مشاهدة النسخة كاملة : نقابة المعلمين الجديدة
safwatscc 08-02-2009, 01:11 AM الاخوة والزملاء الافاضل
مطلوب انشاء نقابة للمعلمين جديدة
يتم فيها تغير كل العناصر النقابية القديمة واحلال محلها عناصر ودماء جديدة
تتبنى فكرة احترام المعلم وتحسين احوال المعلم
ومعارضة جميع قرارات الوزارة التى تدين المعلم وتظلم المعلم
وهذا هو دور النقابة الاساسى وهو الحكم على قرارات الوزارة والعمل بالقرارات التى تقف بجانب
المعلم وتزيد من هيبة واحترام المعلم
مثل جميع نقابات المعلمين فى جميع انحاء العالم
نجد ان مهنة التدريس من المهنة المحترمة جدا والمقدسة جدا فى جميع انحاء العالم
و الحل
نقابة نزيهة وشريفة وتقوم بعملها الاصلى الاساسى وهو مصلحة المعلم اولا
وهذا هو دور النقابة
اما الان النقابة شغالة فى الهوامش وناسية دورها الاساسى
تم انشاء النقابات من اجل مراعاه مصالح من اسست من اجلة وهذا حال جميع
النقابات فى العالم
اما هنا فى مصر فكل من فى النقابة يعمل لمصلحتة الشخصية فقط
ولا نرى اى دور ايجابى للنقابة واى حد شاف دور ايجابى للنقابة يقول!!!!!
adelfadaly 08-02-2009, 01:30 AM أوافق حضرتك بشدة جداً جداً
عادل فضالي
المنصورة
safwatscc 08-02-2009, 01:36 AM بارك الله فيك وياريت كل معلم يكون ايجابيا
والوقوف وقفة واحدة لكى نسترد الحق الضائع منا
safwatscc 08-02-2009, 01:42 AM مطلوب مشاركة الجميع بالافكار الجديدة والمفيدة
من اجل نقابة هادفة لها سياسة هادفة
omar1 08-02-2009, 01:51 AM أوافق جدا وبشدة لعل الله يجعل لنا مخرجا مما نحن فيه من قهر وهوان
safwatscc 08-02-2009, 02:14 AM آمين آمين آمين
safwatscc 08-02-2009, 02:25 PM مشكورررررررررررر
فاتن فتحى 08-02-2009, 04:31 PM ياريت واتمنى التنفيذ
shdod 08-02-2009, 05:44 PM بس ارجو كما اصبح الان القضية والوقفة الاحتجاجية تنادى بصرف الكادر للمعلمين الناجحين فقط ونسيت او تناسوا اللذين التزموا بالمناشدة بعدم دخول الامتحان ارجوا ان يكون هناك من يقف مع هولاء سواء من النقابة او من اى مجموعة من المجموعات التى تتزعم حركات لعودة الحق الى جموع المعلمين وليس لفئة سوف تصرف الكادر فى كل الحالات ان اجلا او عاجلا
سمير الجابرى 08-02-2009, 05:45 PM اوافق واتمنى ان يتحقق الحلم ويضم ايضا مدرسي الازهر وكفانا تفريقا بين معلمى مصر
عبدالراضى الحكيم 08-02-2009, 07:05 PM اتمنى ان اجدنقابتنا لها دور مثل باقى النقابات
safwatscc 08-02-2009, 08:02 PM الاخوة الافاضل
لو تم تنفيذ ما نريد وهو نقابة حرة نزيهة تعمل لمصلحة الجميع
اكيد ستناقش موضوع الكادر جملا وتفصيلا
ونريد مزيد من الافكار لان فى النهاية سوف نجمع هذة الافكار ونعرضها فى مذكرة تفصيلية للنقابة الجديدة
