استقالة [الأرشيف] - بوابة الثانوية العامة المصرية

مشاهدة النسخة كاملة : استقالة

Travel

31-01-2009, 03:00 PM

السلام عليكم ورحمة الله وبركاته
مش عارفة ابدا منين او ازاى
لكن كل اللى هقوله
انى خلاص بجد مبقتش قادرة اكمل كده مش فى الاشراف بس
لا
فى المننتدى كله
اتقال انى اتكلمت على ناس كتيير وقولت كتيير
وفى الاخر يطلع انى مقولتش حاجة وياعالم بيتقال ايه تان
مع ان كل اللى اتعامل معايا يشهد انى مبتكلمش على حد من وراه
وبقول دايما
لما بعوز اقول حاجة على حد بقولهاله فى وشه مش بستنى لما تجيله من حتة تانية
اشاعات وكلام كتيير بيطلع وبسكت مبتكلمش
قفلت الرسايل الخاصة تجنب للمشاكل وطلعت المشاكل برة
وافتح الرسايل علشان مش عارفة ايه
وكلام كتيير
قافلاها علشان حاسة انها راحة ليا
مبقتش عاوزة اسمع سيرة مشاكل خلاص
بجد زهقت وقرفت
بعدت عن المشاكل لو لاحظتوه هادى بقاله فترة المنتدى
بسكت مبتكلمش
وفى الاخر
مع الأسف هذه مسرحية هزلية

المشاركة الأصلية كتبت بواسطة عادل حسان سليمان
الأخ الفاضل

بعد السلام والتحية
أن تضعنى مشرف مع طفاة لاتتجاوز السابعة عشر من عمرها رغم ان عمرى تجلوز 49 عامآ
وارسل لها رسائل لاترد بشأن حذفها المستمر لموضوعاتى وانا المشرف دون الرجوع لى فأسمح لى ان اقول لك هذا ما لاأرضاه
أولآ أنا عملت صحفى لفترة طويلة بجانب عملى فى التربية والتعليم واعرف ان الأخبار منها ما يستجد فى لحظة ولن اقول لك ساعة وكلما
استجد جديد من الأخبار وانا متصل بوكالات الانباء والصحف من أجل موقعى وهذا الموقع اكتب الجديد واجدها تحذف كل ما أكتب واراسلها ولاترد
واسمح لى ان اقول لك انها لاتحترم من هو فى مرتبة استاذها وابوها وهذا ما لاأقبله ولذلك ارجو منك قبول استقالتى عن العمل كمشرف فى قسم
أخبار وتعليق فى ظل وجود العمل بجانب طفلة لاتفهم شيئآ ولاتفهم حتى فى القسم الذى تعمل به ولاتفرق بين الهام وغير الهام وغير محترمة لانها على الاقل يجب ان تحترم الاعضاء ولن اقول مشرف معها فى نفس القسم وتقبل سلامى
أخيك عادل حسان

:redface:
المواضيع اللى انا حذفتها لحضرتك كانت اخبار قديمة وحضرتك هتلاقى سبب الحذف مكتوب جنبها كده برضه
وبحذف مواضيع اعضاء بتنزل اكتر من موضوع فى اليوم الواحد
القوانين بتقول ممنوع تنزيل اكتر من موضوع للعضو علشان ياخد حقه هو والمواضيع الباقية من المناقشة والرؤية الفعالة
وده اللى بتبعه فى نظرتى للمواضيع
وبتبعه فى الركن العام كمان اللى هو اساس اشرافى عليه
حضرتك قلت انى بمسح المواضيع دون الرجوع ليك

ما
انا ونسمة (شارب نيلز)
بننقل ونحذف فى العام وعمرنا ما اختلفنا على حاجة
ومن غير ما نقول لبعض
احذف ده اه ولا لأ
انقل ده اه ولا لأ
:confused:
طالما مطبقين القوانين يبقى خلاص
وبعدين
ماهو القسم اهو مواضيع كتيير وقديمة ومكررة فيه
وحضرتك مش عامل فيها اى حاجة
والكل يدخل يشوف القسم ازاى
ويقول رايه بصراحة
ويقول اللى كنت بعمله غلط ولا صح
وانا مستعدة اتحمل النتيجة
:)
للجزء الاساسى بقى
طفلة لاتفهم شيئآ ولاتفهم حتى فى القسم الذى تعمل به ولاتفرق بين الهام وغير الهام
فى جزء الفهم ده مش هقول لحضرتك غير حاجة واحدة
بمشى بيها
الكبير بعقله مش بسنه
والحمد لله بعرف افكر كويس واحسب اللى قدامى رغم انى متسرعة شوية
بس فى الاخر تفكيرى بيكون صح
ومش هدق كتيير فى الجزئية دى علشان دى لا تعنى شئ لرؤية غيرى ليا
وغير محترمة
اهلى عرفوا يربونى كويس وتعبهم مرحش على الفاضى
كبير وصغير فى المنتدى انا بحترمه
اقرب مثال
مستر/اشرف
عبقرينومان
رغم انى بتخانق معاه كتيير فى المنتدى وبنزل مواضيع رخامة
الا ان عمر ما كلمة منى خرجت موجهه ليه من غير (حضرتك)
حتى ردودى مكنش فيها اى قلة ادب منى او تطاول
لانها على الاقل يجب ان تحترم الاعضاء
اى حد فى المنتدى تعاملى معاه
بيكون بكل احترام
انا مببصش فى تعاملى على السن ابداا
علشان كده زى ما بحترم غيرى . . غيرى بيحترمنى
. . . .
اسفة
مستر/اشرف
انى حطيت الرسالة فى الموضوع
بس
لانى مش عاوزة ارد على الرسالة برسالة زيها
وتطول الرسايل لانى هقفل برضه الرسايل
ربنا هو الاعلم بظروف البشر
ومش هقول غير
حسبى الله ونعم الوكيل بجد
. . . .
كده بعد الرسالة دى وبعد اللى بيحصل معايا
انا مليش مكان فى اى حاجة
بطلب رفع اشرافى
طالما وصلت لنقطة الكرامة
يبقى انا مليش لازمة خلاص

همس

31-01-2009, 03:23 PM

امممممممممم

هو الاستقالة بقت موضة الايام دي يا ولاد :)

ههههههه مش عارفة ليه دايما انا اول واحدة بتتكعبل في المواضيع دي:av4056bb7jp3:

وايه حكاية الكلام والاشاعات

انا مش بقيت عارفة اقول ايه

والله حاسة اني مجنونة

او عبيطة

او مش بفهم

او الثلاثة مع بعض

عموما السبب في دا كله هو واحد بس

ما علينا

ياريت يعني يا استاذ اشرف

تاخد بالك من الحتة دي

لما بعوز اقول حاجة على حد بقولهاله فى وشه مش بستنى لما تجيله من حتة تانية

عشان الافكار الي دماغ حضرتك يعني تراجعها كويس

وعشان الكلام الي في حجرة الاداريين يتأكد بس

المهم

مش هتكلم في موضوع استقالة زينب

لاني وصلت لمرحلة مش بقيت عارفة اقول ايه

تحياتي

وشكري الفائق لاستاذ اشرف

الي وصلني ووصلنا للمرحلة دي

وجايين نفكر نحط النقط على الحروف دلوقتي

لكن خلاص

ولات حين مناص

مش في فايدة

كل شئ انتهى :)

