بسم الله الرحمن الرحيم

السلام عليكم ورحمة الله وبركاتة



ياترى هيكون شعورك اية لما تترفض

تخيل نفسك كده روحت تتقدم لوحده ووصلك الرد بالرفض بعدها بكذا يوم ...
وانتي كمان تخيلي نفسك كده إتقدملك واحد ووصلك الرفض بعدها بكذا يوم

بعدالشر بعد الشر عنكم طبعـــــــــــــا

انا بقول تخيـــلوا يعني لو حصل

*
*
*
*
*
*
*
*

ياترى هيكون إحساسكوا إيه ؟؟ والموقف ده هيأثر فيكوا إزاي؟؟



ومين من رأيكم بيتأثر بالموضوع ده أكتر (( البنت ولا الولد )) ؟؟



طيب تخيلوا نفسكوا كده حصلت كذا قعدة قبل قراية الفتحه على إعتبار إنكوا بتتفقوا على كل حاجه قبل مايحصل ارتباط رسمي ,, يعني كان من الواضح إن في قبول من الطرفين وحطيت جواك أمل بالارتباط لدرجة إنك إتعلقت بيها وإنك إتعلقتي بيه ,, وفجـــــــــأه قبل قراية الفتحه بيوم وصلك الرد إن كل شئ قسمه و نصيب ومافيش نصيب ليكوا مع بعض !!!!!!!!!!

وأتاري الطرف إلي رفض كان عامل الكذا قاعده دي وهو لسه مش مقتنع بالموضوع من اساسه وبيحاول يقنع نفسه بيه إما عشان كتر الزن عالودان عليه مثلا او انبهاره بماديات المتقدم للخطوبه مثلا أو ....... أو ....... أو .......,,

كل بنت وكل ولد يحط نفسه في وضع الطرف إلي إترفض ,,

*
*
*
*
*
*
*


هل إحساسكوا وقتها هيكون نفس إحساسك في الموقف إلي قبله ولا أقل ولا أكتر ؟؟ وتاثيره عليك هيكون ازاي بردو ؟؟



ومين من رأيكم هيتأثر بالموقفده أكتر (( البنت ولا الولد )) ؟؟




مستنيا رأيكم شباب وبنات بكل صراحه ولو عندكوا مواقف قابلتكم فعلا وتقدروا تحكوهلنا أوكي مافيش مشكله طبعا ويسعدنا كلنا

http://www.free-gaza.com/images/hasar.gif (http://www.pal-media.net/hasar/full1.php)

السلام عليكم

ايه يا محمد باشا

انت هتتجوز قريب ولا

ده تاني موضوع تنزله عن الجواز

لو عاوز تتجوز قول يا باشا

واحنا نختارلك

:d


((وانتي كمان تخيلي نفسك كده إتقدملك واحد ووصلك الرفض))

معلش يا محمد عاوز افهم الحته دي

ازاي بنت يتقدملها واحد ويوصلها الرفض

بعد كده بكذا يوم

هي مش عايشه معاهم في مفس البيت :)

بسجل متابعه

وهرد تاني ان شاء الله

http://www.free-gaza.com/images/hasar.gif (http://www.pal-media.net/hasar/full1.php)


هوة الصورة دى ليها علاقة بالموضوع ؟؟؟

ماعلينا

عموما كرا على المرور

فى رعاية الله

مش عارفه بصراحه هيكون احساسى ورد فعلى ايه بس اعتقد ان الموقف ده صعب اوى ورخم

السلام عليكم

ايه يا محمد باشا

انت هتتجوز قريب ولا

ده تاني موضوع تنزله عن الجواز

لو عاوز تتجوز قول يا باشا

واحنا نختارلك

:d




معلش يا محمد عاوز افهم الحته دي

ازاي بنت يتقدملها واحد ويوصلها الرفض

بعد كده بكذا يوم

هي مش عايشه معاهم في مفس البيت :)

