مشاهدة النسخة كاملة : طلع اللي في جيبك ياض ...(((( فلسفة التثبيت ))))
M.Sherif 16-02-2009, 08:03 AM التثبيت فن
التثبيت علم يجب تدريسه
طبعا مااقصدش ((( تثبيت الموضوعات )))
بتكلم عن تثبيت الناس في الشوارع اللي بقا في عز الضهر
ركبت من اسبوع مع سواق تاكسي
و ماشيين في أمان الله
شاور لنا واحد
السواق وقف علشان يشوفه رايح فين
الراجل مالحقش يقول الكلمة لاقيت السواق خد ديله في سنانه و انطلق يجري
قلت للسواق بالراحة يا عم
انا كنت هلبس في ازاز العربية
علي مهلك
و بمجرد ما قلتله الكلمتين دول لاقيته فتح معايا في قصص تثبيت مالهاش اخر
الراجل باين عليه اتهري تثبيت
قاللي ده منظر واحد اامن انه يركب معايا؟
و فعلا منظره كأنه شارب كل سجاير الحشيش اللي في مصر !!
و حكالي بقا السواق علي قصص فعلا تخليه يسيب المهنة دي فورا
قال لي انا شاور لي مرة اربعة شباب
ركبوا معايا للعبور ....
و في وسط الطريق و قبل العبور بحاجات بسيطة
و في منطقة مافيهاش صريخ ابن يومين
لاقيت المطوة قرن الغزال اتزرعت في رقبتي من الشاب اللي ورايا
و اللي جنبي راح خانقني
و الاتنين التانيين واحد طلع يراقب الدنيا فيها ايه
و التاني راح طالع م العربية و لف لي عند الشباك
و قاللي بصوت جهوري مبحوح مليان بلطجة
طلع كل اللي في جيبك ياض يابن ال............
ساعة ....موبايل...كاسيت العربية.....فلوس.....نضارة.....جاكيت !!
كان هاين عليه ياخد البنطلون
و لسه بيلف كده علشان يشوف اللي بيكلمه
راح غارز السكينة في رقبته فاتحهاله
بيقولي لاقيت رجلي بتترعش و مش عارف اتلم علي اعصابي
و مش قادر افكر
و لا حتي قادر ارد عليهم بالكلام
و هما قاموا بالواجب
خدوا كل اللي معايا
حتي الهدوم
و بوظوا عجل العربية كله
و كسروا الازاز
و بعد ما خلصوا
الولد اللي جنبي قام بعزم ما عنده خابطني علي راسي بحاجة كده بايده مش عارف هيا ايه
و طلعوا يجروا
و سبوني وانا خلاص مرمي علي الارض غرقان في دمي
وقفت بالعافية علي رجلي عد شوية و اشاور لاي عربية تقف لي في المنطقة المقطوعة دي
لكن ساعة ولا حد عايز يقف
لحد ما وقف اتوبيس نقل عام
و طلعت علي السلالم و انا غرقان دم
و بمجرد ما حطيت رجلي علي السلم
قمت واقع علي باب الاتوبيس
طلع السواق يجري عليا و الركاب و عرفوا القصة
و طلبوا مني ابلغ في القسم
و اه من القسم
كل اللي عمله الظابط انه قاللي
يابني احمد ربنا انك لسه علي قيد الحياة تولع الفلوس وكل حاجة
احنا بنروح نلم جثث كل يوم و رقاب مقطوعة و اشلاء من الطرق دي و في عز الضهر !!!
خلص السواق كلامه
و بدأ يحكيلي في قصص تانية بالتفصيل و بيقسم لي حصلت معاه هوا شخصيا
و علشان كده حرم يقف لأي حد شكله مش مظبوط
مصايب بتحصل
احنا في غابة يا جماعة؟؟؟؟
مافيش اي سلطة علي الناس دي؟؟؟؟
طب هما مش بيبقوا في وعيهم و عندهم استعداد يعملوا كل حاجة تتخيلها
احنا فين؟
الحكومة فين تسيطر علي الوضع ده؟؟؟؟
الموضوع انتشر اوي فعلا بشكل بشع و في النهار للاسف !
