صورة صورة صورة ..كلنا كدا عايزين صورة ..صورة للعضو الموقوف... تحت الراية المنصورة [الأرشيف]

اوركيديا

14-02-2009, 01:01 AM

ازيكوا يا جماعه
الحمد لله يعنى
كويس كويس
ندخل فى الموضوع

كنت زهقانه كده شويه فتحت التلفزيون على القناه السابعه او اللى انا بسميها الساقعه:d
لقيت على حظى الجميل نشره الاخبار

و المذيع بيتكلم بخطوره :d:d
احم احم

تم بحمد الله بقرار علوى اشرفى وقف كلا من
احمد رضا
ترافيل
بنت الاسلام
اسيل رزق
ميراج
و سوبر هيرو
:d
شويه عضويات تانيه كده على الماشى سيزيف و نجحنا
حاجات كده على قد ما قسم
:d
و ذلك بسبب كثره كلامهم الذى لا طائل منه و لا داعى
و تقليبهم للراى العام ضد ولى نعمتهم السيد اشرف السيد
و عدم اعترافهم بافضال السيد اشرف عليهم
و ايضا _ و هى لو اردت رايي لبجاحه و وقاحه _ اعترضوا على بعض تصرفاته
و مما زاد الطين بله و جعل الوقف النهائى هو العقاب الرادع لهم انهم اعترضوا على طريقه تسييره لسفينه المنتدى المباركه

و هذا كان نص القرار الصادر من البيت الابيض .... احم احم .... قصدى من اشرف السيد
و عندما اخذنا كلمه منهم
كانت كلمتهم كالتالى

نبدا بكلمه ترافيل
لا يهمنى من اين ياتى الحق ولكن يهمنى (الا) ياتى الحق . . ترفيل . . محافظة القاهرة . . للاستفسار 01000000000000000000
احب اسمع اغنية صورة صورةاها و يا ريت تغيروا لون الوقف للموف حيبقى اشيك :d

اسيل رزق
بسم الله الرحمن الرحيم أحب أشكر اللى اسمه عبقر على الوقف و صدقنى كما تدين تدان و ليك يوم يا ظالم و
احب اسمع اغنية صورة صورة
كلمه احمد رضا
تلبيه لرغبه الجماهير:d
صورةصورةصورة
كلنا كدا عايزين صورة
صورة للعضو الموقوف
تحت الراية المنصورة

كلمه بنت الاسلام
اولا انا مش هبله و لا عيله
ثانيا انا لو كنت عايزه اعمل التوبيك عشان الرسايل كنت عملته من سيعتها ... و انا محدش يعرف يعاكسنى
بس سبب التوبيك الرئيسى كلام سمعته من واحده عزيزه عليا :)

مش عارفه و بعديها غنوا

فريق الموقوفيييييييييين
ما - و - قو - فين
ما - و - قو - فين
:d

بس و على كده النور قطع و الحمد لله:d

اللى طلعت انا بيه بقى انه اقول لهم
:av4056bb7jp3:مبروووووووووووووووووووووووووووووووك: av4056bb7jp3:
:av4056bb7jp3:الوقف النهائى ليكم:av4056bb7jp3:
عقبالى يا رب
:rolleyes:

فى رعايه الله

nothing

14-02-2009, 01:42 AM

انا مش عارفه هو اصلا عايز ايه
هو عايز يبقا فى المنتدى لوحده يقزقز لب ولا ايه النظام
مش معقول يوقف اعضاء مؤثرين بجد فى المنتدى
وكل شويه لعب عيال لعب عيال
العيال دول هما اللى شاليين المنتدى وانت وجودك زى عدمه
انت اصلا فى حد ذات انك وقفتهم يبقا مش عايزهم يتكلموا
بصراحه فضايحك ريحتها طلعت اوى وانت لو مش اتشلت انا هاسيب المنتدى علشان بقا مش يناسبنى ولا يناسب اخلاقى
لك يوم يا ظالم حسبى الله ونعم الوكيل

M.Sherif

14-02-2009, 01:48 AM

dream2

14-02-2009, 01:54 AM

لااله الا الله

فى ايه يا جماعه

ده مش اسلوب تفاهم ولا كلام

كلكم بتهاجموا صاحب الموقع

بدون اى دلائل

ولا اسلوب كويس

مع ان معظمكم له مواضيع مهمه

واسلوبها راقى

من له حق ياخده بالحسنى

والتفاهم

والاسلوب الحسن

الموقع تعليمى ويفيد الكثير

ويوجد اعضاء صغار

عييييييييييييييييييييييييييييب

قوى البيحصل منكم ده

نحن هنا

14-02-2009, 02:00 AM

ههههههههه
هو حضرتك مش استاذ شريف بتاع الكادر
اللي كان بيرمي كلام علي إسلام ؟
سبحان مغير الاحوال من الولايات المتحده للصومال

