بسم الله الرحمن الرحيم




الجزمة او الحذاء او النعال اسماء كثيرة لشىء واحد يلبس فى القدم
المعروف ان الحذاء وسيلة وليست غاية وسيلة لحماية القدم
ناخد شرطا ونتكلم بالعامية
.................................................. ......................................

رجل فقير شاف عربية قمة فى الفخامة مشفش لها مثيل
قال فى نفسه : ياسلام لو الواحد يموت تحت العربية دى
ياسلام عليك ياشهيد المرسيدس

جزمة ثمنها 11 مليون جنيه ياترى ومن غير حساسية ممكن تتمنه فى يوم تنضرب بجزمة مرصعة بالاحجار الكريمة
وتدخل التاريخ زى شجرة الدر مات ضرب بالجزمة على غرار شجرة الدر
عندما ماتت ضربا بالنعال
نبدا قصتنا ,,,
............
محمد الفايد رجل الاعمال المصرى الشاهير
قام بشراء زوج حذاء ثمنه 2 مليون دولار ما يعادل (11 مليون جنيه) اللهم لا حسد وربنا يزيد ويكتر من جزمكم
قام بشراء الحذاء او الجزمة الحريمة ليقدمها لمرأة كهدية فى اول لقاء بينهم
محمد الفايد ملياردير مصرى شاهير وصاحب اكبر سنتر فى العالم وموجود فى بريطانيا
مرة تانية قام بشراء حذاء لمرأة ذاهب لمقابلتها ثمنه 2 مليون دولار
مش هتكلم بئا واقول الشعب جعان والشعب عريان
والمرتبات بتخلص يوم 3 فى الشهر وناس مش لقيه تاكل
40% من سكان مصر دخلهم بئا اقل من 2 دولار فى اليوم تقريبا 5 جنيهات
لان دى حاجات بديهية زى ما تقول الشمس تشرق من المشرق وتغرب من المغرب
محمد باشا الفايد جاب جزمة لسيدة ثمنها 2 مليون دولار
انا لو ابنه طبيعى انه هحجر عليه ومش بعيد اتهمه بالجنون ده طبيعى
لما يكون شعب عربى تحت الحصار ومش لاقى لقمة يكلها ولا شوية مايه نظاف يشربهم
وانا بدل ما اقدم لهم اى مساعدة بشترى جزمة لسيدة بالثمن ده يبئا فيه حاجة غلط

http://images.alwatanvoice.com/images/topics/images/4608716677.jpg


جنان جهل استهتار تخلف دى ممكن تكون احد الاسباب وراء شراء الحذاء
كان الاولى من السيد محمد الفايد بال11 مليون جنيه او نصهم
انهم يتقدمه كمساعدات لضحايا غزة
لاهل الدويقة للعشوائيات الموجوده فى مصر
لكن ولان محمد الفايد ملياردير لزم يتصرف كده هو ده الطبيعى
لانه لو اتصرف عكس كده يبئا هو ده اللى مش طبيعى
ولان دى ثقافة الجزم الموجوده فى عقول الكثير من رجال الاعمال
يبئا هو تصرف بشكل طبيعى ومنطقى
برافو محمد الفايد ضرب مثال واقعى لرجال الاعمال اللى حاسين بهموم شعبهم
وتعدمي الجزمة ياللى هتلبسيها :)
وكل جزمة وانتم طيبين :)

شكرا على الموضوع ده . ياسيدى واضح ان أغنياء العرب يعانون من السفه . تخيل ان فى الوقت الذى كان فيه الفلسطنين يقتلون تقدم مالك نادى مانشستر سيتى وهو عربى مالك شركات ابو ظبى تقدم بعرض بمليار جنيه لضم لاعب اسمه كاكا:(:(:( . مليااار جنيه بينما السفيه الأخر الفايد اللى اشترى الجزمة دى يستحق الضرب بالنار فى ميدان عام . لكن احب اطمئنك ان السفه والتبذير نهايتهما مش كويسة .

no comment

شكراااااااااا يا اسلام ع الموضوع

يعنى سبحان الله الواحد بيستحرم يدفع فلوسه فى الجزم دى بالذات
المهم انهم بيدفعوا المبالغ دى وعادى جدااااا
فعلا ماعندهمش ادنى احساس باى حاجة وان المال ده هايتسالوا عنه يوم الدين
لا حول ولاقوة الا بالله
شكرا عالموضوع

طبيعى جدا
هو اللى ايده فى الميه زى اللى ايده فى النار ؟

استحاله حد زى ده يقدر يحس بالناس اللى مش لاقيه تاكل
حسبنا الله ونعم الوكيل
مشكور اسلام ع الموضوع

مين قال انه مش بيساعد الفقرا والمساكين ....وبعدين كل واحد بيصرف قد ماله ..يعنى مثلا فى مجتمعنا ممكن واحد يشترى

جزمه بخمسين جنيه ...وممكن واحد يشترى جزمه بميت جنيه ..وممكن بمتين ...وممكن بربعميه ..وممكن بسبعميه ...وممكن

اغلى فأغلى

دى بقى حسب الفروق الفرديه والشخصيه ..وكل واحد حسب ما ربنا رزقه ...لكن المهم هل هو بيطلع الزكاه وبيساعد الفقرا

والمحتاجين ...لو بيعمل كده ...يبقى هو حر فى فلوسه ...واكيد يعنى واحد ملياردير مش هيشترى جزمه بنفس السعر اللى

بشترى بيه الموظف العادى جزمته

شكرا على ردودكم والتعليقات ياجماعة
لفت نظرى الجملة دى
يعنى سبحان الله الواحد بيستحرم يدفع فلوسه فى الجزم دى بالذات

