اجازه مباركه ان شاء الله [الأرشيف] - بوابة الثانوية العامة المصرية

فرسان الحق

26-01-2009, 10:46 AM

:022yb4::078111rg3:اولا ببعت سلاماتى للناس اللى لسه ما اخدتش الاجازه و ببعت لهم رساله انى هجى و اقعد العب كوره ادام بيتهم:p
المهم فى التوبيك ده
1-كل واحد يكتب هو مخطط يعمل ايه فى الاجازه بتاعته السنه دى
2-و يقول هو كان مخطط يعمل ايه الاجازه اللى فاتت
3-و يقول هو عمل ايه من اللى كان مخطط ليه
4-و يقول هو قضى الاجازه اللى فاتت ازاى يعنى قضاها نت بس ولا قضاها نت و خروجات مع اصحابه فى بلده
و لا نت و سفر مع اصحابه ولا قضاها رياضه و خروجات و نت ولا اخدت كورسات و لا راح تدريب فى مكتب محاسبه او شركه
:excl:كل اللى لسه ما خدش اجازتهما يدخلش على التوبيك

NoWaY0uT

26-01-2009, 11:08 AM

انا ناوى العب كريمز لعبه مسليه وبليل قضاها خروجات مع اصحابى هعيش حياتى يعنى واللى يحب يلعب كريمز يقولى

الدويدار الصغير

26-01-2009, 11:43 AM

انا رجعت الشغل النهارده بس انا زعلان من المحاسبه جامد وياريت نقرب من بعض شويه

GeNeRaL MB

26-01-2009, 11:55 AM

انا هروح الجيم فى الاجازه دى وقضيها خروجات مع العيال اصحابى ان شاء الله تبقى اجازه كويسه

a_2007

26-01-2009, 02:08 PM

اولا مبرووك عالاجازة ياشباب اخيرا خلصنا انا عن نفسى هعمل حاجات كتير ان شاء الله الاجازة دى اولهم عايزة اروح جيم وهروح بكرة باذن الله واكيد الموضوع ميخلاش من الخروج والفسح والذى منه والنت ده اساسى بس كمان انا كنت بعمل حاجه لذيذه قوى عايزة اقولكم عليها انا كنت بتعلم التركى ومحدش يقولى عشان نور ومهند بس والله انا بدات فيها وعجبتنى قوى وحسيت انها لذيذه قوى وكمان فيه كتاب بقراه من فترة ولسه مخلصتوش اسم(the secret) هكمله ان شاء الله وبعدين ياno wayout انا عايزة العب معاك كريمز دى عشان سمعت انها حلوة بس مش عارفه اجيبها ازاى

فرسان الحق

27-01-2009, 12:30 AM

انا ناوى العب كريمز لعبه مسليه وبليل قضاها خروجات مع اصحابى هعيش حياتى يعنى واللى يحب يلعب كريمز يقولى
يا سيدى انت لسه برده مصمم تلعب اللعبه دى دى بتعلمك الاجرام على اصوله لعبه عباره انك بتقوم بسرقات و علشان تشحن طاقتك علشان تكمل عمليات السرقه تشترى مخدرات تشحن بيها طاقتك و لو عاوز تزود فلوسك تروح الحانه تلعب بلاك جاك قمار يعنى ده لعبه ملهاش فايده
العب لعب حلوه زى تروفى ماندجر او حرب الملوك على فكره لعبة تروفى ماندجر دى لعبه جامده كرة قدم اونلاين
انا كل يوم بكتشف فيها جديد و ساعت ما لعبتها افتكرت انى من اكبر اللى بيلغبوها و لكنى استغربت ان كل اللى انا اتعرفت عليهم فى اللعبه كانوا من 24 سنه لما فوق و استغربت اكتر لما اتعرفت على ثلاث بيلعبوها و عمرهم 38 سنه لانها بامانه لعبه جامده و الواحد بيتعلم فيها حاجات كتير حلوه و كفايه الناس الكويسن اللى الواحد عرفهم فى اللعبه

