السياسة في مصر بين الترويض والتحوير [الأرشيف] - بوابة الثانوية العامة المصرية

مشاهدة النسخة كاملة : السياسة في مصر بين الترويض والتحوير

dr.zomba

05-02-2009, 04:08 PM

السلام عليكم ورحمة الله وبركاته

ازيكم جميعا

وحشتوني ( زي الدكتور البشبيشي ما بيقولنا :d)

نخش في الموضوع بقي

في مصر في عندنا رجال سياسيين كتيييييييير اوي وبيفهموا اكتر من الوزراء في السياسة

بس المفروض المفروض ان الوزير ايا كانت وزارته وتخصصه انه يكون سياسي بارع اولا لان مسئلة التخصص دي في مستشارين المفروض هيساعدوه انما السياسة دي شخصيه

السياسة معروفه انها فن الترويض يعني مثلا الاب لما ابنه يكون متضايق جدا ممكن يجي يطبطب عليه يفهم منه ايه مشكلته وهنا يبقي الاب كسب ابنه وعرف يروضه

علي عكس لما يلاقي ابنه متضايق ويروح هو كمان شاخط فيه عشان مغسلش رجليه مثلا

هنا الاب مش سياسي خالص وخسر موقف كان ممكن يقربه من ابنه

الوزراء عندنا للاسف مفيش حد فيهم سياسي

طيب لما يبقي كل الوزراء مش سياسيين طبيعي انهم هيخسروا الشعب ودا هيترتب عليه بلاوس متلتله ممكن الشعب يعملها

بس المفروض انهم عليهم رقابه من الناس اللي فوقيهم رئيس الوزراء يعني

نلاقي ان رئيس الوزراء هو كمان مش سياسي خالص

طيب رئيس الوزراء مش سياسي يبقي المفروض ان رئيس الجمهوريه هو اللي يكون سياسي

وهنا بقي المصيبه الكبيرة لما تكون منظومة الدولة كلها فاشلة سياسيا يبقي اكيد البلد دي لازم تكون فاشله تنظيميا

لان الشعب مش لاقي حد يقوده

لما يكون 18% فقط من الشعب هما اللي موافقين علي الحكومه وعلي سياستها والـ82% الباقيين مش موافقين يبقي فين النظام هنا

لما يكون وزير خارجيه مش دبلوماسي خالص وفاااااااااااااشل بكل المقاييس دبلوماسيا يبقي احنا فاشلين في إدارة سياسة الدولة الخارجيه

لما يكون وزير التربية والتعليم فااااااااااااشل في إدارة المنظومة التعليمة وبيشدها لتحت وهو مستعبط فيها وعامل فيها مش عارف يبقي المنظومه كلها هتتشد لتحت ومعني كدا ان في اجيال طالعه مش متعلمه كويس ومعني كدا ان مصر مش هتطلع دلوقتي خالص

ولما وزير الثقافة يشتم المحجبات وزير الثقافه ومبيحترمش ولا دين ولا ثقافة شعب يبقي الراجل دا معندوش اي فهم عن الثقافة ويبقي فاشل في مكانه

لما الشعب كله يكون رافض ان الغاز بتاعه يتصدر للصهاينة والحكومة واقفة ضد الشعب في المحكمة يبقي الحكومة كلها مش عارفه شغلها

طب ليه الناس دي موجوده المثل بيقولك اللي ميشوفش من الغربال يبقي اعمي ما بالك لما يكون غربال ومتقطع ومفتح من كل حته ورغم كدا مش شايفين

لما الحكومة كلها تكون حرامية والبلد كلها شاهده عليهم وهما مش هاممهم ومكملين سرقة

يبقي لما يطلع جيل معندوش انتماء لبلده محدش هيقدر يغلطه ويقوله دي بلدك عملتلك كذا وكذا لانه مش هيلاقي اي كذا البلد عملتهولوه

سياسة مصر مش سياسة ترويض لا دي سياسة تحوير وصياعة وللاسف حتي مش بيعرفوا يحورا او يلعبوا بالبيضه والحجر لا دول اغبي ما يمكن ان يكون الانسان مش السياسي بس

لنا الله

وعلي رآي المثل اجري يا ابن ادم جري الوحوش وان كبر ابنك خاويه :078111rg3:

اسف علي الرغي والإطاله

ودمتم بالف خير

سلامو عليكو:)

** MR.SmilE **

05-02-2009, 04:26 PM

السلام عليكم ورحمة الله وبركاته

ازيكم جميعا

وحشتوني ( زي الدكتور البشبيشي ما بيقولنا :d)
يااااااااااه ده الكلمة دي ما اتقالتش من زمان :rolleyes:

نخش في الموضوع بقي

في مصر في عندنا رجال سياسيين كتيييييييير اوي وبيفهموا اكتر من الوزراء في السياسة

بس المفروض المفروض ان الوزير ايا كانت وزارته وتخصصه انه يكون سياسي بارع اولا لان مسئلة التخصص دي في مستشارين المفروض هيساعدوه انما السياسة دي شخصيه

السياسة معروفه انها فن الترويض يعني مثلا الاب لما ابنه يكون متضايق جدا ممكن يجي يطبطب عليه يفهم منه ايه مشكلته وهنا يبقي الاب كسب ابنه وعرف يروضه

علي عكس لما يلاقي ابنه متضايق ويروح هو كمان شاخط فيه عشان مغسلش رجليه مثلا
اشمعني يعني؟؟؟

