مشاهدة النسخة كاملة : (((((( قصة عضو ))))))
Lost Dreamer 31-01-2009, 03:01 PM بسم الله الرحمن الرحيم
كل يوم بيسجل معانا عضو جديد في المنتدي
ويوم بعد يوم بيبتدي يظهروا الاعضاء المميزين
وبتبقي معرفتنا للاعضاء المميزين دول سطحيه
منبقاش عارفين عنهم غير الاسم والعنوان
وبنبقي عارفين ان العضو ده مميز مثلا
في ردوده او مواضيعه او في قسمه اذا كان مشرف
بس منعرفش حاجه عن حياته الخاصه ولا زكرياته
ولا طفولته ولا حتي قصة حياته
وعشان نكمل الحته الي ناقصه دي
تابعونا في حلقات متجدده من برنامج
(((((( قصة عضو ))))))
وحتي نعرف ادق التفاصيل....ادق التفاصيل......ادق التفاصيل ايضا
كان معكم محمد ناصر من داخل زكريات كل عضو:)
Sherif Elkhodary 31-01-2009, 10:24 PM متابع ان شاء الله
في امان لله
_GUIDE_ 31-01-2009, 10:40 PM فكرة جميلة منتظر
ده انا حتى بفكر اكتب مزكراتى :d
basmala 31-01-2009, 10:51 PM اها فكره حلوه اوى
Mr.Ahmed Fadel 31-01-2009, 11:05 PM انا عندى رأى الموضوع ده رائع
ياريت يتقفل فيه الردود
عشان نسهل على الاعضاء متابعة الموضوع
ميراج 31-01-2009, 11:12 PM حلوه اوى الفكره ديه
Sharp Nails 31-01-2009, 11:26 PM اية دة يامحمد
هى هنا
؟؟
شموخ مسلمة 01-02-2009, 04:48 AM فكرة جميلة اووووووووى
متابعة باذن الله
JusT DreaM 01-02-2009, 05:03 AM فكرة حلوة اوي
متابعة
ومستنية ادق التفاصيل..ادق التفاصيل..ادق التفاصيل
بحب اقولها الكلمة دي:d
منى ذكى 01-02-2009, 05:54 AM حلو اووووووووووووووى فكرة بجد مميزة
واحنا مستنين الجديد فى الموضوع او (أدق التفاصيل)
لذيذة الفكرة دى
ف انتظار اول عضو
يلا عايزين نعرف ادق التفاصيل
وعشان نتأكد اننا هانعرف ادق التفاصيل
كل عضو معاه 3 سنين يخلص فيهم
ولو محتاج زيادة مفيش مشاكل
:049gc0:
Rymonda 01-02-2009, 10:00 AM بجد لذيذه الفكره ..
يللا ابتدوا بقى .. قبل ما الاسبوعين الاجازه يخلصوا ..
Dr.Eman naeem 01-02-2009, 10:47 AM فكرة جميله جدا وانا متابعه معاكوا الموضوع
Lost Dreamer 01-02-2009, 11:33 AM بسم الله الرحمن الرحيم
كان يا ما كان كان في عضوه اسمها
(((Sharp Nails (http://www.thanwya.com/vb/member.php?u=43680)))) عضوه لا تعرف لزعل
طريقا ولا سبيلا لاتخشي في الحق
لومة لائم تمتاز بالطيبه المحدوده
يعني من الاخر طيبه مع الي طيب معاعها
وتتنرفذ مع الي يتنرفذ معاها
سجلت (((Sharp Nails (http://www.thanwya.com/vb/member.php?u=43680)))) في يوم 27\8\2008
وكان اول موضوع ليها اسمه (((الحمام الذكي)))) :d
طبعا اول موضوع باين من ريحته:d
وده كان اقتباس صغير من موضوعها
تم افتتاح الحما م الزكى فى التحريربالقاهرة.......
50 قرشا معدنية هي كل ما تحتاجه لقضاء حاجتك دون عناء حيث تتيح لك دخول أحد الحمامات الذكية لكن وفق آلية مبرمجة إلكترونيا.
وأمام مبني مجمع التحرير دشنت محافظة القاهرة حمامها الذكي رقم 13، والذي يأتي ضمن خطتها لإنشاء 36 دورة مياه تعمل بنظام التشغيل الآلي الذاتي في أنحاء متفرقة من العاصمة.
وكان اول رد ليها في الموضوع ده
بس بشرط انا الى أخذ النص جنية الزيادةطبعا باين ان الطمع عندها مشكله ازليه منذ فججججر التاريخ:d
الجزء الاول (هسميها يا نسمه الطفوله المشرده):d
زمان لما كنت طفلة زماااااااااان بقى قول الزمان يرجع يازمان اوعى وانا عندى 4 سنين تقريبا الحاجة الى فكراها من الفترة دية ماماتى يوم ما رجعت من المستشفى ومعاها اخويا البابى كان لسة مولود وانا اعتبرته العروسة بتاعتى كنت بقى من البنات الى بتحب العرايس والعبط دة وفاكرة شكله اووى كلن مقرف.
المهم يعنى فاكرة برضه انى صحيت تانى يوم وفتحت التلاجة لقت شيكولاتة عشان الناس الى هتيجى تبارك للبابى بس انا اكلتها هو دة الى انا فكراه من المرحلة دية
نيجى بقى لاول يوم فالمدرسة فكراه كأنه امبارح بالظبط مكنتش طايقة المدرسة وفضلت اعيط وازعق فالميس بتاعتى وفاكرة انى قلعتها الطرحة ((( حلوه الحركة دي يا نسمه مش بقولكوا طفوله مشرده))):d بتاعتها وجريت ورا مامتى بس ماما اخدتى فى جنب كدة وقالى لو قعدى كويسة هجبلك عروسة من عند عمو فؤاد الله يمسيه بالخير زمانه مات وشبع موت المهم يعنى انا مردتش وفضلت اعيط واقولها خدينى معاكى راحت قرستنى المهم مجتش غير بكدة وروحت اتلميت فى فصلى
وفى اخر اليوم ماما جت خدتنى واحنا مروحين اشترتلى عروسة من عند عمو فؤاد بس ملحقتش اتهنى بيها لما روحتت سبتها عالسرير وكان اخويا الى لسة مولود دة كان كبر شوية تقريبا ساعتها اخد البتاعة قطعلها شعرها بقت قرعة الحمد لله فاكرة يوميها فضلت اعيط كتير بس مش فاكرة حاجة بعد كدة لحد اولى ابتدائى كان عندى واحدة صحبتى كنا كل يوم الصبح نبدل الجزم مش فاهمه لية انا البس جزمتها وهى تلبس جزمتى وفاكرة برضه موقف انها مرة اخدت جزمتى وروحت بيها وانا فضلت اعيط كأنى حافية مثلا وراسى والف سيف مروحش غير بجزمتى والناس مبقتش عارفة تجبلى البت منين لحد ما جت اختى كانت اكبر منى ب3 سنين كانت معايا فالمدرسة قالتى خلاص مش مهم بكرة تخديها منها
بس مش فاكرة بقى من اول اولى ابتدائى لحد يجى 5 كدة الزاكرة مفقودة هنا بس فاكرة بقى اللعب والذى منه كنت طفلة متشردة بنزل العب فالشارع مع جرانى هو كان واحد بس من اولى ابتدائى لحد خامسة برضه علمنى اسوق العجلة الله يمسيه بالخير برضه واول ما سوقت العجلة بقى كنا كل يوم نلف المدينة بالعجل منتهى التشرد
بس بقى جيت عزلت من الحتة دية فى اعدادى وروحت حتة تانية بصراحة فترة الاعدادى دية واقعة من حسباتى خالص مش فاكرة فيها حاجةمش فاكرة بس غير يوم كنت فى تالتة اعدادى ساعتها وكان فاليوم دة جايلنا المدرسة وفد يابانى او صينى مش فاكرة بظبط
المهم المدرسة فضلت يجى اسبوع فى حالة تنضيف ونبيض الحيطان ونسقى الجنينة ونجيب تباشير ملون ونحط الزينة وخلينا المدرسة عروسة وبلالين وحطينا المشاية الحمرة دية ((ريد كاربت))وفى اليوم بقى الى كانو الناس دول جاين فيه جاتلى الميس بتاعت الاقتصاد المنزلى كانت صحبتى قالتى يانسمة تعالى اعملى معايا بسكوت عشان نقدمه للضيوف مش عارفة اية الى بلانى بالبلوة دية قعدنا انا وهى وبنتين كمان نعجن بقى وندخل الفرن ونطلع مالفرن لحد ما اتقلينا احنا جنب الفرن بس والله كان طعمه حلو
وحتى الراجل الصينى او اليابانى(((او الفليبيني يا نسمه كلهم شبه بعض))):d كان معجب بيه اوى وقعد ياكل منه وقالنا فالاخر ممكن صورة تذكارية بالانجلش طبعا عشان محدش يقولى مش عارفة اية بس ..
نروح عالثانوى بقى اولى ثانوى كانت عسولة اوى كنت فاشلة فيها وبايعة القضية جداا ومكنتش بحضر حصص انا كنت مصاحبة المدرسة كلها من الغفير للمدير المدير كان اسمه مستر جهاد كان يطلع يلاقينى انا وصحابى قعدين فالحوش يقولنا بتعلوا اية هنا انا عشان كنت مصحباه كنت بلاغيه فالكلام وادخله مكتبه ويقعد فى حاله كدة والله كان راجل طيب الله يمسيه بالخير هو كمان بس لسة ممتش لسة شباب المهم يعنى كنت فى سنة اولى دية مكنتش بزاكر فيها غير قبل الامتحانات المهم كان معايا فالفصل ولاد وانا كنت قاعدة فى الصف الى جنبهم فمرة يوم امتحان الالمانى مش هنسى اليوم دة ابداااا كان المانى مستوى رفيع مش تخين فالولد الى كان قاعد جنبى كان عمال يبص فى ورقتى وينقل ومنرفزنى اوى وانا كان فى حجات مش حلاها وهو حاللها فقولت لنفسى طب هات وخد بس مينفعش ياخد ومش يدينى (فكيكه من يومك يا نسمه:) )فقولتله ماتخد الورقة احسن راح قايلى ياريت اصلى مش شايف كويس قالى بدلى الورق هنقل الى انتى حلاه وارجعلك ورقتك تانى قولت ماشى ش مشكلة وروحت مبدلة الورقة معاه وياريتنى ما عملت المصيبة دية الواد الله....يهديه بقى مطرح ماهو قاعد نقل الى عاوزة من الورقة بتاعتى وادى صحبه الى وراهه ورقتى ينقل منها _الله عالمنظر_وبقيت حاسة انى هتقفش وهروح فى داهية والورقة بتاعتى عمالة تلف عالولاد كلها لقيته بيقولى متخافيش هنعمل احلى واجب معاكى وانا بقيت بتشال وبتحط وعايزة ورقتى وهعيط عليها وفضلت اقوله هاتهالى زى ما ودتها هناك مليش دعوة لحد ما المستر الى كان واقف شافنا بنتكلم راح مزعقلنا وبقيت عاملة زي الكتكوت الى وقع فى المية والمستر بقت عينه علينا طب هجيب ورقتى ازى والورقة النصيبة الى معايا مش بتعتى ولو شاف اسم الواد هروح فى داهية المهم الحمد لله المستر جاتله مكالمة هاتفيه خرج برة الفصل روحت رمياله ورقته وادنى ورقتى تانى وجاية ابص فالورقة لقيت الى مكنتش حلاه اتحللى وبالوان مختلفة بقى وخطوت مختلفة وهيصة والورقة بقت سلطة بس الحمد لله فالاخر جبت فالامتحان دة 29 من 30 ((بالنصب طبعا))كان يوم مرهق اوى
تابعونا في الجزء التاني من شارب نايلز في مرحله ما بعد اولي ثانوي
الجويرية 01-02-2009, 11:50 AM لا بجد جميلة اوى الطفولة المشردة بتاعتك يا نسومة
ومواقفك جميلة
بس يابنتى انت فاقدة الذاكرة ولا ايه تلت اربع عمرك ناسياه
منتظرين باقيت قصتك
وجزاكم الله خيرا على الموضوع يااخ محمد
شموخ مسلمة 01-02-2009, 05:10 PM لا بجد جميلة اوى الطفولة المشردة بتاعتك يا نسومة
ومواقفك جميلة
بس يابنتى انت فاقدة الذاكرة ولا ايه تلت اربع عمرك ناسياه
منتظرين باقيت قصتك
وجزاكم الله خيرا على الموضوع يااخ محمد
بجد نسمة ادتنى امل فى ذاكرتى
كده انا كويسة اوى
عسل يا نسمة بجد و طفولتك اعسل طبعا
wafa2y 01-02-2009, 05:33 PM بسجل متابعة
ربنا يوفقكم.....
