http://abeermahmoud.jeeran.com/27-basmallah.gif

http://abeermahmoud2006.jeeran.com/557-Alsallam.gif

ايه اخباركم يا بشمهندسين اتمنى تكونوا كلكو خلصتوا امتحانات
(مهو اللى معندهوش امتحانات لازم حيبقى كويس):romarioxp6:
خلاص انا النهاردة خلصت وفضيتلكم وقلت لازم أحطلكم موضوع

الموضوع ده غرضه تنشيط قسم كلية الهندسة
انا هنا معرفش بالظبط غير 5 وانا السادس دول اللى بيشاركوا في المنتدى عموماً
وفي كام واحد زيادة هنا في القسم بس مش بشوفهم كتير

فياترى ايه السبب في خموله ؟؟
اختلاف الكليات طبقاً للجامعات واختلاف المناهج تبعاً لها
بس كلنا هندسة صح ؟
يعني اكيد في كتير بيننا مشترك
ولو معرفناش ايه المشترك ده مش حنعرف نساعد بعض
وكل واحد حيفضل لوحده
عشان كده الموضوع ده حيبقى فايدته تعارف بين الكليات
وكل واحد يتكلم بالنيابة عن كليته
يقولنا ايه نظام امتحاناته وايه المناهج ونظام الامتحان الخ
ويرجى عدم تدخل من غير كليات الهندسة للسؤال او الاستفسار في اي حاجة في الموضوع ده

وانا حبدأ بالكلام عن كليتي هندسة أسيوط

في البداية نتكلم عن المواد اللى كنا بناخدها في الترم الاول
وسيبكو من التيرم التاني دلوقتي حنجيله بعدين
وسيبك برده من توزيع الدرجات عالامتحانات وكده بس مفيش مانع تكتبها لو حافظها
حجيب كل مادة واشرحها بالتفصيل زي ما هي عندنا
عشان كل واحد يعرف نظام كليته ايه


الرياضيات
محاضرتين في الاسبوع واحدة جبر والتانية تفاضل + سكشن رياضيات

:::::الفصل الدراسي الأول ::::
* الجبر : 7 ابواب
الاستنتاج الرياضي - الكسور الجزيئية - المتسلسلات - متسلسلة ذات الحدين
المصفوفات والمحددات - حلول المعادلات الخطية باستخدام المصفوفات - المعادلات غير الخطية

* التفاضل :5 ابواب
مجموعة الاعداد الحقيقية - الدوال الحقيقية - نهاية واتصال الدوال الحقيقية - التفاضل (الاشتقاق)
تطبيقات الاشتقاق (نظرية روول - لاجرانج - القيمة المتوسط لكوشي - لوبيتال

والمادة فصلين دراسيين
وكمان امتحانها في الفصلين الدراسيين

http://www.3rbe.com/vb/upload/2008/3/37350_21210835170.gif
الميكانيكا
محاضرة في الاسبوع + سكشن ميكيانيكا

:::::الفصل الدراسي الأول ::::

8 ابواب
جبر المتجهات - مبادئ واساسيات الاستاتيكا - الاستاتيكا التحليلية في بعدين والقوى المستوية -
تطبيقات على توازن القوى المستوية - الاستاتيكا البيانية - الاستاتيكا الفراغية - الاحتكاك -
الباب الثامن : مركز الكتل ومركز الثقل (ولكن تم حذفه )

مش فاكر أخدت كل دول امتى بس الكتاب اللى بيقول :)
المادة فصلين دراسيين
ولكن امتحانها آخر العام فقط ولا نمتحن الترم الاول غير اعمال السنة ميكانيكا فقط من 30 درجة
الفصل الاول : استاتيكا ، الفصل الثاني : ميكانيكا

http://www.3rbe.com/vb/upload/2008/3/37350_21210835170.gif
الفيزياء
والتي اصطلح تعريفها بأنها مركز الثقل في الفهم عند الانسان (ما علينا)
محاضرتين في الاسبوع واحدة خواص والتانية حرارية + سكشن العملي فيزياء
لكن بيديهالنا 4 دكاترة منهم 2 خواص و2 حرارية
وبالتالي بنشوف كل دكتور مرة كل اسبوعين
يعني الدورة بتكمل كل اسبوعين (ما علينا)
(يلا افتح الكتاب لأول مرة وأمري لله)