فرسان الحق

27-01-2009, 12:35 AM

انا رجعت الشغل النهارده بس انا زعلان من المحاسبه جامد وياريت نقرب من بعض شويه
انا كنت مخطط انى اشتغل فى الاجازه اللى فاتت لكن للاسف الاجازه اللى فاتت راحت على الفاضى و حاجه كويسه جدا ان الواحد يشتغل فى الاجازه لكن على فكره انا زعلان منك من الكلام اللى انت قولته فى التوبيك بتاع الاداره

فرسان الحق

27-01-2009, 12:43 AM

انا هروح الجيم فى الاجازه دى وقضيها خروجات مع العيال اصحابى ان شاء الله تبقى اجازه كويسه
انا كنت بروح فى الدراسه الجيم و قطعت بعد العيد علشان المذاكره و كنت ناوى اكمل مع بداية التيرم التانى و لكنى هشوف لو لاقيت فى وقت انى اروح الجيم هروح الجيم اللى فى استاد الجامعه و بالنسبه للخروجات فانا زهقت من المنصوره و شكل كده هتبقى معظم خروجاتى انا و اصحابى سفر مره للقاهره و مره للاسكندريه و مره لراس البر كده يعنى و انا اهم حاجه بالنسه ليا فى الاجازه دى انى ناوى اخذ كورس لغه انجليزيه لكن انا محتاج حد يكون عنده خلفيه عن موضوع الكورسات دى علشان يقول لى احسن مكان اخد منه الكورس ده لان اللى عرفته ان قيمة شهادة الكورس بتعتمد على المكان اللى اخدت منه الكورس

a_2007

27-01-2009, 02:10 PM

هى كريمز دى طلعت كده لا خلاص مش لعباها ياعم وحكايه الكورسات دى فعلا صح تعتمد عالمكان الى تاخد فيه فعلا
انا اعرف الاكاديميه العلوم والتكنولوجيا واعرف انها كويسه او المركز البريطانى برضه كويس ولو عايز تفاصيل اكتر ممكن ابقى اقولك او عايز العنوان يعنى واى خدمه

فرسان الحق

27-01-2009, 04:14 PM

هو المركز البريطانى ده فى المنصوره ولا فى القاهره انا كان مدرس الرياضه اللى كنت باخد عنده السنه اللى فاتت قال لى عليه و لكن كان قال لى ان المركز ده فى القاهره لو فى فرع فى المنصوره ياريت تقول لى على عنوانه و عنوان اكاديمية العلوم و التكنولوجيه لو كان برده ليها فرع فى المنصوره
و شكرا على خدماتك

لومة fces

28-01-2009, 12:42 PM

بما ان طبعا الاجازة طويلة اوى اسبوعييييييين بحالهم :angry2:
فانا مش عارفة هعمل فيها ايه ولا ايه :romarioxp6:
طبعا بتريق وانا كل اللى هلحق اعمله هما خروجتين تلاتة كده ان شاء الله :bosyht9:
وهقعد عالنت كتيييييير ويمكن ازور اصحابى :039uw8:
و قرايبى :friendsxs3: كده يعنى بس اهم حاجة اخرج من جو المذاكرة اللى خنقنى ده

فرسان الحق

28-01-2009, 12:53 PM

لكن على فكره هى الاجازه اسبوعين + شهر لان اول شهر من الدراسه مش هيكون فيه شغل مذاكره كتير قوى

shimaa 2010

28-01-2009, 03:25 PM

لكن على فكره هى الاجازه اسبوعين + شهر لان اول شهر من الدراسه مش هيكون فيه شغل مذاكره كتير قوى
هما اسبوعين اااه وشهر يمكن وشهرين كمان يمكن بس ايه حكايه مش هيكون فيه شغل مذاكره كتير قوى هو حد بيحضر ولا بيذاكر اول شهر ولا اول شهرين هو اخر شهر وخلاص هو كده بقي
الواحد تعب بس والله فعلا بالنسبه للاسبوعين هما خروجه او اتنين وزيارات بقي وكده لكن لما ننزل الجامعه هنتقابل انا واصحابىوهنعيش بقي والله حياه الجامعه حلوه بس الامتحانات بقي نقول ايه

molly_2010

28-01-2009, 04:26 PM

a_2007

28-01-2009, 04:53 PM

بص يا فرسان الجحيم هما الاتنين فالمنصورة الاكاديميه فشارع الهوارى الى جنب الجامعه (عارفه)والمركز البريطانى فاول شارع منتصر واى خدمه احنا موجودين :078111rg3: :078111rg3:

vampire1188

28-01-2009, 05:13 PM

بس ايه حكايه مش هيكون فيه شغل مذاكره كتير قوى هو حد بيحضر ولا بيذاكر اول شهر ولا اول شهرين هو اخر شهر وخلاص