Taleba Me7tasa 01-02-2009, 05:59 PM هههههههههههه ايه يابنتى الذاكرة الحديدية دي
عمالة تكروتي ابتدائي ف اعدادي
كدة انتى عايزة سطرين بالظبط ونوصل للحظة دي
واضح انهم عايزين يشوقونا للموضوع
فبداو بعضوة ناسية نص تفاصيل حياتها
مكملة وامرى لله
Its My Life 01-02-2009, 06:15 PM زي العسل والله بجد ضحكتيني كتير بعد ما كنت مكتئبه
شكرا ليكي ومستنيين باقي القصه
JusT DreaM 01-02-2009, 06:20 PM طفزلة لذيذة يانيسو
ادتيني امل اني اكتب حاجة عن طفولتي كان فيها احداث مهمة
وفاكراها اكتر من الكروته بتاعتك دي:d
Its My Life 01-02-2009, 06:29 PM طفزلة لذيذة يانيسو
ادتيني امل اني اكتب حاجة عن طفولتي كان فيها احداث مهمة
وفاكراها اكتر من الكروته بتاعتك دي:d
طيب يا ستي يلا ورينا هتعملي ايه :049gc0:مش عايزاكي تفوتي حاجه والاااااااا :stickjo4::stickjo4:
طمعانة فى رضاك يا رحمن 02-02-2009, 01:29 AM بسم الله الرحمن الرحيم
تقريبا الحاجة الى فكراها
المهم يعنى فاكرة هو انت فكره حاجه
مش فاكرة حاجة بعد كدة هيه ديه حاجه غريبه
فاكرة برضه موقف بجد :av4056bb7jp3:
بس مش فاكرة بقى :angry2:
فترة الاعدادى دية واقعة من حسباتى خالص مش فاكرة فيها حاجةمش فاكرة
انت بتغيري الفاظ بس والمعني واحد انك مش فكره حاجه اصلا
نروح عالثانوى بقى اولى ثانوى كانت عسولة اوى كنت فاشلة فيها وبايعة القضية
ياريتك ياختي مفتكرتي افتكرتي ايه يحسره فشلك يفرحتنا بيكي
تابعونا في الجزء التاني من شارب نايلز في مرحله ما بعد اولي ثانوي
اللي هو بردو مش فكره
طويب يانسمه :abdoog8:
ياشخيه حرام عليكي 17 سنه وبنحاول اهو نكلمهم ل 18
ونص كلامك مش فكره
خلينا معاكي لاخر القصه هانت فاضل سنتان ونص هوا يعدوا:)
بس حقيقي انت شرانيه بيقولوا عليكي طيبه ليه مش عارفه أنا ؟؟ (( مش أوي يعني)) شرانيه نص نص
BaNZeR 02-02-2009, 01:32 AM ايه ده يا نسومة منتهى التشرد
واختيار موفق لأول موضوع بصراحة :)
بص بصراحة قصة روعة
ومنتظرين الجزء التاني
Sharp Nails 02-02-2009, 02:38 AM والله احرجت لية كدة يامحمد شردتنى عالفضائيات
على فكرة انا مش فاكرة تمن حياتى
يادوبك فاكرة كيلو الا تمن :d
Sherif Elkhodary 02-02-2009, 02:46 AM هههههههههههههههههههههههههههههههه
لا يا جاعة تشرد ايه
دي نسمة كده كويسة جدا كده
خلي الطابق مستور
متابع يا نسمة
بجد منتهي التشرد
هههههههههههههههههههههههه
لمى 2016 02-02-2009, 07:32 AM بتغشى يا نسمة
اخص عليكى الف خصاية:slap1qk6:
بقى كدة
انتى تغشى
اخص عليكى الف خصاية:slap1qk6:
كدة ينفع
اخص عليكى الف خصاية:slap1qk6:
و قال انا اللى كنت فاكرة انك يا ما هنا يا ما فى البدرشين:mad:
يا جماعة
اخص عليها الف خصايةD:
و بعدين ايه مش فاكرة مش عارفة ناسية و مش عارفة ايه
دة كلام
و بعدين الميس ذنبها ايه يعنى
تقلعيها الطرحة
مش كدة عيب
انا علمتك كدة:slap1qk6:
الخص عليكى الف خصاية:)
بس كفاية
Lost Dreamer 02-02-2009, 11:45 AM كانت بصراحة سنة كله غش حتى العملى معتقتوش يلا اايام سودا وراحت لحالها
وبعدين كبرت شوية وروحت تانية ثانوى اكيد بس كنت مبتديه السنة دية بحماس اوى وكنت حاطة مجموع منزلش عنه ابدا كنت دايما اقول لنفسى لازم اجيب 98%وفضلت ازاكر طول السنة دية نزلت مدح فالكتب وكل حاجة قطعت الدنيا فالسنة دية بس لما كنت بروح المدرسة بقى مكنتش بشوف الفصل يمكن كمان كنت بتلخبط فيه من كتر ما انا مش بزوره كنت انا وتلاتة صحابة كنا عملين جروب كدة ولينا مكانا الخاص محدش يقعد فيه غيرنا فى ملعب البساكت وانا بصراحة كنت شرانية شوية ومكنتش بحب العيال بتوع ابتدائى سن الرخامة بقى ومكنتش بطيقهم
فمرة لقينا بنتين قعدين فى مكانا روحت انا روحت قولتلهم قومى يلا ياموزة منك ليها دة مكانا وكانوا عيال رخمة وتنحة كدة الله يمسيهم بالخير برضه فضلوا يقوحوا معايا ويقولى لا مش هنقوم وانا راسى والف سيف ليقوموا وقولتلها مش هتقومى يعنى طيب انا هروح اندهلك مستر جهاد((المدير صاحبى))راحت العيال خافت وقامت بادبها كنت مفترية اوى عالاطفال
عدت سنة تانية دية بطول والعرض وبكل حاجة وجت الامتحانات كانت فترة وحشة بقى الفترة دية انا من النوع الى مش بيتوتر بس كان عندى انتمتى متوترة جداا مكنتش ببقى طيقاه قبل الامتحان احنا اصلا مكناش بنمتحن فى مدرستنا كنا بنروح مدرسة تانية كانت مدرسة ولاد بس واعوذ بالله من دية مدرسة ومن عيالها كانوا اشباح يرعبوا عشانهم مكنتش بحب الامتحانات المهم يعنى امتحانات تانية دية كانت بالنسبالى زي لفل الحمد لله وجينا فى اخر يوم ركزوا فالحتة دية اخر يوم الصبح قبل ما ندخل كان معانا ولد فى الفصل اسمه طارق وكان مظبط مع بنت كدة فالمهم يعنى ولاد المدرسة الى احنا بنمتحن فيها كانوا بيغيروا من طارق دة وحبوا يأدبوه راحوا اتصلوا بالبت بتاعته راح هو الرجوله اخدته وراح يتخانق معهم بعلوده طبعا اتبهدل والعيال دية كانت يعة عالاخر مش زي بتوعنا ولادنا كانوا نسمة كدة((( ههههه ماباين يا نسمه بامارة لما اخدوا منك ورقة الامتحان وكل الفصل ختم عليها:))))المهم ياعينى الولاد دول كان معاهم كانزات مقطعنا كدة راحوا شرحوا طارق دة بيها ودخل الامتحان بدمه كان اخر يوم يوم زفت على دماغنا كلنا
بس جة يوم بقى النتيجة كان يوم مرعب اوى بالنسبالى اول مرة اعيش الجو دة وقاعدة عالنت بقى عمالة احاول ادخل انا واخواتى وقطتى كانت معايا وفضلت قاعدة كتير وفالاخر الساعة 3 كدة انتمتى اتصلت بيا وكانت جابتهالى وقالتى انى جبت 98%مبقتش مصدقة ودانى وقعدت اقولها كان 93 تقولى 98 اقولها لا انا جبت كام تقولى يابنتى 98 قعدت اصوت بقى وكدة فرحة بقى وعملنا بالوا فالبيت كان اول مرة الرقم دة يدخل العيلة كلها من عيلة بابا وعيلة ماما وبعد الفجر لقيت الاتصالات بتنهال عليا مدرسينى بقى وقريبنا والذى منه وفضلت صاحية اليوم دة معرفتش انام فيه خالص وبعدها سافرت بقى اعيش حياتى
ورجعت للهم تانى بسرعة دروس بقى وزفت وكدة جيت بقى فى نص تالتة لقيت نفسى زهقت من المزاكرة ومليش نفس ازاكر وجالى انهيار عصبى بقى روحت ملقتش حاجة تفرفشنى غير انى ادخل النت بقى وانسى الدنيا عطرت فيكوا وفى منتداكوا دة وفضلت بقى اتعرف عالناس الى هنا لحد ما لقيت
اسماء ((طمعانة فى رضاك يارحمن))وبعدين اتصحبت عليها موت وبقينا روح واحدة ومن محاسن الصدف انى فى اجازة نص السنة بتاعت تالتة مدرستى كانت ملطعة معسكر لاسكندرية عند اسماء يعنى قولت بس فرصة اروح اشوفها وكدة سارفت اسكندرية وقضيت اول يوم مع صحابى وتانى يوم مع صحابى برضه بس جالى تلفون من مامتى وقالتى ان قطتى اتجوزت القط بتاع واحد معايا فالفصل بس ماما ومامته صحاب فالحمد لله بقينا نسايب وقال اية كمان القطة حامل فرحت اوى بصراحة لانى كنت بعتبرها بنتى كدة المهم جيت تالت يوم قابلت اسماء فمكتبة اسكندرية واديتنى مدلية من الى هما قلب واتقسم نصين دول مش عارفة بقى هتعرفوها ولا اية المهم وانا اديتها خاتم وكانت احلى ذكرى بصراحة
وبعدين للاسف روحت بقى البيت وبعدين بعد شهرين قطتى ولدت اربع قطط نونو خالص كانوا قمر قمر بس كان فيهم واحد اسود ولا نعرف جة منين مع انها بيضا وجوزها ابيض والتلاتة التانين بيض الا ياعينى دة كان اسود بس كان مايص مياصة كان بيحب يدلع اوى المهم يعنى فضلوا القطط دية معانا لحد ما قعدت تكبر يوم ورا يوم وبعدين بقى بهدلولنا اللشقة كانوا كل يوم الصبح يصحوا يخربشوا فالصالون كانوا بيحبوه اوى فماما حلفت ليمشوا الاسود دة سافر القاهرة عند واحدة كدة وبنوتة بيضا بعناها لمحل قطط بخمسين جنية اضحك علينا والولد والبنت البيض ادتهم لانتمتى وهما دلوقتى ماشاء الله جيلهم بابى فالسكة
المهم فضلت القطة الام معايا لان دية روحى اصلا كنت بموت فيها كانت كل يوم تصحينى الفجر احطلها اكل تاكل وتشرب وتدخل البلاكونة تقعد فالشمس وتيجى الساعة 10 كدة افتحلها الباب بتنزل تلعب فالحوش وتطلع كمان ساعاتين كانت كل يوم على كدة بس جة يوم كان يوم وحش اوى نزلت الضهر واستنى فيها تطلع مش بتطلع ولقيت العصر ادن وهى مطلعتش قعدت انادى عليها مالبلكونة مش بترد عليا( ياااه انتوا كنتوا بتكلموا بعض كمان) ولا بتبصلى خالص فنزلت انا واخويا ندور عليها مش لقنيها قعدت اعيط كأن بنتى ضاعت منى كان يوم وحش اوى مش هنساه وبعدين بعد يومين معدين من قدام محل القطط الى جنب بيتنا الاقيلكوا القطة ياحببتى فى القفص روحت قولت للست دية بتاعتى قالتى لا دية واحدة جابتهالى وقالتى انها بتاعتها وعاوزة تبيعها والقطة طبعا بتاعتى وانا عرفاها كويس وحتى هى عمالة تصوت وعاوزة تطلعلى بس الست الله يسمحاها مش رديت تدهالى روحت قولت لماما وبابا اننا نشتريها منها وروحت عشان اشتريها لقيت الست مشتها كان هاين عليها ابطحها بقفص ومن ساعتها وانا معرفش عن القطة دية حاجة وبعددين اختى الكبيرة اتجوزت وبرضه كنت مرتبطة بيها اوى لقيت نفسى بقى الدنيا بتفضى من حوليا بنتى واتسرقت ومعرفش عنها حاجة واختى مشيت واختى التانية فى طب وطبعا دية ممنوع اللمس او الاقتراب كل الهرج والمرج دة اثر على ثانويتى فجت الامتحانات بقى وكانت امتحانات بشعة كدة ومقذذة حتى اتظلمت فالتصحيح ماعلينا اقولكوا على اخر يوم فالامتحانات برضه كنا بنمتحن فالمدرسة الشؤم دية كانت مدرسة وحشة كنت بكرهها
المهم يعنى بقى خلصنا اخر امتحان( كويس ان طارق مضربش تاني:)) وخرجنا بقى وواقفين مع بعض وكدة وببص كدة الاقيلكوا عربية عمالة تتشقلب وتعمل حركات واية كان منظر بلمت ساعتها وبلمت اكتر لما قيت الى سايق العربية الولد الى كان جارى الى علمنى سواقة العجل فكرينه حسيت رركبى سابت ساعتها وكنت خلاص هعيط وكان منظر العربية معجون يرعب يعنى كل دة عشان كانوا عمالين يخمسوا بالعربية ويعملوا افشخنات وحركات مش عارفة اية سر اخر يوم فالامتحانات بتاعت الثانوية ان تحصل مصيبة فيه المهم يعنى بقى العيال طلعوا مالعربية الى متعور والى مغمى عليه والى نفوخه مفتوح ومناظر بقى
المهم محدش مات يعنى.