:::::الفصل الدراسي الأول ::::

*خواص المادة : 7 أبواب
الوحدات والابعاد - قانون الجاذبية - المرونة - خواص الموائع الساكنة -
ديناميكا الموائع - الموجات المنتشرة في بعض الاوساط الفيزيائية

* الحرارة ومبادئ الديناميكا الحرارية :
انتقال الحرارة - التمدد - النظرية الحركية للغازات - معاجلات الحال للغازات الفعلية -
الشغل والحرارة - القانون الثاني للديناميكا الحرارية

المادة ترمين
وامتحانين للفصلين الدراسيين
وامتحانين عملي كذلك
غير امتحانين اعمال السنة
وكده كده مش فارقة لأن حلها زي عدم حلها :)

http://www.3rbe.com/vb/upload/2008/3/37350_21210835170.gif
تكنولوجيا الانتاج
محاضرة في الاسبوع (ساعة فقط) + سكشن الورش (العملي بتاعها)

اعتقد هي حاجات ثابتة عند كله بس انا مش عارف الكتاب اللى معايا ده ترم و لا ترمين
بس اعتقد ترم اكيد

في المحاضرة اخدنا 3 ابواب من 8 الل في الكتاب
المواد الهندسية - السباكة - تشكيل المعان

وفي حاجات اللى اتاخدت في العملي في الورش
اما باقي الابواب
طرق توصيل المعادن - عمليات التشغيل اليدوية - عمليات تشغيل آلية - طرق قياس

بالنسبة لنظامها لسه مش عارف وحأجل الكلام عنها
بس ممتحنتهاش غير اعمال سنة بس

http://www.3rbe.com/vb/upload/2008/3/37350_21210835170.gif

الاسقاط الوصفي والرسم الهندسي

محاضرة اسقاط في الاسبوع (ساعة) + سكشن رسم هندسي (3 ساعات)
في الاسبوع

اكيد المواد بتاعتها مشتركة لانهم مش حيألفوا رسم
المادتين مترافقتين حيث سيتم جمع كلا درجتيهما
امتحانهم ترم تاني

http://www.3rbe.com/vb/upload/2008/3/37350_21210835170.gif
اللغة (انجليزي)
سكشن واحد في الاسبوع فقط

مادة ترم اول فقط
وامتحانها معاها في الترم الاول واعمال السنة كذلك

http://www.3rbe.com/vb/upload/2008/3/37350_21210835170.gif
الحاسبات والبرمجة computer and programming
محاضرة في الاسبوع + سكشن

تتكون من 4 ابواب
(كلها بالانجليزي طبعاً)
chapter.1:introduction to computers and internet
وده بيتكلم عن تقسيم الجهاز لهاردوير وسوفت وير ومكونات كل منهما
وانظمة التشغيل وانواع الاجهزة (من حيث النوع والحجم وال....)
والانترنت والمتصفحات والمواقع والبروتوكول ....الخ

chapter.2 computer software

وده بيتكلم عن الويندوز بالتفصيل


سطح المكتب والخلفية وقائمة ابدا واختصارات الكيبورد واشرطة العنوان والقوائم وغيرها


كذلك انواع الملفات والامتدادات والدرايفات واغلاق وفتح التطبيقات الخ



Chapter.3 engineering methods for soft ware


باختصار ده بيتكلم عن انشاء البرنامج في المرحلة الابتدائية عن طريق


Flow chart


وده عبارة عن مخطط للبنامج اللى انت عايز تعمله على الورق


عشان تختبره وتجربه ثم تنفذه عالكمبيوتر


ولاحظت أن البعض لا يعرفه لذا نوهت عنه ولا اعرف إن كنتم ستأخذوه في الترم التاني اولا



