السلام عليكم ورحمة الله وبركاته
كيف حالكم جميعا؟
اتمنى تكونوا بكل خير

اتفقنا انا ود مجدولين ود هبة سابقا او سلومى وناس تانية اننا هانتقابل يوم السبت فى معرض الكتاب
لكن للايف مساء يوم الخميس غيروا رائهم طبعا كان الباقيين عندهم جدول للمواعيد فمتفقش الميعاد معاهم
لكن انا للاسف على قدى لسه معندي جدول للمواعيد
فقولتلهم موافقة وقالوا ميعادنا الساعة 9 ونصف
فالمهم انا اخرى اصلا انى اروح الجامعة حتى الجامعة بتوه فيها خالص من المدرج للبوابة للمسجد للمكتبة بس:(
فانا معرفش اى حاجة فى اى حاجة لوحدى
فازاى هاروح معرض الكتاب لوحدى الاخت هبة قالتلى لا لازم تتشجعى وكلمتين حماس
وانت هاتركبى الاتوبيس واسالى وكدة
فقولت هانجرب ربنا يستر فالمهم بعد عنااااااء طوووويل وصلتلهم
ومشيت مشى فلما وصلتلهم لاقيتهم مستنينى برا المعرض يا جماعة واقفين ليه
مادفعتوش التذاكر ليه
قالوا لينا ليكى مفاجاة قولت خير اللهم اجعله خير
لاقيتهم بيقولولى بصى للافتة اللى فوق لاقيتها مكتوب يوم الجمعة بيفتح الساعة 2 فصوعقت بعد العناء ده كله والساعة 2 لسه
كانت لسه الساعة مجتش 9 ونصف:(
قعدنا فى الجنينة اللى قدام المعرض ومكنوش راضين كمان:angry2:
جم الامن بتوع المعرض هشونا ولا كاننا فراخ
روحنا اتمشينا يجى محطة كدة ورجعنا تانى اخرتنا بقى كانت الرصيف
قعدنا والاخت مجدولين والاخت سلومى عمالين يتكلموا على الروايا والشخصيات وفلان عمل وانا قاعدة بتفرج فقط:(
تقول حافظين كل الروايات حفظ ما شاء الله
يعنى انا بقرا بس مش بدرجتهم دى
وبعدين سيبنا الرويات والادباء وقعدنا نتكلم عن المنتدى
وجيبنا المواقف اللى عجبتنا فيه والمواضيع اللى تشد وردود واعضاء محترمة وكدة يعنى
يارب يفضل للمنتدى فروة
فجه وقت صلاة الجمعة روحنا صلينا الجمعة وسالومى سبقتنا بعد الصلاة علشان تقطع لنا التذاكر تحجز فى الطابور
لا مو وقفت طابور ده دخلت اول واحدة كدة ولا حد قدر ينطق ودفعت اول واحدة
وجينا نقف طابور الدخول قالتلنا فى ايه وخليتنا ننط قدام:( محرضة على الفشل
فروحنا قدام ودخلنا بحمد الله ساحة المعرض
اول مادخلنا جرينا على سور الازبكية كانت الساعة 2 خرجنا منه الساعة 4 او 4 ونصف لاننا احنا التلاتة ميولنا ادبية
واحدة بتدور على روايات نبيل فاروق بالذات (د سلومى)
وواحدة عمال تدور على اعمال احمد خالد توفيق(د مجدولين)
وواحدة بتدرو على اعمال نزار قبانى وبعض الشعراء(آية من الله)
وكل واحدة اشترت اللى كانت عاوزة تشتريه واشترينا كتب كتتييييرة :romarioxp6:
روحنا نستريح شوية واكلنا
واحنا فى سور الازبكية منهمكين فى البحث حصل موقف مو عاجبنى خااااالص
هاقولهولكوا واحكموا انتوا
فى بائع فى سور الازبكية من الناس الطيبين الى على قديهم كدة بيبيع
فواحد بيساله المجلة دى بكام قاله ب10 جنيه راح سال واحد تانى ع نفس المجلة قالوا تقريبا ب8 جنيه
فالراجل راح شد مع البائع ازاى تقولى ب10 قالوا انت عمال تدور بقالك ساعة وتنعكش الحاجة وانا اعدل فيها
فالراجل ده قالوا كمان بتزعق فىى وشى طيب تعالى بقى وقام ضربه
الراجل قاله هاضربك هو يعنى عصفورة فى ايد الراجل فابيقول كدة وخلاص
ده قالوا تضرب مين؟ فقام مكمل عليه ضرب والناس بتحوش
الاخت المنتقبة زوجتته كانت بتضرب الرجال معاه :angry2:
فهدوا الحكاية وراحوا نادوا لامن جيه للبائع قالوا تعالى معايا على النقطة
قالوا انا مغلطتش هو اللى ضربنى قالوا لا غلطت تعالى معايا
ففى واحد بيقول للراجل الامن ده لو سمحت بايديه كدة
قام هو كمان شطح فيه انت ازاى تمد ايدك انا بتخنق بسرعة واداله بالبونية فى صدره
والراجل ماتكلمش
والامن راح واخد البائع على النقطة ومشى
فده الموقف اللى حصل ضايقنى اوووووى :(
وبعد كدة روحنا بقى حضرنا ندوة فى مخيم اسمه سوق عكاظ
لاقينا واحدة بتقول حاجة المفروض اسمها شعر لكن للاسف لا تمس للشعر بشئ :romarioxp6:
بس كانت منفعلة اووى:av4056bb7jp3:كانت تضحك شوية
وبعدين الاختين الحلوين الوا عاوزين نستريح راحوا داخلين سينما موجودة كدة فى خيمة وانا سيبتهم روحت اتفرج ع شوية كتب ورجعت اتمشينا شوية ودخلنا قاعات
وبعدين علشان نروح دى ازمة
لانى انا ولا كانى من القاهرة اصلا
فودونا المترو علشان يوصلونى ويرجعوا والا:stickjo4:
لا والله دول عاملين معايا جميل جامد بجد
فروحنا اول ماشوفنا المترو قفل فى وشنا
راحت مجدولين قالتلوا افتح ياسمسم راح فتح ودخلنا
ووصلونى لرمسيس وروحت وهما رجعوا تانى:av4056bb7jp3:
ووصلنا الى ارض مصر بالف سلامة
بس بجد كان يوم روعة لانى قبلتهم وقضيت معاهم وقت جميل جداا
معلش طولت عليكوا
وجزاكم الله خيرا:)

