إدارة المنتدى الكرام .. أتقدم بطلب إليكم لإنشاء قسم خاص بالمشرفين السوبر وهذا الطلب جاء بعد كثرة عدد المشرفين السوبر حتى يتسنى لنا تنسيق العمل فيما بيننا وإعداد جداول أعمال منسقة للعمل فيما بيننا وبين المشرفين الإداريين .. وأنا أتقدم بطلب إنشاء قسم خاص بالمشرفين السوبر على غرار قسم الإداريين .. وشكراً جزيلاً لكم .. وأعتقد أن هذا العمل يهدف لمصلحة المنتدى أولاً والذي نسعى جميعاً لتنظيم العمل بداخله وأن يظل دائماً في أحسن صورة .. وجزاكم الله خيراً وفي انتظار الرد بإذن الله تعالى ..

طبعا يا مستر احمد

وده من حقكوا اكيد

وكمان حقوا ذاد وذاد

بعد ما اتعين مشرفين سوبر تعليمين

والعدد زاد

انا موافق علي طلب حضرتك

ومستنين راي بقيت الاداره

جزاك الله خيراً يا محمد بجد كل يوم أتأكد إن الإدارة هنا فيها مرونة أكيد لو استمرت بالشكل دا المنتدى بإذن الله .. هيبقى في أحسن حال .. دائماً .. وما توفيقي إلا بالله.

هو الفكرة مطروحة بس بشكل اكبر

بس هيتم مناقشة شكل الاقسام الادارية كلها

ووظائف الادارة والمشرفين في اجتماع يوم الاربعاء بأذن الله

سلام عليكم
الفكرة كويسة با استاذ احمد
بس فى حاجة
المنتدى عبارة عن
ادارة
ومشرفين واعضاء
الادارة ليها شغلها
والمشرفين ليهم شغلهم
اولا انا احتج ان يكون فى قسم لنواب الادارة وقسم للمشرفين الادارة
لان الاتنين يسمون ادارة
ثانيا
قسم المشرفين يضم المشرفين والمشرفين السوبر
وهنتقدر نتواصل مع بعضنا من خلاله
انما من راييى ياريت ميكونش فى قسم خاص بالمشرفين السوبر
نكتفى بقسم المشرفين
وارجو من استاذ اشرف دمج قسم نواب الادارة مع الاداريين
دمتم فى رعاية الله

سلام عليكم
الفكرة كويسة با استاذ احمد
بس فى حاجة
المنتدى عبارة عن
ادارة
ومشرفين واعضاء
الادارة ليها شغلها
والمشرفين ليهم شغلهم
اولا انا احتج ان يكون فى قسم لنواب الادارة وقسم للمشرفين الادارة
لان الاتنين يسمون ادارة
ثانيا
قسم المشرفين يضم المشرفين والمشرفين السوبر
وهنتقدر نتواصل مع بعضنا من خلاله
انما من راييى ياريت ميكونش فى قسم خاص بالمشرفين السوبر
نكتفى بقسم المشرفين
وارجو من استاذ اشرف دمج قسم نواب الادارة مع الاداريين
دمتم فى رعاية الله

فى فرق يا محمود
المسأله كلها 5 مشرفين اداريين و كانو 2 نواب بقو 1
عشان كده فعلا ملهاش لازمه حجرة نواب اداره
لكن انت عندك مشرفيييين كتيييييييييييييير
و المشرفين السوبر و السوبر التعليمى كترو عددهم زاد عن 10
عشان كده احنا موجودين فى حجرة المشرفين كمشرفين عاديين مش مشرفين سوبر
بسبب كتر الاعداد
لكن فى حجرة الاداريين المشرف الادارى بيبقى مميز و نائب المدير مميز عشان العدد محكوم
لدرجة ان احنا كمشرفين سوبر كنا هنعمل اجتماع ما بينا على الياهو لان مفيش مكان مناسب فى الموقع

فهمت الفرق؟
صحيح احنا صلاحيتنا مش زياده عن المشرفين
بس على الاقل احنا عندنا صلاحية طلب مشرفين او طلب حذف مشرفين
عشان كده المفروش يبقى لينا مكان غير حجرة المشرفين
و شكرا:)

