مشاهدة النسخة كاملة : وصيا زعيم على فراش الموت
_GUIDE_ 05-02-2009, 11:48 AM بسم الله الرحمن الرحيم
خرج من داخل الغرفة طبيب وهو يجرى مهرولا وبصوت عالى يقول احضره
السيدة الاولى والابناء فورا
دخلت السيدة الاولى ومعاها ولديها يتظاهرون بالحزن والالم
قال الزعيم : فى صوت خافت اوصيكم ببلدى فانها بحر لا يجف وثروة لا تجف
الابن الاكبر : كلها بركة يابابا
الزعيم : انا غير مديون لاحد وهذا الشعب هو ملك لكم كما كان لي وجدته وهو اليوم ارث لكم
الابن الاصغر : بس ده كبير اوى ياولدى هنعمل بيه ده كله
الزعيم : بقولكم ورث وانتم احرار فيهم انا كنت بشتغل كل ده علشانكم
الابن : طيب والشعب يابابا ؟
الزعيم : شعب ايه بس بقولك ده ورثك هو الشعب ده عمره كان يساوى حاجة
ولو اتزنقته فى فلوس بيعه شركة ولا اتنين مش هتموته من الجوع متقلقوش
دى خيرها كتير ومبيخلصش
الابن الاصغر فى همس : هو انتا سبتلنا حاجة نبعها ده انتا شطبت على كله
الزعيم :سمعتك يابن .... مهو كله كان علشانكم شوف فرح اخوك اتكلف قد ايه ايه اضطريت ابيع بنك وشركة علشان اعمله فرح يليق بيه
الزعيم : لزوجته وانتى كنتى سندى وقفتى معى كثيرا
اهديكى احد عجائب الدنيا السبع
الزوجة : اصوم اصوم وافطر على شوية تراب
الابن : ياماما ده كنز لو تحبى تبعيه فى اى وقت ممكن اخصصه واعملك عليه مزاد هيجيب مبلغ مش بطال
الزعيم : اوصيكم بالدخلية والشيخ والحربية لو حكمتهم صح محدش هيقدر يرفع عينه فيكم
خاله بلكم من الشيخ ياولاد ده طول عمره معايا اقوله يمين يمين اقوله شمال شمال
بس اوعه يصلى عليه مضمنش صلته تتقبل فيا
والدخليه : لزم تحترمه ولزم تخله يسمع كلمكم صدقونى من غيره كنا ضعنا من زمان مسكها بايد من حديد وطول ما هو ماسكها مفيش حد من الجربيع هيقدر يفتح عينه فيكم
والحربية :ده متخفوش منه ديما مستحى ورأسه فى الارض اعتبره اختكم الكبيرة
الزوجة : من زمان وانا بعتبره كده
الزعيم : عايز جنازة عسكرية تليق بيا ومدفع كبير جنازة متعملتش قبل كده
الابن : متقلقش يابابا الشعب كله هيخرج وراك
الزعيم : هتضحك عليه شعب مين اللى هيخرج ورايا انتا عارف وانا عارف
الابن :متقلقش يابابا رجالة الحزب معاك انتا بس موت واتفرج
نظرا الزعيم حوله وقد اشتد السواد فى وجهه وهنا لفظ انفاسه الاخيرة
واذا بيه يستيقظ ويجد نفسه نائم على سريره
وضحك ضحكة خافته وقال فى نفسه : الشيطان لايموت
الضوء الشارد 05-02-2009, 12:11 PM الابن : متقلقش يابابا الشعب كله هيخرج وراك
الزعيم : هتضحك عليه شعب مين اللى هيخرج ورايا انتا عارف وانا عارف
الابن :متقلقش يابابا رجالة الحزب معاك انتا بس موت واتفرج
حلوة التلميحات دى واسلوبك رائع الحقيقة . بس انا فهمت انت قصدك مين . اكيد تقصد طبعا رئيس دولة الصومال او السودان:d:d. شكرا على الموضوع الجميل
منى ذكى 05-02-2009, 12:16 PM بس موت انت ومالكش دعوة ده خلل سبحان الله
شكرا على الموضوع
_GUIDE_ 05-02-2009, 12:52 PM حلوة التلميحات دى واسلوبك رائع الحقيقة . بس انا فهمت انت قصدك مين . اكيد تقصد طبعا رئيس دولة الصومال او السودان:d:d. شكرا على الموضوع الجميل