انتظروا نسمه وهيا في غرفة العمليات..................
في كل جمله تتكلم عن القطه :d
اتلاقي القطه مبسوطه عشان اترحمت منك :d
هو خلاص فاضل جزء واحد
ونرميها بره :stickjo4:
ونجيب حد تاني
تابعونا
wafa2y 02-02-2009, 04:20 PM مش عارف ليه الموضوع قلب قطط كده مرة واحدة
"لدرجة نسيت هو الكلام كان علي إيه"
:p:p:p
بس ماشاء الله الذاكرة حديد
أما نشوف إيه اللي هيحصل:049gc0::049gc0:
متابع
فاضل اخر جزء عشان خلاص انا زهئت من قصتها اساساهو خلاص فاضل جزء واحد
ونرميها بره same here
:d:d:d
الله الله الله الله
بجد بجد قصة جامدة
وانا اقول هي مسمية شارب نيلز ليه
عشان القطة ام اربع قطط
قولتيلي يا نسمة
بقى كنتي متشردة وانتي صغيرة ؟؟
هههههههههههههههه
الله
بجد اسلوبك حلو جدا
وطبعا دا شئ مش جديد علينا
استمروا
موضوع جميل جدا
وتسلم يا محمد على الفكرة الرائعة دي :)
أسيل رزق 03-02-2009, 05:40 PM هههههههههههههههه
أيون صح
هى دى نسمة اللى أعرفها
بس نسمة هو انتى كان طولك كام وانتى صغيرة؟؟
بس بسم الله ما شاء الله ناسية عمرك كله يا نسمة :d
هنسميكى نسمة تشرد :romarioxp6:
على فكرة يا جماعة البت دى بتجرى ورا القطط فى الجامعة :d
بجد أسلوبك جامد وجميل على الآخر
منتظرة الجزء الأخير :slap1qk6:
:d
هنسميكى نسمة تشرد :romarioxp6:
حلوه يا مها نسمه تشرد دى
هههههههههههههه
.......................................
بجد حلوه اوى حكايتك دى يانسمه
وعجبانى اوى حكاية القطط دى
متابعه الجزء الأخير
والموضوع جميل جداااااااااا
Sharp Nails 04-02-2009, 12:41 AM يامحمد خلينى ارد عليهم
والله مش حيشنى غيره
reda_mafia50 04-02-2009, 12:48 AM متــــــــــــــــابع
bosy .. mostafa 04-02-2009, 02:15 AM حلوه
بس مش عندي وقت اقرا بقية الردود
ادوني فرصه 75 سنه كده
JusT DreaM 04-02-2009, 06:39 AM فين باقي رحلة الكفاح التشردي :d
يلا عاوزين نعرف هي ماتت في اخر القصة ولا لاء:d
Drowns in a sea grief 04-02-2009, 07:12 AM لا بجد موضوع جاااااااااااااج موووووووووووووووت
بس ايه التشرد دة يا بت يا نسمه
ال نسمه ال
كدة اسمك مش لايق عليكى خاااااااااااااالص:d
فين باقي رحلة الكفاح التشردي :d
يلا عاوزين نعرف هي ماتت في اخر القصة ولا لاء:d
ايمي انا عاملة اقتباس مخصوص عشان اقولك الكلمتين دول
انا صعبان عليا اوي القطة الي في التوقيع بتاعك :d
بقالها كام يوم كدا بتلف حوالين نفسها
مش عارفة نسمة سكتالك ازاي :d
انا بهدي النفوس
أسيل رزق 04-02-2009, 04:22 PM ايمي انا عاملة اقتباس مخصوص عشان اقولك الكلمتين دول
انا صعبان عليا اوي القطة الي في التوقيع بتاعك :d
بقالها كام يوم كدا بتلف حوالين نفسها
مش عارفة نسمة سكتالك ازاي :d
انا بهدي النفوس
أنا بقى عاملة إقتباس مخصوص علشان أقولك ..الكلمتين دول كانوا لسه على لسانى:p
وبجد يا نسمة لازم تورينا التشرد على البت اللى مشعلئة القطة دى .. ماتسكتلهاش يا نسمة
أنا بقى مش بهدى النفوس .. أنا بهوى على الفحم :d
عاوزين بقيت القصه يا نسمه ياللا
Sharp Nails 04-02-2009, 10:17 PM عاوزين بقيت القصه يا نسمه ياللا
لا ياستى انا مخلصة كتابى من الجلدة للجلدة
قولى لمحمد هو الى معطله الطباعة
قال اية بيعمل دعاية ويسخنلى الكتاب
:av4056bb7jp3::av4056bb7jp3:
اوركيديا 04-02-2009, 10:21 PM هههههههههههههه
ايه ده يا بنتى
ايه التشرد ده بجد
:slap1qk6:
و لا القطط
نفسى اجيب واحده بس شكلى حشيل الفكره دى
يحسن تهرب منى زيك كده
:rolleyes:
يلا بس جميله فعلا
:romarioxp6:
فى رعايه الله
نسمة واخدة فاصل طويل اوي
:p
فين باقي القصة
ايه النهاية دي ؟؟
كملوا بقى عاوزين نعرف اخرتها ايه
لا ياستى انا مخلصة كتابى من الجلدة للجلدة
قولى لمحمد هو الى معطله الطباعة
قال اية بيعمل دعاية ويسخنلى الكتاب
:av4056bb7jp3::av4056bb7jp3:
ايه يا محمد نظام التشويق ده
عاوزين نعرف ايه اللى حصل ياللا
Lost Dreamer 06-02-2009, 01:07 AM يت بقى فى نتيجة تالتة كانت ليلة زى ال..جبت النتيجة لقيت درجاتى متشحورة وكل مادة ناقصة فيها كتير وفالاخر المجموع عمل 94 بالمستوى الرفيع قعدت متنكدة بقى وقرفانة وزهقانة وحالى كرب ونكدت على نفسى وعلى اهلى وعلى مدرسينى كله يعنى مسبتش حد غير لما نكدت عليه وبعدين اكتشف فالاخر انى التالتة عالمدرسة كان نفسى اضرب نفسى بالقباقيب بعد المهرجان الى عملته دة وطلعت مالترتيب برضه مع انى فى تانية كنت الاولى بس بقى سبحان مغير الاحوال
وكان نفسى بقى اضرب نفسى قباقيب وجزم وشباشب وكل حاجة لما طلعت نتيجة التنسيق كنت نايمة ساعتها _على طول نايمة اصلى_ولقيت اختى الى فى طب دية دية اكبر منى ب3 سنين جيه تصحينى من النوم وتدينى ورقة وانا بتنرفز جداا لما حد يصحينى من النوم ومسكت الورقة كدة وعمالة اقولها مصحيانى من النوم اقرأ ورقة روحى العبى فى حتة قالتى اقرى بس وفوقى كدة المهم فوقت وقومت وببص كدة لقيت خير اللهم اجعله خير مكتوب كلية الالسن جامعة عين شمس وطبعا الكلية دية كانت حلم حياتى مقلكوش بقى عملت اية ومش هقول المهم بقى روحت عملت التنسيق الداخلى بتاع الكلية وعملت لغة اول انجلش والتانية المانى جالى انجلش لغة اولى والمانى تانية بس لقيت نفسى كدة مش ليا مزاج للالمانى قولت انا اخدت فى اعدادى فرنساوى وفى ثانوى المانى خلينى اجرب لغة جديدة فالكلية العب بيها قولت اسبانى واخترته لقيت الناس كلها بتقولى دة وحش ومش جايب تمنه حولت عبري ((اسرائيلى يعنى))لقيت الناس كلها بتقولى هتتاخدى امن دولة قولت لا وعلى اية احول بكرمتى مع انى كنت اعرف جمله بالعبرى احب اقولهالكوا((رجحانوم يافيش بتحوم))اظن فهمتونى محدش يسألنى يعنى اية عشان هقولكوا معرفش بس انا مرة زماااااااااان سمعت البرغوتى بيقولها وهما بيعتقلوه والجملة لزقت فى نفوخى مش عاوزة تطلع وبعدين قولت ماله الايطالى يمكن اترحل على ايطاليا واكل المكرونة بقى والبيتزا وهتنغنغ فالاخر استقريت على الايطالى وخلته واتكلت على الله ولقيته حلو والله ممتع اوى وبعدين بقى دخلت الجامعة وروحت الكلية اولى فولة بقى ولسة صغنونة وبركب الباص بتاع الكلية ويودينى لحد باب الجامعة بس اخر النهار مش بيجلنا الجامعة بيزلنا شوية لازم نروحله سرايا القبة عشان على كوتشه نقش الحنة فبركب المترو بقى تلت محطات بحس انى فالمولد ((انا والمترو)) دة قصة تاينة بقى المهم جيب بقى قابلت العيال بتوع النت الى عندى فالجامعة قابلت بنت كانت معانا فالمنتدى كان امها بيرو ((عبير))وبعدين قابلت منه الى هى مشرفة فلاسفة تحت التمرين وقابلت مها اسيل رزق وكمان هدير ديرو وهدير ماجدولين ودكتور سارة وجيجو الرهينة وفتاة الاسلام ونهال حبى واعتزازى كريازى لايدى النت بيتحيقلى دول بس يارب ما اكون نسيت حد كل ما ببقى عاوزة ازوغ من محاضرة اروح لمها نتشمس انا وهى فى اداب عندها وبقى صاحبت الكلية كلها الحمد لله والباقية تأتى وعرفت من كل الاقسام حبة من صينى والمانى وكورى واسبانى وايطالى بس دول الاقسام الى صاحبت منها وعملتلى شلة محندقة كدة على قدى وكل يوم ناكل من عند ميدو شاورمتوا تجنن
وتوتة توتة خلصت الحدوتة حلوة ولا جميلة بقى ؟؟
وبتنتهى عند انى بكتبلكوا القصة الى ملهاش لزمة دية
وسلام عليكم ورحمة الله وبركاته
وبكده رمينا نسمه في اقرب محطه
ونستضيف عضو تاني
وتابعوا اول حلقاته من الغد ان شاء الله
Sharp Nails 06-02-2009, 02:04 AM اخيرا هرد عليكوا هوريكوا بقى التشرد على اصوله
كان يا ما كان كان في عضوه اسمها
(((sharp nails (http://www.thanwya.com/vb/member.php?u=43680)))) عضوه لا تعرف لزعل
طريقا ولا سبيلا لاتخشي في الحق
لومة لائم تمتاز بالطيبه المحدوده
يعني من الاخر طيبه مع الي طيب معاعها
وتتنرفذ مع الي يتنرفذ معاها
برافو بجد فرحانة بيك عرفتلى شخصيتى فى جملتين
وبجد بجد انا كدة فعلا ومكنتش واخدة بالى انى مفقوسة اوى كدة
دول الكلمتين الكلوين الى قولتهم فى حقى يامحمد
لا بجد جميلة اوى الطفولة المشردة بتاعتك يا نسومة
ومواقفك جميلة
بس يابنتى انت فاقدة الذاكرة ولا ايه تلت اربع عمرك ناسياه
منتظرين باقيت قصتك
ميرسى ياايوى
بس انتى عرفانى بفتكر يوم وانسى مليون
هو انا مخى دفتر يعنى
بلا هم ياشيخة
انا ماشية على مبدأ
النسيان هو دوايا
بجد نسمة ادتنى امل فى ذاكرتى
كده انا كويسة اوى
عسل يا نسمة بجد و طفولتك اعسل طبعا
يابنتى انا ادي اي حد اي امل
انا اصلا عايزة عمرة
نفوخى شكمانه وقع
هههههههههههه ايه يابنتى الذاكرة الحديدية دي
عمالة تكروتي ابتدائي ف اعدادي
كدة انتى عايزة سطرين بالظبط ونوصل للحظة دي
واضح انهم عايزين يشوقونا للموضوع
فبداو بعضوة ناسية نص تفاصيل حياتها
مكملة وامرى لله
ههههههههههههههههههه
انتى مش غريبة يابوسى
انا بفتكر اساميكوا بالعافية
يا سيدي
يا سيدي
والله بجد قصة حياتك جميلة يا بت يا نسمة
يلا عقبال ما تنزلي الجزء التاني ان شاء الله منها :)
Sharp Nails 06-02-2009, 02:35 AM زي العسل والله بجد ضحكتيني كتير بعد ما كنت مكتئبه
شكرا ليكي ومستنيين باقي القصه
بقيت قصص اطفال
زي بطوط كدة:d
طفزلة لذيذة يانيسو
ادتيني امل اني اكتب حاجة عن طفولتي كان فيها احداث مهمة
وفاكراها اكتر من الكروته بتاعتك دي:d
ههههههههههه
ورينا ياايمى
اكيد بقى هتقوللنا كنت بزاكر عاللمبة الى بجاز
وانام عالحصيرة والحجات دية صح
ياشخيه حرام عليكي 17 سنه وبنحاول اهو نكلمهم ل 18
ونص كلامك مش فكره
خلينا معاكي لاخر القصه هانت فاضل سنتان ونص هوا يعدوا:)
بس حقيقي انت شرانيه بيقولوا عليكي طيبه ليه مش عارفه أنا ؟؟ (( مش أوي يعني)) شرانيه نص نص
بقى كدة ياسمسمتى
وانا الى قولت ان انتى الى هتنصفينى
ماشى يا..........
