ألف مبارك ألف مبارك ألف مبارك ألف مبارك ... استنوا .... نسيت واحدة .. ألف مبارك [الأرشيف]

محمد عبد العظيم وسية

16-02-2009, 11:25 PM

السلام عليكم ورحمة الله وبركاته جميييييييييييييييييييييييييييعاا ...

أنا قولت لازم اشارك الشعب .. قصدي شعب المعلمين فرحتهم بالصرف ... ... قصدي صرف الكادر ... قصدي يعني صرف زيادة الكادر ..

معلشي أنا مش مركز أوي ... لان الفلوس اللي جايه دي خلت الواحدة مش عارف يسيطر على الكلام .. من الفرخه .. قصدي الفرحه ...

وأحب أطمن الجميع ..

الحمد لله

بدأت تندع عندنا ..

وانهارده لقيت كشوف بأسماء اللي هيصرفوا الزيادات المهولة متعلقة في غرفة الإمضاءات في مدرستي العريقة ... ومتقسمين معلم خبير ومعلم أول أ ومعلم أول غلبان

وبناشد ... كل المعلمين اللي صرفوا واللي هيصرفوا واللي الفلوس هتبقى على قلبهم أااااااااااااااااااد كده ..

أنهم يبصوا شويه للغلابه ... ((( الإداريين )))

وبقترح ... ((( بجد يعني ))) بقترح عن طريق إدارة المدرسة .. كل واحد فينا يطلب انه يتخصم من زيادة الكادر ( خمسه جنيه ) تتجمع كلها وتتوزع على الإداريين في المدرسة ...
وأقسم بالله أني من بكره هعرض الفكرة دي على المدير بتاعنا ... وإن شاء الله هيوافق ..
وياريت كلكم من بكره تطبقوا الفكرة دي .. على أد ما تقدروا يعني .. انا عارف ان فيه ناس هتفترسكم في المدرسة لو قولتوا الكلام دا ... لكن قولوا ورزقكم على الله ...

وبالنسبة للزيادة ...
كلنا في المدرسة .. قصدي اللي هيقبضوا يعني
بدأ كل واحد يجهز شنطة عشان يقبض الزيادة لوحدها ...

الحلم اتحقق يا معلمين ...

وواجبكم ... بهذه الزيادة الكبيرة المهولة الخرافية الرهيبة الخطيرة الطويلة الشديدة .. انكم تسددوا كل ديونكم .. للبقال والجزار .. دا إن كان فيه جزار بتتعاملوا معاه أصلا .. والأقساط كلها تتسدد الشهر دا دفعة واحدة .. خلاص احنا عدينا الفقر يا معلمين ...

ولازم نتفاءل كلنا ... وبلاش ننظر للحياة بنظرة سوداوية متشائمة ...

الحياة مليانه أمل وهناء وسعاد ونادية وأم إبراهيم كمان ، دا غير الجيران اللي في الدور الأرضي .

ومن هنا بعلنها للجميع ..

أنا مصدق الحكومة في كل حاجه ... قبل الكادر وبعد الكادر وقبل الصرف وبعد الصرف وإن شا الله ماصرفنا حتى .. انا مصدقها ...

ألف مبارك ليكم كلكم وعليكم كلكم ... معلم معلم .... بضم الميم .

وأشوفكم لما أقبض الفلوس وتبقى في أيدي كده .. واقعد نص ساعة مصدوم ومش مصدق نفسي ..

طارق ممدوح ذكي محمد

16-02-2009, 11:32 PM

مسيو وليد عسكر

16-02-2009, 11:32 PM

عود حميد اخي محمد
ويسعدني ان اكون اول المشاركين برجوعك الينا مره اخري بهذا الخبر الجميل
وده وش الاستاذ طارق والاستاذ نعيم
وش السعد فعلا

nabila_banoub

16-02-2009, 11:34 PM

ألف مبروك يا أستاذ محمد

محمد عبد العظيم وسية

16-02-2009, 11:34 PM

و الله يا استاذ محمد انا بقترح ان كفايه علينا ((( مبارك))) مره واحده بس

وربنا يقدرنا على رد الجميل ...............

ولا انت شايف ايه ؟

عموما ربنا يبارك فيك واشوفك منورنا دايما بموضوعاتك المميزه

لا بجد .. بقا مبارك بجد .. على الإشراف يا ريس ...

وربنا يكون في العون ...

وأنت أهل لها ..

والإشراف أهل لك ..

وأهنئ الأستاذ الذي كان يستحق الإشراف بجدارة من زماااااااااااان ..

أخي الكبير الأستاذ نعيم ...

محمد عبد العظيم وسية

16-02-2009, 11:38 PM

عود حميد اخي محمد
ويسعدني ان اكون اول المشاركين برجوعك الينا مره اخري بهذا الخبر الجميل
وده وش الاستاذ طارق والاستاذ نعيم
وش السعد فعلا

انت اللي وش السعد يا وش السعد والهنا

افتح الإيميل على مصراعيه ..
لحسن تتقتل .

طارق ممدوح ذكي محمد

16-02-2009, 11:39 PM

لا بجد .. بقا مبارك بجد .. على الإشراف يا ريس ...

وربنا يكون في العون ...

وأنت أهل لها ..

والإشراف أهل لك ..

وأهنئ الأستاذ الذي كان يستحق الإشراف بجدارة من زماااااااااااان ..

أخي الكبير الأستاذ نعيم ...

قبلتها انا واستاذ نعيم حبا في القسم ليس الا

وربنا يقدرنا ونفيد القسم

بارك الله فيك استاذ محمد واتمنى اننا ما نتحرمش من وجودك معانا

جمال سراج

16-02-2009, 11:41 PM

وأشوفكم لما أقبض الفلوس وتبقى في أيدي كده .. واقعد نص ساعة مصدوم ومش مصدق نفسي ..[/b]

منور يا مستر محمد
وحشانا موضوعاتك الحلوة
مين فينا منفشوش يقعد حتى ساعتين مصدوم مش نص ساعة زيك يا عم بس يشوف الفلوس دى
يا اخى مش عارف بجد الواحد هيعمل ايه بكل الفلوس دى
هيغير العربية ولا هيشترى عمارة ولا عفش ولا هيعمل ايه ولا ايهولا ايه ولا ايه - تعرف تغنى معايا تقول ولا ايه .....
والله الواحد خايف ليغير العيااااااااال!!!!!!!!!!!!!

منور يا باشا وعاوزين نشوفك دايما
لك احترامى والجميع

محمد عبد العظيم وسية

16-02-2009, 11:42 PM

ألف مبروك يا أستاذ محمد

ألف مبارك علينا كلنا يا أستاذه نبيلة ... وأهلا بيكي .. معلشي بقالي فترة كبيرة غايب عن الملاعب .. ولسه ماتشرفت بناس محترمة وأخوات فاضلات زي حضرتك ..

عموما ..

بلاش مبروك .. لان مبروك دي بتاعة الجمل ...

خليها مبارك .. لأنها أصح لغويا ............. واللي يحصل يحصل .

