بسم الله الرحمن الرحيم



عضو مشرف ادارى نائب ادارة

اكتر من سنتين فى المنتدى
كسبت وخسرت حاجات كتير
بس فى النهاية منكرش انى طلعت كسبان
اتقال كلام كتير عن اسلام منكرش ان معظمه صح
بس نفسيا انا تعبت
ده بجانب ان الفترة اللى فاتت تعبت جسديا بسبب كثرة وجودى على النت
المشكلة انى مبقتش عارف استحمل الكلام اللى بيتقال
وفى نفس الوقت مينفعش اجر ناس معايا فى اشاعات ملهاش لزمة
الكلام اللى اتقال
هو نفس الكلام اللى اتقال قبل كده على ناس غيرى
ومش هقول اللى يتكلم يتكلم لان مينفعش اللى يتكلم يتكلم وانا اسكت
وبصراحة انا تعبت من كتر الخناقات والمشاكل هنا
انا مش هقول انى همشى ومش هدخل تانى
لا هدخل عادى زى اى عضو أقراء وانزل واتناقش
بس انا اتخنقت وعايز ارتاح
شكرا :)

ملحوظة بعد الموضوع انا هغير رتبتى لعضو مرة تانية
وياريت تفضل كده

اممممممم

كلام

وناس قالت كلام

والكلام مش بيخلص

عادي وايه الجديد

اي حد في الادارة بيتقال عليه كلام

انا بيتقال عليا كلام

واللورد

وناصر وكله

كل واحد فينا بيتقال عليه كلام مختلف

ايه الجديد في كدا يا اسلام

ومش لازم يعني تدخل بنفس النشاط الي كنت بتدخل بيه قبل ما تتعب

ممكن تآخد اجازة فترة

لكن تسيب الاشراف

انا مش موافقة ابدا

السلام عليكم

بجد انا مش عارف اقولك اية

اسلام متمسك بقرارة جدا جدا مش عارف لية

بس انا عاوز اقولة حاجة

ملحقتش اقولها لة على الميل والله

البوابة دلوقتى فى وقت تنافس

مع منتديات تانية كتير

وفى الوقت نفسة المشرفين بتوعنا مش نشطاء

والمشاكل كتيييييييييير

وكمان انشط مشرف فى المنتدى كلة

يسيب الاشراف

بجد يبقى احنا بنتخلى عن البوابة فى وقت ازمتها

ثانيا بقى من امتة يا اسلام واحنا بياثر فينا كلام الناس

غير كدة انت بقالك اكتر من 5 سنين فى المنتدى يا اسلام

مش عاوز حد يقول عليك حاجة

يا راجل دانا وهند وناصر سة بقالنا كام شهر

وشوف الكلام الى يتقال

والحمد لله مش بياثر شعرة فيا

بالعكس بزداد نشاط وفية كتير نظرتهم اتغيرت عنى

ودا الصح من راى

وخلاصة كلامى


انا مش موافق على رفع اشرافك يا اسلام

فى ساعتها
ناس كتيير عملت من الحبة قبة
وشمتت وولعتها حريقة برة
كنت هتشمت فينا الاعادى يا اسلام
انا اتكلمت معاه وهو قالى انه مخنوق شوية وده هيكون بمثابة فترة بس راحة ليه شوية
والحمد لله انا اقنعته انها مش استقاله خالص وينسى الموضوع ده
لانه هو اللى شايل المنتدى من اوله لاخره واحنا بمسابة مساعدين ليه ومعاه بس
واخيرا هو وافق
وبجد انا مبسوط
بكده الموضوع مغلق
وهيتم تغيير اللقب لنائب ادارة تان
بس بصراحة يا اسلام
مش متخيل فيك اللون الازرق
اللون الموف لايق عليك بكتيير
ياريت بقى اى حد من الادارة يرجة تانى

فى رعاية الله

طيب الحمد لله

كويس

:)

ان شاء الله

عمو عصام

او استاذ اشرف لما يشوفوا الموضوع دا يرجعوه او السادات لو ليه الصلاحية

مش هتكلم الا لما اشوفك في الاجتماع

لاني انا اللي بقيت من مخنوق من سياسة قيل وقال

وللعلم كلام اسلام منطقي وخلاني انا اصلا اتخنقت من الوضع اللي بيحصل وكثرة الكلام

والله اقرب الناس من الاداريين والمشرفين هما اللي بيتكلموا علينا

وما يعرفوش ان هم كمان في ناس بتقول عليهم

ونسيوا ان دي نميمة وغيبة وقلة ذوق

وبأذن الله في الاجتماع وبعد الاجتماع انا هحط حدود لقلة الادب دي

والمشرف او العضو او المدير اللي هيطول لسانه او يتكلم على غيره باي اسلوب هيتوقف بدون تفكير نهائي