لا الكاميرون :d
شكرا على مرورك
بس موت انت ومالكش دعوة ده خلل سبحان الله
شكرا على الموضوع
مين اللى يموت انا ولا هو
شكرا على مرورك
الاسطورة 05-02-2009, 01:31 PM موضوع حلو يا اسلام
لا ومعبر كمان فيه ايحائات حلوة قوى
رغم انى حاسس انى قرأته قبل كده
_GUIDE_ 05-02-2009, 01:33 PM موضوع حلو يا اسلام
لا ومعبر كمان فيه ايحائات حلوة قوى
رغم انى حاسس انى قرأته قبل كده
شكرا على مرورك يامحمد
هات المصدر :)
الاسطورة 05-02-2009, 01:37 PM هههههههههه
السؤال بيقول
من هو محمد؟
شموخ مسلمة 05-02-2009, 01:41 PM نظرا الزعيم حوله وقد اشتد السواد فى وجهه وهنا لفظ انفاسه الاخيرة
واذا بيه يستيقظ ويجد نفسه نائم على سريره
وضحك ضحكة خافته وقال فى نفسه : الشيطان لايموت
شعب مفترى انتو هتحسدو الزعيم ع صحته كمان
ههههههههه
لا موضوع جميييييييل اوى يا اسلام
ماشاء الله اسلوبك جميل فيه
_GUIDE_ 05-02-2009, 01:42 PM هههههههههه
السؤال بيقول
من هو محمد؟
شكرا على التوضيح ياحوده
انا قريت اسم محمد ده قبل كده:)
..Just Stop 05-02-2009, 03:29 PM جامد يا اسلام
بس كدا الزعيم هيزعل منك
ربنا يديه الحة ويذل فينا كمان وكمان
هيعمل ايه يعنى هيقطع نفسه علشانا مهوكل ما يتزنق يبيع وحمل يا سطى
انتو دايما ناكريين الجميل
دا الزعيم يا اخواننا
اللهم انى لا اسالك رد الضاء ولكنى اسألك اللطف فيه
الشيطان لا يموت والله حى لا يموت
يمهل ولايهمل
شكرا على الموضوع
ودمت فى رعاية الله
لمى 2016 05-02-2009, 03:51 PM هههههههههه
جميلة خالص و الله
بس حاسب على نفسك بقى بعد كدة
حلوة بتاعة عامة الشعب دى
_GUIDE_ 05-02-2009, 04:45 PM شعب مفترى انتو هتحسدو الزعيم ع صحته كمان
ههههههههه
لا موضوع جميييييييل اوى يا اسلام
ماشاء الله اسلوبك جميل فيه
شكرا ليكى يا شموخ مسلمة نورتى الموضوع
مس رانيا حسن 05-02-2009, 04:57 PM على فكرة الموضوع قراته قبل كدا
عموما مشكور
** MR.SmilE ** 05-02-2009, 05:01 PM ههههههههههههه
هتحسده ليه يا عم بس
ربنا يخليه و يذل ف الشعب كمان وكمان
و ينام و يتهني
الشعب الغلبان ده ربنا يعينه
شكرا جزيلا
_GUIDE_ 05-02-2009, 05:25 PM على فكرة الموضوع قراته قبل كدا
عموما مشكور
شكرا لمرورك يا استاذة رانيا
ياريت بعد ازنك لينك الموضوع الاخر
لان والله العظيم كل كلمة فيه انا اللى كاتبها :)
ده بجانب انى عارف حضرتك تقصدى اى موضوع
الموضوع الاخر اسمه
وفاة الرئيس
وده برضه انا اللى كتبه
اوركيديا 05-02-2009, 06:11 PM دخلت السيدة الاولى ومعاها ولديها يتظاهرون بالحزن والالم
قال الزعيم : فى صوت خافت اوصيكم ببلدى فانها بحر لا يجف وثروة لا تجف
الابن الاكبر : كلها بركة يابابا
الزعيم : انا غير مديون لاحد وهذا الشعب هو ملك لكم كما كان لي وجدته وهو اليوم ارث لكم :slap1qk6:
فين ده
امال المليارات المديونيه دى لمين
احم احم
ديون الشعب كله صح
الواحد بينسى الايام دى حاجات كتير
