بسم الله الرحمن الرحيم
السلام عليكم
العنوان غريب شويه بس اصبروا عليا للآخر :slap1qk6:
موضوعي النهارده مختلف شويتين

خليني ادخل في الموضوع

النهارده كان ضميري بيتخانق معايا و بيجري ورايا بعصايه عادي يعني :slap1qk6:
بتحصل كتير عادي يعني .. المهم سبب الخناقه
كنت راجعه النهارده من السفر في عربيه عادي و بسمع اغاني من الام بي فور (حاجه كده لا محصله راديو ولا ام بي ثري)
المهم ضميري طبعا مسبنيش في حالي و دار بيني و بينه الحوار ده


الضمير : ازيك يا بوسي .. ايه ان شاء الله .. كام مره هقولك بطلي اغاني و انتي في العربيه

بوسي : ايه يا عم فيه ايه ؟ ايه اللي طلعك دلوقتي؟؟

الضمير(بيزعق) : ايه يا بوسي ؟ ازاي تسمعي اغاني .. افرضي لا قدر الله العربيه اتقلبت بيكم و انتي متي؟؟ هتفرحي كده؟

بوسي : اتقلبت ايه و بتاع ايه .. ايه الفال ده بس ياعم دلوقتي؟؟ ما الشارع ادامك جميل و حلو اهو ادعي بس نوصل بالسلامه

الضمير(بيزعق اكتر) : مافيش حاجه اسمها فال ولا مفالش .. ده شيء متوقع و بعدين حتى لو الشارع جميل ممكن تطلع عربيه من تحت الارض تبوظ الدنيا ولا ايه .. مهو كل شيء جايز حتى جواز العجايز

بوسي: خلاص يا عم اهدى ماتعملش كده .. عايز ايه انت؟؟

الضمير (براحه شويه): يا بوسي افهميني .. افرضي حصل اي حاجه .. بلاش العربيه اتقلبت .. مثلا جالك سكته قلبيه .. و موتي هتفرحي كده؟؟ لانك لو متي هتبعثي على الوضع و الاغاني دي اكيد .. مهياش حلوه يعني بصراحه في حقك :romarioxp6:

بوسي : ... (مابتردش)

الضمير : سكتي ليه يا بوسي؟؟ و بعدين انا مش بكلمك في حكاية لو متي دلوقتي بس .. لا انا بقولك بوجه عام يا بوسي .. الاغاني حرام اصلا و انتي بتحبي ربنا و المفروض تسيبيها
يعني - ولله المثل الاعلى - لو انتي بتعملي حاجه و والدك اتضايق منها و انتي طبعا بتحبي والدك .. بربك مش هتسيبها؟

بوسي : اكيد

الضمير : و انتي بتحبي ربنا اكتر من والدك .. ليه بقى مش تسيبي الاغاني

بوسي : ما كل الناس بتسمعها يا ضميري ...

الضمير : دي دايما كلمة العاصي اللي بيحاول يدافع بيها عن نفسه .. بوسي ماتسمعيش الكلام ده
الناس اللي بتقولي عليهم دول .. لما ربنا ييجي يحاسبك و يقولك ليه سمعتيها و هي حرام .. هتقولي له الناس كانوا بيسمعوها .. الناس دول هيتبروا منك يوم القيامه يا بوسي .. محدش راح ينفعك غير نفسك و عملك اسمعي الكلام ده كويس .. ده من القرآن يا بوسي (يوم يفر المرء من امه و ابيه و صاحبته و اخيه)

بوسي : معاك حق يا ضميري .. بس .. (لسه هتكمل راح الضمير مقاطعها)

الضمير : مابسش يا بوسي .. بصي الاغاني ضرتك ازاي
بصي انتي عصبيه ازاي بسببها .. بصي بتحرك شهوتك ازاي .. بصي ازاي غيرت حاجات كتير فيكي
و فوق كل ده بتاخدي ذنوب عاللي بتسمعيه ده و السمع من نعم ربنا عليكي .. ليه تستخدميه غلط يا بوسي !!

