السلام عليكم

لديا طلب عاجل بانشاء ربطة للمدرسين المتعاقدين

كما ان لديا شكوي ارجو ممن يستطيع توصيل الي الوزير

بالاتصال بي عبر الايميل


اريد ايميل الوزير او وكيل الوزارة

مدرس الاسكندرية تسيئ لنا ولا نستطيع التصرف



ارجو الرد

لخطورة الموقف

فكرة رائعة وانا اول من يوافق على هذة الرابطة بجد لان المتعاقدين فى التربية والتعليم مظلمين تماما و نرجو الغاء فكرة التعاقد و التثبيت لهم جميعا لان النظار الحاصلين على دبلوم معلمين من الزمن العتيق فكرهم متعقد ولا يقبل التطوير الذى تنشدة الوزارة وكذلك وزارة التنمية فلا يمكن للمدرس ان يكون مهدد بين لحظة واخرى على هذا النظام كما ان التدريس حب و دراسة وهواية وصبر و اختم كلامى بمقولة شعبية ان صح عنها التعبير " رضينا بالهم و الهم مش راضى عنا "

طبعا نرحب بكل الزملاء المتعاقدين
فى الانضمام الى الرابطة بعد اشهارها
فى القريب العاجل .
وارجو ان توضح صور سوء معاملة الزملاء
المتعاقدين ، حتى نتمكن من اتخاذ الازم .
اهلا ومرحبا بك معنا .

اوضحت سوء معاملة المتعاقدين في الرد علي حوار الاستاذ مبروك مدير ادارة العامرية التعليمية



http://www.thanwya.com/vb/showthread.php?t=106359

السلام عليكم ورحمة الله وبركاته

انا اتفق معك في طلب عمل رابطة لمدرسين التعاقد لتبادر الخبرات معا وتلبية احتياجتهم

كما اتفق مع الزميل عبد الملك سعود في ان المديرين والنظار الحالين عقولهم لا تقبل التطوير الذي تسعي اليه الوزارة كبداية لعهد جديد

مع العلم ان هذا يعتطلنا عن اداء عملنا علي اكمل وجه ان لم يكن بالفعل فا بالقول والسخرية

السلام عليكم

ايه يا جماعة محدش رد علينا يعني في موضوع رابط مدرسين التعاقد

السلام عليكم
ياريت والله لاننا عندنا مشاكل مش عارفين حتى نبدأ حلها منين او ازاى

ياريت تتعمل الرابطه ده
لان فعلا المتعاقدين مش عارفين حقوقهم وكمان بيتوزع عليهم شغل اكتر من المدرس الااساسي

ياريت تتعمل الرابطه ده
لان فعلا المتعاقدين مش عارفين حقوقهم وكمان بيتوزع عليهم شغل اكتر من المدرس الااساسي



والله العظيم عندك حق

عندك حق
احنا حقوقنا مهضومة ولا نشعر بالامان

ياريت تتعمل الرابطه ده
لان فعلا المتعاقدين مش عارفين حقوقهم وكمان بيتوزع عليهم شغل اكتر من المدرس الااساسي


فعلا
بالزمة من المعقول ان مدرس متعاقد يشيلو 26 حصة فى الاسبوع
والله العظيم فيه مدرسين معانا فى المدرسه لهم 10حصص مش ده حرام
انا اكتر مدرس شايل حصص فى المدرسه وبعد كده مدرسة اللغة الانجليزيه 24
والباقى حدث ولا حرج

السلام عليكم ورحمة الله وبركاته
معكم برأي وقلبي وعارف انا الطريق بعيد والامل يصل لحد المستحيل لكن بكم يمكن ان يتحقق الهدف لانكم تخاطبون الجهلاء المقنعون والمتسترون تحت راية التعليم في مصر
الله الموفق

في مدارس كتير بتعتبر ان المدرسين دول ملهمش لازمة وبيتحكموا ويامروا لان السلطة في ايديهم ويقدروا يمشوهم في اي وقت

