|
مشاهدة النسخة كاملة : اللى عندو نكته بايخه يدخل ويقولها nonu_gomes 12-07-2006, 10:58 PM الموضوع لذيذ وعجبنى اوى ويا رب يعجبكم الموضوع عباره ان كل اللى يدخل يقول نكته بايخه على امل انها تضحكنا شويه قبل النتيجه ابدا انا مره واحد راح للبقال قاله عندك سكر البقال قاله اه قاله ربنا يشفى محمد الزاملى 13-07-2006, 12:31 AM سيبك من الموضوع احلي حاجه في الموضوع صوره بيكهام واسمك nonu_gomes 13-07-2006, 01:31 AM ربنا يخليك يا عم بجد يعنى انا لاحظتها انك اكتر واحد بتجامل عضو جديد احمد عزت eng_7amod 13-07-2006, 04:03 AM ازيك يا احمد باشا طبعا انت عارفني كويس عموما مشكور على اشتراكك معنا وخليك فاكر دايما اني انا اللي حققت الحلميين بتوعك سلام يا عسل nonu_gomes 13-07-2006, 01:23 PM حبيبى والله ازايك يا عم بس هو ما حدش قال نكت ليه هو الموضوع وحش اوى كدة والا انا اللى تافه :o انت بتاعيرنى يا عم بالحلمين طب طب طب انشاء الله حدخل هندسه عادى ايه يعنى ادبى ادبى حدخل برضو هندسه :unsure: nonu_gomes 13-07-2006, 01:31 PM طب اديلكم نكته كمان بس رخمه اوى الملل كله كان فيه واحد عايز يشترى فرخه فراح للمحل وقال لصاحب المحل الراجل-عندك فراخ يا حاج صاحب المحل - المحل اللى فوق راح الراجل فوق عندك فراخ يا حاج عايزها حمره والا بيضه لا حمره يبقى الدور التالت راح الراجل الدور التالت وقال لصاحب المحل عندك فراخ حمره قاله متنضفه والا بريشها قاله متنضفه قاله الدور الرابع راحل الراجل الدور الرابع وقال عندك فراخ حمره متنضفه قاله عايزها بكيس والا من غير كيس قاله قاله بكيس قاله الدور الخامس الدور الخامس راح الدور الخامس وقال لراجل عندك فراخ حمره متنضفه بكيس قاله احنا ماعندناش فراخ بس ايه رأيك فى النظام......! ايه رأيكم بقى فى الملل ده هههههههههههههههههههههه :P nonu_gomes 18-07-2006, 12:48 AM للدرجادى الموضوع زباله اوى كده شكلى مواضبعى اى كلام بس حاولت اضحكم وخلاص وشكرا ليكم =ivan= 18-07-2006, 02:38 AM هههههههههههه...لا استنى..الموضوع حلو بس محدش كان فايق له خاالص.. هقول واحدة الرد الجاى The_Relativistic200 18-07-2006, 08:52 AM امممممممممممم مرة واحد صعيدى قاعد جاله تليفون الحق الحق يا صميدة ابوك وامك ماتوا فى حادثة امبارح طبعا صاحبنا كان ساكن فى برج تلاتين دور فقال لأ مش ممكن انالازم انتحر وقام ناطط من السطح وهومن الدور ال30 لل 20 قال لنفسه بس ابويا وامى ميتين من سنتين وهو من العشرين للعاشر دول كمان مماتوش فى حادثو دول جالهم القلب وماتوا وهو من العاشر للارض الله ده ماسميش صميدة اصلا :P msh200 18-07-2006, 09:24 AM هههههههههههههههه ......... طب خدوا النكته البايخه دي مره طفل صغير ابوه و امه اتقتلوا ..... فلما بقى عنده 5 سنين راح لجده و قاله جدو جدو مين إلي قتل بابا و ماما قام جدو قاله : لما تخش أولى إبتدائي هقلك .... خش أولى وراح لجده وقاله : جدو جدو مين إلي قتل بابا و ماما قام جده قاله لما تخش تانيه ابتدائي هبقى أققلك .... خش تانيه وراح لجده وقاله : جدو جدو مين إلي قتل بابا و ماما قام جده قاله لما تخش تالته ابتدائي هبقى أققلك .... خش تالته وراح لجده وقاله : جدو جدو مين إلي قتل بابا و ماما قام جده قاله لما تخش رابعه ابتدائي هبقى أققلك .... خش رابعه وراح لجده وقاله : جدو جدو مين إلي قتل بابا و ماما قام جده قاله لما تخش سنه خامسه ابتدائي