لجميع المشرفين والسوبر والاداري [الأرشيف] - بوابة الثانوية العامة المصرية

عبقرينومان

05-02-2009, 08:04 AM

السلام عليكم

بصوا يا جماعة مما لا شك فيه ان طريقة تعامل بعض المشرفين وبعض الاداريين في طريقة الرد وطريقة طرح المواضيع وفي توقيعهم اصبحت مستفزة تجعلك حتى لا تحاول النقاش معهم

وابسط الامثلة كان في موضوع للاستاذ احمد نجم المشاعر كمية الردود المستفزة من بعض الناس كانت صعبة كانت كفيلة بأن الراجل يغلي الفكرة

وكمان في بعض التوقيعات اللي بترمي عليا انا شخصيا باسلوب ساخر وانا مش هقبله لو لم تتعدل

وكمان في مواضيع عنواينها صعبة ومضمونها جيدة بس معروض بطريقة صعبة تجعلك متحاولش حتى بالرد عليها

وكمان في مشرفين اداريين متخيلين انهم بطريقتهم دي هيعملوا اللي هما عايزينه

ومثال زي موضوع الاخت بنت الاسلام انا حذفت موضوع لها لاي شايف انه مش مناسب يتكتب على راجل زي ملك السعودية حتى لو كان صحيح

ولقيت العضوة عاملة موضوع وانا رديت عليها واكتشف ان الاداريين بيدافعوا عنها وبيهاجموني وكأني ضربت العضوة ولما العضوة قفلت لها الموضوع عملت موضوع تاني ساخر بتعرفني فيه ايه هي السخرية من ملك السعودية وطبعا بعض المشرفين والمشرفين الاداريين منهم عمل هيصة وفرح

ولما وقفت العضوة لقيت بعض المشرفين دول وبعض المشرفين الاداريين ايضا عاملين حملة توقيع موحدة تضامنا مع غزة قصدي تضامنا مع بنت الاسلام

والان الله اكبر على الناس الجميلة اللي عاملة حملة توقيع ساخرة من عبقريا يدعي ان الحق فيه

وامبارح كان في اجتماع ببنها كان في ناس عايزة تيجي وناس عايزة توقف الاجتماع بأي شكل

ومشرفين يتفقوا مع بعض لمنع الاجتماع ومنهم بعض المشرفين الاداريين اللي متخيلين انهم لو ما راحوش الاجتماع ان الاجتماع هيلغي

وفي بعض المشرفين وبعض المشرفين الاداريين متخيلين انهم لو تركوا الاقسام والموقع الدنيا هتقف

وامبارح كان اجتماع كويس ومميز جدا عرف كل واحد في الاقسام التعليمية دوره مين المشرف وبيعمل ايه ومين المشرف السوبر وبيعمل ايه ومين المشرف الاداري وبيعمل ايه ومين المدير وبيعمل ايه ومين المسئول في المجلة عن ايه وبيعمل ايه ومين المسئول عن كذا واللي منهم محتاج صلاحية تعيين مشرف ومين منهم يختار شكل المشرفين والمدرسين

وانا بسبب نجاح اجتماع امس بجدد الدعوة تاني لاجتماع خاص بالمشرفين السوبر والمشرفين الاداريين واسلام والسادات وكمان مشرفين الاقسام

للمناقشة في الصلاحيات والمناقشة في الادوار ومين محتاج صلاحية ومين مش محتاجها ومين مسئول عن جزء معين في المجلة ومين اللي مش عاجبه كذا ومين اللي عنده سلبية

انما بهذا الاسلوب وبهذا الوضع يصعب العمل

وكمان انا الايام دي شايف ناس تستحق الاشراف الاداري وناس تانية تستحق الاشراف السوبر وكمان شايف ان في ناس تنفع تكون مدير للموقع

فبأذن الله انا بطرح الاجتماع للجميع عدا المسئولين عن الاقسام التعليمية

وبأذن الله هكون انا والاستاذ عصام في الاجتماع معاكم لتوضيح وحل المشاكل

فرجائي تحديد موعد قريب الاسبوع القادم في اي مكان بالقاهرة تختاروه وفي اليوم المناسب للجميع

وبطلب من هو ساخر بتوقيعه مني تغيره لكي لا يتم منعك من التوقيع نهائي

وللعلم هذا الموضوع ليس لكي نقول مين الصح ومين الخطأ ومين اللي عمل الكلام السابق ومين اللي معملش

انما هو موضوع وصفا لحال الاشراف غير التعليمية وفاتحا لصفحة عمل جديدة تقترحونها انتم انما في اجتماع وليس على الياهو ولا علي المنتدى

والسلام عليكم

أحمد حافظ جلال

05-02-2009, 08:29 AM

الحق يقال
إن للنجاح أعداء مثبطين
فلقد أبحرت كثيرا علي صفحات الانترنت
وتنقلت بين مختلف المنتديات التعليمية وغيرها
ولكنني قسما بالله لم أر مثل منتدانا تفوقا ونجاحا
فالإبداع أحد سماتنا في المنتدي
وصبرا أخي أشرف فالحق دائما هو المنتصر بإذن الله

M.Sherif

05-02-2009, 09:12 AM

ان شاء الله
الحمد لله رب العالمين ان الاجتماع نجح و ده اللي يهمنا
و يارب صفي النفوس
و انا بصراحة أفضل اني لما اكون زعلان من حد أقوله في وشه
و نتصافي
لان التسامح أجمل شئ في الوجود
لكن اسلوب التورية بيبقا فيه نوع من ........
اسلوب غير مستحب
و ياريت يا استاذ اشرف تكمل جميلك ((بدون تطفل مني))
و تشوف الجماعة الزعلانين و زعلانين ليه
و ليه الحملات دي
اكيد يا استاذ اشرف مش بدون مبرر
و جزاك الله خيرا و الاستاذ عصام علي التطوير في المرحلة الابتدائية

عبقرينومان

05-02-2009, 09:35 AM

General

05-02-2009, 09:44 AM

فرجائي تحديد موعد قريب الاسبوع القادم في اي مكان بالقاهرة تختاروه وفي اليوم المناسب للجميع

مينفعش حضرتك تسبها مفتوحه كده
لأن كده كل واحد هيقول مكان فى وادى شكل
وكل واحد هيقول معاد شكل

حضرتك تختار مكان ومعاد مناسب و يكون تقريباً مناسب للجميع
وهنشوف مين الى هيوافق ومين هيروفض وإيه اسبابه واقتراحاته
تحياتى ...:078111rg3:

عبقرينومان

05-02-2009, 11:33 AM

مينفعش حضرتك تسبها مفتوحه كده
لأن كده كل واحد هيقول مكان فى وادى شكل
وكل واحد هيقول معاد شكل

