مشاهدة النسخة كاملة : لن أقبل بإهانة المعلم بعد ذلك
مس رانيا حسن 09-02-2009, 08:29 PM السلام عليكم ورحمة الله وبركاته
أولا أساس أى عمل ناجح هو الإحترام المتبادل بين أعضاؤه
بمعنى الكبير يحترم الصغير والعكس
وبما أننا هنا اسرة واحدة بالطبع يفترض أن يكون الاحترام متبادل
بين كل فرد بصرف النظر كان عضوا أو مشرفا أو موجها أو نائبا للإدارة
أو حتى رئيسا للموقع ....
أكثر من موقف لمسته به إهانات متكررة وتحذيرات للأعضاء معلمين
لم يقم أى منهم بالخروج عن حدود اللياقه
لكن أحد نائبى الإدارة من وقت لأخر يتدخل فى مناقشتهم
بشكل مستفز وظاهره السخرية الصريحة
ومن وقت لأخر ينذر لو أى عضو فعل كذا سيوقف
ما هذا هل من اللياقه أن اتوعد بسبب
او بدون سبب
لمجرد ان فى يدى سلطة ما
ومن المواقف ما هو موجود فى هذا الموضوع
http://www.thanwya.com/vb/showthread.php?t=105328&page=4 (http://www.thanwya.com/vb/showthread.php?t=105328&page=4)
صوت الحق لم يفعلها باى حال من الاحوال
لم ارى انه اهان عضوا او حذره حتى ان البعض قد وجه لها اهانات قبل ذلك نجد رد فعله
التسامح والتفاهم
اخوتى اعتقد سواء كنت معلم او غير معلم
لن تقبل ان يستمر هذا الوضع بالمنتدى
فاهانه اى معلم هنا تعتبر اهانه لكل المعلمين
والمنتدى هنا اساس نشأته لخدمة العملية التعليمية
فالمعلمين هنا هم الأساس
أعتقد اى منا لن يرضى باستمرار تلك الأوضاع
فى أمان الله
صوت الحق 09-02-2009, 08:47 PM لن اسمح باى اهانة للاعضاء مش المدرسين فقط من اى فرد من الادارة مهما كانت رتبه
ولن يتكرر مرة اخرى الدخول الى القسم التعليمى من المشرفين الا اذا طلب منهم
وهذا تحذير للجميع
وانا اعد بعدم التكرار مرة اخرى
واى مشرف سوف يتهكم فى التوقيع او السخرية من اى عضو مهما كان
سوف يحظر التوقيع ولن يعود نهائيا له
محمدمصطفى مصطفى 09-02-2009, 08:52 PM الأستاذة الفاضلة / نداء
لا أقلل مما حدث فى الموضوع الذى تفضلت بوضع رابطه -و عذرا لن أذكر اسمه )لكن ذلك من قبيل الاختلاف فى الرأى والذى يمكن أن يصل إلى حد التجاوز ولكن صدقينى هذا المنتدى قمة فى الاحترام حتى مع ما حدث والدليل :
1- مقدار وكم البذاءات التى تحدث فى المنتديات الأخرى .
2- وجود أشخاص محترمين سواء من القائمين على هذا الصرح العظيم ( البوابة ) ومشرفين على خلق
وأقدر لك ردك لترضية الأستاذ / omar1 فلك جزيل الشكر وهذا دليل ثالث على مدى ما يتمتع به هذا المنتدى المحترم من رقى
وذوق
محمدمصطفى مصطفى 09-02-2009, 08:56 PM لن اسمح باى اهانة للاعضاء مش المدرسين فقط من اى فرد من الادارة مهما كانت رتبه
ولن يتكرر مرة اخرى الدخول الى القسم التعليمى من المشرفين الا اذا طلب منهم
وهذا تحذير للجميع
وانا اعد بعدم التكرار مرة اخرى
واى مشرف سوف يتهكم فى التوقيع او السخرية من اى عضو مهما كان
سوف يحظر التوقيع ولن يعود نهائيا له
وهذا دليل رابع على مدى ما يتمتع به هذا المنتدى من خلق وذوق واحترام
Travel 09-02-2009, 08:58 PM اممممممممممممم
مش عارفة اقول ايه بصراحة
بس بعيد عن اللى بيحصل ده
لان
مش من حقى اتدخل
http://www.thanwya.com/vb/showthread.php?t=105328&page=4 (http://www.thanwya.com/vb/showthread.php?t=105328&page=4)
هو اتحذف ليه؟
:confused:
عبقرينومان 09-02-2009, 09:05 PM السلام عليكم
والله ده من اهم النقاط اللي هتكلم فيها يوم الجمعة في الاجتماع مع المشرفين الاداريين ونائبي الادارة
والمشرفين الغير تعليمين
وبالنسبة للاسلام فقام بالامس وهذا ما رأيته انه سخر من معلم في توقيعه فقمت باغلاق التوقيع لاسلام ولن يعود الا بعد وضع النقاط فوق الحروف في اجتماع الجمعة بالقناطر بأذن الله
وبعتذر عن اي سخرية من اي احد لاي احد بالنيابة عنهم
ولا مجال يا اسلام للحديث او التفسير لو سمحت
مسيو وليد عسكر 09-02-2009, 09:18 PM كلمه اوجهها لكل اخ وزميل معنا في بوابه الثانويه000
اطمئن فانت في ارقي منتدي تعليمي في مصر0000
ولن يهان اي معلم في هذا الصرح العريق طالما كان علي راسه الاستاذ الفاضل عصام علي والاستاذ اشرف
قضيتك هي نفس قضيتناواي راي شخصي هو ملك لصاحبه ولا يتعلق لا من قريب ولا من بعيد بتوجهات اداره منتدي بوابه الثانويه0000
نحن لا نرضي لزميل ان يتهكم علي الاداره وبالمثل لانرضي من اي شخص بالاداره اي كان موقعه او رتبته من ان يمس ولو بكلمه واحده كرامه لزميل فاضل لنا حتي لو كان عضو جديد وله مشاركه واحده0000لاننا تربينا علي احترام وتوقير الصغير للكبير وعطف الكبير علي الصغير0000فلا يجب ان تغرنا الالقاب والمسميات0000
اعتقد ان الرساله وصلت000
_GUIDE_ 09-02-2009, 09:31 PM ولا مجال يا اسلام للحديث او التفسير لو سمحت طيب مدام مفيش لا مجال للحديث ولا للتفسير
اقتباس:
المشاركة الأصلية كتبت بواسطة طارق ممدوح ذكي محمد
اعتذر واعتذر بشدة ولكن