جزكم الله خيرا اختي في الله ايه
بس فعلا انا بارده اتضايقت جدا من الموقف ده
خصوصا الزوجة المنتقبة
و اكيد البائع غلطان في الاول
و انا بارده ايف ان اللي بيشتري بارده غلطان
بس كويس انكوا خرجتوا
احلي حاجة ان الواحد بيخرج باصحاب بيحبهم ويحبوه
شكرا علي الموضوع مرة تانية
في امان الله

لاقيتهم بيقولولى بصى للافتة اللى فوق لاقيتها مكتوب يوم الجمعة بيفتح الساعة 2 فصوعقت بعد العناء ده كله والساعة 2 لسه
كانت لسه الساعة مجتش 9 ونصف:(

بالنسبة للموضوع ده
فعلا المعرض تقرر فتحه يوم الجمعة الساعة 2 وده كان خوف من الامن لحدوث
اى مظاهرات من اجل غزة بعد صلاة الجمعة

بالنسبة لموقف التانى بتاع الخناقة ده الطبيعى
بائع الغلبان هو اللى لزم يضيع فى الرجلين
مهو التانى اكيد قاله انتا مش عارف انتا بتكلم مين
مبتقوش تروحه معارض تانى :d

اية دة يايو انتوا روحتوا خلاص
والله كان الودى ودى اجى معاكوا
يلا ملحوقها خيرها فى غيرها
بصى يا يو احجزيلى اول يوم فالترم التانى
فى معرض الكتاب
بعد ما يكون قفل
عشان نتقابل هناك فالشمس الحارقة :d

جزكم الله خيرا اختي في الله ايه
جزانا واياكم يااخ شريف
بس فعلا انا بارده اتضايقت جدا من الموقف ده
خصوصا الزوجة المنتقبة
فعلا الموقف ده نرفزنى وخصوصا الاخت اللى تنتسب للمنتقبين
و اكيد البائع غلطان في الاول
بص يااخ شريف فى ناس بيبعوا غيتهم يغلوا السعر علشان تفاصل براحتك
ممكن يكون بيعمل كدة
و انا بارده ايف ان اللي بيشتري بارده غلطان
هو بيعمل عرض لعضلاته فى خلق الله
بس كويس انكوا خرجتوا
احلي حاجة ان الواحد بيخرج باصحاب بيحبهم ويحبوه
اة والله بحبهم جدا
وكانت خروجة حلوة اووى
شكرا علي الموضوع مرة تانية
في امان الله
جزاكم الله خيرا على المرور