حضرتك تختار مكان ومعاد مناسب و يكون تقريباً مناسب للجميع
وهنشوف مين الى هيوافق ومين هيروفض وإيه اسبابه واقتراحاته

تحياتى ...:078111rg3:

انا نازل القاهرة الآن وبأذن الله هحاول انسق مع مكان كويس في القاهرة

لفتح صفحة جديدة مع المشرفين والاداريين

واللي مش عايز يفتح معانا الصفحة ممكن بسهولة يطوي الكتاب

mR . mOstafa Fathi

05-02-2009, 11:39 AM

لفتح صفحة جديدة مع المشرفين والاداريين

واللي مش عايز يفتح معانا الصفحة ممكن بسهولة يطوي الكتاب
الله ينور عليك يا ابو ادم
هى دى الخلاصة

وربنا يقدم اللى فيه الخير واللى فى صالح البوابة

MoHaMeD ELsHeRbEnY

05-02-2009, 12:04 PM

بصوا يا جماعة مما لا شك فيه ان طريقة تعامل بعض المشرفين وبعض الاداريين في طريقة الرد وطريقة طرح المواضيع وفي توقيعهم اصبحت مستفزة تجعلك حتى لا تحاول النقاش معهم

اولا انا عمرى ما كلمت حضرتك بطريقة وحشة

مش خوف على فكرة

بس احترام لان حضرتك اكبر منى سنا

حضرتك تقدر تفسر الطريقة الوحشة دى لية ؟؟

حضرتك فيةكام موضوع فى حجرة الادارين

حضرتك مقولتش فيهم كلمة

موضوعى بتاع الحصر للمنتدى

كان رد حضرتك ممتاز وائع وفوق الوصف

ولا رد تانى فى التنفيذ

وما زلنا فى انتظار الرد التانى

والموضوع دة بقالة شهور

موضوع محمود قول الى فى نفسك عبر عن قسمك

شوف بقالة قد اية

حضرتك عملت فيه حاجة

موضوع هند

بنترجى حضرتك تدخل ترد

وتقول رايك

اى ان كان

حضرتك رديت امبارح

رد اساسا خارج الموضوع

معلش لو كنت طولت فى النقطة دى

وكمان في بعض التوقيعات اللي بترمي عليا انا شخصيا باسلوب ساخر وانا مش هقبله لو لم تتعدل

حضرتك هوة التوقيع الى بتكلم علية دة

لية انت الوحيد الى اخدتة على نفسك

المنتدى فية اكتر من 4 فى اسمهم عبقرى

ولو وقفنا على الواحدة كدة

مش هتمشى المركب

دا راى

والان الله اكبر على الناس الجميلة اللي عاملة حملة توقيع ساخرة من عبقريا يدعي ان الحق فيه

وامبارح كان في اجتماع ببنها كان في ناس عايزة تيجي وناس عايزة توقف الاجتماع بأي شكل

ومشرفين يتفقوا مع بعض لمنع الاجتماع ومنهم بعض المشرفين الاداريين اللي متخيلين انهم لو ما راحوش الاجتماع ان الاجتماع هيلغي

وفي بعض المشرفين وبعض المشرفين الاداريين متخيلين انهم لو تركوا الاقسام والموقع الدنيا هتقف

حضرتك اولا انا هتكلم عن نفسى الاول

انت عارف انى اكتر واحد كنت ناوى اجى

وقلت دة فى الرد بتاعى

وانا للاسف معرفش المكان

وطلبت من حضرتك

اجيب معايا شخص بدون ذكر اسماء وحضرتك رفضت

علشان يعرفنى الطريق

وقلت انك هتوصفة ليا

وطبعا الوصف انا مش ممكن هقدر اوصل بية

وبعدين عرفت ان السادات هيجى

واتفقنا اننا نروح مع بعض

لحد اخر لحظة

حلت عندى ظروف

والسادات اصلا طل عندة شغل فى اليوم دة

طيب نعمل اية

اما بقى بالنسبة لهند وناصر

هند بنت صح

من غير اى كلام

مينفعش انها تحضر

وناصر فى ايطاليا

محمود طة وسعت ان عندة ظروف

ودا اى حصل بقى وخلاص

ياريت منقعدش نعيد ونذيد فية

عشان المركب تمشى

وانا بسبب نجاح اجتماع امس بجدد الدعوة تاني لاجتماع خاص بالمشرفين السوبر والمشرفين الاداريين واسلام والسادات وكمان مشرفين الاقسام

للمناقشة في الصلاحيات والمناقشة في الادوار ومين محتاج صلاحية ومين مش محتاجها ومين مسئول عن جزء معين في المجلة ومين اللي مش عاجبه كذا ومين اللي عنده سلبية

ان شاء الله لو معنيش ظروف

هحضر بامر الله

دا كان تعليقى على كلام حضرتك بس

ياريت ميزعلكش ولا يزعل حد

فى رعاية الله

عبقرينومان

05-02-2009, 12:05 PM

الله ينور عليك يا ابو ادم
هى دى الخلاصة

وربنا يقدم اللى فيه الخير واللى فى صالح البوابة

وادعي لي ربنا يوفقني في مشواري الان للقاهرة علشان اشوف مكان كويس للسادة المشرفين

وربنا يقدم ما فيه الخير

عبقرينومان

05-02-2009, 12:11 PM

M.Sherif

05-02-2009, 12:45 PM

إلي الاستاذ اشرف و الاستاذ عصام علي وجه الخصوص
انا اسف علي عدم جضوري اي اجتماع في الوقت الحالي مخصص لمشرفين الاقسام اللي انا منهم
لأني والله عامل زي اللي بيدور في ساقية في الوقت الحالي
عمال كتير عندي في الشقة لازم اكون واقف معاهم لان مافيش غيري معاهم
و حضراتكم عارفين قصة التوضيب دي
موال
لكن تقصير في الدخول للمنتدي او في واجبات الاشراف مش هيحصل إلا علي جثتي
الحمد لله يوميا لازم اكون موجود في المنتدي
من اي سايبر او ع الموبايل او في البيت
فترة بس لمدة عشر ايام مثلا
و بعدها ان شاء الله مستعد لحضور اي اجتماع ان شا الله في الصومال
لكن برضه أي قرارات يخرج بيها الاجتماع هتتنفذ فورا ان شاء الله في المرحلة اللي انا فيها
مافيش جدال
و أرجو بعد كل اجتماع
يبقا في موضوع في حجرة مشرفي الاقسام يبين و يوضح ايه اللي حصل في الاجتماع
و ايه اهم القرارات اللي تهمنا
و المهام الجديدة المكلفين بيها
علشان يستفيد برضه اللي عنده ظروف مثلي و يعرف ايه اللي تم
و شكرا جزيلا
و من نجاح إلي نجاح ان شاء الله

