انتي يا بنتي خدي لما أقولك .. خد يابني يا واد خد تعالى .. [الأرشيف]

أحمـدنجـم

31-01-2009, 12:07 AM

سيبوني اتكلم شوية بالعامية أصلي اكتشفت فجأة إن الفصحى بتخنق قطاع عريض من الشباب بس استنى لما أقولك اوعى تفتكر اني هبطل اتكلم أو أكتب بالفصحى لا فووووووووق اصحى :stickjo4:
المهم ندخل في الموضوع
عاوز اسأل البنات سؤال مهم ومعتقدش إن فيه واحدة منهم هنا
أنا قصدي البنات اللي فاهمة موضوع الأنوثة غلط
السؤال مهم جداً
إحساسك إيه وانتي لابسة ملزق
يييييييه (ملزق) ايه يا عم خلي ألفاظك راقية :slap1qk6:

طيب أوك هكون راقي خالص وكووول خالص هسأل بأسلوب متحضر
إحساسك ايه وانتي لابسة هدوم كل الناس معجبة بيها على آخر موضة
وتقولي لأصحابك دا الشارع كان واقف على رجل
هل دا بيرضي غرور معين عندك؟
هل بتفرحي والشباب بيعاكسوكي مثلاً ؟ بتحبي المعاكسة ؟
بتحسي بنشوى وسعادة وتبقي مزقططة :av4056bb7jp3:؟
نفسي تردي عليا نفسي .. عشان أعرف ايه الحكاية بالظبط ..
وايه نوع الفرحة اللي بتحسي بيها وانتي سايبه نفسك أداة للشيطان تفتني البشر
أنا آسف شيطان ايه يا عم ما توجعش دماغنا .. احنا بنحذرك بطل النغمة دي :040vk0:
طيب خلاص هبطل النغمة دي .. طب أشغل انهي نغمة ؟
كنت بسمع مثل بلدي بيقول "يا بنتي لم تضحكي للضحك يبليكي تمشتي ابن الحرام وابن الحلال فيكي"
الكلام دا كان بيتقال زمان على مجرد ضحكة من بنت في الشارع أو في المدرسة أو في الجامعة
الضحك بصوت عالي كان بيطلع عليه أمثال شعبية
النهاردة .. ربنا يسترها ..:(

ممكن بقى اسيب البنات شوية لو سمحتم ..
واسأل الشباب ..
ايه يا حبيبي .. ازيك عامل ايه ؟
ايه يا بني اللي انت لابسه دا؟
ايه ؟
ليه البنطلون ساقط منك كده يا قلبي؟
موضة؟
آه موضة ايه دي؟ يعني موضة أخدها عن مين؟
انت تعرف رسول الله صلى الله عليه وسلم؟
أنا آسف مش بلبخ فيك والله..
أكيد تعرفه وبتحبه .. بس مش عاجبك وصاياه .. صح
لا لا عجباك أنا عارف
طب شوف يا حبيبي .. اللي انت لابسه دا ميرضيش رسول الله..
واللي انت عامله في شعرك دا واسمه ايه دا سبايكي .. ميرضيش رسول الله
ولو سيدنا عمر عايش رضي الله عنه كان أمر بحلق شعرك زلبطة..:mad:
لا لا مش هكشر هضحك أهو هزقطط :av4056bb7jp3:هفرحك وأطبلك
تعرف في يوم عملت في شعري بانكي وكانت الموضة ايامنا .. وكانت تسريحة عادية
اتكلت قلم سخن على وشي
يمكن يكون غلط بس اللي أعرفه اني اتعلمت ان مش أي حاجة اقلدها وخلاص
شوف يا بني .. أنت راجل؟
يوووووووووه هنبدأ الغلط ..
لا يا سيدي وسيد الرجالة كمان ..
بس اللي يعمل شعره كده يبقى:romarioxp6:
هسيب بقى البنات والشباب وأروح للآباء
ازيكم يا آباء عاملين ايه ..
بتشوفوا عيالكم وهم نزلين من البيت
ليه صابغة شعر بنتك وهي لسه في الإعدادية:abdoog8:
ليه بتدي ابنك فلوس يشتري بنطلون ساقط:abdoog8:
ليه بنتك بتخرج كده من البيت ولبسها (يصف ويشف):abdoog8:
ليه ابنك موقف شعره ؟ من رعبه منك؟ معتقدش دا من كتر ما كبر الجي وروق الدي :abdoog8:
بصراحة الأب والأم اللي بيسمحوا للعمايل دي يستاهلوا :abdoog8:كل خير
وربنا يسترها علينا وعلى عيالنا يارب ..
اسمحولي أختم كلامي بالفصحى
يا بنت الإسلام أيتها الأم والابنة والزوجة والأخت .. جعلك الله مكرمة جوهرة مكنونة في صدفتك .. كرمك الله ولم تكرمك الموضة ولا بيوت الأزياء الصهيونية .. التزمي أختاه بزي يرضي الله عنك ..
يا ابن الإسلام .. أيها الرجل الزوج والأب والابن والأخ . . أين المروءة والغيرة والنخوة .. أين صفات الرجولة وملامحها ؟ عد إليها .. يحبك الله .. عز وجل ..
تلك همسات .. عتاب ولوم .. نثرتها بين أيديكم .. فهل تقبلونها ؟ ؟؟!!!!:078111rg3:

sunsero2000

31-01-2009, 12:17 AM

يا بنت الإسلام أيتها الأم والابنة والزوجة والأخت .. جعلك الله مكرمة جوهرة مكنونة في صدفتك .. كرمك الله ولم تكرمك الموضة ولا بيوت الأزياء الصهيونية .. التزمي أختاه بزي يرضي الله عنك ..
يا ابن الإسلام .. أيها الرجل الزوج والأب والابن والأخ . . أين المروءة والغيرة والنخوة .. أين صفات الرجولة وملامحها ؟ عد إليها .. يحبك الله .. عز وجل ..

تلك همسات .. عتاب ولوم .. نثرتها بين أيديكم .. فهل تقبلونها ؟ ؟؟!!!!:078111rg3:

[/quote]

اه قولهم اللى هيودونا فى داهيه دول خلونا نعرف نشتغل
موضوع رائع جدا يا استاذ احمد واحب اضيف حاجه بسيطه
ممكن يكون الاب والام كويسين جدا والبنت طالعه عفريته والولد برده عشان مش نزعل حد
وممكن الصحاب او قرايب وانا اعرف بنات بتخرج من بيتها اخر احترام توصل للجامعه عاديك بقه على اللى بيحصل

أحمـدنجـم

31-01-2009, 12:22 AM

كلامك صح بس لازم يبقى فيه رقابة برضه .. حتى ولو بره البيت الثقة مطلوبة .. إنما مينفعش تكون ثقة عمياء عاوزينها ثقة مبصرة

أحمـدنجـم

31-01-2009, 02:54 PM

بصراحة أنا مش عادتي إني أرد على موضوعي في حالة عدم وجود ردود بس أنا حاسس إنه موضوع مهم فعايزه يبقى في الصدارة فترة من الزمن .. يمكن .. يجوز .. حد يحتاجله .. أو ينفع حد ..

..حدوتة..

31-01-2009, 03:24 PM

لمى 2016

31-01-2009, 03:45 PM

أحمـدنجـم

31-01-2009, 03:58 PM

بجد الموضوع حلو قوى
وجماله فى لغته
واكتر من كده انه موضوع هادف
وده اللى احنا بنفتقده
المنتدى مليان مواضيع حلوة وجامدة اخر حاجة
ومفيدة جدا
ومسلية جدا
وكمان مرعبة جدا
بس معظمها مش هادف ..........جدا
ميرسيه لحضرتك جد
والموضوع رائع جدا
آآآآآآآه يا أختاه .. يا ريت نتك على كلمة هادف دي أوي .. أو ي .. والله الهدف عظيم جداً .. تخيلي يا أختي وأنا أثق أنك تعلمين هذا الكلام .. تخيلي دورك في المجتمع "إذا صلحت المرأة صلح المجتمع بأسره وإذا فسدت فسد المجتمع بأسره " تخيلي " المرأة هي عماد الرجل وملاك أمره وذروة سنامه" أي دور هذا ؟ أي عظمة تلك ؟ أنا عارف ان الموضو ع هادف .. هادف جداً .. لأنه بيتناول أخطر قضايا الحياة .. ألا وهي .. دورنا - الشاب والفتاة- في الحياة ..

أحمـدنجـم

31-01-2009, 04:01 PM

اولا استاذ احمد

بجد الموضوع حلو اوى
بالنسبة للسؤال اللى حضرتك طرحته بخصوص البنات
فوالله انا مش اعرف هما بيعملوا كدة ليه
بجد بيبقى منظرهم مقزز
و مقرف بكل ما تحمله الكلمة من معنى
مش عارفة ايه هدفهم بجد
يمكن مش يعرفوا كم العذاب اللى هيتعذبوه بسبب الموضوع دة
ثاتيا بقى انا بستغرب اوى ازاى اهاليهم بيرضوا بكدة
سبحان الله
هما مش بيقروا و لا بيسمعوا على اللى بيحصل فى زماننا دة
ربنا يهدى الجميع

طب هنفترض انهم ميعرفوش العذاب اللي منتظرهم في الآخرة أو هنفرض ان مفيش حد قالهم .. يبقى احنا كده لينا دور أكيد ليكي واحدة تعرفيها من دول مش شرط تكون صديقتك ممكن تكون قريبتك .. ويمكن يكون لك أنت .. ايوه انت يا عم الراجل .. واحد معرفتك أو صاحبك من أصحاب البنطالونات الساقطة والشعور الواقفة .. دورك ايه قولي يا عم الراجل ؟ ودورك ايه انتي يا أختي يا ملتزمة ؟ يلا بقى تعالوا ننفذ "ولتكن منكم أمة يدعون إلى الخير ويأمرون بالمعروف وينهون عن المنكر وأؤلئك هم المفلحون" يلا بقى بالله عليكم قبل ما تخرب...

Sharp

31-01-2009, 04:03 PM

منة لله اللي كان السبب بقا بس هنقول اية الشباب ضاع والبلد ضاعت والمجتمع المصري الله يرحمة :(

أحمـدنجـم

31-01-2009, 04:09 PM

منة لله اللي كان السبب بقا بس هنقول اية الشباب ضاع والبلد ضاعت والمجتمع المصري الله يرحمة :(

اسمحلي أخالفك يا محمد تعرف لو الدنيا ضاعت زي ما بتقول كده يبقى نفقل الموضوع دا أحسن ونفضها سيرة ..

احنا فين يا محمد من الضياع ده ؟
هل احنا من اللي غرقنا في الطوفان؟
ولا من اللي ركبنا سفينة نوح؟
معدش فيه سفينة يا محمد خلاص
واختلط الحابل بالنابل والزيت بالماء كما يقولون
واختلط الأبيض بالأسود
وهنا يظهر واجب الجماعة ..
لازم نأخذ على يد كل من حاول إفساد هذه الأمة
أما لو سلمنا إن كل شيء انتهى .. صدقني هنتحاسب احنا كمان
فاكر حكاية القرية اللي ربنا حب يهلكها ونزل سيدنا جبريل عليه السلام عشان يدمرها
لقى فيها عبد بيذكر الله .. قال لربنا إن فيها عبداً يذكرك
ربنا قاله .. به فابدأ
فهو لا ينهى عن منكر ولا يأمر بالمعروف
صدقني الضياع بعينه هو السلبية والانعزالية ..
والتسليم بالوضع الراهن ..
لينا دور يا محمد صدقني فكر كده شوية هتلاقي دورك وهتقوم بيه..

