ليه دايما بنتفهم غلط..!! [الأرشيف] - بوابة الثانوية العامة المصرية

مشاهدة النسخة كاملة : ليه دايما بنتفهم غلط..!!

JusT DreaM

09-02-2009, 05:46 PM

شموخ مسلمة

09-02-2009, 08:34 PM

و الله يابنتى فعلا انا بتضايق اووووووى من الفئة دى او تقدرى تقولى كنت بتضايق:)
بصى انا الاول كنت اتضايق اوى لو حد ساء الظن فيا

بس الحمد لله حاليا عندى مبدأ حلو اوى
بصى يابنتى
الناس اللى بتقولى عليهم نوعين من البشر
لاما ناس اتعاملو معاكى و فهموكى غلط
و دول بقى حاجة من اتنين
لاما هما عايزين يفهموكى غلط اصلا
لاما هما عايزين يقنعو نفسهم انك مش صح فبيتكلمو و يسيئو الظن ع الاساس ده
النوع التانى بقى
ناس مش اتعاملو معاكى اصلا و بيسيئو الظن فيكى
و دول بقى ناس تافهة اساسا مش يستحقو انى ازعل لما يسيئو الظن بيا
لان كون الانسان يحكم ع حد مش عرفه و مش اتعامل معاه بنفسه يبقى انسان مش بيفكر كويس و الشخصية دى مش مهمة لدرجة اننا نهتم بكلامهم

شوفى انتى عارفة نفسك كويس اوى
لما تسمعى كلمة وحشة عنك شوفى هيا فيكى و لا لا
لو مش فيكى يبقى عندهم البحر بقى
اه
لو مش عندهم ابعتيهم ليا:d

تفتكرى يا ايمى لو انتى حد مش مهم او مش كويس الناس هتسئ الظن فيكى؟

متهيالى صعب لانك لو مش كويسة هيسيئو الظن فيكى ليه و لا يدورو ع حاجة وحشة فيكى ليه اصلا مانتى كده كده وحشة
فاهمانى

موضوعك جميييييييييييل يا ايمى

mohamadelhawary

10-02-2009, 02:17 AM

السلام عليكم و رحمه الله و بركاته
بنتفهم خطأ؟؟؟؟ أنتِ شايفه أنها ظاهره عامه و لا مع بعض الناس فقط؟:confused:
الإنسان بيتفاعل مع الآخرين و بيتعرض لمواقف عديده الناس بتأخذ عنه إنطباعات ليست صحيحه بالضروره و الأنسان أصبح اليوم بمئه قناع ووجه و عليك إكتشافها و التعامل معها و على فكره انا أعتقد أنها سمه للعصر الذى نعيشه . "كلامك معناه ممكن يكون فى حد بيقول لأصدقائك أشياء غير صحيحه عنك فبالتالى بيأخذوا عنك فكره سيئه و يتعاملوا معاكى على أساسها و ده إحتمال وارد جداً أو صداقه مصالح و أنتِ معتقده غير ذلك"
بصى أحسن طريقه للتعامل فى مثل هذه الظروف هى الإهمال يعنى مثلاً لو قلتى لحد أزيك و قال اصلها قالتلي ازيك مش بنفس ولا مش بتبصلي وهي بتكلمنبي ردك يكون أيووووووووووه أنا بقول من غير نفس و أن يسألتك ليه ردك يكون أنت أدرى أنت تعرفى أكثر منى.
وعلى فكره الطريقه دى جميله جداً و أنا عن نفسى بأستعملها دائماً لأن الهدف غالباً من ذلك هو إثارتك فلا تنفعلى و أتكلمى بكل هدوء و ردك يكون تقرير بالموافقه على سوء الظن و بكده هتكونى فتحتى مجال للحوار فممكن يقول اللى أمامك عنا بداخله .
حوار مثلاً:-
أنتِ :أزيك عامله إيه النهارده.
زميلتك مثلاً:على فكره أنا مش هرد عليكى أنا عارفه قصدها كويس اصلها قالتلي ازيك مش بنفس ولا مش بتبصلي وهي بتكلمنبي .
أنتِ:أيوووووووووووه أنا بسلم عليكى من غير نفس .
زميلتك: ليه كده هو أنا عملت إيه دأنا حتى إتصلت بيكى إمبارح و فالتلى والدك مش موجوده و أنت مسألتيش في
غالباً سوف تذكر ما بداخلها تجاهك أياً يكون و يظهر ذلك فى حوارها معك .
لا تنسى تقريرك بالقبول معناه فتح مجال للحوار بين من يسئ الظن معك وبإذن الله يذكر لكِ عما بداخله و يريت بعد التقرير بالقبول لا تتحدثى تماماً حتى تعطى الفرصه لمن يسئ الظن بالكلام و الخطأ و غالباً يذكر ما بداخله تجاهك و بعدها تسطتيعي الدفاع عن نفسه و إن كنتِ مخطئه فأعتذرى بسرعه و ببساطه لأن بعض الناس تضايقهم مواقف و لا يبوحوا بها فيلجأوا لهذه التعبيرات حتى يثيروا إنتباهك و إن كان ما بداخله حقد فبإذن الله سيظهروه بوضوح فى ردهم.
على فكره سؤالك ليه دايما بنتفهم غلط..!!
الرد عليه يطول جداً لانه متعمق و عام جداً
مثلاً:- واحده لابسه مش كويس أو مش لابسه فى الشارع لازم تتفهم خطأ.
فالموضوع عميق جداً و أنا خصصت فى ردى فقط فى حاله سوء الفهم الغير مبرر يعنى أنتِ بمعنى أدق مش عافه زميلتك بتقول كده ليه .
أما لو كان فى الحوارات و المناقشات فيريت تبلغينى و أحاول بإذن الله أتكلم عن الجزء ده بعمق.
طبعاً موضوع جميل بلا نقاش