لينا ميل يلمنا
:slap1qk6:
Sharp Nails 06-02-2009, 03:34 AM هههههههههههههههههههههههههههههههه
لا يا جاعة تشرد ايه
دي نسمة كده كويسة جدا كده
خلي الطابق مستور
متابع يا نسمة
بجد منتهي التشرد
هههههههههههههههههههههههه
ههههههههههههههه
ماشى ياشريف لينا حساب
اظن شردتك خلاص :stickjo4:
بتغشى يا نسمة
اخص عليكى الف خصاية:slap1qk6:
بقى كدة
انتى تغشى
اخص عليكى الف خصاية:slap1qk6:
كدة ينفع
اخص عليكى الف خصاية:slap1qk6:
و قال انا اللى كنت فاكرة انك يا ما هنا يا ما فى البدرشين:mad:
يا جماعة
اخص عليها الف خصايةD:
و بعدين ايه مش فاكرة مش عارفة ناسية و مش عارفة ايه
دة كلام
و بعدين الميس ذنبها ايه يعنى
تقلعيها الطرحة
مش كدة عيب
انا علمتك كدة:slap1qk6:
الخص عليكى الف خصاية:)
بس كفاية
انا مش بغش انا بتعاون
ركزى عشان مش تهيسى
مش عارف ليه الموضوع قلب قطط كده مرة واحدة
"لدرجة نسيت هو الكلام كان علي إيه"
:p:p:p
بس ماشاء الله الذاكرة حديد
أما نشوف إيه اللي هيحصل:049gc0::049gc0:
متابع
same here
:d:d:d
يامحمود القطط دية روحى
انا ممكن اكتب عنهم بالايام والليلالى
هههههههههه
لظيظه اوى قصتك يا نسمه
تصدقى يا نسمه ان انا كمان وانا صغيره كنت ببدل جزمتى مع صاحيتى اللى جنبى
مش عارفه ليه بجد
هههههههههه
ههههههههههههههههههه
دية عدوى بقى وكانت منتشرة فالجيل
الله الله الله الله
بجد بجد قصة جامدة
وانا اقول هي مسمية شارب نيلز ليه
عشان القطة ام اربع قطط
قولتيلي يا نسمة
بقى كنتي متشردة وانتي صغيرة ؟؟
هههههههههههههههه
الله
بجد اسلوبك حلو جدا
وطبعا دا شئ مش جديد علينا
استمروا
موضوع جميل جدا
وتسلم يا محمد على الفكرة الرائعة دي :)
ههههههههههههههههه
امال يانيدو انتى فاهمه
الاسم دة مجبتوش من فراغ
هههههههههههههههه
أيون صح
هى دى نسمة اللى أعرفها
بس نسمة هو انتى كان طولك كام وانتى صغيرة؟؟
كنت شبر وتمن
بس بسم الله ما شاء الله ناسية عمرك كله يا نسمة :d
هنسميكى نسمة تشرد :romarioxp6:
على فكرة يا جماعة البت دى بتجرى ورا القطط فى الجامعة :d
بجد أسلوبك جامد وجميل على الآخر
منتظرة الجزء الأخير :slap1qk6:
ماشى يامها انا تشرد يامتشردة انتى
حلوه يا مها نسمه تشرد دى
هههههههههههههه
.......................................
بجد حلوه اوى حكايتك دى يانسمه
وعجبانى اوى حكاية القطط دى
متابعه الجزء الأخير
والموضوع جميل جداااااااااا
اضحكى ياختى اضحكى
ماهو مال سايب
لا بجد موضوع جاااااااااااااج موووووووووووووووت
بس ايه التشرد دة يا بت يا نسمه
ال نسمه ال
كدة اسمك مش لايق عليكى خاااااااااااااالص:d
حتى انتى يامنون
ياخونة يادزم اما اشوفك انتى كمان
هههههههههههههه
ايه ده يا بنتى
ايه التشرد ده بجد
:slap1qk6:
و لا القطط
نفسى اجيب واحده بس شكلى حشيل الفكره دى
يحسن تهرب منى زيك كده
:rolleyes:
يلا بس جميله فعلا
:romarioxp6:
فى رعايه الله
انا على فكرة بقت مركتى
نسمة تشرد
مبقاش يحوق فيا مش بقيت ازعل
مش عارفه ليه يا نسمه حاسه ان كان فيه حد بيجرى وراكى وانتى بتحكى
مش اتفقنا تعمليها على تلات اجزاء و 33 فصل
بس كويس برضه عشان واضح انك كنتى ضيفه خفييييييييييييفه اوى على راوى اليوميات:giljotiiniug3:
مغسى يادودو
احرجت حقيقى
يا سيدي
يا سيدي
والله بجد قصة حياتك جميلة يا بت يا نسمة
يلا عقبال ما تنزلي الجزء التاني ان شاء الله منها :)
سيدى اية يابنتى
انا نيسو نستينى
ستك يابت وتاج راسك
:slap1qk6:
يلا يانيدو مستنية بتاعتك
انا على فكرة بقت مركتى
نسمة تشرد
مبقاش يحوق فيا مش بقيت ازعل
[/center]
قصتك حلوة يا تشرد
ضحكتينى عليكى كتيييير
مسلية اوى
:d
يلا اللى بعده
:romarioxp6:
Lost Dreamer 07-02-2009, 02:02 AM الحلقه التانيه
هند ( بشمهندسة المنتدي)
قصة حياتي ...
ههههههه جبي التايها يعني
كان يا ما كان في سالف العصر والاوان
يحكي ان .. ان وان ..
بداية كدا انا مولودة في السعودية( ربنا استجاب لدعوة اختي الكبيرة ) اصلها ربنا يكرمها كانت بتقول لماما انا نفسي اجيب مروحة واطلع ربنا واقوله يا رب البيبي يطلع بنت ( كانت بتحبني الله يمسيها بالخير من قبل ما اتولد كمان
يلا ربنا يسامحها ( فيها شئ لله من صغرها )
انا بقى حياتي متنقلة شوية في السعودية وشوية في مصر وشوية في مصر وشوية في السعودية كدا يعني ..
( هتقولوا ايه الفرق ) هقولكم ولا اعرف
المهم ندخل في المهم ... كل الي فكراه من حياتي قبل ما ادخل المدرسة اني كنت طفلة شقية جدا ( انا الصغيرة بقى ) .. ومش كنت سايبة اي حتة في البيت في حالها ( لازم انكش في كل حاجة واطلع كل حاجة من مكانها)
وماما بتحكيلي لحد دلوقتي .. بتقولي زمان لما كنتي صغيرة لما كنا نسمع صمت في البيت وهدوء نعرف انك بتعملي مصيبة ... كانوا بيتجهوا تلقائيا للمطبخ .. ويلاقوني بكل براءة عاملة حفلة وسط الدقيق والرز وعايشة حياتي ..
لحد دلوقتي على فكرة ( انا الي بطلع الحاجات الي ضايعة في البيت)
يعني تشرد الطفولة جه بفايدة الحمد لله
طبعا احنا طول السنة كنا في السعودية .. ما عدا شهر ونص هو بس الي كنا بننزل مصر فيه ..
كانوا شهر ونص بالنسبة ليا انا هو منتهى الحرية .. في ناس بقى وعيال بتعلب في الشارع ودي تعتبر مناظر جديدة بالنسبة ليا يا سلااااااااااااااااام
كان عندنا قوانين في البيت .. تنزلي تلعبي من العصر لحد اذان العشا وترجعي علاطول ويا سلام لو اتأخرت نص ساعة ولا حاجة.. كانوا بيبعتوا ابن البواب ينادي عليا .. وادخل الشقة وانا مترقبة بقى هيقولوا ايه .. مش كنت بديهم فرصة صراحة .. كنت بقول ( ضرب لأ ) ... مع ان الحمد لله مش في ضرب يعني ولا حاجة .. بس هو دا الي كان في بالي .. او كنت معتقدة انها جملة الشفاعة..
كبرت الحمد لله وجه اليوم الي هروح فيه المدرسة وبابا كان مصمم اني ادخل وانا صغيرة .. دخلت وانا عندي خمس سنين ونص .. اتشغلت بدري بدري ومش اخدت حقي في الاستمتاع بالبطالة والقعاد في البيت ... انا طول عمري غير كل الاطفال .. يعني كل العيال وهما داخلين اولى ابتدائي يعيطوا اول يوم .. الا انا ... انا كنت فرحانة اوي ... وماما هي الي قعدت تعيط .. لاني اصغر واحدة بقى وكنت عاملة حس في البيت وهي هتبقى كدا لوحدها فترة الصبح ...
الحمد لله كنت متفوقة في اولى ابتدائي ... مع اني كنت مطلعة عين ماما في المذاكرة .. وكانت بتجري ورايا في البيت عشان احل الواجب ... هههههههههه والله كانت ايام حلوة ... وياريته كان واجب صعب مثلا.. انا لحد دلوقتي فكارة واجب اولى ابتدائي دا بتاع القراءة بالذات.. كنا بتعلم الحروف العربي .. والواجب عبارة عن انك تلون الحرف الي اخدته في اليوم دا.. وتكتب الحرف عشر مرات ولا مش فاكرة كام مرة .. هو دا الواجب بتاعي الي كنت بكرهه وكنت شايفة اني خلاص بقى مش في حد قدي في الواجبات والارهاق وكتيييييييير يا عيني .. وماما تتحايل عليا .. يا بنتي اقعدي اعملي الواجب .. وانا اجري وهي تجري ورايا لحد الساعة 9 بليل خلاص اشطب من كتر الجري واقولها ماما انا عاوزة اناااااااااااااام .. وكباية اللبن .. و هب اقلب ... على السرير وانااااااام لحد تاني يوم .. ومع ذلك كنت بطلع الاولى دايما مش عارفة ازاي..
في المدرسة بقى كنت الحمد لله فضيحة .. كل اخبارنا كانت عند المدرسات .. لدرجة اني رحت قلت لمرة لابلة الحساب ... يا ابله دا بابا اشترى لينا امبارح اتاري وقعدت العب مع اخويا ههههههههههههههه
مش عارفة كنت هموت واقولها كدا ... وفي مرة كانت حصة كدا الميس قعدت تسأل كل واحدة فينا مامتك بتشتغل ايه ووالدك بيشتغل ايه
وجه دوري .. والدك بيشتغل ايه يا هند .. دكتور ... طيب ومامتك ... ماما ؟؟؟ وقعدت افكر شوية .. مش عارفة انا اقولها انها ربة منزل ووقتها كنت عيلة بقى مش عارفة الكلمة دي ... مش عارفة انا ايه جه على بالي وقتها .. واتهبلت في نافوخي .. قلتلها اه ماما ؟؟ ماما بتغسل اطباق ... ههههههههههههههه.. انا فاكرة يومها رجعت احكي لماما قعدت تضحك عليا وعلى هبلي ...