واسلام يا ريت ما حدش يرجع عضويته الا لما اقابله يوم الاجتماع

والسلام عليكم

مش هتكلم الا لما اشوفك في الاجتماع

لاني انا اللي بقيت من مخنوق من سياسة قيل وقال

وللعلم كلام اسلام منطقي وخلاني انا اصلا اتخنقت من الوضع اللي بيحصل وكثرة الكلام

والله اقرب الناس من الاداريين والمشرفين هما اللي بيتكلموا علينا

وما يعرفوش ان هم كمان في ناس بتقول عليهم

ونسيوا ان دي نميمة وغيبة وقلة ذوق

وبأذن الله في الاجتماع وبعد الاجتماع انا هحط حدود لقلة الادب دي

والمشرف او العضو او المدير اللي هيطول لسانه او يتكلم على غيره باي اسلوب هيتوقف بدون تفكير نهائي

واسلام يا ريت ما حدش يرجع عضويته الا لما اقابله يوم الاجتماع

والسلام عليكم

لا والله :) ؟.

عندك حق لازم تحط حدود لقلة الادب

على فكرة احنا مش بنتكلم على حد انا كلامي بقوله ليك في وشك يا استاذ اشرف

وكل حاجة انا مقتنعة انك بتعملها بقولها ليك مباشرة

ومش بخاف

وحضرتك عارف دا كويس

وعلى فكرة احنا عارفيين كويس ان في ناس بتتكلم علينا

ومش جاي لينا الكلام

الا من ورا حضرتك للأسف

ومش تزعل مني

وعندك حق

لازم قلة الادب يتحط ليها حد

بس ياريت حضرتك تراجع كلامك كويس

لان كل واحد فينا عارف هو بيعمل ايه كويس

سواء انا او اللورد او ناصر

كل واحد فينا مش بيخاف ولا بيتلكم عليكم من وراكم

كل حاجة قداكم

وان انتقدنا حاجة فيكم مع بعض

بنبقى قايلين ليكم عليها في وشكم :)
ولله الحمد

وانا مش خايفة

...

لا حول ولا قوة الا بالله

انا بستغرب على الكلام الي بيتقال

انا فعلا الي اتخنقت من الوضع الي هنا دا

ومن الكلام الي طايلنا بدون ذنب والله

حسبي الله

وبلاش يعني تقول قلة ذوق وقلة ادب

ومش تقولي مش اقصدك

لانك بتقول الاداريين

والاداريين في الموقع مش مليون واحد ولا حاجة

هما انا واللورد وناصر ومصطفى

واظن مصطفى مستبعد لانه مش ليه في الهم دا

والله اقرب الناس من الاداريين والمشرفين هما اللي بيتكلموا علينا



بص ياعم اشرف

بجد انا مخنوق ومش ناقص خانقة

انت قصدك مين بالادارين دى

قول فلان وقال كذا من ورايا

انا ولا محمد ناصر و لا هند و لا محمود ولا مصطفى

لان مبحبش الكلام المبهم

دمتم زى مانتم يا دارة

لا ازاي يا محمد

قلة ادب ولازم نحط ليها حد

انت بتقول ايه ؟؟؟


على فكرة

انا مش خايفة

ولو عاوزة اتكلم يا استاذ اشرف

هتكلم واقول والله

انت عارف كويس اني مش بخاف منك

يعني مش محتاج اقول الي عندي للناس من وراك

وعلى فكرة مش محتاج كمان نقولهم :)

لانهم عارفين كل حاجة الحمد لله

روح حاسبهمب قى

ولا شوف مين الي بيتكلم وانت اتخنقت منه

ولعلمك :)

(من عمل صالحا فلنفسه ومن اساء فعليها )
( كل نفس بما كسبت رهينة )