ليعلم المعلم المساعد اننا بلد قانون وان ظهر بعض صغار الموظفين بانه ممن يملكون السلطة
القانون الذي يطبق على المعلم هو ذات القانون المطبق على المعلم المساعد
اللهم في ان المعلم المساعد يختلف في الماليات فقط
ولا يجرؤ اي مدير مدرس او موجه او مدير عام ان بفسخ العقد الا اذا من المعلم المساعد ما يوجب فسخ العقد
والحمد لله السلم الاداري في مصر لم يسمح لاحد منفردا باتخاذ قرارات
ولكن كل ما هنالك ان المدير يستغل المعلم المساعد في جهله بالقانون ويحمله ما لا يطيق
بس ان المعلم المساعد يأخذ احتياطي شئ عادي شرط التوقيع في دفتر توزيع الاحتياطي وان يشرف شئ عادي شرط التوقيع على الاشراف وان يتعاون شرط اثبات كل هذا
ومعذرة للاطالة

السلام عليكم

متشكر جدا استاذ سيف سالم نحتاج من نصائحك الكثير ولكن يكمن مربط الفرس في عدم القدرة في رفض الحصص الاحتياطي سوء بتوقيع اما لا لانه مدير المدرسة المطلوب من الجميع ارضائه

السلام عليكم

متشكر جدا استاذ سيف سالم نحتاج من نصائحك الكثير ولكن يكمن مربط الفرس في عدم القدرة في رفض الحصص الاحتياطي سوء بتوقيع اما لا لانه مدير المدرسة المطلوب من الجميع ارضائه

لا يااستاذ والله العظيم لسه المدير عارض عليا حصة اضافية قولتله والله مانا داخله انا اكتر واحد واخد حصص هنا وسكت ومتكلمش علشان حس انى عندى حق
بص حضرتك لو حاسس انك واخد حسس كتير من حقك ترفض الحسس الاضافيه
احنا اصلا لنا 24 حصه وانا واخد 26 فى مدرستين كمان
وبعد كده يدخلنى حصى اضافيه

السلام عليكم

خد بالك يا استاذ شريف المدير بكتب تقرير عشان التعيين للمتعاقدين احنا شيلين 23 حصة وكل يوم حصة ولا 2 احتياطي وبالامر وصبرين

يا جماعة حد يرد علينا في موضوع الرابطة

دى المشكله عند الكل بقى انا بقى واخده 12 حصه فى 3 ايام وواخده حصتين امن واشراف يوم وكل يوم حصه احتياطى وفى الاخر ادونى حصه رسم مع العلم انى منتدبه اليومين الباقيين فى الفصل الواحد بادرس لست صفوف وباعمل ست تحضيرات بالاضافه ان الطلبه غير قابله للتعليم.

يا جماعة فكرة الرابطة ممتازة أولا انامدرس بالتعاقد المميز من ست سنين بتعامل زي الاساسي بالضبط لازم تعرفوا زي ماكل الزملاء قالوا المتعاقد زي الاساسي في كل شيء ولكن الفرق في الحظ في التعيين وربنا يسهل للجميع ويتعين

والله يا جماعه انا عايزه اقول ان فى كتير من مدرسين التعاقد مظلومين مثلا انا بشتغل 30 حصه فى الاسبوع ثانوى وساكته يا كده يا اما اتنقل ابتدائى وارضى بالامر الواقع رغم انى مدرسه لغه انجليزيه خريجه تربيه قسم لغه انجليزيه عام
وكل تدريبى العملى فى الكليه كان ثانوى واعدادى وحتى الماجيستير كان ثانوى واعدادى وده كله عشان ايه اتنين معايا يا دوب معينين قبلى بسنه بس معينين وهم فى نفس سنى واكلم الموجه يقللى الاقدم سنا والاعلى درجه علما بان درجتى الوظيفيه الثالثه وهم كمان الثالثه غير انى عملت اربع سنوات فى التربيه والتعليم قبل التحاقى بالازهر كمدرسه تعاقد يعنى خبرتى فى التعامل مع الثانوى اربع سنوات قبل هم ما يتعينوا ولله الامر من قبل ومن بعد