بس إحقاقا للحق يا ولاء
انا مش موافق علي اللي حصل في الموضوع الأخير
بالرغم من ان اسلام كان علي اخره منه
بس بردو غلطان
ودي لا شك تستاهل الأسف لاستاذ أشرف
اما عن الباقي
فأنا شايف ان كله فيه الحق
حتي لو مفيش أدله كافيه
ومش كافيه عشان حاجة
لاء مش كافيه عشان احنا مش عايزين اسماء تذكر في الموضوع
ألا قولي يااستاذ شريف
لو هو كان عمل كدا مع اخت حضرتك مثلا وحاول يلعب بيها
كنت هتجتنبه صح ؟
اسألك التريث اللي احنا مش عارفين نوصله
عشان اعصاب الكل مش تمام
:)
وبالرغم من اني مشاركتش في الموضوعات الأخيرة
إلا اني غير موافق عليها
:)

themoondream

14-02-2009, 02:11 AM

هو انا شكلي وحش وانا داخلة مش عارفة مين م الادارة تقصدوه
بس على فكرة اكيد في حاجة مش مضبوطة لأن الاعضاء دول مؤثرين جدا جدا جدا
ومواضعهم بجد جامده وجميلة (يعني خسارة يتوقفوا)
وبعدين يا جماعة كل شوية حد يتوقف (اكيد مش كلهم وحشين كده)
انا خايفة المنتدى يصفصف على الادارة والمشرفين والمدرسين والطلبة هيعتزلوا(وانا اولهم)
ويلا انا بحب الاغنية ديه اووووووووووووووووووووي
صورة صورة صورة كلنا كده عايزين صوووووووووووووة

أستاذة غادة

14-02-2009, 02:11 AM

بسم الله الرحمن الرحيم

ادفع بالتى هى احسن فاذا الذى بينك وبينه عداوة كانه ولى حميم

صدق الله العظيم

M.Sherif

14-02-2009, 02:23 AM

ههههههههه

هو حضرتك مش استاذ شريف بتاع الكادر
اللي كان بيرمي كلام علي إسلام ؟
سبحان مغير الاحوال من الولايات المتحده للصومال

ألا قولي يااستاذ شريف
لو هو كان عمل كدا مع اخت حضرتك مثلا وحاول يلعب بيها
كنت هتجتنبه صح ؟

ايوة انا بتاع الكادر يا باشا
انت مين بقا؟؟؟؟؟؟؟؟؟؟

المهم
انا عمري مابرمي كلام علي حد يا محترم
انا بجيبها خبط لزق في وشه
و بأدب
مش بقل ادبي
و مش بعمل موضوعات مليون موضوع بدون دليل
ومافيش امريكا ولا صومال
انا عمري ماتغيرت
انا بس بكره الحال المايل
اما بالنسبة لسؤالك التاني
انا معرفش اساسا في ايه بينكو و بين بعض
و كل الكلام اللي اتقال مافيش عليه دليل
ممكن يكون ليكوا حق
بس ساعات واحد يكون ليه مليون حق و يضيعه بتهوره و سوء تصرفه
هرد علي سؤال لما الكل يعرف بالظبط ايه اللي حصل و ايه اللي بيحصل
و ايه الشلة دي اللي عاملة موضوعات شتيمة
يا حبيبي مش هوا ده والله الاسلوب الصح
اهدوا شوية وصلوا علي النبي
خدوا حقكوا بالعقل و بالذكاء

اوركيديا

14-02-2009, 02:25 AM

أغرب حاجة في التاريخ
انكم كلكم كارهين شخص معين
و بتتمحكوا فيه و في المنتدي اللي هوا مدير فيه
ياجماعة شيل دا من ده يرتاح ده عن ده
مااللي كاره مكان معين ببساطة كده يبعد عنه و يريح نفسه
ولا انتو غاويين تعب اعصاب؟
و لا هتقعدوا تغنوا وتردوا علي بعض
و مش هنخلص بقا من الليلة دي
انتو عاملين مسابقة في اللي يتوقف اسرع م التاني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احم احم
نتمحك
افهم الكلمه دى لو سمحت
هو احنا عشان دخلنا المنتدى فى الثانوى
حبينا الناس اللى فيه و اتعودنا عليهم
عشان كان فيه احترام
دلوقتى حاسه ان راح الاحترام خلاص
و حضرتك تعرف بدا الكلام ده منين

