كيف تعرف المصري؟


:المصري هو اللّي...............................

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجي بعد معاده بساعتين ويفتكر إن ده عادي

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلا تين ولسه عايش مع أمه وأبوه وماعندهومش مشكلة

- بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة في العيد

- بيشيل طابع البريد من على الظرف لو الختم ماكانش عليه


- بيفتكر إن أي حد بيشتغل في الخليج بيغرف فلوس من غير حساب


- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع الحساب بحرارة شديدة على إنه هو اللي لازم يدفع


- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا


- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه .......




" YESSO 2009 "






:av4056bb7jp3:منقول:av4056bb7jp3:

هههههههههههههههههههههههههههههههههههههههههههههههههه هههههههههههه

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

ههههههههههههههههههههههههههههه

حرام عليك ده انت شردت المصريين و بالذان عملية المربى وورق الهدايا دية جت مظبوطة عليا

بس موضوع دمه خفيف جدا و بيوصف المصريين بجد وياريت تعمل منه اجزاء لان المصرى لسه صفاته ماخلصتش (متلصلص فضولى ووووو)

شكرا مرة تانية على الموضوع

هههههههههههههههههههههههههههه
انت بهدلت المصريين بس الحاجات اللى انت قلتها خلاص بقت موضه اديمه محدش ميعملها الا حاجه واحده

والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه .......

دى بقه عندك حق فيها اوى
تحياتى لك على الموضوع الجميل

فعلا واللهي كل الصفات دي منطبقة علينا كمصريين
لذلك انا شايف ان وظيفة مفتي الجمورية دي مالهاش اي لازمة
مالشعب بقي كله مفتين والحمد لله

هههههههههههههههههههههههههههههههههههههه
حقا اضحكتنا
ولكن مش كل الناس كده بس اقيدك في حكاية الفصال اثناء الشراء
ولك جزيل الشكر

هههههههههههههههههههههههههههههههههههههههههههه

تسلم ايديك مكنتش نفسى اضحك ههههههههههههههههههه


مبعملش ولا واحدة ............:)...:lol:


اقولك بقى حاجة عايز تعذب اى بنت مصرية تعمل اية

قطع الفلوس قدامها
وانت حاتشوف حيحصل ايه :d

هتجرى وراك يا معلم :d:d هتضربك من وراك يعنى ........


ودى من علامات المصريين :)


لو كانت سودانية بقى شد شعرها بقوة .. شد شعرها وانت مطنش
ودور مشط مش فرشة .. وبعدين حاول تكون المسافات فيه صغيره ههههههههههههه:d هتعمل احلى شغل

ههههههههههههههه .. بجد موضوع جااااامد جدا .. الف شكر لحضرتك و ارجو تقبل مروري :) :) .. !!

- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

هههههههههههههههههههههه

انا واحد منهم !

اما ابقي داخل كافيه ببقي عامل حسابي ان يبقي معايا فكة خمسات وعشرات

عشان الشيك اما بييجي بيبقي مثلا 42 / 39 / 31.5 ..

فا يوم مابقي ادفع تبيس ابقي ادفع حاجات خفيفة ..

ييجي بعد معاده بساعتين ويفتكر إن ده عادي

في دي بقي انا مش مصري خالص .. انا انتمي الي الانجليز في الحكاية دي

لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

بتحصل معايا اما بتكلم في الموبايل بس في حالتين :

اما ابقي بتكلم في وسط زحمة .. او اما ابقي بتخانق معا حد

شكرا على الرد جزيل الشكر

مش حقدر اناقش حضرتك لان انا مصرى ومعظم الصفات دى عندى

هو موضوع رائع و بيناقش سلبيات ندعو الله ان تزول من مجتمعنا المصرى

بارك الله فيك