أستاذة غادة 08-02-2009, 08:53 PM حاليا وبفضل الله تعالى جارى استكمال اشهار رابطة معلمى مصر وفى القريب العاجل يتم الاعلان عن الاشهارويمكن لجموع
المعلمين الاشتراك بها لتكون سندا للمعلم المصرى فى عدة امور
ونرجو حضراتكم المرور على قسم رابطة معلمى مصر
داخل البوابة لتعرفوا المزيد عن الرابطة وتشتركوا بها باذن الله
hanys3000 09-02-2009, 01:47 AM أرجو التضامن لأن النقابة الحالية لايستفيد منها غير الأعضاء ، ونريد رأي جماعي
safwatscc 09-02-2009, 02:15 AM الاخ hanys3000
النقابة الحالية لا يستفيد منها احد الا كبارها
اما نحن الذين ندفع للنقابة من مرتباتنا كل شهر
لانجد لها فائدة معنا
والموضوع مفتوح للمناقشة اللى شايف لها اى دور يقول ربما نكون احنا مش شايفينة
أبو ملك 09-02-2009, 03:23 AM أتمنى نقابة من المعلمين يعملون للمصلحة العامة
السندباد المصري 09-02-2009, 12:21 PM كان زمــــــــــــــــــــــــــــــــــان
safwatscc 10-02-2009, 12:38 AM الاخ السندباد المصرى
ياريت نرجع ما ضاع
واللى كان زمان ممكن يرجع فى الحاضر والمستقبل بس بصورة افضل مع الاستفادة من الاخطاء والسلبيات اللى كانت زمان
ويكون افضل بكتييييييييييير
bassemtaha 10-02-2009, 01:16 AM وهو أصلا في نقابة للمعلمين؟
تصدق ان دي أول مرة أسمع اننا عندنا نقابة...............
badry333 10-02-2009, 01:17 AM لا تأسفن على غدر الزمان لطالما رقصت على جثث الأسود كلاب
لاتحسبن برقصها تعلو على أسيادها فالأسد أسد و الكلاب كلاب
تبقى الأسود مخيفة في أسرها حتى و إن نبحت عليها كلب
safwatscc 10-02-2009, 01:27 AM الاخ bassemtaha (http://www.thanwya.com/vb/member.php?u=143577)
ولك معلومة اخرى لربما تكون تجهلها انة يخصم منك كل شهر مبلغ وقدرة لهذه النقابة
والله اجمل مشاركة تسئ من وضع النقابة الحالية
شمس بياض 10-02-2009, 01:44 AM أتمنى نقابة من المعلمين يعملون للمصلحة العامة
newcomputerteacher 10-02-2009, 10:32 AM نرجوا ذلك ولكن نريد تفعيل بما لايتعارض مع القوانين
ممدوح مصطفى الانصارى 10-02-2009, 10:32 AM اما هنا فى مصر (فكل) من فى النقابة يعمل لمصلحتة الشخصية فقط
ولا نرى اى دور ايجابى للنقابة واى حد شاف دور ايجابى للنقابة يقول!!!!!
أشكرك زميلنا الفاضل على الموضوع والاستطلاع
أوافق وبشدة
وأختلف مع حضرتك
على التعميم (فكل)!!!!
أكيد ليس الكل
يمكن القول البعض
او معظم .
حسب تقدير حضرتك .
فلقد رأيت انا وبعض الزملاء على البوابة نقابة المعلمين بمدينة المحمودية/ بحيرة ، وقابلنا نقيبها
الفاضل الاستاذ/عصران مشرف ، وهى تمارس دورها بامتياز .
وعلى الرغم من ذلك اقول ان بعض اللجان النقابية لها دور نقابى اصيل .
خالص شكرى وتقديرى وتقبل مرورى وليتسع صدرك لخلافى البسيط .