القصص دي بقيت اسمعها كل يوم والله
اسوء شئ في الدنيا انك لا تأمن علي نفسك و علي بناتك واخواتك و اهلك في بلدك !!
انا عارف طبعا ان كل ده نتيجة لمشاكل كتير مالهاش اخر لازم تتحل اولا
زي البطالة ..و الحالة الاقتصادية في مصر..و انتشار المخدرات
بشكل عادي جدا و في الشوارع وادام كل الناس
الله يكون في عون الموضوعات اللي بتتثبت كل يوم :)
عبقرينومان 16-02-2009, 10:46 AM من باب التثبيت
موضوع التثبيت لا يعني سرقة
انما التثبيت في مصطلحه العام الحالي انك تمدح في حد لحد ما تأخذ حاجتك
يعني تثبته
يعني اقولك يا استاذ شريف ان كذا وكذا لحد ما أاخذ مطلبي
زي آدم ابني بيثبتني كثير بس علي مين ده عبقرينو بثبته انا
ويقعد يمدح فيا ويحسسني اني سوبر مان وفي الاخر مش بيطول حاجة بالطريقة دي
وثبت لي على الموضوع
M.Sherif 16-02-2009, 11:00 AM انما التثبيت في مصطلحه العام الحالي انك تمدح في حد لحد ما تأخذ حاجتك
يعني تثبته
لالا يا اخ اشرف
ده كده اسمه تسجيد:)
يعني اسجده لحد ما اثبته :)
انما التثبيت
يعني تتقلب و انت ماشي في الشارع
التثبيت
يعني ابقا ماشي في امان الله
و فجأة يطلع عليا واحد
يقولي هات
اقوله اجيب ايه؟ ( ببراءة الاطفال )
يقولي طلع يا روح ............
اقوله حاضر يا معلم
يقولي اقلع البنطلون
اقوله لا
المنطلوووون لا
يقوم لاطشني باي حاجة في ايده
اقوله (( بنفس براءة الاطفال برضه))
اه
المنطلوووووووووون اه
و بعدين اروح في النهاية بلا شئ !!
هوا ده التثبيت بمعناه الماضي و الحاضر و المستقبلي:)
عبقرينومان 16-02-2009, 11:04 AM لا يا سيدي انا مثلا عندي المهندسين والمهندسات في المركز لما تحب تخلص محاضرة بدري ومش تكلمها علشان عندها ظروف او تحب تقبض بدري يقوموا يقولوا لي اني احسن واحد في الكمبيوتر في العالم ويثبتوني بشوية كلام ويحسسوني ان هيروا
وبعد كدا مش بمشيهم برضوا هههههههههههه
بس ممكن يقبضوا بدري اه انما يثبتوني علشان يمشوا بدري ويلغوا محاضرة ابداااااااااااا
انما اللي في الشارع ويقولك هات اللي معاك ده اسمه بلطجة وقطع طريق مش تثثبيت
وثبت لي على الموضوع
M.Sherif 16-02-2009, 11:22 AM وثبت لي على الموضوع
التثبيت بتاعك انت بقا يا اخ اشرف
مش من صلاحياتي :)
شكرا علي المرور
طارق ممدوح ذكي محمد 16-02-2009, 01:27 PM السلام عليكم ورحمة الله
انا شايف يامستر شريف ان التثبيت بالطريقة اللي حضرتك وصفتها دي ، ما فيهوش اي فلسفة خالص ، كان زمان اللص يتحايل ويبدع ويفكر في طريقة يتحايل بها على الضحية وياخذ ما معه ، اما الان فليس لدى لصوص اليوم وقت وليس لديهم عقل يفكروا به في تحايل او خديعه فاصبحت لغة القوة والبلطجه هي صاحبة الصوت الاعلى وهؤلاء اللصوص الجدد فقدوا العقل قبل ان يفقدوا الشرف ... وبالتالي ليس للفلسفه مكان عندهم .
