|
مشاهدة النسخة كاملة : تسجيل الرغبات للإلتحاق بالكليات عبر الإنترنت Assmaa 17-07-2006, 04:59 PM يا جماعة هل وصل أحدكم ظرف بريد مقدمة من مكتب التنسيق للحث علي استخدام الإنترنت لتسجيل رغبات الطلاب وهذا الظرف يحتوي علي رقم سري حتي لا يتمكن احد من تغيير الرغبات التي قمتم بتسجيلها أنا بس بسأل حد هيسجل رغباته عن طريق الإنترنت :unsure: أرجو الرد علي الموضوع DR_CASPER 17-07-2006, 05:05 PM بصى يا اسماء....احنا من سنتين كنا اول دفعه يحصل معاها الموضوع ده واللى اعرفه ان تسجيل الرغبات فى الاستماره اللى بتشتريها هو اللى له الاولويه يعنى موضوع الانترنت والتسجيل عليه مش هو الاساس عشان طبعا مش كل طلبة مصر عندهم انترنت وكده والف مبروك يا اسماء على النتيجه Assmaa 17-07-2006, 05:12 PM الله يبارك فيك لكن في ناس اعرفها قررت تسجل الرغبات عن طريق الإنترنت فهي طريقة مضمونة ولا ايه ملاك الروح 17-07-2006, 05:12 PM انا كمان جالى الجواب ده بس قبل النتيجة كمان (واتفزعت قولت ازاى يجيلى من مكتب التنسيق جواب قبل النتيجة) :( :( انا والله مترددة جدا اقدم عن طريق النت ولا بالطريقة العادية www.egypt.gov.eg www.tansik.egypt.gov.eg Assmaa 17-07-2006, 05:16 PM احنا برضوه وبعدين الكلان اللي مكتوب والشرح في الموقع بيطمن Assmaa 17-07-2006, 05:18 PM عايزة اعرف رأي كل الأعضاء ملاك الروح 17-07-2006, 05:24 PM بس انا اخاف ليحصل اى حاجة ورغباتى متوصلهمش :ph34r: وانتى عارفه ان موضوع الكمبيوتر ده حاجه حساسه وممكن يصل اى لخبطه :angry: هعمل بالطريقة العادية وخلاص ولا ايه رايك؟ :rolleyes: Assmaa 17-07-2006, 05:28 PM مش عارفة لكن كده بتوفر التعب ورايح وجاي وكده =ivan= 17-07-2006, 08:59 PM مبروك الاول يا اسماء... وانا وصلنى الجواب فعلا..وهقدم عن طريق النت وطمنى نفسك على الاخر...مفيش مجال للغلط انا عملت حاجة كدة زى تجربة...لقيت فعلا كل شىء مظبوط ومينفعش حد يلعب فى الرغبات غيرك..ومينفعش تحطى رغبة غلط...وكمان فى كتيب صغير بيتباع ب 35 جنيه..فى الجامعات والكليات كلها...موجود ببلاش عى الموقع.. طمنى نفسك...وارتاحى من مشوارين ربنا وحده يعلم بيهم.. هند ابراهيم 17-07-2006, 09:31 PM انا بصراحة شايفه ان انتى افضل تكتبى الرغبات بالطريقه العاديه اضمن بس احب اقولك برده ان بن خالتى السنة اللى قبل اللى فاتت عملها على النت والموضوع كان عادى جدا يعنى محصلش لخبطة ولا اى حاجة بس انا عن نفسى هعملها عادى مش على النت والف مبروك على النجاح ويارب تدخلوا الكليات اللى انتوا عاوزينها |