بوسي : غلبتني .. انا فعلاً متضايقه اوي من الاغاني و نفسي ابطلها باي شكلي يا ضميري ..

الضمير : طيب لما انتي متضايقه منها بالشكل الفظيع ده .. ما تساعديني بقى و اساعدك و نبطلها .. و اكيد مش مره واحده و متاخديش حكاية مره واحده دي خطوه عشان ترجعيلها تاني .. حكم انا عارف الحركات دي :romarioxp6:
يعني اول خطوه بلاش اغاني عمال على بطال و انتي في العربيه خدي المشوار ذكر الله و هيعجبك صدقيني
و بعدين تاني خطوه بلاش و انتي شغاله عالنت شغلي قرآن احلى
تالت خطوه حاولي تمعني نفسك عنها
اكيد و انتي قاعده مع جارتك في البلاكونه (كعادتكم يعني) سهرانين مع بعض هتشغلوا اغاني قولي لها لا يا هوبه يا حبيبتي بلاش اغاني و حاولي تنصحيها معاكي لو بتحبيها بجد في الله و اهو تاخدوا ثواب بالمره

بوسي : طيب ابدأ منين ؟؟ عشان امشي عالخطوات دي؟

الضمير : استغفري ربنا .. و ادعي انه يتوب عليكي منها مع محاولتك لكده و اكيد ربنا راح يساعدك :)
ربنا بيفرح توبة العبد ليه يا بوسي .. و هيفرح بيكي اوي و هيكرمك اوي
و سيبيها بنية انك بتحبي ربنا (من ترك شيئاً لأجل الله عوضه الله خيراً منه)
و ربنا بيقول ( قل يا عبادي الذين اسرفوا على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم)
ارجعي لربنا يا بوسي .. عشان يرضى عنك و يرزقك حسن الخاتمه

بوسي : ان شاء الله

==

الخناقه خلصت لحد هنا
و بعدين ركبت تاكسي و السواق كان مشغل قرآن بصوت الشيخ الحذيفي و بجد كان رااائع و ريح قلبي اوييييييييي لاني كنت متضايقه و شويه شويه هعيط :frown:
المهم
الحمد لله رب العالمين روحت البيت كويسه
كان مراة اخويا عندنا خرجت جبت طلبات للبيت و خدتها معايا
و احنا في السكه صاحبتها في الشغل اتصلت بيها عالموبايل و قالت لها ان ابن المدير بتاعهم (ادي تقريباً) مات في حادثه عربيه كان خارج مع تلاته اصحابه و دخل اتوبيس فيهم !!
انا اتصدمت طبعاً و حصل حاجات كتير

بس ضميري طلع في النص

==

الضمير : ها يا بوسي .. كان ممكن تبقي مكانه الصبح و تموتي على معصيه

بوسي : ايه ده انت لسه هنا .. :d

الضمير : هروح فين يعني :bosyht9:.. و هو انا ورايا غيرك ده انتي زهقتيني بجد متعبه :rolleyes:

بوسي : ياااه بجد موقف صعب اوي .. مش عارفه هقابل ربنا ازاي تصدق اني مكسوفه من ربنا اوي اوي !!

الضمير : كده اولها خير انك حاسه بذنبك و ندمانه عليه .. بس خدي باااالك الندم لوحده مش كفايه

بوسي : اه والله .. مش عايزه الشيطان يغلبني بجد .. كتير حاولت اقلع عن معاصي كتير , قليل منها عرفت و كتير منها معرفتش بسبب الشيطان

الضمير : الحل بسيط و سهل .. الشيطان ده اضعف مخلوق ربنا خلقه ضعيف ادام النفس القويه مابيعرفش يدخلها منين .. خلي حصنك القرآن و اذكار الصباح و المساء و استبدلي الاغاني بالقرآن
مهو يا بوسي مافيش حد عاقل يصدق ان قلب المسلم يشيل حب القرآن و حب الأغاني
ايه التناقض ده؟؟