بسجل متابعه

وهرد تاني ان شاء الله


عليكم السلام

ان شاء الله

هتحضر الفرح اكيد

تختارلى

لا ياعم العروسة موجودة

اقولك ياسيدى

عادى جدا

انا اتقمت لعروسة

وبعد فترة بعت انى مش عاوزها

بس

فخمت ؟؟

شكرا ياحمادة على الرد

جزاك الله خيرا

فى رعاية الله

مفيش مشكله أبحث عن غيرها

كل شئ قسمة ونصيب
واحد اتقدملى مش حسه براحة نفسية ناحيته يبقى اقضى على حياتى
لا طبعا
طبعا العكس صحيح
بس متهيالى البنت ال المفروض ترفض مش تترفض
لان دا قدام اى حد بيبقى ليه عامل نفسى
فلانة مثلا اترفضت يبقى اكيد البت دى فيها حاجة غلط
بس سبحان الله كل شئ مقدر ومكتوب ربنا هو ايه بيالف القلوب
ويوم ما تفكير الطرفين يتفق مفيش حاجة هتفرق بينهم الا الموت

هو فى ايه بالنسبة لمواضيع الزواج . شكلنا هنشوف فرح جماعى قريبا فى المنتدى . بالنسبة لتجربة اننى اترفض الحمد لله لسه ماجربتش عشان اقولك . لكن طبعا اذا حصل الموضوع ده كتير سواء للبنت او للولد واترفضوا اكتر من مرة بتربى له عقدة نفسية وممكن مايتجوزش بعد كده . وانا اعتقد ان كل بنى ادم قبل مايدخل الباب من بيته لازم يتروى ويفكر كتير واعتقد ان فكرة جواز الصالونات ماعدش منتشر اليومين دول .

الواحد المفروض يكون عامل حسابه لاى ردة فعل اصل الواحد ده مش هيكون نهخاية الدنيا فيه الف واحد غيره وبرضه بالنسبه له فيه الف واحدة غيرها مبحسش ان الموضوع ده بيضايق كتييير .
واعتقد ان الموقف بيكون صعب للبنت اكتر علشان الولد بايده انه يختار الف واحده علشان هو اللى بيتقدم
انما البنت هى اللى بيتقدملها فممكن محدش يتقدم لها تانى مثلا
اعتقد ده رايى
وشكرا ع الموضوع

مش عارفه مواضيع الجواز كترت ليه فى الركن ده محسسنى انكوا رايحين تتجوزوا بكره كلكوا:confused:


كنت عاوزة اقولها الكلمة دي:stickjo4:
مش عارفة ليه:romarioxp6:

متهيألي الموقف دا بجد ممكن يجرح اي حد و الجرح مش هيكون بسيط واحتمال يكون عقده نفسيه زي م الضوء الشارد قال .. و اعتقد ان ال ممكن يتاثر اكتر ب الوضع دا ممكن نقول الولد لانه اكيد بيكون مركز اختياره على شخصيه معينه و يبدا يرتب معاها حياته و فجاة يترفض انما البنت اكيد ممكن يتقدملها اكتر من حد و هي بعد كدا تختار .. عموما بجد موضوع واقعي كتيير يعني .. شكرا لحضرتك على الموضوع و اسف على الاطاله وارجو تقبل مروري :) :) .. !!

هبقي ارد بعدين ليا رجعه ان شاء الله

الموضوع ده حصل لناس كثير المهم أن يعرف ان الخيرة فيما اختاره الله والزواج قسمه ونصيب ويمكن أن يكون هذا الزوج أو هذه الزوجة شر على الإنسان رحمه الله منه