فكرة الرابطة كويسة جدااااااااااااااااااااااااااااااااااا نرجو من الادارة ان تساعنا


مدرس لغة انجليزية تعاقد 2005 وما فى بريق امل فى التثبيت ولازم كلنا كمتعاقدين نبقى جنب بعض فى الفترة اللى جايه دى والله بجد لان الله اعلم باللى جاى

مافيش مانع من الرابطه وهى تبادل خبرات على الاقل ودى بداية كويسه ايميلى

موافق علي هذه الفكرة الجميلة وده ايميلي

مدرس متعقد (متعاقد) المنوفية فكرة الرابطة جميلة ودا الايميل

مدرس متعاقد في المنوفية و أنا معاكم في الرابطة و ده الإيميل

مدرسة لغة انجليزية تعاقد واريد الانضمام للرابطة

مدرس متعاقد الفيوم وده

متعاقددددددددددددددددد

انا مدرس متعاقد برضة
محمد عاطف من كفرالشيخ
متعاقد بقالى 4 سنوات
التفريق بدا فى موضوع الكادر........الاساسين لهم والتعاقد ملوش
طيب لية......هو مش دة مدرس ودة مدرس

موافقون على انشاء الرابطة وكلنا معاك

انا متعاقد وارحب بلفكره وانا معى30مدرس

السلام عليكم... الفكره جميله جدااااااااا ويا ريت تتنفذ فعلا المتعاقدين مظلومين انا اعمل بالتعاقد المميز معلمة علوم اعدادى فى المنوفيه.. .. وبدرس فى الاسبوع 24 حصه وكمان انتدبت فى مكان اخر حتى اصبح نصابى 28 حصه والذى يعترض منا يقول له الموجهون انتو لسه اسمكم بالرصاص وممكن يتمسح فى اى وقت مع العلم ان العمل فى المدرسه التى اعمل بها قائم باكمله على المتعاقدين... فيجب ان نعرف ما لنا وما علينا .....فالى الامام وكلنا معا يد واحده.....

طب يلا يا عم اليكس دودو

ادينا هو اكتر من 30 واحد مقتنعين جدا بالفكرة

قولنا بقى هنعمل الرابطة او الجمعية دى ازاى ؟!

ولا كانت شحنة انفعال واتفرغت خلاص ؟

انا اول واحد مستعد يعمل اى حاجة لنجاح هذه الرابطة ..

فى البلد دى ما حدش بياخد حقه بالساهل شوف بتوع الضرايب العقارية وغيرهم ما حدش بياخد حقه إلا بالتكاتف لازم روابط ونقابات فعاله وحقيقيه تجيب حق الناس المظلومة ولا اعتقد إن فيه حد مظلوم أكثر من المدرسين المتعاقدين

وعلى رأى المثل ضربوا الأعور على عينه

وانا معكم ان شاء الله وده ايميلي

انا معاكم في الفكره ده

السلام عليكم ورحمة الله وبركاته
باحب اقول ياخوانا الصبر وحسبي الله ونعم الوكيل في اولي الامر بالتربية والتعليم
بيقولو انه في شهر 7 هيثبتوا 180 الف متعاقد بش عارفين ده صح ولا كدب علي فكرة معظم الموجهين عندنا اي كلام والدليل انهم مفيش قدرة علي التواصل مع المدرسين وياريت تشوفوا إدارات قنا

اسال فى شركات السفريات بالقاهرة وتابع بجريدة الاهرام ليوم الجمعه اسبوعيا

ياريت تعملوا رابطة للمتعاقدين وخصوصا مدرسين الحاسب الالى وانا اول واحد منضم اليكم بعون الله
والله ولى التوفيق

انا ايضا اوافق ونريد ان نعرف ماهو مصير المتعاقد وماله وما عليه وهذا ايميلي

السلام عليكم
أتشرف بالانضمام للرابطة
معكم الأستاذ مصطفى عمارة
معلم مساعد لغة عربية