و السلام عليكم و رحمه الله و بركاته
محمد الهوارى

عاشقـــ الانمى ـــة

10-02-2009, 10:17 AM

السلام عليكم ورحمة الله وبركاته

ازيكو ياجماعة
انا هتكلم النهاردة في اكبر مشكله في حياتي
او السبب الرئيسي لكل مشاكلي
اني دايما بتفهم غلط
كل واحد يفهم اللي على مزاجه من الحد اللي عاوز يفهم منه
واللي مش عاوز ميستناش يسمع منه
انا بحب ده يبقى كل كلامه كويس وفي مصلحتي واكيد مش قصده يدايقني
واللي مش بحبه خلاص كل كلمة يبقى يقصد منها حاجة وتتحور لميت مشكلة
ليه دايما بنسمع بودانا بس
ليه منفكرش في الكلام
حد مثلا بيفكر ومخه كويس الى حد ما
يبقى خلاص شرير وكل كلمة يقصد بيها انه يدايقني من تحت لتحت
عمرنا ماكان عندنا حسن نيه
كلنا بنفهم اللي عاوزين نفهه
مش نسمع الكلام زي ماهو كده
بجد انا تعبت بكل ماتحمل الكلمة من معنى من الموضوع ده
اتخنقت من الناس اللي قافلين مخهم ومش عاوزين يستخدموه
غير بردو بمزاجهم
هتصدقوني لو قلتلكم ان كلمه ازيك بتتحور !!
اصلها قالتلي ازيك مش بنفس ولا مش بتبصلي وهي بتكلمنبي
خلاص كلنا بقت نوايانا وحشه
ومحدش بيفهم الكلام اللي بيتقاله وحش غير لو كان هو وحش من جوة
مابقاش فينا حد بسيط كده عايش ببساطة
بس كده عشان مش عاوزة ادخل في موضوع تاني

مستنية رأيكم

وانتى ايه ال يجبرك انك تتعذبى كده
مكل واحد حر فى تصرفاته
وانتى كمان حرة فى تصرفاتك
هما بيفهموا ال هما عايزين يفهموه وانتى كمان مفيش حاجة تجبرك
انك تصادفى الاشكال دى
متهيالى لو كنا بنتكلم عن الاصدقاء
حاجة زى دى تبينلك الصديق الحق من الصديق غلط
واهى حاجة تعرفك ازاى تختارى صديقك الصح
الجملة ال بيقولوا فيها الناس بوشين دى غلط
الانسان ياما كله صح ياما كله غلط
لما يبدا الغلط انتى ايه ال يجبرك انك تصادفى النوعية دى
ابعدى عنهم وريحى دماغك