لنفسي ... التي تركتها تخاطبك وترد على سخافاتك
اتهمني بما شئت واغلق موضعي كما شئت فانا وكلت لله الامر
وهو من سيدافع عني ... واشهد الله انني لم ولن اكذب او اقلل من شان كلام الله او كلام رسوله الكريم ولكن انت من رددت على كلام الله بحديث عن حصاد اللسان فهل كلام الله حصاد لسان ... استغفر الله العظيم واتوب اليه
شكرا لذوق حضرتك
بالمناسبة مدير المنتدى هو اللى قفل الموضوع مش انا
مرة تانية بشكر حضرتك على كلامك الجميل
والحمد لله كلامك ده خلنى مقتنع اكتر بوجهة نظرى
فائق احترامى :)
ولما ادخل فى نقاش عادى وطول رد الاستاذ عليه
انتا طالب انتا ايه دخلك فى كلام المدرسيين
هو مش ده موضوع للنقاش
وله هو نقاش من جانب واحد والاستاذة رانيا تقول مينفعش تسخر من استاذ علشان اكبر منك
مبدأ اذا سرق الشريف تركوه واذا سرق الضعيف اقاموا عليه الحد
حرية التعبير
الاستاذ سعيد مدنى رمز للمدرس الشجاع اللى قال رايه بصراحة
الاستاذ طارق رمز للمعلم الشجاع اللى قال موضوع بكل صراحة ونقاش(بهايم - حمير ) وسب علنى
وانا اسلام الغلبان لما يقول رايه
يبئا رايه فى الزبالة علشان كلامه سخيف وهو لسه طالب وصغير
قمة المساؤة وحرية التعبير :)
فائق احترامى لجميع المعلمين :)
وعلشان ارفع الحرج عن جميع الادارة انا مستقيل
والله العظيم مستقيل وما انا دخلها تانى
علشان انا فعلا معنديش دم
ولا كرامة علشان لو عندى كرامة كان من الكام مرة اللى فاتت واللى حصل فيهم المواقف
دى كنت خفيت فى ستين داهية
سلام
الاستاذ محمد سرور 09-02-2009, 09:42 PM السلام عليكم ورحمة الله
بداية انا دخلت هذا الموضوع بناء على رسالة
أ/ رانيا
ومعلش انا ارى ان الموضوع لايتعدى خلاف بين عضوين
فليس معنى ان شخص مدرس فان له حصانه من نقد الاخرين
وليس معنى ان اسلام نائب ادارة
انه المفروض يتكلم بالشوكة والسكينة
اسلام رد على الموضوع كأسلام وليس كنائب ادارة فهو ليس موضوع ادارى
وباسلوبه الناقد الذى نعرفه كلنا
وليس معنى ان الاخرين لم يقبلوا اسلوبه
فنقول ان هناك خطأ
عذرا انا عندما اكتب موضوع ف أتوقع ان يخلافنى الرأى الكثير وموضوعى لن يكون موضع ترحيب من الجميع
هذا هوالوصف الطبيعى لاى منتدى
تبادل الاراء برغم الاختلاف
وليس دفاعا عن اسلام فانا لم اراه الا مرة واحدة فقط
وليس دفاعا عن الممثل المذكور لانى لا احبه اصلا ولا احب من هم على شاكلته
ولا لأى شىء سوى ان الموضوع يجب ان لا يتعدى اختلاف فى الرأى بين عضوين
وشاركهم الاختلاف الكثير
وان كنت ارى ان الموضوع فى الاصل مخالف
اولا لان به من الغيبة الكثير
ثانيا لانه خرج عن مضمونه
واخذ الموضوع منحنى النقاش بين وجهات نظر متباينة
ثالثا الموضوع مكانه اصلا ركن النقد والتحليل الفنى
وطبعا دة مش عندنا فى المنتدى
واخيرا انا الاسلوب متبادل بين الطرفين
فى امان الله
مس رانيا حسن 09-02-2009, 10:57 PM على اى حال انا ليس بينى وبين اسلام اى ضغينه
اعتبره اخ لى لكن الموضوع تكرر اكثر من مرة
وعموما اشكر كل من شارك بالرد
جزيت خيرا ابى العزيز
جزى الله خيرا كل من تفضل بالرد
مسيو وليد استاذ اشرف
استاذ محمد مصطفى
استاذ محمد سرور
فى امان الله
مسيو وليد عسكر 09-02-2009, 11:29 PM طيب مدام مفيش لا مجال للحديث ولا للتفسير
ولما ادخل فى نقاش عادى وطول رد الاستاذ عليه
انتا طالب انتا ايه دخلك فى كلام المدرسيين
هو مش ده موضوع للنقاش
وله هو نقاش من جانب واحد والاستاذة رانيا تقول مينفعش تسخر من استاذ علشان اكبر منك
مبدأ اذا سرق الشريف تركوه واذا سرق الضعيف اقاموا عليه الحد
حرية التعبير
الاستاذ سعيد مدنى رمز للمدرس الشجاع اللى قال رايه بصراحة
الاستاذ طارق رمز للمعلم الشجاع اللى قال موضوع بكل صراحة ونقاش(بهايم - حمير ) وسب علنى
وانا اسلام الغلبان لما يقول رايه
يبئا رايه فى الزبالة علشان كلامه سخيف وهو لسه طالب وصغير
قمة المساؤة وحرية التعبير :)
فائق احترامى لجميع المعلمين :)
وعلشان ارفع الحرج عن جميع الادارة انا مستقيل
والله العظيم مستقيل وما انا دخلها تانى
علشان انا فعلا معنديش دم
ولا كرامة علشان لو عندى كرامة كان من الكام مرة اللى فاتت واللى حصل فيهم المواقف
دى كنت خفيت فى ستين داهية
سلام
نحن لسنا في خصومه معك يا اسلام ولكننا جميعا نقر مبدا هام وهو الاحترام المتبادل في الرد وفي عرض وجهه النظر
اولا:اناارسلت لك وطلبت منك ان موضوعات المعلمين لها طبيعه خاصه ولا تحتاج اي رد وتحاج الي تاني شديد وحكمه 000وحصلت منك علي وعد بذلك 00ولكن للاسف بعدها بيوم حدثت المشكله لو تعاملت انا مثلا مع اي قضيه كان زمان هناك حروب شعواء ضدي والمشكله انك بتقول ده رايك 000ومصمم ان تقوله 00لا ده راي الاداره لانك بتدخل بصفتك نائب الاداره وده امر مرفوض وبيحدث في المنتدي نوع من الاذدواجيه في الراي000ازاي الاستاذ اشرف يتضامن مع المعلم وانت جاي ببساطه وتسخر وتسفه من قضيه يتبناها كل معلم00 لما تيجي وتقول هوجه عرابي وهوجه هنيدي 000تيجي ازاي؟