بوسي : اه بجد تناقض غريب اوي .. ربنا يرزقنا حسن الخاتمه

الضمير : خلاص .. ايه رأيك نفتح صفحه جديده مع ربنا و تخلي شعارك ( سأحيا بالقرآن) و مش مجرد سماع و بس .. لا اخلاق كمان .. اي نعم المشوار صعب بس ثوابه كبييييييييييييييييير و هتحسي بلحظات ضعف بس استعيني بربنا و استعيذي بالله من الشيطان و مايهميكيش منه اوعي تضعفي يا بوسي ابدا ابدا

بوسي : ان شاء الله مش هضعف ولازم ابدأ صفحه جديده بدل ما حياتي مالهاش معنى كده !

الضمير : بوسي انتي لسه ادامك فرصه كبيره طول مانتي عايشه .. ماتضيعيهاش لان محدش ضامن عمره يا بوسي .. فوقي يا بوسي كفايه بقى !!

بوسي : كفايه بقى يا ضميري الله يسترك :(

الضمير : خلاص راجعي نفسك كويس .. لانك في اي لحظه ممكن تبقي مكان الولاد دول !!

==

اتصالحت انا و ضميري
دلوقتي انا مش موضوعي الاغاني حرام ولا حلال و مش عامله الموضوع عشان اعرف فتوى الاغاني لاني عارفاها
انا دلوقتي .. عايزه افهم ليه لما احنا بنبقى متضايقين من معصيه عاملينها مش بنسيبها غير بعد خناقات كتير مع الضمير ( ده لو كان موجود )

و انا مش عامله الموضوع عشان مشكله شخصيه فياريت بالله عليكم محدش ينقله اجتماعيات طالب :romarioxp6:

بوسي مصطفى

فعلا يا بوسي دي مش مشكلتك لوحدك دي مشكلة كل واحد فينا
مش لازم يكون انه بيسمع اغاني ممكن يكون بيعمل حاجات تانية غلط وحرام
عشان كده ربنا خلقلنا ضميرنا عامل زي المنبه بيرشدنا للصح
بس لازم يكون صاحي عندنا مش نموته
وميرسي ليكي يا قمر علي التوبيك الرائع

بسم الله الرحمن الرحيم


فعلا يا بوسي دي مش مشكلتك لوحدك دي مشكلة كل واحد فينا
مش لازم يكون انه بيسمع اغاني ممكن يكون بيعمل حاجات تانية غلط وحرام
عشان كده ربنا خلقلنا ضميرنا عامل زي المنبه بيرشدنا للصح
بس لازم يكون صاحي عندنا مش نموته
وميرسي ليكي يا قمر علي التوبيك الرائع

تسونامي

الضمير ( يمثل الشعور بالذنب عندما نرتكب الاخطاء و يلومنا على اخطاءنا و يقف لنا بالمرصاد ليحذرنا من الافعال الشائنه)

هي دي وظيفة الضمير :)
شكراً ليكي يا جميل للمرور العثل ده :)

ربنا يكرمك يابوسي

شكراً لمرورك الجميل :)

بجد بجد موضوعك مفيد قوى قوى

ومش انتى بس الى كدة

كلنا كدة

ربنا يهدينا جميعا يارب

شكرا يابوسى على التوبيك

الاكثر من رائع

جزاكى الله خيرا

فى رعاية الله

متشكره يا بوسي علي موضوعك الجميل ده ربنا يهديني هو انا مش بسمع عمال علي بطال وقت بس ما ابقي قاعده لوحدي وده نااااااااااااااااااااااااادر جد اجدا ووقت ما ابقي راكبه عربيه مواصلات بيبقي مشغل اغاني وبس مش اكتر بس نسبيا احسن من زمان بكتيييييييييييييييييييييييير يعني بتتسمع غصب مش وانا قصداها

