,,...جوزى بيضربنى...,,, [الأرشيف] - بوابة الثانوية العامة المصرية

Sharp Nails

05-02-2009, 06:10 PM

شموخ مسلمة

05-02-2009, 06:22 PM

ههههههه تبقى هاتيلى غدا معاكى لانى مش اكلت كويس:)
جمييييييييل اوى يا ناسوووووووووووم

بصى مبدايا بختلف معاكى ان المراة هى رد الفعل
انا شايفة ان المراة هي الفعل و الفعل الاساسى

و ده طبعا مجرد راى
بصى هقولك ع حاجة
المراة كتكوين ضعيف اه انا معاكى
بس كعقل و كتصرف متهيالى تقدر توزن الامور و تعرف تتحكم فى الموقف كويس
يعنى يابنتى
واحدة شايفة جوزها متنرفز و مش طايق حد
هتيجى تزن بقى و لازم تعرف ماله
لا مش ينفع
المفروض تسيبه فترة
لان طبيعى اى انسان و هو متنرفز بيبقى مش واعى لاى حاجة
اه انا معاكى ان فى رجالة او مايقال انهم رجالة
بيضربو زوجاتهم كده بمزاجهم بتخلف اصلا
بس دول صراحة بحس انهم مرضى نفسيين

و زى مانتى قلتى احنا فى المجتمع بتاعنا ده الرجل بيفتكر انه عشان يبقى راجل لازم يضرب و لازم الضرب المبرح:angry2:

متفقة معاكى فى باقى الموضوع يا ناسوووووووم
بس عشان نكون ناس بتاعت الحق بقى
هقولك موقف حصل معايا

كنت فى تاكسى و كان البرنامج اللى شغال فى الراديو زى حالاتك كده بيتكلم عن ضرب الزوجات ياعينى حسسنى ان المراة مش واخدة حاجة من حقها خالص-ناس كتير بتبالغ-
المهم يعنى
ان سواق التاكسى سمعهم بيقولو عن القانون و كده
لاقيته بيقول
طيب و الرجالة اللى بيتضربو تعملولهم اييييييييييه؟؟؟؟؟
طبعا انا هسيبك تحكمى

Free Mind

05-02-2009, 06:29 PM

ههههههههههههه موضوع جميل ههههههههههههه

جزاك الله خيرا

الضوء الشارد

05-02-2009, 07:53 PM

مع كل الأحترام لكى بس انا باختلف معاكى . الست هى الفعل اولا وثانيا والرجل هو رد الفعل مش العكس . يعنى الست اللى المفروض تسعد الرجل وبرضك الرجل يبقى متفاهم معاها . وبعدين السيدة المصرية تستحق الضرب لأنها رمز للنكد الدائم والمستمر . يعنى يبقى الراجل جاى من شغله مهموم وعايز يرتاح وهى بتزود همومه فيبقى لازم يتخنق منها . لكن انا متفق معاكى ان مافيش حاجة اسمها ضرب مبرح الضرب يبقى بحنية كده :stickjo4::abdoog8: مثلا يعنى انما العنف لا طبعا .وبعدين الظاهرة الجديدة ان الستات توحشوا لدرجة انهم بقوا بيضربوا الرجالة . الله يرحم ايامك ياسى السيد .

_GUIDE_

05-02-2009, 07:53 PM

لا بالعكس !!فى رجالة لما بتتعصب بتوصل لمرحلة انها مش شايفة قصدها ولا حاسة هتعمل اية
انا ده

بس معتقدتش ان ممكن يكون الضرب من غير سبب يعنى
ثم بينى وبينك يانسمة
انتى تستهلى قطع رقبتك:)
مش الضرب بس

مروه

05-02-2009, 08:23 PM

. وبعدين السيدة المصرية تستحق الضرب لأنها رمز للنكد الدائم والمستمر . . .
لا طبعا مش كده خالص:angry2:
وحتى لو فيه ستات كده يبقى مش كلهم
وحتى لو كلهم كده يبقى برضه مش وصلت للضرب
....................................
الموضوع جميل اوى يا نسمه
بس انا فى رأيى ان الرجل اللى يضرب مراته
يبقى سورى فى اللفظ مش رجل

لأن ده يبقى عاوز يبين بس رجولته بالضرب لمراته
معرفش ازاى الرجل اللى بيعمل كده بيعمل كده ازاى
يعنى مش عارف مثلا ان ده هيأثر حتى على اولاده
يعنى لما عياله يشوفوه وهو بيضرب مامتهم
هتبقى نفسيتهم عامله ازاى
او حتى باباهم ده هيبقى فى نظرهم ايه؟؟؟؟؟؟؟
يعنى المفروض اى راجل بيعمل كده
يتقى ربنا فى مراته
وتسلمى كتير يا نسوم على الموضوع

همس

05-02-2009, 08:29 PM

انا ده

بس معتقدتش ان ممكن يكون الضرب من غير سبب يعنى
ثم بينى وبينك يانسمة
انتى تستهلى قطع رقبتك:)
مش الضرب بس

بيني وبينك يا اسلام

انا اكتشفت انك شايف ان كل بنات المنتدى

عاوزة قطع رقبتها :)

مع اني شايفة ان في رجالة كتير هنا عاوزين الحرق وقطع الرقبة ولو فيه اسوأ كمان ممكن :)

تقبل ردي :078111rg3:

انا هرد عليكي ان شاء الله يا نسمة

:)

انا قلت اعلق بس على الحتة دي

عبد العزيز1000

05-02-2009, 08:55 PM

العنف دليل على ضعف الشخصية عدم ادراك المعنى الحقيقي لجوهرالعلاقة التى شرعها الله بين الزوجين فقدت الحياة دفئها حين افتقدنا المشاعر وتقبلوامرورى

شمس بياض

05-02-2009, 09:01 PM

الضوء الشارد

05-02-2009, 09:29 PM

لا طبعا مش كده خالص:angry2:
وحتى لو فيه ستات كده يبقى مش كلهم
وحتى لو كلهم كده يبقى برضه مش وصلت للضرب
....................................
الموضوع جميل اوى يا نسمه
بس انا فى رأيى ان الرجل اللى يضرب مراته
يبقى سورى فى اللفظ مش رجل

لأن ده يبقى عاوز يبين بس رجولته بالضرب لمراته
معرفش ازاى الرجل اللى بيعمل كده بيعمل كده ازاى
يعنى مش عارف مثلا ان ده هيأثر حتى على اولاده
يعنى لما عياله يشوفوه وهو بيضرب مامتهم
هتبقى نفسيتهم عامله ازاى
او حتى باباهم ده هيبقى فى نظرهم ايه؟؟؟؟؟؟؟
يعنى المفروض اى راجل بيعمل كده
يتقى ربنا فى مراته
وتسلمى كتير يا نسوم على الموضوع

لأ معظم المصريات بيموتوا فى النكد وبيتفننوا فيه . ودول يستاهلوا الضرب . دى حتى فيه ناس هنا فى المنتدى تستاهل الضرب .

MoHaMeD ELsHeRbEnY

05-02-2009, 10:24 PM

السلام عليكم

اولا ياريت ردى محدش يزعل منة

بصى يانسمة

اولا لية اغلب الشباب بيقولو مش هنجوز

من الى شايفة فى البيت

خناق من ابوة وامة

بجد انا اعرف ستات كتير

مش بترتاح ولا مزاجها بيتظبط

الا لما تعمل خناقة فى البيت

على اى حاجة

حتى لو تافهة جدا

بس هيا عندها مزاج كدة

وعلى فكرة الفئة دى

مش قليلة

بالعكس دى كتيرة جدا

وياريت محدش يغالط نفسة ويقول غير كدة

طيب يبقى دول يستاهلو الضرب ولا لا ؟؟

طيب انا هتكلم عن نفسى

انا عن نفسى عمرى ما هضرب زوجتى

مهما عملت

ومهما حصل

لان انا ابويا قالى كلمة

عمرى ما انساها

قالى ضرب الراجل لزوجتة

بيقلل من كرامتة ومكانتة فى نظرها جدا جدا

طيب تيجى نعقل الجمل دى

انا زوجى غلطت فيا مثلا

او عملت اى شئ غلط

وجيت ضربتها لما كسرت عظمها

هيبقى شكلى اية قدامها

وقدام اهلها

دلوقتى او بعد كدة

طيب انا لو مضربتهاش

بس تجاهلتها شوية

من رايكم انهى الى هياثر فيها

اكيد لو عندها دم هيبقى التجاهل

طيب مثلا لو عملت غلطة جامدة

والتجاهل دا مش هيخلص النار الى جوايا

وضربتها وسابت البيت ومشيت عند اهلها

هيبقى شكلى اية

فين كرامتى طيب

طيب انا لو اخدتها من ايدها من غير ضرب

ولا اى حاجة

وروحت وديتها بيت ابوها

وقلت لة بنتك عندك

لما تربيها ابقى هاتها

واسئلها عملت اية

بجد مكانتك هتكبر قوى قوى

فى نظر زوجت اولا

ونظر اهلها ثانيا

طيب تعالو نتكلم شوية كدة

عن المراة قبل الاسلام

كانت تعيش فى ظلام دامس

كانت تعيش فى ظلم قاهر

مسلوبة القوى

ملهاش اى حقوق

ووصل الى التشاؤم

والاستحياء منها

عندما يبشر اى شخص

بمولودة انثى لة

لدرجة ان وصلت بيهم الجرئة

ان يقتلوها وهى حية

طيب لما جية الاسلام بقى

انصفها بكل حقوقها

ورفع عنها الظلم

واعلى من مكانتها

ووصى بها بالخير

وزلت سورتين كاملتين

عن النساء

سورتى ( النساء / مريم )