بالنسبة للموضوع ده
فعلا المعرض تقرر فتحه يوم الجمعة الساعة 2 وده كان خوف من الامن لحدوث
اى مظاهرات من اجل غزة بعد صلاة الجمعة
اة ماحنا كنا ارهابين
كنا عاوزين نعمل مظاهرة نحتج فيها على انهم يفتحوا الباب تضامنا مع غزة:stickjo4:
بالنسبة لموقف التانى بتاع الخناقة ده الطبيعى
بائع الغلبان هو اللى لزم يضيع فى الرجلين
مهو التانى اكيد قاله انتا مش عارف انتا بتكلم مين
اة قاله قالوا انا هاعرفك وراح جابله الراجل الامن ده والامن طلع هو كمان عاوز قطع الرقبة
ماهو الطيب فى الزمن ده بينداس
مبتقوش تروحه معارض تانى :d

لا هانروح ناس مثقفة :angry2:
ده فيه ندوة لاحمد خالد توفيق يوم الاربعاء ان شاء الله هانحضرها ده احمد خالد توفيق
جزاكم الله خيرا يااخ اسلام على المرور

اية دة يايو انتوا روحتوا خلاص
والله كان الودى ودى اجى معاكوا
يلا ملحوقها خيرها فى غيرها
كانت نقصاكى والله ده احنا ضحكنا ضحك
و فى مقابلات تانية كتيرة ان شاء الله
واحتمال تكون يوم الاربعاء علشان الندوة
ياريت تيجى تتثقفى شوية بدل من قعادك على النت:slap1qk6:
بصى يا يو احجزيلى اول يوم فالترم التانى
فى معرض الكتاب
بعد ما يكون قفل
ماتقلقيش فى فالترم التانى معرض القاهرة الدولى فىنفس مكان معرض الكتاب وان شاء الله هانروحه
وهاتيجى
عشان نتقابل هناك فالشمس الحارقة :d
ماشى يانسومة هانحجزلك اى خدمة
نورتى االموضوع يا قمر

لالالالالا
انا متغظه
ومفروسه
و بحقد
و بجد عينى عليكوا مدوره
http://www12.0zz0.com/2009/01/29/16/361280627.gif
روحتوا و كمان جايين تعملوا موضوع
و انا اللى نفسى اروح بس لمده خمس دقايق
هوففففففف
و كمان ندوه يوم الاربع
:040vk0:لا كده زياده :040vk0:
كده انا حطق بجد

حراااااااام

http://www12.0zz0.com/2009/01/29/16/361280627.gif

ندوة لاحمد خالد توفيق
ادفع خمتاشر جنيه من عمري واروح المعرض اسحبلي كام كتاب:angry2::angry2::angry2:
هموت بجد واروح
حاليا انا شغالة زن وفي امل بنسبه واحد من الف في المية ااني اروح:(
يلا ربنا يوفقكو وابقو سجلولنا الندوة فيديو:stickjo4:
انتو دخلتو سينما اتفرجتو على فيلم ايه:romarioxp6:

ممكن توضحى يا استاذة
مين هو احمد توفيق؟؟؟؟؟؟؟؟؟؟ لانه على اسم ابنى؟؟؟
و ايه حكاية الخبر ده ؟؟؟؟؟؟؟

بجد خروجه ميه ميه
وهاروحه قريب ان شاء الله

وقولت لازم نخرج السبت
بس انا قولت اروح الهرم اقرب ليا :d
كان يوم جميل برضه

ممكن توضحى يا استاذة
مين هو احمد توفيق؟؟؟؟؟؟؟؟؟؟ لانه على اسم ابنى؟؟؟
و ايه حكاية الخبر ده ؟؟؟؟؟؟؟
حضرتك ده مش خبر دي خروجة عادية اتقابلو بنات من هنا وخرجو
وبالنسبة للدكتور احمد خاد توفيق ده كاتب مشهور جدا
وده الموقع الرسمي له
http://www.ahmed-khaled.com/newahmed/index2.htm

بداية حمد الله على السلامة

ثانيا : مش عارف ليه حسيت من كلامك انك بتحبى القراءة وبتقرأى كتير
واول ما دخلتوا المعرض ذهبتوا بحثا عن الكتب فى سور الاسبكية

انا عايز خمسة يفوقونى

بعد كل دة وفى الاخر كاتبة الاسبكية :stickjo4:

وا حسرتاه على اللغة العربية

اسمها الازبكية

لالالالالا

انا متغظه
ومفروسه
:av4056bb7jp3:هيه هيه هيه
و بحقد
و بجد عينى عليكوا مدوره
وبعدين بقى شكل الخرورجة مو هاتكمل يوم الاربعاء
http://www12.0zz0.com/2009/01/29/16/361280627.gif
روحتوا و كمان جايين تعملوا موضوع
و انا اللى نفسى اروح بس لمده خمس دقايق
هوففففففف
و كمان ندوه يوم الاربع
:040vk0:لا كده زياده :040vk0:
كده انا حطق بجد


حراااااااام

صوعبتى عليا بصراحة يا ولاء
مانت فى اسيوط بقى
خليكى هناك اتمتعى بجوها:slap1qk6:



http://www12.0zz0.com/2009/01/29/16/361280627.gif

ندوة لاحمد خالد توفيق
ادفع خمتاشر جنيه من عمري واروح المعرض اسحبلي كام كتاب:angry2::angry2::angry2:
هموت بجد واروح
حاليا انا شغالة زن وفي امل بنسبه واحد من الف في المية ااني اروح:(
يلا ربنا يوفقكو وابقو سجلولنا الندوة فيديو:stickjo4:
انتو دخلتو سينما اتفرجتو على فيلم ايه:romarioxp6:
مممم ياخسارة بجد
كان نفسنا تبقى معانا
حاولى تانى كدة لعل
حاضر هابقى اسجلها فيديو وانزلها
وبالنسبة للفيلم والله معرفش هو فيلم ايه لانى مكنتش معاهم فى اللحظة دى
لما يدخلوا يبقوا يقولك

ممكن توضحى يا استاذة
مين هو احمد توفيق؟؟؟؟؟؟؟؟؟؟ لانه على اسم ابنى؟؟؟
و ايه حكاية الخبر ده ؟؟؟؟؟؟؟
ده ان ابن حضرتك كاتب مشهور اوووى وجاى يدى ندوة فى معرض الكتاب يوم الاربعاء
شكرا على مرور حضرتك
بجد خروجه ميه ميه
وهاروحه قريب ان شاء الله

وقولت لازم نخرج السبت
بس انا قولت اروح الهرم اقرب ليا :d
كان يوم جميل برضه

اة هو معرض الكتاب جميل جداا
والخروجة كانت ممتعة بجد
وكويس انكوا خرجتوا فى اى حتة وخلاص
شكرا عل امرور

حضرتك ده مش خبر دي خروجة عادية اتقابلو بنات من هنا وخرجو
وبالنسبة للدكتور احمد خاد توفيق ده كاتب مشهور جدا
وده الموقع الرسمي له
http://www.ahmed-khaled.com/newahmed/index2.htm
:romarioxp6:جادعة ياايمى
ربنا يخليكى لشعب مصر

http://www.arb-up.com/files/arb-up-2008-6/U7m74550.gif

بداية حمد الله على السلامة
الله يسلم حضرتك


ثانيا : مش عارف ليه حسيت من كلامك انك بتحبى القراءة وبتقرأى كتير
:(:(
بيقولوا
واول ما دخلتوا المعرض ذهبتوا بحثا عن الكتب فى سور الاسبكية

انا عايز خمسة يفوقونى
:slap1qk6:

بعد كل دة وفى الاخر كاتبة الاسبكية :stickjo4:
:(الله يجازيك ياللى كنت السبب
وانا كان مالى ومال عمل مواضيع بس

وا حسرتاه على اللغة العربية

اسمها الازبكية

بجد بجد بجد يعنى انا طول عمرى بسمعها وبنطقها بس
لكن مو قريتها قبل كدة ولا كتبتها
وقدرى السعيد جاىة فى الموضوع واكتبها:(
فعلا تضامن مع استاذ محمد واااحسرتااااه على اللغة عربية
ياخوفى لاستاذ من استاذة العربى يدخلولى :romarioxp6:
عار عليا
شكرا يااستاذ محمد على المرور:(

http://www.arb-up.com/files/arb-up-2008-6/u7m74550.gif

جزاكم الله خيرا على المرور والدعوة

ايه ده انتوا بتخرجوا مع بعض عادي كده
يا خساره كان نفسي اعمل زيكوا بس للاسف معرفش حد في المنتدى من بورسعيد خالص