مش عارفه بصراحه هيكون احساسى ورد فعلى ايه بس اعتقد ان الموقف ده صعب اوى ورخم

فعلا هوة صعب جدا

فى حد ذاتة اهانة كرامة الشخص الى اترفض

شكرا جزيلا لحضرتك عل الرد والمرور

جزاكى الله خيرا

فى رعاية الله

اممممممممم بص يا محمد الصراحه يعني مش هزعل لو جه واحد اتقدم وبعد كده مثلا متفقناش مع بعض يعني لان بالتاكيد ان شاء الله ربنا كاتبلي حاجه احسن منه ان شاء الله بس هدور برضه في نفسي ايه اللي خلاه مش عاوزني لو عيب فيا هحاول اغيره عشان الموقف ده ميتكررش لو هو بقي بمزاجه عادي خالص مع الف سلامه بس مش عارفه ده رايي
لكن في بنات هياخدوها بحساسيه
بالنسبه للموقف التاني لو ارتبطت بيه امممممم مش عارفه هيبقي احساسي ايه الصراحه ساعتها لاني لما برتبط بحد وييجي يبعد عني بتعب نفسيا جاااااااااامد
مش عارفه بجد لكن لو طلع هو مش كوس معتقدش اني هزعل عليه لاني مبزعلش علي فقدان حد ميستهلش الصراحه بالعكس بحمد ربنا قوي انه نجاني
اللي بيتاثر اكتر بقي اعتقد الولد مش البنت ده رايي
مش عارفه بقي

ياترى هيكون شعورك اية لما تترفض





ومين من رأيكم بيتأثر بالموضوع ده أكتر (( البنت ولا الولد )) ؟؟










التاثير هيكون واحد سواء علي الولد او البنت .......... الموقف بيكون صعب جداااااااا
والاصعب الوقت اللي بيتم فيه الانسحاب.......
في مرة مش انتظروا لاعلان الخطوبه الرسمي لالالالالالالالالالا
لكن لغايه قبل الزفاف باقل من اسبوع ..........وتخيل كل الترتيبات تمت....
وفي النهايه...مفيش نصيب واتلغي الفرح....
وعلشان اعرف العريس ممكن اقولك انه مش هو السبب ....
بس صدقني انا لغايه الان معرفشي الحقيقه
غير انه فعلا نصيب......
وميرسي جداااا علي موضوعك..

مفيش مشكله أبحث عن غيرها

بكل سهولة كدة ؟؟

يعنى الموقف دة مش هياثر فى حضرتك ؟؟

اكيد هياثر

شكرا جزيلا لحضرتك على الرد والمرور

جزاك الله خيرا

فى رعاية الله

متهيألى ده صعب يحصل الا ف حالة جواز الصالونات
زى ما بيقولوا عليه
والاسلوب ده نفسه مرفوض جداا
باحس ان ف الحالة دى
سواء الولد او البنت
كل حد فيهم معروض ف محل
والتانى يقول رأيه
اه او لا
:huh:

أكيد طبعا هتضايق وهزعل
بس أكيد هحترم موقف اللى رفضتنى وهتقبل الامر بصدر رحب ومش هتنزل من نظرى خالص بالعكس
بس طبعا هفضل زعلان خصوصا لو دى البنت اللى انا بحبها ( بعد الشر يعنى )