ازاي تقول لزميل محترم اهو بيصقف في الهيصه0000 وتزعل لو حد قالك كلمه تزعلك؟
ثانيا: انا ولا غيري لا نقبل باهانتك ولا اهانه اي زميل فاضل ولكن لماذا نضع البنزين بجانب النار؟لماذا نستفز ونغضب من رد فعل الاخرين وانت من قمت بالرد علي موضوعهم بشكل ساخر مستفز وتغضب في النهايه من ردود افعالهم ؟ ومن قال انك تلميذ او صغير ؟ومن سفه منك؟ القضيه انك تفهمها كذلك حينما تبلغ المناقشات ذروتها وتغضب وتهدد وتتوعد بالايقاف مستغلا صفتك والادهي ان تقول في النهايه انك تقول انها وجهه نظرك 000وانت تطالب من يتمادي بالايقاف امر غريب جداا ويستحق ان نتوقف عنه كثيراا
ثالثا:توقيعاتك المستفزه والتي بها ايحاءات كلنا يعرف مغزاها000هل هذا ايضا امر مقبول ؟
رابعا:لاحظ اني لم اعلق علي مشاحناتك في الموضوع حتي لاتهتز صوره الاداره امام الاعضاء واكتفيت فقط بابلاغك بالمخالفه وبابلاغ الاستاذ عصام 00
خامسا:راي الاستاذ طارق اللي مش عاجبك ليس راي000لانه نقل معني كلمه فنان من القاموس وبدل من الهجوم منك علي الكلام الموضوعي الموثق كان اولي بك ان تتاني وتبحث في القاموس علي مصداقيته الكلام من عدمه000فرق كبير جداا بين الراي الشخصي وبين الكلام الموضوعي الموثق والمنقول من مصدر
سادسا:اتحداك يا اسلام ان يدخل مدرس موضوع لك ويسفه منه 00العكس هو الصحيح00انت الذي تدخل وتنتقد وترد باسلوب ارفضه تماما وفي النهايه تغضب من رد فعل الاخرين تجاه ردودك000
اسلام 000لو بتحب المنتدي 00لا تكتب اي تعليق في اقسام المعلمين00خليها في سرك او اكتبها لي علي الخاص ولكن الجهر برايك سيحدث فتنه في المنتدي نحن في غني عنها 000نريد ان نجمع الناس لا ان نشتت شملهم00
كلمه اخيره0000ليس بيني وبينك شيء الا الحق ولا شيء غيره00
نعمه محمود 10-02-2009, 12:21 AM اخوانى الاختلاف في الرأى لايفسد للود قضيه.يجب ان يأخذ الموضوع حجمه الطبيعى ولا يتحول الى سجال وجدل عقيم لن يعود بالنفع على المنتدى ولن يكون في صالح اى طرف وتذكروا قوله تعالى (ادفع بالتى هى احسن فإذا الذى بينك وبينه عداوة كأنه ولى حميم) صدق الله العظيم
مس رانيا حسن 10-02-2009, 01:43 AM الحمد لله من جانبى لا احمل اى ضغينة لأى شخص
لكن كل ما هناك ان الحق احق أن يتبع
والساكت عن الحق شيطان أخرس
فى أمان الله
_GUIDE_ 10-02-2009, 03:03 PM الحمد لله من جانبى لا احمل اى ضغينة لأى شخص
لكن كل ما هناك ان الحق احق أن يتبع
والساكت عن الحق شيطان أخرس
فى أمان الله
ولا انا :)
ده راي الاداره لانك بتدخل بصفتك نائب الاداره وده امر مرفوض وبيحدث في المنتدي نوع من الاذدواجيه في الرايوانا قولت مستقيل مدام الادارة هتكتملى بقى
ومش هتخلينى اعرف اعبر عن راى يبئا بلاش منها
وانا مستفزتش حد هو اللى ابتده من وطريقة كلامه معايا كلها
انى مش بفهم وان مينفعش ارد فى الموضوع
هو انا كان المطلوب منى ادخل اقول
معاك حق وموضوع اكثر من رائع وجزاك الله خيرا
انا دخلت اتناقش معاه هو معجبوش انى اناقشه والموضوع اتطور
وانا بقترح اقتراح خير
ياريت القسم ده يتعمل بالباص ورد هيكون افضل
ومدام مش اى حد يرد فيه
ووعلشان ارفع الحرج وعلشان محدش يقول هيقعد يومين ويرجع
انا هسجل بعضوية جديدة خالص لغاية ما يترفع الاشراف عن العضوية دى
علشان اعرف ادخل بيها تانى
شكرا لحسن تعاونكم
ومنجلكوش فى حاجة وحشة
ودمتم بود
شعار المرحلة القادمة
لا ارى لا اسمع لا اتكلم :)
وتمشى برضه عيش حمار تموت فى بيتكم (حمار - فنان )
سلام
مسيو وليد عسكر 10-02-2009, 03:24 PM شعار المرحلة القادمة
لا ارى لا اسمع لا اتكلم :)
وتمشى برضه عيش حمار تموت فى بيتكم (حمار - فنان )
سلام
حلو الشعار ده يا اسلام وياريت تلتزم بيه وماتلزمش حد بيه
ومش مطلوب منك تصقف ولا تقول بارك الله فيك في اقسام المعلمين
مطلوب مننك تحافظ علي وضع الاداره وماتنزلش بيها في مناقشات تقلل من هيبتها
رجل الاداره لازم يكون محنك اكتر من كده ويكون متزن في ردوده وغير متهور
ونقاشك اللي انت بتسميه نقاش غير مرغوب فيه لسبب بسيط
ان غالبيه الاعضاء مش عاوزين رايك000لانك مش منهم فعمرك مهتحس بيهم
متزعلش مني بس هي دي الحقيقه اللي حاولت كتير اجملها علشان تكسب ود الناس دي
جرب واعمل استطلاع كده في قي اي قسم للمعلمين في الموضوع ده
للاسف هتلاقي الغالبيه رافضينك
الحكايه مش محتاجه باس ورد
الحكايه محتاجه حب متبادل وانت بتخسر اكتر مابتكسب
كلامي قاسي شويه بس صدقني دي حقيقه وجرب بنفسك
مس رانيا حسن 10-02-2009, 03:25 PM ولا انا :)
وانا قولت مستقيل مدام الادارة هتكتملى بقى
ومش هتخلينى اعرف اعبر عن راى يبئا بلاش منها
وانا مستفزتش حد هو اللى ابتده من وطريقة كلامه معايا كلها
انى مش بفهم وان مينفعش ارد فى الموضوع
هو انا كان المطلوب منى ادخل اقول