MoHaMeD ELsHeRbEnY

05-02-2009, 01:00 PM

وانا قلت اللي عدا مش مجال للمناقشة يا استاذ محمد انما انا هبدأ صفحة ادارية جديدة بدون اسباب ادارية لانكم هتكونوا فيها البطل والحكم على تصرفات الجميع وعلى تصرفاتكم انتم كمان

متاسف والله

ماختش بالى

بس انا حبيت اعبر عن راى مش اكتر

ولو تحب انى احذف الرد انا ممكن احذفة

فى رعاية الله

أحمـدنجـم

05-02-2009, 02:14 PM

اولا مش زعلان

ثانيا الاجتماع معمول علشان السلبيات اللي في الموقع واللي في بعض الناس شيفاها في انا مش في الموقع

ونتكلم بكل صراحة ووضوح

وهنعطي صلاحيات اوسع لبعض الناس وهيكون في تعيينات جديدة بعد رايكم

وانا قلت اللي عدا مش مجال للمناقشة يا استاذ محمد انما انا هبدأ صفحة ادارية جديدة بدون اسباب ادارية لانكم هتكونوا فيها البطل والحكم على تصرفات الجميع وعلى تصرفاتكم انتم كمان

واللي يقدر يحضر الاجتماع اهلا بيه واللي مش قادر بسبب ظروف خارجة عن ارادته فربنا يكون في عونه وكلنا نسامحه

وان شاء الله هيكون اجتماع موفق لانه هيكون فيه خطوط حمراء وسوداء وكمان اصفر
أخي أشرف .. أخي محمد اللورد .. إلى كل مشرفي وإداريي المنتدى .. تحية طيبة ممزوجة بمحبة خالصة لوجه الله تعالى ... أرى أن هذا الموضوع يمثل بالنسبة لي إشراقة جديدة لإدارة الموقع .. فنحن يجب أن نتناقش ونحل الكثير من اللوغاريتمات .. التي أصبحت تملأ الردود والمشاركات وكأن الكل ماسك على الكل أخطاء .. لا أدري ما السبب الحقيقي وراء ذلك .. إن كان مثلاً أ/ أشرف قد أخطأ في تقدير ما أو تصرف ما .. فهو الآن يفتح صفحة جديدة مع الجميع .. وإن كان يريد أن يعرف منكم ما الخطأ الذي ترونه .. فها هو يفسح المجال لكل من يريد أن يتكلم ويتحدث بحرية مطلقة ..
أنا أحيي أ/ أشرف على تلك المبادرة .. وأنا بإذن الله تعالى سأكون أول من يحضر الاجتماع .. لأن مهمتى الأولى والأخير .. هي الحب ..
لا تتعجبوا .. فبالله .. بدون حب .. لن نحقق أي شيء لا لأنفسنا ولا للمنتدى .. يجب أن نقيم جسور المحبة أولاً بيننا .. ونمحو آثار أي خلافات .. مع اليقين أن الخلافات لن تنتهي ولكن قاعدتنا هي الحب التي ننطلق منها ونعود إليها ..

أشارك في النداء للجميع .. ها هي فرصة حقيقية لإخراج مكنونات الصدور .. إلى النور .. في صفاء وحبور .. وجزاكم الله خيراً ..
وفي انتظار تحديد الزمان والمكان بإذن الله تعالى ..

..Just Stop

05-02-2009, 03:02 PM

جزاكم الله خيرا
موافقين نبدأ صفحة جديدة
:::::::::::::::::
ليا تعليق على حاجتين
اولا توقيعى عادى مفيهوش اى حاجة
حضرتك اخدته على نفسك ليه
عادى جدا مفيهوش اى حاجة
انا موش عارف حضرتك اخدته على نفسك ليه
::::::::::::::::::::::::::
ثانيا
بخصوص الاجتماع الادارى
محمدمن دكرنس واسلام من المنورة ونا من المنصورة
والسادات من طنطا
فلو حضرتك عايز تعمل اجتماع يبقا فى المنصورة
علشان الكل ييبقا قريب
لو اتعمل فى القاهرة
مش هقدر اجى لظروف خارجة عن ارادتى
ربنا يقدم اللى فيه الخير

:::::::::::::::::::
ولو توقيعى مشعاجب حضرتك قوللى ونا اغيره
دمت فى رعايةالله
ومبروك نجاح الاجتماع

MoHaMeD ELsHeRbEnY

05-02-2009, 08:31 PM

::::::::::::::::::::::::::
ثانيا
بخصوص الاجتماع الادارى
محمدمن دكرنس واسلام من المنورة ونا من المنصورة
والسادات من طنطا
فلو حضرتك عايز تعمل اجتماع يبقا فى المنصورة
علشان الكل ييبقا قريب
لو اتعمل فى القاهرة
مش هقدر اجى لظروف خارجة عن ارادتى
ربنا يقدم اللى فيه الخير

موافق جدا جدا

ويعتبر اغلب الادارين موافقين

ياريت نسمع راى الاستاذ اشرف

فى رعاية الله

_GUIDE_

05-02-2009, 08:46 PM

هقول ايه بس
منه لله صاحب فكرة التعليق فى التوقيع
الحمد لله انا طيب مبعملش حاجة :(

Travel

05-02-2009, 10:10 PM

على فكرة دى المرة الخامسة اللى ارد معرفش بقى رى هنزل ولا لأ :angry2:

ومثال زي موضوع الاخت بنت الاسلام انا حذفت موضوع لها لاي شايف انه مش مناسب يتكتب على راجل زي ملك السعودية حتى لو كان صحيح

ولقيت العضوة عاملة موضوع وانا رديت عليها واكتشف ان الاداريين بيدافعوا عنها وبيهاجموني وكأني ضربت العضوة ولما العضوة قفلت لها الموضوع عملت موضوع تاني ساخر بتعرفني فيه ايه هي السخرية من ملك السعودية وطبعا بعض المشرفين والمشرفين الاداريين منهم عمل هيصة وفرح

ولما وقفت العضوة لقيت بعض المشرفين دول وبعض المشرفين الاداريين ايضا عاملين حملة توقيع موحدة تضامنا مع غزة قصدي تضامنا مع بنت الاسلام

ما حضرتك تقول على طوول TRAVEL وخلاص:rolleyes:
لا ادارين ولا مشرفين اقسام عملوا كده غيرى:bosyht9:
للعلم بالشئ
التوقيع كانت فكرته من تصميمى :d
حسيت ان ملوش لازمة ف شلته وقلت لنفسى انى اكبر من كده شوية:blush:

والان الله اكبر على الناس الجميلة اللي عاملة حملة توقيع ساخرة من عبقريا يدعي ان الحق فيه