Chapter.4 QBasic programming


ده بقى لغة البرمجة اللى انت بتطبق بيها الفلوشارت


يعني بتحط اكواد واوامر بحيث تصمم البرنامج اللى يأدي الغرض اللى انت عاوزه



المادة ترم واحد وامتحانها معاها ترم اول


ومفيش امتحان عملي



http://www.3rbe.com/vb/upload/2008/3/37350_21210835170.gif
حقوق الانسان
وده مادة ادبية تقرر اضافتها من 3 سنين عندنا في الكلية نظراً لاهميتها الشخصية
وإنه المفروض كل واحد يكون عارف حقوقه :slap1qk6:
ونظراً لأن هذا القرار قد اتخذ مؤخراً في تلك السنة فرفض الطلاب وضعها لهم في الجدول
لأنه السنة تقريباً كانت خلصت
فتم فرضها على الدفعة التالية وهي اللى قبل قبلينا
مما يعني أن دفعتنا هي الدفعة الثالثة في هذه المادة

محدش يسألني فيها ايه عشان كلها حفظ ونص الكتاب كان ملغي ومع ذلك معرفتش احفظ غير الاعلان العالمي لحقوق الانسان
المهم

المادة ترم واحد وامتحانها عبارة عن 3 اسئلة فقط
بس كل سؤال متكتبش فيه اقل من 4 صفحات (وانا داخل هندسة عشان احفظ ..ما علينا)



كده خلصت المواد للترم الاول
ننقل على الامتحانات
كانوا 5 امتحانات
http://www.3rbe.com/vb/upload/2008/3/37350_01210835170.gif
بدأنا يوم الثلاثاء 13/1 رياضيات
السبت 17/1 حقوق انسان
الثلاثاء 20/1 لغة انجليزية
السبت 24/1 فيزياء
الاربعاء 28/1 حاسبات وبرمجة
http://www.3rbe.com/vb/upload/2008/3/37350_01210835170.gif
يعني خلصت امبارح

الترم الثاني حيبقى مادتين زيادة (لحد ما انا شايف)
كيمياء - تاريخ العلوم الهندسية
ياريت اشوف بقى المواد عندكو كان شكلها ايه
وامتحاناتكو بدأت امتى ونظامها ازاي

الموضوع ده غرضه تنشيط قسم كلية الهندسة
انا هنا معرفش بالظبط غير 5 وانا السادس دول اللى بيشاركوا في المنتدى عموماً
وفي كام واحد زيادة هنا في القسم بس مش بشوفهم كتير

فياترى ايه السبب في خموله ؟؟
اختلاف الكليات طبقاً للجامعات واختلاف المناهج تبعاً لها
بس كلنا هندسة صح ؟
يعني اكيد في كتير بيننا مشترك
ولو معرفناش ايه المشترك ده مش حنعرف نساعد بعض
وكل واحد حيفضل لوحده
عشان كده الموضوع ده حيبقى فايدته تعارف بين الكليات

بص يا باشمهندس القسم ده قبل الدراسة مقولكش كان نشيط جداااااا بعد الدراسة بدأ النشاط يخف و كنت بعمل مواضيع و اتعب نفسي على الفاضي و مكنتش لسه مشرف . لحد ما جه دكتور ايمن ( emoo ) و طلب مني امسك القسم و احاول ارجعه زي الاول و الحقيقة انا تعبت جدااااااااااااااااااااااااا عشان احاول ارجعه زي الاول لكن لا حياة لمن تنادي ناس قد كد بتدخل بس معرفش بيعملوا ايه مش بنشوفهم ليه ليه مش بيشتركوا معانا و يتناقشوا مش عارف و الحقيقة (eng . 7oudash ) تعب معايا جدا عشان نحاول نرجع نشاطه .
ان شاء الله مع بعض ينشط بس ياريت متزهقش .
اما موضوع اني اتكلم عن المواد دي فخليها بعد ما اصحى من النوم معلش اصلي مش شايف قدامي و انا في حاجات كتير ناسيها في المنهج بتاعنا .

والله ياجماعة انا هنا ف القسم علطول بس المشكلة انى لو حطيت موضوع او محاضرات محدش هيشوفوه لان مفيش حد هنا هندسة الزقازيق غيرى تقريبا

انا عارف انه الموضوع طويل ومحدش فاضي في الاجازة يعقد يفتكر منهجه كله

بص يا جماعة انا بس عايز اعرف بقية الجامعات مشتركة معانا في ايه ومختلفة في ايه

على الأقل اعرف الامتحانات بدأت امتى وخلصت امتى

وبعدين انا معرفش حد من هندسة اسيوط معايا غير واحد (حتى الآن)

ولاحظت إنه في كتير من هندسة بس مش بشوف حد فيهم هنا

عايزين ننشط القسم شوية

انا ان شاء الله بقي معاكمانا هندسه المنصورهمواد الترم الاول كالاتي:اولا: رياضه1ودي بتنقسم لتفاضل (محاضره واحده في الاسبوع)وجبر (محاضره واحده في الاسبوع)وسكشن ونصف رياضه كل اسبوعدي بنمتحن فيها ترم اول وبتظهر ترم اول تانيا: كيمياءودي باخد فيها محاضره ونصف كل اسبوعوسكشن كل اسبوعوالسكشن دا مره بيكون عملي ومره بيكون مسائلدي بنمتحن فيها ترم اول وبتظهر ترم اولثالثا: الفزياءودي تنقسم لفزياء حراريهودي بناخد فيها محاضره كل اسبوعومفيش ساكشنفزياء خواص مادهودي محاضره كل اسبوعومفيش سكاشندي بنمتحن فيها ترم اول بس النتيجه بتظهر الترم التاني لانها ماده متصلهرابعا: ميكانيادي بناخد فيها محاضره ونصف كل اسبوعوهيا عباره عن استاتيكاوسكشن كل اسبوعودي بنمتحن فيها ترم اول بس النتيجه بتظهر ترم تاني مع الديناميكاخامسا: الهندسه الوصفيهدي باخد فيها نصف محاضره كل اسبوعوسكشن كل اسبوعوبنمتحن فيها ترم اول بس النتيجه بتبان ترم تاني مع الرسمسادسا: الرسمدا بناخد فيه نصف محاضره كل اسبوعوسكشن كل اسبوعبس بنمتحن فيه مره واحده اخر الترمسابعا واخيرا: اللغهدي سكشن كل اسبوعوامتحان ميد ترموهيا طبعا ترم اول بسوبنمتحن فيها ترم اولالمواد اللي النتيجه بتاعتها بتظهر الترم الاول:اللغهرياضه1كيمياء

بص يا سيدي احنا في هندسة اسكندرية
الترم الاول
عندنا رياضة و فيزياء و انتاج و رسم و اسقاط و ميكانيكا و حقوق انسان
امتحان الترم الاول بيبقى في الرياضة و الفيزياء و الانتاج و حقوق الانسان

الرياضة
التفاضل : الدوال المثلثية _ الدوال الاسية _ و الدوال الزائدية _ و التفاضل الضمني _ و مفكوك ماكلورين و تايلور
الجبر : الكسور الجزئية _ نظرية ذات الحدين _ المصفوفات _ الجذور و المتجات المميزة

محاضرتين اسبوعيا و سيكشن واحد
الفيزياء
خواص المادة : المرونة _ الحركة الدورانية _ سريان الموائع _ اللزوجة
الحرارة :الوحدات و الابعاد _ الحرارة و طرق توصيلها _ الديناميكا الحرارية