شكرا ع الموضوع .. ولو اني متحير دلوقتي لما انزل القاهرة اركب ايه ؟؟ كنت بهرب من الاتوبيس ونشالينه واركب تاكسي ... طيب دلوقتي اركب ايه ؟؟
M.Sherif 16-02-2009, 01:40 PM هههههههههههههههه
عندك حق طبعا يا مستر طارق
فلسفة ايه بس
دول عالم بدون وعي مالهمش اي علاقة لا باسلوب ولا فلسفة ولا حتي تخطيط للي بيعملوه
ماتدققش اوي في العنوان
ده عنوان ساخر مش اكتر
دايما الاخصائيين الاجتماعيين ياخدوا بالهم كده من كل حاجة
يا ساتر
هههههههههه
اكتر حاجة تضايقك
لما تكتب موضوع
و يدخل جميع اعضاء امة لا اله الا الله
يتكلموا في موضوع تاني خالص غير اللي انت طرحته
هههههههههههههههه
خير خير
طارق ممدوح ذكي محمد 16-02-2009, 01:54 PM يا ساتر
هههههههههه
اكتر حاجة تضايقك
لما تكتب موضوع
و يدخل جميع اعضاء امة لا اله الا الله
يتكلموا في موضوع تاني خالص غير اللي انت طرحته
هههههههههههههههه
خير خير
بس انا ما خرجتش عن الموضوع انا حبيت اوضح الفارق بين لصوص زمان والان ، كمؤشر اجتماعي خطير يؤكد حجم ما وصلنا اليه من جهل وتخلف وانهيار اجتماعي شامل ، وكمان لما نفقد لامان في جميع المواصلات حتى التاكسي امال نركب ايه ؟ اعتقد ومن وجهة نظري المحدوده اني لم اخرج عن الموضوع وان كنت تحدثت بلغه غير مباشره وهذا ما احبذه ... عذرا اخي شريف ان كانت مشاركتي لم تضف للموضوع او خرجت عن سياقه
M.Sherif 16-02-2009, 02:04 PM هههههههههه
وبعدين معاك بقا يا مستر طارق
هما الصعايدة كلهم كده؟؟؟؟؟
بيتعصبوا بسرعة؟
انت ماخرجتش عن الموضوع ولا حاجة
انت اتفرعت فيه بس
اصل انت اتكلمت علي كلمة ((فلسفة)) و الاخ اشرف اتكلم عن كلة ((تثبيت))
وسيبنا الاساس
و بعدين احنا كل مرة نتعارك مع بعض كده؟
طب انا هستني اي موضوع ليك و هنتقم بقا
هههههههههههههه
ده شرف ليا ردودك والله
وانت عارف كده كويس
CoMMaNdo 16-02-2009, 02:10 PM يابني احمد ربنا انك لسه علي قيد الحياة تولع الفلوس وكل حاجة
معظمنا بيقول الجمله دى
وفعلا رد وافى
وبيخلى الواحد يفكر بعد ماتثبت
يعنى يفكر كان ايه ممكن يحصل لو كان ضربه بالمطوه دى
فيحمد ربنا انه رجع سليم
والمصيبه ان معظم الناس البلطجيه دول تلاقيهم حضرتك شغالين مع الحكومه مرشدين
الحكومه سيباهم ومش بتلمهم ليه مش عارف
بس دى فلسفه اخر حاجه دى
ولسه فيه فلسفة النصب وفلسفة النفاق .... وغيره
بجد موضوع جميل يا استاذ شريف
وعايزين حضرتك تفضل منورنا كدا فى العام على طول
M.Sherif 16-02-2009, 02:24 PM وعايزين حضرتك تفضل منورنا كدا فى العام على طول
النور نورك
ربنا يخليك
معاك علي طول ان شاء الله
حاكم انا زهقت بقا و عايز اغير جو عندكو
:d
BaNZeR 16-02-2009, 02:31 PM معنى التثبيت عندكو غير اللى اعرفه