أحمـدنجـم

31-01-2009, 03:30 PM

برغم إني لا علاقة لي بالموضوع .. ولكني لا أعتقد أنه موضوع شخصي وهذا العضو أيا كان أنا أطالب بمعاقبته حتى ولو كان يمتلك من العمر مائة عام ودليل إدانته واضح جداً فالموضوع مهما كان فيه خلاف .. الخلاف في الرأي لا يفسد للود قضية .. وليس الخلاف حجة للسب ولقد قام العضو بسب الأخت ترافيل .. ومهما كان الذي فعلته أو حذفته أهي قامت بحذف آية في القرآن أم حديث في صحيح البخاري؟ .. إنها بحكم موقعها الإشرافي والذي ارتضته لها وكلفته بها إدارة المنتدى يجب أن تحظى بحماية القانون من السب والتعدي الصارخ كما شاهدنا في رسالة العضو الذي صدمت بسنه .. فهل 47 عاماً علمته أن يسب الآخرين حتى ولو كانوا أصغر منه سناً .. قال رسول الله صلى الله عليه وسلم " ليس منا من لا يوقر كبيرنا ويرحم صغيرنا" والعضو ارتضى أن يكتب في قسم مشرفته أصغر منه سناً ولكنها وقعت موقع ولي الأمر الذي يجب طاعته وهي تنفذ قوانين المنتدى حتى وإن خالفت القوانين فأنا ضد السب .. صد التعدي .. وأنا أثق أن الإدارة لن تترك هذا الموضوع بالسهل ..وتقبلوا تحيتي

Travel

31-01-2009, 03:43 PM

انا مبقاليش طلب خلاص غير انى امشى بهدوء
علشان كلوا يرتاح
لا شغل عاجب
ولا قاعدة عاجبة
لا هدوء عاجب
ولا مشاغبة عاجبة
طب الواحد يعمل ايه
يروح فلسطين يفجر نفسه هناك ولا ايه

MoHaMeD ELsHeRbEnY

31-01-2009, 03:43 PM

السلام عليكم

انا بجد مش قادر اكتب ولا اتكلم

بس الرد الموجز جدا

ان زينب مش هيترفع اشرافها لاى سبب ان كان

ودا لانها من انشط مشرفى المنتدى

النقطة التانية بقى رد على الاستاذ عادل

انت حضرتك عارف لية زين اتعينت مع حضرك على القسم ؟؟

اكيد مش عارف

بس انا هقولك

لان الاتاذ اشرف والادارة بالكامل

شافت ان القسم كلة بقى اخبار قديمة دا اولا

ثانيا نص المواضيع مفيش لها مصادر نهائى

اخر نقطة هتكلم يها

الى مش قادر على تحمل الاشراف

يقدر يسيبة فى اى وقت

والمفروض انى اقفل الموضوع

لان الاستقالة مروضة نهائيا

بس هسيبة

علشان الناس ترد على الاسلوب بس

مش اكتر

وبناء على كل الكلام دة

انا بطلب من رفع اشراف

استاذ الفاضل

من قسم خبر وتعليق

لانة لم يظهر اى عمل داخل القسم

فى رعاية الله

أحمـدنجـم

31-01-2009, 03:46 PM

أنا أريد العضو ذا السبعة والأربعين عاماً أن يدخل ويعتذر لأختنا أمامنا جميعاً .. وهذا أقل ترضية ممكنة وهذا ليس عيباً فالاعتراف بالحق فضيلة عظمى

Travel

31-01-2009, 03:48 PM

أنا أريد العضو ذا السبعة والأربعين عاماً أن يدخل ويعتذر لأختنا أمامنا جميعاً .. وهذا أقل ترضية ممكنة وهذا ليس عيباً فالاعتراف بالحق فضيلة عظمى
لالالا
انا مرضاش ان يعتذرلى
ربنا يسامحه
انا مش طالبة غير انى استقيل خلاص
علشان الكل يرتاح

أحمـدنجـم

31-01-2009, 03:50 PM

اختي هل انسحابك يحل القضية .؟ لا أعتقد فسيأتي من بعدك ويتعرض لنفس الطريقة والأسلوب نحن نريد أن نعالج المشكلة لا أن نتركها وننسحب .. بالله عليك لا تتركي موقعك واعلمي أنك تقومين بعمل مميز ونحسبك جميعاً على خير ولو كنت ابنة العشر سنوات .. فهذا لا ينقصك شيئاً من جهدك المشكور

M.Sherif

31-01-2009, 04:01 PM

بدون تطفل اسمحولي

يؤسفني كلمة
(( غير محترمة )) اللي الأخ قالها
فالسب في حق مشرف في منتدانا سب فينا كلنا
و كلمة ما كانش ليها لازمة خالص بصراحة
لو اتقالت بالصيغة دي فعلا و بنفس السياق ده
ليس هناك سببا في هذا الكون كله يبرر هذه الكلمة
فالأخت مشرفة
و المشرف في قسمه يعلم قوانين المنتدي جيدا
و كل مشرف أولي بإدارة قسمه و تنظيمه بالطريقة التي يراها صحيحة
فلا يمكننا أن نضيع هباءا وجهة نظر الادارة في اختيار المشرفين
فليس من المعقول أن تختار الادارة (( التي يهمها مصلحة المنتدي )) مشرفة غير ..........
كلام مش منطقي
و اعتقد ان السن مالوش اي علاقة بالموضوع
فكم من كبير السن خاوي الوفاض لا يملك حيلة و لا يهتدي سبيلا
و كم من صغير السن قاد جيوشا و حرر عقولا ...... !!
ليت الأمر يمر علي خير بتسامح إن شاء الله و بدون استقالات و لا خناقات
لأن المشرف النشيط صعب التفريط فيه

Dr.ahmed91

31-01-2009, 04:08 PM

انا كنت عاوز ارد..بس مش لازم

:romarioxp6::romarioxp6::romarioxp6:

لأني

مش

برد

على

:blink:
:unsure:
:wacko:

أطفال

:006et4::006et4::006et4:

:028ja7::028ja7:
:bosyht9::bosyht9::bosyht9::bosyht9:

Sharp Nails

31-01-2009, 04:45 PM

على جثتى الاستقال دية تتقبل
يانمشى احنا الاتنين
يانقعد احنا الاتنين
والى هيقبل استقالة زينب
يقبل استقالتى معاها

مش لاقية ايموشن بيعيط
اعتبرونى حطيتوا

مس رانيا حسن

31-01-2009, 04:47 PM

السلام عليكم
اولا استقالتك مش حل
اختى مش اى مشكله تحصل نهرب منها
انا عارفه انه موقف صعب لكن استقالتك مش حل
وطبيعى كل واحد فينا يقابله مشاكل سواء
هنا او فى حياته
ملحوظه :
والله انتى عسوله حتى وانتى زعلانة
دمك خفيف وروحك حلوة

طب الواحد يعمل ايه

يروح فلسطين يفجر نفسه هناك ولا ايه
[/quote]

علشان خاطرى بلاش
موضوع الاستقاله ده فى امان الله

همس

31-01-2009, 04:57 PM

لا حول ولا قوة الا بالله

بتهيالي

انا ماسكة نفسي اني اوقف الاخ الي قال الكلام دا

زينب كلنا هنا متمسكين بيكي

ياريت تخليكي معانا

بجد لو ليا خاطر

انتي اكتر واحدة عارفة انا عاوزة اقول ايه

وانا بفكر في ايه

الله يكرمك تفضلي بجد

لانك لو مشيتي بجد انا مش هستحمل

وهسيب المنتدى خالص

مش تخليني اخد قرار زي دا بجد

وخلينا مع بعض هنا

لحد .......