فيه موقف حصل للكاتب احسان عبد القدوس كان كاتب موضوع ف مجله روز اليوسف
فالمهم النيابه استدعته عشان المقاله دي
وسألته ايه المقصود بعباره مكتوبه
كان رده بسيط انه مسئول عن المذكور ف المقال
لا المعاني المقصوده م المقال
هو حرام يعني بيت الشعر دا
كل واحد يفهم ع مزاجه
انا ليا باللي انا كاتباه
:rolleyes:

ومشرفين يتفقوا مع بعض لمنع الاجتماع ومنهم بعض المشرفين الاداريين اللي متخيلين انهم لو ما راحوش الاجتماع ان الاجتماع هيلغي

اكييد انا مش منهم لان كان نفسى اجى بس مكنش في كلمة مشرفين كمان ان الاجتماع اتغر مكانه وانا اخرى اخر الشارع<_<
بجدد الدعوة تاني لاجتماع خاص بالمشرفين السوبر والمشرفين الاداريين واسلام والسادات وكمان مشرفين الاقسام

وفاتحا لصفحة عمل جديدة تقترحونها انتم انما في اجتماع وليس على الياهو ولا علي المنتدى

شكلها هترسى على اجتماع فى كونفرس على الياهو افضل
نظرا
لاختلاف الاراء على مكان الاجتماع^_^
لان انا اخى القاهرة وتحددا مصر الجديدة -_-

عبقرينومان

05-02-2009, 10:37 PM

تعقيبا على الاستاذ محمود طه

بخصوص التوقيع فطبعا مزعلني ويا ريت تشيله

ونفس الكلام للاخت ترافيل

بخصوص الاستاذ شريف
حضرتك مشرف تعليمي ولست ضمن المشرفين الغير تعليمين

بخصوص الاجتماع انا كنت اليوم في القاهرة وفي انتظار تأكيد الحجز قريبا

يعني بأذن الله يوم الاحد هقول لكم المكان بالضبط هيكون فين

ويوم ايه وكل التفاصيل

انما الاجتماع مش هيكون خارج القاهرة

MohammeD el_SadaT

05-02-2009, 10:42 PM

كويس الكلام وأنا موافق على الإجتماع لو كان فى القاهره أى يوم من بعد السبت القادم بإذن الله
والسبب .

إن الإجتماع لو كان فى القاهره حضرتك هتقدر تتصرف فى مكان نجتمع فيه أى مكان تانى هيبقى صعب جدااااً نرتب مكان .

غير إن القاهره هيبقى سهل جداااً على معظم الأشخاص اللى عاوزه تحضره سواء مشرفين إدارين أعضاء .

صوت الحق

05-02-2009, 11:02 PM

عبقرينومان

05-02-2009, 11:31 PM

قلنا خلاص صفحة جديدة بيقى نبطل كلام من الجميع
ثانيا
هو حضرتكم حنحضرو الاجتماع بالكلام فقط ولا لازم يكون فيه جدول اعمل وعليه على جميع المشرفين الاداريين والسوبر والمشرفين عمل تقرير عن القسم الخاص به وعلى الاداريين كل المنتدى وارسالة لى لكى اجمعهم جميعا ويتم النقاش فى هذا
ده جزء من جدول اعمال مؤتمر الامس ياريت تشوفوه ونعمل مثله

السلام عليكم

يا استاذ عصام

انا امبارح روحت البيت الساعة 10 والنهاردة رجت القاهرة لمعرض الكتاب وكام مشوار وتنسيق مكان لاجتماع

ولم استطع تنفيذ قرارات الاجتماع التعليمي بالأمس

لذلك بأذن الله سأقوم بالعمل على تنفيذ جميع قرارات امس ومنح الصلاحيات المذكورة في الاجتماع

وعمل تقرير مفصل عن الاجتماع وقراراته في المنتدى

ويا رب الناس تشوفوا كلام الاستاذ عصام وتحاول تعمل نفس الفكرة السابقة

الاستاذ محمد سرور

05-02-2009, 11:42 PM

ربنا يوفقكم فى الاجتماع القادم

مس رانيا حسن

06-02-2009, 12:06 AM

بالتوفيق للجميع
والله المستعان

مستر طارق فؤاد

06-02-2009, 12:40 AM

ربنا المستعان.. و يقدرك يا أستاذ اشرف و يا استاذ عصام على الحمل الكبير ده خاصة من المشرفين صغيري السن واللي خبرتهم الاجتماعية في الحياة لسة ما نضجتش بما فيه الكفاية.. وياريت ماتزعلوش منهم لأنهم إخواننا الصغيرين و كمان أكيد قلبهم على المنتدى اللي مجمعهم ونفسهم يطور بس ساعات بيسيئوا اختيرا الطريقة

M.Sherif

06-02-2009, 12:49 AM

بخصوص الاستاذ شريف
حضرتك مشرف تعليمي ولست ضمن المشرفين الغير تعليمين

يا استاذ اشرف يا أخي الحبيب
حضرتك ارسلت لي رسالة علي الخاص فيها رابط هذا الموضوع
ففهمت أنا بالمنطق
أن الموضوع يهمني بشكل أو باخر
ولذلك جاء الرد مني
و بشكل عام
و لا أقصد حضور أو عدم حضور الاجتماع المخصص
للاداريين غير التعليميين
انا بتكلم علي الاجتماعات بشكل عام في الفترة الحالية
علشان رد حضرتك يوحي للقارئ اني تطفلت عندما أضفت تعليق في هذا الموضوع !
الواحد بعد كده يحذر و يختار الموضوعات اللي يرد فيها جيدا :)
شكرا جزيلا علي توضيحك أخي الفاضل

عبقرينومان

06-02-2009, 09:42 AM

يا استاذ اشرف يا أخي الحبيب

حضرتك ارسلت لي رسالة علي الخاص فيها رابط هذا الموضوع
ففهمت أنا بالمنطق
أن الموضوع يهمني بشكل أو باخر
ولذلك جاء الرد مني
و بشكل عام
و لا أقصد حضور أو عدم حضور الاجتماع المخصص
للاداريين غير التعليميين
انا بتكلم علي الاجتماعات بشكل عام في الفترة الحالية
علشان رد حضرتك يوحي للقارئ اني تطفلت عندما أضفت تعليق في هذا الموضوع !
الواحد بعد كده يحذر و يختار الموضوعات اللي يرد فيها جيدا :)