ميه ميه يا بوسى

موضوع جميل

وربنا يهدينا

بسم الله الرحمن الرحيم

اللورد
مرورك هو اللي اجمل :)
جزاك الله خيراً

==

يميم
الحمد لله ان ربنا تاب عليكي منها
دي بجد نقمه
شكراً لمرورك يا جميل

==
نغم
ربنا يخليكي يا قمر
تسلم لي عالمرور

اولا ومبدأيا كدة
اسلوبك لذيذ اوى ف الكتابة
:)
نشوف موضوعنا بقى
اللى للاسف حاسة انه بينطبق علياا بالمللى
بالذات ف موضوع سماع الاغانى ده
اللى بجد تعبت من نفسى بسببه
:(
وللاسف برضو انى عودت نفسى اسمعها بشكل غبى
لدرجة انى كان ممكن اكون باذاكر ومشغلة اغانى ف ودنى
ومش مركزة معاها ولا سامعة ايه اللى شغال
بس اهى دوشة وخلاص
جت عليا فترة .. ( انتى عارفة الموضوع ده )
بطلتها خالص ومسحت اى اغنية موجودة ف اى حاجة عندى
موبايل او كومبيوتر .. حتى تليفون اخويا
:d
وفضلت كتير على كدة
وبقيت احافظ على انى اشغل قرآن ف كل وقت انا فاضية فيه
او حتى وانا باذاكر
لكن من فترة قريبة كدة رجعت تانى
الحمد لله مش زى الاول
بس برضو مضايقنى الموضوع ده
( الضمير لا يحول دون ارتكاب الاخطاء ولكنه يحرم من التمتع بها )
:(
ولما اجى اتكلم مع نفسى
واقول مفيش حد مش بيغلط
بابقى عارفة كويس اننا كلنا نستاهل الحرق عشان اللى بنعمله
بس باستهبل نفسى
واقفل الموضوع
زى مانا دلوقتى كدة بانهى الرد
والنتيجة
صفر
:slap1qk6:

اصعب حاجه ان حاجه ببقى عارف انها غلط ومقتنع انها غلط وبرضه اعملها
بجد بيبقى تائنيب الضمير جامد جدا
وبرضه بكررها تانى , وهكذا
بس لحد امتى ؟
يعنى مثلا ابسط مثال
واحد صاحبى والده توفى
بعد متوفى صاحبى دا اتغير 180 درجه
بقى يصلى كل صلاة فى الجامع وبقى ماشى مستقيم جدا
طب هوا احنا لازم حاجه تحصل عشان نبقى كدا ؟
ليه مابقاش كويس من الاول

والله بجد يبوسي موضوعك اكتر من رائع
وطريقة العرض مفيش احلى منها

يعنى مثلا ابسط مثال
واحد صاحبى والده توفى
بعد متوفى صاحبى دا اتغير 180 درجه
بقى يصلى كل صلاة فى الجامع وبقى ماشى مستقيم جدا
طب هوا احنا لازم حاجه تحصل عشان نبقى كدا ؟
ليه مابقاش كويس من الاول


المشكلة مش ف كدة بس
ممكن الحاجة الوحشة تحصل
اياً كانت ايه الحاجة دى
وتأثر ف الانسان شوية
ولما تعدى فترة ...
بتتنسى !!
ويرجع تااانى