ناس بنشوفها بالالوان وناس جواها مش بيبان وناس اسود وناس ابيض وناس محتاجة بس امان

وبعدين اصلا انتى خلاصة الموضوع كله كتبتيها فى توقيعك

سـهيـلـة

10-02-2009, 12:14 PM

اصل السبب ان كل واحد بقى عنده سوووووووووووء ظن بطريقه فظيعة جدااا
الناس بتنسى ان الرسول قال "التمس لاخيك ولو سبعين عذرا" او كما قال صلى الله عليه وسلم
انا مثلا لما يحصل موقف والله واسوء الظن اختى بتفكرنى بحديث الرسول فبنسى واحاول انى مفكرش بطريقة غلط فلناس لو قعدت تفر ممكن ميكونش قصده
يمكن كان متضايق
يمكن يمكن يمكن ..........................
هى من نفسها هتحس انها مش متضايقة
ده رايى على ما اعتقد

you_my_lovely

07-08-2009, 08:58 PM

بجد موضوع ميل جدا انا اخدت بالى منه بالصدفه وقلت لازم يتنشط

ناس كتير فعلا بتفه الشخص اللى قدامها غلط من غير ما تعرف فكر الشخص ده ايه

او ممكن تاخد الكلام على محملها هيا من غير ما تعرف اللى قدامها يقصد ايه

مشكوره على الموضوع وياريت الكل يبقى عنده حسن النيه :d

علاء سيف

07-08-2009, 09:18 PM

العزيزة ايمي الموضوع فعلا مهم وعرضك له متميز
لكن جزء من فهم الناس الغلط لنا راجع للناس وطريقة تفكيرهم وتربيتهم وحالتهم النفسية والمزاجية مش عارف ايه الفرق ؟؟
ولكن هناك جزء خاص بنا نحن
احيانا يكون عدم قدرة على التعبير وا لا نجد كلمات فعلا تعبر عنا
واحيانا بيكون في استخدام سئ للغة الجسد - اوعي تفهميني غلط - اقصد اشارات الايدي او حركة بالكتف او تغيير الاتجاه وغيرها سواء بقصد او غير قصد
فان كان السبب الاول فعلينا الانجعل ذلك ينعكس كرسالة سلبية علينا تحبطنا وتشوه فكرتنا عن انفسنا او تقلل ثقتنا بانفسنا
وان كان السبب الثاني فعلينا مراجعة انفسنا وكل بن ادم خطا
والمشكلة كيف نفرق بين الحالتين تفتكري ممكن ؟؟

http://img512.imageshack.us/img512/3977/zoga.gif

Observer

07-08-2009, 11:32 PM

خديها حكمة لن يرضى عنك كل الناس أبداً مهما فعلت

وفى مثل بيقول قمة الفشل أن تحاول إرضاء كل الناس

عاملى الناس بلطف وتواضع وسوف تأسرين قلوبهم

شكراً ....

شهدالجنة

08-08-2009, 01:44 AM

فعلا بجد والله ياجست دريم

انامحستش كدة غير النهاردة ان عشان رديت رد

قلت فيه كلمة حق طلعتلى واحدة ملهاش لازمة

واناكنت بدافع عنها جدا والله ومكنتش بسمح لحد ينتقدها

والاخر اتفهم غلط بجد حسبى الله ونعم الوكيل

الواحد بيعمل لله

The Philosopher

08-08-2009, 02:19 AM

السلام عليكم ورحمة الله وبركاته
أحب أقول للأخت صاحبة الموضوع أن الظاهرة دى ظاهرة عامة مش خاصة بيها بس
بس لما نصيحتك لحد وتكون النصيحة دى أصلا هتعذبك أنت وهتزعلك وهتتعبك النصيحة دى يفهمها الحد ده غلط يبقى العيب فى مين بالظبط
لما تنصح حد بنصيحة فيها الخير له لأنك بتحبه وبتخاف عليه وبتتمنى أنه يكون أحسن حد فى الدنيا وتكون النصيحة دى هتوجعك أنت لما يكون غرضك نبيل جدا لما يكون هدفك أسمى من أنه يكون هدف لمخلوق بشرى يبقى العيب فى مين
يبقى فيه ايه فى الدنيا
يبقى فيه ايه ؟؟؟؟؟؟؟؟؟؟؟؟؟
والسلام عليكم ورحمة الله وبركاته