الى ان يشاء الله :)

انتي هتفهميني اكيد

بجد بجد تخليكي هنا

يهون عليكي تسيبي اختك وتمشي:(

والله هعيط كمان شوية

بتكلم جد

انا اصلا اليومين دول اعصابي تعبانة خلقة

الله يخليكي مش تكمليها باستقالتك

وان شاء الله

الي قال الكلام دا
هيتحاسب عليه

ودا وعد

بس لما الاستاذ اشرف يدخل

MoHaMeD ELsHeRbEnY

31-01-2009, 05:01 PM

علشان خاطرى بلاش
موضوع الاستقاله ده فى امان الله

زينب خلاص كفاية عليكى دى

من وسط كل الكلام دة

الرد دة بس

والطلب دة من الاستاذة رانيا

ينهى الموضوع تماما

ولا اية يازينب ؟

ان شاء الله زينب هتقبل طلبك استاذة رانيا

فى رعاية الله

..Just Stop

31-01-2009, 05:20 PM

يا مسهل
كلاماادخل الاقى مشكلة
::::::::::::::
المهم
طبعا كلكو شوفتو الموضوع وعرفتو مين غلطان
والحكاية مش بالسن
بس عيب اوى ان واحدة يتقال عليها كدا
بغض النظر عن كونها ترافيل او غيرها
قبل كدا لماكلمت واحدة بطريقة يعنى مشكويسةاوى بسمشللدرجادى تقريبا اتوقفت اسبوعين
واترفع عنى خاصية الكتابة
مع انى موجهتش اهانة مباشرة
وحضراتكوشا يفيينالاهانة اللى حصلت لزينب
ومستنى حضرتك يا مستر اشرف تعمل حاجة
::::::::::::::
امابخصوص الاستقالة فطلبك رفوضيا زينب
قولتلكقبل كدخمسين مرة
دا مشحل
خللى القافلة تسير ..........
شيلى الاستقالة من دماغك
وناواثق ان الاستاذ اشرف هيجيبلكحقك

MoHaMeD ELsHeRbEnY

31-01-2009, 05:54 PM

Mr.Ahmed Fadel

31-01-2009, 07:21 PM

معلش مش عارف من حقى ارد ولا لا .......... بس حرد ......... عايزين تحذفوه بعد كده احذفوه
بس متضايق ومتنرفز وعايز اقول رأيى
فى حاجة غريبة بتحصل فى المنتدى اليومين دول
فى حدة فى الموضوعات بين الاعضاء والمشرفين
مش فاهم ليه ...... وده بيخلى المنتدى مولع ومليان مشاكل ومعتقدش ان ده فى مصلحة الشغل
ولا ايه رأيكوا ؟؟؟؟؟؟؟؟
أما بخصوص الرسالة اللى الاخت زينب عرضتها ...... فكلها عك فى عك
يعنى ايه واحد عنده مش 47 سنه لا يا سيدى خليهم 80
يغلط فى بنت وبيقول عليها مش محترمة
لا بقى travel ( انا معرفهاش لأنى للأسف مش بدخل غير القسم التعليمى )
اللى اسمعه من اصحابى اللى شغالين بعيدا عن القسم التعليمى بيقولوا عليها بنت بمية راجل ( اسف فى التعبير )
بس ده اللى سمعته عنها
نشيطة ورائعة داخل القسم بتاعها
مش مسموح ان اى حد يتكلم عن بنت فى المنتدى بهذه الطريقة
فى رأيى هذا العضو يجب ايقافه فورا
واعتقد ان استاذ اشرف لن يتهاون فى هذا
---------------------------------------------------------------------------------------------
فى حاجه كمان عايز اتكلم عنها
فى هوجه استقالات فى المنتدى
اولا اخت زينب ........ لا اعتقد بعد اللى سمعته عنك انك تسيبى المنتدى وتسيبى الاشراف
مينفعش
ومينفعش يا جماعة عند كل اختلاف يبقى عندنا الاستقالة جاهزة
لازم يكون فيه هدوء شوية
المنتدى فى الوقت ده بيواجه منتديات تانيه كتير بتحاول تكبر وتوصلنا
مش عايزين ندى حد الفرصة دى
---------------------------------------------------------------------------------------------
ربنا يهدى الجميع

همس

31-01-2009, 07:31 PM

ها يا زينب ؟؟

اجيبلك مين كمان

حسني مبارك بنفسه يقولك تخليكي معانا ؟؟

مش هتمشي ان شاء الله

وهتشوفي :)

Mr.Ahmed Fadel

31-01-2009, 07:40 PM

ها يا زينب ؟؟

اجيبلك مين كمان

حسني مبارك بنفسه يقولك تخليكي معانا ؟؟

مش هتمشي ان شاء الله

وهتشوفي :)

يا نهار ابيض
ده الخروج من القسم التعليمى حيودينا فى داهية
انا راجع القسم التعليمى حالا :)

MohammeD el_SadaT

31-01-2009, 07:52 PM

عبقرينومان

31-01-2009, 09:14 PM

ياحول الله يارب

ايه يا جماعه فيه إيه إيه اللى بيحصل ده
لا كبير ولا صغير
.

هى المسأله وصلت لسب علنى
على العموم تم رفع
إشراف الأستاذ عادل حسان سليمان (http://www.thanwya.com/vb/admincp/user.php?do=edit&u=45314&redir=showlist) بشكل مبدأى

ووقفه لمده إسبوع لحين الإجتماع بالساده المشرفين الإدارين والمديرين

وبعد إذنكم يا جماعه وياريت محدش يفهم قرارى ده خطأ هيتم إغلاق الموضوع لحين إتخاذ قرار نهائى فى الموضوع

أما بخصوص طلب رفع إشراف يا زينب فطلبك مرفوض على الأقل بالنسبه ليا بصفتى نائب إدارى

أولا :
قلت مئة مرة ما ينفعش نهائي رفع اشراف اي مشرف بدون الرجوع ليا او الاستاذ عصام اذا كان بخصوص الاقسام التعليمية

ثانيا يتم رفع الوقف عن المشرف

ثانيا نمسك الموضوع اكثر من قطعة فيه

ثالثا: دي رسالة من مشرف ارسلها لي علشان بيحاول يرسل بزينب وهي مش بترد عليه فالرجل زعل وارسل لي الرسالة وانا علشان ما اظلمش حد رحت عملت تحويل للرسالة للاخت زينب علشان تشوف المشكلة فين وترد عليا في رسالة خاصة مش في موضوع كبير

رابعاً : الراجل خليك انت مكانه وانت عندك 48 سنة ومشرف على القسم وبعد كدا تلاقي مشرفة معاك على نفس القسم وهي اصغر منه بثلاثين سنة وبتحذف مواضيع المشرف
والراجل اكثر من مرة ارسل لها رسائل لكي يفهم المشكلة ولم تجب عليه
فكان من الطبيعي ان يفهم الرجل ان هذا عدم احترام له لانه تحذف ولا تجيب

ويا ريت نحكم واحنا في مكان الراجل وبلاش الكلام اللي بيولع ده

خامساً : الراجل ارسل لي الرسالة وقال لي الموضوع بالتفصيل
ويقصد بكلمة غير محترمة انها غير محترمة له في هذا الموقف وعدم الرد ولم تحترمه بالرد عليه

سادساً : الاستاذة همس طلعت من الموضوع ودخلت كالعادة ان المشكلة في اشرف مش في حد تاني
وانا المشكلة في ايه يا اخت همس

