hanfy
09-02-2009, 02:08 PM
موضوعات الصف الثاني الأعدادي للعام الدراسي 2009-1010
1-الجدول الدوري.
2- التكاثر في الكائنات الحية .
3- التكاثر في النباتات الزهرية.
4- التكاثر في الإنسان .
5- الصوت .
6- الضوء .
مصادري :- الأستاذ / حسن السيد محرم
خبير في مكتب مستشار العلوم
وأحد مؤلفي الكتاب وذلك أثناء محاضره له
في قاعة التعليم عن بعد بالزقازيق.
والله يقوي أولادنا و أولادكم .
وعلى فكرة دي مصلحة عشان ما نرميش مذكرات
الصف الثالث الأعدادي عذراً هذا هو التطوير .
الاستاذ/ وائل الدسوقي
10-02-2009, 01:12 AM
الصف الثاني ازاي قصد حضرتك السنه الجاية باه ان شاء الله
هيما هيما
10-02-2009, 01:49 PM
ها يعقدوا الطلبة بايه تانى ؟
هيما هيما
10-02-2009, 01:51 PM
امال يبقى ايه اللى هايدرسوه فى سنه ثالثة وفى الثانوى كمان؟
ها يجيبوا علوم منين تانى؟
اذا كان كله اخدوه فى اعدادى .
هيما هيما
10-02-2009, 01:54 PM
عقدونا كماااااااااااان وكماااااااااااان
:giljotiiniug3::mad:
ابوحمزة الرائد
11-02-2009, 12:02 AM
ما على الا اقول خرااااااااااااااااااااااااااااب يا بلد (وحسبى الله ونعم الوكيل)
احمد ابو رية
11-02-2009, 12:10 AM
فلى الرياضيات بيدرسو منهج الصف الثالث الاعدادى
yahia_eldeeb
11-02-2009, 12:58 AM
يا جماعة دول بيعملو كده لما وجدو فيه مدرسين شغالين برة فى الدروس الخصوصية فراحو قيلين لما نطلع عينهم ونخلص عليهم بالعقل كده يعنى نموتهم
طيب انا راضى زمت اى حد هم الطلبة فى الصف الثالث كانو بيفهو الجدول الدورى علشان ينزلوه على تانية
ولا الروابط الكميائية والايون اللى فى اولى ده كمان
حسبى الله ونعم الوكيل
yasser gad
11-02-2009, 08:12 PM
ان شاء الله مستشفيات الامراض النفسيه والعصبيه هتشتغل علي ودنه في الدفعه دي
ابراهيم العالم
12-02-2009, 10:28 PM
كدا يبقا ها يشيلوا العلوم من علي الصف الثالث الإعدادي
أبو رؤى
12-02-2009, 11:43 PM
و الله أنا رأيى يختلف عن الأساتذة مع الاحترام الكامل ليهم طبعا
المقصود من التطوير ده إن الطالب يسمع عن كل حاجة ويكون عارف اسمها بس
لكن مش مهم يكون عارف تفاصيل عنها
و بالنسبة للنجاح فهو مضمون بنسبة 100 %
و البركة طبعا فى ملف الانجاز و العملى
prof.physics
16-02-2009, 10:50 PM
ياجماعه مهما كان المنهج صعب على الطلبه من دورنا احنا اننا نسهلو عليهم وانا شايف ان ردودنا كمدرسين لابد انها تتغير
ناصر عبدالله
16-02-2009, 10:59 PM
يااستاذى التطوير في المنهج لابد ان يشمل الموضوعات والمفاهيم وان بأتى بفاهيم جديدة متطورة تتناسب مع سن وعقلية الطالب ولكن كل مايحدث الان وقبل ذلك هو عملية تبديل ونقل الموضوعات من مرحلة الى اخرى بطريقة غير مدروسة فهل يعقل ان العلم توقف عند هذا الكم من المعلومات الذي لم يتغير منذ عشرات السنين
mero_m
21-03-2009, 08:43 PM
ده خطوه هامه في سبيل تطوير الاميه
مستر محمود صادق
09-06-2009, 01:43 PM
الله يديكم الصحة والرزق الوفير شكرا للتعاون
d.the live
09-06-2009, 03:31 PM
يا جماعة انا طالبة وشابفة ان مش مانع
مع ان العلوم كانت صعبة السنة اللى فاتت
بس حاسة بجد انى اكتشفت حاجات كتير ةاستفدت منها جدا
وبعدين تطوير المنهج للأصعب لابد منه
دا احنا لو حنينا نقارن بين طلبة المنهج القديم وطلبة دفعتى نلاقى فى قدرة لينا على الاستيعاب اكتر منهم
والتغيير ده كان لازم يحصل من زمان
ده لو قارنا بين المنهج القديم والمنهج الجديد
نلاقى فيه فجوة كبيرة بينهم
ورغم كده فى طلبة متفوقين وبيجيبوا الدرجات النهائية فى جميع المواد
بالعكس على مستوى مدرستى درجات دفعتنا أكبر من اللى قبلها
بنلاقى تكنولوجيا وتطورات جديدة
والىلى ليهم قدرة لعى تشغيل الاجهزة الجديدة دى الأطفال
تلاقى عنده 5 سنين والناس كلها مستهيفاه
بس له القدرة على دخول النت حتى واستخدامه فى حين فى اللى اكبر من بكتير كبيره يفتح الكمبيوتر ويغلقه
ومادام المدرس ليه القدرة على الشرح بتانى وهدوء خلاص
انا عن نفسى مدرستى مخلصصة جداا فى عملها
لازم مراجعات باستمرار
وائلة داخل الحصة اثناء الشرح
وانا عمرى ما ترددت فى انى اسألها
وجبت 40 من 40فى العلوم
ده لو بس حد بص من دفعتى على لكتاب القديم احتمال يضحك عليم من تفاهته
المشكلة كلها فى الرسم
ازاى مادة تعتمد على الموهبة تتضاف للمنهج
يعنى ايه اكون جايبة 317 ةنص من 320
درجة ونص رسم
لأ انا أصحابى اللى ناقصة فيهم 6 درجات رسم
وممنوع عمل تظلم فى الرسم
يه مش يكون زى ابتدائى مادة زى الدين
gonejn
10-06-2009, 09:37 AM
الطالب المصرى ذكى جدا المشكلة عدم بذل المجهود والجدورى فى الصف الثانى أسهل من الرموز الكيميائية والمعادلات الرمزية فى الصف الاول