شكرا جزيلا علي توضيحك أخي الفاضل

لا انت حريف اجتماعات قوي

ما انت كبرت للاجتماع التعليمي يا ريس

Travel

06-02-2009, 10:11 AM

تعقيبا على الاستاذ محمود طه

بخصوص التوقيع فطبعا مزعلني ويا ريت تشيله

ونفس الكلام للاخت ترافيل

وبما ان توقيعى انا ومحمود مطابق

فيه موقف حصل للكاتب احسان عبد القدوس كان كاتب موضوع ف مجله روز اليوسف
فالمهم النيابه استدعته عشان المقاله دي
وسألته ايه المقصود بعباره مكتوبه
كان رده بسيط انه مسئول عن المذكور ف المقال
لا المعاني المقصوده م المقال
هو حرام يعني بيت الشعر دا
كل واحد يفهم ع مزاجه
انا ليا باللي انا كاتباه
:rolleyes:

انا قلت اقتبسه تان يمكن ردى مبكونش اتقرا كويس
بالنسبة للاجتماع
كده فى ولاد كتيير جاية وانا اتكسف اجى :blush:

Dr.ahmed91

06-02-2009, 10:30 AM

كده فى ولاد كتيير جاية وانا اتكسف اجى :blush:[/center]

و أنا كمان

:bosyht9::bosyht9:

أنا عمري ما روحت قاهرة المعز ولا أعرف هيا فين...

أنا أخري أطلع من اسكندرية...وأروح العجمي

:romarioxp6::romarioxp6::romarioxp6:

عبقرينومان

06-02-2009, 10:37 AM

وبما ان توقيعى انا ومحمود مطابق

انا قلت اقتبسه تان يمكن ردى مبكونش اتقرا كويس
بالنسبة للاجتماع
كده فى ولاد كتيير جاية وانا اتكسف اجى :blush:[/center]

انا شفت ردك

واكيد شفتي ردي بأنه يجب تغير التوقيع

Travel

06-02-2009, 10:52 AM

انا شفت ردك

واكيد شفتي ردي بأنه يجب تغير التوقيع
اعتقد ان دى حرية شخصية ولا تحمل اساءة لاحد
وبعدين
انا اسيئ لحضرتك ليه
:rolleyes:
هو حضرتك عملت حاجة غلط تستحق عليها الاساءة
:rolleyes:
وهل جزاء الاحسان الا الاحسان :bosyht9:

عبقرينومان

06-02-2009, 11:02 AM

اعتقد ان دى حرية شخصية ولا تحمل اساءة لاحد
وبعدين
انا اسيئ لحضرتك ليه
:rolleyes:
هو حضرتك عملت حاجة غلط تستحق عليها الاساءة
:rolleyes:

وهل جزاء الاحسان الا الاحسان :bosyht9:

من وجهة نظري ان التوقيع يسئ ليا شخصيا

واسف هذه المرة الآخيرة التي اطلب فيها تغير التوقيع

وبعدها لو لم يتغير ساقوم بمنعك من التوقيع

Travel

06-02-2009, 11:19 AM

من وجهة نظري ان التوقيع يسئ ليا شخصيا

واسف هذه المرة الآخيرة التي اطلب فيها تغير التوقيع

وبعدها لو لم يتغير ساقوم بمنعك من التوقيع
وانا مقصدش اي اهانه ليك
و
لو مضايق حضرتك التوقيع
تقدر تعملي اجنور
و
مش هتشوف ردودي
و
لا هتشوف التوقيع
إذن فمش هتضايق :)

سيد سعد غباغبي

06-02-2009, 04:58 PM

ياهادي يارب الدنيا حر جدا هنا ليه

اللهم قنا شر انفسنا وشر الشياطين وشر الحاسدين

..Just Stop

06-02-2009, 07:00 PM

حاضر يا استاذ اشرف من عنيا هشيله
مع انه عادى
:::::::::::::ك
بخصوص الاجتماع
ربنا يوفقكم
بس لو القاهرة موش هقدر اجى
عموما هنشوف هيحصل ايه

hend ere

06-02-2009, 09:40 PM

حقيقى كلام حضرتك كثير جميل ومظبوط
جزاك الله كل خير على محاولاتك لجعل المنتدى الافضل دائما

M.Sherif

06-02-2009, 09:56 PM

لا انت حريف اجتماعات قوي

ما انت كبرت للاجتماع التعليمي يا ريس

ههههههه

المهم في الاخر لسه حضرتك مش عارف السبب اللي خلاني ماقدرتش
احضر الاجتماع بتاع الاقسام التعليمية
و ده اللي مضايقني
و الله العظيم شقة الزوجية بتتوضب و مقدرش اسيب العمال يوم واحد لوحدهم
لانهم ممكن يقلبوا الشقة:)
عموما وعد أحضر ان شاء الله اي اجتماع خاص بينا باذن الله
و تحت أمركم جميعا
بس الظروف والله اللي كانت مش مساعدة

_GUIDE_

06-02-2009, 10:02 PM

عبقرينومان

06-02-2009, 10:24 PM

بعتذر عن حضور الاجتماع القادم
وذلك نظرا لظروف الشغل وانى مش هقدر اخد اجازة تانى الا الشهر القادم
انتوا عارفين انى مش بتاخر عن اى اجتماع
لكن المرة دى للاسف مش هقدر احضر
بس ل السادات حضر ان شاء الله
انا موافق على كل الكلام اللى هيقوله ومعاه فيه

حتى لو كان يوم جمعة

عموما انا بأذن الله انا في القاهرة يوم الثلاثاء عندي موعد بجامعة القاهرة

وبعدها معايا دعوى لحضور معرض الاتصالات الدولي بقاعة المؤتمرات وبعدها سأكون انتهت من تحديد المكان وهحاول اخليه يوم الجمعة وحاول تكون موجود يا ريس

الاستاذ على الدين يحيى

06-02-2009, 10:27 PM

رغم كثرة الكلام التى زادت وزادت .... ( وقد يكون ذلك علامة صحية ! وقد لا يكون ! )
إلا أننى لى تعليق صغير جداً
ياريت على جميع أعضاء المنتدى - من أحدث عضو إلى صاحب الموقع -
ممنوع منعاً باتاً كتابة أى توقيع له دلالة غير سليمة ! والمفروض أن هذا الكلام ( وأعذرونى فهذا مجرد رأى يحتمل الصواب أو الخطأ ) يكون من ضمن قوانين المنتدى .
فعلى سبيل المثال لا الحصر أحد الأعضاء توقيعه [ لو لم أكن مصرياً أشطة قوى ]
مثل هذه التوقيعات لا يصح أن أقول أنها حرية شخصية . فالتوقيع يوحى بأن هذا العضو غير منتمى لنا نحن المصريون بمنتهى الفخر والاعتزاز .

..Just Stop

07-02-2009, 04:23 PM

طب كويس ان الموضوع اتفتح

:::::::::::::::::
لو الاجتماع اتعمل فى القاهرة
يبقا اسف جدا موش هقدر اجى
::::::::::::::::::::::::
بخصوص التوقيع
ترافيل عاملة نفس توقيعى
فمينفعش نقفل توقيعها يا استاذ اشرف
حتى لو التوقيع موش عاجب حضرتك
من قوانين المنتدى
انك تعمل للتوقيع تعديل
وبعدين تحزر
ولو اتعمل تانى تقفل التوقيع ( دا اذا كان فيه اساءة لحضرتك اصلا )
حضرتك دلوقتى لغيتى اول خطوة وهى تعديل التوقبع
ياريت حضرتك تتكرم وترجع لترافيل توقيعها
وكل دا بالقانون
لان حضرتك كدا خالفت القانون
دمتم فى رعاية الله

!DreAmeR!

07-02-2009, 05:07 PM

ساحاول بقدر الامكان ان اتى الى الاجتماع باذن الله
وربنا يعيينا

Travel

07-02-2009, 08:56 PM

بخصوص التوقيع
ترافيل عاملة نفس توقيعى
فمينفعش نقفل توقيعها يا استاذ اشرف
حتى لو التوقيع موش عاجب حضرتك
من قوانين المنتدى
انك تعمل للتوقيع تعديل
وبعدين تحزر
ولو اتعمل تانى تقفل التوقيع ( دا اذا كان فيه اساءة لحضرتك اصلا )
حضرتك دلوقتى لغيتى اول خطوة وهى تعديل التوقبع
ياريت حضرتك تتكرم وترجع لترافيل توقيعها
وكل دا بالقانون
لان حضرتك كدا خالفت القانون

هو واخد الموضوع عليه يا محمود
خلاص
AS HE WISHES
:bosyht9:
سايب المنتدى طوله بعرضه وباقى قياساته
واخد توقيع TRAVEL علشان تكون عبرة
يعنى
كبش فدى
افهمها بقى;)
قال يعنى لسه متشالتش التوقيعات اللى موجودة

نأسف خاصية التوقيع معطله لك حالياً
ينبغي عليك مراسلة الإدارة لمراجعة الأمر

على فكرة
ببساطة شديدة ممكن ورا كل موضوع او اى رد ليا فى اى حتة
اشد خط طويل واكتب توقيعى تحته
وكان لم يحدث شئ
بس انا مخى اكبر من كده :)
. . . . . . . . . .
بالنسبة للاجتماع
مينفعش يتعمل كونفرس احسن
:confused:

Dr.ahmed91

07-02-2009, 09:40 PM

مينفعش يتعمل كونفرس احسن

يعني إيه كونفرس عشان أنا كنت في مدارس حكومة

..Just Stop

07-02-2009, 10:28 PM

بصى يا ترافيل مفيش حاجة اسمها كبش فدا

اللى ليه حق هياخده

والتوقيع انا شايف انه من حقك

مفيش حاجة اسمها اعمل تحت كل رد توقيع

امال التوقيع لازمته ايه

هنشوف استاذ اشرف هيقول ايه
اكيد فهم كلامى

يعني إيه كونفرس عشان أنا كنت في مدارس حكومة

غرفة فى الياهو يعنى
دمتم فى رعاية الله

عبقرينومان

07-02-2009, 10:32 PM

بالنسبة للاجتماع بحاول اخليه على شكل اجتماع داخل يوم جميل في القناطر الخيرية ويشمل كل المشرفين العموم والتعليمين

الجويرية

07-02-2009, 11:17 PM

آسفة مش هاينفع احضر
واجتماع موفق ان شاء الله
وجزاكم الله خيرا

Sharp Nails

08-02-2009, 02:04 AM

السلام عليكم

بصوا يا جماعة مما لا شك فيه ان طريقة تعامل بعض المشرفين وبعض الاداريين في طريقة الرد وطريقة طرح المواضيع وفي توقيعهم اصبحت مستفزة تجعلك حتى لا تحاول النقاش معهم

وابسط الامثلة كان في موضوع للاستاذ احمد نجم المشاعر كمية الردود المستفزة من بعض الناس كانت صعبة كانت كفيلة بأن الراجل يغلي الفكرة
مشفتش الموضوع دة اصلا

وكمان في بعض التوقيعات اللي بترمي عليا انا شخصيا باسلوب ساخر وانا مش هقبله لو لم تتعدل
طيب انا بحب على فكرة حرية الرأى لية بقى حضرتك مش بتحبها

وكمان في مواضيع عنواينها صعبة ومضمونها جيدة بس معروض بطريقة صعبة تجعلك متحاولش حتى بالرد عليها
مش فاهمه الحتة دية
بس مادام مش عجباك متردش
از يو ليك

وكمان في مشرفين اداريين متخيلين انهم بطريقتهم دي هيعملوا اللي هما عايزينه
اممممممممممم

ومثال زي موضوع الاخت بنت الاسلام انا حذفت موضوع لها لاي شايف انه مش مناسب يتكتب على راجل زي ملك السعودية حتى لو كان صحيح
ماهى دية برضه حرية رأي
انا اشوف الانسان دة مش كويس حضرتك تشوفه حلو
دية ارآء كل واحد زي ما يحب
وبصراحة ملك السعودية دة
يلا مش هغتابه
بس ربنا يهديه

ولقيت العضوة عاملة موضوع وانا رديت عليها واكتشف ان الاداريين بيدافعوا عنها وبيهاجموني وكأني ضربت العضوة ولما العضوة قفلت لها الموضوع عملت موضوع تاني ساخر بتعرفني فيه ايه هي السخرية من ملك السعودية وطبعا بعض المشرفين والمشرفين الاداريين منهم عمل هيصة وفرح
اها مظبوط
بس انا محضرتش الفرح دة

ولما وقفت العضوة لقيت بعض المشرفين دول وبعض المشرفين الاداريين ايضا عاملين حملة توقيع موحدة تضامنا مع غزة قصدي تضامنا مع بنت الاسلام
انا كمان كنت ناوية اعمله
بس لقيت توقيعى دة احلى
هع

والان الله اكبر على الناس الجميلة اللي عاملة حملة توقيع ساخرة من عبقريا يدعي ان الحق فيه

وامبارح كان في اجتماع ببنها كان في ناس عايزة تيجي وناس عايزة توقف الاجتماع بأي شكل

ومشرفين يتفقوا مع بعض لمنع الاجتماع ومنهم بعض المشرفين الاداريين اللي متخيلين انهم لو ما راحوش الاجتماع ان الاجتماع هيلغي

وفي بعض المشرفين وبعض المشرفين الاداريين متخيلين انهم لو تركوا الاقسام والموقع الدنيا هتقف