دا غير بقى الاحاديث الكتير

عن رسولنا الكريم صلى الله علية وسلم

بس بصراحة مش فاكر دلوقتى حاجة

طيب لية بقى نتشبة باليهود قبل الاسلام

انا بقى فى اعتقادى ان الزوج الذى يلجأ للضرب

انسان فاقد للثقة فى نفسة

ويمتلئ عقلة بالشكوك وما شابة

دا كان راى متواضع

متاسف لو انا طولت فى الكلام

بس بجد الموضوع جميل قوى

ومتميز

ودا مش اول موضوع متميز لنسمة

لان نسمة كل مواضيعها متميزة

اى خدمة يانسمة

وليا ردود تانية كتييييييييير

ان شاء الله

فى رعاية الله

مس رانيا حسن

06-02-2009, 12:20 AM

اولا احيكى على موضوعك
لكن لى ملحوظه الفئه من الرجال اللى تعرضتى ليها فى موضوعك لا تمثل كل الرجال
والدليل اننا بنسمع فى ايامنا تلك ان هناك زوجات يضربن ازواجهم
فى اعتقادى بيكون السبب فى حدوث ذلك
كبت داخلى بيحاول يخرجه فى شكل الازاحه ( ضرب الطرف الأخر )
عموما مشكورة اختى على موضوعك
نتمنى الهداية لجميع الازواج والزوجات
وبلاش موضوع الضرب ده
فى أمان الله

Sharp Nails

06-02-2009, 12:53 AM

ههههههه تبقى هاتيلى غدا معاكى لانى مش اكلت كويس:)

جمييييييييل اوى يا ناسوووووووووووم
اية الجوع دة

بصى مبدايا بختلف معاكى ان المراة هى رد الفعل
انا شايفة ان المراة هي الفعل و الفعل الاساسى
وانا والله يابنتى شايفة كدة
بس هقولك على حاجة انا كل مرة فى مواضيعى ببقى
ضد الستات فقولت افرحهم مرة
واقول كلمة حلوة فى حقهم
وصلت؟؟!!

و ده طبعا مجرد راى
بصى هقولك ع حاجة
المراة كتكوين ضعيف اه انا معاكى
بس كعقل و كتصرف متهيالى تقدر توزن الامور و تعرف تتحكم فى الموقف كويس
يعنى يابنتى
واحدة شايفة جوزها متنرفز و مش طايق حد
هتيجى تزن بقى و لازم تعرف ماله
بعيد عنك انا مسمياهم المرأة المتخلفة اجتماعيا
لا مش ينفع
المفروض تسيبه فترة
لان طبيعى اى انسان و هو متنرفز بيبقى مش واعى لاى حاجة
اه انا معاكى ان فى رجالة او مايقال انهم رجالة
بيضربو زوجاتهم كده بمزاجهم بتخلف اصلا
بس دول صراحة بحس انهم مرضى نفسيين

و زى مانتى قلتى احنا فى المجتمع بتاعنا ده الرجل بيفتكر انه عشان يبقى راجل لازم يضرب و لازم الضرب المبرح:angry2:

متفقة معاكى فى باقى الموضوع يا ناسوووووووم
بس عشان نكون ناس بتاعت الحق بقى
هقولك موقف حصل معايا

كنت فى تاكسى و كان البرنامج اللى شغال فى الراديو زى حالاتك كده بيتكلم عن ضرب الزوجات ياعينى حسسنى ان المراة مش واخدة حاجة من حقها خالص-ناس كتير بتبالغ-
المهم يعنى
ان سواق التاكسى سمعهم بيقولو عن القانون و كده
لاقيته بيقول
طيب و الرجالة اللى بيتضربو تعملولهم اييييييييييه؟؟؟؟؟
طبعا انا هسيبك تحكمى

لا بصى الرجالة الى بتضرب دية مش رجالة اصلا
بس دول ليهم موضوع تانى خالص
لما نفوقلهم بقى ويكونوا قضية قوية تهز كيان المجتمع

عالعموم شكرا ياحبى عالمرور نورتينى :)

Sharp Nails

06-02-2009, 12:55 AM

ههههههههههههه موضوع جميل ههههههههههههه

جزاك الله خيرا
ههههههههههههه
شكرا
ههههههههههههههه
جزانا واياكم
معرفش بتضحك على اية بس قولت اواسيك واضحك معاك

أحمـدنجـم

06-02-2009, 12:58 AM

Sharp Nails

06-02-2009, 01:02 AM

مع كل الأحترام لكى بس انا باختلف معاكى . الست هى الفعل اولا وثانيا والرجل هو رد الفعل مش العكس . يعنى الست اللى المفروض تسعد الرجل وبرضك الرجل يبقى متفاهم معاها . وبعدين السيدة المصرية تستحق الضرب لأنها رمز للنكد الدائم والمستمر .
جينا لمربط الفرس
انت ورثت الكلام دة عن الى قبلك والى قبلهم
مين اقلك ان السيدة المصرية رمز للنكد
مسألتش نفسك مرة اية الى وصلها انها تكون رمز للنكد
الست عمرها ما كانت نكد منها لنفسها

يعنى يبقى الراجل جاى من شغله مهموم وعايز يرتاح وهى بتزود همومه فيبقى لازم يتخنق منها . لكن انا متفق معاكى ان مافيش حاجة اسمها ضرب مبرح الضرب يبقى بحنية كده :stickjo4::abdoog8: مثلا يعنى انما العنف لا طبعا .وبعدين الظاهرة الجديدة ان الستات توحشوا لدرجة انهم بقوا بيضربوا الرجالة . الله يرحم ايامك ياسى السيد .
والله انا مش شايفة الستات دية فى محيط بيئتى
ومبسمعش عن الستات دية غير كل فين وفين
بس عالعموم ميرسى عالمرور شكرا:078111rg3:

Sharp Nails

06-02-2009, 01:16 AM

انا ده

بس معتقدتش ان ممكن يكون الضرب من غير سبب يعنى
ثم بينى وبينك يانسمة
انتى تستهلى قطع رقبتك:)
مش الضرب بس
اولا كدة انا لو فيوم واحد وصلت جوزى انه يرفع عليا صوته
انا الى هقطع رقبتى بايدى
وان كنت انت شايف كدة
فا......هعتبرها وجهة نظر مش هتأثر فيا

وبما انك وجهتلى وجهة نظرك فيا
فاحب انا كمان اقولك كلمتين كدة
ليك ولزمنك ولمستقبلك

كان مرة واحد صالح كان بيموت وولاده قالولوه يوصيهم وصية
قالهم
((عاملوا الناس معاملة ان عشتم حنوا اليكم وان موتوا بكوا عليكم))
:)
دية نصيحة كدة اخوية

عاشقـــ الانمى ـــة

06-02-2009, 01:29 AM

مع انى كنت عاملة اضراب بس يلا هو عنوان الموضوع شدنى شوية
انا عمرى مشفت بابا بيضرب ماما حتى لو اتخانقوا خناقة جامدة
لان ال بيضرب مراته دا يا خلاص زهق منها وعايز يطفشها
يا ما عملت عملة خلته يفقد اعصابه
وعلى فكره لو رجل ضرب مراته يبقى اكيد هى عملت حاجة
اصل مش معقول يضربها من الباب للطق كده
ونرجع برده ونقول
لو هى عملت حاجة غلط المفروض ياخدها على جنب ويفهمها الغلط
لكن لو هو رجل مش متقدم هيضربها من غير ميفهمها غلطها
خلاصة العك ال فوق دا
عمر مارجل يضرب مراته الا اذا كانت مضايقاه فى حاجة
طب وليه متحترمى نفسك ليه تضايقيه وتخليه يخرج عن شعوره

nanes

06-02-2009, 02:01 AM

مع انى كنت عاملة اضراب بس يلا هو عنوان الموضوع شدنى شوية
معلش بقى مش هتقطعي الأضراب لأغلى من نيسو
انا عمرى مشفت بابا بيضرب ماما حتى لو اتخانقوا خناقة جامدة
لان ال بيضرب مراته دا يا خلاص زهق منها وعايز يطفشها
يا ما عملت عملة خلته يفقد اعصابه
وعلى فكره لو رجل ضرب مراته يبقى اكيد هى عملت حاجة
اصل مش معقول يضربها من الباب للطق كده
ونرجع برده ونقول
لو هى عملت حاجة غلط المفروض ياخدها على جنب ويفهمها الغلط
لكن لو هو رجل مش متقدم هيضربها من غير ميفهمها غلطها
خلاصة العك ال فوق دا
عمر مارجل يضرب مراته الا اذا كانت مضايقاه فى حاجة
وبعدين يا ستي بفرض انها مضايقاه ,, مش ربنا إدانا عقل نحكم بيه تصرفاتنا ونحل بيه المشاكل ,, مش كل حاجه بالدراع:angry2:
طب وليه متحترمى نفسك ليه تضايقيه وتخليه يخرج عن شعوره