خطيره يا خطيره

طريقه حلوه ومبتكره للدعوه

بارك الله فيكـِ

اولا ومبدأيا كدة

اسلوبك لذيذ اوى ف الكتابة
:)
نشوف موضوعنا بقى
اللى للاسف حاسة انه بينطبق علياا بالمللى
بالذات ف موضوع سماع الاغانى ده
اللى بجد تعبت من نفسى بسببه
:(
وللاسف برضو انى عودت نفسى اسمعها بشكل غبى
لدرجة انى كان ممكن اكون باذاكر ومشغلة اغانى ف ودنى
ومش مركزة معاها ولا سامعة ايه اللى شغال
بس اهى دوشة وخلاص
جت عليا فترة .. ( انتى عارفة الموضوع ده )
بطلتها خالص ومسحت اى اغنية موجودة ف اى حاجة عندى
موبايل او كومبيوتر .. حتى تليفون اخويا
:d
وفضلت كتير على كدة
وبقيت احافظ على انى اشغل قرآن ف كل وقت انا فاضية فيه
او حتى وانا باذاكر
لكن من فترة قريبة كدة رجعت تانى
الحمد لله مش زى الاول
بس برضو مضايقنى الموضوع ده
( الضمير لا يحول دون ارتكاب الاخطاء ولكنه يحرم من التمتع بها )
:(
ولما اجى اتكلم مع نفسى
واقول مفيش حد مش بيغلط
بابقى عارفة كويس اننا كلنا نستاهل الحرق عشان اللى بنعمله
بس باستهبل نفسى
واقفل الموضوع
زى مانا دلوقتى كدة بانهى الرد
والنتيجة
صفر
:slap1qk6:


عارفه ده ليه؟
عشان الضعف ... الشيطان قدر يدخلك تاني و يغويكي و يقولك محدش بيغلط
اهو تحت مسمى كلنا بنغلط بنرجع للغلط تاني
اي نعم كلنا بنغلط .. بس اللي جدع بجد يقلل من غلطه ده
و يحاول يمنعه ان كان في مقدرته
بس مش هيقدر يمنع كل اخطاءه لان الكمال لله :)
حاولي تراجعي نفسك تاني يا جميل
الندم و انك تضايقي مش كفايه
و شكراً لمرورك يا عسل:)
==

محمد
منورني في التوبيك والله :)
الهدى بييجي من عند ربنا لوحده
مش شرط موقف زي ده يحصل
ممكن مره واحده كده زي ما حصل لي النهارده
الضمير يطلع فجأه كده من غير سبب
شكراً لمرورك :)

خطيره يا خطيره

طريقه حلوه ومبتكره للدعوه

بارك الله فيكـِ

جزاك الله خيراً :)

جمييييييييل اووووووووى يابوسى
موضوعك بجد فى منتهى الجمال
و اسلوبك روعة

بالنسبة لمحتوى الموضوع
متهيالى احنا بس عايزين نقف مع نفسنا وقفة واحدة
نحدد انا عايزين ايه ؟و ليه؟و ازاى؟
بس
دول لو حددناهم بصدق مع نفسنا متهيالى هنتصلح كتييييييييير

جزاكى الله كل خير يا قلبى ع الموضوع

انا قريت اول كام سطر:)
بس هكمل باذن الله ناوية انى اكمل
بس حلو انك تفكرى بالطريقة دى بيدل على انك كويسة من جواكى:)
ربنا يصلح احوالنا جميعا
شكرا يابوسى على موضوعك الجميل:078111rg3::078111rg3::078111rg3:

لموضوع جميل ورائع وحلو
وياريت طريقه العدوه تكون بالاسلوب الرائع ده مش نقول حرام وحلال فقط
يجب انت تمشى باسلوب العصر فى الدعوه والوصول اللى المستويات ونرتقى بهم حتى نصل للقمه بالاسلوب
شكرا ليكى ونرجو المزيد

انا دلوقتي .. عايزه افهم ليه لما احنا بنبقى متضايقين من معصيه عاملينها مش بنسيبها غير بعد خناقات كتير مع الضمير ( ده لو كان موجود )
عشان انت متأكدة كويسة انها معصية وبالرغم من ذلك بتعمليها عشان النفس البشرية امارة بالسوء مفيش حد ياجميل مش عنده ضمير بس فيه ناس صميرها اقوي من نفسها زيك كدا ياحبيبتي وفيه ناس بتبقي نفسها اقوي من ضميرها عشان كدا بتمشي وراء الشيطان ربنا يهدينا كلان بجد موضوع جميل وطريقه اجميل