المفروض من الاول ان حضراتكم تكونوا عارفيين ان المعرض يوم الجمعة الساعه 2 وده مكتوب فى الاعلان اللى بيتوزع مع الجرونال .
مأساة اتكتب علينا حاجه اسمها مترو الانفاق هههههههههههههه ايه الجديد احنا خدنا على كده خلاص .
بدل التذاكر فيه دعوات بتتوزع من مثلا اى حد عنده مطبعة بدل وجع الدماغ والطوابيرر والكلام ده .
اجمل مافى القصة
1_ ان حضراتكم نسيتم كل حاجة وروحتوا صليتوا الجمعة ,
2_ حضراتكم متعرفين على بعض من منتدى وتتقابلوا وتخرجوا ودى حاجة جميلة جدااااااا ( مع احترامى للجميع ).
اسوء مافى القصة
1_ الخناقة واللى حصل فيها واستغلال البائع وتهور المشترى .
2_ تدخل الامن ودة منظر مش حضارى بالمره فى اكبر ملتقى ثقافى فى الوطن العربى .
3_ الشاعرة اللى كانت بتلقى الشعر انا حضرت ندوات قبل كده وعارف هم بيقولوا ايه ههههههههههه.
والحمد لله فى النهاية على رجوعكم بالسلامة الحمد لله
شكراااااااااااااااااااااااا
والسلام عليكم ورحمة الله وبركاتة

بجد يابختكوا .انا هموت اروح‎‎‎
محدش يعرف اروح ازاى من المنصورة

عملتي دعايا انتي كده للمعرض ده وكله دلوقتي عايز يروح

ملاقيش معاكو مكان ؟ :)

بعيدا عن الموضوع :angry2:
انا فرحانه بيكي اوي وانت اداب (( ضاعت سمعه اداب )) لغه عربيه يعني مدرسه لغه عربيه قد الدنيا :av4056bb7jp3:
بس ايه ممتازه في الاملاء :abdoog8:
بلاش تتدي حصص املاء هاه :)

جوه باه الموضوع

يارتني كنت معاكي بس مش في المعرض المعرض مش ليا اطلاقا

يارتني كنت معاكي عشان اكون معاكي انت ياقدري :)

للأسف انا رحت المعرض لمقابلة احد العارضين دار البراء في سراية 4

وفي خلال ساعة بصيت بسرعة على المعرض لاني كنت داخلة الساعة 4 وشويا وكنت بشوف الدنيا فيها ايه

ووجدت ان المعرض هذا العام ليس له قيمة

بتابع المعرض سنويا وبيكون ليا زيارة واثنين للمعرض كل عام

ولكن هذا العام بعد ما شفت المعرض وقلت الاماكن وقلة العرض وقلة الجمهور واختفار الكثير من دور النشر

قررت اني مش هروح المعرض السنة دي مع اني كنت مخطط اني اروح مساء يوم الاربعاء ومساء يوم الخميس

ونفسا المعرض يبقي احسن العام القادم ويطلع من قبضة هيئة الكتاب اللي مستغلة المعرض كمان استثماري فقط وخلاص

ومبروك عليكم العقدة في الشمس وعلى الارصفة لحد الساعة 2

ايه ده انتوا بتخرجوا مع بعض عادي كده
يا خساره كان نفسي اعمل زيكوا بس للاسف معرفش حد في المنتدى من بورسعيد خالص
اها بنخرج وبنتفسح :av4056bb7jp3:
ربنا يستر والخروجة بكرة تتم على خير
اة بورسعيد مفيش منها حد الا قليل جدا ربنا يعينك احنا هنا ف بنت المعز بحالها
شكرا على مرورك الجميل
المفروض من الاول ان حضراتكم تكونوا عارفيين ان المعرض يوم الجمعة الساعه 2 وده مكتوب فى الاعلان اللى بيتوزع مع الجرونال .
:(بيقولوا مثقفين اة لكن مش بنقرا الجرنال على طول يعنى
مأساة اتكتب علينا حاجه اسمها مترو الانفاق هههههههههههههه ايه الجديد احنا خدنا على كده خلاص .
بدل التذاكر فيه دعوات بتتوزع من مثلا اى حد عنده مطبعة بدل وجع الدماغ والطوابيرر والكلام ده .
اجمل مافى القصة
1_ ان حضراتكم نسيتم كل حاجة وروحتوا صليتوا الجمعة ,
2_ حضراتكم متعرفين على بعض من منتدى وتتقابلوا وتخرجوا ودى حاجة جميلة جدااااااا ( مع احترامى للجميع ).
اسوء مافى القصة
1_ الخناقة واللى حصل فيها واستغلال البائع وتهور المشترى .
فعلا الاتنين غلطانين بس خصوصا الراجل اللى عنده عضلات
2_ تدخل الامن ودة منظر مش حضارى بالمره فى اكبر ملتقى ثقافى فى الوطن العربى .
لا وكمان المفروض يكون قدوة ليهم ده طلع ادل منهم كمان
3_ الشاعرة اللى كانت بتلقى الشعر انا حضرت ندوات قبل كده وعارف هم بيقولوا ايه ههههههههههه.
:)فنانة من طراز احنا موصلناس علشان نفهمه ههههه
والحمد لله فى النهاية على رجوعكم بالسلامة الحمد لله
شكراااااااااااااااااااااااا
والسلام عليكم ورحمة الله وبركاتة
وعليكم السلام ورحمة الله وبركاته
جزاكم الله خيرا على المرور