هبقى أققلك .... خد خمســه وراح قال لجده : جــــــدو جـــدو مين إلي قتل بابا وماما قام جدو قــاله: لمــا تخش أولى إعدادي هبقى أققلك (الحمــد لله مكنوش ضايفين سته ساعتها) .... المهم راح و خش أولى إعدادي و نجح فيها بس المرادي خدها من قصرها ومرحش ســال جده ... و نجح في تانيه وراح قال لجده جــدو جدو مين إلي قتل بابا و ماما قاله جــد لما تنجح يا بني 3 إعدادي هبقى ققلك ...... خش تالته إعدادي و نجح و راح لجده قاله جدو جدو مين قتل بابا و ماما قاله إستنــى لما تدخل ثانويه عامه هقلك ... دخل ثانويه عامه اكيد نجح في أولى .... وراح قال لجده جدووووووووو جدوووووووو مين إلي قتل بابا و ماما قاله لما تخلص سنه أولى هبقى أققلك ..... بس هو كان متفوق و دخل كلية الطــب خلص سنه أولى وراح لجده قاله جده جده مين قتل بابا و ماما قاله لما تخلص تالته هقلك ..... خلص تالته وراح لجده قاله جده جده مين إلي قتل بابا و ماما قاله إستنى لما تخلص سنه رابعه يا بني ....قاله : ماشي و خلص سنه رابعه وراح لجدوو قاله جدووو جدووو مين قتل بابا و ماما ..قاله لما تخلص خامســه هقلك ... وكانت المشكله هنا ان هو سقط في سنه خمسه .... و مجلوش عين يروح يســأل جده و هو ساقط ... المهم إستنى السنه إلي بعدها و راح لجده قاله جده جده مين قتل بابا و ماما قاله لما تخلص سته هقولك خلص سته وراح قال لجده جدو عشان خطــري يا جدوو مين إلي قتل بابا و ماما قاله إتخرج بس وانا اققلك قالـه ماشي .... و إتخرج و حلف إنه مش هيتخصص عشان يبقى خلص تعليم وراح لجده قالــه : جدو جدو مين قتل بابا و ماما قــاله : يا حبيبي يا بني ياااااااه فاكر لما كنت في أولى إبتدائي لســه أبوك لو كان عايش كان هيفرح بيــك أوي دلوقتي بــس انته يبني كبرت ولازم تعــرف دلوقتي ميــن قتل ابوك و أمــك .. تعالى ورايا ... و خده جده على الأهرامات و طلع الهرم الســلمه الأولى .... التانيه ...... التالته ...الرابعه .. الخــامسه الســائه الســابعه التامنه التاسـعه العشره و الحادية عشر و الســلمه الإتناشر و جه عند الســلمه التلتاشر و هما طالعين ................... شبــشب جده و قع قاله معلش يا بني أنــا صحتي على أدي إنزل جيبه انته .....قاله : ماشي يا جدوووووووو نزل الســلمه الإتناشر و الحداشــر و العاشـره و9 و8 و7 و6 و5 و4 و3 و2 و1 و بعديــن قعد يرتاح شويه و بعدين خد شبشب جده و طلع الســلمه الأولى التــانيه و 3 و 4 و5 و6 و7 و8 و9 و10 و11 و12 وأول مــا طلع الســلمه التلتــاشر مصدقش عينــه و كانت المفاجئــه لقى جده مات ...قعد يعيط وقال الله يرحمــك يا جدي طب كنت إستنى شويه ... و بعديــن قال لأ بقــى أنا بقـالي مستنــي عشــرين سنـه ....لا زم أعرف مين إلي قتل بابا و ماما فراح ماشــي مــاشي ...... لقى مغاره ولقى فيها فرعــون قام رايح للفرعون قاله فرعــون فرعــون أنته تعرف مين إلي قتــل بابا و مــاما قــــــاله الفرعــون : انــا إلي قتلت باباك و مامتك ....... قام صحبنا قاله : ربنـــــا يسامحك :lol: طــب انتم زهقتوا من قريتــها انا بقــى إتشليت من كتابتها :blink: Miss_CaR!zma 18-07-2006, 09:31 AM يا سبحان الله! اول مره اسمع عن حد ينتحر بباراشوت :P يا سبحان الله! اول مره اسمع عن حد ينتحر بباراشوت :P اكيد مات من الغيظ The_Relativistic200 18-07-2006, 09:36 AM والله انا زعلان على صوابعك يا بنى اهو ده الشلل ولا بلاش