بصراحه موضوع جميل جدا يا بوسى

تسلم ايدك عليه

ومعظمنا كده دائما فى صراع مع الضمير

ربنا يهدينا يارب

وشكرا على الموضوع بجد جميل جدا

موضوعك اكثر من رائع بجد يا بوسى
وفعلا ده حوار بيحصل كتيييير بين الانسان وضميره
واى انسان ليه 3 اعداء بيحاولوا دايما يبعدوه عن طريق ربنا والصراط المستقيم ( الشيطان والدنيا والنفس (الهوى ))
وبيزينولوه المعاصى بس صدقينى قراءة القران والاذكار زى ما قولتى هى حصن للمسلم لو حافظ عليها مش مجرد قراءة لا قراءة وعمل ومنهج يمشي عليه صدقينى هتخليه عمره ما هيعمل المعاصى دى ولو عملها هيتوب ويرجع تانى و يكون حزين على الذنب ده جداااااا
ويتحول من انسان كان بيحب الذنب ده سواء اغانى او اى حاجة تانية لانسان بيكره اصلا سماعها مش خوف من الله فقط لاء ده كمان كرهها اصلا
وده طبعا مبيجيش من مرة واحدة لاء لازم الاول نتوب لربنا ونستعين بالله ومع مرور الوقت لما تكونى اتعودى خلاص انك على طول تقراى قران او تسمعيه هتحسى بحلاوة الايمان فى قلبك وهذه السعادة والله لا تساويها سعادة فى الدنيا و ومش هتقدرى ابدا بعد كده انك تستبدلى سماع القران بسماع الاغانى بعد ما عرفتى السعادة الحقيقية مع كتاب الله

اية المواضيع الجامدة دى

بجد بجد جزاك الله خيرا موضوعك اكتر من رائع جميـــــــــــــــــــــــــــــــل

تسلم ايديك والله رووووووووووووووووووووووووووووعة

بسم الله الرحمن الرحيم
ايه الردود الجميله دي و التشجيع ده .. بجد فرحتوني اوي :av4056bb7jp3:

==

شموخ مسلمه
جبتي المفيد يا قمري بردك ده
بجد رد جامد جداً :)
شكراً لمرورك يا قمري

==

طفلة الأمس
خلاص يا قمر مستنياكي لما تكملي الموضوع
بس مش تطنشيني ها؟؟ :slap1qk6:
شكراً لمرورك

==

محمود

شكراً اوي لكلامك ده :av4056bb7jp3:
اخجلتم تواضعنا :)
شكراً للمرور الكريم

==
تسابيح النجوم
معاكِ حق
اللي بيمشي ورا هواه بيموت ضميره عشان كده بنقول (ماعندوش ضمير) لإنه مات
بس ممكن في يوم من الأيام الضمير ده يرجع مهو دوام الحال من المحال :)
جزاك الله خيراً لللمرور

==
ميراج
تسلمي لي يا قمر عالمرور العثل ده
شكراً كتير

==

ساره
ربنا بيكره العبد اللي بيحبه في المعصيه اللي بيعملها
عشان كده بتلاقيه بيبتدي يحس بضيق لما يعملها
و يتضايق و يبقى منى عينه انه يسيبها و مايرجعلهاش تاني
و بيحاول انه يسيبها على الرغم انه بيكون متاح له يعملها بس بيجاهد نفسه و ده من افضل انواع الجهاد
جزاك الله خيراً يا جميل للاضافه الحلوه دي :)

==

نار القسام
اشكرك لمرورك الجميل
جزاك الله خيراً


بجد انا سعيده جداً ان الموضوع عجبكم
فرحتوني بجد جزاكم الله خيراً :)


بوسي .. مصطفى

السلام عليكم / ربنا يجعل ضميرنا و ضميرك وضمائر البشر دائما صاحية و تكون قوية و لها الغلبة و القدرة على تغير الافعال التى لا ترضى الله و بسرعة / ربنا يحميك اسلوبك جذاب جدا جدا يدل على زكاء و موهبة .