من سيعه كلمه
اللى مش عاجبه يسجل خروج و بالسلامه
و اهو الاول كنا بنقول مش حنتفق على المشى
خلاص
اهو اشرف خلانا نتفق على الوقف

حضرتك لو مش تعرف اللى اتوقفوا
دى مشكلتك
بس ياريت مش نتكلم بدون علم
:)
و لو على الوقف لو حضرتك مش تعرف
بس الاسود شيك جدااا
:romarioxp6:
فى رعايه الله

اوركيديا

14-02-2009, 02:33 AM

لااله الا الله
محمد رسول الله
فى ايه يا جماعه

ده مش اسلوب تفاهم ولا كلام

كلكم بتهاجموا صاحب الموقع

بدون اى دلائل

ولا اسلوب كويس

مع ان معظمكم له مواضيع مهمه

واسلوبها راقى

من له حق ياخده بالحسنى

والتفاهم

والاسلوب الحسن

الموقع تعليمى ويفيد الكثير

ويوجد اعضاء صغار

عييييييييييييييييييييييييييييب

قوى البيحصل منكم ده

لو حضرتك تعرف
احنا بقالنا كتيييييييييير نتكلم بالعقل
و بهدوء
بس نقول ايه
مش حصل حاجه
و كله مش نفع
:)
انا مع حضرتك ان اسلوب المواضيع اللى مش شويه مش كانت صح
اسلوبها غلط
بس سؤال
ايه الحل
اتكلمنا كتير
و بعدين
نو ثنج
:)
كله حذف و و اهانات كله على كله و اهى فى الاخر وقف لكل دول
:romarioxp6:
يلا نقول ايه بس
لو حضرتك متابع الموضوع من الاول حتعرف انه فعلا مش يتسكت عليه
:)
فى رعايه الله

M.Sherif

14-02-2009, 02:36 AM

خدوا موقف واحد يا جماعة لو مش عاجبكوا المكان غيروه
لو حبينه وعايزين تستمروا يبقا نحل مشاكلنا بالعقل مهما كان خطأ اشرف
ده اللي انا افهمه
لكن حالة الحيادية اللي مالهاش معني و اللون الرمادي مش بيجيب نتيجة يا شباب والله العظيم

نحن هنا

14-02-2009, 02:37 AM

ههههههههههه
كويس نبدأ مناقشه
أولا مش هتفرق كتير تعرف انا مين
لاني شخص مغمور هنا ف المنتدي
يعني بقالي حوالي تلت سنين واسمي احمد رضا ومحدش يعرفني

ثانيا

المهم
انا عمري مابرمي كلام علي حد يا محترم
انا بجيبها خبط لزق في وشه
و بأدب

لاء يااستاذي انا كنت في الموضوع يوميها
وانت كنت حاطط كلام منمق عن مش عارف ايه كدا
وبتستخدم اسلوب التورية في الكلام
يعني ولا خبط ولا لزق ولا قص حتي
مكتوب في بطاقتي مصري علي فكرة
:)

ثالثا : العقل اللي حضرتك بتتكلم عليه ده لو كان الموقف ده حصل معاك مكنتش هتلاقيه بالتأكيد ونتكلم بواقعيه :)
رابعا : زي ما قولت لحضرتك مش مطلوب مني اني انزل دلائل يجي فيها اسم بنت كل غلطتها انها انخدعت - وانا ضدها طبعا -
بس بردو زي اختنا
خامسا ً : حضرتك مش عاجبك المواضيع اللي بتنزل مكلف نفس حضرتك وبتقراها ليه ؟ المنتدي التعليمي محتاج حضرتك اكتر

ملحوظة : كنت بتفرج علي ألبوم الذكريات لقيت صورة مش ظاهره ممكن حضرتك تبقي ترفعها تاني وتحطها في قسم ( الكادر ) اللي هو لمناقشه المسائل التعليميه ممكن ؟
:)

شكرا للمناقشه الهاديه والجميلة
:)

حاجة اخيرة

اعتذرت لأستاذ أشرف في ردي السابق
لا داعي لذكر النقطه دي كتير
لان طبعا اللي حصل ده كانت غلطه وانا أعترف بيها
فمش حضرتك هتيجي في كل رد وتقولي مهو غلط اللي بتعملوه
:)

for_me

14-02-2009, 02:43 AM

أغرب حاجة في التاريخ
انكم كلكم كارهين شخص معين
و بتتمحكوا فيه و في المنتدي اللي هوا مدير فيه
ياجماعة شيل دا من ده يرتاح ده عن ده
مااللي كاره مكان معين ببساطة كده يبعد عنه و يريح نفسه
ولا انتو غاويين تعب اعصاب؟
و لا هتقعدوا تغنوا وتردوا علي بعض
و مش هنخلص بقا من الليلة دي
انتو عاملين مسابقة في اللي يتوقف اسرع م التاني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بنتمحك؟؟؟!!!!