Travel

08-08-2009, 10:37 AM

جميل الموضوع يا نونة ازاى مخدتش بالى منه
عارفة ليه كلوا بيفهم غلط
او مش الكل بس هى الفئة الغالبة
علشان هما عاوزين كده
هى نيتهم مبنية ع كده .. ع الفهم الخاطئ وع النية السيئة
طبيعة الشعب المصرى بصراحة وبحب اخصصه ف الكلام علشان هو ده اللى بنتعامل معاه
دايما ف الغالب كل حاجة بتتحرف عنده بالغلط
يعنى ابسط مثال
لو حد عيان وانتى قلتيله الف سلامة عليك
تحصل مهزلة وكارثة
ازاى تقوليله كده ونوع تعاملك ايه وبصفتك ايه ويبدا بقى القيل والقال يشتغل
يمكن علشان اصلا اى حوار مصرى ف الغالب لازم يكون مبنى ع تحويرات وافلام كبيرة وطبعا لازم يكون الحافز الاصلى هى النميمة وسوء النية
مشكلتنا اننا بنطور مظهرنا وشكلنا الخارجى بس مبنهتمش بالداخلى رغم ان الجمال جمال الروح والعقل
بس نقول ايه
ياللا ربنا يهدى الجميع
:)

JusT DreaM

08-08-2009, 12:07 PM

ههههههههههههههه
شكرا ع التنشيط يا يو ماي لافلي
كنت فاكرة اقولك ابقي احذفي الموضوع ده يازوزو بس نسيت :d
احم
الموضوع ده كنت كاتباه ف لحظة غضب او خنقة يعني
بس بما اني طرحت المشكلة ادامكم
ممكن اقولكو التفسير اللي وصلتله مع الايام يعني
اقولكو ليه بنتفهم غلط
زي فعلا مازينب قالت ان هما اللي نيتهم وحشة
وكل واحد بكلامه وفهمه للناس بيعبر عن اللي جوا
يعني انا وحش يبقى كل اللي ادامي وحشين
عشان كده مش هتلاقي كل اللي ادامك بيفهموك غلط
عشان ده بيتوقف ع الشخص نفسه مش عليك انت
في مرة كلمه اتقالتلي
عاوزة تعرفي رأي اللي ادامك ف نفسه شوفي رأيه فيكي ايه
هو لو وحش هيشوف كل الناس مش كويسة زيه
والحل من وجهه نظري
ان كل واحد يتصرف باللي هو شايفه صح وملوش دعوة بالناس
زي ماقال كوماندو لن يرضى عنك مهما فعلت
ف الحل التنفيض من الاخر :d
معلش مش هقدر ارد ع اللي ردو لان الموضوع ده مش مأثر عليا نفسيا دلوقت:romarioxp6:

العزيزة ايمي الموضوع فعلا مهم وعرضك له متميز

شكرا لحضرتك ع المجاملة
بس انا اسمي ايمان او جاست دريم مش ايمي:)

you_my_lovely

08-08-2009, 10:05 PM

شكرا ع التنشيط يا يو ماي لافلي

بجد مشكوره جدا على الموضوع انا كنت ناوى انزل موضوع زيه ولقيت الموضوع ده بالصدفه ومكنتش هاعرف اطره زى ما انتى طرحاه كده

بجد انا لاحظت الموضوع ده كتير بس هو فى الاخر بيتلخص فى سوء الظن

وكتير اللى بسوء الظن ومحدش معصوم يعنى انا وغيرى بنسىء اوقات الظن وحصل قبل كده وسوءت الن بناس بس بعد كده اعترفت بغلطى يعنى الواحد لما يراجع نفسه او الشخص اللى قدامه بيعرف انه غلط وعلشان يصلح الغلطه دى يعرف اللى قدامه انه ساء الظن بيه

شكرا تانى مره جاست دريم على الموضوع :)

علاء سيف

09-08-2009, 01:17 PM

الاخت ايمان اشكر ردك واعتذر عن الخطأ غير المقصود في الاسم
ولكن كنت ارجو ردك على الفكرة التي طرحتها وجزاك الله كل خير
وعذرا مرة تانية

ميراج

15-08-2009, 02:16 AM

والله يا ايمان مش انتى لوحدك اللى بتتفهمى غلط
فى ناس كتير بتتفهم غلط
واللى بيفهموها غلط مش بيدونا حتى فرصه
اننا نفهمم احنا عايزين ايه
وهما فهموا ايه
كل واحده بيفهم اللى على مزاجه
واللى عايزه
بجد موضوع جميل ومحتاج ان احنا نتكلم فيه كتير
ولى عوده

Free Mind

16-08-2009, 03:37 AM

والله انا بعانى من نفس المشكله ناس مش بتفهم ومش عايزه تفهم بمعنى اصح مش تحب تطلع غلطانه
ويبقوا غلطانين وبيفهموا كل حاجة بمزاجهم حاجة تخنق