واحد مشرف بيراسل مشرفة ومش بترد عليها وهو قال الكلام ده يبقي ان المشكلة في ايه

سابعاً: انا مش هسمح بعد الان لاي مشرف او مشرفة او عضو ان يتكلم معي باي اسلوب مهما كان او حتى بالتلميح او بالتجريح

ثامناً : كان من الافضل ان تقوم المشرفة بالرد عليا في رسالة خاصة وتوضح المشكلة وترد ولا يجب ان تقوم بعمل موضوع كبير علشان الجميع يحس انها مظلومة ولم نسمع الراجل ولم نضع نفسها مكانه

تاسعا : مما لا شك فيه ان الاستاذ عادل خانه التعبير في كلمة غير محترمة ولكنه لا يقصد التعبير الكامل

عاشراً : وهو الاهم وهذه التعليمات لكل مشرفين الاقسام والمشرفين الاداريين والمشرفين السوبر ونائب الادارة وغير موجه للمشرفين التعليمين او الموجهين او اي حد يتبع الاقسام التعليمية اي مشرف يريد ان يستقيل من اشرافه عليه بارسال خاصة ليا انا فقط ويطلب ذلك مني وبتوضيح الاسباب

- لايحق لنائب الادارة رفع مشرف او وقفه او تعيين مشرف دون الرجوع اليا وهذا قلته سابقاً

وكمان انا بلغي اجتماع معرض الكتاب علشان موضوع قيل وقال وكثرة كلام البنات والشباب الفاضي

واللي عايز يعمل بدون مشاكل فانا موجود

اخيرا : انا بعتذر لاخت ترافيل علشان موضوع الاستاذ عادل لاني اعلم انه لا يقصد بهذه الكلمة غير انك لم تحترميه بالرد عليه فقط وطلبك مرفوض

والسلام عليكم

همس

31-01-2009, 09:40 PM

نظرا لان زوزو عاوزة ترد فانا هفتح الموضوع

واظن دا من حقها

وبالمناسبة مش هرد عليك يا استاذ اشرف هخلي زوزو هي الي ترد

MoHaMeD ELsHeRbEnY

31-01-2009, 10:51 PM

أولا :
قلت مئة مرة ما ينفعش نهائي رفع اشراف اي مشرف بدون الرجوع ليا او الاستاذ عصام اذا كان بخصوص الاقسام التعليمية

مش شغلى

انتم احرار مع بعض

بس انا راى انة قرار صحيح

ثانيا يتم رفع الوقف عن المشرف

لية يعنى

علشان كبير فى السن مثلا

لا علشان اية

هنشوف اهوة

ثانيا نمسك الموضوع اكثر من قطعة فيه

ثالثا: دي رسالة من مشرف ارسلها لي علشان بيحاول يرسل بزينب وهي مش بترد عليه فالرجل زعل وارسل لي الرسالة وانا علشان ما اظلمش حد رحت عملت تحويل للرسالة للاخت زينب علشان تشوف المشكلة فين وترد عليا في رسالة خاصة مش في موضوع كبير

ماظنش انها تفرق

بالعكس

الى زينب عملتة هوة الصح

لان لو كانت ردت اكيد كانت هتغلط

اما هنا هنقدر نمسك نفسنا

ودا مجرد راى

رابعاً : الراجل خليك انت مكانه وانت عندك 48 سنة ومشرف على القسم وبعد كدا تلاقي مشرفة معاك على نفس القسم وهي اصغر منه بثلاثين سنة وبتحذف مواضيع المشرف
والراجل اكثر من مرة ارسل لها رسائل لكي يفهم المشكلة ولم تجب عليه
فكان من الطبيعي ان يفهم الرجل ان هذا عدم احترام له لانه تحذف ولا تجيب

ويا ريت نحكم واحنا في مكان الراجل وبلاش الكلام اللي بيولع ده

بص بص

انا عاوزة يجيب موضوع اتحذف

كان المفروض ميتحذفش

ان كان مخلوق هيقدر

يبقى فية كلام تانى

حاجة تانية

تقدر تقلى انت لية عينت زينب على اقسم دة

اقولك انا

لان القسم كلة مخالفات

والكل شايف كدة

والمشرف دة ولا اكن لة وجود

والى يقول غيركدة بصراحة

يبقى بينافق نفسة

مش هقول اكتر من كدة

خامساً : الراجل ارسل لي الرسالة وقال لي الموضوع بالتفصيل
ويقصد بكلمة غير محترمة انها غير محترمة له في هذا الموقف وعدم الرد ولم تحترمه بالرد عليه

اشمعنى حضرتك الى فهمت كدة

بعكس كل الناس

يمكن ........

الله اعلم

بلاش نبرر الموقف

بكلام ميدخلش العقل

ماشى

سادساً : الاستاذة همس طلعت من الموضوع ودخلت كالعادة ان المشكلة في اشرف مش في حد تاني
وانا المشكلة في ايه يا اخت همس

اقولك انا

حضرتك لما مشرف زى دة

يبعت ليك رسالة زى دى

مكنش المفرود تحولا لزينب

الا اذا اتخذت قرار معاة الاول

لان احنا كلنا اخوات

والى يغلط فى اخت لينا

يبقى اكنة غلط فينا

المفرود تتخذ معاة قرار

وبعد كدة تحول الرسالة

امال حضرتك المدير لية ؟

واحد مشرف بيراسل مشرفة ومش بترد عليها وهو قال الكلام ده يبقي ان المشكلة في ايه

سابعاً: انا مش هسمح بعد الان لاي مشرف او مشرفة او عضو ان يتكلم معي باي اسلوب مهما كان او حتى بالتلميح او بالتجريح

حضرتك لو الشخص الى بيتكلم معاك دة

بيقول كلام غلط

كلنا نحاسبة

اما لوصح

نعمل اية ؟؟

ثامناً : كان من الافضل ان تقوم المشرفة بالرد عليا في رسالة خاصة وتوضح المشكلة وترد ولا يجب ان تقوم بعمل موضوع كبير علشان الجميع يحس انها مظلومة ولم نسمع الراجل ولم نضع نفسها مكانه

لا حضرتك لية بتفهم من اناحية الغلط

مين قالك انها عاملة علشان تحسس الناس انه مظلومة

وليكن كلامك صح بس هوة غلط

ايوة فعلاهي مظلومة

ولازم الشخص دة يتخذ معاة قرار

واما نشوف الكرامة بتاعتنا فين

تاسعا : مما لا شك فيه ان الاستاذ عادل خانه التعبير في كلمة غير محترمة ولكنه لا يقصد التعبير الكامل

مش نبقى ندخل دماغة

ونفهم هوة يقصد اية

ولا اية ؟

عاشراً : وهو الاهم وهذه التعليمات لكل مشرفين الاقسام والمشرفين الاداريين والمشرفين السوبر ونائب الادارة وغير موجه للمشرفين التعليمين او الموجهين او اي حد يتبع الاقسام التعليمية اي مشرف يريد ان يستقيل من اشرافه عليه بارسال خاصة ليا انا فقط ويطلب ذلك مني وبتوضيح الاسباب

اية الجديد يعنى

ما دى حاجة معروفة

- لايحق لنائب الادارة رفع مشرف او وقفه او تعيين مشرف دون الرجوع اليا وهذا قلته سابقاً

وكمان انا بلغي اجتماع معرض الكتاب علشان موضوع قيل وقال وكثرة كلام البنات والشباب الفاضي

واللي عايز يعمل بدون مشاكل فانا موجود

طيب اسلام يرجع بقى

ولا اية ؟

اخيرا : انا بعتذر لاخت ترافيل علشان موضوع الاستاذ عادل لاني اعلم انه لا يقصد بهذه الكلمة غير انك لم تحترميه بالرد عليه فقط وطلبك مرفوض

والسلام عليكم

انا قلت راى

فى رعاية الله

Travel

31-01-2009, 11:01 PM

................