وامبارح كان اجتماع كويس ومميز جدا عرف كل واحد في الاقسام التعليمية دوره مين المشرف وبيعمل ايه ومين المشرف السوبر وبيعمل ايه ومين المشرف الاداري وبيعمل ايه ومين المدير وبيعمل ايه ومين المسئول في المجلة عن ايه وبيعمل ايه ومين المسئول عن كذا واللي منهم محتاج صلاحية تعيين مشرف ومين منهم يختار شكل المشرفين والمدرسين

وانا بسبب نجاح اجتماع امس بجدد الدعوة تاني لاجتماع خاص بالمشرفين السوبر والمشرفين الاداريين واسلام والسادات وكمان مشرفين الاقسام

للمناقشة في الصلاحيات والمناقشة في الادوار ومين محتاج صلاحية ومين مش محتاجها ومين مسئول عن جزء معين في المجلة ومين اللي مش عاجبه كذا ومين اللي عنده سلبية

انما بهذا الاسلوب وبهذا الوضع يصعب العمل

وكمان انا الايام دي شايف ناس تستحق الاشراف الاداري وناس تانية تستحق الاشراف السوبر وكمان شايف ان في ناس تنفع تكون مدير للموقع

فبأذن الله انا بطرح الاجتماع للجميع عدا المسئولين عن الاقسام التعليمية

وبأذن الله هكون انا والاستاذ عصام في الاجتماع معاكم لتوضيح وحل المشاكل

فرجائي تحديد موعد قريب الاسبوع القادم في اي مكان بالقاهرة تختاروه وفي اليوم المناسب للجميع

وبطلب من هو ساخر بتوقيعه مني تغيره لكي لا يتم منعك من التوقيع نهائي

وللعلم هذا الموضوع ليس لكي نقول مين الصح ومين الخطأ ومين اللي عمل الكلام السابق ومين اللي معملش

انما هو موضوع وصفا لحال الاشراف غير التعليمية وفاتحا لصفحة عمل جديدة تقترحونها انتم انما في اجتماع وليس على الياهو ولا علي المنتدى

والسلام عليكم

انا نفسى نتقابل عشان نصفى النفوس ال........
بس تسمحلى اقولك على حاجة
انت لية حساس وبتزعل من اى حاجة
وفاهم ان الناس كلها مش بتحبك
؟؟؟
مجرد سؤال بريئ مش ااكتر
بجد نفسى تبقوا ايد واحدة
نفسى تحبوا بعض

بندق__2007

08-02-2009, 08:03 PM

فضلت ان أنتظر حتى تهدأ الأمور قليلا لكى تتقبلوا كلماتى المتواضعة

أجو من الذين سأهمس فى أذنهم الآن

أن يعتبرونى أخ صغير لهم قد يكون على حق .................

الأستاذ أشرف// كل من فى المنتدى يحبونك من إداريين و مشرفين و أعضاء و زوار كمان
( ههههه طبعا أمزوحة موضوع الزوار ده بس تستاهل و الله يا مديرنا )
لكن هناك بعض الأشخاص يتوقعون منك موقف معين
أو يحسبونك عضوا أو مشرفا أو إداريا فتستطيع التصرف بحرية مثلهم أو مثلنا كلنا و لكن أنا أريد أن أقول لك
أن هناك بعض الأشخاص مثلى يدركون حجم المسئولية الأمنية و حجم المسئوليات الأخرى
فإنى أدرك و لابد للجميع أن يدرك أن كلمة فى هذا الموقع يمكن أن تودى بالموقع و صاحبه إلى ما لا يحمد عقباه
فإن الأستاذ أشرف مثلنا و لكن لديه بعض الحدود و الحواجز
و المرجعيات التى يتصرف طبقا لها حتى يحافظ على هذا الكيان
و أهمس بإذنك يا استاذ أشرف و أقول إننا جميعا كأولادك
أو كأخوتك الصغار فمن يخطئ فينا فلا داعى للتهديد
و الوعيد و الأسلوب الفظ و الكلمات التى تحمل المعانى
الثقيلة إلى آخر هذا فرفقا بنا فى حديثك

المشرفيين الإداريين // أنتم و الأستاذ أشرف و الأستاذ عصام و السادات و إسلام عبارة عن الإدارة
أى أنكم تحت مظلة واحدة فلابد أن تكونوا " توجه واحد .. كلمة واحدة .. سياسة واحدة ... لهدف واحد "
أتمنى من الإداريين أن يدركوا و بعضهم يدرك أن هناك أكثر من 130 ألف طالب فى التعليم الأساسى و الثانوى
يرتاد الموقع و يستفيد منه أرجو أن يكونوا فى أولوياتكم فهم أولا ثم الخلافات و النزاعات و كل هذه الفرعيات

المشرفين و المشرفين السوبر// أنتم مشرفين أى تتحكموا فى أقسام المنتدى هذا الصرح الضخم
فلابد أن تكونوا على قدر المسئولية و كلكم كذلك و لكن هناك بعض المشرفين يفتقد إلى دبلوماسية الحوار
ينقاد وراء مشاعره و عصبيته
فالأمور لا تحل بالعصبية و لا التجريح و خصوصا و أنت مشرف
و مسئول فلابد أن نتحلى بالحكمة و الرزانة و حسن التصرف
حتى نكون على قدر المسئولية و نشارك و لو بجزء بسيط فى هذا المنتدى ذو الأكثر من 180 ألف عضو

العضوة و الأخت العزيزة travel // أنا لم أتشرف بمعرفتك عن قرب و لكن كفانى شرفا أن اقرأ موضوعاتك القيمة
و ردودك المتميزة التى تتسم بخفة الظل الممزوج بالوعى و الثقافة و البراءة
و لكن فقط أريد كأخ أن أهمس فى أذنك قائلا أن السخرية و التلميح و الإشارة و التجريح المستتر و كل هذه الطرق
لن تقنع أحدا بوجهة نظرك ... المنطق و الحقائق هى وحدها ما تقنع الشخص بوجهة نظرك
أما بالعصبية و ما يتبعها من سلوكيات فلن يقتنع أحد بمبدأك
و أعجبتنى كثير جملة " بس انا مخى اكبر من كده " لأن فعلا هذا ما أحسبه

العضو الثقيل بندق__2007 // انت يا رخم ايه اللى حشرك فى الموضوع و عاملنا فيها مصلح اجتماعى
انت ايه اللى خلاك تتكلم أصلا يا بنى روح شوفلك حتة استخبى فيها ..........................