والنبي بس بلاش تقول كلام حضرتك مش اده.....

وكمان حاجه اللي ميخصوش ميلزموش ...

يعني حضرتك ماعليك الا تدخل تراقب علي اقسامك .....

يعني بلاش ترد علي مواضيع عيال صغيره زي مابتقولو....

وبعدين احنا اه بنحب الغنا..... عيال بقي تقول ايه

وبعدين احنا صعايده...وسلو بلدنا بيقول....اللي محموق لحد معين الناس شايفه منه العيب...يبقي يااما بيعزه اوي وصديق عمره.....يااما لمؤاخذه يعني ماسك عليه ذله....لسمح الله يعني

وانت اعتقد اكبر من كدا يعني يااستاذ "شرشر" سابقا.....

اما بقي حكايه السباق دي علي اللي يتوقف الأول....فحاجه بردو متخصش حضرتك.... احنا اه عاملين سباق علي اللي يتوقف في خلال دقيقتين بيكسب مصاصه..... مش قولتلك احنا عيال

مع سلامه الله يامشرف الكادر المطيع للأوامر:av4056bb7jp3:

=Attia=

14-02-2009, 02:44 AM

أشهد أن لا اله الا الله
و أشهد أن محمدًا رسول الله

اوركيديا

14-02-2009, 02:44 AM

بسم الله الرحمن الرحيم

ادفع بالتى هى احسن فاذا الذى بينك وبينه عداوة كانه ولى حميم

صدق الله العظيم
قال رسول الله صلى الله عليه و سلم
من راى منكم منكرا فليغيره بيده فإن لم يستطه فبلسانه فإن لم يستطع فبقلبه و هذا اضعف الايمان
:)
========
انا مستمتعه جداااا بالمناقشه الجميله اللى بين احمد و مسيو شريف
:romarioxp6:

M.Sherif

14-02-2009, 02:45 AM

نحن هنا

14-02-2009, 02:49 AM

يا for_me
أيا كنت
ارجوك الهدوء استاذ شريف معذور ومش عارف حاجة
وهو مش قادر يصدق بدون دليل
والدليل مرتبط باسم بنت
فاعذره بردو
:)

نحن هنا

14-02-2009, 02:54 AM

بشبه عليك وعلي طريقة كلامك والله يا (( نحن هنا ))
بس عايز اقولك حاجة
انا مش داخل اتخانق والله
و لا عمري هسمح لنفسي بكده
انا صعبان عليا الوضع
و سامع بقالي مده عن المشاكل مع اشرف دي
وناس كتير سامعة
لكن محدش فاهم حاجة منهم
يبقي انتو اللي مقصرين في حقكوا و تاخدوا حقكو بالعقل
بس هوا ده اللي انا عايز اقوله
و علي فكر يا حبي
قسم الكادر فيه كثافة عالية جدا
و ده بيفيد المشرفين في انهم يعملوا موضوعات اعلانية تجذب العدد ده كله علشان يدخلوا الاقسام التعليمية
و يشوفوا الاجتماعات دي
و يتحمسوا للافكار
يعني م الاخر
احنا في فترة تسويق للاقسام التعليمية
نفسي تفهموا بقا النقطة دي
و حاضر
همشي اهو يا عم
مخنوق مني اوي كده؟

حبي ؟
حضرتك بتحب الناس بسرعه اوي
:)
مش قولتلك مش هتعرفني
أصلي مش بشارك يعني تقريبا كانت مشاركاتي أربعه آلاف وشوية باين لكن مش في القسم التعليمي طبعا
لان التعليمي له ناسه وموضوعاته
:)
بس مجاوبتنيش بردو ممكن ترفع الصورة في ألبوم الذكريات تاني ؟
وهلاقيها في قسم الكادر بردو ولا فين ؟
ومجاوبتنيش بردو علي انك كنت عامل موضوع توريه وسبق واتناقشنا
جل من لا يسهو
:)