انا لا اؤيدك خاااااااالص .. الكلام دا اوكي لسنة اولي

لكن لينا احنا يا تانية ماعتقدش .. لإن الكل بيجمع على ان الترم التاني في سنة تانية مطحنة بمعنى الكلمة

والكلام دا اللي قالولي عليه ناس في تالته ورابعة ..

انا عن نفسي ان شاء الله هابدأ اشد في الترم التاني .. عشان الترم الاول صراحة انا كنت بستهبل فيه

وربنا يستر بقي ..

اذا كان بقي على اني انا هاعمل ايه في الاجازة .. اقدر اقولك ولاحاجة

ان كان على التدريب (دا لو كان فيه يعني) ماعتقدش انه هايبقي مناسبة لإن الوقت مش كتير

فلو على التدريب يبقي في الاجازة الكبيرة احسن ..

اما لو على كورسات انجليش .. فادي مش عارف .. كل اما ابقي عايز اروح اكسل

ولو على كورسات الكمبيوتر .. فالـ icdl هابقي اروح اقدم فيها ..

وبس .. وبعدين دا هما اسبوعين عمى .. هانعمل فيهم ايه يعني ؟!

فرسان الحق

28-01-2009, 06:27 PM

هما اسبوعين اااه وشهر يمكن وشهرين كمان يمكن بس ايه حكايه مش هيكون فيه شغل مذاكره كتير قوى هو حد بيحضر ولا بيذاكر اول شهر ولا اول شهرين هو اخر شهر وخلاص هو كده بقي
الواحد تعب بس والله فعلا بالنسبه للاسبوعين هما خروجه او اتنين وزيارات بقي وكده لكن لما ننزل الجامعه هنتقابل انا واصحابىوهنعيش بقي والله حياه الجامعه حلوه بس الامتحانات بقي نقول ايه
لا انا تعلمت من التيرم الاول انى ابدا اذاكر من اول السنه من الملازم ورا الدكتور على طول و انى ما فوتش محاضره لان فى حاجات بتيجى فى الامتحانات و مش موجوده فى الملازم و الدكتور كان بيبقى قالها فى المحاضرات

a_2007

28-01-2009, 06:43 PM

والله ياجماعه مش شرط فيه ناس بتذاكر اخر شهر وبتعرف تلم كل حاجه وفيه مبتحبش تلخبط نفسها وتقعد تحضر كل المحاضرات والسكاشن انا عن نفسى عملت كده الترم الاول واقعدت اذاكر وفالاخر لقيت الموضوع مختلف ومكنش ليه لازمه كل التعب الى تعبته ده ده لدرجه انى كنت بحضر محاضرات مرتين عشان اكتب الى فاتنى بس اكتشفت انه هبل