انا حصل معايا الموضوع ده فعلا مرتين كمان وكان طبعا الرفض من عنده بس مش رفض طبعا لاء دى حاجة اصعب من الرفض شوية انه يروح ميرجعش وعلى فكرة ممكن يبقى مقتنع ومتجاوب فى الكلام وميقومش من القعدة غير لما ياخد باله ان الوقت اتاخر وممكن يبقى سائل كمان وعارف هو داخل بيت مين ودى سمعتها ازاى ؟ وعادى خالص ولاكانه دخل بيت الناس ولا شاف بنتهم والمعنى فى بطن الشاعر بقى هى واهلها اللى منتظرين دول يولعو منتهى قلة الذوق صراحة يعنى فيها ايه لو تليفون صغير او تبعت مع حد انه مفيش نصيب وان شاء الله ربنا يوفقها وانها تستاهل الاحسن والاخير كلمتين ذوق ومحترمين ولاقلق الانتظار وقلة الاعتنا بمشاعر الناس عموما الحمد لله فعلا ده نصيب لانى دايما لما افتكر كلامه بعرف ان الحمد لله انها مكملتش لانه شخصيته صعبة جدا مرة اعتمادى على اهله ومرة بخيل ومرة بيلف لفة وان ملقيتش اديكى مستنية هتروحى فين معلش اصل البنات برضو غير ان عندهم احساس عندهم دماغ وبيفكرو كويس والله فعلا فعلا رغم انى ببقى زعلانة جدا من الموقف وزعلانة جدا على مشاعر بابا وماما وعشمهم فى الله ان ده يكون صاحب النصيب والحمد لله رب العالمين لازم كل بنت تعرف ان نصيبها جاى ومش ضرورى لو ربنا مقسملهاش بالجواز لعلها رحمة بس يكون عندها ثقة فى نفسها وامكانياتها ودايما تحاول تحسن من نفسها وتطورها اخلاقيا ودينيا ومهنيا ثانيا بقى مين قال ان ج واز الصالونات ده قل لاء ده فيه تزايد نظرا لاننا اصلا قطاع كبير خاصة الشباب مش بيثقو فى البنات خصوصا اذا كان ليهم تجارب سابقة او علاقات مش لطيفة وكمان رغم الشغل والخروج الاننا بقينا فعلا جزر منعزلة لانهتم بعمل روابط اجتماعية بينا حتى مع الاهل والجيران والزملاء فتكون النتيجة يافلان دور لى على عروسة تكون مواصفاتها كذا او فلان يرشح لفلانة حد

عموما مع احترامى للموضوع ده انا قررت ان نصيبى هو يدور عليا مش انا اللى استناه فى الصالون يعنى العريس من دول يتعب نفسه شوية لما يشوفنى واعجبه او لما حد يرشحنى ليه يكون ثقة بالنسبة له ويبدا يسال عنى كدة فى الخباثة ويحاول يشوفنى بشكل ما وخصوصا ده موضوع سهل جدا لانى بشتغل وبروح شغلى وبخرج وكدة ولو عايز يتكلم معايا بعد كدة هيبقى موضوع سهل لان اصلا فيه اقتناع ولو هو عمل الحاجات دى وهو مقتنع باذن الله هقتنع انا كمان ولو مفيش نصيب بعد كدة مش هيكون موقف جارح بالنسبة لى او لاهلى ولاهو كمان لانه فعلا عمل اللى عليه ومعلش يعنى دخول بيوت الناس وانت مش جد ومش مقتنع اصلا مش سهل وحسبى الله ونعم الوكيل فى حد داخل بيوت الناس وجواه مش خير او مش جد

إحم إحم ..............

ايه الاسئلة اللي تدوخ دى :d

بص انا رأيى

ان انا مثلا يعني

لو حصل كدا مع واحدة ويعني كنت معجب بيها ومتعلق بيها كتير (صعبه الصفات دى تتلاقى :d )