شموخ مسلمة 07-02-2009, 02:11 AM ضرب لأ
هههههههههههههه
صاحبتى ذكية من يومها
ههههههههههه
ايه يا نيدو امال داخلة معتقل
بس ذكية و الله يابنتى
انا متخيلة منظر والدتك لما تقوليلها كده
متابعاكى يا نيدو
شكراااااااااا اووووووووى ع الموضوع
بجد ممتع جداااااااااا
هههههههههههههه
صاحبتى ذكية من يومها
ههههههههههه
ايه يا نيدو امال داخلة معتقل
بس ذكية و الله يابنتى
انا متخيلة منظر والدتك لما تقوليلها كده
متابعاكى يا نيدو
شكراااااااااا اووووووووى ع الموضوع
بجد ممتع جداااااااااا
والله انا ليا الشرف يا دودو انك انتي اول واحدة ترد على الموضوع :)
عندك شك يا دودو اني ذكية :stickjo4:
قولي بس عشان ابقى في الصورة :abdoog8:
ههههههههههههههه
ماما كانت بتقولي غوري با بت من قدامي ... صبرني يارب :d
انا عاوزة اقولك ان ماما رفعت الراية البيضاء بسببي :d
ادعولها ربنا يكون في عونها :bosyht9:
اوركيديا 07-02-2009, 02:21 PM قلتلها اه ماما ؟؟ ماما بتغسل اطباق ...
حرام عليكى يا بنتى :stickjo4:
حد يقول على مامته كده
دى حقها تموتك فعلا
:slap1qk6:
بس كملى كملى
شكل كل اللى فى المنتدى ده تشرد :(
يلا ربنا يعيننا عليهم
جبابره
:romarioxp6:
فى رعايه الله
هههههههههههههههههههههههه
مش عارف ليه مش متفائل باقصه دى
يلا منتظرين الجزء التانى
عايز استمتع بيها بعد ما ارجع من السفر
و عايزين ادق التفاصيل
مش كلها يعنى:d
هههههههههههههههههههههههه
مش عارف ليه مش متفائل باقصه دى
يلا منتظرين الجزء التانى
عايز استمتع بيها بعد ما ارجع من السفر
و عايزين ادق التفاصيل
مش كلها يعنى:d
مش متفائل لييييييييييه :slap1qk6:
....
تروح وترجع بالسلامة ان شاء الله :)
هتستمتع اكيد
لان ما خفي كان اعظم :d
Taleba Me7tasa 07-02-2009, 02:34 PM خلصت نيسو وجينا لنيدو
واضح ان التشرد دة ازمة جيل
بس ما شاء الله يا هند واضح انك فلتة من صغرك :d
صحيح اشمعنة غسيل الاطباق بالذات دونا عن باقي الحاجات
اللي ميزتي مامتك بيه
يلا استكملو
Its My Life 07-02-2009, 02:43 PM بدايه جميبه يا هند بس كل ده في اولى ابتدائي
يلا اكبري بسرعه علشان نعرف باقي القصه
Lost Dreamer 07-02-2009, 02:56 PM نداء انساني الي البشمهندسه هند
ممنوع الرد مره تانيه في الموضوع غير لما الموضوع يخلص خالص
وينزل الجزء التاني
ولو حصل رد تاني اول محطه مستنياكي :stickjo4::d
ان شاء الله هكتب النهاردة الجزء الثالث وابعته ليك يا محمد
اوعى تفتكر ان حياتي وقفت عند الاعدادية :d
لا والله دخلت ثانوية الحمد لله
انا قلت اقولك عشان مش تنزل قصة حدا تاني
قبل ما تخلص قصتي :stickjo4:
Rymonda 07-02-2009, 05:10 PM ياااااااااااه يا هند !!
كبرتي وبقيتي تكتبي مذكراتك !!
مستنيين الباقي ..
Amethyst 07-02-2009, 05:18 PM حلوة القصة دي .. اعمليها مسلسل ..
أنا كمان اتولدت في السعودية على فكرة .. وشوية هنا وشوية هنا ..
Amethyst 07-02-2009, 07:02 PM جميله قصتك هند
وفاكره تفاصيل ما شاء الله
بس ياريت يا محمد تكبرالخط شويه عشان النظر مش ناقص:(
.. وبلاش الأزرق عشان عيني بتوجعني ..
ادعولها ربنا يكون في عونها :bosyht9:
آميييين
:d
JusT DreaM 08-02-2009, 08:18 AM حلوة ياهند
بس مش متشردة خالص يااااي :d
يابنتي التشرد ده علامة الجوده في الطفولة:slap1qk6:
مستنية كده لما اشوف باقي التفاصيل
وتقولي طلعت الشارع ولعبت كورة وصياد السمك:d
لذيذة اوى الفكرة
تصدق طلعت بتعرف تفكر يا محمد
متابعه معاكوا
Lost Dreamer 11-02-2009, 01:44 AM المهم عدت اولى ونقلت من المدرسة الي كنت فيها .. ورحت للمدرسة الي اختي فيها .. كنت انا في تانية ابتدائي وهي في اولى اعدادي ... هو دا كل الي فكراه من اول 2 ابتدائي لحد 6 ابتدائي ... عدت الابتدائية الله يمسيها بالخير
ودخلنا الاعدادية ... والله ما فاكرة اولى اعدادي دي .. غير انها كانت ايام غم صراحة لان اختي كانت في ثانوية عامة .. وهي من النوع الي بيعيط بقى ونكد في البيت .. وطوارئ .. وايام الامتحانات كانت ايام ... الله لا يعودها... كانت بتعيط وهي بتآكل .. اول مرة اشوف كدا في حياتي... والله العظيم كانت بتعيط واحنا بتعشى مثلا ... عادي يعني ... عدت الثانوية العامة بتاعة اختي .. وجابت بالمستوى الرفيع 100% الحمد لله وكانت ايام جميلة والله وفرحنا كلنا ... وجت ليها الكلية الي هي نفسها فيها .. ودخلت حاسبات ومعلومات ... فاكرة انا في الاجازة دي كان في مشكلتين .. واحدة بسيطة واتحلت الحمد لله.. لما اختي جابت المجموع دا كانت العيلة كلها مستنية انها بقى هتدخل طب .. بس هي كانت بتحلم بحاسبات ... واهل بابا بقى زعلوا منها .. وعمي قالها .. حاسبات ايه يا بنتي .. هي حاسبات دي فرع من تجارة ؟؟
مش كان حد واقف جنبها الا خالي وبابا .. الحمد لله ربنا كرمها ودخلت حاسبات زي ما هي عاوزة ...
..............
المشكلة التانية بقى
ان في السعودية ممنوع المصريين يدخلوا كليات هناك .. طيب والحل ايه ؟؟
هننزل مصر يعني ونسيب كل حاجة ؟؟ واخويا كان رايح تالتة ثانوي وقتها .. طيب والحل ايه ؟؟ بابا قال خلاص ماما واختي يقعدوا في مصر وهند ... وعبدالرحمن وانا نروح السعودية .. انا طبعا سمعت دا من هنا .. وراسي والف سيف ابدااااااااااااااا مش قاعدة في مصر يعني مش قاعدة في مصر
وماما تتحايل عليا وانا مش كنت موافقة ابدا .. هروح السعودية يعني هروح السعودية مع بابا ... ماما مش قدرت تقنعني .. وبابا قالها خلاص خليها براحتها زي ما تحب ...
ووقعت الفاس في الراس .. واتنيلت رحت السعودية ... والله انا فاكرة ان ليلة السفر كان في فيلم عربي في البيت ... وحصل موقف مؤثر تكبي له العيون وتحزن له القلوب ..
ليلة السفر طقت في دماغي انزل اشتري لماما هدية ... والله كنت بفهم برده ..
نزلت وادور على هدية ومش عارفة اجيب ليها ايه .. وادور ومش عارفة ... المهم لو سألتوني رحتي فين تدوري ؟؟ انا كنت في لسا رايحة تانية اعدادي يعني مش هعرف امشي لوحدي يعني في الشارع .. مش كان قدامي غير اني اروح المكتبة الي على اول الشارع .. ههههههههههههههه.. طبعا ليا حق مش الاقي حاجة اجيبها ليها ؟؟ هجيب ليها كتاب سلاح التلميذ مثلا ؟؟؟
المهم لقيت عند الراجل الصندوق الي لما تفتحه دا يعمل ميوزك وفي بنوته صغيرة كدا واقفة تقعد لتف حوالين نفسها لحد ما تدوخ ... مش كان في حاجة انسب من كدا صراحة .. قلت يا بت اتكلي على الله واشتريه .. وشريته ..وغلفته بورق هدايا .. ( شايفين انا دقيقة ازاي في الحكاية ) .. ورحت بقى واديته لماما ... وماما قعدت تعيط وتقولي انا هديتي انك تقعدي معايا هنا ... وانا اضحك .. مش بقولكم مش كنت طبيعية .. دايما ماما هي الي تعيط مع ان المفروض انا اعيط انا كمان .. بس كنت متشردة بقى ومش عندي احساس الظاهر ... ومش كنت عارفة ايه الي مستخبي ليا ...
وصاحية انا بقى الصبح وفرحانة اني هروح السعودية وهترفج على التلفزيون براحتي ( شايفين التفكير العبيط ) .. وماما بقى مش هتقولي قومي ذاكري وهعيش الحياة بالطول وبالعرض ... مش عارفة ليه فجأة قبل ما ننزل حسيت على دمي وانفجرت في العياط وانا نازلة اركب عشان اروح المطار ... وقعدت اعيط والله لحد ما وصلنا بيتنا الساعة 10 بليل يعني عياط متواصل من 7 الصبح لحد 10 بليل .. لما دماغي كانت هتنفجر وعيوني بقت كور من العياط ... مش فاكرة صراحة كملت اجازة الصيف ازاي ؟؟ بس انا فاكرة ان صحبات ماما كانوا مشفقين عليا .. وكانوا بيتصلوا يطمنوا عليا ... واتصاحبت معاهم في الاخر وبقيت انا الي اتصل بيهم ( سابقة سني انا من يومي )
مش عارفة برده وقتها كان بابا الله يكرمه هو الي بيطبخ ويغسل الهدوم ... وبعدين فجاة حسيت على دمي .. قلت مش مشكلة اتعلم انا الطبيخ .. وبقيت اتصل على صحبات ماما آخد منهم وصفات الاكل .. وليلة بقى ... اتورطت .. بابا فرح بيا .. وما سداوا بقى ... والله كنت غلبانة .. صعبت عليا نفسي دلوقتي لما افتكرت الايام دي .. بجد حسيت في الايام دي يعني ايه ماما تبقى بعيدة عني ... وكنت لازم كل يوم انام معيطة ... مش عارفة ... المهم .. طبعا كنت وحيدة تقريبا في البيت .. لان اخويا كان ليل نهار على الكتب ... وانا يا بتفرج على التلفزيون يا بذاكر .. اي حاجةفي اي حاجة .. يا بتكلم في الفون .. انا فاكرة السنة دي بابا كان بيصوت مني عشان فاتورة التلفون .. كنت مفترية كنت بمسك السماعة من العصر لحد العشا .. لدرجة اني مرة كنت بكلم واحدة صاحبتي والدتها بتشتغل دكتورة مع بابا في نفس المكان .. وبابا يا عيني بيتصل والفون مشغول طول الوقت ... راح بقى للدكتورة دي ... وقالها اتصلي على الجيران قوليلهم يبعتوا حد عندكم فوق يخلي بنت حضرتك تقول لهند اني بطلبهم والفون مشغول .. يا ساتر كنت رغاية اوي بجد .. بس من غلبي لاني مش كنت لاقية حد اكلمه خالص .. المهم عدت السنة دي برده وسافرنا .. وطلعت نتيجة اخويا ... ودخل صيدلة الحمد لله ... وبعد كدا جيت انا اعمل نفس العملة .. وهعيط بقى عشان اسافر السعودية تاني .. مش عارفة ليه مع اني كنت جربت وتعبت اوي من غير ماما والله .. بس انا كدا مش كنت بطيق مصر خالص .. المهم ماما قالتلي نعم ؟؟؟ دا حلمك ... مش هتروحي في حتة هتقعدي هنا معايا .. وبابا هيسافر لوحده .. حاولت اعمل فيلم واعيط .. بس ماما طلعت اشطر مني ومذاكرة قبل ما انا آجي ومستعدة للفيلم الي انا هعمله قالتلي لا .. انسي انتهى الكلام ... وسحبوا ورقي من السعودية .. وياريته ما اتسحب ... وجيت مصر بقى ... ودخلت تالتة اعدادي ... وكانت دي اول مرة في حياتي ادرس في مصر .. واول مرة في حياتي آخد دروس .. كانت بهدلة.. يا ساتر فكرتوني بالماضي الاسود بتاعي .. انا فاكرة اني كنت حديث المدرسة .. لاني كنت عبيطة اوي بجد .. ومش فاهمة الحياة خالص في مصر ازاي .. واول يوم في المدرسة دخلت الفصل رميت الشنطة في اي حتة جت في وشي .. وطلع حظي في بنت ... تخلي النايم .. مش يصحى الا بعد ميت سنة .. اكلمها ودي مش ترد .. طيب دي معانها ايه .. والبت باصة قدامها .. الله يمسيكي بالخير يا شروق كانت غلبانة برده ... تاني يوم مش قدرت استحمل طفشت من جنب البت .. ورحت قعدت جنب ضحى .. ضحى دي انتمتي حاليا ... مش فاكرة صراحة تالتة اعدادي دي عدت ازاي ... على فكرة انا اكتشفت ان عندي زهايمر .. يا ساتر يارب .. انا مش فاكرة ايه الي حصل في تالتة اعدادي دي صراحة ..