هانى الشرقاوى

31-01-2009, 04:19 PM

هانى الشرقاوى

31-01-2009, 04:20 PM

أحمـدنجـم

31-01-2009, 05:59 PM

ليا رد مطول على كلام هاني بس هتغدى وأجيلكم .. محدش يتدخل في خصوصياتي ولا يقولي عاوز اتغدى معاك .. هههه ربنا يصلح الاحوال

hend ere

31-01-2009, 10:47 PM

حقيقى موضوع كثير جميل
ولكنه لن يحظى على اعجاب الغير ملتزمين بالمره
جزاك الله كل خير على محاولاتك لاصلاح الشباب والشابات
فى رعاية الله

*ساسُّو*

31-01-2009, 10:56 PM

ميراج

31-01-2009, 11:08 PM

أحمـدنجـم

01-02-2009, 01:09 AM

هو طبعا كلام حضرتك كويس
بس أنا معرفش شايف الموضوع ده نقط حمرا وخصوصيات ميصحش انى أدخل فيها على فكرة أنا بتكلم عن نفسى
يعنى أحيانا لبس بنات من أصحابى مش بيعجبنى خالص وفيه بنات منهم بيلبسوا لبس فادح بس بصراحة عمرى ما اتكلمت مع حد منهم على طريقة اللبس وبقول هم أحرار يلبسوا زى ما يعجبهم
ممكن منطقى ده يكون مخالف للدين فى بعض النقط بس أنا اتربيت على كده واتعودت كمان على كده وربنا كمان بيقول ( يا أيها الذين أمنوا عليكم أنفسكم لا يضركم من ضل اذا اهتيدتم )

بس فى نفس الوقت بسمع كلام غريب أوى من ناس غريبة عنى هو انت ليه سايب شعرك كده ؟ ده انت شعرك أطول من شعر البنات ؟ يا عمى الحقه بقا
بصراحة بيبقى تدخل سافر فى خصوصياتى وطبعا مش بقبله
أسف على مرورى وأسف لو ردى موافقش أراء حضراتكم بس فى النهاية دى وجهة نظرى
مع احترامي الشديد ليك يا هاني سيبك من موضوع الدين بيقول ايه ولا القرآن بيقول ايه أنا هكلمك من وجهة نظر تانية خالص .. خصوصيات ايه يا عم هاني اللي بتقول عليها يعني أختي انا مثلاً تنزل من البيت مبينة جسمها أو لابسة ملابس تصف جسمها وأو تشف جسمها واجي أقولها كذا أو كذا تقولي دي خصوصية .. يا عم هاني .. البطن بانت واللي كان كان .. دا أنا بشوف ملابس ليها العجب والله .. يمكن انت عشان عشت في اوروبا الموضوع دا مش فارق معاك لانك شوفت كتير فحصلك عملية من عمليات الاعتياد انما الاعتياد دا عندنا بنسميه تبلد .. أنا مش أقصدك والله .. وبعدين انا مش بقولك كلم صحباتك البنات في لبسهم كلم أصحابك الصبيان يا أخي .. والبنات يكلموا البنات .. على فكرة أنا مش رجعي ولا حاجة .. كل الموضوع بعيد عندك بتعالج من الضغط العالي .. وربنا ما يوريك الضغط العالي .. بس انا نفسي يفضل ضغطي عالي على طول .. يا رب علي ضغطي كمان وكمان طالما في الحق ..

أحمـدنجـم

01-02-2009, 01:11 AM

حقيقى موضوع كثير جميل
ولكنه لن يحظى على اعجاب الغير ملتزمين بالمره
جزاك الله كل خير على محاولاتك لاصلاح الشباب والشابات
فى رعاية الله
شكراً على مرورك الغالي .. واسأل الله أن يلبسك ثوب العفة والطهر والنقاء والبراءة والحياء آمين يا رب العالمين

أحمـدنجـم

01-02-2009, 01:27 AM

للاسف شفت بعينى
والله أستاذى انا مش كنت قادرة أمسك نفسى من الغضب من بنت *بنت طنط منتقبة* ومامتها شايفاها خارجة معايا وحاطة ميك أب و مش لابسة طرحة و فستان اشبه منه ...........................شفاف لدرجة انى انا شايفة اللى تحته*أسفة انى قلت كدة*
أزاى مامتها سايباها كدة؟
وللاسف درسنا كتاب ربنا ومش مشينا اننا نحترم نفسنا*أحنا بالذات أزهريات وأكتر ناس نعرف فى دينا..........المفروض*
أسفة على الاطالة بس بجد نفسى يبصوا لنفسهم..........................بيعملوا فى نفسهم كدة ليه
مرسيي اوى اوى لحضرتك على الموضوع
ومرسيي جدا ان حضرتك اتكلمت بالفصحى
جزاك الله الجنة
يا ماما نفسي ألبس طرحة وواسع وطويل
بس يا بت لما تتخطبي
يا ماما عشان خاطري انا بتكسف من نفسي
يا بت يا هبلة لما يجيلك العدل
طنط ممكن تجوزيني بنتك اللي زي القمر
وماله يا حبيبي بس ادفع
كام يا طنط
قدر الجمال دي وزنها دهب
ويدفع الواد .. مهر البت اللي زي القمر اللي خدها عشان جمال حسي زائل .. لهث الولد ورا الشعر المسشور اللي لو جه عليه شوية مية بيبوظ .. لهث الولد ورا شوية مكياج لو اتغسل الوش تلاقيه مهري يا عيني من المكياج
لهث الولد وراء جمال حسي ناقص
وبعد الزواج ..
مالك انت متغير معايا ليه
انت شكلك كده مش بيتغير ليه
انا مالي ما انت كنت بتجري ورايا
ايوه ايام ما كنتي حلوة وجميلة
طب وانا مالي دلوقتي ما انا هو انا
لا لا .. ولا اقولك انا نازل بلا قرف

قولي لطنط المنتقبة أم البنت اللي مش لابسة .. آسف على اللفظ .. اتقي الله في ابنتك يا أما ه .. اتقي الله فيها يجعل الله لك مخرجاً .. واعلمن أيتها الأمهات أن اللاهث وراء الجمال الحسي لن يشبع يوماً ولن يرضيه جمال .. جزاك الله خيراً يا أختاه..

أحمـدنجـم

01-02-2009, 01:32 AM

موضوع حضرتك جميل جدا والله

بس بتكلم فى مين كل واحد مقتنع بحاجه بيعملها للاسف حتى لو الحاجه ديه غلط

واللى يعيش ياما يشوف والظاهر ان احنا هنشوف كتييييييييييييييييير اوى

ربنا يهدى الجميع

يا ميراج المشكلة مش اننا نشوف أو لا .. المشكلة بعد ما هنشوف هنعمل ايه .. دورنا ايه .. دورك ايه كفتاة مسلمة ملتزمة دورك ايه كشاب مسلم ملتزم .. أين أنتم مما يحدث؟ هل نحن لسنا مسئولين ؟ سؤال ملح جداً وهام جدا جداً

mr_abdelaleem

01-02-2009, 02:41 AM

لقد قرأت الموضوع وهو بحق من أروع ما قرأت جزاك الله خيرا وجزى كل من علق عليه مثله
ولتسمحوا لي بالتعليق
فالعري أصبح هو سمة الزمان الذي نعيش فيه
1. فبعض الفتيات تشتري العبائة أو البلوزة أو الجيبة الطويلة الفضفاضة وتقوم بتجسيمها أو تقصيرها عند الخياطة وهناك من تفتحها من أحد الأجناب وتقول ان هذه الموضة
2. وعلى الجانب الأخر شباب يشترون البناطيل الجينز ويقومون بقطعها وترقيعها ويقولون الموضة.
3. وهناك من تقوم بلبس الحجاب ومن أسفل منه تلبس الملابس الملتصقة بجسدها والتي تفضح أكثر ما تستر والتي أقول عنها من الافضل أن تخرج الفتاه بلا لبس خالص بدلا من هذه الملابس الملتصقة التي تجسم تفاصيل جسدها وتبرزها
4. وهناك ما هو أدها وأمر من تلبس النقاب ومن أسفله تلبس البنطالون الجينز والجونلة القصيرة ( الهوت تيشيرت ) وكأن النقاب موضة العصر
وهناك الكثير الكثير ممن يبدعون في فن العري
سؤال
من أتى للشباب بهذه التقاليع والعادات؟
ومن سمح لهم بفعل ذلك؟
ولماذا؟
ببساطة
انها بسبب غياب الوعي والرقابة من الاسرة ومن المجتمع وبالأحرى من من يتولون هذا المجتمع والذين - ولا ابالغ - يشجعون الشباب على ذلك من خلال السماح للمحطات الاباحية والمواقع الجنسية بالدخول إلى كل بيت في بلادنا وباضطهادها لكل من يعود إلى زينا الاسلامي وكأن كل من يلبس الزي الاسلامي سواء من الفتيات أو الشباب فهو متطرف

أتدرون لماذا ؟؟؟؟؟؟؟؟
ليشغلوا الشباب عن حقوقهم بشيء اخر ألا وهو الجري واللهس وراء الملزات والشهوات وبالتالي لا يكون هناك مجال بالاهتمام بما يجري من حولهم فهناك غزة وما يجري فيها والشباب منهمك في المعاكسات والملزات وغلاء الاسعاء ولا احد يعترض على الرغم ان الاسعار في كل الدنيا انخفضت إلا عندنا وشعارنا لما الاسعار العالمية ترتفع نرفع الاسعار عندنا ولما تنخفض ليس لنا علاقة بالاسعار العالمية وكأننا نركب قطار ذو اتجاه واحد ارتفاع بدون انخفاض ولا احد يهتم لماذااااااااااااااااا؟؟؟؟؟؟؟؟

ولكن هيهات هيهات

فالنصر أت لا محالة وسيعود المجتمع إلى سالف تقاليده
ولكن ما المطلوب
ليس المطلوب شعارات ترفع أو تردد ولا تزمت منفر يبعد الشباب ويجعلهم يتهمون كل من يتحدث مهعم في هذا الأمر بأنه متطفل ويتدخل في ما لا يعنية وبالرجعية وأيضا يعطي لم يدعون حقوق الانسان والحرية باللغط والتعليقات والمنشيتات العملاقة

فالمطلوب شيء بسيط جدا
أن يبدأكل إنسان بنفسه ((( ابدأ بنفسك أولا ))) ثم بمن حولك وابدأ بأقرب المقربين أولا ثم وسع دائرتك بالتدريج رويدا رويدا هكذا تكون البداية
ليس بالتسرع ولا بالحماس الزائد بل بالعقل والجدل

ولتسأل كل فتاة نفسها سؤال
لو ذهبت عند البقال لتشتري الحلوى ووجدتي عنده نوعين حلوى مكشوفة والنوع الآخر مخلف ومحفوظ بغلاف يسترها كلها ..... أيهما تشترين ؟؟؟؟ ولماذا؟؟؟؟؟؟

نترك الاجابة لكل واحد بحريته الشخصية

اسف ان كنت قد أطلت عليكم

تقبلوا مني

JusT DreaM

01-02-2009, 06:10 AM

ريحانه من الجنه

01-02-2009, 09:26 AM

و الله يا استاذى الفاضل

انا ايضااا اتسااءل نفس الاسئله دى

إحساسك إيه وانتي لابسة ملزق

هل دا بيرضي غرور معين عندك؟
هل بتفرحي والشباب بيعاكسوكي مثلاً ؟ بتحبي المعاكسة ؟
بتحسي بنشوى وسعادة وتبقي مزقططة :av4056bb7jp3:؟

هانى الشرقاوى

01-02-2009, 11:43 AM

مع احترامي الشديد ليك يا هاني سيبك من موضوع الدين بيقول ايه ولا القرآن بيقول ايه أنا هكلمك من وجهة نظر تانية خالص .. خصوصيات ايه يا عم هاني اللي بتقول عليها يعني أختي انا مثلاً تنزل من البيت مبينة جسمها أو لابسة ملابس تصف جسمها وأو تشف جسمها واجي أقولها كذا أو كذا تقولي دي خصوصية .. يا عم هاني .. البطن بانت واللي كان كان .. دا أنا بشوف ملابس ليها العجب والله .. يمكن انت عشان عشت في اوروبا الموضوع دا مش فارق معاك لانك شوفت كتير فحصلك عملية من عمليات الاعتياد انما الاعتياد دا عندنا بنسميه تبلد .. أنا مش أقصدك والله .. وبعدين انا مش بقولك كلم صحباتك البنات في لبسهم كلم أصحابك الصبيان يا أخي .. والبنات يكلموا البنات .. على فكرة أنا مش رجعي ولا حاجة .. كل الموضوع بعيد عندك بتعالج من الضغط العالي .. وربنا ما يوريك الضغط العالي .. بس انا نفسي يفضل ضغطي عالي على طول .. يا رب علي ضغطي كمان وكمان طالما في الحق ..

