فتاة الاسلام
17-07-2006, 02:08 PM
.....................
|
مشاهدة النسخة كاملة : ارحمونى وارحموها فتاة الاسلام 17-07-2006, 02:08 PM ..................... فتاة الاسلام 17-07-2006, 03:01 PM ........................ basmala 17-07-2006, 03:45 PM ممكن تعيد السنه ... لكن مجموع الهندسه يقل دى صعبه شويه ...وان هى كمان تطلع من 80%الى 90% فى سنه واحد صعبه وممكن حل اسهل ان هى لو حاسه ان هى مظلومه فى ماده معينه تعيد تصحيح الورقه من جديد حسب قرار الوزير فتاة الاسلام 17-07-2006, 05:08 PM ..................................... مهرة 17-07-2006, 05:49 PM السلام عليكم انا لا انصحها باعادة السنة وترضى بقضاء الله وممكن ربنا يوفقها فى اى كليه تانية وتكون افضل من هندسة اسماءفريد 17-07-2006, 08:53 PM لو هيا هتقدر تعيد السنه وهتكون متقبله الموقف اوكي بس احنا مش ضامنين ظروف السنه الجايه الله اعلم وربنا معاها basmala 17-07-2006, 08:57 PM فتاه الاسلام ردى على سؤال الاستاذ عبقرينو مان فى موضوع (انقذونى وانقذوها ) التانى هند ابراهيم 17-07-2006, 09:35 PM انا بصراحة شايفه ان هى متعيدش السنه وخلاص اللى حصل حصل وانتوا تحاولوا تهدوها لكن متضيعش سنة من عمرها يعنى كده حرام ومتهيقلى انها لو عادت السنة هتبقى عادى مش منازل FRANKENSTEIN 17-07-2006, 11:58 PM هي لو معاها فلوس تخش هندسة خاصة ولو عاوزة تضيع سنتين من حياتها ممكن تعيد الثانوية تاني او ترضي بالامر الواقع محمد البري 18-07-2006, 12:07 AM والله العظيم انا رأيي ولا تعيد ولا تزيد شوفي بس اولا هيه لو عندها ارادة وموتت نفسها استحالة لو جابت 100% وبالمستوى الرفيع تطول هندسة لكن انا ارى حاجا واحدة ربنا قبل ما يخلق الكون مقدر لكل واحد حاجا ومقدره الاحسن ممكن تعيد سنة اتنين تلاته متجبش 50% ترضى بحكم ربنا وتصبر عليه وبس طيب ايه وجه الاستفادة لو جابت 99 % اقولك 100 وحرمها ربنا لا قدر الله من نعمه الابصار فقدت حياتها ايه الفائدة وبجد لو عادت تبأى موش مؤمنة بقضاء ربنا وانها معترضة عليه والله اعلم basmala 18-07-2006, 12:10 AM صح ...وكل شىء قضاء وقدر بس حولى تهديها الاول msamido 18-07-2006, 12:32 AM بصي يا فتاة الاسلام وعسي ان تكرهوا شيئا وهو خير لكم ولعل الله قدر لها ما هو افضل من هندسه فلترضي بقضاء الله وتسعي في العام المقبل ولعل القادم خيرا بإذن الله ayooosh 18-07-2006, 12:41 PM السلام عليكم الافضل ليها متعدش السنة وترضى بالقضاء و القدر نغم البحر 18-07-2006, 01:17 PM شوفى يا فتاة الاسلام ردود زملائنا كلها نصحت انها متعدش السنة انا بقى هحكيلك حكايتى عشان تعرفى اد ايه ربنا بيقدر الخير للانسان انا لما كنت فى 2 ثانوى كنت ادبى اصلا لانى بحب المواد الادبية وحلم حياتى ادخل كلية الفنون الجميلة والحمد لله انا مستوايا الدراسة كويس وشاطرة لكن شاء القدر ان امتحان الرياضيات جا صعب وانا مكنتش بحب الرياضيات والكارثة الاكبر انى كنت ممتازة فى اللغة الفرنسية والامتحان طريقته