بالنسبه لنقطه الضرب يا نسمه ,,, ف رأيي الراجل اللي يضرب مراته ده انسان جاهل ورجعي ومتخلف:slap1qk6::slap1qk6: ,, لأنه ببساطه بدل ما يحل المشاكل بالهدوء والعقل اللي ربنا انعم عليه بيه ,, بيستخدم اسلوب الدراع لأنه عارف ان اللي قدامه كائن ضعيف ,,, :stickjo4:
صحيح بعض الستات عليهم تصرفات تجن المفروض دول يلموا الدور بقى

بس ف الأول وف الآخر مش تنسي ان الزواج علاقة مودة ورحمة وتعاون .. مش ضرب وخناق ومين اللي يغلب :romarioxp6:

مشكورة يا نيسو يا حبيبت قلبي ع الموضوع الجامد :078111rg3::078111rg3:

الرهينه

06-02-2009, 01:39 PM

وحشتنى موضوعاتك والله يا نيسو

وكان نفسى اقرأ الردود كلها بس دى طويلة اوى :(

ما علينا

اصلا انا شايفة من وجهة نظرى اصلا ان كل ما الراجل بيرفع ايده
كل ما بيكسر العلاقة بينه وبين مراته
وبيبنى بدلها حاجز ومن اكبر الحواجز
مش بينه وبينها بس لا وبين ولاده كمان

بالنسبه للنقطة دى انا تقريبا نفس وجهة نظرك

وبالنسبة للراجل فهو حكمته بتظهر عند غضبه لما ساعة انفعاله يكون رد فعله هو الضرب يبقى لا يملك من الحكمة ما يكفى ليكون زوج مثالى

وكمان اسلوب الضرب بيخليه ينزل من نظر ولاده زى ما قولتى وبعدين تخيلى مدى المأساة اللى بيحسوا بيها لما موقف زى ده بيحصل وكمان بعيدا عن الاولاد تخيلى حياة بين اتنين كل اسسها على الضرب والاهانة اى حياة دى؟
:angry2:

نيجى بقى للمرأة بصى ماننكرش انها لما الراجل يريحها بتشيله على كفوف الراحة زى ما قولتى

بس برده ماننكرش انه لو جابلها الدنيا كلها على طبق من دهب وبعدها اضايق عليها شوية هتقول يا مجوعنى ويا مشردنى والحوارات دى

اى ست كده وبدون استثناء
:)

شكرا يا نيسو على التوبيك والحقى بقى قبل ما :stickjo4:

الضوء الشارد

06-02-2009, 02:13 PM

nanes

06-02-2009, 02:33 PM

ايه يابنات هو انتم ماصدقتوا اى موضوع وتهاجموا الرجالة . بقى الراجل اللى بيضرب مراته بقى جاهل ومتخلف وهمجى . لأ معلش من حق الراجل يضرب زوجته اذا غلطت . والضرب مايبقاش مبرح او مؤذى لكن من حقه وده مش حرام وده مش جهل ولاتخلف .....

(( الا و استوصوا بالنساء خيرا فانما هن عوان عندكم ليس تملكون منهن شيئا غير ذلك الا ان ياتين بفاحشة مبينة فان فعلن فاهجروهن فى المضاجعو اضربوهن ضربا غير مبرح
فان اطعنكم فلا تبغوا عليهن سبيلا الا ان لكم على نسائكم حقا
و لنسائكم عليكم حقا
فحقكم عليهن ان لا يوطئن فرشكم من تكرهون
و لا ياذن فى بيوتكم من تكرهون
الا و حقهن عليكم ان تحسنوا اليهن فى كسوتهن و طعامهن))

بيتهيقلي الكلام واضح الضرب في حالة ايه ,, مش لو مثلا رجع البيت مش لقى الغدى جاهز او شدوا لأي سبب تافه ,,, وبعدين سؤال كده هو حد اليومين دول هيضرب بسواك او ما الي ذلك ..:stickjo4:

اسيبكو مع كلام قريته واقتنعت بيه ,, يمكن حد يستفاد منه

إذ أن إجماع أهل الفقه واللغة والتفسير أن الضرب هنا ضرب غير مبرح ولا مهين ولا يجوز أن يوجه للوجه أو مواضع الحسن. وقال بعضهم يجب ألا يكون الضرب مؤثراً، وقال ابن عباس أنه يكون بالسواك أي العود الصغير، ومنهم من قال يكون العود ملفوفاً بمنديل. والقصد كما هو واضح هنا هو الإشعار بالذنب لا الضرب نفسه.

وكل ما قاله العلماء صحيح لا غبار عليه إلا أن ما أغفلوه هو أمر خطير وقلما وجدت من يتطرق إليه رغم أن الصفحات التي سودت في هذا الشأن بالآلاف وصرفت ساعات طوال في الحديث عنه ، ورغم كل ذلك فقد أغفل أغلب العلماء في هذا الموضع تفسيره صلى الله عليه وسلم لمبرر الضرب في الآية ، والتفسير النبوي هو أفضل ما يفسر به القرآن (بعد تفسير الآية بأمثالها).

قال عليه الصلاة والسلام : "ألا واستوصوا بالنساء خيرا فإنما هن عوان عندكم ليس تملكون منهن شيئا غير ذلك إلا أن يأتين بفاحشة مبينة فإن فعلن فاهجروهن في المضاجع واضربوهن ضربا غير مبرح فإن أطعنكم فلا تبغوا عليهن سبيلا ألا إن لكم على نسائكم حقا ولنسائكم عليكم حقا فحقكم عليهن أن لا يوطئن فرشكم من تكرهون ولا يأذن في بيوتكم لمن تكرهون ألا وحقهن عليكم أن تحسنوا إليهن في كسوتهن وطعامهن "
رواه ابن ماجه والترمذي وقال حديث حسن صحيح ، ووافق السيوطي والألباني على تصحيحه.

وفي حديث صحيح آخر ما نصه: " واتقوا الله فى النساء فإنهن عوان عندكم، ولكم عليهن أن لا يوطئن فرشكم أحدا تكرهونه . فإن فعلن فاضربوهن ضربا غير مبرح"

هذا الحديث هو ما روي في خطبة الوداع وهي آخر ما شرع في الإسلام وما جاء فيها لا يُنسخ ولا يتغير، ففي الآية التي نزلت بعد الخطبة

" الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا"

استوصوا بالنساء خيراً : هذه الوصية في آخر الخطب وأشملها وهي خاتمة الإسلام ، وهذا دليل على عظمة هذا الدين وعلى عظيم حقوق المرأة فيه.

وعودة إلى موضوعنا ، فليس للرجل أن يعامل زوجته كالسيد والأمة ، فالله يقول
" ومن آياته أن خلق لكم من أنفسكم أزواجا لتسكنوا إليها ، وجعل بينكم مودة ورحمة"

والضرب إنما شرع فقط للمرأة التي تقوم بالفاحشة المبينة التي ثبتت بالدليل. وهو أهمل ذلك كتاب التراث ، إذ أن الحق أحق أن يتبع.

ولا ينكر أحد على الزوج أن يضرب زوجته التي أتت بفاحشة مبينة خصوصاً وقد عرفنا صفة الضرب غير المبرح ولا المؤذي ولا المهين.

وقد ذم النبي من يضربون النساء فقال:

" لقد طاف الليلة بآل محمد نساء كثير كلهن تشكو زوجها من الضرب وايم الله لا تجدون أولئك خياركم"

كما جاء في قصص الأنبياء أن أيوب في مرضه أقسم على ضرب زوجته ، فإذا بالوحي يمنعه من ذلك ويأمره أن يأخذ حزمة من الحشائش الجافة ويلسع بها زوجته ، وبذلك لا يحنث بيمينه إذ إن الحنث لا يليق بمقام الأنبياء ، قال تعالى:

" وَخُذْ بِيَدِكَ ضِغْثًا فَاضْرِبْ بِهِ وَلَا تَحْنَثْ إِنَّا وَجَدْنَاهُ صَابِرًا نِعْمَ الْعَبْدُ إِنَّهُ أَوَّابٌ"
وفي الآية إشارة إلى أنه لا ينبغي لرجل صابر أواب أن يضرب زوجته.
بل إنه صلى الله عليه وسلم جعل مقياس الخيرية بمدى إحسان الرجل إلى زوجته فقال يوماً:

" خَيْرُكُمْ خَيْرُكُمْ لِأَهْلِهِ وَأَنَا خَيْرُكُمْ لِأَهْلِي."