شكرا علي المناقشه الجميله
واتمني ان حضرتك تتفهم الوضع قبل إطلاق الأحكام
وكلمه بنتمحك مش حلوة علي فكرة
:)

نحن هنا

14-02-2009, 02:55 AM

سوبر هيرو بعد إذن حضرتك ياباشا مش عايزين أهانه لحد
ده التماس من اخوك
:)
واتمني ياجماعه ان مادام بنتناقش بهدوء الموضوع يستمر بهدوء عشان نقدر نكمل ونشوف حل

ريم البنا

14-02-2009, 03:00 AM

لالالالالالالالالالالالالالالالالالا
بصوا بقي انا عايزه اعرف سبب مقنع للموضوع ده
وبعدين خساره الموقوفين دول ليهم شغل جامد في المنتدي
وبعدين دول من احسن الاعضاء في المنتدي

M.Sherif

14-02-2009, 03:01 AM

علي فكرة
الكلام اللي بتقوله لو ثبت فعلا
يبقا المنتدي فعلا صعب ندخله
و يبقا ليكوا الف حق في كل اللي عملتوه
لكن اذا ماظهرش دليل
يبقا ..........
يبقا ماكنش ليه لزمة كل ده

نحن هنا

14-02-2009, 03:08 AM

طيب هقول حضرتك حاجة يااستاذ شريف
حاجة بسيطه أوي
لو مفيش دليل
او مفيش مشكلة حصلت
ليه الناس دي عملت كل ده
مع العلم ان كل واحد اتوقف
له وزنه ف المنتدي ؟
اعتقد مش هيبقي عشان تفاهه او مجرد كلام
صدقني كلام مؤكد
بس مينفعش تخيل ان اختك مكان البنت دي
:)
وانا اسف لحضرتك ان كنت زعلت من حد فينا

Dr.love ferdos paradise

14-02-2009, 03:09 AM

ياجماعه خلاص حصل غير استهدوا بالله كده وياريت ياستاذ شريف ادام انت مش عاجبك الكلام هنا خلاص يعني

الموضوع هنا للناس (ل انت بتقول عليها صغيره وماينفعش تدخل قسم الكاد) خلاص انت في حالك واحنا في حالنا

وياريت كفايه كده

احنا هنا بناقش موضوع وادام حضرتك ماشفتش حاجه ولاسمعت حاجه يبقى تطلع من الموضوع وخلاص ملهوش لازمه الخناقات ال انت بتعملها وتحويل الموضوع لخناقه مش نقاش

بندق__2007

14-02-2009, 03:14 AM

يا جمااااااااااااااااااااااااااااااعة

احنا عمالين نقرف فى نفسنا و نبوظ فى أعصابنا و نمسك فى بعض ليه

بعد إذن أخويا الكبير أحمد رضا و الناس الحلوة اللى انا جدا بحبها

و الناس أطراف القضية

انا عندى شوية كلام ياريت كلنا نتفق عليه

أولا : مفيش حاجة حصلت و لا بنات و لا غيره و لا السادات اتشال و لا اسلام قرف و مشى
و لا الناس دى اتوقفت بدون وجه حق و لا اى حاجة خالص حصلت و أستاذ أشرف فلة شمعة منورة

ثانيا : احنا عاوزين المنتدى يكون أحسن .... ايه ؟؟ عيب ولا حرام ؟؟
و إذا كنا يا عيال يا جماعة اسمعوا العيال جايز يقولوا حاجة مفيدة

ثالثا : احنا مش طالبين انقلاب و لا ان مسيو أشرف العزيز ( و العزيز صفة و ليس اسم )
انه يسيب المنتدى و لا يبيعه و لا يشغله تاكسى بالنفر كل اللى عاوزينه شوية حاجات جنب بعضها

رابعا : طلبات الناس اللى يسمحولى انى اقولها و لو فيه حاجة نسيتها يضيفوها
1 الناس اللى اتوقفت ترجع تانى لأن الناس دى عبرت عن رأيها بشكل ما جرحش حد
و بالتالى الناس دى مفيش ما يستدعى انها تتوقف مش لأنها فوق الوقف و لكن لأنها لا تستحقه
2 الإدارة تبقى 50 % بالتعيين و 50 % بالانتخاب و لا يتم حذف عضوية و لا إقالة إدارى إلا بالرجوع للأعضاء و محاسبته
3 أستاذ أشرف يترك العمل للمشرفين ( اللى اتقال عليهم بلا وعى و كلاب بس ما علينا ) انهم يشوفوا شغلهم
بمعنى انه مش يدخل يحذف مواضيع بمزاجه و لحسابه الشخصى يسيب المشرف يتصرف
و لو الموضوع يتساهل يتحذف و المشرف ما حذفوش و الاستاذ أشرف حذفه يبقى هو الغلطان انه عين المشرف ده أساسا