بجد يابختكوا .انا هموت اروح‎‎‎
محدش يعرف اروح ازاى من المنصورة
يارب تروحوا انتوا كمان
هو ممكن حضرتك تركب من المنصورة للقاهرة ومن القاهرة اتوبيسات كتير بتوددى معرض الكتاب ف مدينة ناصر
وجزاكم الله خيرا على المرور

عملتي دعايا انتي كده للمعرض ده وكله دلوقتي عايز يروح

ملاقيش معاكو مكان ؟ :)
اشترى كتابين تاخد كيس شيبسى هدية فى المعرض:av4056bb7jp3:
بهزر والله
اهلا وسهلا بحضرتك :stickjo4:
جزاكم الله خيرا على المرور

بعيدا عن الموضوع :angry2:
انا فرحانه بيكي اوي وانت اداب (( ضاعت سمعه اداب )) لغه عربيه يعني مدرسه لغه عربيه قد الدنيا :av4056bb7jp3:
بس ايه ممتازه في الاملاء :abdoog8:
بلاش تتدي حصص املاء هاه :)
الله يجازيك يااستاذ محمد
شوهتنى قدام الملا كله
البنات ماسكينلى على الواحدة اقول ايه بس:(
بس غصب عنك هاديكى بردوا حصص املائية :angry2:

جوه باه الموضوع

يارتني كنت معاكي بس مش في المعرض المعرض مش ليا اطلاقا

يارتني كنت معاكي عشان اكون معاكي انت ياقدري :)
ربنا يكرمك يا حبيبتى
واحنا مع بعض على طول هو انت بتفارقنى لحظة احم ربنا يستر من العين
نورتينى يا سمسمتى

للأسف انا رحت المعرض لمقابلة احد العارضين دار البراء في سراية 4

وفي خلال ساعة بصيت بسرعة على المعرض لاني كنت داخلة الساعة 4 وشويا وكنت بشوف الدنيا فيها ايه

ووجدت ان المعرض هذا العام ليس له قيمة

بتابع المعرض سنويا وبيكون ليا زيارة واثنين للمعرض كل عام

ولكن هذا العام بعد ما شفت المعرض وقلت الاماكن وقلة العرض وقلة الجمهور واختفار الكثير من دور النشر

قررت اني مش هروح المعرض السنة دي مع اني كنت مخطط اني اروح مساء يوم الاربعاء ومساء يوم الخميس

ونفسا المعرض يبقي احسن العام القادم ويطلع من قبضة هيئة الكتاب اللي مستغلة المعرض كمان استثماري فقط وخلاص

ومبروك عليكم العقدة في الشمس وعلى الارصفة لحد الساعة 2
ده احنا اتشوهنا وكالنا مع بعض عيش وحلاوة
وعشنا مع بعض الحلوة والمرة ونعم الصداقة
جزاكم الله خيرا على المرور يااستاذ اشرف

:av4056bb7jp3::av4056bb7jp3:بصراحة يايويو انا لازم احسدك بقا
انا نفسي من زمان اروح معرض الكتاب بس المشكلة اني مش عايشة ف القاهرة !!!:(
بصراحة بالنسبة للموقف دا اللي ليه ظهر مش بينضرب ع صباع رجله الصغير :):)
ربنا يهدي الناس كلها
بس اجمل حاجة انك شفتي ماجدولين وهيه بجد يابختك فيه اعضاء كثيرة نفسي اشوفهم ويارب اقبلكم كلكم في يوم من الايام
شكرا ياحبيبتي ع الموضوع التحفه دا:):)
ع فكرة دا حسد بس ع خفيف:)

