باموت يا مصر المتباعة
باموت يا مصر المنهوبة
شمسك تسير عكس الساعه
والعين عالعمى مغصوبة
الصفر خيم على زمنك
وعروق رقابتك مطلوبة
على الحدود قتلوا ولادك
وتقفى ساكته ...ومرعوبة
مدد يا هيكل ...يا ضميرى
مدد يا كامل يا زهيــــرى
مدد يا قاضى يا خضيرى
مدد يا مكى يا زكريا
يا جورج اسحاق
يا مسيرى
يا بسطويسى....يا حرية
مدد يا أجمل أعصايرى
مدد يا قلب الوطن الحر
مدد يا سيرة عوض المر
مدد يا ندهة كمال خليل
مدد يا حلم ندى القصاص
مدد يا خط رؤوف عياد
شقيان وماشى بكل عناد
مدد يا قمح سكينه فؤاد
مدد يا بنت يا مصرية
يا جميله يا أخت بهيه
مدد يا شعر العاميه
مدد يا صاحبى اللى قاسمته
مدد يا علم اتعلمته
من عم عودة وصدقى عزيز
شباب لبس وش عواجيز
مدد يا سورة اخلاصى
مدد يا خويا وتاج راسى
يا معصراوى ...يا حسينى
مدد يا ست نهى الزينى
يا فجر صبح على عينى
صالح ما بين نفسى وبينى
وقاللى دى الست القاضية
كشفت عن الالوان زيفها
وخلت الورده الزاهية
تعيش على وش خريفها
مدد يا فادى يا اسكندر
على خطى محمد الاشقر
على طريق ابن أبو عيطة
جمع مظاهراتنا مشاعر
ويغير من الهتافات شاعر
يحفظ ديوان لأمين الادب
يلاقى شعب كأنه أديب
عندك فى شعره
بلاد ....تقاسيم
عندك حجازى
وعمرو سليم
والنكته بوزاره تعليم


يتبع.....................

قصيدة جميلة كعادة جمال بخيت

أنا متابع ان شاء الله لإني بحبه جدا

ويارب تكوني قريتي اخر قصيدة (مش باقي مني)

أنا جبتها هنا في المنتدى

قصيدة جميلة برضه

نقل لرائع لقصيدة أروع .. لشاعر أكثر روعة .. جزاك الله خيراً أختي الكريمة .. عمل متميز صادق جرئ ..

بجد جميله جدااااا
واعذرينى على تأخرى فى الرد
حقيقى اللى مش هيشوف الموضوع ده هيندم كثير
مرسى كثير ليك على تقديم هذه القصيده التى تحمل معها اوجاع امتنا
بتمنى ان ارى لك المزيد من الاعمال المميزه
فى رعاية الله