الابن الاصغر : بس ده كبير اوى ياولدى هنعمل بيه ده كله
الزعيم : بقولكم ورث وانتم احرار فيهم انا كنت بشتغل كل ده علشانكم ههههههههههه
ده عامل زى الحرامى اللى فضل طول عمره يسرق و يقول لعياله
كل اللى فات ليكوا
و كمان ادينى علمتكوا الصنعه
كل الناس قدامكوا اعملوا فيهم اللى انتوا عايزينه
:romarioxp6:
الابن : طيب والشعب يابابا ؟
الزعيم : شعب ايه بس بقولك ده ورثك هو الشعب ده عمره كان يساوى حاجة
ولو اتزنقته فى فلوس بيعه شركة ولا اتنين مش هتموته من الجوع متقلقوش
دى خيرها كتير ومبيخلصش :lol::lol::lol::lol:
الابن الاصغر فى همس : هو انتا سبتلنا حاجة نبعها ده انتا شطبت على كله
الزعيم :سمعتك يابن .... مهو كله كان علشانكم شوف فرح اخوك اتكلف قد ايه ايه اضطريت ابيع بنك وشركة علشان اعمله فرح يليق بيه يعنى حتى ابنه مش عاجبه احنا
يعينى باباه خلصله على كل حاجه
هو احسن حاجه يبتجى فى انه يبيع الشعب قطاعى
حيبقى جميل قوى
:romarioxp6:
واذا بيه يستيقظ ويجد نفسه نائم على سريره
وضحك ضحكة خافته وقال فى نفسه : الشيطان لايموت
حرام عليك الراجل
مش عارفه متحامل ضده كده ليه
بتكلم على الشيطان :romarioxp6:
ده غلب الشيطان اساسا
شوفت شيطان واحد قدر يبوظ اكتر من 80 مليون ده غير الجيل اللى فات و الجيل الجاى
ربى يحرسه من العين
:stickjo4:
موضوع جميل و اسلوب حضرتك حلو فيه
و باين حتى فى الكتابه
:)
فى رعايه الله
_GUIDE_ 05-02-2009, 07:30 PM جامد يا اسلام
بس كدا الزعيم هيزعل منك
ربنا يديه الحة ويذل فينا كمان وكمان
هيعمل ايه يعنى هيقطع نفسه علشانا مهوكل ما يتزنق يبيع وحمل يا سطى
انتو دايما ناكريين الجميل
دا الزعيم يا اخواننا
اللهم انى لا اسالك رد الضاء ولكنى اسألك اللطف فيه
الشيطان لا يموت والله حى لا يموت
يمهل ولايهمل
شكرا على الموضوع
ودمت فى رعاية الله
عجبتنى اوى حتت كل ما يزنق يبيع دى
فكرتنى بمدرسة المشاغبين
كل ما تتزنق اقلع :d
منور الموضوع ياحوده :)
_GUIDE_ 05-02-2009, 07:35 PM هههههههههه
جميلة خالص و الله
بس حاسب على نفسك بقى بعد كدة
حلوة بتاعة عامة الشعب دى
احسب على نفسى من ايه
القطار جاى
بالمناسبة اسلوبك فى النقد جميل جدا فى اغلب المواضيع
وموضوع عامة الشعب
على رأى حسن حسنى مش انتا ومصرى ... اه ! انا كمان مصرى
حاجة تفقع
_GUIDE_ 05-02-2009, 07:40 PM ههههههههههههه
هتحسده ليه يا عم بس
ربنا يخليه و يذل ف الشعب كمان وكمان
و ينام و يتهني
الشعب الغلبان ده ربنا يعينه
شكرا جزيلا
معاك حق
اقولك على حاجة طريفة
لو انتا معاك جنسية اى دولة من دول اوربا فرنسا انجلترا المانيا
اى دولة كانت من دل اورابا
وتعبت الدولة اللى بتحمل جنسيتها ملزمة تبعتلك طائرة اسعاف تنقلك لتلقى العلاج هناك
مش هنا ممكن تترمى 3 او 4 ايام على البلاط فى مسشتفى حكومى على بال ما واحد
خريج جديد بسماعه يجى يقولك بتشتكى من ايه
يالا الحمد لله :)
قلب صادق 05-02-2009, 08:11 PM أولاً شكرا جدا على الموضوع الرائع والاسلوب الجميل