معاك حق وموضوع اكثر من رائع وجزاك الله خيرا
انا دخلت اتناقش معاه هو معجبوش انى اناقشه والموضوع اتطور
وانا بقترح اقتراح خير
ياريت القسم ده يتعمل بالباص ورد هيكون افضل
ومدام مش اى حد يرد فيه
ووعلشان ارفع الحرج وعلشان محدش يقول هيقعد يومين ويرجع
انا هسجل بعضوية جديدة خالص لغاية ما يترفع الاشراف عن العضوية دى
علشان اعرف ادخل بيها تانى
شكرا لحسن تعاونكم
ومنجلكوش فى حاجة وحشة
ودمتم بود
شعار المرحلة القادمة
لا ارى لا اسمع لا اتكلم :)
وتمشى برضه عيش حمار تموت فى بيتكم (حمار - فنان )
سلام
ما زلت مصر على موقفك
ومازال اسلوب التريقه والسخرية موجود
وعلى فكرة هتخسر كل اللى حواليك لو استمريت على اسلوبك ده
عموما مشكور على اسلوبك الجميل
صوت الحق 10-02-2009, 03:58 PM وعلشان ارفع الحرج عن جميع الادارة انا مستقيل
والله العظيم مستقيل وما انا دخلها تانى
تم قبول الاستقالة وتم التنفيذ ويوصى بعدم التفكير فى ضمه الى الادارة مرة اخرى مهما كانت الاسباب
Travel 10-02-2009, 04:00 PM ايه يا جماعة
فى ايه
هى عين شريرة دخلت بينكوا
شكلها عين الموضوع اللى بتتكلموا فيه
. . . .
اهدى يا اسلام
مش كل ما تتضايق تقول ارفع اشرافى واستقالتى
او
اعمل عضوية جديدة لغايت ما يترفع الاشراف من دى
لو
كلنا لما بنتضايق هنعمل زيك يبقى محدش هياخد منها حاجة
بالعكس هنخسر كل حاجة
اهدوا يا مدرسين
كل واحد له اسلوب فى التعبير عن رايه
الموضوع خلص خلاص
وانتوا لسه بتفتحوه تان
وده مش معناه انكوا بقى تردوا على بعض بالاسلوب ده
وبعدين اعتقد ان الموضوع ده اتعمل وخلص خلاص
لو سمحت ينتهى الكلام شوية بقى
لا حول ولا قوة الا بالله
هو ايه الي بيحصل هنا :confused:
مش في فايدة ابدا
عمرنا ما هنتغير
انا مش هقول رايي
لاني تعبت من كتر الكلام والله
M.Sherif 10-02-2009, 04:27 PM لا حول ولا قوة الا بالله
هو ايه الي بيحصل هنا :confused:
مش في فايدة ابدا
عمرنا ما هنتغير
أختي العزيزة انا مش معاكي في الكلمتين دول
مافيش حاجة اسمها مافيش فايدة
و مافيش حاجة اسمها عمرنا ما هنتغير
و علي فكرة مافيش حاجة غريبة بتحصل
جو عادي جدا
موجود في البيوت و في العمل و في كل المنتديات عادي خالص
و هيستمر باستمرار اختلاف البشر و طبايعهم
عادي جدا
متهيألي الاستاذ عصام خد قرار
و شاف انه اصلح للمنتدي
و يمكن اسلام يبقا معانا عضو
هنستفيد من وجوده عضو اكتر
لان الادارة عايزة شوية صبر
و شوية حكمة
و شوية هدوء نفسي
و شوية اتزان
يمكن مش متوفرين في اسلام
ربنا يهدينا جميعا
بس عايز اقولك
ان التغيير بيأتي في لحظة
و سهل جدا
و سهل اوي اني لو غلطان اغير من نفسي
و مافيش حاجة في الدنيا مستحيلة
انا بحترم رايك طبعا يا استاذ شريف
بس حضرتك مش فهمت قصدي
ولو قعدت اتكلم واشرح بقى قصدي ايه
هنعمل موضوع جوا الموضوع
وانا صراحة تعبانة جدا
ولولا اني تعبانة كنت رديت وقلت كل حاجة
تقبل رايي المتواضع :)
صوت الحق 10-02-2009, 04:34 PM لا حول ولا قوة الا بالله
هو ايه الي بيحصل هنا :confused:
مش في فايدة ابدا
عمرنا ما هنتغير
انا مش هقول رايي
لاني تعبت من كتر الكلام والله
لماذا لا يوجد فائدة
تكلمى بك حرية ووضوح كلى اذان صاغية
وسوف احل اى مشكلة
الان باذت الله
أنتظر توضيح المشاكل الموجود
لحلها الان من الجميع.
Travel 10-02-2009, 05:04 PM و يمكن اسلام يبقا معانا عضو
هنستفيد من وجوده عضو اكتر
اهاا
طب والله كويس
انت معزوم فى قسم الكادر يا اسلام شوية :d
يعنى على كده معتقدش بقى انه لما يدخل فى القسم هتقولوا ان ردوده كنائب ادارة
لان الادارة عايزة شوية صبر
و شوية حكمة
و شوية هدوء نفسي
و شوية اتزان
يمكن مش متوفرين في اسلام
لا والله
:excl:
تقريبا ردوده وكلامه الادارة بتاخد بيها
لما هو استقال الدنيا قامت ومقعدتش غير لما هو رجع
كلام الادارين كلهم كان واضح حتى نائب الادارة
ان فترة غيابه من الادارة فرقت معاهم جامد
اللى اسمعه انه موجود فى الادارة بقاله سنتين:bosyht9:
انتوا لسه واخدين بالكوا من الكلام ده غير حالا^_^
ربنا يهدينا جميعا
اللهم امييين :)
بس عايز اقولك
ان التغيير بيأتي في لحظة
و سهل جدا
و سهل اوي اني لو غلطان اغير من نفسي
اعتقد ان حضرتك فى السابق عملت موضوع وهجمت فيه اسلام باللفظ ودخل قسم الكادر كله قعد يتريق عليه
وقعدته تقوله حرية رأى وتعبير
ومن حقنا ننقد
وكلامكم كان مهين
ولما هو حب يعبر عن رايه اعتبرته ده تعدى على خصوصيتكم
و مافيش حاجة في الدنيا مستحيلة
على راى حلمى
دايما الخير بينتصرb)
ليا تعليق على الي حصل ان شاء الله
وانا مع زينب في كل حاجة هي قالتها
صوت الحق 10-02-2009, 05:33 PM أين مشاكل المنتدى التى لافائدة من الكلام فيها
موضوع اسلام خلص نهائيا وهو معى على الاميل اكمله كل وقت وعند تنفيذ القرار كنت اكلمة على الاميل
وموافق على هذا القرار وهو فى صالحة الشخصى لكى يلتف الى مستقبله..