بس انا ده اللى انا شايفه

و لو فيه حاجة تانية اخواتى برده يقولوها

لكن بلاش فرعيات بقى و كلام لا يودى و لا يجيب

شكرا

Dr.love ferdos paradise

14-02-2009, 03:16 AM

يااخت يا عاشقة الجنة
لما تكون مشكلة بالحجم ده و ممكن تكون فعلا اختي قابل انها تدخل علي المنتدي يبقا لازم نفهم

معلش مش فاهمه والله

نحن هنا

14-02-2009, 03:17 AM

انا موافق علي كلام احمد باشا
ولكن ياريت أشرف يسمع للكلام ده يابندق وميجيش الصبح يمسح كل حاجة كدا

M.Sherif

14-02-2009, 03:18 AM

انا اسفه لو كنت قلت كلام ضايق حضرتك بس

اكيد حضرتك شايف ان كفايه اوي كده

انا عمري ما هتضايق ابدا علي فكرة

لان التجمع بتاعكوا ده مش طبيعي

لازم الوضع يبقا مفهوم

و انا مش مع حضرتك ان كفاية اوي كده

لالا

غلق الموضوع عمره ما يحل مشكلة ابدا

Dr.love ferdos paradise

14-02-2009, 03:22 AM

]يا جمااااااااااااااااااااااااااااااعة

احنا عمالين نقرف فى نفسنا و نبوظ فى أعصابنا و نمسك فى بعض ليه

بعد إذن أخويا الكبير أحمد رضا و الناس الحلوة اللى انا جدا بحبها

و الناس أطراف القضية

انا عندى شوية كلام ياريت كلنا نتفق عليه

أولا : مفيش حاجة حصلت و لا بنات و لا غيره و لا السادات اتشال و لا اسلام قرف و مشى
و لا الناس دى اتوقفت بدون وجه حق و لا اى حاجة خالص حصلت و أستاذ أشرف فلة شمعة منورة

ثانيا : احنا عاوزين المنتدى يكون أحسن .... ايه ؟؟ عيب ولا حرام ؟؟
و إذا كنا يا عيال يا جماعة اسمعوا العيال جايز يقولوا حاجة مفيدة

ثالثا : احنا مش طالبين انقلاب و لا ان مسيو أشرف العزيز ( و العزيز صفة و ليس اسم )
انه يسيب المنتدى و لا يبيعه و لا يشغله تاكسى بالنفر كل اللى عاوزينه شوية حاجات جنب بعضها

رابعا : طلبات الناس اللى يسمحولى انى اقولها و لو فيه حاجة نسيتها يضيفوها
1 الناس اللى اتوقفت ترجع تانى لأن الناس دى عبرت عن رأيها بشكل ما جرحش حد
و بالتالى الناس دى مفيش ما يستدعى انها تتوقف مش لأنها فوق الوقف و لكن لأنها لا تستحقه
2 الإدارة تبقى 50 % بالتعيين و 50 % بالانتخاب و لا يتم حذف عضوية و لا إقالة إدارى إلا بالرجوع للأعضاء و محاسبته
3 أستاذ أشرف يترك العمل للمشرفين ( اللى اتقال عليهم بلا وعى و كلاب بس ما علينا ) انهم يشوفوا شغلهم
بمعنى انه مش يدخل يحذف مواضيع بمزاجه و لحسابه الشخصى يسيب المشرف يتصرف
و لو الموضوع يتساهل يتحذف و المشرف ما حذفوش و الاستاذ أشرف حذفه يبقى هو الغلطان انه عين المشرف ده أساسا

بس انا ده اللى انا شايفه

و لو فيه حاجة تانية اخواتى برده يقولوها

لكن بلاش فرعيات بقى و كلام لا يودى و لا يجيب

شكرا

انا بتفق معاك في الرأي ياستاذ بندق وكفايا كده عمر المنتدى ماكان فيه خناقات بلشكل ده