السلام عليكم / ربنا يجعل ضميرنا و ضميرك وضمائر البشر دائما صاحية و تكون قوية و لها الغلبة و القدرة على تغير الافعال التى لا ترضى الله و بسرعة / ربنا يحميك اسلوبك جذاب جدا جدا يدل على زكاء و موهبة .

جزاك الله خيراً يا ابراهيم
شكراً لمرورك :)

بجد موضوع حضرتك جميل جدا واسلوبه رائع .. ممكن اقول انه من اكتر المواضيع ال عجبتني وشوفتها في المنتدى هنا دا لانه بيناقش قضيه مهمه جدا في اسلوب لذيذ بيدفع الواحد انه يكمله حتى لو كان حاسس بتانيب ضمير وان الكلام دا بينطبق عليه .. المهم >>> انا بجد حاولت كتير ابطل موضوع الاغاني دا بس كل ال قدرت اعمله ان انا بخففه شوية و ممكن اخليه نادر انا والله مش عمال على بطال انا ممكن بس ساعات وانا قاعد على النت واحيان تانيه لما بكون مخنوق بسمعها على الموبايل .. المهم بجد الف شكر لحضرتك وربنا يهدينا ويجازي حضرتك خير على الموضوع دا :) :) ..

بجد موضوع رائع واسلوب في العرض اروع
بارك الله فيكي

بجد انا لفت نظري العنوان.... ودخلت للموضوع ....ولفيت فعلا خناقه.....
وهي خناقه دايما موجوده بين الضمير والنفس.....( والضمير بيكسب في الاخر )
علشان كده في دايما توبه ورجوع الي الله...
ميرسي جدا علي موضوعك الجميل اوووووووي ....

بسم الله الرحمن الرحيم

اسلام

منورني في الموضوع بجد
كل حاجه في الاول صعبه .. بس ان شاء الله راح توصل في الآخر و تسيب الاغاني للابد و تبقى كارهها
بس اهم حاجه تكون نيتك خالصه لله مش عشان الناس تقول عليك متدين و مش بيسمع اغاني :)
شكراً للمرور

==

استاذ محمود
بجد حضرتك منورني في الموضوع
شكراً كتير لحضرتك عالمرور
بجد شرفتني :)

==

اموله
شكراً يا حبيبتي للمرور
نورتيني

بوسي .. مصطفى

بصى يا بوسى
احنا مشكلتنا اننا ممكن نسيب اى حاجة عشان اى حد الا رينا سبحانه و تعالى
كل الشباب تكلميهم عن دنيا او دين يقولو عادى
اموت انا و اعرف يعنى ايه عادى
و بتتصرف منين دى
الله اعلم
بنفكر نحفظ الاغانى و عمرنا ما فكرنا نسمع القرآن
طيب ليه؟
عشان بنحب المغنى اكتر من حبنا لله!!
و ده شىء لوحده بشع
ابن القيم مرة كان بيقول ان حب الله بيظهر من شوية حاجات كدة
منها اننا نفكر فى الله اول ما ننام و اول ما نصحى
(طبعا مبيحصلش")
نستنى انا نتكلم معاه فى الصلاة طبعا
دى حتى الصلاة البعض مش بيهون عليه يؤديها خالص
و البعض الاخر بيحس انه بيتفضل على الله بيها
و بيخطف فيها خطف كدة
و كل دة و بنرجع نقول احنا حالنا بقى كدة ليه
شكرا يا جميلة على الحوار الجميل ده