مصطفى النحاس باشا

16-02-2009, 11:51 PM

حمد الله بالسلامة يا محمد بيه على فكرة اللي قلته فيه مدارس كتير حتنفذه ومتفقين عليه وده لا يقلل من قيمة اقتراحك يكفي ان انت اللي كتبه في المنتدى ودائما فيه حاجات حلوة تكتبها وتسعدنا بيها

omar1

16-02-2009, 11:57 PM

حمدا لله على سلامتك يا أستاذ محمد

ومبارك عليك الكادر ويارب تنفقهم فى الخير والصحة

كما أن اقتراحك بشأن الاداريين مفيد وجدير أن ننشره فى مدارسنا وإن شاء الله يلقى القبول

شمس بياض

17-02-2009, 12:06 AM

السلام عليكم ومدلله على السلامه استاذ محمد وعودا حميدا

احنا طبعا قبضنا الكادر بالامس ولله الحمد فاضل منهم خمسين جنيها

الحمد لله المهم اقتراحك سوف ناخذه ببالغ الاهميه
ولا ننسى ما اتفقنا عليه قبل ذلك

1-مستشفى السرطان
2-اهل غزه
3-فقراء البلد اللى كل واحدفى بلده
عارفهم او البلد الغنيه لاينسى صله رحمه

واحد يقولى ام العيال عارفه عدد الفلوس

واحده تقولى هاجيب تايير

صدقونى الشهرين دول لو انفقت منهم هايرجعوا لكم ويبارك لكم فى باقى الشهور

وربنا يزيد كل منفق خلفا اللهم امين

كنت عايزه اسال حضرتك استاذ محمد سؤال هو جنب اسم حضرتك اسفل الصفحه علامه + ليه
يعنى يزودك بركه فى الرزق؟ولا ايه

محمد عبد العظيم وسية

17-02-2009, 12:24 AM

محمد عبد العظيم وسية

17-02-2009, 12:28 AM

كنت عايزه اسال حضرتك استاذ محمد سؤال هو جنب اسم حضرتك اسفل الصفحه علامه + ليه
يعنى يزودك بركه فى الرزق؟ولا ايه

أهلا أختي الغالية جدا ...

بالنسبة لسؤالك عن علامة زائد ..

دي لأني كنت واخد وسام التميز من زماااااااااااااااااااااااااااااان .. بسبب مسابقة كنت شاركت فيها في قسم الكمبيوتر والأنترنت وكسبت ...
فكان مكتوب تحت اسمي وسام التميز .. او حاجه زي كده مش فاكرها والله ..

وبعدين اختفت .. مش فاكر من امتى ..

ولسه موجودة كلمة زائد دي ....
لكن دي مالهاش علاقة بزيادة الكادر والله ..
ولو ليها علاقة هاخبي عليكي برضه ؟؟
ينفع ؟

نانا المصرية

17-02-2009, 12:28 AM

مبارك يا استاذ محمد وربنا يزيدك وعقبال حوافز ال 75 %
اظن سعتها بقى نقدر نغير العربية والشقه والعفش كمان
واشكرك على اقتراحك بالنسبة للاداريين

mohsenhalem

17-02-2009, 12:30 AM

أهلا وسهلا بك أخى محمد وسية لقد سألت عليك مرات عديدة كنت عايز أطمأن عليك ومبروك عليك الكادر ( أخوك محسن البورسعيدى )

محمد عبد العظيم وسية

17-02-2009, 12:32 AM

حمدا لله على سلامتك يا أستاذ محمد

ومبارك عليك الكادر ويارب تنفقهم فى الخير والصحة

كما أن اقتراحك بشأن الاداريين مفيد وجدير أن ننشره فى مدارسنا وإن شاء الله يلقى القبول

الله يسلمك يا أخويا الغالي استاذ عمر ..

بتوحشنا والله بجد ..

وربنا يبارك فيك وفي أسرتك .

الاستاذ/توفيق عزت عبدالعزيز

17-02-2009, 12:33 AM

محمد عبد العظيم وسية

17-02-2009, 12:35 AM

مبارك يا استاذ محمد وربنا يزيدك وعقبال حوافز ال 75 %
اظن سعتها بقى نقدر نغير العربية والشقه والعفش كمان
واشكرك على اقتراحك بالنسبة للاداريين

أهلا أهلا أهلا .. أستاذة نانا المصرية الأصيلة ..

وكفايه علينا زيادة الكادر .. مش عايزين حوافز تاني .... هنعمل بالفلوس الكتير دي ايه والا ايه والا اييييييييييه بس ؟؟

magda ms

17-02-2009, 12:37 AM

والله وحشتنا انت فين من زمان وحشتنا عباراتك اللذيذه وخفة دمك ربنا ما يحرمناش منك ابدا

محمد عبد العظيم وسية

17-02-2009, 12:38 AM

أهلا وسهلا بك أخى محمد وسية لقد سألت عليك مرات عديدة كنت عايز أطمأن عليك ومبروك عليك الكادر ( أخوك محسن البورسعيدى )

واحشني والله يا استاذ محسن ... يا بورسعيدي يا أصيل يا جميل ..

وشكرا على سؤالك ...

وأنا من القمقم طلعت اشارك اخواني فرحتهم ... وراجع القمقم تاني إن شاء الله .

محمد عبد العظيم وسية

17-02-2009, 12:43 AM

كلامك كله تفاؤل و جميل و وردى
يارب يحصل منه حاجة
بس فيه حاجة نفسى ترد عليها يا عسل
مدرس متعين سنة 1998 بكالوريوس تربية أد الدنيا
على الدرجة التانية يعنى معلم أول ( 75 % )
و اساسى مرتبه 205 جنيه
يعنى فى الشهر حوالى 140 جنيه زيادة الكادر
ياه اخيرا حايشترى لحمة .. و جزمة جديدة الشهر اللى بعده ...... و يدفع فاتورة التليفون الشهر اللى بعد بعده . و هكذا
!!!!!!!!!!!!!!؟؟؟؟؟؟؟؟؟؟؟؟؟؟

والله انت اللي عسل ..
أولا مبارك على مشاركتك رقم 100 ... ميه ميه يعني .. يا أستاذ ريل ليدر ...
وياريت اتشرف باسم حضرتك ..
وثانيا :
بالنسبة يا سيدي للجزمة ... أجلها الشهر اللي جاي ..
عشان تشتري جزمه غالية بزيادة الكارد .. تعدي الــ 15 جنيه ... تكون ماركة معروفة كده ..
وحاول تحوش الباقي ... أو تجيب بيه عربية صغيرة كده مرسيدس والا بي ام .

نانا المصرية

17-02-2009, 12:43 AM

على رايك كتر الفلوس مش كويس برضه

منال محمود سليمان

17-02-2009, 12:45 AM

محمد عبد العظيم وسية

17-02-2009, 12:47 AM

منور يا مستر محمد
وحشانا موضوعاتك الحلوة
مين فينا منفشوش يقعد حتى ساعتين مصدوم مش نص ساعة زيك يا عم بس يشوف الفلوس دى
يا اخى مش عارف بجد الواحد هيعمل ايه بكل الفلوس دى
هيغير العربية ولا هيشترى عمارة ولا عفش ولا هيعمل ايه ولا ايهولا ايه ولا ايه - تعرف تغنى معايا تقول ولا ايه .....
والله الواحد خايف ليغير العيااااااااال!!!!!!!!!!!!!

منور يا باشا وعاوزين نشوفك دايما
لك احترامى والجميع

أستاذنا الغالي يا صاحب الجمال كله ... والسراج المنير دائما ..

