووو ع التوبيك ميرسي ليك عليه
تقبل مروري

للأسف الشديد ده بيحصل

نعيب زماننا والعيب فينا وما ........................