بجد والله يا بختكم
نفسى انا فى كام خروجه من دول
ياللا عقبال الخروجه التانيه ليكم
والف حمدا لله على السلامه

انا بعدي كل يوم من قدام المعرض
لو كنت اعرف كنت جيتلكم هناك بس يا خسارة

بس في حاجه مهمه عايز اقولها


وواحدة عمال تدور على اعمال احمد خالد توفيق(د مجدولين)


علي فكره دكتور احمد خالد توفيق هيجي النهارده المعرض 4 فبراير

السلام عليكم
طبعا انهاردة كان في ندوة فى معرض الكتاب:av4056bb7jp3::av4056bb7jp3:
وكان فيها كل من
دكتور نبيل فاروق ود/ أحمد خالد توفيق و د/سليمان عبد الملك والأستاذ تامر
لاحظو ان تلاتة منهم خريجين كلية طب:stickjo4::stickjo4:
يبقى حد يقول كلمة بقى:slap1qk6:

د/ نبيل فاروق:)

http://www11.0zz0.com/2009/02/04/19/651627181.jpg (http://www11.0zz0.com/2009/02/04/19/651627181.jpg)



http://www11.0zz0.com/2009/02/04/19/262030401.jpg (http://www11.0zz0.com/2009/02/04/19/262030401.jpg)

http://www.0zz0.com/images/spacer.gif


:av4056bb7jp3::av4056bb7jp3:د/ أحمد خالد توفيق:av4056bb7jp3::av4056bb7jp3:

http://www11.0zz0.com/2009/02/04/19/822872495.jpg (http://www11.0zz0.com/2009/02/04/19/822872495.jpg)

http://www.0zz0.com/images/spacer.gif



http://www11.0zz0.com/2009/02/04/20/217829477.jpg (http://www11.0zz0.com/2009/02/04/20/217829477.jpg)

اللى جاى دة
مشكللللللللللللللللللة جااااااامدة:romarioxp6:

http://www11.0zz0.com/2009/02/04/20/931261819.jpg

http://www11.0zz0.com/2009/02/04/20/845462311.jpg (http://www11.0zz0.com/2009/02/04/20/845462311.jpg)


دة عبد الملك يا جماعة:):)
ولد ممتااااز......الصراحة مقدرناش نسيبة فى حالة وهو عمال يتنطط قدامنا كأنة بيغيظنا!!:mad:


ان شاء الله
تفاصيل أكتر عن الندوة:)
وصور أرووووووع بكتيييييير وكمان فيديوهات حصرية لمنتدى البوابة:):)
فقط معانا
بس دلوقتى أنا راجعة مرهقة جدااااا:(:(
تصبحوا على خير:)

دودو حبيبتى
معلش بس
الاربعة خريجى طب
المهم ان ده كان يوم من اجمل ايام حياتى
خصوصا انى قابلت فيه د.سارة
و د.دياموند
و اية من الله
واصحاب المدرسة ريهام وسمر
واصاب الجامعة رانيا طبعا
غير الناس اللى انااتعرفت عليهم
بنتين اسمهم سارة
واحدة فى تالتة ثانوى
وواحدة فى تانية علاج طبيعى
والناس اللى انا اتكلمت معاهم
انتى عارفة مين طبعا
بس بجد كان يوم رااااائع

ربنا يجمعكم عالخير دايما يااااااااارب
ويوفقكم كلكم دايما
اللى جاى دة
مشكللللللللللللللللللة جااااااامدة:romarioxp6:

اكيييييييد وبدون شك جولى هى اللى صورته
انا عارفاها اما بتشوف نور بتبقى خلاص على اخرها

ربنا يجمعكم عالخير دايما يااااااااارب

ويوفقكم كلكم دايما


اكيييييييد وبدون شك جولى هى اللى صورته

انا عارفاها اما بتشوف نور بتبقى خلاص على اخرها

و الله كان نفسنا تبقى معانا يا سارة اسالى جولى حتى هتعرفى انى سالت عليكى وسلمت عليكى ولا السلام موصلش لو موصلش قوليلى عشان هيكون ليا تصرف تانى مع رورو:stickjo4:

احلى ما فى الموضوع
صورة التوقيع سيبك انت

طبعا ومقابلتك للاستاذ نبيل فاروق

دا كتاباته غلغلت فى مشاعرنا وخاصه رلاجل المستحيل

كان نفسى اتجوز راجل له صفات رجل المستحيل
والحمد لله --الحمد لله اهو حصل(
عقبال ولا تشوفى رجل المستحيل؟