انت اللي واحشني جدا والله .
بس خلي بالك من كلامك ..
انت بتقول هتغير العربية ... فيه ناس كتير غلابه .. ماعندهمش حتى عجلة يروحوا بيها الشغل والعجائز في الحارات والفلاحين في المزارع والشحاتين على الأرصفة .. وكفايه بقا .. لاني عارف ان الدمعة هتفر من عينك .

ahmedsalh

17-02-2009, 12:52 AM

هل صحيح ان هناك اى شخص صرف الكادر ولا دى فرقعة فى الهوا

جمال الدين عوض

17-02-2009, 12:52 AM

لو أعرف ان رحيلي من قسم الكادر كان حيرجعك كنت مشيت من زمان ومستعد اترك البوابة بحلها علشان تنور قسم الكادر تاني أهلا وسهلا بك استاذ محمد

محمد عبد العظيم وسية

17-02-2009, 01:00 AM

السلام عليكم اخيييييييييييرا ظهرت لقد افتقدناك كثيرا حمد لله على سلامتك وعلى فكره انا نفذت تللك الفكره ومريت على زملائى كلهم وقلت لهم ان الاداريين تعبوا ولازم نعطيهم من تلك الاموال اللى لسه ما جتش عندنا لحد دلوقتى بعيدا عن ادارة المدرسه حتى تكون بشكل ودى ومحبه دون احراج لاحد وبالفعل الكل استجاب وفى انتظار الفلوس ان شاء الله وشكرا انك رجعت لنا تانى نورت المنتدى

وعليكم السلام استاذه منال ...
والله أنت أخت غالية واسمك علامة مميزة بالنسبة لي .. لانه من اسم استاذي العظيم توفاه الله ..

المهم ... أشكر فيك روح التعاون والمحبة والإخلاص للزملاء ..

وبارك الله فيك ..

محمد عبد العظيم وسية

17-02-2009, 01:04 AM

لو أعرف ان رحيلي من قسم الكادر كان حيرجعك كنت مشيت من زمان ومستعد اترك البوابة بحلها علشان تنور قسم الكادر تاني أهلا وسهلا بك استاذ محمد

يا أستاذي جمال ...

انت بتدبسني ليه بس .... رجع الدباسة في جيبك تاني ...

أنا قولتلك .. دي زيارة كده عابرة لأحبابي في الكادر

وراجع الصومعة تاني .

محمد عبد العظيم وسية

17-02-2009, 01:15 AM

هل صحيح ان هناك اى شخص صرف الكادر ولا دى فرقعة فى الهوا

لا والله يا استاذ احمد ..

فيه ناس صرفت فعلا .. وانا متأكد

واحنا في المدرسة خلال ايام هنصرف إن شاء الله
وساعتها هاقولك
واخليك تقسم معايا الزيادة لو عايز .
بس اكيد انت هتتكسف وتقولي شكرا ومش هتقسم معايا .. ربنا يستر .

gomaa ashour

17-02-2009, 01:18 AM

مليار مبروك يا غالى أخيراً
عاوزين تواجدك بإستمرار
تغيب تغيب وتيجى بالرائع المفيد
بارك الله فيك وفى أفكارك
وحلوة دة إدفع 5 جنيه للإداريين
علشان ما يبصوش فى القرشين اللى جايين
فكرة رائعة بس كده مش هتكفى الـ 5 جنيه
دا النص بالنص هو اللى ينفع لأن عددهم أكتر يا غالى
أنا أقترح إننا نسلفهم أحسن
علشان ناخد 18 ضعفاً فى الأجر والثواب
وترجع فلوسنا تانى
أيه رأيك

مستر ايمن

17-02-2009, 01:19 AM

مبروووووووك وعقبال لما الحال يتعدل وتتظبط الاسعار امام زياده الكادر اللي اختفت مع اسعار السوق

faizmattar

17-02-2009, 01:32 AM

مبرووووووووووووووووووووووووووووك

محمد عبد العظيم وسية

17-02-2009, 02:06 AM

مليار مبروك يا غالى أخيراً

عاوزين تواجدك بإستمرار
تغيب تغيب وتيجى بالرائع المفيد
بارك الله فيك وفى أفكارك
وحلوة دة إدفع 5 جنيه للإداريين
علشان ما يبصوش فى القرشين اللى جايين
فكرة رائعة بس كده مش هتكفى الـ 5 جنيه
دا النص بالنص هو اللى ينفع لأن عددهم أكتر يا غالى
أنا أقترح إننا نسلفهم أحسن
علشان ناخد 18 ضعفاً فى الأجر والثواب
وترجع فلوسنا تانى
أيه رأيك

ما احنا قولنا يا أستاذ جمعة ..
مبارك ..مش مبروك ..
وبعدين خليها خمسه جنيه ..
خد من التل يختل .

اشرف المصرى

17-02-2009, 02:24 AM

محمد عبد العظيم وسية

17-02-2009, 02:36 AM

استاذ محمد
منور البوابة بطلتك البهية
واسلوبك الجميل
مرحبا بتواجدك الذى حرمنا منه
ولا اعرف لذلك سببا

نرجع لموضوع الكشوف والقبض والصدمة العارمة اللى حتنصدمها لما تقبض الكادر
ويبدو انك مسنود اوى فى المحافظة
فقد علموا انك ستصدم هذه الصدمه فقرروا تأجيل الصرف ليوم0 2 مارس ان شاء الله
علشان تستعد وتجهز نفسك

الكشوف التى تم تعليقها بالمدرسه زميلى العزيز
تم طباعتها من موقع الاكاديمية منذ اسبوع تقريبا
وهى الكشوف التى تم مراجعتها من لجنه الاحصاء بالوزارة والمديريه
لكن المحزن ان الكشوف ظهر بها اخطاء جسيمة
اضطروا معها الى احالتها من جديد لتوجيه الحاسب الالى بالمديريه ليقوم بتنقيتها وتظبيطها
بعد ان فشل قسم الاحصاء فى ذلك
والفترة المقترحة للانتهاء من الاعمال هى يوم 20 مارس ان شاء الله
ثم ستعتمد من المحافظ ثم يتم توفير البند وتعزيزه ثم الصرف
واعتقد انها فتره مناسبه من الاستعداد النفسى للكادر
ههههههههههه

بخصوص اقتراحك بخمسه جنيه للاداريين
اعتقد انهم مش حيقبلوا لان فيه اهانه من وجهة نظرى
فكيف يمدون ايديهم ويأخذون مساعده من زملائهم فى المدرسه
ولكن انا معك فى ضرورة ان ينالوا ايضا نصيبا من حقوقهم الضائعه
وليكن مثلا ان نقف بجوارهم فى قضية الحوافز الـ 75 % لينالوها مثل بقية الموظفين بالدوله
فهذا حق لهم ولا ادرى لماذا هم ساكتون عليه

مودتى وترحيبى لعودتك المميزة
تدبيس تام .. تام

شكرا على كلامك الرائع وترحيبك الذي تفوح منه رائحة الإخلاص والمعدن الأصيل يا مصري يا شرقاوي يا أصيل ..
ويا سيدي بخصوص الصدمة ..
مش مشكله يتأخروا شويه ..
اهي فلوس بتتحوش .. وهنقبض مبلغ ضضضضضضضضخم على بعضه ...
المهم انه ما يتأخرش للسنة المالية 2015

،، وبالنسبة للخمسه جنيه ..
الموضوع مش هيبقى فيه اهانة أبدا ..
لانه هيتم عن طريق المدير
والفلوس هتتجمع وتضاف لمرتبات الإداريين اوتوماتيك .. من غير اي اهانة
ومش هيبان حاجه
يعني السكرتير
هيخصم مني خمسه جنيه .. يعني هيديني المرتب كل شهر ناقص خمسه
وهتتجمع الفلوس المخصومة
وتتوزع على الإدراين بنسب متساوية
من غير اي احراج لحد
ايه رأيك يا باشا في طريقة التنفيذ دي ؟