السلام عليكم
الله يبارك فيك يا صاحب هذه الفكره الجميله انا اشجع فكرة ان نقف جميعا ايدينا مع بعض من اجل عرض مشاكلنا ومحاولة اخذ حقوقنا وهذا لا ياتى الا اذا تعاونا جميعا وتقديم كل من كان لديه خبر او معلومه مفيده لنا وجزاكم الله خيرا وان شاء الله الفرج يأتى قريبا وده ايميلى
وعلى فكره انا متعاقد معلم مساعد لعام 2009 من شهر يناير ولله الحمد والشكر

الهمة يارجالة يوم بعد يوم العدد هيزيد

احنا مدرسين التعاقد باداره البدرشين محافظه 6 اكتوبر عاوزين نعرف الاول العقد بتاعنا كان بمرتب معين والمرتب اللي قبضناه ناقص 129 جنيه ليه بيروحوا فين اصلا ولمين وكمان احنا خريجين كليات الاداب اللي اتخرج منها عظماء مصر في الادب جايين دلواتي تقولوا اعملوا دبلومه عشان تتعينوا اازاااااااي الكلام ده ومرتبنا دلواتي 290 جنيه والدبلومه دي مكلفه اوي علينا يا تري هنربي اولادنا ونصرف علي بيوتنا ولا نروح نتعلم سنتين في الجامعه تاني عشان يا عالم نثبت ولا لا عاوزين حل بجد احنا ممكن ناخد تدريب صيفي مجاني لو شايفين اننا محتاجين نتعلم ده عاوزين بجد حل

معاكم فى الرابطة بس أنا شايف إن مش هنعمل حاجة لان اللى همت عاوزين يعملوه بيعملوه وعموما ده إيميلى

وانا معاكم فى الرابطة مدرس من القليوبية

مدرسة متعاقدة في البحيرة ودا ايميلي

ودة ايميلى على الياهو
وعلى الهوت ميل

السلام عليكم :
يا جماعه احمدوا ربنا على التعاقد وانسوا موضوع الرابطة وادعوا بدوام التعاقد بس نتمنى ان تاخذوا حقوقكم كاملة وتبقى عقود مميزة ومستديمة (واهى نواية بتسند الزير ) .

الساده الافاضل
ممنوع كتابه الايميلات او ارقام التليفونات
طبقا لقانون المنتدى
اللى حضرتكم وافقتوا عليه
عند التسجيل
مع تقديرى واحترامى
واذا تم اضافه ايميل
سيعرض صاحبه
للمخالفه

شكرا ياستاذ احمد على الاضافة

مش عارف ليه

بحس إن كلمة " متعاقد " دى شتيمة !!

فكرة رائعة وانا اول من يوافق على هذة الرابطة بجد لان المتعاقدين فى التربية والتعليم مظلمين تماما و نرجو الغاء فكرة التعاقد و التثبيت لهم جميعا لان النظار الحاصلين على دبلوم معلمين من الزمن العتيق فكرهم متعقد ولا يقبل التطوير الذى تنشدة الوزارة وكذلك وزارة التنمية فلا يمكن للمدرس ان يكون مهدد بين لحظة واخرى على هذا النظام كما ان التدريس حب و دراسة وهواية وصبر و اختم كلامى بمقولة شعبية ان صح عنها التعبير " رضينا بالهم و الهم مش راضى عنا "

انا معااااااااااااااكم في الرابطة دي
:039uw8:

انا مدرسة انجليزي متعاقدة من 2005 بالعقد المميز بالشرقية

ممكن اتقدم ليكم بنصيحة يا احباب !
كل المتعاقدين في محافظتهم يتجمعوا و يقابلوا نقيب المعلمين و يعرضوا مشاكلهم و طلباتهم و بدوره يتكلم مع المحافظ و الوزير و عليكم ان تطرقوا كل الابواب و لا تسكتوا عن حقوقكم فكلنا معلمين لا فرق بين تعاقد و اساسي . لا يطلع لكم انياب و
الا حقوقكم هاتضيع و لا يضيع حق وراه مطالب و لا تكلوا و لا تملوا