السلام عليكم

طبعا امبارح يا جماعه كان يوم تحفه بكل المقاييس

استقليت أنا واخى القطار المتجهه للقاهره صباحا

ووصلت الساعه العاشره تماما

واستقليت المينى باص المتجهه للمعرض مباشرة

واه على مواصلاتك يا بنت المعز

زحمه زحمه اوى وكمان حر جدا

اسكندريه الذ بكتير:(

وصلت للمعرض واجريت مكالمه هاتفيه مع الاخت ايه من الله ثم الاخت حدوته توصلنا خلالها الى انى واقه ادام بوابه تانيه خالص غير اللى هما واقفين ادامها بعد ما قعدنا نوصف لبعض احنا لابسين ايه ومحدش شايف التانى

طبعا اخويا سابنى من اولها وذهب لمقابله احد اصدقاءه وانا اتجهت لمقابله البنات

تمت المقابله بنجاح وكان معم ايضا الاخت د/ساره واختها و بنوتين تانيين صاحبات الاخت حدوته

اتجهنا بعد ذلك الى ندوه يقدمها الكاتب احمد فتحى وهو يكتب عده روايات للمؤسسه العربيه الحديثه كما انه يكتب لجريده الدستور المصريه

وكان ضيوف الندوه العظام الدكتور نبيل فاروق والدكتور احمد خالد توفيق والدكتور تامر ودكتور سليمان

حضرت د/ ماجدولين فى منتصف الندوه والتى كانت مزدحمه للغايه كما عرفت لاحقا ان هذه اكبر ندوه تمت خلال ايام المعرض

بعد انتهاء الندوه انطلقنا للتجول فى ارجاء المعرض وبعد انا تناولن الافطار خاصه الفينو الخرافى بتاع د/ماجدولين واللانشون الحلوانى:av4056bb7jp3:

واتجهنا بعد ذلك صوب سوق الازبكيه واشترينا بعض الروايات واشترت الاخت د/ماجدولين بعض الروايات الاجنبيه

وبعد ذلك اتجهنا الىالمؤسسه العربيه المتحده واشترينا العديد من الروايات وقابلنا الدكتور نبيل فاروق وخليته يوقعلى على اربع روايات والتقطنا له بعض الصور:av4056bb7jp3:

وذهبنا بعد ذلك للتجول فى باقى انحاء المعرض وكنت ابحث عن روايه يوتوبيا لاحمد خالد توفيق وكتاب ضربه شمس للكاتب خالد كساب وهو كاتب شاب بجريده الدستور المصريه وله صفحتين فى الدستور الاسبوعى بنفس الاسم

ولحسن الحظ بعدما انهكنا البحث والتنقيب عن دار ليلى وفقدنا الامل فى شراء الكتابين وجناهم معا فى دار ميريت ووجدنا ايضا احمد خالد توفيق جالس هناك هو وخالد كساب ومحمد فتحى وحصلنا على التواقيع منهم

وعندئذ _حلوه :av4056bb7jp3:_حدثنى اخى انه فى انتظارى لنبدأ رحله عودتنا وودعت الاخوات جميعا
وانطلقنا لنلحق بالقطار

حلو التقرير ده ؟؟

انافعلا انبسطت جدا خلال اليوم ده واتمنى انه يتكرر تانى واقدر اقابل كل بناتيت المنتدى الحلوين

وعلى فكره يا ذكريات مش انا اللى صورت عبد الملك الجميل ده

انا كل اللى عملته انى جريت وراه عشان اديله بونبونى:romarioxp6::romarioxp6:



















حبيبة قلبى
انا عايزة اقولك انك نورتينا فى القاهرة
ولولا الزحمة والحر كنا فرشنالك الارض ...اى حاجة
المهم ان احناا اتبسطنا بيكى اوى

معلش الرد جية متاخر شوية بس لسة شايفة الموضوع دلوقتى

شكلة كان يوم جميل ربنا يخليكوا لبعض

انا كان نفسى اروح المعرض قوى واخويا


راح وقعدت اقولة خدنى معاك قلى تمى كتاب الفيزيا والاحياء وبعدين ابقر روحى اشترى كتب

بس خليتة يجيبلى ميكى ماوس وهو جاى

وعلى فكرة يا اية انا زيك بردة بسمعة وبكتبة سور الاسبكية