اشرف المصرى

17-02-2009, 03:00 AM

شكرا على كلامك الرائع وترحيبك الذي تفوح منه رائحة الإخلاص والمعدن الأصيل يا مصري يا شرقاوي يا أصيل ..
ويا سيدي بخصوص الصدمة ..
مش مشكله يتأخروا شويه ..
اهي فلوس بتتحوش .. وهنقبض مبلغ ضضضضضضضضخم على بعضه ...
المهم انه ما يتأخرش للسنة المالية 2015

،، وبالنسبة للخمسه جنيه ..
الموضوع مش هيبقى فيه اهانة أبدا ..
لانه هيتم عن طريق المدير
والفلوس هتتجمع وتضاف لمرتبات الإداريين اوتوماتيك .. من غير اي اهانة
ومش هيبان حاجه
يعني السكرتير
هيخصم مني خمسه جنيه .. يعني هيديني المرتب كل شهر ناقص خمسه
وهتتجمع الفلوس المخصومة
وتتوزع على الإدراين بنسب متساوية
من غير اي احراج لحد
ايه رأيك يا باشا في طريقة التنفيذ دي ؟

بالنسبه لانه ما يتأخرش لسنه 2115 ما تقلقش
مش حيتأخر
حيكون ساعتها طلعنا معاش
ههههههههه

طريقة التفيذ لمبلغ الخمسه جنيه
جيده
ومناسبة
وانا موافق عليها
بس برضه اعتقد ان كتير من الاداريين مش حيوافقوا على اخذ الفلوس دى
ممكن اقتراح تانى
ان الفلوس تتجمع وتقدم ليهم فى المناسبات الاجتماعيه من زواج وافراح ومرض وخلافه
كمساعدة من المدرسه

ايه رايك
؟

EL BASHAAA

17-02-2009, 03:29 AM

السلام عليكم يا استاذنا الفاضل .....صحيح صرفت الكادر فعلا؟ مش عارفه اصدق!!!!!!لو بجد دعوااااااتك لنا يااخى الفاضل

اشرف المصرى

17-02-2009, 03:47 AM

هههههههههههههههه
لا مش تصدقى
ده الاستاذ محمد لسه شايف الكشف فى المدرسة
الراجل مش قال انه صرف اصلا

ربنا ييسر ويمسك الفلوس فى ايده
واكيد هو مش حيخبى علينا

محمد السيد غريب

17-02-2009, 04:19 AM

ياجماعة ربنا يبارك فى القليل يامة ناس معاها فلوس لم تهنى نفسها باكلة واحدة ربنا يبارك وتمشى بس على كدة

M.Sherif

17-02-2009, 06:53 AM

ياااااااااااه
هوا اللي ينام بدري يلاقي نفسه بيرد علي الموضوع في الصفحه التانية؟؟؟؟؟؟؟؟؟
ما علينا
مش كل شوية بقا تعمل موضوع كل شهر و اجي اقولك حمد لله ع السلامة
و بعدين تتجه الي الصومعة تاني و بعدين ترجع بموضوع نار و حمد لله ع السلامة وتغيب تاني و هلم جرا !!
ايه ده في ايه؟
صومعة ليه يعني؟؟؟؟؟؟؟
مهما كانت الظروف عندك او في المنتدي ...التواجد والمواجهة هيا الحل الامثل
موضوعك لذيذ و يفتح النفس ع الحياة والايام السودة اللي احنا......
ايه ده هيا قلبت تاني؟؟؟؟؟؟؟
المهم
أحييك تحية كبيرة اوي علي فكرتك بتاعة الاداريين دي
(( و ربنا اعلم باللي في بالي )) بس لما اشوفك
هههههههههه
لا والله فكرة زي الفل
و فكرة الاخت نووووور برضه
(( ما نقص مال من صدقة)) والله
جربوا كده يا جماعة
الفلوس هترجع تاني والله العظيم و معاها كنوز حسنات
انا عارف الفلوس اللي جاية لنا دي ماسمهاش فلوس في الزمن ده
بس والله مهما كانت الصدقة بسيطة
أثرها عظيم جدا
((( داووا مرضاكم بالصدقة)))
و جربوا برضه
مع ان الله لا يجرب عز وجل
تسلم ايدك يا باشا

جمال سراج

17-02-2009, 07:47 AM

أستاذنا الغالي يا صاحب الجمال كله ... والسراج المنير دائما ..

انت اللي واحشني جدا والله .
بس خلي بالك من كلامك ..
انت بتقول هتغير العربية ... فيه ناس كتير غلابه .. ماعندهمش حتى عجلة يروحوا بيها الشغل والعجائز في الحارات والفلاحين في المزارع والشحاتين على الأرصفة .. وكفايه بقا .. لاني عارف ان الدمعة هتفر من عينك .
والله يا غالى انا لا عندى عربية ومعنديش مجرد تفكير حتى يبقى عندى لا عربية ولا حتى بسكلته!!!!!!!! ولا غيره - عشان متخدش فيا مقلب او تطلب منى مشوار!!!! وانا اتصور انك فهمت كدا من كلامى
لكن عدت عليك المرا دى!!! - معلش

انا بتكلم على سبيل المزح والسخرية من طول مدة الانتظار والهليلة الجامدة على جنيهات معدودة مش مستاهلة وربنا يستر وميتفتحلهاش 5000 سكة

بالنسبة لى شخصيا انا راضى جدا بحالى وبوضعى بكادر او من غير كادر !!!!!! وييجى الكادر او ميجييش متفرقش معايا خالص والله لانه راضى تمام الرضا

ربنا يكون فى عون الناس ويبارك لها فى ارازقها ولينا كلنا

اكيد الرزق مش بالكترة - الرزق بالبركة

شكرا لشعورك النبيل

ونورتنا وعاوزين نشاطك يرجع اكتر

تقبل احترامى وتقديرى

اللهم فاشهد انى راض بقضاءك - صابر لبلاءك شاكر لنعماءك
ولا حول ولا قوة الا بالله العلى العظيم

عمادالدين عبدالله

17-02-2009, 10:13 AM

رجاء فكرى ابراهيم

17-02-2009, 11:16 AM

سبحان الله - - اللهم بارك فى اعضاء هذا المنتدى الكريم - - و فرحهم يا رب و ديم عليهم هذة الروح الحلوة - - و حمدالله على السلامة يا استاذ محمد

ممدوح مصطفى الانصارى

17-02-2009, 11:39 AM

متائلق كعادتك
استاذ/محمد وسية
بافرح برجوعك
و
ازعل تانى من الصومعة !!!!!
تعرف يا استاذ محمد
انا لا ارديا
دخلت معاك الصومعة .

محارب نجيب

17-02-2009, 12:07 PM

الاستاز محمد مبارك الكادر انا من اسوان اخصائى اجتماعى والنتيجة مدلس تجارى سياحى كلمة السر o28j8993 الاو ل حرف اوة ارجو المساعدة وشكرا

t_orabi

17-02-2009, 12:08 PM

سلامات يا أخ محمد لسه سائل عليك أمس الأستاذ محمد منسى
سلامى للجميع

محارب نجيب

17-02-2009, 12:11 PM

الاستاز محمد مبارك الكادر انا من اسوان اخصائى اجتماعى والنتيجة مدرس تجارى سياحى كلمة السر o28j8993 الاو ل حرف اوة ارجو المساعدة وشكرا

محارب نجيب

17-02-2009, 12:16 PM

made in china

17-02-2009, 12:40 PM

ahmed\47

17-02-2009, 01:42 PM

ياريت يا اخى \محمد تعرفنا الصرف على اى اساسى وياترى الناس الحاصلة على درجة 1\7\2008 حيصرفوا على هذة الدرجة ولا اية بالضبط

عادل فراج

17-02-2009, 01:51 PM

شكرا على المعلومات القيمة عن الكادر والف مبروك

محمد عبد العظيم وسية

17-02-2009, 02:33 PM

ياريت يا اخى \محمد تعرفنا الصرف على اى اساسى وياترى الناس الحاصلة على درجة 1\7\2008 حيصرفوا على هذة الدرجة ولا اية بالضبط

اطمئن يا أستاذ أحمد .. إن شاء الله الصرف طبعا على درجة 1/ 7 ـــ
لأن لو مش كده ... الواحد مش هيسكت
وهيقلب الدنيا
ومش بعيد كمان أعمل .......