فلادعى للكلام فيه مرة اخرى
اين المشال الموجودة
M.Sherif 10-02-2009, 06:02 PM ردا علي الانسة ترافيل
انت معزوم فى قسم الكادر يا اسلام شوية :d
كادر ايه اللي بتتكلمي عنه؟
و ايه علاقته بالموضوع؟
احنا بندخل كل الاقسام مش قسم الكادر بس
و بعدين باين عليكي مش متابعة
انا الان مش مشرف قسم الكادر
بصي يا انسة ترافيل
انا مبحبش أدخل في مجادلات مالهاش لازمة
بس مضطر ارد علي كلامك
و انا عارف ان اسلام أمره يهم ناس كتير هنا في المنتدي
و علي فكرة مافيش مدرس بيكرهه
الموضوعات دي كلها يا اخت ترافيل اختلافات في وجهات النظر
و كل واحد حر
لكن في النهاية مابنكرهش حد
اسلام انا بحترمه
و مش بكرهه و الله بالعكس
و بيعجبني في مواقف كتير
لكن
عليه واجبات و مسئوليات مادام قبل انه يكون في المكان ده
مش معني الادارة أو النيابة عن الادارة
يعني ندخل نسخر من الناس
أي ناس
مش شرط المدرسين بالذات
وانتي عارفة كويس اسلوبه الساخر جدا
و نقده العنيف
و في موضوع الاخ عادل المشرف اللي اترفع عنه الاشراف لانه اخطأ في حقك
كلنا وقفنا جنبك
ورفضنا كلمته اللي مايصحش تتقال
و هاجمناه
لكن اسلام عمل موضوع قاسي جدا وانتي قرأتيه
كله سب و قذف ماينفعش يصدر من اداري ابدا
وانتي بنفسك كنتي بتلوميه في الموضوع علي طريقته
فاسلام بطبيعته عصبي
و مش عصبي عادي
و من زمان وهو سهل جدا يستفز حد بتوقيعاته
و ردوده
وكان عندي سؤال دايما بيلح عليا
هوا ليه اسلوبه كده؟
و ليه ادارة المنتدي موافقة علي كده؟
علشان كده هاجمته في بداية دخولي المنتدي بسبب التوقيع المستفز
و كلامه علي الاستاذة امال
و برغم كده اعتذرت له
علشان النفوس تهدا
لكن كرهه لاقسام المعلمين مسيطر عليه للاسف
المفروض يكون في تخصص
ناس من الادارة تختص باقسام المعلمين و تكون منهم
و حاسة بيهم و ناس تبقا من الاقسام التانية
و ده مش عيب
دخول اسلام كان دايما يصاحبه مشكلة
في الاقسام دي
و عايز اقولك حاجة مهمة
مستحيل حد هيدخل علي ناس بيوتهم و سيبهم و يسخر منهم
و منتظر ((بطيبة شديدة )) منهم الترحيب !!
لا والله
:excl:
تقريبا ردوده وكلامه الادارة بتاخد بيها
لما هو استقال الدنيا قامت ومقعدتش غير لما هو رجع
بصي عايز اقولك حاجة
الدنيا قامت و لا قعدت
الدنيا مش بتقف علي حد نهائي
ممكن تكون قامت و قعدت علشان في ناس بتحب اسلام و عايزينه يفضل في الادارة
و انا نفسي مش كاره ده والله العظيم
بالعكس
هوا من زمان في المنتدي
و مجهوده محدش ينكره
لكن كل وظيفة وليها صفاتها وخصائصها
الادارة عايزة دبلوماسية
عايزين نكسب اعضاء للمنتدي مش نخسر
و سؤال عايز اسألهولك و تجاوبي بصراحة
و تكوني صادقة مع نفسك
و ماتحاوليش تجاملي علشان اسلام ما يزعلش
هل اسلام دبلوماسي؟
هل لو هوا مدير الموقع كان الموقع نجح؟؟؟؟
هل العصبية بتاعتنا لاننا اداريين نظهرها للناس و الاعضاء و نستفزهم ونسخر منهم؟
ربنا يهدينا جميعا
امين
اعتقد ان حضرتك فى السابق عملت موضوع وهجمت فيه اسلام باللفظ
حصل
و كان يستاهل
و مافيش مجاملة في الحق
و مكانش ينفع اسكت
و ماينفعش يدخل واحد عليا بسلاح و لما امسك ايده واعضه
الناس كلها تلومني
انت بتعضه ليه؟؟؟؟؟؟؟؟؟؟
ده منطق؟؟؟؟؟؟؟؟
المنطق تسأليه هوا انت داخل بسلاحك علي الناس بيوتهم ليه؟
و رغم كده اعتذرتله في موضوع
لكنه اول ماشاف الموضوع مسحه فورا
علشان افضل في نظر الكل غلطان
و علشان ينفذ اللي في دماغه
ودخل قسم الكادر كله قعد يتريق عليه
محصلش الكلام ده
ياريت اثبات او دليل علي كلامك
وكلامكم كان مهين
اختي
لما تهيني حد لازم تنتظري منه رد فعل لاااااااااااااااااازم
على راى حلمى
دايما الخير بينتصر
مافيش فايدة في اسلوب السخرية
علي فكرة الموضوع مش موضوع خير و شر
قلنا مليون مرة
ده اختلاف في وجهات النظر
طبيعي بين كل البشر
مافيش خير محض او شر محض
و ياريت كلنا نتكلم بوضوح و نبطل بقا اسلوب التريقة
ماكنتش عايز افتح ملف قديم
لكن حضرتك اللي فتحتيه
فاضطريت ارد
و يارب تكوني فهمتي وجة نظري
..Just Stop 10-02-2009, 06:25 PM سلام عليكم
اولا اختلاف الراى لا يفسد للود قضية