خلصت كدا الاعدادية ؟؟
اااااااااه خلصت الحمد لله
هكمل الجزء الثالث ان شااااااااء الله وابعته ليك يا محمد :)
المهم عدت اولى ونقلت من المدرسة الي كنت فيها .. ورحت للمدرسة الي اختي فيها .. كنت انا في تانية ابتدائي وهي في اولى اعدادي ... هو دا كل الي فكراه من اول 2 ابتدائي لحد 6 ابتدائي ... عدت الابتدائية الله يمسيها بالخير
ودخلنا الاعدادية ... والله ما فاكرة اولى اعدادي دي .. غير انها كانت ايام غم صراحة لان اختي كانت في ثانوية عامة .. وهي من النوع الي بيعيط بقى ونكد في البيت .. وطوارئ .. وايام الامتحانات كانت ايام ... الله لا يعودها... كانت بتعيط وهي بتآكل .. اول مرة اشوف كدا في حياتي... والله العظيم كانت بتعيط واحنا بتعشى مثلا ... عادي يعني ... عدت الثانوية العامة بتاعة اختي .. وجابت بالمستوى الرفيع 100% الحمد لله وكانت ايام جميلة والله وفرحنا كلنا ... وجت ليها الكلية الي هي نفسها فيها .. ودخلت حاسبات ومعلومات ... فاكرة انا في الاجازة دي كان في مشكلتين .. واحدة بسيطة واتحلت الحمد لله.. لما اختي جابت المجموع دا كانت العيلة كلها مستنية انها بقى هتدخل طب .. بس هي كانت بتحلم بحاسبات ... واهل بابا بقى زعلوا منها .. وعمي قالها .. حاسبات ايه يا بنتي .. هي حاسبات دي فرع من تجارة ؟؟
مش كان حد واقف جنبها الا خالي وبابا .. الحمد لله ربنا كرمها ودخلت حاسبات زي ما هي عاوزة ...
..............
المشكلة التانية بقى
ان في السعودية ممنوع المصريين يدخلوا كليات هناك .. طيب والحل ايه ؟؟
هننزل مصر يعني ونسيب كل حاجة ؟؟ واخويا كان رايح تالتة ثانوي وقتها .. طيب والحل ايه ؟؟ بابا قال خلاص ماما واختي يقعدوا في مصر وهند ... وعبدالرحمن وانا نروح السعودية .. انا طبعا سمعت دا من هنا .. وراسي والف سيف ابدااااااااااااااا مش قاعدة في مصر يعني مش قاعدة في مصر
وماما تتحايل عليا وانا مش كنت موافقة ابدا .. هروح السعودية يعني هروح السعودية مع بابا ... ماما مش قدرت تقنعني .. وبابا قالها خلاص خليها براحتها زي ما تحب ...
ووقعت الفاس في الراس .. واتنيلت رحت السعودية ... والله انا فاكرة ان ليلة السفر كان في فيلم عربي في البيت ... وحصل موقف مؤثر تكبي له العيون وتحزن له القلوب ..
ليلة السفر طقت في دماغي انزل اشتري لماما هدية ... والله كنت بفهم برده ..
نزلت وادور على هدية ومش عارفة اجيب ليها ايه .. وادور ومش عارفة ... المهم لو سألتوني رحتي فين تدوري ؟؟ انا كنت في لسا رايحة تانية اعدادي يعني مش هعرف امشي لوحدي يعني في الشارع .. مش كان قدامي غير اني اروح المكتبة الي على اول الشارع .. ههههههههههههههه.. طبعا ليا حق مش الاقي حاجة اجيبها ليها ؟؟ هجيب ليها كتاب سلاح التلميذ مثلا ؟؟؟
المهم لقيت عند الراجل الصندوق الي لما تفتحه دا يعمل ميوزك وفي بنوته صغيرة كدا واقفة تقعد لتف حوالين نفسها لحد ما تدوخ ... مش كان في حاجة انسب من كدا صراحة .. قلت يا بت اتكلي على الله واشتريه .. وشريته ..وغلفته بورق هدايا .. ( شايفين انا دقيقة ازاي في الحكاية ) .. ورحت بقى واديته لماما ... وماما قعدت تعيط وتقولي انا هديتي انك تقعدي معايا هنا ... وانا اضحك .. مش بقولكم مش كنت طبيعية .. دايما ماما هي الي تعيط مع ان المفروض انا اعيط انا كمان .. بس كنت متشردة بقى ومش عندي احساس الظاهر ... ومش كنت عارفة ايه الي مستخبي ليا ...
وصاحية انا بقى الصبح وفرحانة اني هروح السعودية وهترفج على التلفزيون براحتي ( شايفين التفكير العبيط ) .. وماما بقى مش هتقولي قومي ذاكري وهعيش الحياة بالطول وبالعرض ... مش عارفة ليه فجأة قبل ما ننزل حسيت على دمي وانفجرت في العياط وانا نازلة اركب عشان اروح المطار ... وقعدت اعيط والله لحد ما وصلنا بيتنا الساعة 10 بليل يعني عياط متواصل من 7 الصبح لحد 10 بليل .. لما دماغي كانت هتنفجر وعيوني بقت كور من العياط ... مش فاكرة صراحة كملت اجازة الصيف ازاي ؟؟ بس انا فاكرة ان صحبات ماما كانوا مشفقين عليا .. وكانوا بيتصلوا يطمنوا عليا ... واتصاحبت معاهم في الاخر وبقيت انا الي اتصل بيهم ( سابقة سني انا من يومي )
مش عارفة برده وقتها كان بابا الله يكرمه هو الي بيطبخ ويغسل الهدوم ... وبعدين فجاة حسيت على دمي .. قلت مش مشكلة اتعلم انا الطبيخ .. وبقيت اتصل على صحبات ماما آخد منهم وصفات الاكل .. وليلة بقى ... اتورطت .. بابا فرح بيا .. وما سداوا بقى ... والله كنت غلبانة .. صعبت عليا نفسي دلوقتي لما افتكرت الايام دي .. بجد حسيت في الايام دي يعني ايه ماما تبقى بعيدة عني ... وكنت لازم كل يوم انام معيطة ... مش عارفة ... المهم .. طبعا كنت وحيدة تقريبا في البيت .. لان اخويا كان ليل نهار على الكتب ... وانا يا بتفرج على التلفزيون يا بذاكر .. اي حاجةفي اي حاجة .. يا بتكلم في الفون .. انا فاكرة السنة دي بابا كان بيصوت مني عشان فاتورة التلفون .. كنت مفترية كنت بمسك السماعة من العصر لحد العشا .. لدرجة اني مرة كنت بكلم واحدة صاحبتي والدتها بتشتغل دكتورة مع بابا في نفس المكان .. وبابا يا عيني بيتصل والفون مشغول طول الوقت ... راح بقى للدكتورة دي ... وقالها اتصلي على الجيران قوليلهم يبعتوا حد عندكم فوق يخلي بنت حضرتك تقول لهند اني بطلبهم والفون مشغول .. يا ساتر كنت رغاية اوي بجد .. بس من غلبي لاني مش كنت لاقية حد اكلمه خالص .. المهم عدت السنة دي برده وسافرنا .. وطلعت نتيجة اخويا ... ودخل صيدلة الحمد لله ... وبعد كدا جيت انا اعمل نفس العملة .. وهعيط بقى عشان اسافر السعودية تاني .. مش عارفة ليه مع اني كنت جربت وتعبت اوي من غير ماما والله .. بس انا كدا مش كنت بطيق مصر خالص .. المهم ماما قالتلي نعم ؟؟؟ دا حلمك ... مش هتروحي في حتة هتقعدي هنا معايا .. وبابا هيسافر لوحده .. حاولت اعمل فيلم واعيط .. بس ماما طلعت اشطر مني ومذاكرة قبل ما انا آجي ومستعدة للفيلم الي انا هعمله قالتلي لا .. انسي انتهى الكلام ... وسحبوا ورقي من السعودية .. وياريته ما اتسحب ... وجيت مصر بقى ... ودخلت تالتة اعدادي ... وكانت دي اول مرة في حياتي ادرس في مصر .. واول مرة في حياتي آخد دروس .. كانت بهدلة.. يا ساتر فكرتوني بالماضي الاسود بتاعي .. انا فاكرة اني كنت حديث المدرسة .. لاني كنت عبيطة اوي بجد .. ومش فاهمة الحياة خالص في مصر ازاي .. واول يوم في المدرسة دخلت الفصل رميت الشنطة في اي حتة جت في وشي .. وطلع حظي في بنت ... تخلي النايم .. مش يصحى الا بعد ميت سنة .. اكلمها ودي مش ترد .. طيب دي معانها ايه .. والبت باصة قدامها .. الله يمسيكي بالخير يا شروق كانت غلبانة برده ... تاني يوم مش قدرت استحمل طفشت من جنب البت .. ورحت قعدت جنب ضحى .. ضحى دي انتمتي حاليا ... مش فاكرة صراحة تالتة اعدادي دي عدت ازاي ... على فكرة انا اكتشفت ان عندي زهايمر .. يا ساتر يارب .. انا مش فاكرة ايه الي حصل في تالتة اعدادي دي صراحة ..
خلصت كدا الاعدادية ؟؟
حلوه يا باشمهندسه
:)
منتظرين الجزء التالت الثانوى و اول ترم فى الكليه ان شاء الله:)
**تسابيح** 14-02-2009, 08:54 PM هايل هايل هايل
بجد موضوع متميز
وقصص متميزة من اعضاء متميزين
بجد متميز فعلا
وهنود منتظرين ياجميل وفعلا حياتك لذيذة
ومصر برده حلوة
شكرا يامحمد ع الموضوع اللذيذ دا
ومبروك يامحمد ع الاسم الجديد:av4056bb7jp3::av4056bb7jp3:
wafa2y 23-02-2009, 09:08 PM لا ياستى انا مخلصة كتابى من الجلدة للجلدة
قولى لمحمد هو الى معطله الطباعة
قال اية بيعمل دعاية ويسخنلى الكتاب
:av4056bb7jp3::av4056bb7jp3:
هههههه
ده سخانلك الموضو لدرجة إني بحسبه إتحرق
:d:d:d
و نسيته أساسا
بس هحاول أكمله
:blink::blink:
لو كان ليا عمر
و هقرأ قصة باشمهندسة المنتدي
فكرتوني بأدهم صبري و ملف المستقبل يا ردالة
:d:d:d:d
امممممم
كان نفسي ادخل الموضوع والجزء التالت معايا :)
بس للاسف حصل كتير في المنتدى شغلني عن اني اكتبه وانزله
وكمان
يمكن الحاجة الوحيدة الي الكل يعرفها من غير ما اقول
ان نهاية الجزء التالت
اني هسيب المنتدى للأبد :)
ربنا يوفقكم جميعا
وبعتذر لمحمد
ولكل الاعضاء كان نفسي انزل الجزء التالت
بس خلاص
الحمد لله ...
ياريت يا محمد ردي دا يفضل .. بعد اذنك
ربنا يوفقك ...