يعنى حضرتك بتصفنى بالتبلد بس بطريقة غير مباشرة
على كل لو دى وجهة نظر حضرتك فأنا مش أمتلك غير احترامها

حضرتك اللى أنا بتكلم عليهم مش أخواتى عشان أتكلم معاهم فيه موضوع اللبس والكلام ده كله وحتى لو اختى لازم يكون لكل واحد مننا مساحة حرية يعمل فيها اللى يعجبه بس طبعا يكون امر شرعى وأنا لو ليا أخت وعملت كده أكيد عمرى ما كنت هوافق ومش بعيد كنت هضربها كمان بس الحمد لله أنا مليش اخوات
أنا بشوف حاجات كتير مش بتعجبنى بس مابدخلش لانى شايف ان ده مش من حقى
ولو كان على أوروبا ففيه زى هنا برده فيه ناس كتير محترمة وعفيفة مش زى ما حضرتك فاهم

يمكن تكون حضرتك شفتنى منحل أو متنصل من إسلامى وعروبتى وعاداتى كرجل شرقى بس على فكرة أنا مش زى ما أنتم فاهمين خالص
وأنا أسف لو كنت عليت لحضرتك الضغط
بس أنا قلت قبل كده فى النهاية دى وجهة نظرى وأنا مش بحاول أنى أقنع بيها اى حد بالعكس أنا محتفظ بيها لنفسى
وأسف مرة تانية

Not Allowed

01-02-2009, 11:57 AM

والله موضوع اكثر من الرائع من استاذنا الفاضل شكرآ جزيلآ لك واللهم اهدى الناس كلهم من اباء وامهات وابناء وبنات اهديهم يارب

شكرآ جزيلآ لحضرتك وتقبل مرورى

أحمـدنجـم

01-02-2009, 03:36 PM

فالعري أصبح هو سمة الزمان الذي نعيش فيه

ليس المطلوب شعارات ترفع أو تردد ولا تزمت منفر يبعد الشباب ويجعلهم يتهمون كل من يتحدث مهعم في هذا الأمر بأنه متطفل ويتدخل في ما لا يعنية وبالرجعية وأيضا يعطي لم يدعون حقوق الانسان والحرية باللغط والتعليقات والمنشيتات العملاقة

فالمطلوب شيء بسيط جدا
أن يبدأكل إنسان بنفسه ((( ابدأ بنفسك أولا ))) ثم بمن حولك وابدأ بأقرب المقربين أولا ثم وسع دائرتك بالتدريج رويدا رويدا هكذا تكون البداية
ليس بالتسرع ولا بالحماس الزائد بل بالعقل والجدل

أخي محمد عبد العليم .. وصف لنا روشته سهلة جداً لعلاج هذا الأمر .. كلنا يجب أن نعالج هذا الأمر ولو بأقل مشاركه .. أرأيتم الصور التي تم وضعها على علب السجائر شيء بسيط جداً ولكنه ساهم في (صد نفس الناس) عنها .. على الأقل .. مع إنه عمل بسيط ولكنه مؤثر جداً .. لا تستصغر دورك .. انت تستطيع أن تساهم ولو بالقليل في صلاح تلك الأمة .. جزاك الله خيراً أخي الحبيب

أحمـدنجـم

01-02-2009, 04:10 PM

موضوع جميل جدا يااستاذ نجم
انا مش عارفة هما بيعملو كده ليه
واكتر حاجة بتتعبني مش الولد والبنت نفسهم
الاب اللي سايب ولاده يخرجو بالمنظر ده
ربنا يهدي الجميع
موضوع قيم جدا وهادف زي ماحضرتك عودتنا
شكراً لك يا بنت الإسلام .. وهيا إلى دورك انهضي به واضطلعي به يا أختاه .. جزيت الخير كله ..
و الله يا استاذى الفاضل

انا ايضااا اتسااءل نفس الاسئله دى

إحساسك إيه وانتي لابسة ملزق

هل دا بيرضي غرور معين عندك؟
هل بتفرحي والشباب بيعاكسوكي مثلاً ؟ بتحبي المعاكسة ؟
بتحسي بنشوى وسعادة وتبقي مزقططة :av4056bb7jp3:؟
ما شاء الله لدينا كتيبة من الملتزمات اللائي لا يرضين بما يحدث ولكن يجب أن نحسن دعوة الأخريات بالحكمة والموعظة الحسنة حتى لا ينفرن منكن .. جزيتن الخير كله ..

والله موضوع اكثر من الرائع من استاذنا الفاضل شكرآ جزيلآ لك واللهم اهدى الناس كلهم من اباء وامهات وابناء وبنات اهديهم يارب

شكرآ جزيلآ لحضرتك وتقبل مرورى
أخي محمد جزاك الله خيراً واسألك الدعاء والعمل الصالح .. ابدأ أخي بأقاربك .. حارب تلك الآفة والانحلال .. بأسلوب المؤمن الكيس الفطن .. جزاك الله خيراً

أحمـدنجـم

01-02-2009, 04:31 PM

يعنى حضرتك بتصفنى بالتبلد بس بطريقة غير مباشرة
على كل لو دى وجهة نظر حضرتك فأنا مش أمتلك غير احترامها

حضرتك اللى أنا بتكلم عليهم مش أخواتى عشان أتكلم معاهم فيه موضوع اللبس والكلام ده كله وحتى لو اختى لازم يكون لكل واحد مننا مساحة حرية يعمل فيها اللى يعجبه بس طبعا يكون امر شرعى وأنا لو ليا أخت وعملت كده أكيد عمرى ما كنت هوافق ومش بعيد كنت هضربها كمان بس الحمد لله أنا مليش اخوات
أنا بشوف حاجات كتير مش بتعجبنى بس مابدخلش لانى شايف ان ده مش من حقى
ولو كان على أوروبا ففيه زى هنا برده فيه ناس كتير محترمة وعفيفة مش زى ما حضرتك فاهم

يمكن تكون حضرتك شفتنى منحل أو متنصل من إسلامى وعروبتى وعاداتى كرجل شرقى بس على فكرة أنا مش زى ما أنتم فاهمين خالص
وأنا أسف لو كنت عليت لحضرتك الضغط
بس أنا قلت قبل كده فى النهاية دى وجهة نظرى وأنا مش بحاول أنى أقنع بيها اى حد بالعكس أنا محتفظ بيها لنفسى
وأسف مرة تانية
هاني أنا لا أصفك بالتبلد وقت قلت في جملة اعتراضية _ طبعاً أنا لا أقصدك_ هاني لماذا تشعر دائماً بأنك مضطهد يا أخي .. بالله سبق وقد قلت لك أني أحبك في الله .. فلماذا تعتقد أني أقصدك بشيء سيء .. ولماذا تتهمني أني لا أعلم شيئاً عن الغرب .. يا أخي أنا سافرت العديد من البعثات ومكثت بالشهور في فرنسا وانجلترا .. وعملت العديد من الأبحاث المقارنة بين الشرق والغرب .. والحمد لله .. أخي الحبيب هاني .. وبالنسبة لموضوع الضغط العالي .. أنا كنت أمزح معك .. لأني أقصد أن الدم يغلي في عروقي غيرة على بناتنا والأعين المريضة تخترقهن في كل مكان ويتعرضن للتحرشات الجنسية التي انتشرت بشكل خطير .. أرجو أن تحسن الظن بي أخي الكريم .. وفي انتظار ردك الذي يطمئنني أنك قد أدركت ما أعنيه .. وشكراً جزيلاً لك ..

هانى الشرقاوى

01-02-2009, 06:18 PM

هاني أنا لا أصفك بالتبلد وقت قلت في جملة اعتراضية _ طبعاً أنا لا أقصدك_ هاني لماذا تشعر دائماً بأنك مضطهد يا أخي .. بالله سبق وقد قلت لك أني أحبك في الله .. فلماذا تعتقد أني أقصدك بشيء سيء .. ولماذا تتهمني أني لا أعلم شيئاً عن الغرب .. يا أخي أنا سافرت العديد من البعثات ومكثت بالشهور في فرنسا وانجلترا .. وعملت العديد من الأبحاث المقارنة بين الشرق والغرب .. والحمد لله .. أخي الحبيب هاني .. وبالنسبة لموضوع الضغط العالي .. أنا كنت أمزح معك .. لأني أقصد أن الدم يغلي في عروقي غيرة على بناتنا والأعين المريضة تخترقهن في كل مكان ويتعرضن للتحرشات الجنسية التي انتشرت بشكل خطير .. أرجو أن تحسن الظن بي أخي الكريم .. وفي انتظار ردك الذي يطمئنني أنك قد أدركت ما أعنيه .. وشكراً جزيلاً لك ..

خلاص يا مستر أنا أسف
بس أنا زى حضرتك بالظبط ده نفس شعورى
بس الاختلاف بينا بيكون فى رد الفعل مش أكتر

أنا فهمت حضرتك تقصد ايه
وأنا أسف على سوء فهمى
بس والله انا بحسن الظن بحضرتك على طول

أحمـدنجـم

02-02-2009, 12:26 AM

خلاص يا مستر أنا أسف
بس أنا زى حضرتك بالظبط ده نفس شعورى
بس الاختلاف بينا بيكون فى رد الفعل مش أكتر

أنا فهمت حضرتك تقصد ايه
وأنا أسف على سوء فهمى
بس والله انا بحسن الظن بحضرتك على طول
المهم يا هاني .. حتى لو اختلفنا في ردود الأفعال .. نتفق في الهدف من وراء الأفعال .. والهدف هو أولاً وآخراً أن نواجه كل أشكال الانحلال الأخلاقي والسلوكي مواجهة جادة

الاستاذ محمد سرور

02-02-2009, 08:00 AM

ميراج

02-02-2009, 11:23 AM

يا ميراج المشكلة مش اننا نشوف أو لا .. المشكلة بعد ما هنشوف هنعمل ايه .. دورنا ايه .. دورك ايه كفتاة مسلمة ملتزمة دورك ايه كشاب مسلم ملتزم .. أين أنتم مما يحدث؟ هل نحن لسنا مسئولين ؟ سؤال ملح جداً وهام جدا جداً

اكيد طبعا احنا لينا دور بس الاب والام ليهم الدور الرئيسى

يعنى مهما قعدت اقنع فى صحبتى انها متلبسش بنطلونات ضيقه ابسط رد بتقولهولى ماما وبابا شافونى وانا خارجه انتى مالك يعنى انا من رايى لو الام مش عاجبها منظر بنتها وهيه خارجه كده مكنتش خرجتها ولا ايه لكن الشباب بقا والحاجات الغريبه اللى بيعملوها ديه مش عارف اقول عليها ايه بس

ربنا يهدى الجميع يارب

أحمـدنجـم

02-02-2009, 11:48 AM

السلام عليكم ورحمة الله

جزيت خيرا مستر احمد على الموضوع

واسمح لى اضيف جزء صغير

للاسف السبب فى كل هذا هو اختفاء التربية المجتمعية بجوار تربية الاب والام

كان زمان لو حد كبير شاف واحد صغير بيشرب سجاير ولا بيعاكس بنات كان ممكن يعاقبه من غير ما يعرفه
وما يسيبوش الا امام ابوه
وكان يعلم ان ابوه سيوافقه على ما فعل ومش بعيد يعتذر الاب لهذا الرجل لانه رأى من ابنه سلوك غريب على المجتمع