أعمل .........

أعمل ..........

أعمل مش واخد بالي ..

انت عرف مبدأنا في الحياة :
يا حيط دارينا ......... دارينا يا حيط

محمد عبد العظيم وسية

17-02-2009, 02:38 PM

السلام عليكم يا استاذنا الفاضل .....صحيح صرفت الكادر فعلا؟ مش عارفه اصدق!!!!!!لو بجد دعوااااااتك لنا يااخى الفاضل

والله يا الباشا باشا ... لسه ماصرفتش حاجه ..

بس أوعدك .. إن لو ........... لو يعني

لو فضيت بعد ما أقبض من رحلات الغردفة وشرم الشيخ والساحل الشمالي والعربية اللي هتتغير واحتمال نسافر باريس .. انت عارف الزيادة هتبقى كبيرة ..

لو فضيت بعد دا كله ... إن شاء الله ... وصرفت كل الفلوس

هفكر اجي اقولكم اني صرفت زيادة الكادر .

محمد عبد العظيم وسية

17-02-2009, 02:44 PM

ياااااااااااه

هوا اللي ينام بدري يلاقي نفسه بيرد علي الموضوع في الصفحه التانية؟؟؟؟؟؟؟؟؟
ما علينا
مش كل شوية بقا تعمل موضوع كل شهر و اجي اقولك حمد لله ع السلامة
و بعدين تتجه الي الصومعة تاني و بعدين ترجع بموضوع نار و حمد لله ع السلامة وتغيب تاني و هلم جرا !!
ايه ده في ايه؟
صومعة ليه يعني؟؟؟؟؟؟؟
مهما كانت الظروف عندك او في المنتدي ...التواجد والمواجهة هيا الحل الامثل
موضوعك لذيذ و يفتح النفس ع الحياة والايام السودة اللي احنا......
ايه ده هيا قلبت تاني؟؟؟؟؟؟؟
المهم
أحييك تحية كبيرة اوي علي فكرتك بتاعة الاداريين دي
(( و ربنا اعلم باللي في بالي )) بس لما اشوفك
هههههههههه
لا والله فكرة زي الفل
و فكرة الاخت نووووور برضه
(( ما نقص مال من صدقة)) والله
جربوا كده يا جماعة
الفلوس هترجع تاني والله العظيم و معاها كنوز حسنات
انا عارف الفلوس اللي جاية لنا دي ماسمهاش فلوس في الزمن ده
بس والله مهما كانت الصدقة بسيطة
أثرها عظيم جدا
((( داووا مرضاكم بالصدقة)))
و جربوا برضه
مع ان الله لا يجرب عز وجل

تسلم ايدك يا باشا

طبعا ... ما انت بالذات لازم تفرح ....

صرف الزيادة دي .. هتنفع في تجهيز الشقة والعفش والنجف والبوتجاز والتلاجه والغسالة والمنفضه ...
مين قدك يا عم ..

بس نصيحة ..

الأهم من كل دا .... تتصل بالحاج جمال .... عشان عشان ....

عشان ايه ...عشان ايه ...

معلشي يا شريف .. نسيت .

أفنان أحمد

17-02-2009, 02:45 PM

حمدا لله على سلامتك أستاذ محمد .. شرفت المنتدى من جديد

وربنا يجعله مبارك ..

المهم البركة مش كتر الفلوس بارك الله لنا جميعا وجعل انفاقه فى طاعة الله

محمد عبد العظيم وسية

17-02-2009, 02:56 PM

بصبح على أجمل وأشيك ناس بالمنتدى محمد ياشا وشريف بيه ومبروك علينا كلنا الكادر بس أنا بقى ماشاء الله خبير 34 سنة خدمة الاساسى 520ج بس يعنى الزيادة 500ج فى 3شهور = 1500ج هيكونوا فى جيبى الاسبوع دا ان شاء الله بلاش حسد بس بقول لكم حاجه عايز تعملوا معايا جمعية وأقبض الأول لأن الواد التانى ماشاء الله بكالوريوس تجارة أد الدنيا وعايز شبكه ب10000ج ومطلوبين النهارده أقبل بكره دا غير الشقة والعفش ولو ماعملتش له كده عمره ماهو متزوج هتساعدونى بقى والا آيه ------ بضحك معاكم والحمد لله مستورة وربنا بدبرها ----- المهم اقل حاجه بتفرح الناس ويارب الكل يفرح

واحشني يا أستاذنا .. ويا موجهنا يا كبير ...

بس تعرف انك ذكي جدا ..
قولت انك هتقبض زيادة أأأأأأأأأأأأأأأأأألف جننننننننننننننيه وكمان نص ألف فوقيهم ..

وبعدين بقا عشان تمنع الحسد .. قعدت تقول الشبكة والعفش والشقة .....

لكن برضه هتتحسد هتتحسد ...

ماتحاولش .

محمد عبد العظيم وسية

17-02-2009, 03:03 PM

سبحان الله - - اللهم بارك فى اعضاء هذا المنتدى الكريم - - و فرحهم يا رب و ديم عليهم هذة الروح الحلوة - - و حمدالله على السلامة يا استاذ محمد

سلمك الله يا أستاذ رجاء ... وأهلا بحضرتك .

محمد عبد العظيم وسية

17-02-2009, 03:08 PM

متائلق كعادتك

استاذ/محمد وسية
بافرح برجوعك
و
ازعل تانى من الصومعة !!!!!
تعرف يا استاذ محمد
انا لا ارديا

دخلت معاك الصومعة .

واحشني يا غااااااااااااالي يا ابو المقام عاااااااااالي ..

بس حاااااااااااسب ..

الصومعة دي ليها ناسها

محمد عبد العظيم وسية

17-02-2009, 03:12 PM

سلامات يا أخ محمد لسه سائل عليك أمس الأستاذ محمد منسى
سلامى للجميع

شكرا يا أستاذ عرابي ... وأهلا بيك يا زعيم ..

وواضح انك راجل محترم ونشيط جدا .. لأنك صديق شعلة النشاط في مدرستنا مسيو محمد المنسي .. أخي وحبيبي .

ممدوح مصطفى الانصارى

17-02-2009, 03:15 PM

أخويه الكريم/محمد وسية
بزمتك ينفع بعد ما تجد
كل هؤلاء الافاضل
يشاركونك ويرحبون بك
ان تعود الى الصومعة ؟؟؟!!!!

محمد عبد العظيم وسية

17-02-2009, 03:16 PM

أجمل ما في الوجود شعور الإنسان بأخيه الإنسان ، فلإحساس المرهف نعمة من عند الخالق ، و أنت يا أستاذي أهل لذلك .شكراًعلى اقتراحكم ، و آمل إن شاء الله تعالى يتم تنفيذه على مستوى جميع مدارس الجمهورية .

شكرا يا أستاذ يا محترم .. على كلماتك الجميلة وشعورك الراقي ..