saber_gafer 10-02-2009, 12:26 PM انا عمدى مشكلة ممكن حد يساعدنى
انا لم اصرف بدل سفر دور اول اول ولا دور ثانى ثانوية عامة 2007
ولا ثانوية عامة 2008 ادارة اشمون المنوفية مع ان معظم الزملاء فى كل الادارات تم الصرف لهم
amer2 12-02-2009, 10:28 PM لاتوجد نقابه
من أجل المطالبة بنقابه جديدة
حسبنا الله ونعم الوكيل
safwatscc 13-02-2009, 02:37 AM الاخ الفاضل الحل نعمل نقابة ؟؟
السيد درويش 13-02-2009, 03:19 AM أوافق حضرتك بشدة جداً جداً ولكن
نقابة من المعلمين
حلم بعيد المنال
نقابه لهادور لها سياسة هادفة ترعى مصالح الجميع
عمادالدين عبدالله 13-02-2009, 05:50 PM رأى الشخصى لاأوافق على نقابة جديدة ولكن اصلاح النقابة الحالية هو ماننادى به وهذا يمكن تنفيذه انما نقابة جديدة صعبة جدا قانونيا ولايمكن وكله مجهود ضائع ولكن ننادى باصلاح النقابة الموجودة حاليا حتى نكون واقعيين وكذا ايضا رابطة المعلمين الذى ينادى بها موقع الثانوية لايمكن اشهارها ومعى أراء كثيرة اذا طلب منى هذا أكون تحت أمركم
safwatscc 14-02-2009, 02:40 AM أوافق حضرتك بشدة جداً جداً ولكن
نقابة من المعلمين
حلم بعيد المنال
نقابه لهادور لها سياسة هادفة ترعى مصالح الجميع
الاخ الفاضل
شكرا لاهتمامك
وان شاء الله يقرب المنال بوقوفنا معا وقفة معلم واحد
safwatscc 14-02-2009, 02:47 AM رأى الشخصى لاأوافق على نقابة جديدة ولكن اصلاح النقابة الحالية هو ماننادى به وهذا يمكن تنفيذه انما نقابة جديدة صعبة جدا قانونيا ولايمكن وكله مجهود ضائع ولكن ننادى باصلاح النقابة الموجودة حاليا حتى نكون واقعيين وكذا ايضا رابطة المعلمين الذى ينادى بها موقع الثانوية لايمكن اشهارها ومعى أراء كثيرة اذا طلب منى هذا أكون تحت أمركم
الاخ الفاضل شكرا على اهتمامك
هذا الموضوع مفتوح للنقاش ومشاركة الاعضاء وابداء اراءهم مهما كانت
واوضح لحضرتك ملاحظة بسيطة
ننادى بانشاء نقابة جديدة ليست جديدة فى المبانى او الانظمة
ولكن هيا نفسها النقابة بس تكون جديدة فى كل شئ وتغير لباسها بالكامل واسلوبها بالكامل
لكى يتناسب معنا ومع متطلباتنا وحقوقنا واهدافنا وللرقى بالمعلم والوقوف بجوار المعلم
واتعجب من نقابتنا الحالية
اى مشكلة تحدث مع اى عضو فى اى نقابة نجد النقابة تظهر بيان وقوفها بجوار احد اعضائها
اما نقابة المعلمين فلم ارها نهائيا تظهر فى اى موقف من المواقف الكثيرة التى يتعرض لها
المعلمون او النظام التعليمى
مثلا : الوزارة بتغير فى نظام الصف السادس والثانوية العامة كل شوية اليس للنقابة والمعلم دور
يطرح فية الافضل او يقول عيوب احد الانظمة او القرارات
اخى الفاضل لو حكينا على النقابة ومشاكلها هنملئ كتب
وشكرا
z.khaled3 14-02-2009, 03:03 AM أوافق وبشدة فما أحوجنا اليها الان
safwatscc 14-02-2009, 03:06 AM أوافق وبشدة فما أحوجنا اليها الان
شكرا الاهتمامك ونتمنى موافقة الجميع
وخطوة للامام افضل من الوقوف مكانك
علاء ص الدين 14-02-2009, 07:35 AM اوافق طبعا- ودورنا الآن العمل على تفعيل دور الجمعية العمومية للمعلمين والدعوة لانتخابات علنية وليست سرية كما يحدث ويكون هذا اليوم أجازة لكل المعلمين للإدلاء بأصواتهم - يجب أن نسعى لهذا أولا
عمادالدين عبدالله 14-02-2009, 10:25 PM الاخ الفاضل شكرا على اهتمامك
هذا الموضوع مفتوح للنقاش ومشاركة الاعضاء وابداء اراءهم مهما كانت
واوضح لحضرتك ملاحظة بسيطة