محاضرتين اسبوعيا و سيكشن واحد ( اسبوع نظري و اسبوع معمل )
الانتاج

السباكة _عمليات التشكيل _ عمليات التشغيل _ القياسات _ التوحيد القياسي _ نظم ادارة الانتاج _ التكاليف

محاضرة واحدة في الاسبوع و سيكشن في الورشة

الاسقاط
محاضرة كل اسبوعين و سيكشن كل اسبوعين
الرسم
محاضرة كل اسبوعين و سيكشن اسبوعيا

الميكانيكا ( استاتيكا )
5 ابواب : القوى المستوية _ اتزان الجسيم و الجسم المتماسك _ اتزان مجموعة الجسيمات _ اتزان مجموعة الاجسام المتماسكة _ الاحتكاك

محاضرة واحدة اسبوعيا و سيكشن اسبوعيا
حقوق الانسان
محاضرة اسبوعيا ( محدش بيحضرها الحمد لله ;))



نيجي للترم التاني بقى

كل اللي اعرفه عنه المواد

رياضة 2 _ فيزياء 2 _ ميكانيكا ( ديناميكا ) _ الرسم و الاسقاط _ كيمياء _ انجليزي _ تاريخ العلوم الهندسية

بالنسبة للأمتحانات
امتحانات الميد تيرم كانت في شهر 11 و كانت لكل المواد ما عدا حقوق الانسان و الاسقاط

اما التيرم ابتدينا يوم 17/1 رياضة

21/1 فيزياء

24/1 حقوق الانسان

26/1 انتاج


يارب اكون منستش حاجة

والله يا باشمهندس أنا مش عارف اقولك ايه
انا نفسي دي تعتبر المشاركة السابعة ليا في المنتدي الجميل ده من ساعت ما دخلت المعتقل (اقصد الكلية)
وبصراحة كنت كل شوية بدخل لكن مبلاقيش موضوعات جامدة زي زمان في الاجازة
ناس كتير اتغيرت وناس كتير سابت المنتدي وموضوع منتهي الهندسة اللي كان المفروض ينطلق مع اول يوم في الدراسة لكن يافرحة ما تمت
المهم أنا هحاول ارغي شوية عن كليتي هندسة القاهرة وياااااارب تاخد فكرة كويسة عنها :
السنة الاعدادية يا سيدي بتبقي في مدينة الشيخ زايد وبتكون طبعا علي ترمين
الترم الاول بندرس فيه الآتي
ـ رياضيات (جبر و تفاضل) :(محاضرة جبر ومحاضرة تفاضل و2سيكشن في الاسبوع)

بالنسبة للجبر بيكون 6فصول
استنتاج رياضي ،نظرية ذات الحدين،الكسور الجزئية،نظرية المعادلات ،الحلول العددية للمعادلات ،جبر المتجهات
يمكن يكون محتوي منهجنا زيكوا بالظبط مع اختلاف التسميات (هه فذلكه طبعا)
بالنسبة للتفاضل منهجه كبير جدا ولكن هقولك اللي خدناه
الدوال الحقيقية ، النهايات والاتصال ، الدوال المتسامية و الدوال العكسية، الاشتقاق من طاطا لسلام عليكو ،المشتقة النونية وصيغة ليبنز ،نظرية لوبيتال
ـ الفيزياء(خواص مادة وكهربية) :(محاضرة خواص ومحاضرة كهربية و2سيكشن في الاسبوع)
وللعلم :الفيزياء بالنسبة لينا هي بعبع الطلبة والبركة في الدكاترة طبعا(بعضهم مش كلهم بصراحة )
بالنسبة للخواص خمس فصول
الابعاد والوحدات ،المرونة(بتتاخد بضمييير)،ديناميكا الموائع المثالية ،اللزوجة،قوي التجاذب
بالنسبة للكهربية :اربع فصول (بندرس الكهربية الساكنة فقط في الترم ده):
قانون كولوم والمجال الكهربي ،قانون جاوس لفيض المجال الكهربي، الجهد الكهروستاتيكي،الاوساط العازلة والمكثفات الكهربية
ـ الكيمياء الهندسية :(محاضرة وسيكشن في الاسبوع)
مادة جميلة وزي الفل وحوالي تلات تربع الكتاب ملغي علينا ولكننا مطالبين باللي بتقوله الدكتورة وبناخد :
الغازات المثالية ،الغازات الحقيقية ،الاحتراق ،الغاز الطبيعي،المحاليل، التلوث والهندسة البيئية ،المزلقات وزيوت التزليق والشحوم،مواد البناء والاسمنت(متتخضش اوي احنا بناخد طراطيش كلام مش اكتر)
ـ الرسم الهندسي والاسقاط :(2سيكشن في الاسبوع)
هو هو نفس الرسم اللي بيخده اي طالب اعدادي في الدنيا (تماس ،مساقط،استنتاج مسقط ثالث،ايزومتريك:وياويله اللي مايتخيلش في المادة دي)
ـ ميكانيكا (استاتيكا ترم اول ): (محاضرة و سيكشن في الاسبوع)
خمس فصول :مبادئ المتجهات في الفراغ ،المجموعات المتكافئة،الاتزان في الفراغ ،مركز الكتل ،عزم القصور
ـ حاسبات(والدكتور اللي بيديها..............................ولا بلاش!!!)(محاضرة و سيكشن في الاسبوع)
مادة ظريفة وسهلة بس الدكتور بتاعها بيتفنن في احباط وتاييس الطلبة ، احنا بندرس فيها البرمجة واول فصلين فيها بيبقوا تعريف بالحاسب و مكوناته ونظم تشغيله وكده يعني فمبناخدهمش (علي اساس ان احنا عباقرة) وبنبدا بالفصل الثالث اللي هو الفلو تشارت زي ما حضرتك وصفته ومن اول الفصل الرابع للفصل الثامن اللي هو نهاية الكتاب (لغاية آخر السنة يعني)بندرس لغة برمجة واحدة بس بالتفصيل الممل اللي هي ++c ودي لغة لاول مرة بتدرس لطلبة اعدادي بعد ما كان بيدرسها طلبة اولي اتصالات
ـ لغة فنية(اللي هي الانجليزي) (سيكشن فقط في الاسبوع)
وياويله اللي يقول عليها انجليزي (المعيد ممكن يضربه باي حاجه في ايده) مادة حلوة وبسيطة لكن مانتاش عارف ايه الغرض منها
ـ فيزياء عملية(سيكشن كل اسبوعين)
بناخدها في المعمل وبنعمل شوية تجارب كده بعد ما نتقسم لفرق كل فرقة علي تجربة
امتحانات الترم بتاعتنا بدات 19يناير وانتهت 29يناير وامتحنا الرياضيات و الفيزياء و اللغة الفنية و الكيمياء و مقولكش الامتحانات كانت عاملة ازاي
الترم التاني بيمشي بنفس نظام الاول مع تبديل الكثير من المواد(كيمياء بانتاج،جبر بهندسة تحليلية ،تفاضل بتكامل،خواص بحرارية ،كهربية بمغناطيسية،لغة فنية بانسانيات اللي هي تاريخ العلوم الهندسية،استاتيكا بديناميكا )في مواد انا اول مرة اسمع عنها زي حقوق الانسان دي مثلا
ياريت اكون افدتك ياباشمهندس ويااااااااااااااااااااااااااااااااااااارب كلنا نعدي من السنة دي علي خير و ندخل القسم اللي عايزينه
اخوك :احمد بلما
معتقل بهندسة القاهرة من 21سبتمبر 2008الي اجل غير مسمي