وإن شاء الله سوف يتم تنفيذ الفكرة على مستوى جميع مدارس الجمهورية ..

بس السؤال هنا ..

هل تقصد جمهورية مصر العربية ؟؟؟؟؟؟؟؟؟ والا جمهورية الصين الشعبية ...

ياريت أعرف سر حبك في الصين ...

وأتمنى أتعرف على حضرتك .

على فكره .. انا ليا في الصيني شويه .

محمد عبد العظيم وسية

17-02-2009, 03:21 PM

الاستاز محمد مبارك الكادر انا من اسوان اخصائى اجتماعى والنتيجة مدرس تجارى سياحى كلمة السر o28j8993 الاو ل حرف اوة ارجو المساعدة وشكرا

قولي أيها المحارب النجيب ... كيف أساعدك ؟؟

ثم يا ريت بلاش محمد مبارك دي ..

قلب صغير2

17-02-2009, 03:27 PM

محمد عبد العظيم وسية

17-02-2009, 03:29 PM

أخويه الكريم/محمد وسية

بزمتك ينفع بعد ما تجد
كل هؤلاء الافاضل
يشاركونك ويرحبون بك

ان تعود الى الصومعة ؟؟؟!!!!

والله يا أستاذي يا غاااااااالي ... يا أبو المقام عاااااااالي ..

كل الأفاضل أساتذتي وحبايبي واخواتي .. ..

لكن كان عندي طالبة متفوقة جدا في ثانوية عامة من حوالي خمس سنين علمتني حاجه .. ــ كنت لما بتنرفز عشان الواجب أو غلطة أو أي تقصير كانت تقولي :
يا مستر ... ليه بتتعصب وتتنرفز أوي وبتدي الشغل أكتر من حقه ... يا مستر الأعصاب اللي بتتلف في المخ .. عمرها ما بترجع تاني زي ما كانت ..

وبصراحة ...
ولا بلاش ...

الصومعة أحسن يا أنصاري باشا .

وعلى فكره .. ليه بتقول اني مش معاكم .. انا موجود .. دايما ... وبتابع ...

بس مش قادر ارجع بكامل نشاطي والله ...

تعبت .

محمد عبد العظيم وسية

17-02-2009, 03:34 PM

الحكايه قربت بقى وهنقبض بجد ولا ايه
كلامكم شكله بيقول كده
لالا
فيه ناش قلوبها ضعيفه ما تستحملش الثروه دى كلها مره واحده
يا ريت تبلغوهم ان شيك الصرف وصل بس بشويييش وبراااااااااااحه
زى ما هو كده بينكتب بالرااااااااااااحه وعلى اقل اقل من مهلهم

حاضر يا أستاذ قلب رقيق صغير ...

هنفذ كلام حضرتك بالحرف ..

يا معلمي ... ركزوا معايا كلكم ...

الثروة قربت ....
وهنعدي الفقر .....
وهنعمل مشاريع ضخمة ترفع اقتصاد البلد ....

والكلام اللي فات دا كله ............... بشويييييييش وبرااااااااااااااحه ..

ايه رأي حضرتك ؟؟
كده بقا أكيد تمام .
واللي يجيله ــ بعدالشر ــ جلطة والا حاجه ... يبقى مش مني ...
يبقى اكيد زملكاوي ومابقاش قادر يستحمل الهزائم المتتالية دي من طوب الأرض .

ممدوح مصطفى الانصارى

17-02-2009, 03:42 PM

الصومعة أحسن .

وعلى فكره .. ليه بتقول اني مش معاكم .. انا موجود .. دايما ... وبتابع ...

بس مش قادر ارجع بكامل نشاطي والله ...

تعبت .
يا رجل يا امير انا قلت
:( ليه بتقول اني مش معاكم )!!!
عموا انا قلتها فى سرى .
بس حقيقى الناس اللى بتحبك دى كلها
ليس لها ذنب فى انك تحرمها منك ومن الاستمتاع
بمواضيعك .

مسيو وليد عسكر

17-02-2009, 03:46 PM

والله يامحمد وحشتنا خفه دمك
بس ماقلتلناش
شريف هياخد من الحاج جمال نعناع نوعه ايه ؟

الأستاذة هدى

17-02-2009, 03:49 PM

عودا حميدا أستاذ محمد
تعرف... تصدق بالله؟؟؟ قول لا إله إلا الله ....
والله العظيم أنا داخلة المنتدى من شوية وبأقول لنفسى هو محمد وسية ماعدتش بأشوفله مشاركات ليه؟ انا عاوزه أسأل عنه
هتقولى محمد وسية كده من غير أستاذ؟؟؟!!!!! هأقولك أيوة أنا قلتها لنفسى كده !!!!!!!!!
المهم لم تكمل أفكارى فى دماغى حتى رأيت على شريط آخر المشاركات إسمك ... ولا تدرى مقدار سعادتى بوجودك يا أستاذى الفاضل ولا أقول لك مبارك بالكادر فإن أعظم من الكادر تجمعنا معلمى مصر فى هذا المنتدى الراقى الكريم
تقبل مرورى ولا تحرمنا من تواجدك لو سمحت ....

الاستاذ ايمن

17-02-2009, 03:54 PM

مبارك وعقبال الكل

مسيو وليد عسكر

17-02-2009, 03:56 PM

أفنان أحمد

17-02-2009, 03:59 PM

نأسف بعض الاطفال عبث بالمشاركة وحذفتها
(http://www.salafishare.com/25IF02CS3BO9/LJSBFS2.zip)

ممدوح مصطفى الانصارى

17-02-2009, 04:00 PM

محمد عبد العظيم وسية

17-02-2009, 04:06 PM

بمناسبة الكلام العظيم للأستاذه هدى ..

وللأنصاري باشا

وللمسيو وليد ...

هقولكم قصة غريبة شوية .. وعجيبة ...

بس بعد ما ارجع ان شاء الله من الشغل ..

أصل بصراحة عندي مجموعة دلوقتي بمووووووووت فيها ...

شوية رجاله في تالته ثانوي بيقطعوا بعض في الحصة مسابقات في النحو والبلاغة ..
وكل حصة .... بنتصل بالإسعاف ..

ساعات .. وإن شاء الله أكون معاكم ...

مسيو وليد عسكر

17-02-2009, 04:15 PM

أصل بصراحة عندي مجموعة دلوقتي بمووووووووت فيها ...

سجل يا تاريخ
بتدي دروس
هو انت ماتعرفش ان المنتدي متراقب وبكره هتلاقي الضرايب فوق نفسك
طب قول هروح احلق
هشتري حاجه للبيت
هشتري كشكول تحضير مكان اللي اتسرق مني في المدرسه
اي حاجه.....
عموما مش هعطلك كتير
انا ربع ساعه وورايا مشوار كده بس
هنزل اشتري حاجه للبيت :049gc0:
ولما ترجع يبقي لينا كلام تاني

dream2

17-02-2009, 04:26 PM

الف مبارك الكادر عليك

وعقبال ال لسه

وعودا حميدا استاذ وسيه

واظن مع كل الردود دى

لازم تترك الصومعه نهائى

وبعدين المنتدى دمه خفيف عليك ان شا الله

ومش هيعملك اى نرفزة ولا حاجة
وبالنسبه لموضوع + امام اسمك عند الاستاذ نور(شمس بياض)