وكل االاعضاء الموقفي ماشاء الله عليهم في مواضيعهم وردودهم وتاثيرهم

تقريبا المنتدى اتحسد

Dr.love ferdos paradise

14-02-2009, 03:24 AM

انا عمري ما هتضايق ابدا علي فكرة

لان التجمع بتاعكوا ده مش طبيعي

لازم الوضع يبقا مفهوم

و انا مش مع حضرتك ان كفاية اوي كده

لالا

غلق الموضوع عمره ما يحل مشكلة ابدا

لالالا انا مش قصدي غلق قصدي خلاص بلاااااااااااش خناقه وكلنا نتناقش باسلوب هادي

عشان نوصل لحل في النهايه

nanes

14-02-2009, 03:25 AM

انا موافق علي كلام احمد باشا
ولكن ياريت أشرف يسمع للكلام ده يابندق وميجيش الصبح يمسح كل حاجة كدا

موافقه طبعا ,,,, بس زي ما قلت يا احمد ,,,ياريت ما يجيش اشرف يمسح كل ده بأستيكه وناخد اللون الأسود الصبح
الكلام اللي بندق قاله عين العقل ,, :romarioxp6::romarioxp6:

Dr.love ferdos paradise

14-02-2009, 03:28 AM

كلنا موافقين على حل بندق واكيد ان شاء الله استذ اشرف هيتفهم الموضوع وهيشوف انه حل كويس

M.Sherif

14-02-2009, 03:29 AM

معلش مش فاهمه والله

بقول لحضرتك
التجمع بالعدد ده
و بالاراء الواحدة دي
و بالاسلوب ده
يدل علي ان في مشكلة قائمة فعلا
لازم تتحل\
و فورا
حلها مش ايقاف العضو
حلها مش الشتيمة
حلها مش عمل عضوية تانية و سب الناس
حلها مش خناق
حلها مش هروووووووووووووووب
حلها مش غلق موضوعات
الحل الوحيد
نقعد مع صاحب المشكلة
نفصص الموضوع بكل تفاصيله
اللي عنده كلمة يقولها
اللي متضايق من حاجة بكل وضوح و جرأة يقولها في وشه
دي الطريقة العقلانية الوحيدة
النقااش
هوا اشرف ده مش انسان و ممكن التحاور معاه زي باقي البشر؟؟؟؟؟؟؟؟
جربتوا تقعدوا معاه؟
كان في اجتماع النهاردة للمشرفين الاداريين
لما هما ليهم حق
ليه يفرطوا في حقهم ومايجوووووووووووووش ياخدوا حقهم
بس ده اللي انا بتكلم فيه

بندق__2007

14-02-2009, 03:30 AM

بصوا يا جماعة

احنا لو خدنا اللون الاسود و الموضوع اتحذف يبقى خلاص

نمشى

زى ما احنا اتفقنا فى مجموعة الراحلون من المنتدى

احنا طلباتنا مش فظيعة يعنى

طلباتنا اننا نشارك المنتدى فى الادارة

فلو حصل نقاش و الاستاذ أشرف ناقشنا فى طلباتنا يبقى جميل

و لو محصلش يبقى الاستاذ أشرف بقى واخد نهج الزعيم القائد الملهم مبارك

اللى هو الكل فى الكل شغال كل حاجة فى المنتدى عضو و مشرف و مشرف سوبر و مشرف إدارى

و مواضيع و ردود و مشاركات و زوار بقى

يبقى احنا كدة ما لناش مكان فيه

و نسيبه للاستاذ أشرف ياخد راحته فيه عشان ما نعملش زحمة

فإما الاتجاه ده و إما الاتجاه ده

nanes

14-02-2009, 03:31 AM

كلنا موافقين على حل بندق واكيد ان شاء الله استذ اشرف هيتفهم الموضوع وهيشوف انه حل كويس

ياااااااريت ,, أرجو ,, اتمنى ,, ابتهل الي الله :(
بس ياريت الحل الكويس ده متجيش عليه رياح الحذف بكره تطيره ,,,:stickjo4:,,,, عشان الموضوع يهدا كدا ونتكلم بالعقل ونخلص من المشكله دي :(

nanes

14-02-2009, 03:33 AM

بندق__2007

14-02-2009, 03:34 AM

بقول لحضرتك
التجمع بالعدد ده
و بالاراء الواحدة دي
و بالاسلوب ده
يدل علي ان في مشكلة قائمة فعلا
لازم تتحل\
و فورا
حلها مش ايقاف العضو
حلها مش الشتيمة
حلها مش عمل عضوية تانية و سب الناس
حلها مش خناق
حلها مش هروووووووووووووووب
حلها مش غلق موضوعات
الحل الوحيد
نقعد مع صاحب المشكلة
نفصص الموضوع بكل تفاصيله
اللي عنده كلمة يقولها
اللي متضايق من حاجة بكل وضوح و جرأة يقولها في وشه
دي الطريقة العقلانية الوحيدة
النقااش
هوا اشرف ده مش انسان و ممكن التحاور معاه زي باقي البشر؟؟؟؟؟؟؟؟
جربتوا تقعدوا معاه؟
كان في اجتماع النهاردة للمشرفين الاداريين
لما هما ليهم حق
ليه يفرطوا في حقهم ومايجوووووووووووووش ياخدوا حقهم
بس ده اللي انا بتكلم فيه