السلام عليكم

انا عايز اقلكم بس ان انتوا مش في معتقل احنا الفي معتقل
انا في جامعة قناة السويس الفصول الدراسية في الاسماعلية
بوصوا بقي بناخد ايه في تيرم واحد
الترم الاول
رياضيات (تفاضل و هندسة تحليلية)
و التفاضل زي ما احمد بلما واخدين احنا اخدنا لحد لوبيتال
و هندسة تحليلية اخدنا فيها حاجات كتير اوي و قطاعات و كلام كده المهم دول محاضرتين في الاسبوع و لازقين في بعض الاتنين يوم الاربعاء سبحان الله يعني

و بناخد

فيزياء



*خواص المادة : 7 أبواب
الوحدات والابعاد - قانون الجاذبية - المرونة - خواص الموائع الساكنة -
ديناميكا الموائع - الموجات المنتشرة في بعض الاوساط الفيزيائية

* الحرارة ومبادئ الديناميكا الحرارية :
انتقال الحرارة - التمدد - النظرية الحركية للغازات - معاجلات الحال للغازات الفعلية -
الشغل والحرارة - القانون الثاني للديناميكا الحرارية


زيك كده نمام بس بيديني 2 دكاترة في محاضرتين في الاسبوع و في دكتور مبنحضرلوش و في سيكشن عملي


الكيمياء ديه بقة الهتشوفوا فيها العجب

1-كيمياء تحليلية
2-كيمياء فيزياءية
3-كيمياء عضوية :ٍ :ٍ

ده علي اساس أننا في صيدلة بناخد ال 3 انواع ب 3 دكاترة ب 3 محارات في الاسبوع غير سيكشن عملي


الميكانيكا
محاضرة في الاسبوع + سكشن ميكيانيكا

8 ابواب
جبر المتجهات - مبادئ واساسيات الاستاتيكا - الاستاتيكا التحليلية في بعدين والقوى المستوية -
تطبيقات على توازن القوى المستوية - الاستاتيكا البيانية - الاستاتيكا الفراغية -
الباب الثامن : مركز الكتل ومركز الثقل (ولكن بناخده :d)
و ماخدناش الاحتكاك



و في3 مواد تانين
1- تاريخ الهندسة
2-مدخل الي علم الجودة
3-لغة فنية

كل القولتلكوا عليه ده امتحنتوا
انا بجد امتحنت امتحانات لحد ما قولت بس
2 عملي
و 1 جودة
6 امتحانات باقي المواد


و غير بقي الرسم و الاسقاط بس بنمتحنهم الترم التاني

احنا بقي في جوانتناموا :d :d

ما اجمل هذا الموضوع!!!
كانت فين الموضوعات الجميلة ده من زمان
وارجو ان تستمر هكذا ونرى المزيد من هذه الموضوعات الجميلة.......

وارجو ان تستمر هكذا ونرى المزيد من هذه الموضوعات الجميلة.......
ان شاء الله ورونا همتكم يا باشمهندسين

ما اجمل هذا الموضوع!!!
كانت فين الموضوعات الجميلة ده من زمان
وارجو ان تستمر هكذا ونرى المزيد من هذه الموضوعات الجميلة.......


الله يخليك
والله المنتدى ضلمة من غير مواضيعك :078111rg3:

والمواد عندكو يا رؤوف كتيرة جداً لتيرم واحد

معرفش انا كل الاقسام الغريبة ده في الكيمياء

حتى الآن طبعاً معداش غير يوم واحد للكل وبالتالي لسه منعرفش حاجة
عرفت بس إنه الرياضة كانت التيرم الاول جبر وتفاضل
والتيرم ده حتبقى تكامل وهندسة تحليلية
وححط التفاصيل قريب لما نستلم الكتب إن شاء الله :)

السلام عليكم و رحمة الله و بركاته

محمود يحيكم من هندسة طنطا

معلش انا بعيد بقالى فترة عن القسم هنا

بس ده لانى لاحظت ان كل الموجودين دلوقت تقريبا كلهم فى اعدادى

فملقتش نفسى فى وسطكم

لكن انا موجود .. لو اى حد محتاج اى حاجة انا فى الخدمة على قدر استطاعتى

و السلام خير خنام