التثبيت يعني التعليق
يعني اناديك واول ما تبص تلاقيني باصص على واحد تاني وانا كنت قاصدك
كده يعني
وبالنسبة للقصة خلاص البلد فعلاً مبقاش فيها امان
والمفروض وانت نازل تكون مستعد إنك حتتنشل او حتتخطف
لو انت متمكن شوية ممكن تسلح نفسك باي حاجة معاك
بس حيجيبوك برده في الآخر :)
شمس بياض 16-02-2009, 04:33 PM وبعدين معاك بقا يا مستر طارق
هما الصعايدة كلهم كده؟؟؟؟؟
بيتعصبوا بسرعة؟
احم احم الصعايده وصلوا
فيه ايه بس يا استاذ شريف
هو الراجل قال حاجه
ياخو طارق لما تروح مصر وحد يتعرضلك
قولهم انا قريب الخط بتاع الصعيد هايسيبوك على طول
الموضوع دا حصل مع واحد قريبنا فعلا عنده تاكسى بيشتغل عليه وفعلا
خرجوا عليه ثلاثه شباب بعدما ركبوا معه ايضا
وهددوه واخدوا منه المحمول والفلوس اللى فى التاكسى
بس الموضوع دا اتحل بعيد عن الشرطه والمباحث
M.Sherif 16-02-2009, 06:35 PM نورتوا الموضوع يا جماعة والله
طارق ممدوح ذكي محمد 16-02-2009, 06:46 PM والله ما اتعصبت يا مستر شريف
انا بس وضحت وجهة نظري اللي مقتنع بيها اولاً ..
حضرتك تفهمتها خير .... ولو ما تفهمتهاش انا اعتذرت .....
وده علشان ما يكونش فيه جدال ( كفانا الله شر الجدال والمجدالين )
وبعدين تعالى وقولي بقى هوه احنا اتخنقنا قبل كده امتى ؟؟؟
ده احنا اكتر من السمن ع البدنجان اللسود ...... هههههههههههه
خالص احترامي واعتزازي بك اخي شريف
M.Sherif 16-02-2009, 07:09 PM ده احنا اكتر من السمن ع البدنجان اللسود
ههههههههههههههههههه
ههههههههه
:d:d
بموت في الصعايدة
dream2 16-02-2009, 07:33 PM للاسف استاذ شريف
الموضوع اصبح صعب جدا
بجد التثبيت ال من النوع ده بقى كتير
والبلطجيه كترت جدا
وغياب الامن بقى يخوف
من حوالى اسبوعين قرات خبر فى اهرام الجمعه
جاء فيهاخبر محاوله ****** انسه
كانت راكبه تاكسىوذاهبه الى عملها
بان اربع بلطجيه اوقفوا التاكسى
وضربوا سائقه واخدوا القتاه من التاكسى
وذلك على مسافه امتار قليله من كمين المقطم
واستغاث السائق برجال الكمين ولا حياه لمن تنادى
بدا يتجه الى سائقى السيارات
وهم من نزلوا على استغاثته رغب اصابته
وقاموا بنجدة الفتاه من محاوله ال******
اللهم احفظ بناتناوابناءنا
واهدى رجال الامن وازرع فيهم النخوة قبل اداء واجب وظيفتهم
وثبت الموضوع:(
M.Sherif 16-02-2009, 07:47 PM اللهم احفظ بناتناوابناءنا
واهدى رجال الامن وازرع فيهم النخوة قبل اداء واجب وظيفتهم
وثبت الموضوع:(
امين
ربنا يهدي الجميع و يرحمنا
الف شكر علي مشاركتك اختي العزيزة
مسيو وليد عسكر 16-02-2009, 09:17 PM بمناسبه التثبيت
احمد السقا اتثبت مره في عربيته واتاخد منه كل اللي معاه
ولا نفعه التمثيل اللي بيضحك بيه علي الجمهور السازج...