معاليك مشكور جدا على وجهة نظرك

وجهة نظر واضحة و مفهومة

بس احنا الحقيقة بطلنا نتكلم فى الحق و المستحق

احنا دلوقتى لينا طلبات عشان المنتدى يبقى أحسن و يرجع زى الأول

و هنشوف بقى الاستاذ أشرف زى باقى البشر و هيتناقش و يتحاور معانا

و لا هيجى يعملنا بلوك و يقفل الموضوع

ادينا بنطلب المناقشة !!!!!!!!!!

Dr.love ferdos paradise

14-02-2009, 03:35 AM

ياااااااريت ,, أرجو ,, اتمنى ,, ابتهل الي الله :(
بس ياريت الحل الكويس ده متجيش عليه رياح الحذف بكره تطيره ,,,:stickjo4:,,,, عشان الموضوع يهدا كدا ونتكلم بالعقل ونخلص من المشكله دي :(

ان شاء الله ماتقلقيش يانانيس ان شاء الله استاذ اشرف هيتفهم موقفنا اوي

دودو دلوعة اليكس

14-02-2009, 03:49 AM

بصو ياجماعه. انا دخلت المنتدي ده من فتره وكان عاجبني جدا. كان فيه مشرفين كويسين جدا زي احمد رضا واسلام المرشد والأسطوره. ومش عارفه ليه سابو المنتدي . انا كمان كنت سبته الفتره اللي فاتت بسبب الحداويت اللي سمعتها من ناس كتيره عن واحد هنا في المنتدي وكلنا عارفين الكلام ده.

علشان كدا كل ده لازم يتحل ولازم احمد رضا والأسطوره والباقيين يرجعو تاني . يااما المنتدي زي مابتقولو هيفضي علي صاحبه بس

nothing

14-02-2009, 03:52 AM

اممممممممممم
انا موافقه طبعا على كل اللى اتقال
وياريت يبقا فيه مناقشه ما بينا وما بين الاستاذ اشرف

M.Sherif

14-02-2009, 03:56 AM

ربنا يهدي النفوس ان شاء الله
وتتحل الازمة دي
علشان المكان اللي الكل بيحبه ده
اي عضو يخرج سواء صغير او كبير مؤثر او غير مؤثر
خسارة كبيرة للجميع
لو الطرفين يبقوا عندهم مرونة الموضوع يتحل ببساطة
معرفة الناس كنوز و مش سهل اننا نحب كل يوم مكان جديد
الصداقة و التعود علي ناس معينة و الاألفة ماتتعوضش
ماتبوظوش المنتدي يا جماعة
شوية عقل قبل اتخاذ اي قرار
معلش انا حاشر نفسي في الموضوع
لسبب واحد بسيط
ان في صراع فظيع و حرب بين المنتديات التعليمية معروفة
عايزين مشاكلنا ماتطلعش بره
حتي لو المشكلة دي مصيبة
برضه مافيش موضوع مالوش حل
و تصبحوا علي خير ان شاء الله

دودو دلوعة اليكس

14-02-2009, 04:01 AM

ربنا يهدي النفوس ان شاء الله
وتتحل الازمة دي
علشان المكان اللي الكل بيحبه ده
اي عضو يخرج سواء صغير او كبير مؤثر او غير مؤثر
خسارة كبيرة للجميع
لو الطرفين يبقوا عندهم مرونة الموضوع يتحل ببساطة
معرفة الناس كنوز و مش سهل اننا نحب ل يوم مكان جديد
الصداقة و التعود علي ناس معينة و الاألفة ماتتعوضش
ماتبوظوش المنتدي يا جماعة
شوية عقل قبل اتخاذ اي قرار

مش احنا اللي بنبوظه . العضو هيدخل يبوظ ليه الا اذا كان شايف حاجه فعلا غلط. اكيد العيب من الأداره نفسها.

علي العموم حصل خير ويارب الموضوع ميتحذفش