هنا الاب مش سياسي خالص وخسر موقف كان ممكن يقربه من ابنه

الوزراء عندنا للاسف مفيش حد فيهم سياسي

طيب لما يبقي كل الوزراء مش سياسيين طبيعي انهم هيخسروا الشعب ودا هيترتب عليه بلاوس متلتله ممكن الشعب يعملها

بس المفروض انهم عليهم رقابه من الناس اللي فوقيهم رئيس الوزراء يعني

نلاقي ان رئيس الوزراء هو كمان مش سياسي خالص

طيب رئيس الوزراء مش سياسي يبقي المفروض ان رئيس الجمهوريه هو اللي يكون سياسي

وهنا بقي المصيبه الكبيرة لما تكون منظومة الدولة كلها فاشلة سياسيا يبقي اكيد البلد دي لازم تكون فاشله تنظيميا

لان الشعب مش لاقي حد يقوده

لما يكون 18% فقط من الشعب هما اللي موافقين علي الحكومه وعلي سياستها والـ82% الباقيين مش موافقين يبقي فين النظام هنا
اعتقد ان 18 في المية كتير شوية و لا ايه:)

لما يكون وزير خارجيه مش دبلوماسي خالص وفاااااااااااااشل بكل المقاييس دبلوماسيا يبقي احنا فاشلين في إدارة سياسة الدولة الخارجيه
و غير كدة منظرنا قدام العالم

لما يكون وزير التربية والتعليم فااااااااااااشل في إدارة المنظومة التعليمة وبيشدها لتحت وهو مستعبط فيها وعامل فيها مش عارف يبقي المنظومه كلها هتتشد لتحت ومعني كدا ان في اجيال طالعه مش متعلمه كويس ومعني كدا ان مصر مش هتطلع دلوقتي خالص
بصراحة اكتر واحد بيستفزني

ولما وزير الثقافة يشتم المحجبات وزير الثقافه ومبيحترمش ولا دين ولا ثقافة شعب يبقي الراجل دا معندوش اي فهم عن الثقافة ويبقي فاشل في مكانه
لا تعليق

لما الشعب كله يكون رافض ان الغاز بتاعه يتصدر للصهاينة والحكومة واقفة ضد الشعب في المحكمة يبقي الحكومة كلها مش عارفه شغلها
و لا حياة لمن تنادي

طب ليه الناس دي موجوده المثل بيقولك اللي ميشوفش من الغربال يبقي اعمي ما بالك لما يكون غربال ومتقطع ومفتح من كل حته ورغم كدا مش شايفين

لما الحكومة كلها تكون حرامية والبلد كلها شاهده عليهم وهما مش هاممهم ومكملين سرقة

يبقي لما يطلع جيل معندوش انتماء لبلده محدش هيقدر يغلطه ويقوله دي بلدك عملتلك كذا وكذا لانه مش هيلاقي اي كذا البلد عملتهولوه

سياسة مصر مش سياسة ترويض لا دي سياسة تحوير وصياعة وللاسف حتي مش بيعرفوا يحورا او يلعبوا بالبيضه والحجر لا دول اغبي ما يمكن ان يكون الانسان مش السياسي بس

لنا الله
علي رأي المستر بتاعي<_<

وعلي رآي المثل اجري يا ابن ادم جري الوحوش وان كبر ابنك خاويه :078111rg3:
اسكت مش اتغيرت و بقت اجري يا ابن ادم جري الوحوش يا تلحق المكروباص يا متلحقهوش
اسف علي الرغي والإطاله

ودمتم بالف خير

سلامو عليكو:)

نخش في الموضوع

دي نقدر نعتبرها زي ما تقول كدة سياسة تطفيش

ده اللي عندنا و لو مش عاجبك اخبط دماغك ف الحيط :giljotiiniug3:

اعترض- اعتصم- اعمل اللي عاوزه- برضو مفيش حاجة بمزاجك

الغاز يتصدر عادي خالص .. احنا جيران:stickjo4:

الثانوية تتسرب .. مش مشكلة خلي الطالب ينبسط:romarioxp6:

الشعب مش راضي .. مش مشكلة هو اكيد اكيد مش عارف مصلحته فين؟؟

للأسف بقينا شعب مسير من ناس مالهومش في حاجة اصلا

لنا الله :(

سلام يا عادل

..Just Stop

05-02-2009, 04:27 PM

جامد يا دوولة
هيا دى سياسة البلد
اذا كان رب البيت بالدف ضارب
مستنى ايه بعد كدا
سياسة ايه بس
احنا عايزين ناس محترمة تمسك البلد بس
عادى يا دوولة دنتا فى مصر
smile you are in egypt

شعب ايه داكمان اللى يحكم ان الحكومة تنفع واللا لا
احنا الشعب نتداس باقدم شوز ولا لينا دور ولا راى
واللى بيعوزوه بيعملوه
هيا دى سياستهم
مصلحتى انا وابنى الوزير القادم اهم
انا والوزير مع الرئيس
ونا والرئيس على الشعب
وهى ماشية والشعب عايش
نقول ايه
قول الو :d
دمت فى رعاية المولى ال سياسة ال:d