ثانيا سعد باشا قال ( مفيش فايدة )
هو دا طبعنا مبيتغيرش
دايما واقفين لبعض على الواحدة
ما بنصدق حد يقول حاجة
اولا اسلام معروف بردوده اللى دايما فيها نقد
وان كان النقد عنيف شوية بس دى مش اول مرة وهى دى طريقة ردوده
وكلنا متعودين عليها وعارفينه مش بحب المجاملة ولا النفاق
مهو مش لازم يدخل الموضوع ويقول موضوع رائع موضوع جميل مقدرش اقول حاجة عنه
لا لازم كل واحد يبقاله راى
ولو حد شايف انه غلط يناقشه فى كلامه ويا تقنعه يا يقنعك
اسلام طول عمره كدا
وعمره ماد خل الموقع على اساسا انه مدير
لما كان عضو بردو كانت دى طريقته
انا عارف ان اسلام اول واحد مش عايز يبقا فى الادارة
يعنى هو موش فرحان بيها ولا حاجة
عموما
اللى حضراتكو شايفينه صح اعملوه
ولو عايزين محدش فينا يدخل الاقسام التعليمية احنا موافقين
وجزيتم خيرا
دمتم فى رعاية الله
مس رانيا حسن 10-02-2009, 06:35 PM واضح ان التريقة والسخرية
أصبحت عادة فى الردود
عموما جزيتم خيرا ايها الاخوة
فى أمان الله
سلام عليكم
اولا اختلاف الراى لا يفسد للود قضية
ثانيا سعد باشا قال ( مفيش فايدة )
هو دا طبعنا مبيتغيرش
دايما واقفين لبعض على الواحدة
ما بنصدق حد يقول حاجة
اولا اسلام معروف بردوده اللى دايما فيها نقد
وان كان النقد عنيف شوية بس دى مش اول مرة وهى دى طريقة ردوده
وكلنا متعودين عليها وعارفينه مش بحب المجاملة ولا النفاق
مهو مش لازم يدخل الموضوع ويقول موضوع رائع موضوع جميل مقدرش اقول حاجة عنه
لا لازم كل واحد يبقاله راى
ولو حد شايف انه غلط يناقشه فى كلامه ويا تقنعه يا يقنعك
اسلام طول عمره كدا
وعمره ماد خل الموقع على اساسا انه مدير
لما كان عضو بردو كانت دى طريقته
انا عارف ان اسلام اول واحد مش عايز يبقا فى الادارة
يعنى هو موش فرحان بيها ولا حاجة
عموما
اللى حضراتكو شايفينه صح اعملوه
ولو عايزين محدش فينا يدخل الاقسام التعليمية احنا موافقين
وجزيتم خيرا
دمتم فى رعاية الله
بصو يا جماعه
اسلام صاحبى و اخويا الكبير
و هوا عارف كده كويس و عارف انا بقدره ازاى
بس للاسف برده
مفيش حاجه اسمها اسلوبه عنيف فى النقد و كلنا عارفين كده و نرد
اولا انا عارف ان اسلام بجد
من الشخصيه اللى عمرها استغلت منصب ليها هنا
عشان تعمل اللى هيا عايزاه
عشان كده انا مش بكلمك يا اسلام كنائب مدير ولا عضو ولا الكلام ده
انا بكلم اسلام كشخص
عمر يا اسلام اسلوب التهكم او توضيح الراى بقوه عمره ما كان طريقة حل فى النقاش
ولا عمره ما خلى النقاش راقى
انت ممكن تحرج اللى ادامك و تجبره على احترامك و الاقتناع بوجهة نظرك
لو انت عايز تعمل كده و بكل عقل و هدوء
انا عن نفسى معرفش ايه الى حصل فى الموضوع و اللى سبب المشكله
بس انا بتكلم من واقع انى فى المنتدى تقريبا نفس المده اللى فيها اسلام
سنتين و نص تقريبا
يعنى يعتبر الى حد ما بقيت اعرف اسلوب اسلام فى النقاش
عشان كده قلت ادخل اقول الكلمتين دول
انا مش مع اى حد انه يقفل فم اى حد اطلااقااااااااااا
و انه يجبره على كلام مش عايز يقوله
بس انت ممكن تقول اللى انت عايزه بطريقه تجبر اللى ادامك على احترامك
على فكره انا يمكن معرفش حد من الاقسام التعليميه خالص
و اعرف اسلام
بس انا بقول اللى شايفه صح
ونا عارف يا اسلام انك هتفهم كلامى و مش هتزعل منه
ونا على استعداد للنقاش مع اى حد هنا ايا كان فى كلامى ده
مس رانيا حسن 10-02-2009, 06:55 PM للاسف فيه بعض الردود غير موضوعيه
وفيه ناس مقدرتش تقول رايها لسبب يعلمه الله
عموما الحمد لله تعودت ان اقول الحق مهما حدث
للاسف فيه بعض الردود غير موضوعيه
وفيه ناس مقدرتش تقول رايها لسبب يعلمه الله
عموما الحمد لله تعودت ان اقول الحق مهما حدث
يا استاذتى ميس رانيا
بجد اللى بيحب اسلام هيقول رأيه بصراحه على الاقل من باب النصيحه
انا ردى كان نصيحه من اخ اصغر لاخ اكبر بجد
لا عشان المنتدى
ولا عشان منصب اسلام
انا بجد نفسى اسلام مش يسيب الاداره
بس انا مش بتكلم عشان الاداره
انا بتكلم لاسلام الشخص بجد
و ياريت يا جماعه اللى يرد على الموضوع يرد بصراحه عشان بيحب اسلام