بسم الله الرحمن الرحيم
اولا : بسم الله ما شاء الله لاقوة الا بالله
اقول وبالله المستعان هذا شيئ جميل جدا جدا
شيء جميل ايه يا عم المشتاق ؟؟؟!!!!
اقسم بالله شيء جميل واقسم لك بالله يا بوسي انت فيكي خير كثير ما شاء الله
وابشرك بانك انتقلت من النفس الامارة بالسوء الي النفس اللوامة والتي اقسم الله بها في مطلع سورة القيامة
وزي ما انتي عارفة يعني بس تاكيد علي المعلومة ان النفس 3 أقسام :
1 ) النفس الامارة بالسوء : وهي النفس التي تأمر صاحبها بالشر وتنهاه عن الخير
2 ) النفس اللوامة : وهي النفس التي تلوم صاحبها علي فعل الشر وعدم الاكثار من الخير
3 ) النفس المطمئنة : وهي النفس التي بلغت أقصي منازل الاحسان وهي التي لا تأمر صاحبها الا بالخير
وابشرك بان نفسك انتقلت من الامارة الي اللوامة
وعاوزك تشدي حيلك علشان تنتقلي من اللوامة الي المطمئنة
وانا اسف علي التطويل
وجزاكم الله خيرا

موضوع اكثر من رائع ... واسلوب غير مباشر في الدعوه
ذكرتيني والله بسيدي شباب اهل الجنه ( الحسن والحسين )
رضي الله عنهما ... و اسلوبهاما العبقري في تعليم رجل الوضوء
في اعتقادي ان هذه هي الحكمة والموعظة الحسنه التي توصلنا الى الهدف من الدعوه
دون تجريح في احد ودون ان نسبب اي احراج لاحد ودن ان ينفر منا ويعاندنا
بارك الله فيكي ابنتنا بوسي .... وارجو الله لك التوفيق في الدراسة
ولكن هناك خطأ في الاية الكريمة لا بد ان يصحح

.. ده من القرآن يا بوسي (يوم يفر المرء من امه و ابيه و صاحبته و اخيه)


‏{‏‏يَوْمَ يَفِرُّ الْمَرْءُ مِنْ أَخِيهِ وَأُمِّهِ وَأَبِيهِ‏} ‏[‏عبس‏:‏ 34، 35‏]‏،

بارك الله فيك

بجد توبيك جااااااااااااااااااااااااامد

بسم الله الرحمن الرحيم

لمي
كلامك صحيح 100%
و اللي بيخطف الصلاه خطف ده اسمها بيسرق الصلاه معرفش تحسي و هو بيصلي ان فيه قطر بيجري وراه و هو عايز يخلص عشان مش يخبطه
و ماتفهميش حاجه من اللي بيقوله و هو بيصلي
بتحصل كتير و في المساجد بشوف الناس تصلي تحية المسجد كده اي حاجه و فيه ناس ماتعرفش ايه تحية المسجد دي اصلاً
ربنا يهدي
شكراً يا قمر عالمرور الجميل ده :)

==

المشتاق لعفو ربه

جزاك الله خير الجزاء على مرورك
بجد اضافتك رائعه جداً
و متتأسفش على التطويل لإنك ماطولتش و كمان احنا عايزين الناس تضيف حاجات زي كده في الموضوع لانها بترفع من الموضوع
جزاك الله خيراً و مشكور جداً
نورتني :)

==
استاذ طارق

شكراً للتصحيح .. بجد شكراً اوي
و ياريت اي حد من المشرفين الكرام يكتب الايه صحيحه زي ما حضرتك كاتبها :)
و جزاك الله خيرأً للتصحيح
و شكرأً عالمرور

==

مدرس عربي , مهندسه ياسمين

شكراً لمروركم
بجد نورتوني

ايه الجمال ده يا بوسى بجد توبيك هايل جدا
ويا رب يا رب نبطل كلنا نسمع الاغانى اللى هتودينا فى داهيه
بجد كل اما انوى تحصل حاجه ترجعنى عن الخطوات اللى عملتها
ادعيلى بقى

المشتاق لعفو ربه

جزاك الله خير الجزاء على مرورك
بجد اضافتك رائعه جداً
و متتأسفش على التطويل لإنك ماطولتش و كمان احنا عايزين الناس تضيف حاجات زي كده في الموضوع لانها بترفع من الموضوع
جزاك الله خيراً و مشكور جداً
نورتني

جزاكي الله خيرا يا بوسي
اتمني لك مزيدا من التوفيق