MohammeD el_SadaT

31-01-2009, 11:08 PM

أولاً

عمرك يا أستاذ أشرف ما هتبقى صح وإحنا كلنا غلط

ثانياً

((إن الرجل ليتكلم بالكلمة لا يرى بها بأسا يهوي بها سبعين خريفا في النار ))
ولا أنا بتكلم غلط

ثالثاً

أنا أى صلاحيه معايا من حقى أستخدمها من غير ما أرجع لحضرتك فيها
لأن اللى أنا أعرفه إن الصلاحيه دى معايا عشان أستخدمها وقت اللزوم وأنا فيه مواقف مش هينفع أستنى حضرتك فيه على ما تدخل زى الموق ده مثلاً .
الإجراء العادى إنه يتم رفعه من الإشراف ووقفه لحين إتضاح الأمر وعكس كده هيبقى تقصير .
واللى مختلف معايا فى الكلام ده يتفضل يقول وجهة نظره

رابعاً

الأستاذ عادل أى نعم له خبره جميله بمجال الصحافه لكن لا يصلح إنه يكن مشرف أفضل يكون عضو لأنه مش متابع القسم أو بمعنى أصح مش عارف مهام الإشراف كويس .

خامساً

الموضوع اللى بيتحذف بيتكتب جنبه السبب ليه الموضوع إتحذف

كلامى خلص
:)

همس

31-01-2009, 11:18 PM

لا لا لا ازاي احنا الغلط

كلنا غلط وحضرتك صح

يلا خير

كل مرة بتكلم فيها

بوصل لان الكلام مش ليه لازمة

اه صحيح هو الاجتماع هيتلغى ؟؟

احم احم

مين قال يا ولاد اننا كنا هنحضر ؟؟

ما احنا مش عاوزين نحضر ليه ؟؟

يلا خييييييييييييييييير

تصبحوا على خير يا ولاد

Dr.ahmed91

31-01-2009, 11:27 PM

تصبحوا على خير يا ولاد

وانتي من أهله

تصبحوا على خير انا كمان

Sharp Nails

31-01-2009, 11:42 PM

تصبحوا على خير يا ولاد

وانتى من اهله
انا كمان هغور انام يمكن مصحاش

هووووووووووووووووووف

الاستاذ محمد سرور

01-02-2009, 02:00 AM

وكمان انا بلغي اجتماع معرض الكتاب علشان موضوع قيل وقال وكثرة كلام البنات والشباب الفاضي

بالنسبة للمشكلة مش دة حلها يا أستاذ اشرف
اعتقد ان قبل كدة لما كانت بتحصل مشكله بين طرفين كان الحل هو الاجتماع بيهم فى الغرف الصوتية لتقريب وجهات النظر ونحل المشكلة

انا بس لى تعليق صغير على كلامك باللون الازرق

((لا اله الا الله))
فى انتظار صوت الحق لنرى هل اجتماع القسم التعليمى قائم ام لا

همس

01-02-2009, 02:20 AM

بصوا يا جماعة

من رايي يفضل اجتماع الاقسام التعليمية

لكن الاجتماع بينا احنا الاداريين

والله ما هيكون ليه اي فائدة

يلا خير

في رعاية الله

عبقرينومان

01-02-2009, 07:57 AM

بالنسبة للمشكلة مش دة حلها يا أستاذ اشرف
اعتقد ان قبل كدة لما كانت بتحصل مشكله بين طرفين كان الحل هو الاجتماع بيهم فى الغرف الصوتية لتقريب وجهات النظر ونحل المشكلة

انا بس لى تعليق صغير على كلامك باللون الازرق

((لا اله الا الله))
فى انتظار صوت الحق لنرى هل اجتماع القسم التعليمى قائم ام لا

استاذ محمد بأذن الله الاجتماع ساري بس هنغير المكان مش اكثر بس بعد الرجوع للاستاذ عصام في امكانية استضافة الاجتماع في بلدهم العمار الكبرى

عبقرينومان

01-02-2009, 07:59 AM

أولاً
عمرك يا أستاذ أشرف ما هتبقى صح وإحنا كلنا غلط

ثانياً
((إن الرجل ليتكلم بالكلمة لا يرى بها بأسا يهوي بها سبعين خريفا في النار ))
ولا أنا بتكلم غلط

ثالثاً
أنا أى صلاحيه معايا من حقى أستخدمها من غير ما أرجع لحضرتك فيها
لأن اللى أنا أعرفه إن الصلاحيه دى معايا عشان أستخدمها وقت اللزوم وأنا فيه مواقف مش هينفع أستنى حضرتك فيه على ما تدخل زى الموق ده مثلاً .
الإجراء العادى إنه يتم رفعه من الإشراف ووقفه لحين إتضاح الأمر وعكس كده هيبقى تقصير .
واللى مختلف معايا فى الكلام ده يتفضل يقول وجهة نظره

رابعاً
الأستاذ عادل أى نعم له خبره جميله بمجال الصحافه لكن لا يصلح إنه يكن مشرف أفضل يكون عضو لأنه مش متابع القسم أو بمعنى أصح مش عارف مهام الإشراف كويس .

خامساً
الموضوع اللى بيتحذف بيتكتب جنبه السبب ليه الموضوع إتحذف

كلامى خلص
:)

استاذ محمد حضرتك شايف انه المشرف كان لازم يتوقف ليه

كان عامل شغب في المواضيع وعمال بيضرب في ده وبيخرب

لا يا سيدي حصل انه ارسل رسالة خاصة والمشرفة عملت موضوع هنا

يعني لا اتكلم على العام وقال الكلام ده على العام علشان اجرئ واوقف وارفع

ومعلش للمرة الثانية مفيش حاجة اسمها رفع اشراف بدون الرجوع اليا

وشكرا ليك

CoMMaNdo

01-02-2009, 08:41 AM

هوا انتو مصعبين الامور ليه كدا
استاذ اشرف ,
حد غلط فى عضو او مشرف المفروض ان حضرتك او الادارين تاخدو الاجراء المناسب معاه
وبعدين لو على السن انه 17
معظم الاعضاء والمشرفين فى فى المنتدى فى السن دا
ودا تجريح واضح جدا ومش فى ترفيل بس لا فى كل المشرفين والاعضاء
وانا شايف من حضرتك ان المفروض تاخد الاجراء المناسب مع استاذ عادل او اى حد يغلط فى عضو او مشرف .