امممممممممممم واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول :(على ركاب الرحله 770 المتوجهه الى الكويت التواجد بصاله الدخول)، (النداء الاخير لركاب الرحله 770 المتوجهه الى الكويت التواجد بصاله الدخول.) فموظف المطار بيقوله "رحله الكويت هتطلع يا أستاذ" ، فيرد عليه ويقوله : (يا عم دول طالعين رحله .. انا طالع شغل) =ivan= 18-07-2006, 12:26 PM ههههههههههههههههههههههههههه... احنا ممكن نضحك هنا على اننا بنسمى اللى بنقوله ده نكت... خدو دى... نكتة..الدكش.. مرة واحد كان جسمه ضعيف اوى...فحب يروح ال"جيم".... كل ما يروح جيم مينفعش.. فوصفولوا واحد قوى جبار يتعلم على ايديه...اسمه كابتن دوكش فراح فى طريق الدوكش....وهو ماشى لقى واحد طوييل عرييض بيستعرض عضلاته..قال ده لازم يبقى الدوكش... فراح ساله..ام الراجل ضحك وقالله..لالالا..الدوكش اقوى منى بكتيير..امشى قدام شوية هتلاقيه.. فمشى...لقى راجل اطول واعرض وبيشيل حديد....كان شكله تقييل قوى....فقال ده بقى الدوكش.. فراح للراجل قاللو..لالالا..الدوكش افظع منى بمراحل..هتلاقيه قدام شوية.. مشىىىىىىىى.....ولقى واحد شايل عربية نقل..واربعة بيصلحوها....ااااه اكيد ده الدوكش فراح للراجل اللى شايل العربية ده..انت كابتن دوكش؟؟؟ قاللو لا طبعا....انا اجى ايه جنب الدوكش...امشى كدة هتلاقيه قدام شوية فمشى قدام..لقى واحدبيسند عمارة كانت هتقع..بايد واحدة...وطبعا ده مكنش الدوكش.لان الدوكش زى ما احنا عارفين....اقوى من كدة بكتيييييير فى اخر الطريق....لقى واحد عجووووووووز....قاللو : يا حاج يا حاج...انا تعبت قوى...ممكن تقوللى الدوكش فين؟؟ قاللو: اه يا ابنى..بيته هنا...وقام مشاورله على البيت فراح البيت وبيخبط على الشقة..اللحظة الحاسمة....فتحتله واحدة...قاللها الدوكش موجود؟؟قالتلو لا..العنوان غلط..كابتن دوكش فى العمارة اللى جنبنا.. فراح العمارة اللى جنبهم وبيخبط على الشقة المناظرة...ففتحتله واحدة..قالتله..لا الدوكش فى الشقة اللى قدامنا دى على طول... قال الحمد لله...وراح يخبط...المرة دى كان الباب موارب...وقبل ما يفتحله حد..لمح صورة فى الصالة كبييييرة ومكتوب عليها...كابتن دوكش... فرح قوى..وقعد يستنىىىى..لحاااد ما واحدة فتحتله...قاللها...ده منزل الدوكش؟؟؟ قالتلو اه طبعا...بس هو بيشرب شاى فى القهوة اللى تحتنا.. فراح القهوة وسأل عليه..قالولو ..لا ده راح مشوار...فقال هاقعد على القهوة استناه.. جه يعد على القهوة...قعد على شااااااى.. ههههههههههه..معلش بقى نسيت اكتب تحذير فى الاول .::. ممنوع لضعف القلب ومرضى السكر.. nonu_gomes 18-07-2006, 11:50 PM شكرا اوى يا شباب للردود والنكت الرخمه اوى دى ايوة كده ضحكونا شويه هههههههههههههههههههههههه بس اكيد الراجل بتاع نكته الدكش كان بيدور عليا ع العموم قوله اننا جنب الكوبرى اللى فوق السفينه اللى تحت الطياره اللى ... يعنى ادخل شمال حتلاقى قهوه بعد القهوه اكيد قهوه وبعديها اكيد.... نسيت بص انا .... مستنى مزيد من النكت msh200 19-07-2006, 06:17 AM هههههههه .... موضوع النكت البايخه دا منتشـر اوي بين الناس بجد ..