اكيد هكون مخنوق

بس فتره وهتعدى اكيد والحياة هتمشى احسن من الاول

لكن واحدة مش يعنى كدا

مش هزعل اوى

بس مش انا اللي اترفض :d

شكرا ياباشا ع الموضوع اللي يصحصح دا
زي ماتقول كدا عامل زى الإسبرينا :d

شكرا لك على طرح هذا الموضوع الحيوى جدا
انا حصل معايا الموضوع ده فعلا مرتين كمان وكان طبعا الرفض من عنده بس مش رفض طبعا لاء دى حاجة اصعب من الرفض شوية انه يروح ميرجعش
قال تعالى: { وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون}
عموما الحمد لله فعلا ده نصيب لانى دايما لما افتكر كلامه بعرف ان الحمد لله انها مكملتش لانه شخصيته صعبة جدا مرة اعتمادى على اهله ومرة بخيل ومرة بيلف لفة وان ملقيتش اديكى مستنية هتروحى فين
مش قلت لك !!
لازم كل بنت تعرف ان نصيبها جاى ومش ضرورى لو ربنا مقسملهاش بالجواز لعلها رحمة بس يكون عندها ثقة فى نفسها وامكانياتها ودايما تحاول تحسن من نفسها وتطورها اخلاقيا ودينيا ومهنيا
هو ده الكلام !
عموما مع احترامى للموضوع ده انا قررت ان نصيبى هو يدور عليا مش انا اللى استناه فى الصالون يعنى العريس من دول يتعب نفسه شوية لما يشوفنى واعجبه او لما حد يرشحنى ليه يكون ثقة بالنسبة له ويبدا يسال عنى كدة فى الخباثة ويحاول يشوفنى بشكل ما وخصوصا ده موضوع سهل جدا لانى بشتغل وبروح شغلى وبخرج وكدة ولو عايز يتكلم معايا بعد كدة هيبقى موضوع سهل لان اصلا فيه اقتناع ولو هو عمل الحاجات دى وهو مقتنع باذن الله هقتنع انا كمان ولو مفيش نصيب بعد كدة مش هيكون موقف جارح بالنسبة لى او لاهلى ولاهو كمان لانه فعلا عمل اللى عليه ومعلش يعنى دخول بيوت الناس وانت مش جد ومش مقتنع اصلا مش سهل وحسبى الله ونعم الوكيل فى حد داخل بيوت الناس وجواه مش خير او مش جد
تقبلى تحياتى ... و جزاكَ الله خيرا كثيرا
لو ده حصل معايا - لا قدر الله - اكيد حتأثر شوية صغيرين فى الأول ... بس حاحاول اتعلم درس ينفعنى بعدين ... عشان المثل بيقول : لا يـُلدغ المؤمن من جحر مرتين .

اعتقد السؤال مش للبنات
بس مثلا لو انا اترفضت طبعا هيجيلى اكتئاب وهامتنععععععععععع

اولا ممكن الولد يترفض ’’

بس البنت ازاي تترفض وهوه الي متقدم لها بنفسه لو كان رافضها ليه جه ؟؟؟

هيه ممكن الخطوبه تتفسخ بس ’’

وعموما انا اشجع جدا تكون قبل الخطوبه فترهه طويله تعرف بيها الشخص التاني ده بيفكر ازاي

وناوي على ايه

وتسأل كويس

اصل ده العمر كله هيبقى معاه مش كده وخلاص ,,,

واذا ما حصلش نصيب في الفتره الي قبل الخطوبه سواء اختلاف في الرائي او غيره

عآآدي مع الف سلاآمه

هع

لسه ما فيش خطوبه المشكله لو خلاص في خطوبه ’’’

لو سوء تفاهم احاول اصلحه ,,
لو حاجه تانيه اكتشفتهاآآ ,,, وحشه يعني ,,,

خلاااص مع الف سلامه برضو

اكيد في الحاله ديه هيبقى في حاله نفسيه وحشه جـــــــــــــدا ,,,

بس الي يبعني برخيص ابيعه ببلاش ,,ومع الف سلامه برضوو ,,

لو أنا اتقدمت لوحده ورفضتنى وقتها او بعد فترة
هحاول اعرف ايه السبب وان كان فيا عيب احاول اصلحه

الجماعة بتوع قسم طبيخ بتوع اداب المنصورة متعبين ومواضيعهم متعبة هى كمان..لماكانوا يبعتولنا الدكتور حسين عليوة فى قسم اللغة اللعربية وادابها عشان يتعبنا كنا على طول نبعتلهم الحاج على الغريب يضيعهم ويشيلهم المادة
اما بقى لو بعتوا الراجل المحترم د/ شلبى الجعيدى كنا نبعتلهم د/عبدالعال ود/مختار عطية ماشى يالورد محمد انت فاهمنى ههههههههههههههه.