ننادى بانشاء نقابة جديدة ليست جديدة فى المبانى او الانظمة
ولكن هيا نفسها النقابة بس تكون جديدة فى كل شئ وتغير لباسها بالكامل واسلوبها بالكامل
لكى يتناسب معنا ومع متطلباتنا وحقوقنا واهدافنا وللرقى بالمعلم والوقوف بجوار المعلم
واتعجب من نقابتنا الحالية
اى مشكلة تحدث مع اى عضو فى اى نقابة نجد النقابة تظهر بيان وقوفها بجوار احد اعضائها
اما نقابة المعلمين فلم ارها نهائيا تظهر فى اى موقف من المواقف الكثيرة التى يتعرض لها
المعلمون او النظام التعليمى
مثلا : الوزارة بتغير فى نظام الصف السادس والثانوية العامة كل شوية اليس للنقابة والمعلم دور
يطرح فية الافضل او يقول عيوب احد الانظمة او القرارات
اخى الفاضل لو حكينا على النقابة ومشاكلها هنملئ كتب
وشكرا
الأخ الفاضل أنا معك فيما كتبته فرق كبير بين اصلاح النقابة الحالية والنقابة الجديدة لأن هناك نداء لنقابة جديدة تسمى نقابة المعلمين وهذا لست معهم بحجة أن النقابة الحالية تسمى نقابة المهن التعليمية وأنا مع الإصلاح فى جميع النواحى
safwatscc 15-02-2009, 09:03 PM الأخ الفاضل أنا معك فيما كتبته فرق كبير بين اصلاح النقابة الحالية والنقابة الجديدة لأن هناك نداء لنقابة جديدة تسمى نقابة المعلمين وهذا لست معهم بحجة أن النقابة الحالية تسمى نقابة المهن التعليمية وأنا مع الإصلاح فى جميع النواحى
الاخ الفاضل بارك الله فيك
ولكن المهم والاهم ممن المهم والمهم جدا
انة تكون لينا حاجة تقف بجوارنا وتنصرنا وترعى مصالحنا وتعمل من اجل
الارتقاء بالمعلم والتعليم وتحسين مستوانا المادى والثقافى والعلمى
بصورة افضل ايا كان المسمى
إيهاب خميس إدريس 15-02-2009, 11:52 PM منذ فترة ليست بالقصيرة كتبت هنا استعدوا لانتخابات النقابة ولكن لم يصدقني أحد نقابة المهن التعليمية يسيطر عليها بعض الموظفين وليس المعلمين لكي يسترزقوا منها لأن المعلمين عندهم دروسهم هكذا يقولون ولم يحدث أحد نفسه لماذا نهمل النقابة ويسيطر عليها بفعل فاعل ( الحكومة وأمن الدولة ) الإجابة ببساطة لأنها أكبر نقابة في مصر ولو تحركت بفاعلية لأسقطت الحكومات وكشفت الحرامية ولهذا لم تترك كنقابة المهندسين والأطباء يديرها المعلمون فكم مرة سمعنا صوت نقيب المعلمين المصري ينادي بحقوق المعلمين ؟؟؟!!!!!! هيا نتحرك بسرعة فمصر في خطر ودورنا كمعلمين أصحاب رسالة هو رمانة الميزان والله على ما أقول شهيد
safwatscc 17-02-2009, 01:46 AM منذ فترة ليست بالقصيرة كتبت هنا استعدوا لانتخابات النقابة ولكن لم يصدقني أحد نقابة المهن التعليمية يسيطر عليها بعض الموظفين وليس المعلمين لكي يسترزقوا منها لأن المعلمين عندهم دروسهم هكذا يقولون ولم يحدث أحد نفسه لماذا نهمل النقابة ويسيطر عليها بفعل فاعل ( الحكومة وأمن الدولة ) الإجابة ببساطة لأنها أكبر نقابة في مصر ولو تحركت بفاعلية لأسقطت الحكومات وكشفت الحرامية ولهذا لم تترك كنقابة المهندسين والأطباء يديرها المعلمون فكم مرة سمعنا صوت نقيب المعلمين المصري ينادي بحقوق المعلمين ؟؟؟!!!!!! هيا نتحرك بسرعة فمصر في خطر ودورنا كمعلمين أصحاب رسالة هو رمانة الميزان والله على ما أقول شهيد
الاخ الفاضل : هذه فعلا وجهة النظر الحقيقية للنقابة الحالية
safwatscc 19-02-2009, 02:06 AM بارك الله فيكم
شكراااااااااااااااااااااااااااااااا
أحمد جمعة الخطيب 20-02-2009, 07:36 PM هل العيب فى النقابة ؟!