ده لانك فى مجموعه الاصدقاء عندها واكيد بجوار اسمها عندك برضه+

ياريت مش تحرمنا من مشاركتك الجميله

ال فعلا بنتظارها مع الجميع

الأستاذة هدى

17-02-2009, 04:38 PM

ahmad550377

17-02-2009, 04:38 PM

مبروك وعقبالنا يا رب

ضياء الجمل

17-02-2009, 05:15 PM

يعنى يا استاذ محمد الواحد لما ياخد ؟ الكادر عليه يجوز تانى مساهمة منه فى حل مشكلة العنوسه ؟

ابو بسملة

17-02-2009, 05:40 PM

الف مبروك ياباشا وعقبال كده لما تمسك الفلوس بايديك ولو انى خايف عليك منها

omry3

17-02-2009, 05:44 PM

اهلاً بعودتك يا أستاذ محمد واللا زمااااان و الف مبروك

mohamed ahmed abdel fattah

17-02-2009, 06:57 PM

منال شادى

17-02-2009, 07:16 PM

marzoka

17-02-2009, 09:10 PM

قبل الكادر
1 – الهم > حمل الجمل
2 – الجيب نظيف
بعد الكادر
1 – عايش فى عز
2 – الفكر رشيد
3 – بأشترى غالى
4 –الحياة كلها جمال
ومبارك علينا كلنا

medotops

17-02-2009, 09:23 PM

مبرووووووووووووووووووووووووووووووووووووووووووووووو ووووووووووك

عصام جعفر

18-02-2009, 12:28 AM

الف مبروك ياباشا وافتكر مدرستك القديمة

سيف سالم

18-02-2009, 12:39 AM

مبارك العودة
مبارك الكادر
نورت القسم يا باشا
قبل ماانسى انت راجع الصومعة امتي علشان افرغ نفسي يمكن نشبع منك في فترة تواجدك

محمد عبد العظيم وسية

18-02-2009, 12:40 AM

سجل يا تاريخ
بتدي دروس
هو انت ماتعرفش ان المنتدي متراقب وبكره هتلاقي الضرايب فوق نفسك
طب قول هروح احلق
هشتري حاجه للبيت
هشتري كشكول تحضير مكان اللي اتسرق مني في المدرسه
اي حاجه.....
عموما مش هعطلك كتير
انا ربع ساعه وورايا مشوار كده بس
هنزل اشتري حاجه للبيت :049gc0:
ولما ترجع يبقي لينا كلام تاني

... آسف جدا ... نسيت خالص

يا نهار ابيض .. ازاي اقول الكلام دا ...

يعني انا كده روحت في داهية يا وليد ..

طيب معلشي هصحح المعلومة ... يمكن ماحدش خد باله .

وخاصة .. إن دايما مبدأي في الحياة : يا حيط دارينا .. دارينا يا حيط ..

تصحيح المعلومة دلوقتي حالا .. استعدوا :

يا جماعة ... انا خرجت ادي درس خصووووووووووصي .... من النوع المحرم دوليا واللي المافيا بتدور عليه .

لتالته ثانوي .... مجموعة بحبها جدا ........

ـــ

معلشي برضه الواحد لازم يحرص

وسلم لي على النعناع ..

محمد عبد العظيم وسية

18-02-2009, 12:46 AM

محمد عباس 011

18-02-2009, 12:48 AM

مرحباًبالأستاذ الفاضل محمد وسية نورت المنتدى ووحشتنا والله يا أخى الكريم كنت دائماً أسأل عنك

محمد عبد العظيم وسية

18-02-2009, 12:52 AM

يعنى يا استاذ محمد الواحد لما ياخد ؟ الكادر عليه يجوز تانى مساهمة منه فى حل مشكلة العنوسه ؟

يا سلاااااااااااااااام عليك يا أستاذ ضياء ..

فعلا فكرة مضيئة جدا جدا جدا ...

وفعلا محتاجه موضوع خاص منفرد .. ونعمله بروباجاندا كبيرة ودعاية وإعلان في كل المنتديات ..

فعلا .. الكادر هيحل مشكلة العنوسة ...

إزاي الفكرة دي كانت غايبة علينا يا جماعة ...

عموما .... أنا هعمل دعاية رهيبة للموضوع دا ...

بس اسمحلي .. ماقدرش اشارك في حل مشكلة العنوسة ...

لأني بخاف من الحكومة

وانت عارف مبدأي في الحياة : يا حيط دارينا .. دارينا يا حيط .

halimmoaz

18-02-2009, 12:53 AM

الاقتراح ممتاز ويحمل فى طياته الكثير من الامل والتفاؤل شكرا جزيلا لك...... وعود حميد استاذ / محمد

الأستاذ عادل الحلاج

18-02-2009, 02:38 AM

http://www.albetaqa.com/cards/data/media/58/7ozn0004.jpg

M.Sherif

18-02-2009, 06:48 AM

هههههههههههههه
الي مسيو وليد :rolleyes:و مستر وسية

يا جماعة قلت لكم ألف مرة انا مش محتاج النعناع ده:excl:
انا عندي نعناع أخضر :blink: طبيعي طازة
ماليش في النعناع البكاوي ده:rolleyes:
ههههههههههه
قال نعناع قال:p
بص صورتي و انا صغير
:028ja7:

محارب نجيب

18-02-2009, 10:48 AM

الاستاز المحترم محمدوسية يكفينى اهتمامك بالرد

محمد عبد العظيم وسية

18-02-2009, 03:07 PM

شكرا لمسيو وليد وللأستاذ ممدوح ولكن هذه هى الحقيقة وفعلا تجمعنا هنا أفضل نتيجة للكادر
اللهم جمعنا على الخير ولا تفرقنا بعدها ابدا يارب العالمين الا لنجتمع ثانية فى جنات النعيم يارب العالمين ....
وفى انتظار الأساتذة اللى هيجيبوا طابع بوسطة قصدى دفتر التحضير............

أختي الفاضلة الحترمة جدا ... استاذه هدى ..

فعلا كلامك دائما يدل على إخلاصك المعهود وحبك لمصلحة الآخرين وغيرتك على إخوتك وأخواتك .

(((( وبصراحه كده ... انتي بالذات ... أثبتي إثبات قاطع ولا مجال للشك فيه ... أن أهل بورسعيد أجدع ناس وأطيب ناس ، وياريت سلامي للمحترم العظيم أستاذ أحمد حجازي ))))

محمد عبد العظيم وسية

18-02-2009, 03:23 PM

الف مبروك ياباشا وعقبال كده لما تمسك الفلوس بايديك ولو انى خايف عليك منها

ماتخافش يا أبا بسملة يا أهلاوي ( لأنك مختار اللون الأحمر يعني )

ماتخافش عليا من الفلوس ..

خلاص ....... دا كان زمااااان

آن الأوان ... إن الفلوس هيه اللي تخاف مننا ...

محمد عبد العظيم وسية

18-02-2009, 03:27 PM

اهلاً بعودتك يا أستاذ محمد واللا زمااااان و الف مبروك

أهلا بك أنت يا أستاذ عمري3 ...

وعمري ما تخيلت إني ماليش مكان بينكم ..

ونورت المنطقة كلها يا عمري ((( يعني يا حبي )))

محمد عبد العظيم وسية

18-02-2009, 03:31 PM

عودا حميدا وعمرا مزيدا أخي الحبيب محمد عبدالعظيم وبارك الله فيك ونفعنا بأفكارك النيرة ومقترحاتك العظيمة التي نوافقك عليها بكل قلوبنا وعلى فكرة بكون سعيد وانا اتابع مقالاتك الفريدة. أخوك محمد عبدالفتاح.

شكرا أخي الغالي المحترم أستاذي وأقرب الشبه لأستاذي الذي علمني وأحبه كثيرا ...

بارك الله فيك ..
وسعدت جدا بكلامك الجميل .