_GUIDE_

05-02-2009, 04:35 PM

حلو الموضوع يازومبا :)
هو بالنسبة للسياسة انا كنت عملها تعريف كده
بانها فن الطبخ السياسى
ازاى تطبخ طبخه وتعجب الشعب
مش مهم بئا الطبخة دى ايه
المهم انها تتسبك كويس
وتكون مظبوطه علشان رائحتها متطلعش وتتكشف
بس الحمد لله الحكومة بتاعتنا لا ليها فى الطبخ ولا التسبيك
وكل طبخاتها ريحتها فايحه
طبعا هتقولى ايه علاقة درس ابلة نظيرة بالسياسة
هقولك ان السياسة والمطبخ واحد
السياسة فن ازاى تكون فنان فى ادائك قاعد فى تصرفاتك
قبل ما تخطى وتدوس على الارض تعرف انتا واقف على ايه
وقرارك هيوديك لفين
ازاى متخسرش تبئا زى لاعب الرولايت هدفه الاول والاخير المكسب
بس احنا عندنا حكومة خايبة ومايلة
بتعشق الخسارة
وهما الاول والاخير مصلحة النظام النظام اولا
وزى ما قال مصطفى الفقى ردا على عضو اخوانى عندما قال العضو الاسلام اولا
قال مصطفى الفقى لا مصر اولا
شوفت الوطنية :d

اوركيديا

05-02-2009, 04:45 PM

dr.zomba

05-02-2009, 05:12 PM

نخش في الموضوع

دي نقدر نعتبرها زي ما تقول كدة سياسة تطفيش

ده اللي عندنا و لو مش عاجبك اخبط دماغك ف الحيط :giljotiiniug3:

اعترض- اعتصم- اعمل اللي عاوزه- برضو مفيش حاجة بمزاجك

الغاز يتصدر عادي خالص .. احنا جيران:stickjo4:

الثانوية تتسرب .. مش مشكلة خلي الطالب ينبسط:romarioxp6:

الشعب مش راضي .. مش مشكلة هو اكيد اكيد مش عارف مصلحته فين؟؟

للأسف بقينا شعب مسير من ناس مالهومش في حاجة اصلا

لنا الله :(

سلام يا عادل

هي مش ساسة اصلا دي حلة ملوخية حمضانه

بس هنقول ايه بقي لنا الله

نورت الموضوع وشكرا للمرور :)

جامد يا دوولة
هيا دى سياسة البلد
اذا كان رب البيت بالدف ضارب يبقي نجوي فؤاد ستقوم وترقص:d
مستنى ايه بعد كدا
سياسة ايه بس
احنا عايزين ناس محترمة تمسك البلد بس
عادى يا دوولة دنتا فى مصر
smile you are in egypt

شعب ايه داكمان اللى يحكم ان الحكومة تنفع واللا لا
احنا الشعب نتداس باقدم شوز ولا لينا دور ولا راى
واللى بيعوزوه بيعملوه
هيا دى سياستهم
مصلحتى انا وابنى الوزير القادم اهم
انا والوزير مع الرئيس
ونا والرئيس على الشعب
وهى ماشية والشعب عايش
نقول ايه
قول الو :d
دمت فى رعاية المولى ال سياسة ال:d

والله علي رايك ماهي تكية اللي خلفوهم هو وزير النهاردة بكرة ابنه يكون مكانه

ربنا ينتقم منهم ياحج محمود

صحيح عاجبني التوقيع بتاعك بس ممكن نخليه

ايا من سميت نفسك عبقريا ::: وتدعى ان الحق فيك
فهل فكرت يوما بعقل ::: وهل لم تراعى فى الحق صديق
اكيد طبعا لا ::: لان عقلك مخرَم وكله شبابيك:d
(وعجبى)

نورت يا باشا الموضوع:)

حلو الموضوع يازومبا :)
هو بالنسبة للسياسة انا كنت عملها تعريف كده
بانها فن الطبخ السياسى
ازاى تطبخ طبخه وتعجب الشعب
مش مهم بئا الطبخة دى ايه
المهم انها تتسبك كويس
وتكون مظبوطه علشان رائحتها متطلعش وتتكشف
بس الحمد لله الحكومة بتاعتنا لا ليها فى الطبخ ولا التسبيك
وكل طبخاتها ريحتها فايحه
طبعا هتقولى ايه علاقة درس ابلة نظيرة بالسياسة
هقولك ان السياسة والمطبخ واحد
السياسة فن ازاى تكون فنان فى ادائك قاعد فى تصرفاتك
قبل ما تخطى وتدوس على الارض تعرف انتا واقف على ايه
وقرارك هيوديك لفين
ازاى متخسرش تبئا زى لاعب الرولايت هدفه الاول والاخير المكسب
بس احنا عندنا حكومة خايبة ومايلة
بتعشق الخسارة
وهما الاول والاخير مصلحة النظام النظام اولا
وزى ما قال مصطفى الفقى ردا على عضو اخوانى عندما قال العضو الاسلام اولا
قال مصطفى الفقى لا مصر اولا
شوفت الوطنية :d

يعني حكومة ولا بتعرف تطبخ ولا بتعرف تسبك ولا بتعرف تكسب ولا بتعرف تنسل اي حاجة طب ايه لزمتها في الحياة

يلا الحمد لله المهم اننا عايشين وخلاص

نورت الموضوع يا حج اسلام

شموخ مسلمة

05-02-2009, 05:24 PM

dr.zomba

05-02-2009, 05:27 PM

امممممم

طاب و ليه نشوف هما بس
ما الشعب المصرى ما هو الا 80 مليون على نفس الوتيره
يعنى الموظف الحكومى اللى يعينى باب درجه مفتوح بالغلط لاء و كمان الناس بتنزل فيه فلوس بالغلط :rolleyes:
ده يبقى ايه