النهاردة كله بيقول يلا نفسى

وبقينا نسمع جملة مشهورة اساءوا استخدمها وهى

دة امور شخصية وخصوصيات

للاسف ماتت التربية المجتمعية فى بلدنا بعد ما كنا البلد الوحيد اللى بيتميز بيها

الله يرحمها ويرحمنا

استاذ محمد
طبعاً أنا سعيد جداً لمرورك على الموضوع
وفعلاً التربية المجتمعية ليها أثر كبير في حل المشكلة
وهذا ما تقصده الآية الكريمة "ولتكن منكم أمة يدعون إلى الخير ويأمرون بالمعروف وينهون عن المنكر"
تعرف يا أخي محمد؟
في كتير من الناس بيقروا آية في القرآن ويفسروها غلط
للأسف لأنهم بيفسروا القرآن بالظاهر
الآية دي الناس زمان أيام أبي بكر الصديق لما كان خليفة رسول الله
صلى الله عليه وسلم
الناس برضه في الأيام دي فسروها غلط
الآية بتقول قال تعالى :
"يا أيها الذين آمنوا عليكم أنفسكم لا يضركم من ضل إذا اهتديتم"
والحكاية إن لما ارتد ناس عن الإسلام أيام خلافة أبي بكر الصديق
قرر أبو بكر يحاربهم فقال له الناس يا أبا بكر
الآية تقول كذا وكذا
فغضب أبو بكر وقرر إنه يفهم الناس معنى الآية
فجمع الناس وخطب فيهم قائلاً
يا أيها الناس إنكم تقرأون آية في كتاب الله وتأولونها على غير تأويلها وتفسرونها على غير تفسيرها ولقد سمعت رسول الله صلى الله عليه وسلم يقول "إذا رأى الناس المنكر ولم يغيروه أوشك الله أن يعمهم بعقابه"
يبقى يا جماعة معنى عليكم أنفسكم بمعنى
إذا انتشرت الفتن وانتشر الفساد والضلال أصلح نفسك
وجاهدها وقاومها لن ينالك هذا الإفساد والضلال
وأعظم جهاد للنفس أن يأمر الإنسان بالمعروف وينهى عن المنكر
شكراً لك أخي الحبيب على ردك المتميز

أحمـدنجـم

02-02-2009, 11:55 AM

اكيد طبعا احنا لينا دور بس الاب والام ليهم الدور الرئيسى

يعنى مهما قعدت اقنع فى صحبتى انها متلبسش بنطلونات ضيقه ابسط رد بتقولهولى ماما وبابا شافونى وانا خارجه انتى مالك يعنى انا من رايى لو الام مش عاجبها منظر بنتها وهيه خارجه كده مكنتش خرجتها ولا ايه لكن الشباب بقا والحاجات الغريبه اللى بيعملوها ديه مش عارف اقول عليها ايه بس

ربنا يهدى الجميع يارب

ميراج عاوز أفكرك بحاجة
هو الرسول صلى الله عليه وسلم
قال لليهودي جاره اللي كان بيأذيه وبيرمي القمامة أمام منزل
الرسول صلى الله عليه وسلم
هل الرسول قاله ادخل في الإسلام ؟
طبعاً لأ
إنما الرسول صلى الله عليه وسلم أحسن معاملته
وبعد كده لما الرجل مرض راح زاره صلى الله عليه وسلم
الرجل اليهودي قال أنا بأذيك وانت تيجي تزورني
ولا عمرك سألتني انت عملت ليه كده
ولا بتعمل فيا ليه كده
مين أمرك بكده
قال رسول الله صلى الله عليه وسلم
أمرني ربي ودين بذلك
فآمن اليهودي
معنى الكلام يا ميراج
مش شرط تقولي لصاحبتك البسي طويل
ابدأي بنفسك الأول
وبعدين ابدأي احكيلها عن المميزات اللي انتي لاقتيها
في لبس الطويل
حتى أخلاقك وتصرفاتك وطباعك ومعاملتك للآخرين
لازم تتغير أول لما تلبسي الواسع والطويل
تعرفي ليه؟
عشان لما حد يسألك ايه اللي غيرك؟
قوليله لأني التزمت بزي الفتاة المسلمة فوهبني الله
أخلاق الفتاة المسلمة
دا نوع من أنوا الدعوة
وممكن كل واحد يفكر في طريقة للدعوة
قال تعالى "ادع إلى سبيل ربك بالحكمة والموعظة الحسنة"
وجزاك الله خيراً

Sherif Elkhodary

02-02-2009, 12:18 PM

استاذ احمد عجبني موضوع حضرتك جدا
اول مرة اشوف موضوع لحضرتك بالعامية
انا هتكلم ع الحتة اللي تخصني فقط

ممكن بقى اسيب البنات شوية لو سمحتم ..
واسأل الشباب ..

ايه يا حبيبي .. ازيك عامل ايه ؟
ايه يا بني اللي انت لابسه دا؟
ايه ؟
ليه البنطلون ساقط منك كده يا قلبي؟
موضة؟
آه موضة ايه دي؟ يعني موضة أخدها عن مين؟

ياريتها تيجي علي كده يا استاذ احمد
انا معايا ولد في الدرس و الله مصدقتش لما شوفته
عامل حواجبه نفس تسريحة شعره
و التاني عاملها قصة شعره بالظبط
و الله بجد مصدقتش

انت تعرف رسول الله صلى الله عليه وسلم؟
أنا آسف مش بلبخ فيك والله..
أكيد تعرفه وبتحبه .. بس مش عاجبك وصاياه .. صح
لا لا عجباك أنا عارف
طب شوف يا حبيبي .. اللي انت لابسه دا ميرضيش رسول الله..
واللي انت عامله في شعرك دا واسمه ايه دا سبايكي .. ميرضيش رسول الله
ولو سيدنا عمر عايش رضي الله عنه كان أمر بحلق شعرك زلبطة..:angry:

كتير اوي من الشباب ميعرفوش امور دينهم للاسف
و فاكرين ان دي حاجات بسيطة جدا و انهم مبيتحاسبوش عليهم
انا مرة سالت واحد و قولتله ايه اللي انت عامله ده
و كده حرام و هتاخد عليه ذنوب و كده
قالي لالا دي حاجات بسيطة و بعدين انا مش بعمل ذنوب غير اني ساعات بتاخر في الصلاة

لا لا مش هكشر هضحك أهو هزقطط :av4056bb7jp3:هفرحك وأطبلك
تعرف في يوم عملت في شعري بانكي وكانت الموضة ايامنا .. وكانت تسريحة عادية
اتكلت قلم سخن على وشي
يمكن يكون غلط بس اللي أعرفه اني اتعلمت ان مش أي حاجة اقلدها وخلاص
شوف يا بني .. أنت راجل؟
يوووووووووه هنبدأ الغلط ..
لا يا سيدي وسيد الرجالة كمان ..
بس اللي يعمل شعره كده يبقى

للاسف ناس كتيرة جدا مفكرة نفسها رجالة
بس اسم فقط
و المشكلة ان عندهم بنات
و اعرف ان اللي عنده بنات ده بيبقي راجل فعلا
و بيتحمل المسئولية
و انا نصحت ناس كتيرة
و لكن لا حياة لمن تنادي
شكرا استاذ احمد علي موضوعك مرة تانية
في امان الله

ميراج

02-02-2009, 12:21 PM

ميراج عاوز أفكرك بحاجة

هو الرسول صلى الله عليه وسلم
قال لليهودي جاره اللي كان بيأذيه وبيرمي القمامة أمام منزل
الرسول صلى الله عليه وسلم
هل الرسول قاله ادخل في الإسلام ؟
طبعاً لأ
إنما الرسول صلى الله عليه وسلم أحسن معاملته
وبعد كده لما الرجل مرض راح زاره صلى الله عليه وسلم
الرجل اليهودي قال أنا بأذيك وانت تيجي تزورني
ولا عمرك سألتني انت عملت ليه كده
ولا بتعمل فيا ليه كده
مين أمرك بكده
قال رسول الله صلى الله عليه وسلم
أمرني ربي ودين بذلك
فآمن اليهودي
معنى الكلام يا ميراج
مش شرط تقولي لصاحبتك البسي طويل
ابدأي بنفسك الأول
وبعدين ابدأي احكيلها عن المميزات اللي انتي لاقتيها
في لبس الطويل
حتى أخلاقك وتصرفاتك وطباعك ومعاملتك للآخرين
لازم تتغير أول لما تلبسي الواسع والطويل
تعرفي ليه؟
عشان لما حد يسألك ايه اللي غيرك؟
قوليله لأني التزمت بزي الفتاة المسلمة فوهبني الله
أخلاق الفتاة المسلمة
دا نوع من أنوا الدعوة
وممكن كل واحد يفكر في طريقة للدعوة
قال تعالى "ادع إلى سبيل ربك بالحكمة والموعظة الحسنة"

وجزاك الله خيراً

اكيد طبعا انا فاهمه وجهه نظر حضرتك

بس اكيد انا مش هروح انصحهاواقولها على حاجه انا بعمل عكسها

يعنى انا الحمد لله ملتزمه بزى الفتاه المسلمه

ويارب افضل كده على طول

انا كل اللى اقصده ان الاب والام هما اللى المفروض يقولوا لاولادهم ايه الصح وايه الغلط

يعنى الام شايفه بنتها خارجه بالمنظرده ومعملتش معها حاجه معنى كده انها موافقه ان بنتها تلبس الحاجات ديه

فبالتالى البنت تاخد ثقه اكتر وتلبس مدام بابا وماما موافقين صح

mr_abdelaleem

02-02-2009, 03:33 PM

مشتاقة لرضا الله

02-02-2009, 05:33 PM

جزاك الله كل خير يا استاذ احمد
بجد بجد موضوع ربنا يكتب لحضرتك بيه حسنات ليوم القيامة
وكل بنت او شاب يقروه لازم يفكروا فى اللى هما بيعملوه
بجد جزاك الله عنا خير الجزاء
وبعد اذن حضرتك ممكن انقل الموضوع ده فى منتديات اخرى
لانى بتصفح منتديات كتير بحس ان الطبقة اللى فيها محتاجة اوى لكلمتين زى دول
وغالبا بتبقى منتديات عربية
فبعد اذن حضرتك يعنى ياريت تسمحلى انقله
والاجر والثواب لحضرتك ان شاء الله

أحمـدنجـم

02-02-2009, 08:55 PM

استاذ احمد عجبني موضوع حضرتك جدا

اول مرة اشوف موضوع لحضرتك بالعامية
انا هتكلم ع الحتة اللي تخصني فقط

اتفضل وشكراً على مرورك واهتمامك وهذا عهدي بك دائماً

ياريتها تيجي علي كده يا استاذ احمد
انا معايا ولد في الدرس و الله مصدقتش لما شوفته
عامل حواجبه نفس تسريحة شعره
و التاني عاملها قصة شعره بالظبط
و الله بجد مصدقتش

كتير اوي من الشباب ميعرفوش امور دينهم للاسف
و فاكرين ان دي حاجات بسيطة جدا و انهم مبيتحاسبوش عليهم
انا مرة سالت واحد و قولتله ايه اللي انت عامله ده
و كده حرام و هتاخد عليه ذنوب و كده
قالي لالا دي حاجات بسيطة و بعدين انا مش بعمل ذنوب غير اني ساعات بتاخر في الصلاة

ربنا يهديه يا شريف بس برضه متيأسش منه
بإذن الله ربنا هيساعدك ويعينك بس عاوزين نعرف
حاجة مهمة .. إننا لما ندعي حد لعمل الخير
نعرف ان التوفيق من عند الله
يعني احنا نعمل اللي علينا وخلاص
وربنا قال لسيدنا محمد صلى الله عليه وسلم
(وما على الرسول إلا البلاغ المبين)

للاسف ناس كتيرة جدا مفكرة نفسها رجالة
بس اسم فقط
و المشكلة ان عندهم بنات
و اعرف ان اللي عنده بنات ده بيبقي راجل فعلا
و بيتحمل المسئولية
و انا نصحت ناس كتيرة
و لكن لا حياة لمن تنادي
شكرا استاذ احمد علي موضوعك مرة تانية

في امان الله

ألف شكر ليك يا شريف وربنا يكتر من أمثالك من الشباب الذين
نحسبهم على خير
ونحن ما علينا سوى النصيحة
أما الهداية فمن الله

أحمـدنجـم

02-02-2009, 09:06 PM

اكيد طبعا انا فاهمه وجهه نظر حضرتك

بس اكيد انا مش هروح انصحهاواقولها على حاجه انا بعمل عكسها

يعنى انا الحمد لله ملتزمه بزى الفتاه المسلمه

ويارب افضل كده على طول

انا كل اللى اقصده ان الاب والام هما اللى المفروض يقولوا لاولادهم ايه الصح وايه الغلط