وانا كمان معاكم خليها تبقي قوة لا يستهان بها وايميلي
mr_msw@yahoo.com

درويش..للمتعاقدين: احمدوا ربنا علي الوظيفة
تتمتعون بكافة الحقوق.. والتثبيت صعب
وجه د.أحمد درويش وزير الدولة للتنمية الإدارية رسالة للعاملين والموظفين المتعاقدين. قائلاً: احمدوا ربنا علي الوظيفة. فأنتم تتمتعون بكافة حقوق وامتيازات المثبتين لكن تثبيتكم صعب.
قال في تصريحات خاصة ل "المساء" إن تعيين 450 ألف موظف من المتعاقدين يمثل عبئاً علي الموازنة العامة. مشيراً إلي أن الجهاز الإداري للدولة يكتظ بأكثر من 5.6 مليون موظف. منهم 79 ألفاً من المتعاقدين المؤقتين منذ 8 سنوات. ولهؤلاء الأولوية في التثبيت في حالة توافر الفرص.
قام د.درويش الليلة الماضية بتوزيع الشهادات الدولية للكمبيوتر icdl ل 150 موظفاً من الوزارات والجهات الحكومية المختلفة ضمن خطة رفع المهارات التكنولوجية للعاملين بالدولة.


منهم لله

السلام عليكم حسبى الله ونعم الوكيل
يعنى هيخسر ايه نفس المرتب هناخدوا ايه الى هيقل يعنى عندهم

معااااااااااااااااااااكم

الفكرة ممتازة وياريت يكون في حد يناقش المسؤلين عن مصير المتعاقدين وهل لهم امتحانات كادر وهل سيتم تثبيتهم في يوم من الأيام وهل سيحصلون على درجة ام لا

رائع وننتظر المزيد

انا كمان متفقة معاكم فى موضوع الرابطة واتمنى انها تفيد المتعاقدين وترد الظلم عنهم

فكرة جيدة بس باريت نعرف نتجمع

ممكن يا جماعة اي مدرس حاسب الي يعمل لينا موقع مجاني التجمع امر سهل

على فكرة بريد الكترونىالوزير موجود على موقع الوزارة داخل السيرة الذاتية لة يمكن لك ارسال شكواك

انا مشكلتى اكبر من الكل
مطلوب شهاده
icdl وكمان التربوى
وانا متزوجه وحامل
ومش حمل دراسه ولا سفر
اعمل ايه
اللى عنده حل يقولهولى

السلام عليكم
يا جماعة محدش يزعل من الوزير بخصوص عدم التثبيت أنا بس عايزكم تشوفوا مدرس زيكم بس ربنا كرمه ومتعين بيقول أية؟
http://www.thanwya.com/vb/showthread.php?t=141034 (http://www.thanwya.com/vb/showthread.php?t=141034)

مدرس متعاقد في المنيا و أنا معاكم في الرابطة للتواصل معكم يمكن الدخول على صفحة بوابة المحافظة - محافظة المنيا - مركز مطاى

أنا مدرس مثبت ومع فكرة رابطة المدرسين المتعاقدين وضرورة تثبيتهم حتى يشعرو بالأمان ويستطيعوا إتخاذ خطوات إيجابية فى حياتهم بناء على هذا التثبيت

السلام عليكم

الاستاذة زيزي شوفي الدبلومة الالكترونية اكيد هتناسبك

يوووووووووووووه انا كدا كاني بعمل دعاية لجامعة القاهرة

التقديم ابتدا لازم نلحق ندم وعلى فكرة لا لينا امتحانات كادر ولا غيره

بقى هما زودوا حجم الاستقطاعات من المرتب اللي الاساسي بتاعه

148 جنيه عشان يدخلونا كادر ويزودنا اكتر والله حرام تتعشمو كتير

انا خلاص بقى عندي حصانة ومش باصدق اي حاجة يقولوها

ولا هاتعب نفسي في التفكير اولها زي اخرها حرق دم في كل الاحوال

الدبلومة وهانعملها وال i c d l بردو هانعملها وخلاص اهي كدا كدا فايدة لينا

بس باذن الله خير

منقول من المصري اليوم بتاريخ النهارده 6/8/2009
الجمل: الدولة وفرت ٣.٥ مليار جنيه لثانى مراحل كادرالمعلمين.. والانتهاء من التسكين بعد اختبارات ٢٩أغسطس