بتاع المرور اللى لازم يسلم بإيديه الاتنين :rolleyes:

ده يبقى ايه
حتى بتاع المطافى و لا الاسعاف اللى مش بيسمع الا لما تقوله انا كذا كذا :rolleyes:
دول اسمهم ايه

مش هما دول الشعب المصرى
اللى هو انا و اخويا و اختى و ابن عمى و ابن خالى
يبقى ليه زعلانين من انهم كده
ما احنا اللى خليناهم يبقوا كده
:bosyht9:
و حيفضلوا كده
مش حيتغيروا لانهم ببساطه مننا
ما هو الوزير ده كان ايه
اتولد وزير
لاء
كان فى يوم من الايام طفل اتعلم يغش فى المدرسه
و ان اللى يساعد صاحبه ربنا يساعده
و كبر بقى فى الجامعه و اتعلم
ان اللى معاه قرش يسوى قرش
و اتخرج بقى
عرف ان الدنيا ماشيه فيها شريعه الغاب
و اهى نتيجه الخبرات دى
اللى احنا كمجتمع لقناها ليه
بقى هو الوزير اللى مش عاجبنا دلوقتى
:rolleyes:
يلا على راى نظيف
احنا شعب غير ناضج سياسيا
و مش نستحق الديموقراطيه دلوقتى
عشان مش حنفهمها
هوفففففففف
:d
و الله تعبناهم معانا
يغيرونا احسن ليهم و لينا
:romarioxp6:
فى رعايه الله

اذا كان الموظف بيقبل الرشوة فا دا لان في ضغوط كتير عليه خلت مبقاش عنده اي ضمير لما يقبضله حوالي 400 او 500 جنيه في الزمن المنيل دا عايزاه يعمل ايه

طبعا احنا منقدرش ننكر ان دا غلط بس مش هنقدر نحمل الناس دول الغلط كله

لانه لو كانت حكومتنا زي حكومات برا مكنش الحال هيبقي كدا دي حاجة

الحاجة التانيه ان مصر مش كلها نفس الوتيره زي ما حضرتك قولتي مصر زي ما فيها الدكتور نظيف فيها بردو جمال الجنزوري

وزي ما فيها حمير كتير بيقودونا في نا كتير اوي احق منهم بالمناصب دي

وان الوزير دا كان طالب وبيغش وبيعمل بردو من نفس الجيل طلع نجيب محفوظ واحمد زويل

وطلع الدكتور حسين هيكل وطلع وطلع وطلع

الفكره اللي عايز اقولها ان مصر فيها كويسين كتييييييييييييييييييير جدا جدا جدا بس للاسف الكويس مش بيقعد

لانهم عايزين حمير تجر البلد من تخلف لتخلف

انما فعلا مصر فيها ناس كويسه وناس فاهمه

نورتي الموضوع بردك ومرورك:)

dr.zomba

05-02-2009, 05:33 PM

جميل اوووووى الموضوع

الفرق بين رئيس وزراء تركيا و وزرائنا احنا
انه واحد عارف ان الشعب اختاره فمها يعمل مش هيخسر لان الشعب حابه و الشعب وراه فى كل حاجة يعملها

انما احنا الوزير مش يتكلم قبل ماياخد الاذن من اللى اكبر منه
و اللى اكبر منه ياخد من اللى اكبر منه
و هكذا
لانهم متاكدين اننا مش بنحبهم و لا عايزينهم
و بالتالى يخلوهم مع الناس الكبيرة لانهم لو اتشالو مافيش حد يبكى عليهم

بالنسبة للسياسة
لا هو فعلا مش موجودة فى مصر
بس موجود
الضحك ع العقول
متوفرة حاليا فى الاسواق:)

موضوع جمييييييل اوى

اتمنى مش اكون طلعت بره الموضوع

والله ياريتها حتي ضحك علي العقول كان الشعب هيتسرق اينعم بس هيكون مرتاح نسبيا لانه مش عارف انه بيتسرق

انما المشكلة انهم بيسرقوا علي عينك يا تاجر وماشيين بمبدأ اللي يعرف يعمل حاجة يعملها

مرورك هو الاجمل ومطلعتيش خالص برا الموضوع :)

نورتي الموضوع :)

اوركيديا

05-02-2009, 11:04 PM

اذا كان الموظف بيقبل الرشوة فا دا لان في ضغوط كتير عليه خلت مبقاش عنده اي ضمير لما يقبضله حوالي 400 او 500 جنيه في الزمن المنيل دا عايزاه يعمل ايه

طبعا احنا منقدرش ننكر ان دا غلط بس مش هنقدر نحمل الناس دول الغلط كله

لانه لو كانت حكومتنا زي حكومات برا مكنش الحال هيبقي كدا دي حاجة

الحاجة التانيه ان مصر مش كلها نفس الوتيره زي ما حضرتك قولتي مصر زي ما فيها الدكتور نظيف فيها بردو جمال الجنزوري

وزي ما فيها حمير كتير بيقودونا في نا كتير اوي احق منهم بالمناصب دي

وان الوزير دا كان طالب وبيغش وبيعمل بردو من نفس الجيل طلع نجيب محفوظ واحمد زويل

وطلع الدكتور حسين هيكل وطلع وطلع وطلع

الفكره اللي عايز اقولها ان مصر فيها كويسين كتييييييييييييييييييير جدا جدا جدا بس للاسف الكويس مش بيقعد