لايوجد حاكم ظالم وإنما يوجد شعب يقبل الظلم
teacher.reader 21-02-2009, 03:15 PM كم هو شيق هذا الحديث عن انشاء نقابه جديدة للمعلمين تبحث عن حقوقهم وتعين المعلم المظلوم على اخذ حقه كم اتمنى ان تكون لنا نقابه نفتخر بها وكم اتمنى ايضا ان نتتمتع بديمقراطيه كامله هل سيحدث هذا ؟
اخوانى ان الصورة امامى تزداد عتمه فأنا وكحالى حال الكثيرون لم نعد نثق فى احد ........ عذرا سألطف من الامر وساقول لم نعد نثق فى البعض .
فماذا لو نجحت احد الروابط فى ان تمثلنا واصبح نقيب المعلمين مثلا فلان ومر العام تلو العام ولم نشعر باى تحسن لم يشعرنا بوجودة هل سيترك المنصب لغيرة ؟
انا من طرحت السؤال وسأجاوب عليه
لن يترك منصبه وسيحارب من اجل الحفاظ على منصبه وسيقوم باتهام الاخرين بانهم خارجون عن الشرعيه
اعزائى هناك شيئا ما بداخلنا ليس بالشىء الصحيح
فنحن نتكلم بشعارات رنانه باسم الديمقراطيه وا وا وا الخ ثم حينما يأتى الدور علينا لننفذ الديمقراطيه على انفسنا ينقلب الحال ويصبح من يتحدث عن الديمقراطيه ديكتاتورا . نعم هذا هو حالنا.
safwatscc 22-02-2009, 01:12 AM هل العيب فى النقابة ؟!
لايوجد حاكم ظالم وإنما يوجد شعب يقبل الظلم
الله عليك
تسلم يا غالى
فعلا إنما يوجد شعب يقبل الظلم
لاننا نحن الساكتون على حقوقنا
safwatscc 22-02-2009, 01:28 AM كم هو شيق هذا الحديث عن انشاء نقابه جديدة للمعلمين تبحث عن حقوقهم وتعين المعلم المظلوم على اخذ حقه كم اتمنى ان تكون لنا نقابه نفتخر بها وكم اتمنى ايضا ان نتتمتع بديمقراطيه كامله هل سيحدث هذا ؟
اخوانى ان الصورة امامى تزداد عتمه فأنا وكحالى حال الكثيرون لم نعد نثق فى احد ........ عذرا سألطف من الامر وساقول لم نعد نثق فى البعض .
فماذا لو نجحت احد الروابط فى ان تمثلنا واصبح نقيب المعلمين مثلا فلان ومر العام تلو العام ولم نشعر باى تحسن لم يشعرنا بوجودة هل سيترك المنصب لغيرة ؟
انا من طرحت السؤال وسأجاوب عليه
لن يترك منصبه وسيحارب من اجل الحفاظ على منصبه وسيقوم باتهام الاخرين بانهم خارجون عن الشرعيه
اعزائى هناك شيئا ما بداخلنا ليس بالشىء الصحيح
فنحن نتكلم بشعارات رنانه باسم الديمقراطيه وا وا وا الخ ثم حينما يأتى الدور علينا لننفذ الديمقراطيه على انفسنا ينقلب الحال ويصبح من يتحدث عن الديمقراطيه ديكتاتورا . نعم هذا هو حالنا.
حاسس بيك لانة نفس احساسى
ولانة هذه مشاعر كل معلم غيرو على مهنتة
واريد ان اعقب على الفقرة التى تبدا ب لن يترك منصبه وسيحارب ........
واقول زى ما احنا غيرنا غيرة وشلنا من يعملون لمصلحتهم
نقدر نشيل التانى لو عمل زيهم
ما دمنا نعرف حقوقنا وواجباتنا واللى يخالفها نقدر نشيلة من منصبة
هتفضل نقابتنا ذى الفل
عاشقة الموج 03-03-2009, 03:40 PM :040vk0:النقابة !!!!!! لمة....وقهوة...وشاى... وحاجة صاقعة......وحبة مرتزقة...
النقابة لها دور فعال فى جميع المجالات التى تهم المعلم ع الأخص ,,,,,
والمتعلم,,,,,والعملية التعليمية..........وأكثر فإذا كانت النقابة الجديدة
همها ذلك فأنا أول المرحبين بها ,,,,,,,,وأيضاًلاننسى أن يكون النقيب
من الفئة التعليمية العارف بواطن الأمور ,,,,,والله الموفق.:romarioxp6::romarioxp6:
اسامه البنا 06-03-2009, 03:08 AM الي يعرف معاد انتخابات نقابه المعلمين يتصل علي 090094949486585 وهيكسب قلم رصاص
هدى مجدى 06-03-2009, 04:17 PM أين النقابة النائمة؟
أين روابط المعلمين القديمة و الجديدة؟
اين حافز الإثابة الـ75% للمعلمين
و الا لازم نعمل إضراب زى الإداريين؟؟؟؟؟!!!!!!!
على فكرة أنا شايفة اننا و أنا أولكم غلط و بدأنا نتكلم ضد بعض
الإدارى فى نفس المركب معانا
احنا فى المدارس مش بنقبض زى أقل إدارى فى الإدارات و الدواوين
ده صحيح
و المفروض المدرس هو عصب التعليم كله
و المظلوم بحق هو الإدارى اللى فى المدرسة
و لكن كلنا مظلومين بالمقارنة مع 10% من الكبار اللى فى الوزارة اللى بيلهفوا 80% من موازنة الأجور فى الوزارة كلها
و احنا هنا بنتخانق على الفتات بتاعهم اللى بيرموه لنا اللى هو 20% اللى باقية من موازنة الأجور
و برضه لو بصينا لوزارات و أماكن تانية فى نفس الدولة بتاعتنا هنلاقى ان احنا مفرطين فى حقوقنا جدا بالمقارنة مع البترول و البنوك و الاتصالات و وزارة العدل و الضرايب و غيرها
يا ريت نبص لوضعنا صح و نطالب بحقوقنا بمساواتنا بباقى موظفين الدولة و بالعاملين بالوزارة اللى شافطين 80% من موازنة الأجور فى وزارتنا فى كروشهم من الحرامية الكبار
بلاش نبص لبعض احنا الصغيرين و يا ريت نتعلم نطالب بحقوقنا صح و أولها مساواتنا بباقى الوزارات و المصالح "إياها" اللى معمولة للكوسة و الوسايط
و أول حق نركز عليه و نقاتل و نضرب و نعتصم من أجله هو الـ75% الحافز اللى بياكلوه علينا
رغم إنى شايفة إن الإدارى اللى مش بيشتغل جوه المدرسة مش من حقه لا الكنترولات و لا أى عمل خاص بالامتحانات لأنه عمل المدرس و بالتالى مش من حق الإدارى اللى من بره المدرسة صرف مكافأة الامتحانات الـ200 يوم لأنه ببساطة ملوش فيها لأنه لا بيراقب و لا بيصحح و لا يعرف يصحح مكان المدرسين لو المدرسين عملوا إضراب عن التصحيح
تحياتى
هدى مجدى 07-03-2009, 01:37 AM أولا رغم تعاطفى مع الإدارى فى المدرسة إلا أننى لا أتعاطف مع الذين لم يتعاطفوا مع أنفسهم
المدرس يا باشا المفروض يكون جامعى و طبعا ذاكر لحد ما اتهرى مذاكرة و تعب هو و أهله مصاريف و مذاكرة و خد شهادة من الجامعة
كون فيه مدرسين مش جامعيين فمش ذنبى انهم خدوا الكادر لأن الوزارة غلطت فى التطبيق و بتتخبط
و الدليل ان الكادر مصروف على أساسى السنة اللى فاتت
و بالتالى اللى خد درجة مالية بعد 30/6/2008 يبقى يبلها و يشرب ميتها لأن الحساب هيكون على الدرجة المالية اللى كانت قبل 30/6/2008 و شكوى بسيطة و قضية صغيرة تعدل الأوضاع المقلوبة دى و اللى هى مخالفة للقانون 155 لسنة 2007 و أولها ان المدرس لازم يكون مؤهل عالى
و بالتالى لما أى حد يحكم على المدرس اللى مؤهل متوسط و يقيس الإدارى بيه و يقول اشمعنى ده خد و هو مؤهل متوسط و الإدارى لأ؟ هيكون غلطان ساعتها
و بالتالى أيضا الإدارى لا يستحق كادر المعلم
كما لا يستحق الإدارى مكافأة الامتحانات التى هى مقابل القيام بأعمال امتحانات النقل داخل المدارس و ليس تقشير البطاطس و قطف الملوخية و إرضاع الصغار فى المكاتب و التزويغ للتسوق ثم العودة للتوقيع انصراف و الاستيلاء على كل المزايا المالية و حجبها عن المعلم من كنترولات و أعمال امتحانات و لجان و خلافه
الإدارى الوحيد الذى يستحق مكافأة الامتحانات و ليس كادر المعلم هو الإدارى الذى يعمل داخل جدران المدارس بصفة أساسية و ليس منتدبا
ثم الإداريين بدواوين الإدارات و المديريات و ديوان الوزارة طالعين واكلين نازلين واكلين زى المنشار
بدليل ان 80% من ميزانية الأجور فى الوزارة رايحة لجيوبهم
ده حتى الخصم من مرتبات المدرسين و اللى المفروض بعد مدة يرجع للمدرسين الغلابة اللى اتخصم منهم بالتحقيقات الظالمة المتفبركة إياها اللى أكيد الكل عارفها بيستولى عليها الإداريين و يحطوها فى جيوبهم
و بعدين غالبية المدرسين بنسبة 95% مش بيدوا دروس و ان ادى درس بيكون حاجة تعبانة قوى ما تأكلش قطة
فبلاش حقد و يا ريت الإدارى أو المدرس أبو دبلوم يشوف نفسه نجح ازاى بالغش فى حين المدرس المؤهل العالى اللى الكادر معمول له طلع عينه ازاى لحد ما خد شهاداته لأنه لم يتكاسل و دخل ثانوى عام و بعدين كلية و أهله صرفوا عليه دم قلبهم و لف المعامل و السكاشن و قاعات المحاضرات و المكتبات كعب داير و اتغرب و قاسى و ذاكر و تعب
و إلا بقى يتساوى العامل مع المهندس و الممرضة مع الدكتور و الصراف مع المحاسب و هكذا
تحياتى
safwatscc 12-03-2009, 01:00 AM الاخت الفاضلة
فية حاجات كتيرة غلط فى الوزارة
ولابد من وقفة صح
عبد الحى السيد 14-03-2009, 12:53 PM ياريت وبسرعة وأيضا أقترح قبول خريجى كليات التربية فيها أسوة بباقى النقابات
نرجو نقابة جديدة بمعنى كلمة جديدة تكون جديدة فى الفكرة فى العمل فى نوع المشاركة فى اتخاذ القرار وتكون خاصة بالمعلمين فقط ويخرج منها كل منليس له علاقة بالتعليم أقصد الإداريين والفنيين وتكون لهم نقابة أخرى غير نقابة المعلمين
اكرم ريحان 22-03-2009, 11:11 AM لما الجميع متضرر من هذا النظام فمن المنتفع؟انتفضوا ايها الشرفاء وانتزعوا حقوقكم.حاربوا الفسدين واوصلوا اصواتكم الى المسؤولين.