:078111rg3::078111rg3::078111rg3::078111rg3:

Sharp Nails

06-02-2009, 09:41 PM

لا طبعا مش كده خالص:angry2:
وحتى لو فيه ستات كده يبقى مش كلهم
وحتى لو كلهم كده يبقى برضه مش وصلت للضرب
....................................
الموضوع جميل اوى يا نسمه
بس انا فى رأيى ان الرجل اللى يضرب مراته
يبقى سورى فى اللفظ مش رجل

لأن ده يبقى عاوز يبين بس رجولته بالضرب لمراته
معرفش ازاى الرجل اللى بيعمل كده بيعمل كده ازاى
يعنى مش عارف مثلا ان ده هيأثر حتى على اولاده
يعنى لما عياله يشوفوه وهو بيضرب مامتهم
هتبقى نفسيتهم عامله ازاى
او حتى باباهم ده هيبقى فى نظرهم ايه؟؟؟؟؟؟؟
يعنى المفروض اى راجل بيعمل كده
يتقى ربنا فى مراته
وتسلمى كتير يا نسوم على الموضوع

تسلمى ياسكر عالمرور نورتى
هقولك على حاجة الراجل الى بيعمل كدة
راجل ضعيف الشخصية مش عارف يظهر شخصيته
فبيظهرها باسلوبه العنيف الموروث

Sharp Nails

06-02-2009, 09:44 PM

بيني وبينك يا اسلام

انا اكتشفت انك شايف ان كل بنات المنتدى

عاوزة قطع رقبتها :)

مع اني شايفة ان في رجالة كتير هنا عاوزين الحرق وقطع الرقبة ولو فيه اسوأ كمان ممكن :)

تقبل ردي :078111rg3:

انا هرد عليكي ان شاء الله يا نسمة

:)

انا قلت اعلق بس على الحتة دي
نورتى يانيدو ومستينة رأيك فالموضوع:078111rg3:

العنف دليل على ضعف الشخصية عدم ادراك المعنى الحقيقي لجوهرالعلاقة التى شرعها الله بين الزوجين فقدت الحياة دفئها حين افتقدنا المشاعر وتقبلوامرورى
بجد سطرين بس روعة
شكرا عالمرور ودة فعلا رأيى
ان الراجل الى بيعمل كدة راجل ضعيف الايمان والشخصية

Sharp Nails

06-02-2009, 09:46 PM

تصدقى يا بت يانسومه

ان بين عقلى وعقلك
تداعى خواطر
او حاجه كده اسمها قانون التخاطر عن بعد

اصل الموضوع دا يا خييتى كنت ناويه اتكلم فيه بس بطريقه تانيه خالص على العموم لى راجعه
اصلى رايحه دلوقت بيت ابوى
لو رجعت هاكمل معاك
لو كمرجعتش بقتى
اتصرفى هاتى اى حاجه وتعليبلى العنوان مايتوهش

هههههههههههه
ليا الشرف ياحبيبى لما يكون فى تخاطر بنا
وبجد مستنية رأيك فالموضوع
حضرتك مالشخصيات الى بستنى ردودها على موضيعى
وان شاء الله ترجعى بالسلامة وتنوريلى موضوعى

Sharp Nails

06-02-2009, 09:51 PM

انا من رأيى ان الراجل الى يمد ايده على مراته يبقى اصلا ضعيف الشخصبه ومش قادر يحقق اللى عاوزه فبتالى بيستخدم قوته الجسديه لانه واثق طبعا انها متقدرش تضربه زى مهو ممكن يضربها فبتالى بيهاجمها باللى مش عندها

لو هو كان فعلا انسان بيفكر كا ممكن يستخدم اى اسلوب تانى ياخده حقه بيه

ده غير انها عمرها ما هتنساله انه مد ايده عليها فى يوم من الايام مهما اعملبعد كده فهيدفع نتيجه تهورده واحتمال كمان يؤدى الى دمار حياته

ده غير انه لو عنده اولاد فاكيد هينزل من نظرهم مهما كانت غلطه الام فلا بمكن ابدا يكون الحل انه يضربها لانه كده تصرف همجى

ومن الاخر كده انا لا احترم ابدا الراجل اللى يمد ايده على واحده ست ايا كانت وايا كان السبب
كلامك جميل ياحببتى
وانتى بجد وصلتى الكلام الى كان نفسى اقوله

ومن الاخر كده انا لا احترم ابدا الراجل اللى يمد ايده على واحده ست ايا كانت وايا كان السبب

:078111rg3::078111rg3::078111rg3:
احيكى
ولا انا بحترمه

Sharp Nails

06-02-2009, 10:14 PM

ربنا يقدرنى واخلص الخطبة دية النهاردة
السلام عليكم
وعليكم السلام

اولا ياريت ردى محدش يزعل منة
ومين يقدر يزعل يعنى

بصى يانسمة
بصيت

اولا لية اغلب الشباب بيقولو مش هنجوز

من الى شايفة فى البيت

خناق من ابوة وامة
صح وكذلك البنات

بجد انا اعرف ستات كتير

مش بترتاح ولا مزاجها بيتظبط

الا لما تعمل خناقة فى البيت

على اى حاجة

حتى لو تافهة جدا

بس هيا عندها مزاج كدة

وعلى فكرة الفئة دى

مش قليلة

بالعكس دى كتيرة جدا

وياريت محدش يغالط نفسة ويقول غير كدة

طيب يبقى دول يستاهلو الضرب ولا لا ؟؟
يستهلوا طبعا وانا ممكن اجى اضرب معاه
اصلا تعرف عندى واحدة صحبتى منى حياتها
ان الولد الى مرتبطة بيه يضربها الم فى وسط الجامعة كدة
دية مريضة نفسيا وعايزة تضرب وتبعتر كرمتها فالارض

طيب انا هتكلم عن نفسى

انا عن نفسى عمرى ما هضرب زوجتى

مهما عملت

ومهما حصل

لان انا ابويا قالى كلمة

عمرى ما انساها

قالى ضرب الراجل لزوجتة

بيقلل من كرامتة ومكانتة فى نظرها جدا جدا
مظبوط جداا وكمان الى بيتكسر مش بيتصلح ابدااا

طيب تيجى نعقل الجمل دى

انا زوجى غلطت فيا مثلا

او عملت اى شئ غلط

وجيت ضربتها لما كسرت عظمها

هيبقى شكلى اية قدامها

وقدام اهلها

دلوقتى او بعد كدة

طيب انا لو مضربتهاش

بس تجاهلتها شوية

من رايكم انهى الى هياثر فيها

اكيد لو عندها دم هيبقى التجاهل
ولية يامحمد مش تقول الصراحة
لية مش كل واحد يكون صريح مع الى قصاده
متعمليش كدة وانت كمان متعملش كدة
وخلاص نفضها سيرة

طيب مثلا لو عملت غلطة جامدة

والتجاهل دا مش هيخلص النار الى جوايا

وضربتها وسابت البيت ومشيت عند اهلها

هيبقى شكلى اية

فين كرامتى طيب

طيب انا لو اخدتها من ايدها من غير ضرب

ولا اى حاجة

وروحت وديتها بيت ابوها

وقلت لة بنتك عندك

لما تربيها ابقى هاتها

واسئلها عملت اية

بجد مكانتك هتكبر قوى قوى

فى نظر زوجت اولا

ونظر اهلها ثانيا
تمام

طيب تعالو نتكلم شوية كدة

عن المراة قبل الاسلام

كانت تعيش فى ظلام دامس

كانت تعيش فى ظلم قاهر

مسلوبة القوى

ملهاش اى حقوق

ووصل الى التشاؤم

والاستحياء منها

عندما يبشر اى شخص

بمولودة انثى لة

لدرجة ان وصلت بيهم الجرئة

ان يقتلوها وهى حية
اها

طيب لما جية الاسلام بقى

انصفها بكل حقوقها

ورفع عنها الظلم

واعلى من مكانتها

ووصى بها بالخير

وزلت سورتين كاملتين

عن النساء

سورتى ( النساء / مريم )

دا غير بقى الاحاديث الكتير

عن رسولنا الكريم صلى الله علية وسلم
عليه الصلاة والسلام

بس بصراحة مش فاكر دلوقتى حاجة

طيب لية بقى نتشبة باليهود قبل الاسلام

انا بقى فى اعتقادى ان الزوج الذى يلجأ للضرب

انسان فاقد للثقة فى نفسة

ويمتلئ عقلة بالشكوك وما شابة

دا كان راى متواضع
على عينى وراسى والله

متاسف لو انا طولت فى الكلام

بس بجد الموضوع جميل قوى

ومتميز

ودا مش اول موضوع متميز لنسمة

لان نسمة كل مواضيعها متميزة

اى خدمة يانسمة

وليا ردود تانية كتييييييييير

ان شاء الله

فى رعاية الله

اولا شكرا يامحمد بجد رد متميز جداا
ورأيك عجبنى اخر حاجة
ربنا يكرمك يارب
:)