لانهم عايزين حمير تجر البلد من تخلف لتخلف

انما فعلا مصر فيها ناس كويسه وناس فاهمه

نورتي الموضوع بردك ومرورك:)
اها اكيد مصر فيها ناس كويسه
بس فين دول
بجد فين
انا لو مكانهم مش ابقى هنا اساسا
فايدتها ايه
<_<
بس عامه الناس الكويسه غالبا لما بتقعد على منصب
بتبقى اوحش من الوحش
:rolleyes:
و اللى انا كنت بتكلم فيه
ان احنا اللى جايبين نفسنا ورا
و لو فيه كويس
برده احنا اللى حنطفشه
العمليه متبادله و بتنتهى باننا مش نستحق غير كده
و فى النهايه حتلاقى كل حد يقدر يعمل
مش عايز تبقى دى بلده
:romarioxp6:
و اسفه على الرد التانى
:)
فى رعايه الله

dr.zomba

06-02-2009, 02:49 PM

اها اكيد مصر فيها ناس كويسه

بس فين دول
بجد فين

والله موجودين بس الحكومه مش عايزاهم يطلعوا واللي حاولوا يطلعوا غصب عن الحكومة انتهوا زي ايمن نور مثلا

انا لو مكانهم مش ابقى هنا اساسا
فايدتها ايه

هما موجودين ونفسهم يعملوا بس مش قادرين بس دلوقتي بدأوا مجرد بدايه انهم يعملوا زي انهم يوعوا الناس ويقفوا مع الناس ويقودوا الناس

<_<
بس عامه الناس الكويسه غالبا لما بتقعد على منصب
بتبقى اوحش من الوحش
:rolleyes:

دول مينفعش نقول عليهم كويسين وصدقيني الشعب المصري بيعرف الصادق من الكداب مهما كان ممثل ممتاز بيتكشف قبل ما يوصل

و اللى انا كنت بتكلم فيه
ان احنا اللى جايبين نفسنا ورا
و لو فيه كويس
برده احنا اللى حنطفشه

مختلف معاكي في الحته دي احنا مشكلتنا اننا معندناش قائد عندنا ناس كتير جدا في مجال الاداره بس للاسف مفيش واحد فيهم قادر يقود الشعب ويوحده علي هدف واحد عشان كدا انتي بتقولي ان احنا اللي مش كويسين

العمليه متبادله و بتنتهى باننا مش نستحق غير كده
و فى النهايه حتلاقى كل حد يقدر يعمل
مش عايز تبقى دى بلده
:romarioxp6:

ماهو دا بسبب عدم وجود انتماء والسبب كله يرجع لعدم وجود قائد
بس لو الواحد حاسس انه لما هيعمل في بلده هيتقدر كان عمل انما للاسف هو عارف انه لما هيعمل هيتكدر
عشان كدا مبيعملش

و اسفه على الرد التانى
:)
فى رعايه الله

لا طبعا دا رد حضرتك نورتي للمره التانيه

ومستني ردك :)

اوركيديا

07-02-2009, 01:37 AM

والله موجودين بس الحكومه مش عايزاهم يطلعوا واللي حاولوا يطلعوا غصب عن الحكومة انتهوا زي ايمن نور مثلا
امممممم
الموضوع حضرتك باصصله من وجهه واحده بس
يعنى ايمن نور مثلا
مين اللى طلع فى كل الصحف
و قعد يقطع فى فروته بطريقه مستفزه
مش برده مننا
احنا الشعب
مين اللى اتهم مراته زور انها افتعلت مشاكل
مين اللى قاعديين يشهدوا ضده فى كل محاكمه
مش بردوا هما دول الشعب
اللى هو احنا
و مش ينفع نقول
انا عبد المامور
عشان غير مسأله انها حرام
فهى اساسا غير منطقيه
على حسب كلام حضرتك
الناس مش بقى عندها مبادئ اساسا
و ده نابع منهم هما
الفساد جوانا احنا فعلا

:)

هما موجودين ونفسهم يعملوا بس مش قادرين بس دلوقتي بدأوا مجرد بدايه انهم يعملوا زي انهم يوعوا الناس ويقفوا مع الناس ويقودوا الناس
عمليه انهم موجودين و نفسهم يعملوا حاجه مش منطقيه
او بمعنى ادق
مش واقعيه
يعنى حضرتك ممكن يكون قصدك على بعض النشاط و الوعى السياسى اللى بقى موجود
بس الفكره
ان ده برده قمه التخلف بالنسبه لباقى الدول اللى ربنا خلقها
يعنى احنا لسه بنلعب فعلا
مش عارفيين حاجه فى اى حاجه
و عمليه الوعى اولا
غالبا بتبقى غلط
و بتعتمد على مسح كامل للوعى الشخصى للافراد
و لو ده مش حصل و اتعملت صح على غير العاده
مش حتلاقى عامه الشعب اللى هو احنا
عندهم اى استعداد للفهم الحقيقى
كفايه عليهم يروحوا و هما معاهم قوت يومهم
و ده عندهم اخر امانيهم
و على فكره انا مش بتكلم عن الناس اللى مش لاقيه
بالعكس
انا بتكلم على الناس اللى لاقيه و قادره
و مش يهمها الباقى
و دول بيمثلوا الحمد لله حوالى 80 % من الشعب المصرى
و الباقى بقى
لا هو اللى واكل البلد
لا بيحارب السراب دى دون كيشوت

