مشاهدة النسخة كاملة : قول نعم الحياه تبقى بمبى


nody.dody
07-02-2009, 03:52 PM
بصراحه موضوع عجبنى واللى كتبته دماغه جامده جدا برده يعنى منكرش فضله بس انا قلت اجيبوا يمكن يعجبكوا

هو سر كلمه نعم يعنى من الاخر قول نعم وانتى تستريح حتى لو مقولتش برده بتتفهم نعم

الف المصري من "نعم" مفردات اخري تؤدي الي نفس النتيجة
فنحن نقول مثلا نقول حاضر يعني "نعم" و كلمة حاضر بها مغزي مصري عبقررررررررري معناه "نعم" علطول ... ان مجرد الحضور هو موافقة
ثم اشتققنا كلمة جديدة أيوه ....و ايوه طبعا يعني "نعم"
و اذا قلت "نعم" ستجد من يقول لك فورا: الله ينعم عليك ...هكذا هذه هي جائزة "نعم" ان تنهال عليك نعم الله سبحانه و تعالي
ثم افرض مثلا انك لا تريد ان تقول "نعم" .... ما هو في ناس مجانين برضه، ساعتها لا تقل شيئا.... اصمت و السكوت علامة ايه؟ الرضا.... يعني حتي لو لم تقل نعم فانت تعني "نعم"
و لفظة اخري تعني نعم و هي ماشي ..... لاحظوا معي بلاغة التعبير ماااااااااااااااشي !!
إن المصري لا يريد ان يوقف سير الأمور: ماشي يا سيدي و نحن نهز رءوسنا للأمام دائما لتعني "نعم"
و نرفع ايدينا في مجلس الشعب لتعني موافقه
و منذ قامت الثورة و نحن ننتخب رؤسائنا يوم الاستفتاء و نقولها "نعم" و كانت النتيجة دائماً 9و 99 في المائة
و بنينا السد العالي و برج القاهرة و انتصرنا في حرب أكتوبر
و حينما قرر الرئيس السادات أن يذهب إلي اسرائيل و يعلن مبادرة السلام ...هل فعلها هكذا دون أن يستفتي شعبه؟! لا طبعاً و عمل استفتاء: أروح و لا ما أروحش؟ و قلنا: "نعم" ررررررررررررررررررروح يا ريس...

و لا يستطيع العالم ان ينكر أن شعبنا عفريت استفتاءات ......لهلوبه فعلاً
عنده حساسية مفرطة تجاه أي استفتاء تعمله الحكومة انه يشعر أن الحكومة تتحرش به أو بتختبره........... "نعم" و لا لأه ؟ ما ترد!
و بصياعة مصرية عبقررررية يقولها: "نعم" يا باشا طبعاًأأأأأأأأأأأ

و أنا اعتقد أن عملية الاستفتاء ترجع إلي عصر بعيد ربما قبل الملك خوفو أيضا ربما تعود إلي ايام الملك مينا موحد القطرين الشمالي و الجنوبي و الذي عمل استفتاء على الاستفتاء و قال: استفتاءات و لا لأ؟ و خرج المصريون جميعاً و قالوا: "نعم" "نعم" طبعاً يا مينا
و راح موحد القطرين علطول قايل بان القطر الشمالي يقول: "نعم" و النوبي يقول "نعم"

و عبقرية نعم في كونها كلمة مناسبة لكل احوالنا في أي زمان و مكان عندك مثلاً إذا تعبت شويه و شعرت بآلام مبرحة ماذا تقول؟... تقول "آه" و آه يعني ايه؟ ما هي آه يعني "نعم" و اذا كنت تكلم أحداً و لم يسمعك.....إنه لا يقول لك إنني لا أسمعك و ماذا كنت تقول و انما يقول لك: "نعم"!!!!!!!! حتي برغم انه لم يسمعك انما يقول نعم براحته

و اذا كلمت أحدهم على التليفون يرفع السماعه و يقول: "نعم" إنه موافق قبل ان يعرف حتي من الطالب
و اذا أراد العربجي على العربيه الكارو أن يوقف الحمار ماذا يقول له: "ييس"
و yes يعني ايه يعني "نعم" برضه بس بالانجليزي

عرفتم بأه يا إخواني قيمة "نعم" و كم هي محفورة في قلوبنا تلك الكلمة السحرية
عرفتم أم لا..بتقولوا "نعم" !! طبعاً "نعم"............
و تأملوا معي أحرف الكلمه حتي نعرف روعتها:

نـــ عـــــ م
النون: نفسي اقول نعم
و العين: عاوز أقول نعم
و الميم: ما انا قلت نعم بأه

sunsero2000
07-02-2009, 04:25 PM
موضوع حمييييييييييل اوى ودمه خفيف زى صاحبه
ههههههههههههههههههههههه نغم اهو عشان الحيا تبقى بمبى

nody.dody
07-02-2009, 04:34 PM
موضوع حمييييييييييل اوى ودمه خفيف زى صاحبه
ههههههههههههههههههههههه نغم اهو عشان الحيا تبقى بمبى
هو صحبته بس مرسى على متابعتك ونورت الموضوع

kkkarrr
10-02-2009, 01:59 AM
نعم نعم نعم نعم

أستاذة غادة
10-02-2009, 12:20 PM
نعم كلمة مريحة وجميلة وبتسهل الامور

واضيفى كمان (نعمين ) يعنى تاكيد الموافقة على طول الخط

مشكورة

nody.dody
10-02-2009, 07:23 PM
نعم نعم نعم نعم
ههههههههه
مرسى ونورت الوضوع

nody.dody
10-02-2009, 07:24 PM
نعم كلمة مريحة وجميلة وبتسهل الامور

واضيفى كمان (نعمين ) يعنى تاكيد الموافقة على طول الخط

مشكورة
مرسى كتير لمرورك ونورتى

الطفله السعيده
10-02-2009, 07:28 PM
موضوع حلو اوي يا قمر القسم

كالعاده

ودمه خفيف كمان

بجد والله كنت زعلانه

فرحت لما شوفت الموضوع

اتمني ليكي مزيدا من الموضوعات الحلوه ديه بجد

الي بتنور القسم

ذي نورك يا قمر فيه

تحياتي

ليك اوي جدا خالص موووت

ميرسي اوي جدا خالص موووت علي المجهود

nody.dody
10-02-2009, 08:18 PM
مرسى ليكى وكالعاده كل لما تدخلى موضوع بتنورى

toto_hano
11-02-2009, 03:26 AM
:av4056bb7jp3:نعمين يلا ياستى عشان ماتزعليش وشكرا على الموضوع ودمه خفيف موت:av4056bb7jp3: