السلام عليكم ورحمه الله وبركاته

اتزيكم ....هنا يا جماعه كل واحد هيكتب ايه اللى حصل معاه علشان يعرف النتيجه وعمل ايه

وايه شعوره بعد ما كتب رقم جلوسه وضغط على زر enter وقبل ما تظهر النتيجه بثانيه

وكل واحد يطمنا عمل ايه فى المواد اللى كانت صعبه زى العربى للسنتين..والانجليزى لثالثه ثانوى

والتفاضل و كل المواد اللى كان خايف منها

اولا الحمدو لله رب العالمين على كل حال

بحمد ربنا كتير قوي قوي قوي ودي الحمدو لله ثقتي في ربنا وربنا لم يخذلني والحمد لله


بالنسبة لشعوري صراحة انا الحمد لله بجد موش بخاف من النتيجة لان دا قدر الحمد لله وبحمد ربنا عليه وانا موش هكون غاضب او ساخط من نعمة ربنا رزقني بيها بل هيه احلى حاجا ليا

فيها ايه لو جبت 410 طلعت الاول لكن فقدت صحتي اي عضو من اعضائي

فاول حاجا الصحة ثم العلم ثم المال

وشكرا ليكي يا بسملة

على اهتمامك وسؤالك

ونحمد الله ع كل شئ

الحمد الله طبعا ..انا واحد قريبى بيقولى ان ابن واحد صحبه سلم عليه الصبح ونزل

علشان يجيب نتيجته من المدرسه وكان طالع الاول وهو راجع خبطته عربيه ومات طبعا

ربنا يرحمه وأهم حاجه الرضا وبالتوفيق ان شاء الله

السلام عليكم
بسمله ميرسى كتير لموضوعك
انا ممكن اسميه الركن الهادى ما بعد العاصفه(( عاصفه قلق))
طبعا قبل النتيجه كانت حالتى غريبه اوى
قلق حتى الموت - بكاء هستيرى - شكوى من مستوى التعليم - والدى اس ال
دى الاعراض
التشخيص كلنا عارفينه
اما عن الادويه فكانت نتيجتى وده طبعا بعد عناء
الحمد لله درجاتى كويسه ولسه صامده فى شعبه العلمى
على فكره انا تانيه يعنى مش رحت ولا جيت
فبليييييييز ادعولى بالتوفيق فى تالته

ومبروووووووووك لكل اخواتى واخوانى طلاب الثانويه العامه

وشكرا بسمله تانى لموضوعك
وربنا يوفق الجميع

شكرا لردك يا تويتى وان شاء الله بالتوفيق

ان شاء الله...ربنا يوفق الكل..

انا حالتى غريبة شوية...ممكن متصدقوهاش..

انا كنت فى السايبر...وبعدين كنت عارف انه مش هيعرف يجيبها لان المواقع كلها برقم مجانى ...حتى موقع الوزارة...ففرحت...اه والله فرحت...
ه..كنت مطنش على الاخر..

فقعدت العب فيفا((افيف))...لحااد ما والدى اتصل بيا...قاللى واحد صاحبنا جابهالو...

طلعت جايب 93.8.....فرحت والله...ههه...كنت متوقع اقل...لانى كنت ((بلطجى)) السنة دى...مكنتش بذاكر يعنى...

باختصار كدة...مكنتش قلقان...قعدت احاول احط نفسى فى الموود بتاع القلق والنتيجة وبتاع...ههههه...معرفتش والله...

...بس فرحت اما عرفت بقيت نتايج اصحابى....هى دى اللى كانت عاملالى قلق.....فيهم اللى نزل قوى...وفى اللى عدى ال 98 ...الحمد لله..

ياللا ربنا يوفق الكل باذن الله..

وربنا يوفقك يا تويتى فى تالتة..
سلاااااااااااااام

الحمد لله الحمد لله الحمد لله جبت 202.5 من 205 و النهائية فى الأنجليييييييييييييييييييزى

الف مبروووووووووووك لكم جميعا

بجد بجد فرحتلكم من قلبى

وادعولى بقى انا داخل الثانويه

مبروك ليك يا احمد وبالتوفيق ان شاء الله

ومبروك ليك يا محمد وطول ما انتا قاعد اقرأ قل اعوذ برب الفلق

اظن ان انتا يا امير عبده فى ثانويه اصلا مش لسه هتدخل

ثانويه ازهريه

لا يابسمله انا لسه داخل تالته ادعيلى

الحمد لله مجموعى 99,5 فى تالتة بس بالمستوى

وفى السنتين 99 % بالمستوى

والف مبرووووووووووووووووووووك للجميع

الف مبرووووووووووووووووووووووووووووووك يا دعاء تستاهلي كل خير


انا الحمدو لله كله كله 97.1

الحمدووووووووووووو لله حلو قوي مبروووووووووووك ليكم كلكم يا جماعه

الله يبارك فيك (:

مع انى مليش علاقه بالهلمة دى

ومبروك ليكم تااااااااااااااااااااااااااانى كلكم

الفرحه حلوه بردك ياولاد


عقبالى


كلها سنه واشوف انا هاروح فين


ادعولى

مبروووووووووك ليك يا محمد

ومبرووك ليكم كلكم

<img src=\'http://www.hawahome.com/vb/files/upload_files/275/Najaah59.jpg\' border=\'0\' alt=\'user posted image\' />

السلام عليكم





مبروووووووووووووووووووووووووووووووووك



مبروووووووووووووووووووووووووووووووووك




ما شاااااااااااااااااااااااااااااااء الله





مبروك يا محمد


مبروك يا دعاء


مبروك يا احمد


مبروك للجميع




بصراحة حاجة تشرف




ربنا يوفقكم دائما يا رب

الف الف الف مبروك ل ( كول جيرل ) و عقبال الجميع ان شاء الله

السلام عليكم


الف مبروووووووك يا محمد عويس


دائما من المتفوقين يارب

الف مبرووووووووووووووووووووووووووووووووووك للجميع

Originally posted by مهرة@Jul 16 2006, 03:38 PM





السلام عليكم


الف مبروووووووك يا محمد عويس


دائما من المتفوقين يارب
161190

الله يبارك فيكى و عقبال الجميييييع ان شاء الله
الحمد لله

مبروك ليكم كلكم علي المجاميع الجميله دي

وبالتوفيق دايما

كول جيرل

محمد البري

وتويتي جيرل

ومحمد عويس

والله
أنا كنت طول السنه متشائم بطريقه غريبه كنت أحيانا بيوصلى ايمان أو اعتقاد ان انا أكيد هقل عن السنه الى فاتت

لكن جيت أيام الامتحانات وبدأت أتفاءل وكل ما اطلع من امتحان أقول الحمد لله انه عدى بس المشكله كلها فى الامتحان كذا (الى بعده ) لغاية لما خلصت الأحياء وانا مش مصدق ان كله عدى بدون مشاكل من التقيله الى ب5 و6 درجات

وأيام النتيجه كنت بنسى والله وانا قاعد على النت أو بلعب فيفا ان أنا فى ثانويه لسه بس كان دايما محمد برى يفكرنى منه لله أو دكتور حموكشه أو مصطفى ............

وبعدين يوم النتيجه الصبح واحد اتصل بوالدى قاله 399.5 بدون المستوى (بس شكيت فيه) واحد تانى اتصل بعدها قال (399.5+4) يعنى 403.5(98.4) قلت كده يبقى أكتر ثقه بس مش هطمن غير لما النتيجه تظهر فتحت النت من الظهر لغاية الفجر وأنا دايل أب يلا مش مشكله فدا النتيجه

وروحت اتفرجت على ماتش الأهلى من 9.30 لغاية 11.30 ويا ريتنى ما اتفرجت ورجعت للنت بين الشوطين وبعد المباراه مفيش حاجه ظهرت

ووانا فى منتدى رياضى لقيت واحد فتحت معاه وبيجيبها للأعضاء جابلى نتيجتى واطمنت الحمد لله وبعد كده فتح معايا وبقيت زيه بجيب النتيجه للأعضاء وكل شويه أقول الحمد لله على الى انا فيه بعد ما أشوف الى بملحقين والى ب3

السلام عليكم ورحمة الله وبركاته
اولا بجد موضوع جميل جدا
انا باه يا اخوانى انا كنت واحطو مليون خط تحتها كنت دى ماشى فى تالته ثانوى ازهر المهم كان يا ماكان يوم النتيجه كنت فى الاسكندريه كانت فى مشوار كده هناك المهم كنت عارف ان النتيجه حتظهر يوم الاربعاء رحت البحر وقعدت هناك شويه لانى كانت نفسيتى كانت مش محطمه لا دى مدمره لانى زى ما انتم عارفيين المصححيين بتوع الازهر دول رخمين شويتنين لا مش شويتين لا دول تلت اربع شويات كده ومكانوش بيدو الواحد حقو المهم رحت البحر علشان اهدى نفسى رحت السيبر وانا كل خطوه اقول ها ايه الحيحصل ها مش حروح البيت ولا ايه اصل انا لو كنت جبت حاجه لقدر الله مكنتش حقدر اروح البيت من الاحراج اصل انتم متعرفوش انا عامل معاهم ايه هناك المهم رحت السيبر وحصل معايه موقف رهيب بجد مع الست صحبت السيبر بلاش يا ريت اقوله لانه محرج اوى المهم لقتها بتقولى اجبهالك وتدينى خمسه جنيه قولتلها باه انا بقالى 60 سنه بدخل نت ومش حعرف اجيب النتيجه لنفسى المهم دخلت على الثانويه وجبتها والحمدلله
والحمدلله نجحت طبعا يا جماعه انتم عارفيين درجات الازهر انتم مش محتاجين حد يقولهلكم بس بس يا جماعه بجد مقلكوش انا كنت بتبهدل ازاى مكنتش طايق اقعد ساعه فى البيت من كتر التوتر

الف مبرووك يا هشام

والف مبرووك للمجاهد فى سبيل الله

الف مبروووووك للجميع هشام باشا

كول جيرل
ومبروك تويتى جيرل
محمد باشا البرى

احمد منير ( احمدشن ) انت جبت كام صحيح ؟؟؟

ومبرووك يا محمد يا عويس

ومبروك لكريم الغد عارفينه طبعا
جاب 95.5

بس انا خايف ع انسان ياريت حد يطمنى صلاح الدين فارس حطين

بجد كان فاتح انبارح وقفل بعد النتيجة ومعرفش عمل ايه ياريت حد يطمنا

الله يبارك فيكما

حلوة فيكما دى هههههه

انا الحمد لله جبت 96%

ربنا يستر السنه اللى جايه

انا كنت قاعده على النت من الساعه 10 لحد 1بليل

انها تيجى ........................ابداااااااا الكمبيوتر كان بايظ

و تخيلوا بقى التوتر بس خليت صاحبتى تجيبهالى و الحمد لله

و مبروك ليكم كلكم الف الف مبروك

انا بقة حكايتى غريبة انا كنت برة عند نينتى ورجعت بتنا الساعة 12 الا ربع انا كنت متوترة جدا لكنى لما رجعت هديت جدا وعملت انى رقم جلوسى ضايع وفضلت قاعدة وبعدين جينا ندخل امت النسخة ضربت وبعدين صطبناها وبعدين دخلنا وكل دة وانا هادية جدا جدا جدا وبعدين جبت رقم زمايلى وبجد بجد كلهم ممتازين جدا جدا جدا جدا جدا جدا فلما شفت درجتهم وبجد اتظلموا جدا الهدوء راح ودموعى نزلت وفضلت اعيط ومبقتش كويسة واعيط كان حد مات ليا وبعدين قمت صليت وفضلت ادعى وادعى وبعدين ظهرت نتيجتى واتى مالم يكن فى حساباتى واتصدمت بمجموع زى الزفت مش اوى يعنى انا اقدر اكمل بس مش ةدة الى اتوقعتة وبعد فترة هديت ومع كل دة انا مبسوطة من مجموعى لإنة غير حاجات كتيرة جوايا وانا استاهل لإن المدرسين ياما اتحيلوا عليا انى ازاكر وان دماغى حلوة حرام انى اضيعها بس انا مبقتش اسمع كلام حد غير نفسى بس كنت فاكرة ان مذاكرة اخر ليلة هتعوضنى لكن ان مجتهدش علشان كدة مسستهلش اى مجموع بس الحمد لله على المجموع الى معايا انا حزينة لكنى فى نفس الوقت مبسوطة لإنه ادانى حافز كبير للنجح وان شاء الله اكمل وربنا يكافئنى

ممبروك للجميع (شجرة الدر و هشام و انجل اييز ) و الى الأمام ان شاء الله

مبروك لأنجل وشجره الدر وبالتوفيق فى حياتكم العامه ان شاء الله

ان شاء الله...ربنا يوفق الكل..

وربنا يطمنا على باقى الاعضاء..

شكرا على الموضوع يا بسملة

ـــــــــــــــــــــــــــــــــــــــــــــ
93.8 يا طارق...نحمد ربنا...الحمد لله

مبرووووووووك مبروك للجميع
ويارب يوفقنا جميعا
وبجد فرحانه كتير ليكم

مبروك للكل مع انى لسه هدخل الثانولى هى قريبتى جايبه 97.50% وهتدخل هندسه من غير المستوى

الحمد لله يا جماعة :rolleyes:

انا فى تانية ثانوى( اكنتبها فى منتدى عضو جديد ولا هنا كويس :D )

هو امبارح الصراحة
انا المخلوق الوحيد تقريبا
اللى كان نايم وسط القرف ده كله

سبحان الله لقيت فيه زعيق
قلت يا ساتر يا رب
شكل الواحد عك
وبعد ما استعدت وعييى لقيت
انه كان ماتش الاهلى
لما دخل فيه الجون
وللحظ النضيف الجهاز اتv يرس
وعبال ما اتظبت دخلت على موقع الوزارة
ادخل اسمى النتيجة مش عايزه تتطلع

قلت اجرب رقم واحد صاحبى
دخلته من هنا والصفحة حملت فى ثانية
قوات كويس
دخلت اسمى لقيت النتيجة برضو مش عايزه تتطلع

لغااااااااااااية ما حظى ضرب وطلعت النتيجة
قلت الحمد لله

مجموعى كان حلو
وبعدين قعدت اجيب للناس التانية


( يا جماعة كل واحد بقول انا جبت 96 و97 يبقى يقول هو فى تانية ولا تالتة)

مبروك ليكوا كلكوا وعقبال التنسيق لما يجى حلو


انا جبت 94% تالته ادبى