فرسان الحق

28-01-2009, 08:16 PM

:av4056bb7jp3:هيه هيه هيه هيه هيه هيه هيه هيه هيه هيه
اخيرا الاجازة جات واترحمنا من الامتحانات وقلقها وقرفها يارب اعدى بس:( مش عاوزة تقدير بس اعدى لاحسن الواحد هيجيله حاله عصبيه ويتجنن :049gc0:من دى امتحانات دانا اكتشفت ان المزاكرة الثانويه ارحم بكتيرررررررررررررررررررررررررررررررررررر وقال ايه كنا فاكرين الامتحانات الثانويه صعبه
يااااااااااااااااااااه الدنيا دى صغيرة بس والله الترم الجاى مبقاش انا ان ماجبت تقدير جامد وانتوا معايا صح وياريت تكون المشاركه بينا فالدراسه علطول ونبقى زمايل بجد
ولو حتى عبر النت اوك
تحياتى موللى الدلوعه
هتوحشونى فالاجازة بجد انتوا ذى العسل:bosyht9:
انا راى غير كده خالص انا راى ان الثانويه العامه كانت اصعب لكن فى الثانويه العامه لكن علشان الواحد كان بيروح دروس و فى متابعه و كده فى الثانويه العامه انما فى الجامعه مفيش مذاكره فى حاجه اسمها ان الواحد يزنق نفسه فى اخر يومين قبل الامتحان علشان كده بنحس ان الجامعه اصعب من الثانويه العامه ان لو احنا ذاكرنا من اول السنه هنحس ان سهل قوى ان احنا نقفل المواد اللى بندرسها

sunsero2000

29-01-2009, 12:18 AM

يا جدعان الاجازه كلها اسبوعين مش مستاهله دورات وحاجات من دى
انا عن نفسى هقضى اسبوع نووووووووووووووووووووووووووم واسبوع تنس وياريت اللى له فى اللعبه دى يقولى عشان انا لسه مبتدا

فرسان الحق

29-01-2009, 11:15 AM

يا جدعان الاجازه كلها اسبوعين مش مستاهله دورات وحاجات من دى
انا عن نفسى هقضى اسبوع نووووووووووووووووووووووووووم واسبوع تنس وياريت اللى له فى اللعبه دى يقولى عشان انا لسه مبتدا
لو تنس طاوله انا معاك يا معلم انا بحب تنس الطاوله جدا

sunsero2000

29-01-2009, 12:52 PM

لو تنس طاوله انا معاك يا معلم انا بحب تنس الطاوله جدا

لا ياباشا تنس ارضى
بس انت لو عاوز تلعب تنس طاوله فى منه دورات فى تربيه رياضيه

a_2007

29-01-2009, 01:21 PM

انا فعلا عايزة العب تنس والله بس كنت بقول فالاجازة الكبيرة افضل يلا بقى هنجرب فيك وابقى قولنا رايك

sunsero2000

31-01-2009, 12:25 AM

انا فعلا عايزة العب تنس والله بس كنت بقول فالاجازة الكبيرة افضل يلا بقى هنجرب فيك وابقى قولنا رايك
التنس لعبه جامده جدا ومسليه اوى وبنت ناس وتحسى كده انها بنت عز:av4056bb7jp3::av4056bb7jp3:ههههههههههههههه
وعلى العموم جربو براحتكو بس انا عاوز اعرف حاجه انا عاوز مكنا يكون فيه مدربين تنس غير نادى المنصوره

vampire1188

31-01-2009, 01:17 AM

لو تنس طاوله انا معاك يا معلم انا بحب تنس الطاوله جدا

يااااااه .. فكرتوني باللذى مضى ..

كانت ايام والله .. الواحد كان بيبقي عليه ضربة فوروورد مافيش منها في مصر !

بس يالا .. كل واحد ليه يومه

mostafa_music

31-01-2009, 02:57 AM

رونالدينهوو

31-01-2009, 04:24 AM

والله الواحد زهقان من القاعدة

الحياة مملة شوية الكلية احسن بكتيييييييييييييييييييير

فرسان الحق

31-01-2009, 11:12 AM

السلام عليكم
ازيكو ياجماعه
ان شاء الله الاجازه تكون حلوه
بالنسبه لاجازه نص السنه
ماينفعش الواحد يعمل حاجه فيها