شمس بياض

06-02-2009, 11:20 PM

مع كل الأحترام لكى بس انا باختلف معاكى . الست هى الفعل اولا وثانيا والرجل هو رد الفعل مش العكس . يعنى الست اللى المفروض تسعد الرجل وبرضك الرجل يبقى متفاهم معاها . وبعدين السيدة المصرية تستحق الضرب لأنها رمز للنكد الدائم والمستمر
يا استاذ الست لها رد الفعل
ماسالتوش يارجال لماذا المراه المصريه لجأت لمشاهده
تمثيليات
مهند ونور ومعرفش مين ومين حد قالى عليهم بس نسيت ليه
لان لديها حرمان عاطفى
محتاجه كلمه طيبه محتاجه دفء
الرجل بيخلص كل كلامه وكل مجاملاته خارج بيته وييجى
مش مستحمل حد يكلمه كلمه
يقفل على اى حكايه ولا اي مناقشه
بذمتكم مش دا حرام وبعدين نقول الستات تستاهل الضرب؟

***star***

07-02-2009, 04:40 PM

اولا احب اشكرك علي الموضوع الجامد...

بس حكايه ضرب الزوج لزوجته دي بترجع للحاله النفسيه للزوج والزوجه....

ممكن راجل يكون اتعرض للقسوه او عنف ...نتج عنه انه اما كبر بقي فيه نوع من انواع الساديه...وعايز يفرض سيطرته واسهل واحده يقدر يفرض عليها سيطرته وحبه للتملك هي زوجته...

وممكن في بعض الستات بتحب بطبيعتها ان جوزها يبقي بيضربها....ويمكن بتبقي احلي ايام ليها اما جوزها يكون بيضربها....

كنت في سنه اولي فريش في القاهره كان ليا واحده جارتنا في السكن....كل يوم الصبح تقعد تزعق لجوزها (( وطبعا كالعاده تصحيني من النوم علي صوتها )) ....والست دي مكانتش تهدي الا اما جوزها يقوم من النوم ويضربها ويشتمها كام شتمه حلوين كدا ...وبعدها الاقيهم واقفين في البلكونه هم الأتنين منسجمين اوي.... لدرجه اليوم اللي مكنتش بيحصل فيه ده كنت بستغرب جدا.....

في بقي نوع ستات تاني بيحبو المعامله الناعمه من الراجل.... بس اكيد اكيد ده بيبقي اعجاب بس....انما في الجواز مااعتقدش ان النوع ده هينفع....لأن هو هيبقي ناعم وهي ناعمه هيبقي في تنافر:)......

فااعتقد الزوج المثالي هو اللي جامع بين كل ده....يبقي رومانسي في وقت الرومانسيه.... وفي وقت المشاكل يحاول يحلها بكذا طريقه مختلفه...وطبعا اما زوجته تغلط لازم يبقي في نوع من انواع القسوه....

وطبعا ده علشان الحياه الزوجيه متبقاش روتين ممل....وبما انها اسمها حياه فلازم يكون فيها تنوع ومتعرفش ايه اللي حيحصل علشان يبقي في تشويق ..... واعتقد ساعتها الزوج والزوجه هيبقو في اسعد ايامهم:)

Sharp Nails

07-02-2009, 04:43 PM

Sharp Nails

07-02-2009, 05:04 PM

بصراحة يا نسمة

أول لما شوفت موضوعك
كنت رايح اعمل موضوع اسمه
مراتي .. هتقتلني
هتعضني
هتحدفني ببراد الشاي السخن
بمقلاية الزيت المغلي
هتنقعني في البطاس
هتعبيني في أكياس
هتسلط عليا حد يموتني
:abdoog8:
ياانكل احمد الستات دية
نقطة فى مصر
:(
أقولك الصراحة يا نسمة
انتي بتتكلمي في قضية نسبية
عارفة القضية فين يا نسمة
في الاتنين الست والراجل
الجواز والله ما هو حرب يا اخوانا
حتى الضرب المباح
ضرب بالسواك
عارفين السواك؟:romarioxp6:
مش بالفرقلة:stickjo4:
ولا بالكرباج :abdoog8:
هو برضه فى راجل بيضرب بالسواك
مش لما الاول يجيب السواك او يعرف دة اية اصلا
وبعدين يعنى هما الرجالة اول ما بيقوموا يضربوا مراتتهم
يقولوا النهاردة هضرب بالسواك
عقلهم مش بيبقى معاهم اصلا

يا حبيبي يا رسول الله
قال "خيركم خيركم لأهله وأنا خيركم لأهلي"
شوفوا بقى
الست فعل ولا رد فعل ؟
برضه عملية نسبية
يعني في بعض الأمور بتكون هي الفعل
زي ايه ؟
زي حاجة واحدة بس
انها تقدر تخلي زوجها ملك وهو ممعهوش جنيه
وتخليه أسعد أهل أرض
المرأة يا جماعة فعلاً تقدر تعمل المستحيل
اللي ميقدرش الرجل يعمله
والله الست لما تكون لاقية بس مجرد حنان واحترام
بتكون زى الخاتم فى صباع جوزها
بس انه يحسسها هو كمان انها انسانة
ويحسسها بحبه بجد

تحبوا اقولكم المشكلة فين؟
المشكلة (عدم التفاهم)
(عدم التنازل)
(عدم البحث عن احتياج الآخر)
وبرضه بحس ان كل واحد مكبر دماغه وكل واحد عايز يكسر دماغ التانى
وان الاتينن بيعندوا عشان كل واحد يبقى هو الاول والاخير
عدم المؤاخذة طولت عليكم شوية
ليا عودة عشان اكمل معاكم
على فكرة يا نسمة
لما قريت عنوان الموضوع
جبت الرجالة ومليت مكروباصين عشان ننجدك
بس تعرفي كنتي ساعتها هتعملي ايه؟
هتحامي عنه
ولو خفتي منه
هتستخبي ورا ظهره
بس هو يفهم
وهي تفهم
ليه اتخلق وليه اتخلقت
آآآآآآآآآآه قلبي وجعني

سلااااااااااااااام:078111rg3:

معلش وجعنالك قلبك
بس على فكرة انا لسة متجوزتش
وقفت عدلى ولا اية
وبعدين بعد الشر لو حصل واتجوزت وعمل فيا كدة
لو من غير سبب او بسبب
ساعتها هيكون فى تصرف تانى
وهيكون فى موقف كبير وكبير جداا
شكرا على مرورك
بس حاسة انى مش لاقية رأي حضرتك فالموضوع

أحمـدنجـم

07-02-2009, 07:14 PM

الضوء الشارد

07-02-2009, 07:31 PM

رأيي في موضوع الضرب ؟ مرفوض طبعاً أنا شاعر يا بنتي انتي نسيتي ؟ هههههههههههههه .. مرفوض بكل الوسائل والطرق .. وبعدين كلمة (النشوز) اللي وردت في الآية الكريمة .. هو الخروج النهائي عن الطاعة .. مش يضرب مراته عشان عملتله البيض بالبلوبيف بدل البسطرمة مع إنه لا جاب بلوبيف ولا جاب بسطرمة .. بس إمارة فقري بعيد عنك .. رأي .. الضرب المقصود منه الإيلام النفسي وليس الجسدي وللمرأة الناشز فقط .. الناشز .. وخدين بالكم يا رجالة .. محدش يفتري .. عشان ميجيش اللي يفتري عليكم .. دا رأي يا نسمة .. وربنا يوفقكم .. ويوفقكن
أستاذ أحمد حضرتك طيب اوى والله . بقى معقولة فى زوج فى مصر مفترى . الزوجة طبعا هى اللى مفترية . دى كفاية النكد اللى هى بتعمله لزوجها . ده يخلى زوجها يعمل حاجة من اتنين اما ينتحر او يضربها . بس نصيحة للرجالة بلاش عنف يعنى الضرب يبقى :abdoog8::slap1qk6::stickjo4: كده انما عنف مابحبوش ابدا

Sharp Nails

08-02-2009, 12:58 AM

Sharp Nails

08-02-2009, 01:09 AM

بالنسبه لنقطه الضرب يا نسمه ,,, ف رأيي الراجل اللي يضرب مراته ده انسان جاهل ورجعي ومتخلف:slap1qk6::slap1qk6: ,, لأنه ببساطه بدل ما يحل المشاكل بالهدوء والعقل اللي ربنا انعم عليه بيه ,, بيستخدم اسلوب الدراع لأنه عارف ان اللي قدامه كائن ضعيف ,,, :stickjo4:
صحيح بعض الستات عليهم تصرفات تجن المفروض دول يلموا الدور بقى

بس ف الأول وف الآخر مش تنسي ان الزواج علاقة مودة ورحمة وتعاون .. مش ضرب وخناق ومين اللي يغلب :romarioxp6:

مشكورة يا نيسو يا حبيبت قلبي ع الموضوع الجامد :078111rg3::078111rg3:

شكرا يانور عالمرور
بس ياحببتى حاولى مش تغلطى فى حد
وبجد عجبتى اوى الحتة دية يانور

بس ف الأول وف الآخر مش تنسي ان الزواج علاقة مودة ورحمة وتعاون

بجد المفروض ان دة يكون الجواز
المفروض ان العلاقة تكون كدة

Sharp Nails

08-02-2009, 01:18 AM

وحشتنى موضوعاتك والله يا نيسو
ووحشتنى والله ردودك ياجيجو

وكان نفسى اقرأ الردود كلها بس دى طويلة اوى :(
مش مهم الردود المهم الموضوع

ما علينا

بالنسبه للنقطة دى انا تقريبا نفس وجهة نظرك

وبالنسبة للراجل فهو حكمته بتظهر عند غضبه لما ساعة انفعاله يكون رد فعله هو الضرب يبقى لا يملك من الحكمة ما يكفى ليكون زوج مثالى
تمام

وكمان اسلوب الضرب بيخليه ينزل من نظر ولاده زى ما قولتى وبعدين تخيلى مدى المأساة اللى بيحسوا بيها لما موقف زى ده بيحصل وكمان بعيدا عن الاولاد تخيلى حياة بين اتنين كل اسسها على الضرب والاهانة اى حياة دى؟
:angry2:
حياة مدمرة اساسا
كلها كرهه
واحتكاكات كتيرة اوى

نيجى بقى للمرأة بصى ماننكرش انها لما الراجل يريحها بتشيله على كفوف الراحة زى ما قولتى

بس برده ماننكرش انه لو جابلها الدنيا كلها على طبق من دهب وبعدها اضايق عليها شوية هتقول يا مجوعنى ويا مشردنى والحوارات دى

اى ست كده وبدون استثناء
:)

شكرا يا نيسو على التوبيك والحقى بقى قبل ما :stickjo4:

العفو ياجيجو بجد مرورك نورلى موضوعى
ابقى عدى علينا كل يوم

الاستاذ محمد سرور

08-02-2009, 01:24 AM

مقارنة حلوة ..

الرجل والمرأة انصاف يجتمعون بالقسمة والنصيب..

ولكل منهما صفات اجمل من الآخر..

والمقارنه ها هي :

المرأة هي اسرة ووطن
الرجل الامآن والقوة

المرأة رقيقة وهي انثى
الرجل عظيم وهو رجل

المرأة حينما تخرج للعمل فهي تؤدي رسالة علمية ولكن عوز اسرتها لها أعظم
الرجل يحتاجه العمل ليسعد بتقديم متطلبات اسرته ويحمي ابناؤه واسرته من عوز الاخرين

المرأة وزارة الداخلية لا يستتب الامن في المنزل الا وهي علي رأس العمل
الرجل وزارة الخارجية ليحمي ذلك الكيان الشامخ من الخارج

المرأة صبر يمازجه عطاء بلا توقف
الرجل حدة يمازجها قوة وعطف بلا توقف

المرأة ليست جميلة وهي تؤدي دور الرجل
الرجل لا يبدو وسيما وهو يؤدي دور المرأه

المرأة دمعة
الرجل أرق من تلك الدمعة ولكن خلف اسوار وقلاع وحصون

المرأة سر سعادة المنزل
الرجل سر سعادة الكون

المرأة تصون عندما لا تخون
الرجل يخون عندما لا يجد من يصون

المرأة عندما تطهو طعامها تقدمه لاسرتها على أطباق من سعادتها الغامرة
الرجل عندما يتذوق طعامها لا يجد لطعمه مثيل وحتى لو كان قليل

المرأة العطر الزكي .. والكلمة الشجية
الرجل الأنف الذي يشم ذلك المسك .. والأذن التي تعي ما تسمع

المرأة ابتسامة
الرجل الفنان الذي يرسم تلك الابتسامة

المرأة اليد اليمنى للرجل
الرجل اصابع تلك اليد اليمنى

المرأة أقوى من الرجل بعذوبة انوثتها
الرجل أقوى من المرأة بعنفوان رجولته

المرأة و الرجل
عظماء وهم يؤدون دورهم بلغة التفاهم والصدق والحب .. ا
للغة التي لا يفهمها سواهما ..

وأخــــيرا

جميلة المرأة حينما تظل امرأة
ووسيم الرجل حينما يبدو رجل

اعتقد اذا نفذنا ما سبق
سنرى حياة زوجية رائعة بدون مشاكل

اطيب الامنيات بحياة زوجية سعيدة هادئة للجميع
http://www.alfrasha.com/up/240149295578841995.gif

يا ريت حد يدخل ويفك الخناقة دى
:):):):):):):):):):):):):):):):)

طـفـلـة الامـس

08-02-2009, 01:33 AM

انا زهقت منك يانيسو
محسسانى انك رايحة تتجوزى بكرة
قال زوجة واحدة لا تكفى وبعدها جوزى يضربنى
هو فيه ايه؟؟؟؟؟؟؟؟:angry2:

المهم
فيه ناس بتاخد الموضوع ده بمنتهى التهاون على اساس انه مذكور فالقران الكريم
وبيسيبوا اول الاية ويمسكوا فى اخرها
بس بصراحة فيه ناس مش بتيجى غير بكده:abdoog8:
بس ربنا يهديهم كلهم

مستر أحمد حمدى

08-02-2009, 03:00 AM

موضوع رائع جزاك الله خيرا

Sharp Nails

08-02-2009, 03:10 AM

ايه يابنات هو انتم ماصدقتوا اى موضوع وتهاجموا الرجالة . بقى الراجل اللى بيضرب مراته بقى جاهل ومتخلف وهمجى . لأ معلش من حق الراجل يضرب زوجته اذا غلطت . والضرب مايبقاش مبرح او مؤذى لكن من حقه وده مش حرام وده مش جهل ولاتخلف .....
لا حرام
ربنا مقلش اضربوهم من اول غلطة
وخليك حقانى بالله عليك
انت لما بتيجى تتخانق مع صحبك او اخوك
بتفكر هتضرب ضرب مبرح ولا ضرب برقة
انتوا مش بتشوفوا نفسكوا لما بتتعصبوا بتبقوا ازاى
ربنا امر بضرب المرأة الناشز بس

(( الا و استوصوا بالنساء خيرا فانما هن عوان عندكم ليس تملكون منهن شيئا غير ذلك الا ان ياتين بفاحشة مبينة فان فعلن فاهجروهن فى المضاجعو اضربوهن ضربا غير مبرح
فان اطعنكم فلا تبغوا عليهن سبيلا الا ان لكم على نسائكم حقا
و لنسائكم عليكم حقا
فحقكم عليهن ان لا يوطئن فرشكم من تكرهون
و لا ياذن فى بيوتكم من تكرهون
الا و حقهن عليكم ان تحسنوا اليهن فى كسوتهن و طعامهن))

بيتهيقلي الكلام واضح الضرب في حالة ايه ,, مش لو مثلا رجع البيت مش لقى الغدى جاهز او شدوا لأي سبب تافه ,,, وبعدين سؤال كده هو حد اليومين دول هيضرب بسواك او ما الي ذلك ..:stickjo4:

اسيبكو مع كلام قريته واقتنعت بيه ,, يمكن حد يستفاد منه

إذ أن إجماع أهل الفقه واللغة والتفسير أن الضرب هنا ضرب غير مبرح ولا مهين ولا يجوز أن يوجه للوجه أو مواضع الحسن. وقال بعضهم يجب ألا يكون الضرب مؤثراً، وقال ابن عباس أنه يكون بالسواك أي العود الصغير، ومنهم من قال يكون العود ملفوفاً بمنديل. والقصد كما هو واضح هنا هو الإشعار بالذنب لا الضرب نفسه.

وكل ما قاله العلماء صحيح لا غبار عليه إلا أن ما أغفلوه هو أمر خطير وقلما وجدت من يتطرق إليه رغم أن الصفحات التي سودت في هذا الشأن بالآلاف وصرفت ساعات طوال في الحديث عنه ، ورغم كل ذلك فقد أغفل أغلب العلماء في هذا الموضع تفسيره صلى الله عليه وسلم لمبرر الضرب في الآية ، والتفسير النبوي هو أفضل ما يفسر به القرآن (بعد تفسير الآية بأمثالها).

قال عليه الصلاة والسلام : "ألا واستوصوا بالنساء خيرا فإنما هن عوان عندكم ليس تملكون منهن شيئا غير ذلك إلا أن يأتين بفاحشة مبينة فإن فعلن فاهجروهن في المضاجع واضربوهن ضربا غير مبرح فإن أطعنكم فلا تبغوا عليهن سبيلا ألا إن لكم على نسائكم حقا ولنسائكم عليكم حقا فحقكم عليهن أن لا يوطئن فرشكم من تكرهون ولا يأذن في بيوتكم لمن تكرهون ألا وحقهن عليكم أن تحسنوا إليهن في كسوتهن وطعامهن "
رواه ابن ماجه والترمذي وقال حديث حسن صحيح ، ووافق السيوطي والألباني على تصحيحه.