اشمعزه ؟؟؟؟

هههههههههههههههههه

عاتي عاتي
بتحصل كتير

ع رأي المثل
اللي معاه قرش محيره ..يجيب حمام ويحمره :d

طب وفيها ايه يعنى
حاجة مصنوعة لاولاد الذوات
وال مايشترى يتفرج

دى بقى اصل رجاله

لامواخذه يعنى دماغها لاسعه شويه
وانا بدل ما اقدم لهم اى مساعدة بشترى جزمة لسيدة بالثمن ده يبئا فيه حاجة غلط


http://images.alwatanvoice.com/images/topics/images/4608716677.jpg


علشان واحده ست

بذمتك دى لو مراته هايجيبلها بنص تمنها

ولا يمكن يقطعها على دماغها

المهم لوالارجلاللىفى الصوره دى هى اللى لابسه الجزمه

اسمح لى اقوله


ذوقك ==
اسفه مش هاكمل
رجاله مجانين

لا تعليق......بجد وربنا يشفيه

هو عبيط ده ولا ايه ؟!
:bosyht9:

هو عبيط ده ولا ايه ؟!

:bosyht9:

ايه :d
انا مش عارفة انتو مستغربين ليه:slap1qk6:
الراجل كان مزنوق في هدية احنا مالنا :stickjo4:

عادي جدا
برفان الشيخه مياسه(بنت امير قطر)تمنه نص مليون ريان قطري ما يعادل مليون الا ربع مصري وبيخلص علي 3 خروجات

مستغربين ليه يا جماعة
الراجل كريم :d
و اللى خلاة الجزمة دى تتعمل من الاصل
لازم يكون ليها زباين مجانين يشتروها:bosyht9:
بس مصرى :blink: ده البلد خلاص اهوه مفيهاش اى مشاكل
غير بس نجيب الجزمة منين
انا معتقدش ان الفلوس دى حلال اصلا
فعشان كدا قال هيعرف يجيب غيرها تانى فى نص ساعة ;)
و قال بقى مينفعش الفلوس الحرام اتبرع بيها لله طب يبقى شكلى قدام ربنا ايه B)
******
بس كل ده فى اول مقابلة
امال لو كان عيدميلادها كان جابلها ايه :huh:
خلاص قولى على رقم تليفونه و انا اروح اقابله اول مقابلة :p
يمكن يجيبلى شراب ب3 مليون دولار :022yb4:
******
شكرا عالموضوع
حاسة ان مكانه خبر و تعليق :)

انا مش عارفه اقول ايه

بس دول ناس فلوسهم كتيره يعنى مش عارفين يودوها فين

يعنى واحد زى ده مش فى دماغه غزه ولا الشعب فى دماغه الفلوس ويعمل بيها ايه علشان يتمتع فى الدنيا

لكن ربنا شايلوا متاع الاخره بقا اللى هيتمتع بيه بصحيح

شكرا على الموضوع

شكرا على ردودكم والتعليقات ياجماعة
لفت نظرى الجملة دى


اشمعزه ؟؟؟؟


انا اقصد الجزم عموما من دون باقى الحاجات التانية سواء الهدوم او كده
مش قصدى النوع ده من الجزم الغالية دى
وشكرااااااا

الراجل اتجنن بعد موت ابنه...


وعلي العموم موضوع جميل جداااا... وفيه فكره...


بس اعتقد هيبقي في اراء كتير اوي....


يعني تجيب واحد سياسي هيقول: وماله اما يشتري جزمه انشالله حتي ب 2 تريليون دولار ..راجل عصامي ويعمل بفلوسه اللي هو عايزه.

واحد من المعارضه يقول: ازاي الكلام ده...ده سوء تصرف وجنان رسمي...الشعب المصري مش لاقي ياكل وده يجيب جزمه ب 2 مليون .

تجيب سيده اعمال هتقول: والله انا كنت شايفه (( شوز )) اشيك منه بكتير وكان ب 10 مليون بس.

سيده من الشعب المطحون : والله انا راضيه بقليله.. انشالله جوزي حتي يجيبلي جزمه ب 10 جنيه.

رجل اعمال: انا نفسي اقابل محمد الفايد ... بجد ممكن اعمل معاه بيزنيس جامد بالشوز ده.

محمد الفايد نفسه : والله انا مش عارف الناس دي عماله تحسد كدا ليه... ويقول في باله (( انا كدا حققت الغرض اللي عايزه ... انا اساسا كنت شاري الشوز ده علشان يبقي ليه صيت...والكل يتكلم عنه )):)



اشكرك علي موضوعك يااسلام

لا حول و لا قوة الا بالله

خلاص قولى على رقم تليفونه و انا اروح اقابله اول مقابلة :p
يمكن يجيبلى شراب ب3 مليون دولار :022yb4:
ليه يا ست البنات ياورده بيضه يا جميل انت يا قمراوعاك تقولى كده

دى تطلع عينه ولا يشوف ضوفر بنت من بناتنا ولاحتى بمليارات الدولارات
هى سايبه --امشى كده طيب دول ستات ولا بنات ملهمش اهل
انت فين انا جايه وجايبه الخيزرانه معاى

اعلم اننا متفقون فى ان ذلك سرقة الشعب مش لاقى ياكل ودة بيجيب جزمة ب2مليون دولارولكن الشئ الوحيد الظريف فى ذلك ان ذلك الرجل رفع من شأن المراةحذاء ب2 مليون دولار من اجل امراءةوعجبى