وأسعدني أكثر إهتمامك باسم والدك واسم جدك ... يا أستاذ محمد أحمد عبد الفتاح ..

وأتشرف بمعرفتك دائما ...
فوجودك بيننا له قيمة كبيرة .

الأستاذة هدى

18-02-2009, 03:46 PM

أختي الفاضلة الحترمة جدا ... استاذه هدى ..

فعلا كلامك دائما يدل على إخلاصك المعهود وحبك لمصلحة الآخرين وغيرتك على إخوتك وأخواتك .

(((( وبصراحه كده ... انتي بالذات ... أثبتي إثبات قاطع ولا مجال للشك فيه ... أن أهل بورسعيد أجدع ناس وأطيب ناس ، وياريت سلامي للمحترم العظيم أستاذ أحمد حجازي ))))
شهادتك وسام يا أستاذ محمد ياريتنى أعرف أبروزه :078111rg3:
والحقيقة أننا بالفعل هنا أخوة وأخوات أدام الله بيننا الخير يارب العالمين...
وأما الأستاذ أحمد حجازى فهو معرفة من هنا فقط وياريت والله يبلغه سلامك وسلامى جدا جدا
وبعدين أمس قلت لنا فيه حكاية هنسمعها ؟؟؟؟ رجعت النهاردة م الشغل ع الكمبيوتر فتحته مالقيتش أى حكاية؟؟؟ ممكن تقول القصة اللى كنت هتقولها لنا قبل ما تروح المشوار إياه :)

عبدالله أبوزيد3

18-02-2009, 04:37 PM

اولا حمدا لله على السلامة ونورت المنتدىثانيا الاقتراح جميل ولاكنك اجبت علية قبل العرض

t_orabi

18-02-2009, 05:13 PM

الأخ الفاضل محمد
بعد التحية
الكشوف المعلقة فى مدرستكم ماهى إلا كشوف النتيجة من موقع الأكاديمية يمكن الحصول عليها بسهولة عن طريق الأرقام السرية للمدرسة وهى متاحة منذ 2-2-2009 أما كشوف التسكين فلم تنتهى بعد فى تنسيق المديرية و لم تخرج للنور بعد
تابع لنا بقى يا ريس عند جيرانك فى المديرية

gomaa ashour

18-02-2009, 05:20 PM

الله يكون فى عون الأستاذ / محمد وسية
مشغول والله على طول
وأنا لسة واصل حالاً من السفر حيث أننى كنت فى مهمة رسمية فى هيئة الأبنية التعليمية بجوار الثانوية العسكرية
الله على الشغل يا جماعة يتم الآن عمل تجديد كامل على أعلى مستوى للمبانى الأثرية للثانوية العسكرية التى يعمل بها أستاذنا الغالى علينا / محمد وسية
جلست مع بعض الزملاء المحترمين فى الثانوية العسكرية
( الكل يعمل بجد ونشاط )
لحين حضور الأستاذ محمد لمقابلتى فى الخيمة الجميلة المطلة على الملاعب
وقاموا معى بالكرم الشرقاوى الأصيل
على فكرة تركت الأستاذ / محمد وهو فى بروفات للأعمال التى سيقدمها فى الإحتفالية
وطبعا أنا أول المعزومين
نظراً لضيق الوقت اعتذرت للأستاذ محمد عن الغداء الفاخر الذى أُعد حيث أننى فى مهمة رسمية ويجب أن أعود فى أسرع وقت لمدرستى
وطلبت منه عدم الغياب عن منتدانا الرائع بوابة الثانوية العامة والمشاركة بالموضوعات المفيدة للزملاء والطلاب فى مادة
اللغة العربية
بارك الله فيك يا
( مدرس اللغة الجميلة )
مارأيكم فى هذا اللقب
:049gc0:

نجيب البقلي

18-02-2009, 05:35 PM

الف مبروك

عودتك الحميدة

و كمان الفلوس الكتيرة

و الله وحشتنا يا باشا

محمد عبد العظيم وسية

18-02-2009, 06:17 PM

شكرا على فكرتك الطيبة
واقترح ان ينشىء المدرسون المكدروووووووووون ما يمثل صندوق زمالة فى المدرسة يضع فيه كل مدرس مبلغ (رمزى ) كل شهر ولا يصرف منه إلا للاداريين فقط عندما تظهر لاحدهم مناسبة وطبعا مجتمع المدرسة يعلم فيه كل واحد اخبار اخوانه وبهذا لاتبدو كانها مساهمه ومواساة لهم

اقتراحك ممتاز أستاذه منال شادي ..

وبارك الله فيك ..

لكن موضوع صندوق الزمالة دا ... بيعمل مشاكل كتير ... وفيه ناس مابتوافقش ... ومش من حقنا ان يتصرف للإدرايين فقط .

محمد عبد العظيم وسية

18-02-2009, 06:35 PM

قبل الكادر
1 – الهم > حمل الجمل
2 – الجيب نظيف
بعد الكادر
1 – عايش فى عز
2 – الفكر رشيد
3 – بأشترى غالى
4 –الحياة كلها جمال
ومبارك علينا كلنا

يا سلام على أجمل كلام ...

أستاذه مرزقه .... رزقك الله بكل خير ..

بس نصيحة من أخوك .....

الكلام دا ......... يودي ورا الـــ .................

ايوه بالظبط كده ..

واحنا مبدأنا في الحياة .. يا حيط دارينا .. دارينا يا حيط

teacher.reader

18-02-2009, 10:53 PM

ياترى الـ اساسيه 186 جنيه هيبقى الكادر بتاعه كــــــــــــــــــــــــــام

El Sayed Siam

19-02-2009, 06:40 AM

اللى أساسيه 186جنيه يحسب الكادر كمايلى
1- النسبة المقررة له حسب الوظيفة الناجح عليها كامل الأساسى عن شهر 12فمثلا لو هو معلم أول (أ) فسيحصل على 100% من الأساسى عن شهر12مخصوم منه الدمغات فقط
2- يتم خصم نسبة 10% عن كل شهر بدءا من شهر يناير للمعاشات + الدمغات أي يتم خصم حوالى 19 جنيه
3- احسب نسبتك وألف مبروك

made in china

19-02-2009, 09:20 PM

أولاً شكراً على هذه الدعابة . هذه التسمية مجرد دعابة من ابني لي ، والسبب أننا إذا أردنا أن نشتري شيئا نجد عليه ( تِكِت ) صنع في الصين و كأننا في الصين و لسنا في مصر هذه هي المسألة . أتمنَّى من الله عز و جل أن أجد الصناعة المصرية تغزو العالم و خصوصاً الصين قول يا رب .

هاني55

20-02-2009, 12:55 AM

ما عهدناه عن حكوماتنا _الرشيدة _أنها تعطيك كتكوتا ثم تسلط عليك أربعا وعشرين حداية

هاني55

20-02-2009, 01:17 AM

يا جماعة حكاية الكادر هذه لعبة سياسية يديرها الوزير باقتدار ولم يستفد منه الا غير المعلمين ومافيش فلوس
والدليل ان الحكومة تخصم بدل النقدي كل شهر ولا تجد تعزيزا لمستحقات الدور الثاني لامتحانات الثانوية العامة
فكيف يكون لديها تعزيز لأموال أكثر للمستحقين الكادر ..يمكن من اموال المكافأة الفادمة.. يمكن من الميزانية الجديدة
المهم أننا عهدنا الحكومة دائما لا تعطي اكثر مما تطلب فإذا أعطنا كتكوتا أطلقت وراءه ألف حداية ....