وفي حديث صحيح آخر ما نصه: " واتقوا الله فى النساء فإنهن عوان عندكم، ولكم عليهن أن لا يوطئن فرشكم أحدا تكرهونه . فإن فعلن فاضربوهن ضربا غير مبرح"

هذا الحديث هو ما روي في خطبة الوداع وهي آخر ما شرع في الإسلام وما جاء فيها لا يُنسخ ولا يتغير، ففي الآية التي نزلت بعد الخطبة

" الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا"

استوصوا بالنساء خيراً : هذه الوصية في آخر الخطب وأشملها وهي خاتمة الإسلام ، وهذا دليل على عظمة هذا الدين وعلى عظيم حقوق المرأة فيه.

وعودة إلى موضوعنا ، فليس للرجل أن يعامل زوجته كالسيد والأمة ، فالله يقول
" ومن آياته أن خلق لكم من أنفسكم أزواجا لتسكنوا إليها ، وجعل بينكم مودة ورحمة"

والضرب إنما شرع فقط للمرأة التي تقوم بالفاحشة المبينة التي ثبتت بالدليل. وهو أهمل ذلك كتاب التراث ، إذ أن الحق أحق أن يتبع.

ولا ينكر أحد على الزوج أن يضرب زوجته التي أتت بفاحشة مبينة خصوصاً وقد عرفنا صفة الضرب غير المبرح ولا المؤذي ولا المهين.

وقد ذم النبي من يضربون النساء فقال:

" لقد طاف الليلة بآل محمد نساء كثير كلهن تشكو زوجها من الضرب وايم الله لا تجدون أولئك خياركم"

كما جاء في قصص الأنبياء أن أيوب في مرضه أقسم على ضرب زوجته ، فإذا بالوحي يمنعه من ذلك ويأمره أن يأخذ حزمة من الحشائش الجافة ويلسع بها زوجته ، وبذلك لا يحنث بيمينه إذ إن الحنث لا يليق بمقام الأنبياء ، قال تعالى:

" وَخُذْ بِيَدِكَ ضِغْثًا فَاضْرِبْ بِهِ وَلَا تَحْنَثْ إِنَّا وَجَدْنَاهُ صَابِرًا نِعْمَ الْعَبْدُ إِنَّهُ أَوَّابٌ"
وفي الآية إشارة إلى أنه لا ينبغي لرجل صابر أواب أن يضرب زوجته.
بل إنه صلى الله عليه وسلم جعل مقياس الخيرية بمدى إحسان الرجل إلى زوجته فقال يوماً:

" خَيْرُكُمْ خَيْرُكُمْ لِأَهْلِهِ وَأَنَا خَيْرُكُمْ لِأَهْلِي."

:078111rg3::078111rg3::078111rg3::078111rg3:

جزاكى الله خيرا يانور بجد انتى حتة سكرة متلحوسة بشيكولاتة

عاشقـــ الانمى ـــة

08-02-2009, 10:29 AM

بجد يانونتى ردك عجبنى اوى اوى

ورأيك عجبنى اكتر
ودخلوك وردك فى موضوعى عجبنى اكتر واكتر واكتر
متحرمناش مالنور دة يابزفتة انتى
:slap1qk6:

هههههههههههههههههه
ربنا يخليكِ يا نيسو
نيجى بقى بالنسبة للاخت نور

بالنسبه لنقطه الضرب يا نسمه ,,, ف رأيي الراجل اللي يضرب مراته ده انسان جاهل ورجعي ومتخلف:slap1qk6::slap1qk6: ,, لأنه ببساطه بدل ما يحل المشاكل بالهدوء والعقل اللي ربنا انعم عليه بيه ,, بيستخدم اسلوب الدراع لأنه عارف ان اللي قدامه كائن ضعيف ,,, :stickjo4:

بصى يا بنتى احنا مش بتقولوا اى حاجة تعملها تضربها
واحد لقى مراته بتخونه مع واحد تانى بذمتك هيعمل فيها ايه
المهم يعنى دا مش موضوعنا
الرسول قال بالنسبة للاطقال علموهم من سبع واضربوهم من عشر يعنى ادالهم فرصة
ما احنا برضه بنقول انه يفهمها مرة واتنين وتلاتة
الست منشفة دماغها فى الحاجة الغلط دى
يبقى كده هو هياخدها عليه تروح بقى هى تبقى رجل البيت ودا ال ناقص بقى
من رايى ان الرجل لازم يعلم مراته الادب مرة واتنين وتلاتة متعلمتش ليه حق التصرف
كفاية بس انها بتعصى جوزها
دا لوحده ذنب كبير

..حدوتة..

08-02-2009, 12:14 PM

ايه يابت يانسمة ده
كل يوم تتكلمى عن الجواز
هو نتى اتجوزتى من ورانا ول يه
وقعتك طين:abdoog8:
المهم انا مش هقول حاجة
عشن كل حاجة اتقالت
ونا اتفق مع استاذى نجم المشاعر ان دى مسألة نسبية
يعنى انا لو جوزى ماصبحنيش بعلقة ومسانى بعلقة
يبقى ليه حساب تانى معايا
بهزر طبعا
هو يجرؤ
دا انا كنت كلته باسنانى
ههههههههههه
خليناا نتكلم بجد شوية
كل واحد عارف نفسه
يعنى انا مثلا
ساعات ببقى مستفزة لأقصى درجة
يعنى لو قام ادانى قلمين محدش يلومه
بس بعد كده لازم يصالحنى
عشان انا بشيل فى نفسيتى
اصلا انا قلبى اسود
بجد بقى
ممكن يغلط
بس الاهم يصلح الغلط ده
ونا هاغفرله
يلا باى بقى
فى رعاية الله

Sharp Nails

09-02-2009, 04:10 AM

مع كل الأحترام لكى بس انا باختلف معاكى . الست هى الفعل اولا وثانيا والرجل هو رد الفعل مش العكس . يعنى الست اللى المفروض تسعد الرجل وبرضك الرجل يبقى متفاهم معاها . وبعدين السيدة المصرية تستحق الضرب لأنها رمز للنكد الدائم والمستمر
يا استاذ الست لها رد الفعل
ماسالتوش يارجال لماذا المراه المصريه لجأت لمشاهده
تمثيليات
مهند ونور ومعرفش مين ومين حد قالى عليهم بس نسيت ليه
لان لديها حرمان عاطفى
محتاجه كلمه طيبه محتاجه دفء
الرجل بيخلص كل كلامه وكل مجاملاته خارج بيته وييجى
مش مستحمل حد يكلمه كلمه
يقفل على اى حكايه ولا اي مناقشه
بذمتكم مش دا حرام وبعدين نقول الستات تستاهل الضرب؟

قوللهم
والله بجد الست دية يرضيها بس شوية حنية واحساس بالامان
شكرا لمرورك الجميل

Sharp Nails

10-02-2009, 02:55 AM

اولا احب اشكرك علي الموضوع الجامد...

بس حكايه ضرب الزوج لزوجته دي بترجع للحاله النفسيه للزوج والزوجه....

ممكن راجل يكون اتعرض للقسوه او عنف ...نتج عنه انه اما كبر بقي فيه نوع من انواع الساديه...وعايز يفرض سيطرته واسهل واحده يقدر يفرض عليها سيطرته وحبه للتملك هي زوجته...

وممكن في بعض الستات بتحب بطبيعتها ان جوزها يبقي بيضربها....ويمكن بتبقي احلي ايام ليها اما جوزها يكون بيضربها....
والله دية ستات مش مظبوطة

كنت في سنه اولي فريش في القاهره كان ليا واحده جارتنا في السكن....كل يوم الصبح تقعد تزعق لجوزها (( وطبعا كالعاده تصحيني من النوم علي صوتها )) ....والست دي مكانتش تهدي الا اما جوزها يقوم من النوم ويضربها ويشتمها كام شتمه حلوين كدا ...وبعدها الاقيهم واقفين في البلكونه هم الأتنين منسجمين اوي.... لدرجه اليوم اللي مكنتش بيحصل فيه ده كنت بستغرب جدا.....

في بقي نوع ستات تاني بيحبو المعامله الناعمه من الراجل.... بس اكيد اكيد ده بيبقي اعجاب بس....انما في الجواز مااعتقدش ان النوع ده هينفع....لأن هو هيبقي ناعم وهي ناعمه هيبقي في تنافر:)......

فااعتقد الزوج المثالي هو اللي جامع بين كل ده....يبقي رومانسي في وقت الرومانسيه.... وفي وقت المشاكل يحاول يحلها بكذا طريقه مختلفه...وطبعا اما زوجته تغلط لازم يبقي في نوع من انواع القسوه....