قلبتى عليا المواجع :d

العاشق لرسول الله

16-08-2009, 10:31 AM

اتخذ لاخيك المسلم 70 عذر احنا لو خدنا المقوله دي في حيتنا هتريحنا احنا الكل وتريحنا من سوء ااظن ولكن اين الكمال؟

أسيل رزق

17-08-2009, 08:47 PM

بدأنا ننشط المواضيع الجميلة بتاعة زمان :d
كان فى بالى أنزل موضوع عن حسن و سوء النية خصوصاً إننا داخلين على رمضان و لازم نجدد النوايا و نصفى نوايانا شوية
اللى خلانى أفكر فى الموضوع إنى بلاحظ ناس كتير و ساعات كتير بكون واحدة منهم إننا بنفسر الكلام على مزاجنا
يعنى مثلاً لما واحدة بحبها تيجى تقولى أنا إشتريت شنطة جديدة و فى نفس اليوم تكون شنطتى اتقطعت اقولها بجد ألف مبروك لبست جديداً و عشت حميداً و مت شهيداً لكن لو نفس الموقف و الكلام صدر من واحدة مش بتنزلى من زور ممكن أحس إنى نفسى أقتلها
طيب مهو ممكن تكون البنت اللى بحبها كان قصدها تغيظنى و التانية مش قصدها كده

طيب هنقول مهو إحنا هنحتار نعرف منين نية كل واحد

و إحنا مالنا نعرفها ليه ؟!! .. خلينا نعامل الكل بحسن نية لغاية ما يبان العكس

و ساعات كتير و دى مشكلة بعانى منها جداً إنى أقول كلام بيكون ليه كذا معنى و للأسف اللى قصادى بيفهم المعنى اللى انا مقصدهوش و غالباً بيكون المعنى الوحش

اللى أقدر أقوله إننا لو فرضنا حسن النية فى كل أقوالنا و أفعالنا و أقوال الناس و أفعالهم بجد هنعيش فى نعيم و راحة بال و أكيد هيزيد ما بينا الحب و الألفة

ربنا يهدينا أجمعين

شكراً يا إيمى على الموضوع

طالبة حزينة

18-08-2009, 01:07 AM

سبحان الله

انا كنت بحسب نفسي انا الوحيدة اللى بتفهم غلط وكنت بتدايق جدا وازعل واعيط والله :040vk0::040vk0:

بس الحمد لله انا دلوقتي بقيت احسن كتيير
بجد الحياة علمتني يمكن انا لسة صغيرة بس
الخبرة مش بالسنين لكن بكثرة المواقف وللى
عايز يتعلم انا كنت في البيت اهلي بيفهموني غلط وللاسف برة كمان ومش بس كده بل بيتريقوا
على المليان وعلى الفاضي حتى المدرسين ساعات بيحرقوا الدم مع احترامي لهم

يا جماعة انا سمعت مرة على قناة المحور
في برنامج الحياة علمتني كان مستضيف
دكتور اسمه خليل فاضل طب نفسي واجتماع
قال
(انا كرة اسكواش اللى هيقربلي هرد فيه :028ja7::028ja7::028ja7: واللى عايز يطبطب علي يسبني فانا كره اسكواش )

هو ده شعاره في الحياة

:redface::redface:وقال ايضا الحياة علمتني الصبر:redface::redface::redface:

علشان كدة اي حد يحاول يلعب بمشاعرك ويهزك من جوه بكلمة جارحة او باتهام او بسوء فهم سواء عن قصد او لا :039uw8:

قول في نفسك

(مهما عملت انا لن اتاثرhttp://www.thanwya.com/vb/life/icons/icon16.gif http://www.thanwya.com/vb/life/icons/icon16.gifفانا كرة اسكواش:028ja7: )

والافضل في المواقف اللى زي دي الصمت والله الصمت بيغيط اللى قصادك:mad: اكتر من الكلام العادي
خصزصا اللى بصوت عالي :slap1qk6:

يقول الشاعر
سكت عن السفية فظن اني عييت عن الكلام وما عييت

وايضا :

يخاطبني السفية بكل حمق فأكره ان اكون له مجيبا

يزيــد حمـــاقة فازيـد حلــما كعود زاده الاحراق طيبـا

:078111rg3::078111rg3::078111rg3::078111rg3::07811 1rg3::078111rg3::078111rg3::078111rg3::078111rg3:: 078111rg3::078111rg3::078111rg3::078111rg3::078111 rg3::078111rg3::078111rg3::078111rg3:

zizo2_2

19-08-2009, 05:58 PM

لي عودة للتعقيب على الموضوع رد تفصيلي