وانت بقى الي طايلك من الكلام

عليك

وانت السبب

شوف بقى الغلط فين وصلحه

واجه الناس والاعضاء

وخلي الي عنده حاجة يواجهك بيها

ماشي ؟؟؟


مش تسمع الكلام يتقال عليك وتيجي تقول علينا قلة ادب وقلة ذوق

هو ايه دا ؟؟

كويس اني مش هحضر الاجتماع والله

لاني لو حضرت

كان الاجتماع دا هيتقلب غم وربنا

والماضي والحاضر هيطلع

وكان الكلام هيبقى على عينك يا تاجر وقدام الناس بقى

مش عارفة ساعتها كان ممن يحصل ايه

خليني هنا كافية خيري شري

وافضي الغيظ الي جوايا

في شغل الموقع

يكون افضل

ليا وليك

رحنا جينا فاكرين نسينا
زى محنا زى ماحنا
عمرنا ما هنتغير ابدا
نفس الفكر نفس الطريقة
خلونا فى موضوع اسلام يا جماعة
طبعاكونه يسيب الادارة
دى فى حد ذاتها مصيبة ( بنفس النعنى )
لان من غيره صراحة المنتدى مش هيمشى
او هيمشى بالبركة وهنرجع للنظام القديم اللى كلكو بتحبوه
اللى هو بيقول
عش فى المنتدى كانك غريب او قاطع طريق
فياريت نشوف حل
وهنشوف الاجتماع هيحصل فيه ايه
::::::::::::::::::::
وبعيدا عن كلام الاستاذ اشرف
اللى على راسه بطحة يلبس برنيطة
وكل واحد عارف نفسه كويس
واللى بيته من ازاز.............
وشوية امثال حلوة كتير
هنشوف الاجتماع هيجرا فيه ايه
ربنا معاكو
المنتدى دلوقتى فى مرحلة تسمى ( بالكارثة )
حاول تحافظ على الموقع يا مستر اشرف
واقنع اسلام ميسيبش الادارة
دمتم فى رعاية الله
::::::::::::::::::::::

على فكرة يا جماعة النت مفصول من البيت عندى وبحاول ارجعه
علشان كدا مش هتشوفونى كتير
دمتم فى رعاية الله

حسبي الله ونعم الوكيل

حسب(نا) الله ونعم الوكيل :)

منور الموضوع

حسبي الله ونعم الوكيل

بص ياعم اشرف

انا بجد مش بحب كدة

ياريت ترد وتقول الى انت عاوزة

واحنا كلنا هنرد عليك

اما هنقول حسبى الله ونعم الوكيل

ونعمل دور المظلوم

بدون سبب

بصراحة مبحبوش

ومش هيبى فية اى نتيجة ايجابية

تعالى قول الى عندك

واحنا نقول الى عندنا

ونتناقش

ولا عندك مانع ؟

لا اله الا الله
في اي يا جماعة
هو الموضوع عبارة عن خناقة
اول الي عندك واحنا نقول الي عندما
الموضوع ابسط من كدة بكثير
اسلام محتاج يرتاح شوية
اوك
يرتاح
وبعدين
يرجع ينور الدينا كلها
مع كامل التحفظ علي كلمة ( اشرف )
ولكن
لا داعي لتكبير الموضوعات
علشان المركب تسير
والمنتدي يستمر في الصدارة
بالتوفيق للكل

حلو أو الجو ده
أنا من رأيى إننا مش بنعرف ناخد رحتنا كده فى الكلام إحنا نحدد معاد ونتقابل وكل واحد فينا يجيب معاه شومه ونكسر بعض أصل أكيد الكلام مش بيشفى كل حاجه .

أنا مش عارف إمته هنعقل كلنا إمته هنسيب الحورات الجانبيه على جنب والشغل على جنب .

ونسبنا بقه من حوار الطوب والإزاز والتلقيح على بعض ده إحنا المفروض إداره يعنى إسلوبنى يكون أفضل من كده شويه .


و
طلب بعد إذنك يا أستاذ أشرف
الكلام اللى من تحت لتحت ده بلاشه عاوز توجه رساله لأى شخص معين تقول يافلان إنت فيك كذا وكذ وبلاش الكلام ده

وكذلك الكلامك لباقى المشرفين اللى عاوز يقول حاجه ليا لغيرى يقول إنت بتعمل كذا وكذا
أنا عن نفسى أقسم بالله العالى العظيم ما هزعل .

لكن شغل الأطفال ده بيتهيألى إحنا كبرنا عليه


ملحوظه
المنتدى من غير إسلام يخسر كتير حتى لو شغله قليله بس إسم إسلام فى الإداره بيدنى أنا شخصياً راحه نفسيه على الرغم من الإختلافات الكتير اللى بنا بس بحس إن شغال مع شخص هدفه المنتدى يكون كويس

بالمناسبه هو الإجتماع إمته
؟!
:)

يا محمد

ما انا قلت اتجنب الحوارات واكبر عقلي

لقيت نفسي قليلة الادب والذوق

وبعدين انا مش بلقح كلام

انا قلت كلام كله واضح ومش فيه تلقيح

عيب اوي لما يقول اننا بننقل كلام

ويقول في الاجتماع هيتحط حد لقلة الادب وقلة الذوق

بالله عليك دا كلام ؟؟
\عيب والله

عيب اوي

الا بالحق يا مسيو اشرف
هو مش الاجتماع اتلغى
طب هتحل مشكلة اسلام دى ازاى
نرجو الافادة
دمتم زى ماانتم