مش شرط يكون رأيى صح
بس اهم حاجه يكون اللى بيرد مقتنع بكلامه مش بيجامل
ونا زى ما قلت اللى عايز يناقشنى انا مستعد
مين الي مش قال الحق ؟؟
انا هقول الحق
وهقول الي عندي
بس حاليا بجد تعبانة ومش قادرة اكتب اي حاجة
مس رانيا حسن 10-02-2009, 07:18 PM جزاك الله خيرا يا ايمن
عموما الصراحة افضل شىء
اتمنى من الجميع ان يدرك تماما ان ما حدث
ليس لمجرد انى معلمة
انا على يقين لو انى امتهن اى مهنه اخرى
سيكون رد فعلى مماثل لهذا
فى امان الله
M.Sherif 10-02-2009, 07:31 PM استاذة رانيا
ليكي حق طبعا في فتح هذا الموضوع
و من حقنا كلنا ندافع عن المعلم اللي اساسا مش مستحمل
و طبيعي مهضوم حقه
سبحان الله
مع انها أكتر فئة المفروض يتم تكريمها في المجتمع
بالنسبة لاسلام
مافيش كلام بعد كلام الاستاذ عصام
هوا أدري بمصلحة المنتدي و مصلحة اسلام نفسه
و اسلام نفسه مكانش حريص علي المناصب و لا الادارة
و كان دايما مستعد يسيبها في اي وقت
و بايده و بنفسه غير منصبه في المنتدي من نائب ادارة لعضو
اذن الموضوع مش فارق معاه نهائي
يبقا مش صح انه يبقا في مكان موجود فيه مجاملة للناس علشان محدش يزعل
و هوا من جواه عايز يبقا عضو عادي
و فعلا كتير الواحد بيجيله الاحساس ده والله
وعلشان كده
اسلام مابقاش حريص في ردوده علي كونه من الادارة من عدمه
لانه اساسا مش حريص انه يبقا فيها ولا بيسعي ليها
يبقا الموضوع محلول يا جماعة
و قرار استاذ عصام جه لمصلحة اسلام نفسه
علشان يلتفت لما هو أهم
يبقا الموضوع انتهي
و ربنا يهدي نفوسنا جميعا
و يشرح صدورنا لكل خير
مس رانيا حسن 10-02-2009, 07:46 PM جزاك الله خيرا مستر شريف
لا فض فوك
فى امان الله
مسيو منتصر الجميلي 10-02-2009, 07:48 PM أخواني وأخواتي
أبدأكم بتحية الاسلام ( السلام عليكم ورحمة الله وبركاته )
كان حضرة النبي صلى الله عليه وسلم ( وهو زعيم الأمة الاسلامية وقائدها ) إذا أشار إلى أحد من صحابته لم يشر باصبعه وانما كان يشير بكفه كاملة صلى الله عليه وسلم احتراما لصحابته.
فالعلاقة بين الناس لايحكمها علاقة رئيس ومرؤوس ، انما هي علاقة الود والاحترام المتبادل ، وعلاقات الرئيس والمرؤوس إنما جعلت فقط لتنظيم العمل ، وليس لتستخدم خارج العمل.
وإن كنت يا أختي الكريمة ( أعني استاذة رانيا ) لا تقبلين اهانة اي معلم فنحن كذلك بل نزيد أننا لا نقبل اهانة أي عضو صغيرا كان أو كبيرا ، جديدا او قديما.
وإنني حتى الآن لم أشاهد الموضوع الذي تتحدثين عنه ، لكنني أتحدث بوجه عام، وعلاقة أخوتنا في المنتدى تجعلنا ننصر الظالم والمظلوم ( أليس هذا مبدؤنا الاسلامي " انصر أخاك ظالما أو مظلوما " ) ولننظر إلى اللفظ ( أخاك ) فهو سواء ظالم أو مظلوم فهو أخي وله على حق النصر بأن نأخذ له حقه ان كان مظلوما وأن نرده عن ظلمه ان كان ظالما. فليكن هذا هو رابطنا ومبدؤنا في هذا المنتدى الذي نشرف جميعا بانتسابنا اليه.
فلنهدأ لكي نبدأ ، نبدأ علاقة جديدة شعارها ( نحن أسرة واحدة يربطها الحب وتبادل الرأي للوصول إلى الأفضل ، نشاطر الحزين حزنه ونشارك السعيد سعادته )
وفقنا الله لما فيه الخير ولنتذكر حديث الرسول الكريم صلى الله عليه وسلم : " أنا زعيم بيت في ربض الجنة لمن ترك الجدال وإن كان محقا " صدق رسول الله صلى الله عليه وسلم
صوت الحق 10-02-2009, 07:54 PM كده حولنا الموضوع على شيء انتهى الى الابد وهو اسلام والادارة
اسلام لن يعود الى الادارة الا بعد خمس سنوات بالتمام والكمال لو كان لنا فى العمر بقية
وقريبا جدا سوف امنع اسلام العضو من دخول المنتدى نهائيا مع العلم انا طلبت هذا اكثر من مرة الى اسلام وهو موافق على اى قرار اتخذه ولعلم الجميع اسلام معى على الاميل اثناء شيلة من الادارة يعنى موافق وقلت له بالحرف الواحد غير مسموح لك الا بساعة واحده فقط على النت كله لازم يلتف الى مصلحته الشخصية ويكون نفسه
اسلام انا جلست معه اكثر من خمس مرات والوحيد الذى نام فى بيتى يعنى اعرفه معرفه شحصية جدا وكمان هنتقابل يوم الجمعه
كده موضوع اسلام انتهى ولا داعى للكلام فيه مرة اخرى...