نرجع بقى لموضوعنا اولا ان شاء الله البيت اللى هدخله فى موضوع جواز مش هخرج منه الا وفى يدى عروسة والا ليه ادخله من الاول طالما انا نيتى مكملش الموضوع وطالما انا سائل عن البنت واهلها ومطمئن ليهم ليه ميكنش كتب كتاب وشبكة على طول .
هو يعنى يافرحتى بالخطوبة والاسم الواد خاطب وقاعد عندهم حتى مطلع الفجر والبنت ياعينى طول الليل بتأشر فى موز وبرتقال وجاى من عند خطبتى ورايح لخطبتى ونروح المنصورة على المشاية ونشرب مانجو فى جزيرة الورد!!! فاهمنى يابو حميد طبعا.
ياجماعة دخول بيوت الناس مش سهل والراجل بيربطه لسانه وبنات الناس مش تسالى لو كل واحد داخل على جواز(مش خطوبة!!) فكر فى كدا الوضع هيكون كما قال(ص): بارك الله لكما وبارك عليكما وجمع بينكما فى الخير.
وفى الختام شكرا على الموضوع ....وعقبال عندك يالى تزغردى

شوف يام اللورد رايى فى الموضوع ده
من الغريب ان يتقدم الشاب لبنت وهو غير مقدر حدوث الاحتمالين (القبول او الرفض)
هل تتوقع ان البيت الذى تتقدم اليه لخطبه ما منتظرينك وفاتحين ذراعاتهم لك ولطلباتك
وانك لقطه لاى بنت ولا يمكن رفضك واذا تم رفضك فذلك يكون لعيب فيك
هنا الخطأ العظيم
سيدى الفاضل فى اى موضوع حتى الزواج فهو عرضه للقبول او عدم القبول ليس لان احد الطرفين به عيب
ولكن قد يكون لعدم التوافق او لاختلاف الطموح والتطلع
ومن هما اقول لا تغضب ان لم يتم قبولك فهذا ليس عيبا فيك ولكن قد لا تكون هى المقدره لك
اخيرا
بالنسبه للبنات لا احبذ ان يذهب الخاطب الى المنزل مباشرة لرؤيتها والجلوس معها دون سابق
وقد لا يتم التوافق وهنا البنات اكثر تأثرا بذلك فانا لا ارضاها لاحد
ولكن يعرفها من النظر اليها فان اعجبته سأل عنها وجمع كل ما يريد عنها من معلومات
ثم يرسل لاهلها من يخبرهم ان فلان يود الارتباط بابنتكم
فيسألون عنك وان تم القبول هنا تذهب للمنزل ويتم الكلام فى التفاصيل
وبالرفاء والبنين

فى الزمن ده صعب عريس يترفض
وكل شىء قسمه ونصيب
ولو تترفض فى البدايه أحسن ماتترفض بعدين
لأن الرفض فى البدايه كلمتين وخلصت
إنما الرفض بعد كدا بيوصل لسكاكين وتقطيع وأكياس وصحف وفضائيات :d


وبعدين هو فيه حد بيتقدم لواحده الأيام دى غير لما بيبقى واخد منها الأوكى ومن أهلها كمان
والموضوع كله بيخلص بصينية بسبوسه ولا خليها كنافه :av4056bb7jp3:

شكرا على الموضوع الجميل
جزاك الله خيرا

اكيد اقول الحمد لله

قسمة ونصيب

" قل لن يصيبنا الا ما كتب الله لنا "

شكراااااا موضوع جميل
بس اكيد الواحد لو اترفض من بنت اتقدملها
هيكون لسبب من 2
اولا فيه عيوب هي مش هتقدر تتأقلم معاها
(وكلنا فينا عيوب عادي لاننا بشر)

ثانيا ان البنت دي تكون مرطبتة بحد ومتفقة مع اهلها ومعاه
انه هيتقدملها في وقت معين