اقترح ان يحمل كل مواطن في جيبه مطواه قرن غزال وزجاجه ميه نار..
او اننا نعمل رابطه معا ضد التثبيت
واهم حاجه ان المواطن لازم ياخد دورات تدريبيه في كيفيه صد هجوم اي بلطجي
ويتلخص في الاتي:
*:تبص للبلطجي من فوق لتحت
*ترفع حاجبك الايسر وتعمل زي فريد شوقي في فيلم رصيف نمره خمسه
*تقلع الساعه من ايدك وتحطها علي الارض بهدؤ وتقلع الجاكت
*تعقد ساعديك علي صدرك وتضحك ضحكات شريره متقطعه
*وبعد ماتعيش الدور تنزل علي الارض وتحب علي ايده انه يسامحك..
أستاذة غادة 16-02-2009, 10:10 PM ربنا يستر علينا فى اى مشوار نضطر نركب تاكسى
واحكلكم عن تثبيت وبلطجة من نوع اخر
الزمان من واحدة صبا حا وانت طالع
المكان القاهرة حى مش شعبى اوى ومش مودرن اوى يعنى حى وسط ولكنه عريق والشقة فيه بشقلة
والمحلات فتحة ليل ونهار
الموقع اكثر تحديدا تحت شباكى بالظبط
الفاعل شباب عطلة شربين من كل صنف ولون يا منكر
الحدث يدخل البيه البلطجى المحل من طول وهو مشعشع من الى مبلبعه ويشتم بانكر الالفاظ درر
ويطلب فلوس من العامل السهران فى المحل ويكسر ويوقع ويخبط ومطوة يمين واخرة شمال والناس
تشده مفيش فايدة
وتحصل خناقة كبيرة ومحدش قادر عليه
واحيانا كتير الامين او الظابط يجى ويخدوا البلطجى وشوية ونلاقيه تانى بيطلعوا ازاى دول مش عارفة
ودول كذا واحد ومعروفين من ابناء الحتة عينى عينك
والغرابة قريبنا بيحسدونا على منطقتنا وسط البلد يعنى
ادعوا معى ربنا يقضى على شلة البلطجية وتجلهم فرة الفراخ يا رب
M.Sherif 16-02-2009, 10:26 PM *تعقد ساعديك علي صدرك وتضحك ضحكات شريره متقطعه
*وبعد ماتعيش الدور تنزل علي الارض وتحب علي ايده انه يسامحك..
ههههههههههه
الادب حلو برضو:)
M.Sherif 16-02-2009, 10:31 PM الموقع اكثر تحديدا تحت شباكى بالظبط
ايه ده ايه ده ايه ده؟؟؟؟؟
قوليلي مين هما ولاد اللذينا دول
و احنا نلم رجالة المنتدي
و نروح نقطعهملك
ايه ده
وراكي رجالة ما تقلقيش
قال تحت الشباك قال
ياولاد ال......
أستاذة غادة 16-02-2009, 10:56 PM ايه ده ايه ده ايه ده؟؟؟؟؟
قوليلي مين هما ولاد اللذينا دول
و احنا نلم رجالة المنتدي
و نروح نقطعهملك
ايه ده
وراكي رجالة ما تقلقيش
قال تحت الشباك قال
ياولاد ال......