وطبعا ده علشان الحياه الزوجيه متبقاش روتين ممل....وبما انها اسمها حياه فلازم يكون فيها تنوع ومتعرفش ايه اللي حيحصل علشان يبقي في تشويق ..... واعتقد ساعتها الزوج والزوجه هيبقو في اسعد ايامهم:)

معلش متزعلش منى
كلامك مش اقنعنى ولا ادالى عذر للراجل انه يمد ايده على مراته
وبعدين لما هو عنده عقد قديمة بسبب قسوة اتعرض ليها
فهو غلطان وستين غلطان لما يطلع عقده على واحدة ست
ومش اى ست دية مراته
الى عنده عقد ياميتجوزش يا يتعالج الاول
شكرا عالمرور

Sharp Nails

10-02-2009, 03:15 AM

رأيي في موضوع الضرب ؟ مرفوض طبعاً أنا شاعر يا بنتي انتي نسيتي ؟ هههههههههههههه .. مرفوض بكل الوسائل والطرق .. وبعدين كلمة (النشوز) اللي وردت في الآية الكريمة .. هو الخروج النهائي عن الطاعة .. مش يضرب مراته عشان عملتله البيض بالبلوبيف بدل البسطرمة مع إنه لا جاب بلوبيف ولا جاب بسطرمة .. بس إمارة فقري بعيد عنك .. رأي .. الضرب المقصود منه الإيلام النفسي وليس الجسدي وللمرأة الناشز فقط .. الناشز .. وخدين بالكم يا رجالة .. محدش يفتري .. عشان ميجيش اللي يفتري عليكم .. دا رأي يا نسمة .. وربنا يوفقكم .. ويوفقكن
منور يامستر احمد
وميرسى جداا عالرد
ربنا يوفقنا جميعا
:)

Sharp Nails

10-02-2009, 03:25 AM

M.Sherif

10-02-2009, 10:35 AM

لان لديها حرمان عاطفى
محتاجه كلمه طيبه محتاجه دفء
الرجل بيخلص كل كلامه وكل مجاملاته خارج بيته وييجى
مش مستحمل حد يكلمه كلمه
يقفل على اى حكايه ولا اي مناقشه
بذمتكم مش دا حرام وبعدين نقول الستات تستاهل الضرب؟

غبي جدا هذا الرجل
فليتوقع من زوجته كل بغض و خيانة

انه حق مقدس
حق مقدس للزوجة
كيف يفرط فيه؟
هل سيكون أكثر انشغالا في عمله و حياته من الرسول الكريم
صلي الله عليه وسلم
الذي كان يبني امبراطورية اسلامية
و في نفس الوقت
يداعب و يلاعب عائشة رضي الله عنها فضلا عن باقي زوجاته؟
و يقبل الحسن و الحسين ويركبون ظهره

ان لسمة حانية في نهاية اليوم و طبطبة و قبلة و ما إلي ذلك كفيلة باسعاد القلب و الجسد
بعد عناء يوم طويل

ان كلمة رقيقة هامسة في اذن الزوجة و مداعبة رقيقة كافية لجعل قلب الزوجة يتلألأ فرحة
و تقديرا و حبا لهذا الزوج

و بجانب ذلك كله

حق الزوجة الشرعي
و المداومة عليه

انه حقها الطبيعي
و هو رمز القرب و الاندماج و الراحة بين الزوجين
كيف يغفل الزوج عن ذلك؟
كيف يقصر في ذلك
كيف لا يأخذها بين ذراعيه لفترة طويلة و يسمع لها و يستمع الي دقات قلبها؟؟؟؟؟

عجبا لتلك النوعية من الرجال !!

amrorg2020

11-02-2009, 07:13 PM

السلام عليكم ازيكوا عاملين اية

بقالنا كتير متكلمناش مع بعض

من غير مقدمات بقى وسلامات وترحيب والاشجار دية
هندخل فالموضوع على طول
والموضوع المرادى بجد غيظنى اخر حاجة
واظن الموضوع باين من عنوانه وهو ضرب الزوج لمراته
؟؟؟؟؟؟؟؟؟؟!!!!!!!!!!!!!!!!
هتقولولى الضرب دة ربنا امر بيه
بس هقولكوا ربنا مأمرش بالضرب من اول مرة ,من اول غلطة

(( الا و استوصوا بالنساء خيرا فانما هن عوان عندكم ليس تملكون منهن شيئا غير ذلك الا ان ياتين بفاحشة مبينة فان فعلن فاهجروهن فى المضاجعو اضربوهن ضربا غير مبرح
فان اطعنكم فلا تبغوا عليهن سبيلا الا ان لكم على نسائكم حقا
و لنسائكم عليكم حقا
فحقكم عليهن ان لا يوطئن فرشكم من تكرهون
و لا ياذن فى بيوتكم من تكرهون
الا و حقهن عليكم ان تحسنوا اليهن فى كسوتهن و طعامهن))

هتكلم الاول عن الجانب الاكبر وهو الراجل
الراجل الشرقى راجل ورث عن ابوه عصبيته ورث عنه شخصيته المندفعة
الشخصية الى ايديها سابقة لسانها
وياريت ايد الراجل وضربه طبيعى
لا بالعكس !!فى رجالة لما بتتعصب بتوصل لمرحلة انها مش شايفة قصدها ولا حاسة هتعمل اية
انا كنت فى مدرسة مشتركة وفى فصل مشترك كمان
لما كان ولدين يقوموا على بعض ويكلوا بعض
بيبقوا ساعات هيخشوا فينا ولا بيهمهم ان فى جنبهم مين
حقيقى كنت بشوفهم فى قمة الغضب وهما الاتنين بيستقوا على بعض لاقصى الحدود
دول الولدين الى الاتنين قوتهم زي بعض
مابالكوا بقى لما الراجل بيضرب مراته بنفس العصبية ونفس القوة دية
الست فى حد ذاتها مهما كانت شخصيتها القوية
برضه فالاخر وفى الاول تكوينتها ضعيفة وضعيفة جداا
شوفت نماذج كتير اوى بان الراجل يضرب لدرجة انه يقتل مراته من كتر الضرب
اصلا انا شايفة من وجهة نظرى اصلا ان كل ما الراجل بيرفع ايده
كل ما بيكسر العلاقة بينه وبين مراته
وبيبنى بدلها حاجز ومن اكبر الحواجز
مش بينه وبينها بس لا وبين ولاده كمان

لو جينا بصينا للست بقى
الست دية عبارة عن ردة فعل وجوزها هو الفعل
لو جوزها بيديها زي ما هى عايزة ومريحها
هى ردة فعلها طبيعى جداا هتكون ضعف الراحة الى هو مقدمهالها
انا معاكوا ان فى ستات متعبين جداا
بس حرام نظلم الكل حرام نساوى الكل ونعامل الكل بمعاملة واحدة

كل واحدة بتبقى محتاجة تحس بامان وتحس انها عايشة ملكة زمانها
والراجل بيبقى عايز يكون سي السيد كلمته هى الماشية بالحرف الواحد
ودية مش هتتنازل عن حقوقها ودة مش هيتنازل عن حقوقه
يبقى هنا فالحالة دية هنحكم العند
والعند دة هو النار الى حرقت البيت
مبقاش في حد عايز يريح التانى
وكأن الناس بتتجوز عشان تلاقى
حد يتحكم فيه ويسيطر عليه ويفش فيه غله

انا مش بحب اطول فى موضويعى كتير ولا احب ارغى كتير
بس مستنية رأيكوا فى نقطة الضرب
وعايزة اسمع النتايج الى هتترتب عالاسلوب دة

وسبونى بقى عشان راحة اعمل الغدا
لجوزى يضربنى

:d

يا سيدتى الفاضلة ربنا لم يأمر بضرب النساء مطلقاً لأجل التعذيب والضرب اللاهادف وراجعى معى قوله سبحانه وتعالى فى الآية الكريمة التى ورد فيها الضرب
( الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي المَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُوا عَلَيْهِنَّ سَبِيلاً إِنَّ اللَّهَ كَانَ عَلِياًّ كَبِيراً (34) النساء

نجد الله سبحانه وتعالى أخبرنا على علاج المرأة الناشذ وليس كل النساء والله أعلم بطرق إصلاح المرأة الناشذ فمنهن من ترجع بالموعظة ومنهن من ترجع بالهجر فى المضاجع وليس الهجر من المضاجع ومنهن من لا ترتدع إلا بالضرب ولكن الضرب غير المبرح حتى أنه قيل ولو ضرب خفيف بعصا السواك أما من يتخذ الضرب ذريعة له فلا أصفه أبداً بالرجولة ولكن له ألف نعت آخر أقله قبيح ولنا ولكُن الله
وأخيراً فقد أوصانا الرسول الكريم صلى الله عليه وسلم بالنساء خيراً وأختتم بقوله سبحانه وتعالى ( ... وَقَدْ خَابَ مَنِ افْتَرَى (61) طه ) .