نشوف هنعمل ايه
مس رانيا حسن 10-02-2009, 07:57 PM حلو الشعار ده يا اسلام وياريت تلتزم بيه وماتلزمش حد بيه
ومش مطلوب منك تصقف ولا تقول بارك الله فيك في اقسام المعلمين
مطلوب مننك تحافظ علي وضع الاداره وماتنزلش بيها في مناقشات تقلل من هيبتها
رجل الاداره لازم يكون محنك اكتر من كده ويكون متزن في ردوده وغير متهور
ونقاشك اللي انت بتسميه نقاش غير مرغوب فيه لسبب بسيط
ان غالبيه الاعضاء مش عاوزين رايك000لانك مش منهم فعمرك مهتحس بيهم
متزعلش مني بس هي دي الحقيقه اللي حاولت كتير اجملها علشان تكسب ود الناس دي
جرب واعمل استطلاع كده في قي اي قسم للمعلمين في الموضوع ده
للاسف هتلاقي الغالبيه رافضينك
الحكايه مش محتاجه باس ورد
الحكايه محتاجه حب متبادل وانت بتخسر اكتر مابتكسب
كلامي قاسي شويه بس صدقني دي حقيقه وجرب بنفسك
جزاك الله خيرا مسيو وليد
لا فض فوك
فى أمان الله
Mr.Ahmed Fadel 10-02-2009, 08:13 PM الواضح كده ان اخوانا المشرفين الغير تعلميين بيتكلموا بطريقة غريبة علينا
فى منهم ناس ( مش كلهم )
حسيت بسخرية فى كلامهم
بصوا ده موجود عندكم فى اقسامكم وانتم احرار
انتم اخترتم الطريقة دى ليكم وانتم احرار
لكن فى القسم التعليمى
الدنيا متغيرة
معندناش السخرية والطريقة دى
مش حتنفع هنا
لاحظ انك بتتكلم مع مدرس
مش واحد صاحبك او واحدة صاحبتك
ولو حنفتحها بالطريقة دى
حيبقى لجميع مدرسى المنتدى موقف موحد
طيب اقول رأيي كدا انا كمان بقى
انا مش هتكلم على حكاية اسلام والادارة
عشان استاذ عصام انهى النقطة دي خلاص
نيجي لنقطة بقى تانية
دلوقتي زي ما احنا حريصين على كرامة المعلم
لازم يكون عندنا حرص على كرامة اي انسان ليه كيان ووجود في المنتدى او مش في المنتدى
انا رايي
اني شايفة ان الاستاذ الي كان اسلام بيتناقش معاه
هو كمان لازم تآخدوا معاه موقف
لانه اولا
بغض النظر الموضوع عن مين او الي كان بيتكلم عنه غلطان او مش غلطان
انا شايفة ان مش ينفع اننا نتكلم على اي انسان كدا ونشتمه كدا
حتى الاستاذ الفاضل
رد على اسلام بالغلط
بدل ما ياخد حقه بهدوء
رد عليه باسلوب برده فيه اهانة لاسلام
ودا حص قدام الناس الي شافوا الموضوع وانا شفت الكلام دا
يعني جملة زي دي
quote]اقتباس:
المشاركة الأصلية كتبت بواسطة طارق ممدوح ذكي محمد
اعتذر واعتذر بشدة ولكن
لنفسي ... التي تركتها تخاطبك وترد على سخافاتك
اتهمني بما شئت واغلق موضعي كما شئت فانا وكلت لله الامر
وهو من سيدافع عني ... واشهد الله انني لم ولن اكذب او اقلل من شان كلام الله او كلام رسوله الكريم ولكن انت من رددت على كلام الله بحديث عن حصاد اللسان فهل كلام الله حصاد لسان ... استغفر الله العظيم واتوب اليه
شكرا لذوق حضرتك
بالمناسبة مدير المنتدى هو اللى قفل الموضوع مش انا
مرة تانية بشكر حضرتك على كلامك الجميل
والحمد لله كلامك ده خلنى مقتنع اكتر بوجهة نظرى
فائق احترامى :)
[/quote]
الجملة الي مكتوبة بأحمر دي
هل ينفع انه يقلل من شأنه كدا ؟؟
بتهيألي اكبر خطأ
انك تقابل الرد الغلط برد غلط زيه
لانك ممكن تقول كلمة تكون عليك :)
بس كدا
لو فيه حق وعدل فعلا
يبقى زي ما تم ابعاد اسلام
وزي ما قلت مش هتكلم في نقطة رجوعه
يبقى لازم تشوفوا رد الاستاذ برده
وبرده تآخدوا موقف وقرار معاه
بس كدا
هو دا الحق في وجهة نظري
ومش هتعجب مدرسين كتير انا عارفة :)
في رعاية الله
مس رانيا حسن 10-02-2009, 08:22 PM كده حولنا الموضوع على شيء انتهى الى الابد وهو اسلام والادارة
اسلام لن يعود الى الادارة الا بعد خمس سنوات بالتمام والكمال لو كان لنا فى العمر بقية
وقريبا جدا سوف امنع اسلام العضو من دخول المنتدى نهائيا مع العلم انا طلبت هذا اكثر من مرة الى اسلام وهو موافق على اى قرار اتخذه ولعلم الجميع اسلام معى على الاميل اثناء شيلة من الادارة يعنى موافق وقلت له بالحرف الواحد غير مسموح لك الا بساعة واحده فقط على النت كله لازم يلتف الى مصلحته الشخصية ويكون نفسه
اسلام انا جلست معه اكثر من خمس مرات والوحيد الذى نام فى بيتى يعنى اعرفه معرفه شحصية جدا وكمان هنتقابل يوم الجمعه
كده موضوع اسلام انتهى ولا داعى للكلام فيه مرة اخرى...
نشوف هنعمل ايه
جزاك الله خيرا ابى العزيز
وجود حضرتك يجعلنى استمر فى المنتدى
ونفسى مطمئنه
أعزك الله وبارك لك
فى أمان الله
صوت الحق 10-02-2009, 08:38 PM أولا لايوجد فى موضوع الكرامة فرق بين العضو والمدرس والادارة الكل سواء فى هذا الموضوع.
العضو له الحرية المطلقة فى التعبير عن رائية
المشرف مقيد بجزء من القيود لانه رده ممكن يحمل على المحمل السيء
الادارة يجب ان يكون ردها واضح فى اى موضوع ولا يحتمل اتجاهين وعلى الادارة عدم الدخول فى حوارت لانه سوف يأخذ رائها بانها السلطة والكل لازم يسمع كلامها ويجب على طقم الادارة من الاداريين ونائب الادارة والمدير عدم الدخول فى مناقشات مهما كانت ..
أمر على الموضوع عجبنى فكرة الموضوع ارد لم اعحب به لا ارد نهائيا واترك الاعضاء ترد على بعض بعيدا عن الادارة
ممكن سؤال هل لا يوجد مواضيع كثير خارجة عن اداب الحوار او فكرة الموضوع اصلا لاتفيد من يقرائها او اسم الموضوع اصلا غير مفيد ولائق اكيد يوجد ولا نرد ولا نتدخل بين الاعضاء
ده من وجهه نظرى
المفروض فى مثل هذا الموضوع كنا عملنا موضوع هنا وتحاورنا وقررنا ماذا نتخذ فى هذا الموضوع لا نرد على العام..
هل لم اقراء الموضوع اول ما نزل وتابعت بعض الردود حتى رد الاستاذ احمد محمد كمال الدين الذى اختلف معه وعندها تركت الموضوع نهائيا..
ارجوا من الجميع جعل القسم التعليمى له خصوصية تامة لانه يمس مجموعة كبيرة من الطلبة والمدرسين واريد تهيئة الجو للجميع لكى نتفرغ الى ما نحن مقدمون عليه
واتمنى ان ينتهى هذا الموضوع الى هذا الحد
Mr.Ahmed Fadel 10-02-2009, 08:45 PM استأذنك ياريت تغلق الموضوع استاذ عصام
|