ثانياً انا عايزه اعرف هو الشعب عايز ايه تانى عايش ومبسوط ومش ناقصنا غير رضا الريس علينا
المهم عندنا انه يسافر ويعيش ويفرح واحنا مش مهم
يبيع فى البلد وايه يعنى
المهم انه يكون مبسوط
ربنا يخلى الريس وياخد الشعب اللى تاعبه
شمس بياض 05-02-2009, 08:26 PM ربنا يسترها عليك ياخوىىىىىىىىىىىىى
هتشيل كفنك من دلوقت ؟
ياصغير؟على الموت محلاه السكوت فى زمن الجبروت
هم يبكى وهم يضحك والله
تسلم يا اسلام كتير على الموضوع
الرقيقة 05-02-2009, 09:11 PM بجد موضوع جميل
بس الرئيس زعلان لية يموت بس
والشعب هيرضى اولادة
_GUIDE_ 06-02-2009, 01:57 PM أولاً شكرا جدا على الموضوع الرائع والاسلوب الجميل
ثانياً انا عايزه اعرف هو الشعب عايز ايه تانى عايش ومبسوط ومش ناقصنا غير رضا الريس علينا
المهم عندنا انه يسافر ويعيش ويفرح واحنا مش مهم
يبيع فى البلد وايه يعنى
المهم انه يكون مبسوط
ربنا يخلى الريس وياخد الشعب اللى تاعبه
على رايك القناعة كنز لا يفنى ^_^
ربنا يسترها عليك ياخوىىىىىىىىىىىىى
هتشيل كفنك من دلوقت ؟
ياصغير؟على الموت محلاه السكوت فى زمن الجبروت
التار ولا العار ياختى :d
Travel 06-02-2009, 01:59 PM جميل الموضوع يا مرشد
بس انا كل ما ادخل ارد واكتب رد الكمبيوتر بيقفل هحاول انزله تان
ان شاء الله :(
ربنا يديه الصحة ويذل فينا كمان وكمان
على فكرة يا محمود
انا هخالف معاك شوية فى الحتة دى
بص
انت متعرفش اللى جاى هيكون ازاى مع الشعب
متعرفش هيكون نظامه ايه فى الحكم والرئاسة
متعرفش سلطته وقوانينه هيكون ازاى
ماهو ناس كتيير ارتاحت لما بوش مشى وكلوا عارف ان اللى جاى العن
اقرب مثال شعب العراق
لما صدام مشى
عملوا فرح وهيصة وحاجات كتيير وارتاحوا وقالوا عودة نظام امن وامان
وكلام شعارات
لكن فيه الحقيقة
فين الامن والامان اللى اتكلموا عليه
فين فين فين
خلينا فى ده
على الاقل
الشعب عرف سياسته اللى ماشى بيها فا بيقدر يتماشى معاها نوعا ما
لكن اللى جاى ربنا اعلم بيه
وفى الاخر
ربنا يلطف بينا
انا شكلى بخرف :d
ريحانه من الجنه 07-02-2009, 09:15 PM انا كمان معاكى يا TRAVEL (http://www.thanwya.com/vb/member.php?u=91291)
شكرا لحضرتك على الموضوع
Sherif Elkhodary 08-02-2009, 01:04 AM شكرا يا سولوم علي فكرة يا جماعة الموضوع اللي تقصدوه بتاع المجاهد بس مش نفس اسلوب اسلام علي العمو شكرا يا باشا كلعادة متميز في مواضيعك في امان الله
JusT DreaM 08-02-2009, 08:09 AM حلو الموضوع ده
بس مش عارفة مش كاتب اسم الريس ليه
على فكرة مش بياخدو بتوع الثانوية
احنا عندنا حصانه دبلوماسية :av4056bb7jp3:
راجع الشروط هتلاقيها وهتلاقي جنبها كمان وخصوصا نواب الادارة بالموف بتاعكم ده:romarioxp6:
بس بجد انا متعاطفة مع الريس بجد
ده راجل عنده 83 كلها شهرين ويتكل في رعاية الرحمن
يعني عامل بالظبط زي العرايس اللي بيحركوهم عالمسرح دول
مش هو اللي يقدر يخطط ولا يفهم سياسة البلد دي ايه اصلا
هو كفاية عليه يمسكوه الورق يقراه والمقص يقص بيه:romarioxp6:
شكرا عالموضوع
|