اتغيرت فى السنة دى المهم برضو ما توفقتش وجبت فيه درجة مش عدلة وكان مجموعى فى 2 ثانوى كله 70% طبعا كانت صدمة ليا زعلت يومين وفضلت اعيط ع الكلية اللى طارت من ايدى الا انى قلت لازم اكون اقوى من كده وما استسلمش واعوض مجموعى بالفعل فى سنة 3 جبت 97 % تخيلى مجموعى كلو بقى 83,5% استنيت التنسيق لقيت فنون جميلة اسكندرية عندى اخدت حد ادنى 87,5% قلت طيب اشوف تنسيق المحافظات التانية انا كنت ادبى يعنى ليا فنون جميلة اقسام الفنون فقط مش العمارة شفت تنسيق المنيا لقيتها اعلى من مجموعى بنص درجة وادى صدمة كمان وفى النهاية كان تنسيق الاقصر اللى اخد اقل منى ب10 درجات قلت حلو اسافر سنة واحاول اجيب تقدير وارجع امى رفضت وقالت لى لازم تدخلى كلية هنا مش فى مدينة تانية قلت اختار ايه انا مش عايزة ادخل تجارة ولا تربية اساسى ولا حقوق مافيش غير اداب هى المناسبة وبالفعل دخلت كلية الاداب وانا قرفانة طبعا انا ادبى وانتظام فى الكلية دخلت قسم اللغات الشرقية فضلت اسبوعين عمالة ادرس فى العبرى والتركى والفارسى والنحو اتخنقت بصراحة قلت احول قسم اجتماع اهو سهل كنت احبطت خلاص كلو قاللى لا ادخلى قسم شيك ومحترم طب ايه الاقسام الشيك والعالية فى الكلية قالو انجليش واثار وفرنساوى دخلت اثار القسم صعب جدا لغات يونانى ولاتينى وانجليزى ومواد اثرية وتاريخ بس حجات بحبها وبرضو فضل الاحباط راكبنى وتعرضت لازمة اثناء امتحانات الترم ولخبطت فى مادة قلت لازم احول الاقصر فنون جميلة وعملت ثورة فى بيتنا لحد ما امى وافقت وفعلا روحت ادارة الجامعة قالوا لى لازم تستنى لبعد شهر اغسطس بعد اعتماد النتيجة قت ماشى استنى وانقطعت عن الحضور فى الكلية وودعت صحابى وبعد يومين نتيجة الترم ظهرت ونجحت الحمد لله والمادة اللى عكيت فيها لقيت تقديرى فيها ضعيف يعنى هنجح لو شديت حيلى الترم التانى وباقى تقديرات المواد ماشاء الله امتياز فى مادتين وجيد جدا فى مادة ومادتين جيد فرحت وقلت هدخل امتحان الترم التانى وفعلا دخلت وحليت كويس الحمد لله وادينى بستنى النتيجة ورضيت بنصيبى وعرفت ان ربنا فعلا بيختار لكل انسان الافضل والخير قولى لصحبتك تفكر فى مهندسين كتير اوى عملوا ايه فى الاخر ؟؟؟ قوليلها ممكن تحولى ادبى وتشدى حيلك وتجيبى مجموع تدخلى تربية او اداب انا ليا صحابى كتير حولوا ادبى ورفعوا مجموعهم ودخلوا كليات كويسة وممكن تدخلى تجارة لو بتحبى الرياضة اما بقى لو كارهة المواد الادبية اوى فخليكى علمى مع ان ده هيكون شاق عليكى جدا لان المواد فى سنة 3 بالنسبة للعلمى اصعب من 2 هتلاقى نفسك فى الاخر دخلتى زراعة او كلية ادبية وبقيتى انتساب بصى انصحك تصلى استخارة وان شاءالله ربنا يقدر لك الخير يا اختى العزيزة. اسلام رشوان 18-07-2006, 01:57 PM بصي موضوع اعادة السنة ده اتلغي من زمان من بعد التحسين طالما هيا دخلت كل المواد مرة يبقي خلاص ده علي حسب معلوماتي بس خليها تتوكل علي الله و تكمل رياضة وتحاول تزيد و تدخل اكاديمية خاصة و تاخد زيكو بكارليوس هندسة بس يكون معترف بيها |