يعنى الام شايفه بنتها خارجه بالمنظرده ومعملتش معها حاجه معنى كده انها موافقه ان بنتها تلبس الحاجات ديه

فبالتالى البنت تاخد ثقه اكتر وتلبس مدام بابا وماما موافقين صح

انتي كلامك صح وانا مقتنع بيه
بس كمان في أهالي للأسف في غفلة عن عيالهم
أو بمعنى أصح البنت ممكن تنزل من بيتها محترمة جداً
وتمثل على البيت كله والكل يصدقها
وهي بقى تسوي الهوايل من وراهم
هنا بقى ييجي دور الصحاب
وييجي دور الزميلات الملتزمات
ولكن أهم حاجة الأسلوب
اللي مينفرش البنت
انا ضد أسلوب الوعيد
هتدخلي الناااااااااااااااااااااااار:abdoog8:
هتتشوشوييييييي مع أم جميل:abdoog8:
الدود واللحود يا مبينة الخدوووووووود:abdoog8:
الأسلوب دا عمره ما بيجيب نتيجة
كنا لاقيناه في القرآن الكريم لو كان صح
ياااااه على القرآن وحكمته في وصف الجنة
ونعيمها وثواب المتقين
وأثر التقوى في الحياة الدنيا وفي الآخرة
ياااااه على حث القرآن على حسن المعاملة
حتى مع الكافرين
أهم حاجة الأسلوب يا جماعة

أحمـدنجـم

02-02-2009, 09:09 PM

جزاكم الله خيرا
والله ما وجدته هنا ما هو إلى فاتحة خير تدل على تمسك شبابنا بدينهم وسخطهم على الاوضاع السيئة التي أصبح فيها القلة من الشباب الذين غابت عنهم الرقابة الأسرية والمجتمعية
أتدرون ما هي المشكلة
المشكلة أن الكل ساخط على هذه التصرفات ولكن جميع صامت وهناك جملة تقال ( وأنا مالي دع الخلق للخالق )
اللهم اهدي شبابنا ودلهم على سراطك المستقيم
صدقت أخي عبد العليم
وشكراً جزيلاً على مرورك للمرة الثانية
وهذا يدل على اهتمامك الشديد وحرصك
بهذا الموضوع
وإن شاء الله يصبح هذا الموضوع منارة
بنا جميعاً تعلمنا كيف ندعو الآخرين
ولا نكتفي بإصلاح أنفسنا
فقط.......

أحمـدنجـم

02-02-2009, 09:14 PM

جزاك الله كل خير يا استاذ احمد
جزانا وإياك أختي الكريمة
بجد بجد موضوع ربنا يكتب لحضرتك بيه حسنات ليوم القيامة
واسأل الله أن يكتب لك المثل بإذن الله تعالى
وكل بنت او شاب يقروه لازم يفكروا فى اللى هما بيعملوه
بجد جزاك الله عنا خير الجزاء
وبعد اذن حضرتك ممكن انقل الموضوع ده فى منتديات اخرى
لانى بتصفح منتديات كتير بحس ان الطبقة اللى فيها محتاجة اوى لكلمتين زى دول
وغالبا بتبقى منتديات عربية
فبعد اذن حضرتك يعنى ياريت تسمحلى انقله
والاجر والثواب لحضرتك ان شاء الله
هذا من دواعي سروري أختي الكريمة ولكم أرجو أن ينتشر هذا الموضوع ويصلح لكل بيت مسلم ولكل شاب أو فتاة أو إنسان مسلم .. لينفع به ذوي الألباب .. نسأل الله الهدايةوالعفة لنا جميعاً..

جزاك الله خيراً أختاه

Baskoota

02-02-2009, 09:21 PM

السلام عليكم
بجد موضوع جميل جدا واسمحلي احييك على اللغة المستخدمة فيه لأنها فعلا هي اللغة القريبة من كل شباب اليومين دول واللي انا منهم يعني

انا صراحة قرأت الجزء الخاص بالبنات
وبداية يعني انا الحمد لله بلبس حجاب طويل لحد الارض وعبايات واسعة يعني لا انتمي لل category اللي حضرتك بتتكلم عنه
بس حبيت اقول رأيي
بجد مش ممكن المناظر اللي احنا بنشوفها دي
زمان التبرج كان آخرة جيبة قصيرة او بلوزة cut
دلوقتي الموضوع تطور خالص والهدوم عمالة تقصر وتخف
والغريب والعجيب والمريب في الموضوع
انك تلاقي البنت من دول لابسة لبس يخدش الحياء العام
وفوق كل دا لابسة طرحة
no comment

وعلى الدنيا السلام

دمت بخير

أحمـدنجـم

02-02-2009, 09:34 PM

السلام عليكم
وعليكم السلام ورحمة الله وبركاته
بجد موضوع جميل جدا واسمحلي احييك على اللغة المستخدمة فيه لأنها فعلا هي اللغة القريبة من كل شباب اليومين دول واللي انا منهم يعني
ايوه عندك حق اصلي بتكلم سبع لغات خايف لساني يتعوج .. ربنا يستر:confused:

انا صراحة قرأت الجزء الخاص بالبنات
وبداية يعني انا الحمد لله بلبس حجاب طويل لحد الارض وعبايات واسعة يعني لا انتمي لل category اللي حضرتك بتتكلم عنه
ربنا يبارك فيكي ويزود من أمثالك .. ويخلي أمثالك أكتر من أمثالهم ..
الغريبة ان فيه ناس بتقولي .. الله ؟ هو أمثالهم مالهم ؟ أيه جرالهم ؟
هو يعني جسم البنت دا شيء غلط أو وحش عشان متبينوش ؟
هو مش من خلقة ربنا؟
لو كان غلط ليه ربنا خلقه أصلاً ؟
متستغربيش والله الأسئلة دي بتتقال والله .. وهرد عليها على فكرة ..
بس حبيت اقول رأيي
طبعاً قولي اتكلمي .. احنا في بلد الحريات :stickjo4:
بجد مش ممكن المناظر اللي احنا بنشوفها دي
زمان التبرج كان آخرة جيبة قصيرة او بلوزة cut
دلوقتي الموضوع تطور خالص والهدوم عمالة تقصر وتخف
أزمة قماش .. مبلاش نظلم البنات .. الله..
والغريب والعجيب والمريب في الموضوع
انك تلاقي البنت من دول لابسة لبس يخدش الحياء العام
وفوق كل دا لابسة طرحة
no comment

وعلى الدنيا السلام

دمت بخير
دمت بخير أختي الكريمة .. ربنا يحميكي لشبابك يا رب ويكتر من أمثالك
ممكن يا جماعة أرد على اللي بيقولوا
هو ليه يعني البنت تغطي جسمها
أنا هقولهم حاجة حلوة خالص
ليه الراجل البقال بيغطي الحلاوة الطحينية؟:romarioxp6:
محدش يفهمني غلط ..
يا لهويييييي الموضوع هيتحذف ..:(
البقال بيغطي الحلاوة الطحينية لسببين
الأولاني .. عشان الدبان ميجيش عليها
التاني .. عشان لو حد جعان وممعهوش يشتري ما يشتيهاش ويتعذب
بصوا كفاية كده أنا مش هتكلم تاني
أكيد انتي ياللي بتقولي كده عرفتي ليه المفروض
تغطي الحلاوة الطحينية ...
قصدي .. جسم سعادتك
حلو الكلام كده ولا أقلب ع الوش التاني:slap1qk6:؟
لا لا خلاص أنا بتكلم بشويش اهو
تخيلوا لما حديث شريف يقول وانتم في السفر اقصروا في الصلاة
بذمتكم في حد بيدور على صحة الحديث أو ضعفه؟
إنما لما حديث يقول أو آية تقول البنت تلبس الحجاب
يتكتب فيها مجلدات وأبحاث
وأيه المقصود؟
وهو نقاب ولا خمار؟
والوجه والكفين يبانوا؟
ولا لأ؟
طب البنطلون حلال ولا حرام؟
طب لو واسع؟
طب الجوانتي ممكن يبقى فيه ترتر ؟
مفيش حديث في الترتر
يبقى مش مشكلة .. :049gc0:اديها ترتر

khas123

02-02-2009, 11:51 PM

مشكوووووووور جدا وبجد في ناس كتير لازم يفوقوا
بس عجبتني الحتة بتاعة "يكبر الي ويروق الدي "

أحمـدنجـم

03-02-2009, 01:28 AM

مشكوووووووور جدا وبجد في ناس كتير لازم يفوقوا
بس عجبتني الحتة بتاعة "يكبر الي ويروق الدي "
والله على رأيك لازم نفوق كلنا .. ونبطل نحتت بقى .. عشان الدنيا هتبقى خربانة .. على رأي الموسيقار والمطرب الشهير ..والله ما أعرف اسمه..نورت الموضوع

Free Mind

03-02-2009, 04:51 PM

أحمـدنجـم

03-02-2009, 05:37 PM

هههههههههههههههههههههه والله العظيم موضوع روعة والله كنت عايز اتكلم فيه مع اى حد من اصحابى حرام والله

بس على فكره دول رايحن النار راكبين حمار بس حمار جامد اوى هيكلهم رفسة هيركبهم الهوا ههههههههه

انا بضحك علشان الحمد لله القرية بتاعتنا ما فيهاش الحاجات دى والاساتذة بتوعنا بيكرشوهم على طول روحى يا روح امك البسى زى خلق الله وتعالى
آه على القرية .. أنا كنت بدرس في قرية تابعة لمحافظة بورسعيد
اسمها قرية بحر البقر
تصدقوا بالله
والله العظيم
كانت مدرسة إعدادي مشتركة
الولاد والبنات كانوا يشوفوني جاي ع المدرسة
كله يثبت في الطريق
ويحط وشه ف الأرض
لغاية ما أعدي انا
مينفعش يسبقوا الاستاذ
مش عندي في بورسعيد
ابقى ماشي بالعربية
والطلبة تسابقني وتضيق عليا الطريق
ومع ذلك .. الحمد لله بقدر اكسبهم في النهاية
وبقدر اولاً اخليهم يحبوني
وبعدها الحمد لله بيبقى فيه أثر طيب
أنا بحكي الكلام دا عشان نعرف
ان الحاجة المعووجة
عمرها ما هتتعدل لواحدها يا ناس
لازم حد يعدلها
مرة يعدلها بــــ:abdoog8:
ومرة يعدلها بــــ:)
وربنا يخلي القرية وجو القرية .. ويبعد عنها الملزق والساقط يا رب ..:078111rg3: للقرية..

mr_abdelaleem

03-02-2009, 07:39 PM

أحمـدنجـم

03-02-2009, 10:47 PM

هكذا تكون الموضوعات البنائة والنقاشات المفيدة
بارك الله لكم وبارك عليكم

والردود تنم عن وعي من الشباب وادراكهم بمدى المسئوليه الملقاة على عاتقهم تجاه دينهم ومقاومة الافكار الفاسدة التي يحاول الغرب أن يزرعوها في أوطاننا ليفقدونا هويتنا وأصولنا

ومرة أخرى أكرر الشكر لصاحب الموضوع بارك الله فيه
طبعاً أنا بشكر حضرتك يا أستاذ عبد العليم على مشاركاتك العديدة في الموضوع دا ..
بس أنا ليا طلب يا جماعة
بصراحة انا عاوز نبدأ بقى نعمل حاجة اسمها تكنولوجيا
ييييييييه تكنولوجيا إيه يا عم انت هتبدأ تخرج م الموضوع؟:slap1qk6:
لا لا مش هخرج ولا حاجة استنوا بس
يعني ايه تكنولوجيا؟
:confused:
أكيد كلكم عارفين التكنولوجيا بس أكيد مش هي
تعريف المنطق بتاع سعيد صالح
لما قال لما واحد يتضرب يقع ميحطش منطق:romarioxp6:
استنوا بس انا مش بهزر والله
التكنولوجيا هي ..
التطبيق العملي للمعرفة النظرية
طب ودا علاقته ايه بالموضوع يا عم الفالح ؟:stickjo4:
أنا أقولكم
عاوزين بقى تجارب حياتية
يعني انتي مثلاً
ايوه انتي بتبصي وراكي ليه
انا اقصدك انتي
عاوزينك تنقلي لينا تجربة حقيقية
يعني أيه؟
يعني واحدة صحبتك مثلاً بتحاولي معاها انها تلتزم
واعرضي علينا الأمر .. عشان نساعدك وندلك
على أفضل طريقة
وانت .. انت يا عم .. ايوه انت
مالك تعالى متخافش
الموضوع مش سياسي ولا بيعرضك للمساءلة
تعالى يلا .. شوفي يا سيدي
انا عاوزك تجيبلنا برضه محاولتك مع صديق لك
انه مثلاً يبطل السجاير
أو يصلي
او يبطل يوقف شعره
واحننا هنساعدك
عرفتوا يعني ايه تكنولوجيا؟
طب يلا..
ايه يا عم والله فاهمين
انت فاكرنا ايه؟:040vk0:
فاكركم احسن ناس في الدنيا
باديكم هنصلح المجتمع
وباديكم برضه
اسمه ايه دا
اللي اسمه
الفساد
:giljotiiniug3:
هينتهي بإذن الله ..