elkahateeb 23-03-2009, 06:09 AM ارجو أن يكون نقيب المعلمين من المعلمين ويختاره المعلمون
رفيق محمد احمد 31-03-2009, 07:06 PM هل لمعلمى الازهرحق الاشتراك ام لا
ayman asyoty 31-03-2009, 08:49 PM النقابة الحالية لايستفيد منها
علاء المصري 31-03-2009, 11:50 PM ارجو ان نقيب المعلمين معلم كان يمسك طباشره
ومازال الطباشيره هى شرفه وليس دكتور اواى شخص اخر لايعمل فعلا فى التربيه والتعليم ليحس بمشاكل المعلمين الحقيقه
ولايكون وزير سابق فى التربيه والتعليم
علاء المصري 01-04-2009, 12:46 AM ارجو ان تكون النقابه لها دور فى مشاكل المعلمين والتربيه والتعليم وتمل تعديلات على قانون كادر المعلم
medhat moslem 05-04-2009, 09:43 PM اوافق بل شدة لان هكذا يكون العمل النقابي لان النقابة الحالية اشبه بأحد دوواين الحكومة
safwatscc 07-04-2009, 12:30 AM بارك الله فيكم
احمد1958 13-04-2009, 12:16 PM مشكور كل من قال كلمة حق عن النهابه اقصد النقابه اصبحت حكرا على من فيها تفتكروا اخوانى من كام سنه ما تغير الاعضاء
لانهم عرفوا من اين تؤ كل الكتف والله المعلم احتار لاقيها من النقابه والا الوزاره والا المناهج والا الكادر والا الجمــــــــــــــــــــــل والاايه والا ايه 00000000000000000000000000000000000000000000000000 0000000000والا التلميذ والا ولى الامر ربنا معنا
مجدى عبد الفتاح 17-04-2009, 10:56 AM اتمنى من الله نقابة تانية بس مين ال هيمسكها اكيد رجاله هتتعلم برده الطاعة العمياء وهتضيع الحقوق
عاشقة الموج 30-04-2009, 04:44 PM النقابة هى المكان الذى يجمع أهل الطائفة الواحدة ويكون النقيب منهم لايختلف عنهم و يحس بهم
وهمومه ولهذا من هذا المنبر أوااااااااااااااافق و بشدة تغير النقابة السابقة لتحل بدلاً منها
نقابة نظيفة اليد همها الأول المعلم والعملية التعليمية وليس مجموعة مرتزقة كل هدفها العمل من أجل أنفسهم فقط فإلى اأامام سدد الله خطاكم ومسعاكم....
مجدى عبد الفتاح 01-05-2009, 04:29 PM سيدى الفاضل اولا مشكور على هذا المشروع وانا موافق بشدة لكن عندى تعليقات الاول مين ال هيسيبك تعمل نقابة
الثانى لو المعلمين ال فى مصر يستهلو الاحترام كانت الناس احترمتهم والحكومه والنقابة
ثالتا يا سيدى الفاضل انا بشوف مدرسين معى بالمدرسه لسوا بالبشر واساءوا للجميع مفيش مبدأ العيال بتشتمهم وبيبلعوا علشان الدرس وما ادراك ما الدرس هو اول ما اساء للمعلم بمصر لو عاوز تعمل نقابة لمعلمين شوف المعلمين ال يستحقوا الانضمام للنقابة مش كل واحد معاه شهادة يدخل النقابه
اسف على الاطالة
الناقر 03-05-2009, 10:22 AM الشمس تغرب وتشزق من جديد والحلم اليوم غدا سيصبح واقع
محمد على ابوزياد 04-06-2009, 02:22 AM عايز حلم
بس اقدر احققة
مانقدرش نعمل نقابة تانى غير النقابة الاصلية
ولكن ممكن نغير فى النقابة بالمشاركة الجادة والبحث عن حقوقنا
ندخل الانتخابات القادمة للنقابة ويكون لنا فيها تاثير
يكون لنا فيها صوت
بلاش نحلم وبس
بلاش نحلم ومنحققش الحلم
احلم وحقق حلمك
احلم وخليك واقعى
محمد على ابوزياد 07-06-2009, 10:17 AM عايز حلم
بس اقدر احققة
مانقدرش نعمل نقابة تانى غير النقابة الاصلية
ولكن ممكن نغير فى النقابة بالمشاركة الجادة والبحث عن حقوقنا
ندخل الانتخابات القادمة للنقابة ويكون لنا فيها تاثير
يكون لنا فيها صوت
بلاش نحلم وبس
بلاش نحلم ومنحققش الحلم
احلم وحقق حلمك
احلم وخليك واقعى
لا اوافق نقابتنا فى قنا تعمل تماما بقيادة نقيب المعلمين -وهو غير مقيم فى قنا -
100% على خير وجة
تاتي توتي 07-06-2009, 11:33 AM اتمنى أن يكون هناك فعلا تقدر المشتركين بها و تسعى لحقوقهم غير النقابة الحالية المريضة
وخصوصا نقابة المعلمين بمحافظة اسيوط فهي لافائدة لها تاخذ الفلوس من المعلمين دون فائدةلهم:abdoog8:
|