وكمل موضوعك لانه موضوع جميل :)
آخر رد ليا في المنتدى ( ان شاء الله )
استودعكم الله
..Just Stop 05-03-2009, 08:22 AM ان شاء الله هترجعى ياهمد وهتكمليه بكل خير ان شاء الله
هيا فترة بس وهتعدى ان شاء الله
:::::::::::::::
اه شوفى كنت هنسا
موضوعك رائع يامحمد :d
MoHaMeD ELsHeRbEnY 10-03-2009, 04:19 PM موضوع رائع يا محمد
جزاك الله خيرا علية
ياريت تنشطة شوية
ومتابع معاكم ان شاء الله
فى رعاية الله
هو الموضوع مش شغال ليه ؟؟؟؟؟؟؟؟؟؟؟
الجويرية 13-03-2009, 12:13 AM ما زلنا فى انتظار العضو القادم ان شاء الله
ياريت الموضوع يرجع اكتر نشاطا من الاول
وجزاكم الله خيرا يااخ محمد على لموضوع
ymymym 13-05-2009, 03:31 AM طب ما نخلي مستر محمد يبقي هو اللي عليه الدور يا جماعه يكتبلنا قصه حياته ايه رايكم؟
omarzaki 23-05-2009, 11:14 PM ThanK YoU So MucH
super hero 1991 28-05-2009, 12:26 PM الله عليك يا بني
فكرة اكتر من رائعه ومش غريب عليك الافكار الجامده ديه
واتمني منك المتابعه باستمرار
انا عندى رأى الموضوع ده رائع
ياريت يتقفل فيه الردود
عشان نسهل على الاعضاء متابعة الموضوع
وان شاء الله هيتم غلق الموضوع لكي لا يرد فيه الا محمد ناصر تنفيذا لفكرة استاذ احمد
nora93 25-06-2009, 01:16 AM موضوع حلو فعلا.... كل واحد ماشاء الله هيتفضح بزكرياته
المهم ان هو موضوع كويس جداا
يالا اتكلوا على الله
Lost Dreamer 11-07-2009, 03:22 PM انتظروا العضوه الجديده معانا
بلاك روز
وان شاء الله ترافيل هتمسك موضوع قصة عضو
ان شاء الله
وبالتوفيق يا ترافيل
super hero 1991 11-07-2009, 03:57 PM تم تثبيت الموضوع من جديد
بنوته مسلمه 11-07-2009, 11:48 PM منتظرين بلاك روز ان شاء الله
وربنا يجازيك خير علي الموضوع الجميل ده
ونكمله بقي مع ترافل بامر الله
super hero 1991 11-07-2009, 11:50 PM منتظرين بلاك روز ان شاء الله
وربنا يجازيك خير علي الموضوع الجميل ده
ونكمله بقي مع ترافل بامر الله
لأ ان شاء الله محمد هو اللي هيكمل موضوعه
the black rose 12-07-2009, 11:08 PM بما ان محمد شكله مش فاضيلى
قالى انزل انا قصة العضو
انا هبدا قصة حياتى من اول ما اتولدت
اتولدت يوم 5 يوم الخميس الساعة خمسة
عشان الحسد بس :d
كنت امورة كدا مش زى دلوقتى خالص
و كنت رغاية جدااااااااااا انا دلوقتى طيبة
انا ترتيبى التانية فى اخواتى
لما كان عندى سنتين كنت لازم ارخم عليها
مرة كنا قاعدين بناكل
و انا عمالة ارغى و هما اتخنقوا منى
و انا مش مبطلة كلام
فاختى الكبيرة بتقول لما هاتى حتة لحمة
و كان كل ما يجى ضيوف كانوا مبيعرفوش يسكتونى
و مرة بيقولولى تطلعى ايه لما تكبرى
فطبعا كالعادة و رد اى طفلة
عايزة ابقى دكتورة
و لما سالوا اختى بقى تطلع ايه؟
قالتلهم دكتورة برده
فانا زع***ها و ضربتها و قولتلها متطلعيش جنبى
عاملة عليها انا الكبيرة و هى يا عينى كانت طيبة و بتسكت
و كنت غير كل الاطفال
طول ما كنا فى البيت العب و اهزر و اجرى
و ابوظ كل حاجة فى الشقة
فاكرة انى وقعت التليفزيون مرتين
و كنت بحرق ورق النتيجة
و لما يقولوا يخرجوا اقول جملتى الشهيرة
" مش خارجين "
مكنتش احب الخروج
غير لما نروح جنينة الحيوانات
كانت هدية عيد ميلادى كل سنة اننا نروح جنينة الحيوانات
و كبرت شوية
و ماما حملت فى اخويا كنت برده لسة صغيرة
عشان بينى و بينه سنتين و نص
و ماما كانت تعبت اوى
و بابا قاعد زعلان جدا و فريدة بتعيط حواليها
فانا بقول لماما يا ماما هو انتى كدا ممكن تموتى
قالتلى اه يا شيرين
قلتلها و مش هترجعى تانى
قالتلى اه
فضحكت و قولت لاختى و هى بتعيط
انتى زعلانة ليه ده احنا هناخد كل الدهب ده و اللبس بتاعها و هيبقى بتاعنا لوحدنا
مستغلة انا من يومى
و كبرت شوية كمان و بقيت اخرج للشارع كتير
فماما بتسالنى انا و اختى تحبوا لو يكون ليكوا ماما غيرى ؟
فاختى قالتلها لاء احنا بنحبك
و انا سكت
فسالتنى
فقولتلها ..........
تابعونا فى الحلقة القادمة :d
dr \manoo 13-07-2009, 02:35 AM حلوة دى يابلاك روز تشويق
ymymym 13-07-2009, 03:50 AM بما ان محمد شكله مش فاضيلى
قالى انزل انا قصة العضو
انا هبدا قصة حياتى من اول ما اتولدت
اتولدت يوم 5 يوم الخميس الساعة خمسة
عشان الحسد بس :d
كنت امورة كدا مش زى دلوقتى خالص
و كنت رغاية جدااااااااااا انا دلوقتى طيبة
انا ترتيبى التانية فى اخواتى
لما كان عندى سنتين كنت لازم ارخم عليها
مرة كنا قاعدين بناكل
و انا عمالة ارغى و هما اتخنقوا منى
و انا مش مبطلة كلام
فاختى الكبيرة بتقول لما هاتى حتة لحمة
و كان كل ما يجى ضيوف كانوا مبيعرفوش يسكتونى
و مرة بيقولولى تطلعى ايه لما تكبرى
فطبعا كالعادة و رد اى طفلة
عايزة ابقى دكتورة
و لما سالوا اختى بقى تطلع ايه؟
قالتلهم دكتورة برده
فانا زع***ها و ضربتها و قولتلها متطلعيش جنبى
عاملة عليها انا الكبيرة و هى يا عينى كانت طيبة و بتسكت
و كنت غير كل الاطفال
طول ما كنا فى البيت العب و اهزر و اجرى
و ابوظ كل حاجة فى الشقة
فاكرة انى وقعت التليفزيون مرتين
و كنت بحرق ورق النتيجة
و لما يقولوا يخرجوا اقول جملتى الشهيرة
" مش خارجين "
مكنتش احب الخروج
غير لما نروح جنينة الحيوانات
كانت هدية عيد ميلادى كل سنة اننا نروح جنينة الحيوانات
و كبرت شوية
و ماما حملت فى اخويا كنت برده لسة صغيرة
عشان بينى و بينه سنتين و نص
و ماما كانت تعبت اوى
و بابا قاعد زعلان جدا و فريدة بتعيط حواليها
فانا بقول لماما يا ماما هو انتى كدا ممكن تموتى
قالتلى اه يا شيرين
قلتلها و مش هترجعى تانى
قالتلى اه
فضحكت و قولت لاختى و هى بتعيط
انتى زعلانة ليه ده احنا هناخد كل الدهب ده و اللبس بتاعها و هيبقى بتاعنا لوحدنا
مستغلة انا من يومى
و كبرت شوية كمان و بقيت اخرج للشارع كتير
فماما بتسالنى انا و اختى تحبوا لو يكون ليكوا ماما غيرى ؟
فاختى قالتلها لاء احنا بنحبك
و انا سكت
فسالتنى
فقولتلها ..........
تابعونا فى الحلقة القادمة :d
هههههههههههههههههههههههههه
ايه القصه دي
ايه الحب ده كله يا بنتي انا اخاف طبعا علي نفسي منك:d
لأ بهزر معاكي انت يكنتي عسوله قوي فعلا
وكملي مستنيين باقي الحلقه بقي ماشي
في عايه الله;)
the black rose 13-07-2009, 01:57 PM حلوة دى يابلاك روز تشويق
ههههههه
ايوة عشان تستنوا الجزء التانى
هههههههههههههههههههههههههه
ايه القصه دي
ايه الحب ده كله يا بنتي انا اخاف طبعا علي نفسي منك:d
لأ بهزر معاكي انت يكنتي عسوله قوي فعلا
ايه كنتى دى :p
وكملي مستنيين باقي الحلقه بقي ماشي
في عايه الله;)
ماشى يا قمر هنزله قريب
بنوته مسلمه 13-07-2009, 02:52 PM هههههههههههههه
ايه ده يا شيري
بصراحه عمري ما شوفت طفوله بالمنظر ده
the black rose 13-07-2009, 11:56 PM هههههههههههههه
ايه ده يا شيري
بصراحه عمري ما شوفت طفوله بالمنظر ده
طوبعا هو انا فى حد زيي :d
نحن نختلف عن الاخرين :p
هنزل الجزء التانى اهوه
the black rose 14-07-2009, 12:02 AM فقولتلها الصراحة كنت عايزة واحدة جارتنا تبقى ماما
قالتلى ليه و انتى متضايقة منى ليه
قلتلها عشان عندهم مراجيح فى الجراج و احنا معندناش:av4056bb7jp3:
و كبرت كمان شوية
و بدات ماما تجيبلى معلم القراءة و تعلمنى القراية فيه
عشان مكنتش بحب الحضانة
كانت تودينى الحضانة
و ترجع البيت تلاقينى قبلها هناك :romarioxp6:
و كانت احلى ايام حياتى لما كنا نتجمع عند تيتة يوم الخميس
و اوقات نبات
كنت زعيمة عصابة الثلاثى المرح:039uw8:
انا و اولاد خالى الاتنين هما اصغر منى بسنة فى السن
لكن ادى فى الدراسة
كنت باخدهم و ننزل مكتبة جنبهم
نستر مقالب بمصروف الاسبوع
اقلام بتفرقع و حاجات من دى و لبان دم و شطة
و نعلب مع بعض تماثيل اسكندرية
مكنش فيه بنات ادى فكان لعبى كله مع الاولاد
و كنا ننزل عند الفكهانى و نجمع من بعضنا احنا التلاتة 50 قرش
ايام الفلوس لما كان ليها قيمة
و نشترى بيها تفاحة اصلى بحب التفاح اوى:d
و كنت انا اللى بقسم التفاحة:romarioxp6:
و كنا لما ننام بالليل تطلع عصابة الثلاثى المرح و نضرب النايمين بالشباشب
و كنا نخلص لتيتة كل الاكل اللى فى التلاجة و تصحى الصبح تزعقلنا :049gc0:
و دخلت المدرسة و اتقلبت شخصيتى 180 درجة
بقيت انسانة انطوائية جدا
مبحبش اكلم حد
و افتكر مرة واحدة من اصحاب ماما قالتلى ازيك عيطت :d
بس كنت شاطرة و بطلع من الاوائل
و مش باخد دروس
_ده فى ابتدائى بس _
و ماما بقى كانت مدرسة فى مدرستى
و كنت بحب كدا عشان كدا كدا كنت شاطرة
و كنت لما انسى اخد المصروف اطلع اخده منها
و لما انسى امضى ورقة الامتحان اطلع امضيها عشان متضربش
و كنت بقعد لوحدى فى الفسحة
اما بقى فى البيت فكنت دايما اتخانق مع اختى
كانت بتقعد مع بنات خالتى و قرايبى و بيباتوا عندنا
و ميردوش يقعدونى معاهم بحجة انى لسة صغيرة
_ ال يعنى هما اللى كبار _
و كنت دايما بزعل و مبطلش عياط
كانت اوحش فترة فى حياتى:(
عشان كدا لما اختى اتجوزت و سافرت فرحت فى الاول
المهم بقى دخلت اعدادى
بدات اخد دروس
و يبقى ليا اصحاب
مكنتش ببطل كلام فى التليفون
_ رجعت رغاية تانى _
و فى الفترة دى اللى اتعرفت فيها على مروة _ ميراج _
كانت ماما صاحبت مامتها
و كانوا عاملين رحلة للايتام ماما و مامتها
فسالونا نروح فقولنا ماشى اديها فسحة
و من اول يوم خرجنا فيه مع بعض
بقينا اصحاب جداااااا
و كنا من بعدها بنخرج كل يوم
لفينا البلد كلها :)
يااااااااه ايام
و كانت احلى سنة تلاتة اعداى
حسيت انى بدات اتغير
بدات ارجع اجتماعية
و كنت بهرب من الحصص بقى
و جبت مجموع زى الزفت
و كذلك فى اولى ثانوى
و كان عندنا مدرس كيمسترى يموت من الضحك
اسمه عمدة
بجد مكنتش ببطل ضحك معاه
كنت بهرب من حصصه اصله ممتاز و بيشتغل شغل نار
لكن كنت اقف اهزر معاه بعد الحصة :006et4:
و هو اللى قالى فى منتدى اسمه الثانوية حلو ادخلى عليه
اعتقد انه بيدخل زائر
انا بقى دخلت على جوجل و عملت سيرش
و دخلت فى سكة اللى بيروح مبيرجعش ;)
بدات بقى اتعرف على ناس جديدة
لان احنا كنا منغلقين فى مدرستنا
مخرجتش منها غير السنادى
يعنى هما هما الناس
اما بقى فى دروس الثانوية كنا بنشوف ناس من مدارس تانية فى الدروس
و اتعرفت على ناس كتير
و انا اهوه بتغير لحد دلوقتى
كنت طيبة اوى
بقيت طيبة اه بس مش زى الاول
تقدر تقول بعمل نفسى عبيطة معظم الاوقات
و فى تانية ثانوى عشت لحظات فرح و قلق و توتر كتير
الحمدلله انها عدت
و كنا بنخرج نروح السناتر فى الهرم و نعرف ناس تانية خالص
و تفكير تانى
و فى اول تالتة دخلت كمان معهد تحفيظ قران
اتعرفت على ناس اكتر و تفكير غير اللى فى مدرستى و اصحابى و تفكير غير المنتدى و غير السناتر
حاجة جديدة كدا و استفدت منه اوى الحمدلله
و ادينى اهوه داخلة حياة جديدة
و رايحة الجامعة بكرا ان شاء الله
يارب تكون مرحلة حلوة من حياتى
مع انى بعتبر كل مرحلة عشتها حلوة و كان لازم امر بيها عشان اتعلم منها
و لو رجع بيا الزمن هختار حياتى زى ماهى
و مبسوطة جدا بحياتى
المهم بقى انا ايدى وجعتنى من الكتابة
و اختصرت القصة عشان انا بتعب
كفاية عليكم كدا
مش لازم تفاصيل :d
ymymym 14-07-2009, 07:53 PM انا قصدي علي زمان كنتي عسوله زمان واكيد دلوقتي عسوله :bosyht9: محدش قال حاجه
بس انتي قصتك لطيفه بس تحفع بجد
فيه حد يفرح لما اخته تسافر اه تتجوز ماشي بس تسافر دي مقدرش عليها ابدا
انا ساعه ما اختي اتجوزت وسافرت القاهره بس ما بيني وما بينها ساعتين عيطت عياط وفضلت مكتئبه لمده شهر كامل لما بدانا نتعود علي كده بقي
كملي كملي حاولي متختصريش حكايتك عسوله فعلا
سوري انا رغايه بقي:028ja7:
الجويرية 14-07-2009, 11:20 PM مش لازم تفاصيل :d
بصراحة مشوفتش ابتسار اكتر من كدة
بجد قصتك جميلة اوى ياقمر
وياريت تحطى جزء تانى ممكن تخليها مواقف خلطبيطا
ياست الطيبة خالث خالث
Rymonda 15-07-2009, 11:14 AM 3asal 3asal 3asal ya toty..:redface:
:p tfoola mosharada fe3lan..:frown:
montazereen ramadan el gay we kesset 7ayatek fi mosalsal walla howa el malek Faroo2 a7san mnk ..:p
:dhhhhhhhhhhhhhhhhhhhhhhh:d
m3lesh b2a el key bord btestahbel msh radya te2leb arabic..:mad:
bs bgad 7elwa wallahy ya msh mohandesa :p..