تسلم وتعيش ربنا يخليكوا ليه
شيلاكوا لوقت عوزة :078111rg3::078111rg3::078111rg3:
منا معايا سبع برضوا
:romarioxp6::romarioxp6:
بيقفل الشبابيك كويس
ويطفى النور تمام
ويشخط فينا يلا كله يتقلب ينام
:049gc0:
M.Sherif 17-02-2009, 06:30 AM تسلم وتعيش ربنا يخليكوا ليه
شيلاكوا لوقت عوزة :078111rg3::078111rg3::078111rg3:
منا معايا سبع برضوا
:romarioxp6::romarioxp6:
بيقفل الشبابيك كويس
ويطفى النور تمام
ويشخط فينا يلا كله يتقلب ينام
:049gc0:
هههههههههههه
ربنا يخليكوا لبعض
لا كده نتطمن بقا
أصل في ازواج تانية
أسد عليا و في الحروب نعامة:)
لكن مدام ((اتقلبوا ناموا )) يبقا تمام
:)
koky30 17-02-2009, 10:05 AM تثبيت
؟
يا حفييييييييييظ
انتو هتخوفوني انزل من بيتنا ولا ايه
انا اه سمعت حاجات شبه كدا
بس مش بالفظاعه دي
انما كمان بالنهار
لا دي كدا زادت اويييييييي
M.Sherif 17-02-2009, 08:55 PM ماتخافش
هتثبت هتثبت
شعب مصر كله متثبت
طارق ممدوح ذكي محمد 17-02-2009, 10:52 PM ياخو طارق لما تروح مصر وحد يتعرضلك
قولهم انا قريب الخط بتاع الصعيد هايسيبوك على طول
طيب لو حضرتك معاكي عنوان الـ web site او الـ Email بتاع الخُط
يا ريت تتكرمي وتبعتهولي واهوه يبقى لينا عزوه نسكت بيها كل المصراويه
وخاصة اللي في بالي ومش سايبني في حالي .... :)
M.Sherif 18-02-2009, 06:17 AM طيب لو حضرتك معاكي عنوان الـ web site او الـ Email بتاع الخُط
وخاصة اللي في بالي ومش سايبني في حالي .... :)
هههههههههههههههههههههههههه
:d:d
مستر احمد يحيى 18-02-2009, 02:16 PM احمد ربنا انك مش اثبت يا شريف
كانت تبقى فضيحه
واسمحلى اقولك
طلع اللى فى جيبك ياض
ههههههههههههههههه
M.Sherif 18-02-2009, 03:10 PM احمد ربنا انك مش اثبت يا شريف
كانت تبقى فضيحه
واسمحلى اقولك
طلع اللى فى جيبك ياض
ههههههههههههههههه
حاضر يا معلم
:d
أفنان أحمد 18-02-2009, 03:23 PM لا حول ولا قوة إلا بالله
هم دول الولاد اللى احنا بندرس لهم ؟؟؟؟!!!!
ولا دول ما دخلوش مدارس أصلا؟؟؟ ويا ترى لو دخلوا مدارس , كان الحال بقى أحسن من كده؟؟؟!!!!!!!!!!
إنا لله وإنا إليه راجعون
اللهم لطفك بأمة محمد - صلى الله عليه وسلم -
(شتم سفيه أحد الصالحين , فعفر وجهه بالتراب ثم خرج إليه وقال زدنى فمن سلطك على ليس بظالم )
والمعنى فى بطن الشاعر
بارك الله فيك أستاذ شريف
M.Sherif 18-02-2009, 05:51 PM لا حول ولا قوة إلا بالله
هم دول الولاد اللى احنا بندرس لهم ؟؟؟؟!!!!
ولا دول ما دخلوش مدارس أصلا؟؟؟ ويا ترى لو دخلوا مدارس , كان الحال بقى أحسن من كده؟؟؟!!!!!!!!!!
إنا لله وإنا إليه راجعون
اللهم لطفك بأمة محمد - صلى الله عليه وسلم -
(شتم سفيه أحد الصالحين , فعفر وجهه بالتراب ثم خرج إليه وقال زدنى فمن سلطك على ليس بظالم )
والمعنى فى بطن الشاعر
بارك الله فيك أستاذ شريف
ألف شكر علي الرد الرائع
و المشاركة المفيدة
و المرور الكريم :)
|