بمعنى ان في ناس بتقول نكت بايخــه اوي و بتضحك عليهــا كان عندنــا استاذ بيقول نكت و يموت على نفسـه من الضحك عليها و هيه .............. كان بيقول مثلا مره واحد مع مــوبايل كاميرا صور الحيطه .... و يمـوت على نفسه من الضحــك ... وكنت لازم أضحك عشــان اجامله يلى مش مشكــــله خـــــدوا بقى النكته البايخه دي .... مره واحد غبي اوي اشترا مرايا و بص فيها قام قايل لأخوه الشــكل الي في المرايا ده مش غريب عليــا .... قام اخوه خد منــه المرايا وقاله ورينــي كده و قــام قله : مش عارف دا مين دانـاـ :rolleyes: nonu_gomes 21-07-2006, 01:43 AM جامد يا باشا وخصوصا الاستاذ العثل ده ونكتتى بقى مره طفل بيسأل ابوه بابا بابا بابا هو احنا جينا ازاى فى الدنيا دى وطبعا ابوه قاله زى ما كان بيقولولنا دايما واحنا صغيرين على اى حاجه لما تكبر حتعرف فالواد قعد يعيط فقاله ابوه حقولك يابنى احنا جبنا شويه ميه فى كوبايه وحطينا فيها شويه سكر وقلبناها وحطيناها تحت السرير صحينا لقيناك فالواد فرح اوى .....راح عامل زى ام ابوه ما قاله واحطهم تحت السرير صحى من النوم لقى صرصار فى الكوبايه قام مسك الصرصار كده وقاله اه لو ما كنت ابن كنت فعصتك هههههههههههههههههههههههههههههههه ياترى الولد ده لو كان لقى شويه نمل كده كان حيعمل ايييييييييييييه؟.. هههههههههههههههههههههههههههههههههههههه يار ب تعجبكم :D MohammeD el_SadaT 30-07-2006, 02:33 AM واحد مبيحبش الجرى والجرى بيحبه هههههههههههههههههههههههههه رخمه رزله ههههههههههههههههه مسيو محمد عياد 30-07-2006, 03:50 AM هههههههههههههههههههههههههههههههههههههههههههههههههه ههههههههههههههه بجد يا نونو شكراً على هذا الموضوع أول مرة أحس أني بسمع نكت لأول مرة nonu_gomes 03-08-2006, 01:27 AM شكرا يا جماعه للردود الجميله دى والنكت الرزله اوى دى ههههههههههههههههههههههههههههههههههههههههههههههه وشكرا ليك يا محمد يا عياد على ردك ويا رب نكون ضحكنا اخيرا هههههههههههههههههههههههههههههههههههههههههههههه JuMpO 03-08-2006, 03:14 AM مرة واحد كان عيان وراح عند الدكتور قاله يا دكتور انا عندي مرض كذا الدكتور اتخض وقال لازم اتأكد بنفسي راح وبعد ما اتأكد كتبله روشته وقال له اوعى تقرأها خلي اي حد يقرأهالك راح لمراته قالتله ها عملت ايه قال لها الدكتور كتبلي روشتة وقالي خلي اي حد يقرأهالك خدتها مراته وقرتها واحمرت عينيها وقالتله لازم تطلقني ولمت هدومها وراحت على بيت ابوها وهو راح وراها ابوها قاله ايه اللي حصل يا بني اكيد عين وصابتكوا قاله الزوج انا رحت عند الدكتور وكتبلي روشته وقالي خلي اي حد يقرأهالك قال حماه فينها قاله اهه قال حماه يا خرااشي يا لهوي انت لازم تتطلق بنتي حالا وبعد عناء طلقها وهو ماشيفي الشارع كان بيعيط قابله راجل قاله انت بتعيط ليه قاله عشان انا رحت عند الدكتور وكتبلي روشته وقالي خلي اي حد يقرأهالك فقرأها الراجل وقاله انت لازم تسيب البلد حالا راح ساب البلد وسافر بالقطار لبلد تاني وقعد يعيط ويعيط ويعيط ويعيط ويعيط ويعيط قابله راجل قاله انت بتعيط ليه دا انت كبير والمفروض تبقى زي الرجاله متعيطش راح الراجل قاله انا بعيط عشان انا رحت عند الدكتور وكتبلي روشته وقالي خلي اي حد يقرأهالك فقرأها الراجل وقاله انت لازم تنط من القطر وتسيب الجمهورية دي راح حجز تزكرة طيارة وقعد يعيط ويعيط ويعيط راحت المضيفة قالتله انت بتعيط ليه يا أفندم قالها عشان انا رحت عند الدكتور وكتبلي روشته وقالي خلي اي حد يقرأهالك فقرأتها المضيفة وقالتله انت لازم تنتحر وتنط من الطيارة ال ما وصل عند باب الطيارة وجهز نفسه واتفتح الباب قبل ما ينط قال لازم أقراها اول ما جيه يفتح الورقة راح وراح وراح الهوى طيرها |