كتبهشام شوقى٦/ ٨/ ٢٠٠٩
يسرى الجمل
أكد الدكتور يسرى الجمل، وزير التربية والتعليم، أن الوزارة سوف تنتهى تماماً من تسكين المعلمين بالمرحلة الثانية بانتهاء الاختبارات التى ستعقد يوم ٢٩ ءغسطس الحالى للعائدين من الإجازات أو الإعارات أو الذين حالت ظروفهم دون التقدم، إضافة إلى من لم يجتز الاختبارات فى دور مايو والمشرفين الاجتماعيين ومشرفى الأنشطة والذين تمت موافقة مجلس الدولة على ضمهم لكادر المعلمين.
وقال الجمل - خلال لقائه بشباب الجامعات بمعهد إعداد القادة بحلوان أمس - هذا ليس نهاية المطاف ولكنه البداية نحو تهيئة المعلم لدوره المنشود تجاه المجتمع، والذى وفرت له الدولة ٣.٥ مليار جنيه فى ميزانية هذا العام للمرحلة الثانية للتسكين، ولذا فان ثقتنا كبيرة فى المعلم المصرى الرائع فى أدائه لأنه لا يوجد نظام تعليمى ناجح يثق فى المعلم.
موضحاً أن الوزارة ستعقد لقاء مع النقابة لبحث ما بعد الكادر وحق المجتمع، وكذلك تفعيل ميثاق شرف المعلم لبحث المردود الإيجابى لتطبيق الكادر ومواجهة المردود الذى لا يحقق طموحات المجتمع.
وأضاف الوزير: لا تخوف من تطبيق التقويم الشامل ولابد من الثقة فى المعلم وهناك متابعة من خلال الإدارة والتوجيه الفنى والمجتمع ولابد من إعطاء الثقة للمعلم لأن التقويم الشامل يعطى الفرصة للطالب حتى يكون مشاركاً ويغير النمط التعليمى الذى لا يصلح لعصر المعرفة كما أنه يعيد الدور التربوى للمدرسة من خلال ملف الطالب ويساعد الطالب على الإبداع والنشاط والتفكير وحل المشكلات وهى أولى خطوات البحث العلمى والتى تبدأ من المدرسة لأن تأهيل الطالب وتكوينه من البداية يساعد على مقومات البحث العلمى.
وأكدأن اختبارات القدرات فى النظام الجديد للثانوية العامة سوف تعتمد على قدرات الطالب لأنها اختبارات غير نمطية ولذا سوف تحد من الدروس الخصوصية وتعيد دور المدرسة التربوى.
ولفت إلى أن حصول ١٨٧ مدرسة على شهادة الاعتماد والجودة هو «بداية الطريق» نحو تحقيق التطوير المتمركز على المدرسة، مؤكداً أن الوزارة تعد ٤٤٣٠ مدرسة بنهاية العام للتقدم للحصول على شهادة الاعتماد.

محدش يجيب سيرة امتحانات كادر تاني لغاية سعادته ما يقول
صبراً أيها المتعاقدون فإن موعدكم الجنَّة

Miss Asmaa عن الدبلوم التربوي يوجد بجامعة بني سويف كلية التربية هذا الدبلوم والأمور ظريفة هناك بدون تعقيدات ولا حاجة وإن شاء الله موافق وممكن تقدمي اليوم الجايين قبل رمضان وشكراً

يا جماعة فى اختلاف فى مرتب شهر يوليو فى ادارات صرفت 350 جنيه وادارات صرفت 328 جنيه والادارات دى تابعة لمحافظة 6 اكتوبر ارجو الافادة بشأن راتب شهر يوليو فى بقية المحافظات او الادارات

يا جماعة كم راتب شهر يوليو؟ فى ادارات صرفت 350 و اخرى 328 وكلها تابع لمحافظة 6 اكتوبر ارجو الافادة بشأن المرتب فى بقية الادارت او المحافظات حتى نتخذ اللازم