و الله يعلم اننى ما قلت حرفا فى هذا الرد بمنطلق آخر غير منطلق الحب و الود للجمييييييييييييع على حد سواء

و كل ما قلته من أجل المنتدى الذى يخدم آلاف الأسر فيحتاج مننا إلى تكاتف لا اختلاف

دمتم كلكم بود

عبقرينومان

08-02-2009, 10:41 PM

ايه رايكم ان الاجتماع هيكون يوم الجمعة في القناطر الخيرية وهنأخذ مركب نهري في النيل وهيكون يوم جميل

رايكم ايه

أحمـدنجـم

09-02-2009, 12:35 AM

مواااااااااااااااااااااااااااافق

.. Mysterious ..

09-02-2009, 01:17 AM

وانا بمشيئة الله تعالي موافق
ولو اني معرفش المنطقة
بس ان شاء الله هكون متواجد

MohammeD el_SadaT

09-02-2009, 11:03 AM

إن شاء الله هحاول على قد ما أقدر أحضر الإجتماع ده
وأنا قولت هحاول مش هحضر أكيد

وربنا يسهل

الطفله السعيده

09-02-2009, 11:42 AM

http://www.arb-up.com/files/arb-up-2008-6/0ff68843.gif

اولا فكره الاجتماع اكيد هتحل مشاكل كتير او مش هنقول مشاكل باذن الله تبقي ابسط من كده

بس انا شخصيا بعيدا عن كل الي قراته هنا

انا بقول

ان موقع ذي بوابه الثانويه العامه موقع كبير و العاملين عليه فعلا من الشخصيات المحترمه جداااااااااا

وليها تقدرها و احترامها طبعا

والمنتدي بتعنا ده يمكن من افضل الموقع الموجوده علي الانترنت كله كموقع تعليمي شامل

وبركز هنا علي نقطه مهمه هي انه تعليمي

وانا حبيت اركز علي كلمه تعليمي

اننا هنا مش بس بنعلم الطلاب سوء في المنتديات التعليميه بكافه المراحل بالموضوعات او في التعليم الصوتي المباشر في الغرف الصوتيه

بس كمان اي عضو معنا هنا

سوء كان في اصغر مراحله تعليميه الي الجامعه وكمان الخريجين

بتتعلم مننا يا جماعه و بخاصه المشرفين و المشرفين الاداريين و السوبر (من اكبر رتبه الي اصغر رتبه )

طريقه الكلام والرد و اسلوب ادارة الحوار...... الي اخره

أنا عايزه اقول ان كل مشرف او مشرف سوبر او تعليمي او اداري ... الخ
هو وجهه للموقع

كله وعليه مسؤليه كبيره في كده

مش بس الاشراف علي الموضوعات بالمتابعه

بس كمان في درجه حضوره الراقي في المنتدي

كله

كلنا هنا اسره واحده مهما كان الهدف الاساس من وجودنا هنا كعاملين في ادارة الموقع بختلاف الرتب

هي المصلحه العلميه

كلنا هنا بنفيد و نستفيد
وكلنا في النهايه فريق واحد واخوات

علشان كده فعلا الاجتماع هيغير كتير لان ما فيش اسره واحده بتعمل ضمن منظومه عمل واحده يوميا تقريبا

ما فيش بنها اي حوار

لازم نجتمع و نناقش اي نقطه بهدوء علشان نقرب و جهات النظر

بس ليه رجاء

يعني

انا شايفه ان لازم يبقي في اجتماع دوري

مش شرط يبقي في مكان معين

ممكن يبقي ذي ما تعرض

في أحد غرف الياهو

علشان نصفي المشاكل و اختلاف وجهات النظر في وقتها

اتمني

ان شاء الاجتماع يكون موافق بأذن الله

بس انا حققي كان نفسي احضار االاجتماع

حقيق شرف ليه وجودي مع المجموعه الطيبه ديه كلها

بس حققي بأعتز

مش ينفع بالنسبه ليه السفر

لظروف شخصيه

واتمني ان مش اكون بكلامي اتسببت في اي زعل او مضيقه

بجد لو حصل مش عن قصد مني

واتمني تكون وجهه نظري الي حد ما واضحه

في النهايه

كل الشكر و التقدير

وفائق الاحترام لادارة الموقع

أستاذنا الفاضل عبقرينومان

و أستاذنا العزيز الفاضل صوت الحق

وكل الاخوه المشرفين واداريين و السوبر

تحيه طيبه للجميع

واجتماع موفق بأذن الله

والسلام عليكم رحمه الله و بركاته

http://www.arb-up.com/files/arb-up-2008-6/oXn71456.gif

Travel

09-02-2009, 08:18 PM

اولاا شكرا لرايك بندق :)
ايه رايكم ان الاجتماع هيكون يوم الجمعة في القناطر الخيرية وهنأخذ مركب نهري في النيل وهيكون يوم جميل
رايكم ايه
مركب ايه بس يا عبقرينو
ما تودينا سيتى ستارز احسن :d

ممكن يبقي ذي ما تعرض

في أحد غرف الياهو

تقريبا
لو جمعنا الاراء
فى ناس قالت مش هتعرف تيجى وانا منهم
وفى ناس قالت جاية:bosyht9:
. . . .
وكل مرة ناس بتقول جاية مبتجيش وناس بتقول مش جاية بتيجى :romarioxp6:
طب ما علشان هدف الاجتماع تصفية النفوس زى ما بيتقال
ما يتعمل احسن كونفرس
تقريبا دى الحالة الوحيدة اللى كلوا هيكون موجود فيها باجماع ;)
وكل واحد له وجهة نظر وراى هيكون موجود
وساعتها هنتكلم كلنا
وجها لوجه -_-

emoo

10-02-2009, 01:35 AM

معلش يا جماعه
بغض النظر انا هحضر او لا
لانى مش عارف ظروف و مشغول جدا الفتره دى
و برده بغض النظر فى ناس كتير هتيجى ولا لا
بس عمر اجتماع الياهو ما هيكون بديل ولا عمره هيغنى عن الاجتماع اللى بنتكلم عنه
لان بجد هيبقى فى حريه اكتر بكتير فى الكلام و توضيح الراى
و مفيش شك ان احنا هنقدر نفهم بعض اكتر و اوضح
لكن على النت دايما
ممكن واحد يقول كلمه بيهزر فيها تتفهم غلط و اللى ادامه يضايق
و حصل كده معايا قريب فى المنتدى هنا
ونا بصراحه موتى و سمى حد يفهم كلامى غلط:d

بس يعنى و حاجات من كده كتير

عشان كده بقول ممكن الاجتماع يتعمل عادى فى ميعاده المحدد
و بعد كده البنود اللى تم الاتفاق عليها فى الاجتماع
تتناقش مع اللى محضروش الاجتماع فى كونفرنس
عشان برده لازم يبقو فى الصوره
لان اكيد عدم حضورهم لسبب غصب عنهم

ام بالنسبه للاجتماع
فربنا يسهل زى ما قلت معرفش ظروفى