ودا رجاء مننا :)

وحكاية الاجتماع ياريت ميتلغيش
بالعكس دا الوقت دا االمناسب
وياريت حضرتك تعمل الدعوه لكل المشرفين كمان

عبقرينومان

01-02-2009, 08:58 AM

يعني كل الناس مش شايفة ان ترافيل غلطانة علشان ما لم ترد على اي رسالة للمشرف ولم توضح السبب

والراجل بس هو اللي غلطان

Travel

01-02-2009, 11:31 AM

ثالثا: دي رسالة من مشرف ارسلها لي علشان بيحاول يرسل بزينب وهي مش بترد عليه فالرجل زعل وارسل لي الرسالة وانا علشان ما اظلمش حد رحت عملت تحويل للرسالة للاخت زينب علشان تشوف المشكلة فين وترد عليا في رسالة خاصة مش في موضوع كبير

يعني كل الناس مش شايفة ان ترافيل غلطانة علشان ما لم ترد على اي رسالة للمشرف ولم توضح السبب

والراجل بس هو اللي غلطان

رابعاً : الراجل خليك انت مكانه وانت عندك 48 سنة ومشرف على القسم وبعد كدا تلاقي مشرفة معاك على نفس القسم وهي اصغر منه بثلاثين سنة و بتحذف مواضيع المشرف

والراجل اكثر من مرة ارسل لها رسائل لكي يفهم المشكلة ولم تجب عليه
فكان من الطبيعي ان يفهم الرجل ان هذا عدم احترام له لانه تحذف ولا تجيب

اكثر من مرة ارسل لها رسائل لكي يفهم المشكلة ولم تجب عليه
:excl:
مستر/اشرف
بلاش الكلام ده
دى وجهة نظر ليس الا :rolleyes:
وحضرتك مش عارف حاجة خااالص
اوك
نشوف مين فينا اللى غلطان :bosyht9:
وارسل لها رسائل لاترد
اولاا
حد بعيد عن
السادات واسلام ومستر/اشرف
يدوس عليا ارسال رسالة خاصة
يشوفها هتيجى ولا لأ
:rolleyes:
بلاش دى
لما بيتم نقل او حذف لموضوع
صاحبه بيجى يبعتلى بيظهرله

TRAVEL إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه.

اذا كنت تحاول ارسال الرسالة الى أعضاء متعددين، احذف TRAVEL من الاعضاء الذين ادرجتهم لتلقي رسالتك حتى تتمكن من ارسال الرسالة

يعنى

الرسايل مقفولة
يعنى مفيش حد بيبعتلى حاجة وانا مش برد عليه :bosyht9:
الرسايل اللى بتيجى
بتكون فقط
من
حضرتك او نائبى الادارة
غير كده
لا
يعنى بالتالى
الاستاذ/عادل
مبعتليش رسايل وانا مردتش عليها :bosyht9:
العمل بجانب طفلة لاتفهم شيئآ
ولاتفرق بين الهام وغير الهام
وغير محترمة لانها على الاقل يجب ان تحترم الاعضاء
كفاية كلمة مش محترمة دى اللى مش قادرة استوعبها
طالما انا محترمتش حضرتك يبقى انا مش محترمة عمتا:mad:
ده مش مبرر علشان حضرتك تتنرفز
و تقول اللى عندك و بعدين احنا نقول معلش:giljotiiniug3:

ويا ريت نحكم واحنا في مكان الراجل وبلاش الكلام اللي بيولع ده

دول حكموا باللى انا كاتباه وبالحق
لانهم كلهم عارفين ان الرسايل الخاصة عندى مقفولة :angry2:

خامساً : الراجل ارسل لي الرسالة وقال لي الموضوع بالتفصيل
ويقصد بكلمة غير محترمة انها غير محترمة له في هذا الموقف وعدم الرد ولم تحترمه بالرد عليه

يارييت حضرتك تحط الرسالة اللى بالتفصيل
لو سمحت
على الاقل
علشان اعرف انا ظالمة ولا لأ :bosyht9:

سادساً : الاستاذة همس طلعت من الموضوع ودخلت كالعادة ان المشكلة في اشرف مش في حد تاني
وانا المشكلة في ايه يا اخت همس
واحد مشرف بيراسل مشرفة ومش بترد عليها وهو قال الكلام ده يبقي ان المشكلة في ايه

كلام هند ان الرسالة فيها غلط فيا
يعنى المفروض اللى بتتهان دى مكنتش تشوف الرسالة
يعنى مخرجتش برة الموضوع
حضرتك
بردك ده اللى عاوز تخليها تخرج عن الموضوع
علشان المشكلة تختفى ويتغير الموضوع
والحق يضيع
والموضوع يتقفل :)

ثامناً : كان من الافضل ان تقوم المشرفة بالرد عليا في رسالة خاصة وتوضح المشكلة وترد ولا يجب ان تقوم بعمل موضوع كبير علشان الجميع يحس انها مظلومة ولم نسمع الراجل ولم نضع نفسها مكانه

عارفة ان رد فعلى مكنش متوقع
بس
انا مردش على الرسالة برسالة زيها
لانى مكنتش عارفة هقول فيها ايه
هقول
منور يا استاذ/اشرف :redface:
ولا
حلوة رسالة المديح اللى متحولة دى
هحول الموضوع عليك
علشان حضرتك شايفنى بتهان ومعملتش حاجة
غير
تحويل رسالة فقط :)
تاسعا : مما لا شك فيه ان الاستاذ عادل خانه التعبير في كلمة غير محترمة ولكنه لا يقصد التعبير الكامل

لا يا سيدي حصل انه ارسل رسالة خاصة والمشرفة عملت موضوع هنا
يعني لا اتكلم على العام وقال الكلام ده على العام علشان اجرئ واوقف وارفع
الله ما حصل انه بعتلى حاجة
وانا مش بكدب
وانتوا عارفنى كويس
هو يدخل يقول انه بعتلى وتم الارسال:mad:
ليه حضرتك مصر انك تدافع عنه
:mad:
حضرتك مش فارق معاك الموقف خاالص :mad:
وعاوز تطلعنى غلطانة بالعافية
:mad:
يارييت حضرتك يا استاذ/عادل
تقول وجهة نظرك
الموضوع قدام حضرتك
دى مسالة كرامة
وقلت قبل كده دى مفيهاش تهاون ابداا عندى
بشكر كل اللى ردوا
لو كان فيه مجرد تفكير انى افضل مشرفه
او
تكملة فى منتدى الاحترام
فده حيكون عشان كلامكوا ده بس
مش عشان كلام حد تانى

Travel

01-02-2009, 02:42 PM

يعني كل الناس مش شايفة ان ترافيل غلطانة علشان ما لم ترد على اي رسالة للمشرف ولم توضح السبب

والراجل بس هو اللي غلطان

استاذ اشرف حضرتك مش محترم .....
حضرتك هنا فهمت ايه
فهمت انى بقول عليك مش محترم
ولا فهمت انى مش بحترمك
ولا فهمت انى اقصد انك مش بتحترم رأى
اكيد قولت انى بلغط فى حضرتك وبقول عليك مش محترم
انا قولت على حضرتك مش محترم
حضرتك عرفت هنا قصدى
يبئا لحين اشعار اخر
انا مصممة على وقف الاستاذ
ولا حضرتك هنا بتعملنا بمبدأ السن
اذا شتم فيكم الكبير تركوه واذا شتم الصغير اقمت عليه الحد
هى دى المساوة وكلنا واحد والشعارات اللى مش تختلف عن شعارات الانتخابات فى حاجة
وحضرتك بتقول محدش يعمل حاجة من غير ما يرجعلك
وصلاحيات نائب الادارة
وصلاحيات كبيرة وليه انه هو يتصرف ويعمل وفى الاخر حضرتك جاى تقول ملوش الحق
غير لما يرجع لحضرتك
ما احنا معانا صلاحيات نقل المواضيع يبئا لزم ابعت لحضرتك علشان انقل موضوع
او المشرف الادارى يبعت لحضرتك علشان يوقف عضو
ولا ولا
مش دى اختصاصتنا والصلاحيات دى معانا علشان نشتغل بيهاولا نلعب بيها
هفففففففف:romarioxp6:

Travel

01-02-2009, 03:03 PM

يعني كل الناس مش شايفة ان ترافيل غلطانة علشان ما لم ترد على اي رسالة للمشرف ولم توضح السبب

والراجل بس هو اللي غلطان

استاذ اشرف حضرتك مش محترم .....
حضرتك هنا فهمت ايه فهمت انى بقول عليك مش محترم ولا فهمت انى
مش بحترمك ولا فهمت انى اقصد انك مش بتحترم رأيك
اكيد قولت
انى بلغط فى حضرتك وبقول عليك مش محترم حضرتك عرفت هنا قصدى يبئا لحين اشعار اخر انا مصممة على وقف الاستاذ ولا حضرتك لان المعنى فى بطن الشاعر والكلمة خانته او لا هى طلعت وخلاص ولابصمم على قرار السادات وهو ده اقل حاجة ترجع بيها كرامتى
ولا هنا بتعملنا بمبدأ السن اذا شتم فيكم الكبير تركوه واذا شتم الصغير اقمت عليه الحد
هى دى المساوة وكلنا واحد والشعارات اللى مش تختلف عن شعارات الانتخابات
فى حاجة وحضرتك بتقول محدش يعمل حاجة من غير ما يرجعلك
وصلاحيات نائب الادارة وصلاحيات كبيرة وليه انه هو يتصرف
ويعمل وفى الاخر حضرتك جاى تقول ملوش الحق غير لما يرجع لحضرتك
ما احنا معانا صلاحيات نقل المواضيع يبئا لزم ابعت لحضرتك علشان
انقل موضوع او المشرف الادارى يبعت لحضرتك علشان يوقف عضو
مش دى اختصاصتنا والصلاحيات دى معانا علشان نشتغل بيها
ولا علشان يتقال علينا معانا صلاحيات وخلاص:romarioxp6:

عبقرينومان

01-02-2009, 03:14 PM

استاذ اشرف حضرتك مش محترم .....
حضرتك هنا فهمت ايه فهمت انى بقول عليك مش محترم ولا فهمت انى
مش بحترمك ولا فهمت انى اقصد انك مش بتحترم رأيك
اكيد قولت
انى بلغط فى حضرتك وبقول عليك مش محترم حضرتك عرفت هنا قصدى يبئا لحين اشعار اخر انا مصممة على وقف الاستاذ ولا حضرتك لان المعنى فى بطن الشاعر والكلمة خانته او لا هى طلعت وخلاص ولابصمم على قرار السادات وهو ده اقل حاجة ترجع بيها كرامتى
ولا هنا بتعملنا بمبدأ السن اذا شتم فيكم الكبير تركوه واذا شتم الصغير اقمت عليه الحد
هى دى المساوة وكلنا واحد والشعارات اللى مش تختلف عن شعارات الانتخابات
فى حاجة وحضرتك بتقول محدش يعمل حاجة من غير ما يرجعلك
وصلاحيات نائب الادارة وصلاحيات كبيرة وليه انه هو يتصرف
ويعمل وفى الاخر حضرتك جاى تقول ملوش الحق غير لما يرجع لحضرتك
ما احنا معانا صلاحيات نقل المواضيع يبئا لزم ابعت لحضرتك علشان
انقل موضوع او المشرف الادارى يبعت لحضرتك علشان يوقف عضو
مش دى اختصاصتنا والصلاحيات دى معانا علشان نشتغل بيها
ولا علشان يتقال علينا معانا صلاحيات وخلاص:romarioxp6:

بص علشان خلط الاوراق

موضوع ان محمد يسحب صفة الاشراف من حد ده موضوع منتهى وانا اتكلمت فيه زمااااان

انما ان الراجل غلط هو ما قالش ( زينب مش محترمة وسكت ) الراجل اتكلم وفي وسط الكلام قال الجملة دي

وبعدين هي المواضيع تم حذفها اتحذفت ليه

بالراحة يا اخت زينب ولو ليك حق اتأكدي هتأخذيه

ويا ريت ما حدش يتكلم في الموضوع ده غير زينب وبس واي رد تاني هيتحذف

Travel

01-02-2009, 03:31 PM

انما ان الراجل غلط هو ما قالش ( زينب مش محترمة وسكت ) الراجل اتكلم وفي وسط الكلام قال الجملة دي

وبعدين هي المواضيع تم حذفها اتحذفت ليه

بالراحة يا اخت زينب ولو ليك حق اتأكدي هتأخذيه

ويا ريت ما حدش يتكلم في الموضوع ده غير زينب وبس واي رد تاني هيتحذف

أخبار وتعليق فى ظل وجود العمل بجانب طفلة لاتفهم شيئآ ولاتفهم حتى فى القسم الذى تعمل به ولاتفرق بين الهام وغير الهام وغير محترمة لانها على الاقل يجب ان تحترم الاعضاء ولن اقول مشرف معها فى نفس القسم وتقبل سلامى

دى بقيت الجملة لانها على الاقل يجب ان تحترم الاعضاء
وانا عايزة اعرف مش بحترم الاعضاء ازاى بئا
انا الحمد لله محترمة جدا سواء فى المنتدى او فى بيتى او فى الشارع او فى الكلية
ومسمحش لحد مهما كان انه يهين كرمتى او يتعده عليه بلفظ حتى لو مكنش يقصدهوانه اكبر منى ده مش عذر ليه
لانى لو سكت النهارده وقولت ميقصدش بكرة هيجى اى حد يكرارها تانى
وساعتها برضه هيقول خانه المعنى او ميقصدش

وحاجة اخيرة
لزمته ايه كلامى مدام حضرتك رفعت الايقاف بتاعه
ورجعته تانى مشرف على القسم

عبقرينومان

01-02-2009, 04:00 PM

دى بقيت الجملة لانها على الاقل يجب ان تحترم الاعضاء
وانا عايزة اعرف مش بحترم الاعضاء ازاى بئا
انا الحمد لله محترمة جدا سواء فى المنتدى او فى بيتى او فى الشارع او فى الكلية
ومسمحش لحد مهما كان انه يهين كرمتى او يتعده عليه بلفظ حتى لو مكنش يقصدهوانه اكبر منى ده مش عذر ليه
لانى لو سكت النهارده وقولت ميقصدش بكرة هيجى اى حد يكرارها تانى
وساعتها برضه هيقول خانه المعنى او ميقصدش

اولا اكتبي بنوع خط يتقرأ

ثانيا انتي ليه حذفتي المواضيع

ثالثا هو قال انه مش بحترم الاعضاء واعتبر نفسه كعضو ومش مشرف

فبلاش نغير المقصود بالكلمة لكلمة اكبر وشكل اكبر

رابعا لو لك الحق هيترفع الاشراف بتاعه بدون تفكير

أحمـدنجـم

01-02-2009, 04:07 PM

لو سمحت أيها المدير الموقر العادل .. أريد أن أقص عليك أمراً قصة صغيرة عن الإمام ابن قيم الجوزية .. كان ولده ينادي على (كلبه) ليدخل حظيرته .. فقال الولد للكلب بأسلوب فيه استهزاء (تعالى هنا يا كلب) .. فنهاه ابن القيم وقال له لقد سببته يا ولدي .. فقال الولد (أوليس كلباً) قال بلى .. ولكنك قصدت إهانته ..

أرأيت يا مديرنا أشرف أول جملة بدأت بها كلامي ؟لو سمحت أيها المدير الموقر العادل
يفهم منها أني لا أعني الموقر ولا العادل أليس كذلك .. أخي الكريم .. كلنا نعلم أن نظام المركزية في الإدارة نظام أثبت فشله عالمياً .. وأن الإدارة اللامركزية أثبتت نجاحات باهرة .. وأنا هنا أتحدث من موقعي كأخ أكبر ليس إلا لا بوصفي مشرف أو غير ذلك ..

ولا أرى أي سبب مهما كان يجعل الأستاذ عادل يقول ما قاله في الرسالة الخاصة .. ولا أرى أي سبب للدفاع عنه ولكني أيضاً لا أرى سبباً لعدم التهدئة قال تعالى "وإن طائفتان من المؤمنين اقتتلوا فأصلحوا بينهما" .. صدقني يا مديرنا الكريم .. أن ما قلته وما عرضته من وجهة نظر لا يهدئ الأمر بل يجعلنا نشعر أننا بلا قيمة داخل هذا المنتدى العامر ..

تخيل أنا أكتب هذا الرد وأصبحت في انتظار حذفه .. أنا لم أتعرض لحذف أي رد من ردودي أو أي موضوع من موضوعاتي بالمنتدى على مدار ستة أشهر مضت .. ولكني متوقع حذفه .. أخي الكريم .. ألا تسأل نفسك لماذا توقعت حذفه .. هذا أمر خطير أخي الحبيب .. إن تكميم الأفواه أمر نفر منه جميعاً هنا حيث الحرية والديمقراطية المنشودة .. هنا ساحة الحوار الجرئ الهادف .. أنا أقول لك يا أستاذ اشرف وأنا متأكد أنك تصغرني وقبلت أن أكون تحت إدارة شاب يصغرني في السن .. ولم تشكل لي مشكلة في يوم من الأيام ..

صدقني يا أخي الكريم .. إن من دواعي الملل والهروب والكراهية .. الإحساس بعدم القيمة .. والصلاحيات التي تعطى للمشرف أو الإداري أنتم من تمنحونها .. وأنتم من تأخذونها .. وأنتم من توقفونها .. ولكن الحق أحق أن يتبع .. والإدارة كان يجب أن تجتمع لاتخاذ قرار بشأن عضو مهما كان عمره .. أهان مشرفة لدينا .. إهانة .. مقصودة او غير مقصودة .. ولكن الإهانة وقعت .. فأين الموقف ..

لقد قلت أن حقها سيأتي .. وأن الموضوع بينك وبينها .. لا يمكن أخي الحبيب .. لقد فتحت المشكلة أمام الجميع وكلنا نريد أن تقر أعيننا بعودة الحق لأصحابه .. فهيا يا أخي .. ماذا ستفعل ؟ قر أعيننا بقرار منك .. طالما كل الصلاحيات بيدك.. والمركزية في الإدارة هي شعارنا .. نحن في انتظار إما حذف مشاركتي أو أن تقر أعيننا بعودة الحق .. دمت بخير..

عبقرينومان

01-02-2009, 04:54 PM

لو سمحت أيها المدير الموقر العادل .. أريد أن أقص عليك أمراً قصة صغيرة عن الإمام ابن قيم الجوزية .. كان ولده ينادي على (كلبه) ليدخل حظيرته .. فقال الولد للكلب بأسلوب فيه استهزاء (تعالى هنا يا كلب) .. فنهاه ابن القيم وقال له لقد سببته يا ولدي .. فقال الولد (أوليس كلباً) قال بلى .. ولكنك قصدت إهانته ..

أرأيت يا مديرنا أشرف أول جملة بدأت بها كلامي ؟
يفهم منها أني لا أعني الموقر ولا العادل أليس كذلك .. أخي الكريم .. كلنا نعلم أن نظام المركزية في الإدارة نظام أثبت فشله عالمياً .. وأن الإدارة اللامركزية أثبتت نجاحات باهرة .. وأنا هنا أتحدث من موقعي كأخ أكبر ليس إلا لا بوصفي مشرف أو غير ذلك ..

ولا أرى أي سبب مهما كان يجعل الأستاذ عادل يقول ما قاله في الرسالة الخاصة .. ولا أرى أي سبب للدفاع عنه ولكني أيضاً لا أرى سبباً لعدم التهدئة قال تعالى "وإن طائفتان من المؤمنين اقتتلوا فأصلحوا بينهما" .. صدقني يا مديرنا الكريم .. أن ما قلته وما عرضته من وجهة نظر لا يهدئ الأمر بل يجعلنا نشعر أننا بلا قيمة داخل هذا المنتدى العامر ..

تخيل أنا أكتب هذا الرد وأصبحت في انتظار حذفه .. أنا لم أتعرض لحذف أي رد من ردودي أو أي موضوع من موضوعاتي بالمنتدى على مدار ستة أشهر مضت .. ولكني متوقع حذفه .. أخي الكريم .. ألا تسأل نفسك لماذا توقعت حذفه .. هذا أمر خطير أخي الحبيب .. إن تكميم الأفواه أمر نفر منه جميعاً هنا حيث الحرية والديمقراطية المنشودة .. هنا ساحة الحوار الجرئ الهادف .. أنا أقول لك يا أستاذ اشرف وأنا متأكد أنك تصغرني وقبلت أن أكون تحت إدارة شاب يصغرني في السن .. ولم تشكل لي مشكلة في يوم من الأيام ..

صدقني يا أخي الكريم .. إن من دواعي الملل والهروب والكراهية .. الإحساس بعدم القيمة .. والصلاحيات التي تعطى للمشرف أو الإداري أنتم من تمنحونها .. وأنتم من تأخذونها .. وأنتم من توقفونها .. ولكن الحق أحق أن يتبع .. والإدارة كان يجب أن تجتمع لاتخاذ قرار بشأن عضو مهما كان عمره .. أهان مشرفة لدينا .. إهانة .. مقصودة او غير مقصودة .. ولكن الإهانة وقعت .. فأين الموقف ..

لقد قلت أن حقها سيأتي .. وأن الموضوع بينك وبينها .. لا يمكن أخي الحبيب .. لقد فتحت المشكلة أمام الجميع وكلنا نريد أن تقر أعيننا بعودة الحق لأصحابه .. فهيا يا أخي .. ماذا ستفعل ؟ قر أعيننا بقرار منك .. طالما كل الصلاحيات بيدك.. والمركزية في الإدارة هي شعارنا .. نحن في انتظار إما حذف مشاركتي أو أن تقر أعيننا بعودة الحق .. دمت بخير..

السلام عليكم

بناءا على نظام المركزية واللامركزية

وعودة حق ترافيل

اولا لن يتم حذف ردك

ثانيا سيتم رفع الاشراف عن الاستاذ عادل وبدون وقف للعضوية

رابعا انتهى الكلام بعد كلامك

أحمـدنجـم

01-02-2009, 04:59 PM

جزيت الخير كله أخي الحبيب .. وأعانك على جمع الشمل دائماً .. احترامي الكامل لشخصك الكريم ..

همس

01-02-2009, 05:21 PM

الحمد لله

ربنا يهدي الجميع

ربنا يهدي الجميع

يارب كل العقد تتحل

قولوا

آمين

وبكدا الموضوع

Dr.ahmed91

01-02-2009, 05:41 PM

خلاص بقى اقفلوا الموضوع

عشان نسيب فرصة للمشكلة الجاية