allah yenawar ya rayess
:d..:d
أسيل رزق 21-07-2009, 02:00 PM و بدات ماما تجيبلى معلم القراءة و تعلمنى القراية فيه
عشان مكنتش بحب الحضانة
كانت تودينى الحضانة
و ترجع البيت تلاقينى قبلها هناك :romarioxp6:
هههههههه .. عالم فاشلة :slap1qk6:
:d
**تسابيح** 21-07-2009, 08:13 PM اقلام بتفرقع و حاجات من دى و لبان دم و شطة
هههههههههه
انا فاكرة برده لبان الدم دا
اول مرة اكلته
حست اني هموت بقيوعشت الدور بقي:d
و نعلب مع بعض تماثيل اسكندرية
عارفها اللعبة دي
تماثيل اسكندرية ... تماثيل استوديو مصر ... تماثل ما بتتحركشوالله ايام الطفولة دي كانت في منتهي الروعة:blush:
مكنش فيه بنات ادى فكان لعبى كله مع الاولاد\
:bosyht9::bosyht9:
بجد ياشيري انتي زي السكر
ربنا يوفقك يارب
NOUFALL 25-07-2009, 12:15 PM فكره الموضوع جميله اوى
وعلى فكره يا بلاك روز تنفعى مؤلفه
من خلال سردك للقصه
بس عندى استفسار صغير
انتى كنتى فكره الحاجات اللى كتبيها فى الاول دى وكان عندك سنتين ونص بس ؟؟؟
the black rose 25-07-2009, 12:56 PM انا قصدي علي زمان كنتي عسوله زمان واكيد دلوقتي عسوله :bosyht9: محدش قال حاجه
ايون كدا
صحيح ناس ماتجيش غير بالعين الموف :p
بس انتي قصتك لطيفه بس تحفع بجد
فيه حد يفرح لما اخته تسافر اه تتجوز ماشي بس تسافر دي مقدرش عليها ابدا
مانا بقيت بزعل بعد كدا
بس الاول قولت اخيرا هخلص منها :d
انا ساعه ما اختي اتجوزت وسافرت القاهره بس ما بيني وما بينها ساعتين عيطت عياط وفضلت مكتئبه لمده شهر كامل لما بدانا نتعود علي كده بقي
كملي كملي حاولي متختصريش حكايتك عسوله فعلا
سوري انا رغايه بقي:028ja7:
لو انتى كدا رغاية
يبقى انا ايه بقى :006et4:
انا بقى اختى سافرت الامارات :d
تفرق برده:p
بصراحة مشوفتش ابتسار اكتر من كدة
يعنى اي ابتسار تى ؟
موش فاهم معلش فهمى على قدى :006et4:
بجد قصتك جميلة اوى ياقمر
وياريت تحطى جزء تانى ممكن تخليها مواقف خلطبيطا
ياست الطيبة خالث خالث
محدش يقدر يشكك فى طيبتى :stickjo4:
هقولك كام موقف كدا عالماشى
انا بقى يا ستى كنت طفلة متعبة جداا
كنت ماما تدينى البرشام لما ابقى عيانة
كنت باخدة و ارميه و من المنور ;)
لحد ما اكتشوا و اكيد انتى عارفة اللى هيحصل بعد كدا :d
و لما روحت المدرسة
جيت يوم امتحان اخر السنة الصبح
ماما بتقولى يلا روحى الامتحان قولتلها اصل معييش قلم :d
ده حتى امتحان القدرات روحته من غير استيكة ;)
و كنا علطول بنروح اليكس
و ماشاء الله اخويا اللى اصغر منها حافظ المنطقة حتة حتة
و انا علطول كنت بتوه :bosyht9:
و فى مرة توهت منهم و ملاقتهمش خالص
فجة راجل و سالنى عن اسمى فقولتله و نده عليا فى الجامع
فبابا و ماما جم لاقونى بعيط
قالولى خلاص انتى معانا اهوه
قولتلهم انا مش بغيط عشان تهوت
انا بعيط عشان الراجل قالى انتى منين قولتله الجيزة
فضحك عليا :blush:
بس كفاية عليكى كدا
3asal 3asal 3asal ya toty..:redface:
:p tfoola mosharada fe3lan..:frown:
من عثل لمشردة ماشى يا ميرو :stickjo4:
montazereen ramadan el gay we kesset 7ayatek fi mosalsal walla howa el malek Faroo2 a7san mnk ..:p
:dhhhhhhhhhhhhhhhhhhhhhhh:d
لاء طوبعا
انا احسن :d
هو يطول يبقى زيي
m3lesh b2a el key bord btestahbel msh radya te2leb arabic..:mad:
bs bgad 7elwa wallahy ya msh mohandesa :p..
allah yenawar ya rayess
:d..:d
ماهو خلاص حقيقى بقيت مش مهندسة :d
منوغة يا ميغو
هههههههه .. عالم فاشلة :slap1qk6:
:d
هى خلاص بقيت بالعدوا
منك لله يا اسلام انت اللى طلعت كلمة عالم تى
كل الناس بقيت تقولها
اقلام بتفرقع و حاجات من دى و لبان دم و شطة
هههههههههه
انا فاكرة برده لبان الدم دا
اول مرة اكلته
حست اني هموت بقيوعشت الدور بقي:d
هههههههه
ال يعنى موتى بقى
ياعينى الله يرحمك يا بنتى
و نعلب مع بعض تماثيل اسكندرية
عارفها اللعبة دي
تماثيل اسكندرية ... تماثيل استوديو مصر ... تماثل ما بتتحركشوالله ايام الطفولة دي كانت في منتهي الروعة:blush:
ايون هى دى بالظبط
اوعى تتحركى بقى :p
مكنش فيه بنات ادى فكان لعبى كله مع الاولاد\
:bosyht9::bosyht9:
بجد ياشيري انتي زي السكر
ربنا يوفقك يارب
سكر بقى
و النمل يتلم علينا :d
و نتلزق كدا
ربنا يخليكى يا قمر ده من ذوقك
فكره الموضوع جميله اوى
وعلى فكره يا بلاك روز تنفعى مؤلفه
من خلال سردك للقصه
هههههه
لا ولا مؤلفة ولا حاجة
اعتقد ان اى حد بيحكى كدا
بس عندى استفسار صغير
انتى كنتى فكره الحاجات اللى كتبيها فى الاول دى وكان عندك سنتين ونص بس ؟؟؟
لاء فيه حاجات فاكراها
و حاجات كانت بتتحكيلى علطول و بتذل بيها :bosyht9:
الجويرية 27-07-2009, 09:44 AM يعنى اي ابتسار تى ؟
موش فاهم معلش فهمى على قدى
يعنى اختصار المختصر
وصلت بالسلامة؟
انا بعيط عشان الراجل قالى انتى منين قولتله الجيزة
ههههههه
لا مواقفك فظيعة بجد
انت طلعتى كارثة
**تسابيح** 27-07-2009, 09:55 AM مش عارفة هو الموضوع دا نايم ليه ؟؟؟؟؟؟
مفروض صاحب الموضوع يحكي هو كمان قصة حياته!
حلوه اوى القصه بتاعتك يا شيرى
بس سؤال
هو ليه كل اللى بيحكى عن طفولته بحس انها طفوله متشرده ؟؟؟؟؟؟
the black rose 01-08-2009, 08:20 PM يعنى اختصار المختصر
وصلت بالسلامة؟
حمدلله على سلامتها
ههههههه
لا مواقفك فظيعة بجد
انت طلعتى كارثة
ده انا طيبة اوى جديا خالث:006et4:
حلوه اوى القصه بتاعتك يا شيرى
بس سؤال
هو ليه كل اللى بيحكى عن طفولته بحس انها طفوله متشرده ؟؟؟؟؟؟
سورى يعنى :d
عشان احنا فى منتدى متشرد :p
Dr.love ferdos paradise 01-08-2009, 08:30 PM قصتك جميله اوووي ياشيري
بجد جميله جداا
كنت شقيه اووووي وانتي صغيره
بجد قعدت اضحك على حاجت كتير
بس دلوقتي طيبه جداا جداا
ربنا يكرمك يارب
وتحققي ال بتتمنيه ان شاء الله
في رعاية الله
سورى يعنى :d
عشان احنا فى منتدى متشرد :p
احنا مين :slap1qk6:
كل واحد يتكلم عن نفسه :d
dr.only hope 09-09-2009, 01:12 AM ههههههههههههههههههههههه قصة نسمة حلوة جدااااااااااااااااااااا وفعلا مش نسمة خالص بس حلو قوووووووووووووووى حكاية ورقة الالمانى ولا الواد طارق دا يا عينى عليه يلا فى داهية
اما قصة بلاك روز فجميلة جدا وعجبتنى قوى
بصراحة كنت عايزة واحدة جارتنا تبقى ماما
انا لو قلت الكلمة دى لملم هات*** واتشرح واتنشر مع الغسيل
متابعة معاكوا باذن الله
|