لو جيت اخد كورس انجلش مش هاتلحق..لان المستوى بياخد شهر
وانت عندك حوالى 12 مستوى

انا بقول ان اجازه نص السنه بلاش الواحد ياخد كورسات فيها
خلى الكورسات والتدريبات فى الاجازه الكبيره
واجازه نص السنه فرصه ان الواحد يستريح من المذاكره شويه ويتفسح شويه
علشان يستعد للترم التانى ويبقى ذهنه صافى
و الله انت عندك حق يا مصطفى انا رحت يوم الخميس المركز البريطانى لقيت فعلا 12 ليفل و كل ليفل هياخد شهر و فى امتحان تحديد ليفيل الاول قيمته 30 جنيه غير ان كل مستوى من ال12 ب175 جنيه
يعنى افترا ده انا حسبتها لاقيت العملية معديه الالفين جنيه انا مع بداية الدراسه هروح اشوف دورة اللغه المدعمه بتاعة الكلية و امرى لله
و اه شكل الاجازه دى مش هيبقى فيها غير الخروجات بس و لا وينى زهقت من المنصوره بقالى فيها 18 سنه
و الخروجات لاما تمشيه على النيل لاما بلاى ستيشن لاما كوره لاما قعاد فى كافتريا
و انا مبحبش اقعد فى كافتريات و مبحبش العب بلاى ستيشن و زقت من المنصوره و منتظر بفارغ الصبر ان الدراسه تبدا لانى كمان مش لاقى غير اصحابى بتوع ثانوى لان اصحابى بتوع الجامعه من برا المنصوره

a_2007

31-01-2009, 12:25 PM

التنس لعبه جامده جدا ومسليه اوى وبنت ناس وتحسى كده انها بنت عز:av4056bb7jp3::av4056bb7jp3:ههههههههههههههه
وعلى العموم جربو براحتكو بس انا عاوز اعرف حاجه انا عاوز مكنا يكون فيه مدربين تنس غير نادى المنصوره

انا لسه جايه من استاد الجامعه حالا وقلت لازم اقولك بيقولك ياسيدى لو الصبح الاشتراك 40ج ولو بالليل الاشتراك 50ج و12 مرة فالشهر يعنى 3 ايام فالاسبوع والكور والمضارب عليهم حاجه لذيذه فعلا بس اعتقد فالاجازة الكبيرة احسن

sunsero2000

31-01-2009, 08:22 PM

انا لسه جايه من استاد الجامعه حالا وقلت لازم اقولك بيقولك ياسيدى لو الصبح الاشتراك 40ج ولو بالليل الاشتراك 50ج و12 مرة فالشهر يعنى 3 ايام فالاسبوع والكور والمضارب عليهم حاجه لذيذه فعلا بس اعتقد فالاجازة الكبيرة احسن

هو انتى قصدط على مجمع التنس اللى فى تربيه ولو تقصديه فعلا
هل الشتراك ده شهرى
وحاجه تانيه هل فيه مدرب بيدربنا ولا هيكونهبل فى الجبل
ومتشكر اوى على المعلومه

a_2007

31-01-2009, 10:44 PM

هو انتى قصدط على مجمع التنس اللى فى تربيه ولو تقصديه فعلا
هل الشتراك ده شهرى
وحاجه تانيه هل فيه مدرب بيدربنا ولا هيكونهبل فى الجبل
ومتشكر اوى على المعلومه

لا مش هبل فالجبل ولا حاجه ده حاجه محترمه قوى وفيه مدربين طبعاا وهو المجمع الى فتربيه رياضيه وبصراحه شكله نظيف قووووى وحاجه حلوة يعنى وابقى قولنا عملت ايه

sunsero2000

01-02-2009, 03:12 PM

لا مش هبل فالجبل ولا حاجه ده حاجه محترمه قوى وفيه مدربين طبعاا وهو المجمع الى فتربيه رياضيه وبصراحه شكله نظيف قووووى وحاجه حلوة يعنى وابقى قولنا عملت ايه

ربنا يطمنك وهو فعلا المجمع نظيف وحلو يالا ربنا يسهل وتشوفوانى مه نادال

نسمه عبد اللطيف

02-02-2009, 01:08 AM

انا بقي اجازه دي محستهاش لاني كنت بشتغل حتي مع الامتحانات كنت باخد قبل الماده يومين ولا حاجه بس بعد الامتحان الاخير نمت يوم كامل وانا بالصراحه بشتغل بارادتي وبحس بمتعه وفي الاجازه بخرج مع اعز صحبتين عندي من ايام الطفوله ولاء ودعاء وساعات بينبات مع بعض ونسهر لحد الصبح نرغي نرغي