Free Mind

03-02-2009, 10:56 PM

احمد رضا

04-02-2009, 12:40 AM

السلام عليكم ورحمة الله وبركاته
موضوع جميل يا استاذي
وغالبا انا ليا نظرة في الاتنين
سواء الشباب اللي بيسقطوا والبنات اللي بتسقط وتلبس اللي بيصف ويشف
ان ده قد يرجع لأسباب عدة منها

- شعور البنت أو الولد بالنقص ولجوءهم لمثل تلك الطرق لجذب الإنتباه كما يفعل المرضي النفسيين
- السير علي خطي الغرب الذي لا يصدر لنا إلا ما لا يفيد أما ما يفيد فهو في خزائن الغرب لا نعرف عنه شيئا ولا يصلنا إلا بعد عشرين عام كحد أدني ..
- المجتمع المحيط بالفتاة أو الشاب ، فقد تكون بعد الأوساط الارستقراطيه لا ترفض ذلك لضعف الوازع الديني والصِبغه الدينيه في تلك العائلات ..
وقد تكون لأسباب أخري غائبه عن ذهني الآن

* شعور البنت أو الولد ( المراهقين ) بالنقص ولجوءهم لمثل تلك الطرق لجذب الإنتباه كما يفعل المرضي النفسيين *

وللأسف أغلب المجتمع المصري مُصاب بعقدة النقص بسبب التنشئة الاجتماعية الغير واعية من قبل الآباء المتعلمين والغير متعلمين
قد تكون عقدة النقص أيضا بسبب بعض العيوب الخلقية ولذلك فيبحث الإنسان المعاق علي مجال ليتميز فيه
وقد يكون بسبب الفقر فيبحث عن مظاهر الأغنياء ليكون منهم ولو ظاهريا ً
المشكلة مش في عقده النقص ذاتها
لإنها ممكن تؤدي للإبداع والتطور
ولكن
في اتجاه التطور
بمعني تاني
كل مراهق علي حسب وعيه
وقصدت قول المراهق لتتداعي في عقولنا بعض المعاني التي يجب ان نضعها في الاعتبار
فمرحلة المراهقة يصحبها شعور بالإنجذاب نحو الجنس الآخر
وهذا في نظري ليس عيبا ً لانها أساسيات مرحله مفروضة علي الجميع ان يعيشها
ولكن التعامل مع هذه الرغبة هو المشكلة

ففيه شاب كل هدفه ف الحياة
انه يعلق البنت دي
ان البنت تشوفه تقول ( ياااااااااي .. شايفه الشاب الكول ده .. امور اوي بجد )
ده هدفه

وفيه شاب هدفه
انه يتفوق ويعجب كل الناس
شباب وبنات
عادي دي طبيعتنا البشرية

نيجي للشباب اللي بيقلد الغرب
فعايز أعرفك حاجة صغيره اااااااد كدا
ان مجلس شيوخ فلوريدا يقر قانونا بمنع الطلاب الذين يرتدون البنطلونات ذات الوسط المنخفض والتي تظهر جزء من اللحم او الملابس الداخليه لمرتديها من دخول الأماكن التعليمية
ومدينه ريفيرا بيتش في فلوريدا ً بدأت تعمل بهذا القانون بالفعل
وفلوريدا مش هيا الوحيدة اللي عملت كدا علي فكرة
شوفت الغرب اللي صدرلك البنطلونات دي ؟
شوفت هو بيعمل ايه ؟
فكك من الكلام بتاع دي بنطلونات قوم لوط والكلام الفاضي اللي سمعناه كتير ده
بس فكر بالمنطق وشوف
:)

فاختلاف الهدف والثقافه له عامل مؤثر

وكذلك البنت
فقد تعتبر ان ده نوع من أنواع إرضاء الغرور وعدم الشعور بالنقص
وفيه بنات بردو بتكون عايزه تتجوز وتخلص
بس سواء دي ولا دي
فهي الخسرانه والله

ليه بقي
مفيش أي شاب هيرضي يتجوز بنت شاف مفاتنها
أصل انا شوفت بطنها هعوز ايه تاني ؟
وبعدين اللي توريني بطنها دي
تبقي مراتي ازاي ؟
ولا اللي الهدوم مكسمه جسمها دي
تبقي ام عيالي ازاي مش فاهم انا ؟
ابقي ماشي كدا والناس بتتفرج علي كل جزء في جسمها
؟
بالمنطق
ساعة ما أفكر في الزواج
هفكر في بنت خلوقة أولا ملتزمه دينيا ثانيا شكلها مقبول علي قدر من الثقافه
دي المواصفات

بالمنطق بردو ومقربتش من الدين في نفس الوقت
كمان فيه معلومة صغيرة أاااااااااد كدا
الضغط المتسبب عن ارتداء الملابس الضيقة قد يؤدي الي تراكم وتجمع خلايا من بطانة الرحم في منطقه اخري من الجسم مما يسبب الإلتهاب وخصوصا عند المراهقين
وحتي عند خلع الملابس الضيقة
فالضغط بيبقي لبعض الوقت علي جدار الرحم وقناة فالوب القريبة من المبايض
مما قد يؤدي لمضاعفات كتيرة كدا مش فاكرها
كنت عامل ريسيرش عنها زمان
:)

انا مش عارف الرد بقي شكله ايه علي أي حال
ولكن نظرا لظروفي الصحية فهبقي اعدله بعدين
وازود اللي محتاج يزيد
والله المستعان
:)
معلش يااستاذي تقلت عليك انا

أحمـدنجـم

04-02-2009, 12:45 AM

على فكرة انت استاذ دمك زى الشربات احلى كمان والله ودايما وابدا هحترمك علشان ماشاء الله عليك
عليك قوه فى الاقناع روووووووووووووووووووعة وفى توصيل المعلومة ولا عمرو خالد هههههههههههههه
شوفتوا دمي طلع زي الشربات :022yb4:
بصراحة مش لاقي الوش بتاع الكسوف
أبو خدود حمرا دا بس اعتبروه موجود
شكراً ليك طبعاً على ذوقك
بس بصراحة انت بالغت شويه
ماشاء الله عمرو خالد
داعية مقنع وأنا بحبه جداً
بس بيني وبينك
احنا لو فكرنا شويه
كلنا هنوصل لطرق كتيرة أوي
وعصرية جداً
تناسب العصر اللي احنا فيه
عشان كل وقت وله أدان زي ما بيقولو
ولا ايه يا بشر؟
يلا بقى أنا لسه مستني
التووووكنوووولووووجياااااا:stickjo4:

أحمـدنجـم

04-02-2009, 01:08 AM

السلام عليكم ورحمة الله وبركاته

موضوع جميل يا استاذي
وغالبا انا ليا نظرة في الاتنين
سواء الشباب اللي بيسقطوا والبنات اللي بتسقط وتلبس اللي بيصف ويشف
ان ده قد يرجع لأسباب عدة منها
أحمد رضا في مووضوع يبقى اكيد الموضوع دا هيتشهر أوي
بصراحة يا أبو حميد مش صراحة اوي يعني
أصلي بفكر أرشح نفس في الانتخابات
نفسي ندخل الجنة يا أخي اوي
بيقولوا عليه تحفة
يلا ربنا يسهل
قول يا سيدي أسبابك
- شعور البنت أو الولد بالنقص ولجوءهم لمثل تلك الطرق لجذب الإنتباه كما يفعل المرضي النفسيين
- السير علي خطي الغرب الذي لا يصدر لنا إلا ما لا يفيد أما ما يفيد فهو في خزائن الغرب لا نعرف عنه شيئا ولا يصلنا إلا بعد عشرين عام كحد أدني ..
- المجتمع المحيط بالفتاة أو الشاب ، فقد تكون بعد الأوساط الارستقراطيه لا ترفض ذلك لضعف الوازع الديني والصِبغه الدينيه في تلك العائلات ..
وقد تكون لأسباب أخري غائبه عن ذهني الآن
يا جماعة خدوا بالكم من كلام الراجل دا
والله بيقول كلام كبير جداً
وفي صميم الموضوع
وهيشرح اهو ..اشرح يا أبو حميد اشرح
كلنا آذان صاغيرة :)

* شعور البنت أو الولد ( المراهقين ) بالنقص ولجوءهم لمثل تلك الطرق لجذب الإنتباه كما يفعل المرضي النفسيين *
:romarioxp6:
وللأسف أغلب المجتمع المصري مُصاب بعقدة النقص بسبب التنشئة الاجتماعية الغير واعية من قبل الآباء المتعلمين والغير متعلمين
قد تكون عقدة النقص أيضا بسبب بعض العيوب الخلقية ولذلك فيبحث الإنسان المعاق علي مجال ليتميز فيه
وقد يكون بسبب الفقر فيبحث عن مظاهر الأغنياء ليكون منهم ولو ظاهريا ً
المشكلة مش في عقده النقص ذاتها
لإنها ممكن تؤدي للإبداع والتطور
ولكن
في اتجاه التطور
بمعني تاني
كل مراهق علي حسب وعيه
وقصدت قول المراهق لتتداعي في عقولنا بعض المعاني التي يجب ان نضعها في الاعتبار
فمرحلة المراهقة يصحبها شعور بالإنجذاب نحو الجنس الآخر
:stickjo4:قصدك ايه؟:stickjo4:
وهذا في نظري ليس عيبا ً لانها أساسيات مرحله مفروضة علي الجميع ان يعيشها
ولكن التعامل مع هذه الرغبة هو المشكلة

ففيه شاب كل هدفه ف الحياة
انه يعلق البنت دي
ان البنت تشوفه تقول ( ياااااااااي .. شايفه الشاب الكول ده .. امور اوي بجد )
أيوه أمور الواد دي من وجهة نظرها يعني
مسقط البنطلون وموقف الشعر
بذمتك دا أمور دا
ييجوا يشوفوا الأمامير بجد
عارف هما مين
(فتية آمنوا بربهم وزدناهم هدى)
(رجال لا تلهيهم تجارة ولا بيع عن ذكر الله وإقام الصلاة)
(رجال صدقوا ما عاهدوا الله عليه)
(محمد رسول الله والذين معه أشداء على الكفار رحماء بيهم تراهم ركعاً سجداً سيماهم في وجوههم من أثر السجود)
هم دول زي ما بيقولوا الأمامير ولا أيه يا بشر؟
ده هدفه

وفيه شاب هدفه
انه يتفوق ويعجب كل الناس
شباب وبنات
عادي دي طبيعتنا البشرية

نيجي للشباب اللي بيقلد الغرب
فعايز أعرفك حاجة صغيره اااااااد كدا
ان مجلس شيوخ فلوريدا يقر قانونا بمنع الطلاب الذين يرتدون البنطلونات ذات الوسط المنخفض والتي تظهر جزء من اللحم او الملابس الداخليه لمرتديها من دخول الأماكن التعليمية
ومدينه ريفيرا بيتش في فلوريدا ً بدأت تعمل بهذا القانون بالفعل
وفلوريدا مش هيا الوحيدة اللي عملت كدا علي فكرة
شوفت الغرب اللي صدرلك البنطلونات دي ؟
شوفت هو بيعمل ايه ؟
فكك من الكلام بتاع دي بنطلونات قوم لوط والكلام الفاضي اللي سمعناه كتير ده
بس فكر بالمنطق وشوف
:)
أيوه زي مجلس الشعب بتاعنا بالظبط
طلع قانون اللي مش هيسقط بنطلونه
هيصادروا بقيت هدومه
أنا بهزر والله .. متخدوش على كلامي:romarioxp6:

فاختلاف الهدف والثقافه له عامل مؤثر

وكذلك البنت
فقد تعتبر ان ده نوع من أنواع إرضاء الغرور وعدم الشعور بالنقص
وفيه بنات بردو بتكون عايزه تتجوز وتخلص
بس سواء دي ولا دي
فهي الخسرانه والله

ليه بقي
مفيش أي شاب هيرضي يتجوز بنت شاف مفاتنها
أصل انا شوفت بطنها هعوز ايه تاني ؟
وبعدين اللي توريني بطنها دي
تبقي مراتي ازاي ؟
ولا اللي الهدوم مكسمه جسمها دي
تبقي ام عيالي ازاي مش فاهم انا ؟
ابقي ماشي كدا والناس بتتفرج علي كل جزء في جسمها
؟
والله يا أحمد اللي بيتجوز واحدة عشان جمالها الحسي
والله ما بيشبع عمره
بيفضل طول عمره يدور الجمال الحسي
والسبب
ان الجمال الحسي دا بينطفي بمجرد الزواج
ويرجع احتياجه تاني زي ما كان بالظبط
وسلملي على محكمة الأسرة:049gc0:
بالمنطق
ساعة ما أفكر في الزواج
هفكر في بنت خلوقة أولا ملتزمه دينيا ثانيا شكلها مقبول علي قدر من الثقافه
دي المواصفات
اتجدعن بس انت وانا عندي ليك عروسة
نفس المواصفات
فول اوبشنز يا بني
ربنا يكرمك:)
بالمنطق بردو ومقربتش من الدين في نفس الوقت
كمان فيه معلومة صغيرة أاااااااااد كدا
الضغط المتسبب عن ارتداء الملابس الضيقة قد يؤدي الي تراكم وتجمع خلايا من بطانة الرحم في منطقه اخري من الجسم مما يسبب الإلتهاب وخصوصا عند المراهقين
وحتي عند خلع الملابس الضيقة
فالضغط بيبقي لبعض الوقت علي جدار الرحم وقناة فالوب القريبة من المبايض
مما قد يؤدي لمضاعفات كتيرة كدا مش فاكرها
كنت عامل ريسيرش عنها زمان
:)
طب بطل تعمل ريسيرش تاني :stickjo4:
هههههه
انا مش عارف الرد بقي شكله ايه علي أي حال
ولكن نظرا لظروفي الصحية فهبقي اعدله بعدين
وازود اللي محتاج يزيد
والله المستعان
:)

معلش يااستاذي تقلت عليك انا

ألف لا بأس عليك يا أحمد والله وحشني جداً
وبالفعل أنا سعيد جداً بردك المتكامل الأركان
أحمد ساعدني في موضوع التكنولوجيا دي
مفيد جداً
عاوزين ننتقل من مرحلة الكلام
لمرحلة التنفيذ
عاوزين نحط خطة للتنفيذ
خطة يا أبو حميد متخرش المية
وسلامي ليك يا غالي وفي انتظارك مرة تانية

بندق__2007

04-02-2009, 03:59 AM

الضوء الشارد

04-02-2009, 02:16 PM

أحمـدنجـم

04-02-2009, 04:31 PM

فعلا يا أستاذنا

موضوعك مميز و مختلف

و لكن الحقيقة القصة بقت صعبة جدا

محتاجة مجهود مش واحد و لا اتنين

محتاجة توعية دينية و ثقافية

ديننا مش تخلف و لا تمسك بعادات بالية

ديننا بيدعم الثقافة و التحضر

بس اللى يفهمه صح

عموما احنا كلنا معاك

و هنعمل خطة و لا خطة أوباما فى إنقاذ الاقتصاد
:av4056bb7jp3:بندق الغالي في موضوعي:av4056bb7jp3:
بجد أنا فرحان أوي
كل الأحباب اتجمعوا
على فكرة دا مؤشر ممتاز جداً
ودا بيدل إن لسه في قلوب
بتحس بالغيرة
الغيرة يا أبو حميد
أنا بستغرب يا أحمد
تلاقي الأب بنته نازله قصاده وهي
على سنجة واحدة ونص وهو ...:)
وتلاقيه ما شاء الله عليه
عيني عليه باردة
ابنه موقف شعره ولابس بنطلون ساقط
وهو يديله فلوس عشان يشتري الساقط
ويعمل الواقف وتلاقي الأب عامل كده ..:)
والأم يا حلاوة .. لابسة نقاب أو حشمة جداً
وبنتها ... ربنا يسترها علينا يارب
وامها تتباها بيها اصلها عاوزة تجوزها
يييييييييييه
أنا بدأت أكرر الكلام تاني
الظاهر الشريط سف يا أخوانا
بس تعرف يا أبو حميد
نفسي أشوف نتائج والله
أنا المرة الجاية هحكيلكم على نتائج
في حياتي أنا والحمد لله
يلا حاسس إني رغاي
سلام

Dr Mohammad

04-02-2009, 04:41 PM

جزاك الله خيرا

أحمـدنجـم

04-02-2009, 11:07 PM

أولا انا عايز اقول ان حضرتك فاهم الشباب اوى بدليل ان حضرتك عرفت توصلهم الفكرة بشكل بسيط بعيدا عن الكلكعة والشعارات الرنانة . ثانيا ان عايز اقول لحضرتك ان سبب اللى بيحصل للشباب والبنات حاجتين هما بعد الأهل عن ولادهم وانه مش مهتميين بهم ولا بيناقشوهم او البعد عن الدين وده سبب من اسباب خراب الأمة .
شكراً أخي الحبيب على المرور
وياريت تشاركنا فكرتنا
في اننا نجيب هنا تجارب حقيقية
لمحاولات التصدي للظواهر السيئة اللي مجتمعنا
في انتظارك وشكراً
جزاك الله خيرا
شكراً د/ محمد
وجزاك الله خيراً

مروه

05-02-2009, 07:01 PM

أحمـدنجـم

05-02-2009, 11:36 PM

موضوع جميل جدا جدا جدا
وده طبعا مش جديد على حضرتك
وفعلا والله نفسى الاقى اجابه لأسئلة حضرتك دى
وبشوف البنات او الولاد اللى بيعملوا كده
ببقى نفسى اوقفهم وأسألهم ليه بيعملوا كده
؟؟؟؟؟؟؟؟؟؟؟؟؟؟؟؟؟
بس ببقى عارفه ان اقل حاجه ممكن يقولوها
اللبس حريه شخصيه
دى حاجه
الحاجه التانيه بقى
زى ما حضرتك قولت رضه دور الأباء
يعنى اعرف والله بنات نفسها تتحجب
بس مامتهم مش موافقه
ليه معرفش
؟
ربنا يهديهم كلهم ويثبتنا
ودمت متميزا بمواضيع حضرتك الهادفه دايما
هبدأ كلامي معاكي يا مروة بدعوة غالية جداً
اللهم يا مقلب القلوب ثبت قلوبنا على الإيمان بك
بصي يا مروة مش عاوزين نستغرب لما نشوف اللبس دا
بالعكس لما تكوني تعرفي واحدة بتلبس كده
أوعي تنفري منها بالعكس عامليها معاملة جميلة جداً
والمعاملة الطيبة دي في حد ذاتها دعوة في سبيل الله
(الدين المعاملة)
وهاتيلها هدية في اي مناسبة
واضحكي في وشها على طول
متخفيش انتي التزامك مقوي شخصيتك
مش هتأثر هي عليكي
على فكرة هي هتحاول تخليكي تلبس زيها على الأقل
قوليلها حاضر
هلبس زيك
(كذب مباح)
بس انا بغير على جسمي اوي يا صديقتي
حاسة انه أمانة ربنا عطيهالي ومينفعش افرط فيها
وبعدين نفسي أفضل مغلفة كده زي الجوهرة الغالية
لغاية ما ربنا يرزقني بشاب مسلم ملتزم يحبني في الله
وتبقى زينتي له حلال مش تتعرض لأي حد في الشارع
أنا عاوزة البس زيك صدقيني لبسك جميل
(كذب مباح)
بس بصراحة أنا مكسوفة اوي البسه
أصل يا صديقتي ربنا بيغير عليا اوي ودا مش كلامي
دا كلام رسول الله صلى الله عليه وسلم
قال لأصحابه لما اشتكوا له من غيرة سعد بن معاذ رضي الله عنه :
"أتعجبون من غيرة سعد ؟ لأنا أغير من سعد ولله أغير منا ومن أجل غيرة ربي حرم الفواحش ما ظهر منها وما بطن" صدق رسول الله صلى الله عليه وسلم ..
بصراحة يا صديقتي
أنتي جميلة جداً أنا بشوف العيون بتابعك وانتي ماشية بتغاظ بصراحة
مش من حقهم يبصولك كده
وغير كده الشباب يا صديقتي بيفتن بينا
يعني احنا كده فتنة للشباب
لو احنا شيء عادي اننا نبين جسمنا
كنتي مش لقيتي نسبة التحرش الجنسي بتزيد كل يوم
والخطف وال******
الالتزام بزي الإسلام يا صديقتي يمكن يكون مش أجمل من اللبس دا
بس بيخلي اللي يشوفك يخاف يقربلك
عارفة ليه لأنك مع الله
واللي مع الله .. لا يضيعه الله..
يلا بقى هاتيلي البس زيك وأمري لله ..
....
وشوفي النتيجة ايه ..
نجرب يا جماعة .. نتفنن في الدعوة زي ما بنتفنن في حاجات كتيرة أوي
جزاك الله خيراً يامروة وربنا يثبتك ..:)

Messenger of Peace

06-02-2009, 11:43 AM

جزاك الله خير يا استاذ احمد

عجبني انا اسلوب السؤال والجواب الذاتي في طرح الموضوع
لانه كأنك بالضبط بتخاطب شباب اليومين دول
وعجبني المضوع كله وتفاعل الاخوة والاخوات
وعجبني مشاركة استاذ عبد العليم
ورد حضرتك على هاني الشرقاوي
ما كنت هوافق ومش بعيد كنت هضربها كمان بس الحمد لله أنا مليش اخوات
مش بعيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييد
مستني اية تاني علشان يمكن تتحرك انا مش اقصد ضرب لانه بقى عملية تنفير مش تغريب

كل مرة طبعا هاني بشذ عن الاراء المتفقة عليها ولكن لا نملك الا النصح والا
ياريت اللى يخش المضوع مش يكتفي بالمشاركة ولكن يطلع على بقية المشاركات لان فيها كلام كثير
في كلام كثير الواحد عايز يقوله ولكن حضراتكم بتفاعلكم بالمضوع بتطرحوه
ونتظر مرحلة التنفيذ

حبيبي هارتي استاذاحمد
الوسلية الصهونية في هدم الاخلاق والتفكك الاسري
تسعى الى القضاء على..........ز
وهذا بعدهم

حضراااااااااااااااااااتكم مش مصدقين
بص على الكتاب اللى حظر من النشر
اكيد عرفتوه هو اية؟

اوعى حد يجيب سرتي
انا بجري على ولايا
وعايز اربي عيالي

هو الموضوع جميل ولمس صميم المشكلة اللى موجودة في المجمتع العربي اجمع
ده مشكلة جيلين في نفس الوقت الجيل القديم اللى اصبح دقة قديمة وجاهل و...و,,,,, الخ
الجيل التاني اللى احنا اللى طاين عايز ده وم غير رقابة ولا فهم مغبة الاحداث ده على الصعيد الداخلي
اما الصعيد الخارجي استهدافات الغرب لينا بنشر الفسق والدعر و.....و....,,,,, الخ
حضرتك شوفت اعلان البركة باشباب حج التعليم واستكمال التعليم في الخارج قريب من نفس المشكلة اللى حضرتك بتناقشها
وانا اسف الواحد نظرته صغيرة بس على ما قد عرفت اعبر في كلمات قصيرة
ولكن السؤال الاهم فيــــــــــــــــــــــــــــــــــــــــــــــــ ن الرقابة المنزلية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟
لما تشوف البنت نازله من بيت والدها ولا كأنها نازلة صالة من صالات شارع...............
ابنك في الله