اوكى يا ايمن
هنستنا استاذ اشرف
هنشوف رايه ايهانا تحت امرك
بقا انا منفضلك :d

ايه رايكم في السماح للمشرفين السوبر بالدخول للقسم الخاص بالمشرفين الاداريين

ايه رايكم في السماح للمشرفين السوبر بالدخول للقسم الخاص بالمشرفين الاداريين
فكرة حلوة ان السوبر يدخلوا مع الاداريين الغرفة العجيبة دى

ايه رايكم في السماح للمشرفين السوبر بالدخول للقسم الخاص بالمشرفين الاداريين


الاداره مش عاوزه تعمل غرفه للسوبر

عشان صلاحيتمه مبتزدش عن المشرف العادي

وبالتالي احنا رافضين برضه عشان مش صلاحيتنا واحده ده من حيث الحجه

ومن حيث المبدا اكيد مرفوض

انا واللورد رافضين اكيد

بسم الله الرحمن الرحيم

أولاً
أنا موافق على الإقتراح
وده للأسباب التاليه
أولاً
سهوله التواصل بين المشرفين السوبر بعيداً عن المشرفين
مناقشه أحوال المشرفين العاديين بعيداً عنهم لتجنب الحساسيات
أى نعم الخبر هنه بيطلع قبل ما يتكتب بنص ساعه بس أهوه نبقى عملنا اللى علينا
ثالثاً
هو ليه فى قسم إسمه حجره المشرفين ده لأن فيه مواضيع المفروض الأعضاء متطلعش عليه وعليه فيه قسم إسمه حجره الإدارين يبقى بالتالى لازم يكون فيه قسم إسمه حجره المشرفين السوبر

رابعاً
وارجو من استاذ اشرف دمج قسم نواب الادارة مع الاداريين
دمتم فى رعاية الله
مفيش قسم لنواب الإداره ولو لاحظت كويس هتلاقى إن مواضيعنا كنواب إداره جميعاها فى قسم الإدارين إلا قليل موضوع ومش بيبقى فى قسم نواب الإداره لأنه مش موجود أصلاً بيبقى فى قسم حجره المديرين وأعتقد إن القسم ده من حق الإداه لمناقشه الأمور الخاصه اللى المفروض حضرتكم مش تطلعو عليها .

انا كمان مش موافقة على دمج حجرة الاداريين

مع المشرفين السوبر :)


مفيش قسم لنواب الإداره ولو لاحظت كويس هتلاقى إن مواضيعنا كنواب إداره جميعاها فى قسم الإدارين إلا قليل موضوع ومش بيبقى فى قسم نواب الإداره لأنه مش موجود أصلاً بيبقى فى قسم حجره المديرين وأعتقد إن القسم ده من حق الإداه لمناقشه الأمور الخاصه اللى المفروض حضرتكم مش تطلعو عليها

:d اسمحولي احط الابتسامة دي الي تدل على اندهاشي

هو في حاجات المفروض مش نطلع عليها :d

اول مرة اعرف صراحة

وانا اقول

احنا ليه بنكلم نفسنا في حجرة الاداريين :d

طلع في حجرة مديرين


الا صحيح

ما الفرق بين مدير .. واداري :d

سأقول كلمتين للجميع .. أنا لا أريد لا غرفة للسوبر ولا أريد دمج غرفتين مع بعضهما ولا أريد أن أجتمع أصلاً .. سأقوم بدوري الذي أراده الله لي في أي مكان .. وعندما أريد أن أجتمع بأحد سأجتمع معه على الياهو .. أرجو إغلاق الموضوع وأعتقد أن هذا من حقي فأنا من أنشأته .. ولو سمحتم أطالب بإغلاق الموضوع .. ما هذا ؟ لماذا نختلف على أبسط الأمور هكذا ؟ وما معنى دخول أو عدم دخول غرفة ما ؟ ما هي السرية التي سنطلع عليها إن نحن دخلنا مثلاً .. أرجوكم .. أنا هنا لوجه الله عز وجل ولا أريد شيئاً يعطلني عن تلك الرسالة ومن أراد اللت والعجن فيما لا يريد يبقى هذا الموضوع مفتوحاً كمثله من الموضوعات.. وجزاكم الله خيراً .. والسلام عليكم