:romarioxp6:

دول مينفعش نقول عليهم كويسين وصدقيني الشعب المصري بيعرف الصادق من الكداب مهما كان ممثل ممتاز بيتكشف قبل ما يوصل

امممممممممم
اجيبلك كام مثال
بس بلاش
نتكلم عن ميت مشرف هنا فى المنتدى
لما كانوا اعضاء كاناو مش فيه انشط
اول ما مسكوا الاشراف
مش شفناهم
العمليه انهم مش كانوا وحشين
لاء
العمليه عمليه نفسيه فى الاول و الاخر
يعنى الواحد كان بيدور على حاجه
سواء منصب وزارى
قيادى
اى حاجه
و اول ما اتحقق
اتنقل
شاف حاجات جديده
اتغيرت طريقه تفكيره و اهدافه و مخططاته
و للاسف عشان احنا وحشين
اللى بيقعد على حاجه
موت بقى عبال ما يمشى
و احنا السبب مش هما
مع انهم هما اساسا احنا
دايره مقفوله

مختلف معاكي في الحته دي احنا مشكلتنا اننا معندناش قائد عندنا ناس كتير جدا في مجال الاداره بس للاسف مفيش واحد فيهم قادر يقود الشعب ويوحده علي هدف واحد عشان كدا انتي بتقولي ان احنا اللي مش كويسين
تؤتؤ
ماشى انا متفقه معاك اننا عندنا الحماسه
و اننا محتاجين القياده
بس مين حيقود مين
على راى احمد مطر
احنا مجموعه من الخراف اساسا

و حاجه تانيه كان قالها على موضوع صلاح الدين ده
كان الشيخُ يهزّ المنبَر
حين استرسلَ يدعو لفلسطينْ
وأنا كادت أن تخنقني العبرةُ لما كنتُ أرددها:
"آمين... آمين"
بعد صلاة الجمعة قمتُ سألتُ الشيخَ:
"أترجع أرضُ القدس إلينا في يومٍ يشبه حطينْ؟!"
فأجابَ: "نعم"
فسألتُ: "متى؟!"
فأجاب بصوتٍ جدِ حزينْ:
"حين يعودُ صلاحُ الدين"
فسألتُ: "أينفخ ربي فيه الروحَ
ويُبعَثُ ثانية؟!"
هزّ الشيخُ الرأسَ.. فقلتُ: "متى؟!"
فأجاب: "الأمر بديهيٌ جداً...
سوف يعود صلاحُ الدينْ
حين يزول فسادُ الدينْ
:romarioxp6:

ماهو دا بسبب عدم وجود انتماء والسبب كله يرجع لعدم وجود قائد
بس لو الواحد حاسس انه لما هيعمل في بلده هيتقدر كان عمل انما للاسف هو عارف انه لما هيعمل هيتكدر
عشان كدا مبيعملش
اممممم
مش لازم
عدم الانتماء السبب الرئيسى المجتمع نفسه
يعنى مش حتلاقى كل الامريكان عندهم انتماء
المساله مساله تلبيه احتياجات
للشعب ده
و مش حتلاقى كتير مستعدين انهم يضحوا عشان قضيه
بيقولوا علينا اكتر شعب مستكين و مسالم
يعنى غالبا مش حنعمل على الاقل فى الجيل ده
زى الفرنسسين فى الثوره الفرنسيه
و نضحى بروحنا عشان القضيه اللى احنا مؤمنين بيها
لسه
لما ننضف احنا من جوه الاول

:)

ومستني ردك :)
احم احم
اظن ان حضرتك مش حتنتظر ردى تانى
كفايه المعلقه اللى انا كتبتها دى :romarioxp6:
رغايه انا :slap1qk6:

المهم ياريت ردى يكون عجبك
:)
فى رعايه الله

dr.zomba

07-02-2009, 02:20 PM

اقتباس:

المشاركة الأصلية كتبت بواسطة dr.zomba http://thanwya.com/vb/life/buttons/viewpost.gif (http://thanwya.com/vb/showthread.php?p=1076260#post1076260)
والله موجودين بس الحكومه مش عايزاهم يطلعوا واللي حاولوا يطلعوا غصب عن الحكومة انتهوا زي ايمن نور مثلا

امممممم
الموضوع حضرتك باصصله من وجهه واحده بس
يعنى ايمن نور مثلا
مين اللى طلع فى كل الصحف
و قعد يقطع فى فروته بطريقه مستفزه
مش برده مننا
احنا الشعب
مين اللى اتهم مراته زور انها افتعلت مشاكل
مين اللى قاعديين يشهدوا ضده فى كل محاكمه
مش بردوا هما دول الشعب
اللى هو احنا
و مش ينفع نقول
انا عبد المامور
عشان غير مسأله انها حرام
فهى اساسا غير منطقيه
على حسب كلام حضرتك
الناس مش بقى عندها مبادئ اساسا
و ده نابع منهم هما
الفساد جوانا احنا فعلا

:)

هههههههههههههههههههه
انا نفسي اعرف انتي ليه ظنه السؤ دا كله في الشعب دا

بصي اللي عملوا كدا مع ايمن نور مش الشعب المصر هما ناس من الشعب المصري بس مش الشعب كله

هو لو واحد بلغ عن ايمن نور يبقي معني كدا انه بيمثل الشعب كله وان الشعب كله كاره ايمن نور ؟ اكيد لا طبعا