ده مشاركة من موضع قريب لمس نفس المشكلة
استأذن حضرتك في اقتباس المضوع
طبعا حضرتك وفقت لــ أخت ليننا
حقوق الملكية الفكرية محفوووووووووووووووووووظة

تم اضافة مشاركة لـــــــــــ تنشيط الموضوع
لان الموضوع مهم جدا

themoondream

06-02-2009, 12:14 PM

أحمـدنجـم

11-02-2009, 09:17 PM

قلب برىء

11-02-2009, 10:00 PM

ههههههههههههههههههههههههههه
بجد بجد تسلم ايدك والله يا مستر احمد
اولا فعلا حضرتك دمك زى العسل <<< وبالذات فى اللغة العامية ههههههه
ثانيا حضرتك عندك طريقة للاقناع فظيعة بجد
ثالتا انا بقى عايزة اقول انو الجمتمع بج بقى غريب يعنى دلوقتى الاية اتعكست بقى الشباب والبنات اللى كده هما الطبيعيين
واللى ماشيين ع الموضة
اما بقى المحترمين فهما اللى بقوا غريبين فى المجتمع بمعنى انهم هما اللى بقوا مش متحضرين وكده يعنى < اكيد حضرتك فاهم
وطبعا زى ما خضرتك قولت البيت عليه اهم عامل انااعرف بنات بتخرج مع ابوها وامها بمنظر وحش جدا بجد ميشرفش
خااااااالص وبيبقوا عادى جدا
وشكرا يا مستر ع الموضوع المهم ده والعسل كمان

**تسابيح**

11-02-2009, 10:00 PM

عاوز اسأل البنات سؤال مهم ومعتقدش إن فيه واحدة منهم هنا
أنا قصدي البنات اللي فاهمة موضوع الأنوثة غلط
السؤال مهم جداً
إحساسك إيه وانتي لابسة ملزق
يييييييه (ملزق) ايه يا عم خلي ألفاظك راقية :slap1qk6:

طيب أوك هكون راقي خالص وكووول خالص هسأل بأسلوب متحضر
إحساسك ايه وانتي لابسة هدوم كل الناس معجبة بيها على آخر موضة
وتقولي لأصحابك دا الشارع كان واقف على رجل
هل دا بيرضي غرور معين عندك؟
هل بتفرحي والشباب بيعاكسوكي مثلاً ؟ بتحبي المعاكسة ؟
بتحسي بنشوى وسعادة وتبقي مزقططة :av4056bb7jp3:؟
نفسي تردي عليا نفسي .. عشان أعرف ايه الحكاية بالظبط ..
وايه نوع الفرحة اللي بتحسي بيها وانتي سايبه نفسك أداة للشيطان تفتني البشر
أنا آسف شيطان ايه يا عم ما توجعش دماغنا .. احنا بنحذرك بطل النغمة دي :040vk0:
طيب خلاص هبطل النغمة دي .. طب أشغل انهي نغمة ؟
كنت بسمع مثل بلدي بيقول "يا بنتي لم تضحكي للضحك يبليكي تمشتي ابن الحرام وابن الحلال فيكي"
الكلام دا كان بيتقال زمان على مجرد ضحكة من بنت في الشارع أو في المدرسة أو في الجامعة
الضحك بصوت عالي كان بيطلع عليه أمثال شعبية
النهاردة .. ربنا يسترها
أولا موضوع بجد مهم اوي
بس انا عايزة اقول حاجة بجد ليه البنات بتلبس كدا لانها لما بتشوف اي حد بتحسب انها احسن منه
هقولك ع موقف حصل معايا كنت ماشية انا وواحدة صاحبتي _الحمدلله دلوقتي ربنا هداها_بتلبس بضي وحاجات غريبة شافت واحدة تانية لابس بضي برضه بس كانت ضيق شوية صغيرين عن اللي هي لبسه
قعدت بقا تقول ايه البنت دي هي لبس كدا ليه
لانها بتقارن نفسهابغيرها هتشوف طبعا انها احسن من كثير انما لو قارنت نفسها بالدين الصح هتشوف انها ولا حاجة انها مهمشه وفعلا دا اللي حصل لصاحبتي دي لما سمعت برنامج ديني حست فعلا اناه ضايعة وسبحان الله ربنا هداها ولبس خمار يعني من بضي لخمار عشان فهمت صح كل البنات اللي بتلبس ملزق كدا بتبص للي لابس ملزق اكثر منها عشان كدا الفكرة وفي الاخر بجد دي سياسة اوربية عايزة المسلمين يبقي مش عندهم دين بس برده احنا ان شاء الله هنحافظ ع دينا لاخر يوم في عمرنا
شكرا ع الموضوع

SHEHAB22

11-02-2009, 10:07 PM

شكراااااااااااااااا جداااا على الموضوع

أحمـدنجـم

13-02-2009, 01:14 AM

يا نجم بصراحة كلامك جميل جدا
انا كبنت الحمد لله مش بلبس ضيق او او او انا بتقى ربنا وبحافظ على الامانة اللى ابويا وامى حطوها فيا (الاخلاق والتربية )
بس اقولك الشباب دلوقتي بيعاكسوا حتى لو كنت ماشية زي العسكري (ما اعتقدش في بنت ف الدنيا بتفرح وهى بتتعاكس لأنها بتقول للأرض انشقي وابلعيني اصلا من الاحراج اللى بيكون فيها واحساسها انها ممكن تكون ملفته بالرغم من لبسها المحترم جدا جدا ويتحس بالذنب منغير ذنب)
الموضوع فوق الرائع وده اللى حضرتك معودنا عليه
الحمد لله انك ملتزمة بالزي السليم
معتقدش كل البنات بتنكسف من المعاكسة بالعكس
العينة دي بقى قليلة جداً
والادهى والأمر أن البنات بقت هي كمان بتعاكس الشباب
يعني حاجة تكسف وتعر
ربنا يهدي يا رب
والمصيبة اللي بنت مش فاهماها
إن سر جمالها الحقيقي في حيائها مش في شكلها
شكراً على المرور وربنا يثبتك

أحمـدنجـم

12-03-2009, 02:58 PM

ثالتا انا بقى عايزة اقول انو الجمتمع بج بقى غريب يعنى دلوقتى الاية اتعكست بقى الشباب والبنات اللى كده هما الطبيعيين
واللى ماشيين ع الموضة
اما بقى المحترمين فهما اللى بقوا غريبين فى المجتمع بمعنى انهم هما اللى بقوا مش متحضرين
على فكرة أنا عاوز أقولك حاجة
المجتمع مش غريب بالعكس احنا بنشوف المجتمع
من خلال النضارة اللي بنلبسها
يعن ايه ؟:confused:
يعني اللي بيقرب من المحترمين والملتزمين
بيبص للدنيا ويفتكر أن معدش فيها ناس وحشين
وبيحس ان الغير ملتزمين هم النشاذ اللي في المجتمع
والعكس صحيح
يعني الحل الأمثل
نشتري نضارة نظيفة:049gc0:
على فكرة مراتي اللي قايلهالي :)

أحمـدنجـم

12-03-2009, 03:06 PM

عشان فهمت صح كل البنات اللي بتلبس ملزق كدا بتبص للي لابس ملزق اكثر منها
تعرفي انتي دوستي على حتة مهمة اوي
شوية كده بس عشان متموتش تحت رجلك
الحتة اللي انتي دوستي عليها هي ايه بقى ؟
إن الإنسان لما بيغلط بيبص للي بيغلط أكتر منه
ودا نوع من الإسقاط النفسي
:slap1qk6:فسر كلامك إسقاط نفسي إيه ؟
أيوه آسف
يعني اللي بيغلط مبيشوفش غلطه لأنه بيدور دايماً
على اللي أقل منه أو اللي أكثر منه في الخطأ
وكفاية كده ..

على فكرة أنا رجعت الموضوع دا وحبيت أنشطه تاني
عشان نستكمل مع بعض رسالته
ولسه مش ناسي الهدف الأساسي
يلا بقى نرجع تاني مين فيكم حاول يدعو صديقه
إنه يلبس زي محترم ويبطل التقليد الأعمى
ومين فيكن (نون النسوة) خلت صديقتها تلبس زي
إسلامي .. مستني الردود يلااااااا:040vk0:

أفنان أحمد

13-03-2009, 10:46 PM

مع احترامي الشديد ليك يا هاني سيبك من موضوع الدين بيقول ايه ولا القرآن بيقول ايه أنا هكلمك من وجهة نظر تانية خالص .. خصوصيات ايه يا عم هاني اللي بتقول عليها يعني أختي انا مثلاً تنزل من البيت مبينة جسمها أو لابسة ملابس تصف جسمها وأو تشف جسمها واجي أقولها كذا أو كذا تقولي دي خصوصية .. يا عم هاني .. البطن بانت واللي كان كان .. دا أنا بشوف ملابس ليها العجب والله .. يمكن انت عشان عشت في اوروبا الموضوع دا مش فارق معاك لانك شوفت كتير فحصلك عملية من عمليات الاعتياد انما الاعتياد دا عندنا بنسميه تبلد .. أنا مش أقصدك والله .. وبعدين انا مش بقولك كلم صحباتك البنات في لبسهم كلم أصحابك الصبيان يا أخي .. والبنات يكلموا البنات .. على فكرة أنا مش رجعي ولا حاجة .. كل الموضوع بعيد عندك بتعالج من الضغط العالي .. وربنا ما يوريك الضغط العالي .. بس انا نفسي يفضل ضغطي عالي على طول .. يا رب علي ضغطي كمان وكمان طالما في الحق ..

جزاك الله خيرا على الموضوع الهام والخطير وعلى هذا الطرح الجميل
أما بعد
فنحن جميعا فى سفينة واحدة فهل يحق للبعض أن يخرقها ليغرقنا جميعا؟؟
قال النبي صلى الله عليه وسلم ( مثل المدهن في حدود الله والواقع فيها مثل قوم استهموا سفينة فصار بعضهم في أسفلها وصار بعضهم في أعلاها فكان الذي في أسفلها يمرون بالماء على الذين في أعلاها فتأذوا به فأخذ فأسا فجعل ينقر أسفل السفينة فأتوه فقالوا ما لك قال تأذيتم بي ولا بد لي من الماء فإن أخذوا على يديه أنجوه ونجوا أنفسهم وإن تركوه أهلكوه وأهلكوا أنفسهم )

( المدهن ) المرائي المضيع للحقوق والذي لا يغير المنكر من الإدهان وهو المحاباة في غير حق .
ينقر ) من النقر وهو الحفر في الخشب أو غيره
****
وقال الله تعالى ( لٌعن الذين كفروا من بنى إسرائيل على لسان داود وعيسى ابن مريم ذلك بما عصوا وكانوا يعتدون كانوا لا يتناهون عن منكر فعلوه لبئس ما كانوا يفعلون )

ولا يفهم أحدنا الآية الكريمة فهما خاطئا ( يا أيها الذين آمنوا عليكم أنفسكم لا يضركم من ضل إذا اهتديتم )
طبعا شرحتها الآية السابقة فنحن مطالبون أن نأمر بالمعروف وننهى عن المنكر (بالحكمة و الموعظة الحسنة )
والنتائج بيد الله سبحانه وتعالى
( ليس عليك هداهم )
فعلينا هداية الدلالة وعلى الله سبحانه هداية التوفيق
(إنك لا تهدى من أحببت ولكن الله يهدى من يشاء )

وشفاك الله وعافاك من الضغط
فقد كان رسول الله صلى الله عليه وسلم لا يغضب إلا إذا انتهكت محارم الله
(واتقوا فتنة لا تصيبن الذين ظلموا منكم خاصة )
فنحن مسئولون
نسأل الله عز وجل أن يردنا إليه وإلى دينه ردا جميلا
ومعذرة للإطالة
دمتم فى طاعة