يعني اللي حصل دا لايمن نور ومراته من الحكومه اصلا مش من الشعب والطبيعي ان الشعب مش مع الحكومه

يعني متقوليليش ان الحكومه من الشعب وانهم بيعبروا عن الشعب

اقتباس:
هما موجودين ونفسهم يعملوا بس مش قادرين بس دلوقتي بدأوا مجرد بدايه انهم يعملوا زي انهم يوعوا الناس ويقفوا مع الناس ويقودوا الناس

عمليه انهم موجودين و نفسهم يعملوا حاجه مش منطقيه
او بمعنى ادق
مش واقعيه
يعنى حضرتك ممكن يكون قصدك على بعض النشاط و الوعى السياسى اللى بقى موجود
بس الفكره
ان ده برده قمه التخلف بالنسبه لباقى الدول اللى ربنا خلقها
يعنى احنا لسه بنلعب فعلا
مش عارفيين حاجه فى اى حاجه
و عمليه الوعى اولا
غالبا بتبقى غلط
و بتعتمد على مسح كامل للوعى الشخصى للافراد

مظنش لان السياسين لو كانوا بيغيروا اتجاه شعب كان هيبقي صعب جدا وكانوا هيتعبوا وعمرها ما كانت هتبقي بالسهوله دي
هما مش بيتعبوا لانهم بيقولوا الكلام اللي الشعب عايزه ومش عارف يقوله او مش عارف يوصله يعني مفيش مسح للوعي او حاجه زي كدا انا عن نفسي شايف كدا

و لو ده مش حصل و اتعملت صح على غير العاده
مش حتلاقى عامه الشعب اللى هو احنا
عندهم اى استعداد للفهم الحقيقى
كفايه عليهم يروحوا و هما معاهم قوت يومهم
و ده عندهم اخر امانيهم
و على فكره انا مش بتكلم عن الناس اللى مش لاقيه
بالعكس
انا بتكلم على الناس اللى لاقيه و قادره
و مش يهمها الباقى
و دول بيمثلوا الحمد لله حوالى 80 % من الشعب المصرى
و الباقى بقى
لا هو اللى واكل البلد
لا بيحارب السراب دى دون كيشوت

:romarioxp6:

ماهي المشكله ان اصلا الشعب كتير منهم دلوقتي مبقاش لاقي قوت يومه وهما دول اللي بيكونوا مع السياسين بس مش معني انهم مش لاقين قوت يومهم انهم كلهم جهلا وغلابا مثلا او سهل يضحك عليهم

عندك الدكاتره اللي شغالين في الحكومه ( اللي عندهم ضمير طبعا ) دول مش لاقين قوت يومهم و بيتهيالي مفيش طبقه من وجهة نظر الشعب المصري يعني عندها علم اكتر من الدكاتره وبيقفوا ورا السياسين

يعني مش سهل خالص انهم يعملولهم مسح وعي مثلا

اقتباس:
دول مينفعش نقول عليهم كويسين وصدقيني الشعب المصري بيعرف الصادق من الكداب مهما كان ممثل ممتاز بيتكشف قبل ما يوصل

امممممممممم
اجيبلك كام مثال
بس بلاش
نتكلم عن ميت مشرف هنا فى المنتدى
لما كانوا اعضاء كاناو مش فيه انشط
اول ما مسكوا الاشراف
مش شفناهم
العمليه انهم مش كانوا وحشين
لاء
العمليه عمليه نفسيه فى الاول و الاخر
يعنى الواحد كان بيدور على حاجه
سواء منصب وزارى
قيادى
اى حاجه
و اول ما اتحقق
اتنقل
شاف حاجات جديده
اتغيرت طريقه تفكيره و اهدافه و مخططاته
و للاسف عشان احنا وحشين
اللى بيقعد على حاجه
موت بقى عبال ما يمشى
و احنا السبب مش هما
مع انهم هما اساسا احنا
دايره مقفوله

كويس انك جبتي المنتدي مثال لمصر

انا معاكي ان في مشرفين اتغيروا اول ما مسكوا بس برضو في كتير متغيروش دي حاجه محدش يقدر ينكرها

وفي ناس بين البينين يعني اتغيروا بعد ما مسكوا الاشراف بس برضو كانوا بيعملوا لمصلحة المنتدي

نفس اللي بيحصل في مصر بالظبط

اقتباس:
مختلف معاكي في الحته دي احنا مشكلتنا اننا معندناش قائد عندنا ناس كتير جدا في مجال الاداره بس للاسف مفيش واحد فيهم قادر يقود الشعب ويوحده علي هدف واحد عشان كدا انتي بتقولي ان احنا اللي مش كويسين

تؤتؤ
ماشى انا متفقه معاك اننا عندنا الحماسه
و اننا محتاجين القياده
بس مين حيقود مين
على راى احمد مطر
احنا مجموعه من الخراف اساسا

و حاجه تانيه كان قالها على موضوع صلاح الدين ده
كان الشيخُ يهزّ المنبَر
حين استرسلَ يدعو لفلسطينْ
وأنا كادت أن تخنقني العبرةُ لما كنتُ أرددها:
"آمين... آمين"
بعد صلاة الجمعة قمتُ سألتُ الشيخَ:
"أترجع أرضُ القدس إلينا في يومٍ يشبه حطينْ؟!"
فأجابَ: "نعم"
فسألتُ: "متى؟!"
فأجاب بصوتٍ جدِ حزينْ:
"حين يعودُ صلاحُ الدين"
فسألتُ: "أينفخ ربي فيه الروحَ
ويُبعَثُ ثانية؟!"
هزّ الشيخُ الرأسَ.. فقلتُ: "متى؟!"
فأجاب: "الأمر بديهيٌ جداً...
سوف يعود صلاحُ الدينْ
حين يزول فسادُ الدينْ
:romarioxp6:

قال حين يزول الفساد الديني مش حين يزول الشعب العربي كله يعني هل احنا كشعب منعرفش عن الدين بتاعنا
لا كلنا نعرف وحتي اللي بيخالفوا الدين عارفين الدين كويس بس الفساد الديني جاي من الحكومة

يعني هو واحد من عامة الشعب هو اللي طلع وقال ان الحجاب تخلف ولا واحد من الحكومة تفرق كتير

ومش معني اننا مش قادرين نعمل حاجه اننا مجموعة خراف ومش عارفين حاجه بس كل واحد مشغول في حاله

ودي الحاجة الوحيدة اللي الحكومة نجحت فيها انها تفرق الشعب المصري ويبقي كل واحد له همه

بس الحركة دي بدأت تتكشف لباقي الشعب بس علي ما تتكشف هتطلعلنا الحكومة بحاجة جديدة وربنا يستر

اقتباس:
ماهو دا بسبب عدم وجود انتماء والسبب كله يرجع لعدم وجود قائد
بس لو الواحد حاسس انه لما هيعمل في بلده هيتقدر كان عمل انما للاسف هو عارف انه لما هيعمل هيتكدر
عشان كدا مبيعملش

اممممم
مش لازم
عدم الانتماء السبب الرئيسى المجتمع نفسه
يعنى مش حتلاقى كل الامريكان عندهم انتماء
المساله مساله تلبيه احتياجات
للشعب ده
و مش حتلاقى كتير مستعدين انهم يضحوا عشان قضيه
بيقولوا علينا اكتر شعب مستكين و مسالم
يعنى غالبا مش حنعمل على الاقل فى الجيل ده
زى الفرنسسين فى الثوره الفرنسيه
و نضحى بروحنا عشان القضيه اللى احنا مؤمنين بيها
لسه
لما ننضف احنا من جوه الاول

:)

احنا نضاف من جوا مش مشغولين من برا فكري فيها كدا هتلاقي ان الشعب دا هو هو الشعب اللي عمل ثورة 1919 بس الفرق ان حكومة19 كانت مع الشعب عشان كدا كانت قضيتهم سهله رغم انهم قعدوا فترة اطول بكتييييييييييييير مننا صابرين علي حكم اسوأ من بتاعنا بكتير بس في الاخر عملوا الثورة

واللي ان شاء الله هيحصل زيها قريب لو الاوضاع متحسنتش

اقتباس:
ومستني ردك :)

احم احم
اظن ان حضرتك مش حتنتظر ردى تانى
كفايه المعلقه اللى انا كتبتها دى :romarioxp6:
رغايه انا :slap1qk6:

المهم ياريت ردى يكون عجبك
:)
فى رعايه الله

لا والله مفيش اي رغي خالص

حضرتك نورتيني ومستني بردو ردك

انا مش بزهق :d

ريحانه من الجنه

07-02-2009, 09:19 PM

ولما وزير الثقافة يشتم المحجبات وزير الثقافه ومبيحترمش ولا دين ولا ثقافة شعب يبقي الراجل دا معندوش اي فهم عن الثقافة ويبقي فاشل في مكانه

لما الشعب كله يكون رافض ان الغاز بتاعه يتصدر للصهاينة والحكومة واقفة ضد الشعب في المحكمة يبقي الحكومة كلها مش عارفه شغلها

بصرااحه فعلااا حاجه تقهر

جزى الله حضرتك خير

الف شكر لحضرتك على الموضوع

vampire1188

07-02-2009, 09:20 PM

وحشتوني ( زي الدكتور البشبيشي ما بيقولنا :d)

مكانش بيقولنا كدا السنة اللي فاتت .. كان بيقولنا الله يخرب بيوتكوا !!

سياسة مصر مش سياسة ترويض لا دي سياسة تحوير وصياعة وللاسف حتي مش بيعرفوا يحورا او يلعبوا بالبيضه والحجر لا دول اغبي ما يمكن ان يكون الانسان مش السياسي بس

أحييك والله على الموضوع الجامد دا .. وفعلا السياسة اللي ماشية في مصر مش صياعة .. لأ دي قلة ادب !

سيدنا محمد قال : إذا وسد الأمر إلى غير أهله فانتظر الساعة ..

انتظروها بقي انتوا كمان !!

dr.zomba

08-02-2009, 03:17 PM

dr.zomba

08-02-2009, 03:24 PM

مكانش بيقولنا كدا السنة اللي فاتت .. كان بيقولنا الله يخرب بيوتكوا !!

عيب عليك الناس مقامات :d

أحييك والله على الموضوع الجامد دا .. وفعلا السياسة اللي ماشية في مصر مش صياعة .. لأ دي قلة ادب !

فعلا والله قلة ادب

سيدنا محمد قال : إذا وسد الأمر إلى غير أهله فانتظر الساعة ..

انتظروها بقي انتوا كمان !!

ربنا يستر من اللي جاي فعلا يا حج فامبير

بس اهو الواحد بيتفائل وربنا يكرم إن شاء الله

نورتني يا باشا بمرورك وردك :)