<div align="center">هل تتوقع دخول مصر فى الحرب بعد التطورات الاخيرة؟

موضوع موهم جدا لازم كلنا نتناقش فييه وخصوصا بعد التطورات الأخيرة فى لبنان

انا من رأيي :

انا مـصـر أكييد موش حتدخل حرب ..مادامت لم تهاجم من اسرائيل

ومع الاسف مافيش اى علاقة موده بين الدول العربية الأسلاميه .. ومافيش اى رابط مابيننا غير كلمه عرب

و كما قال مبارك :: " جيش مصر للدفاع عن مصر "0

وعلى ما اظن ان اصلا الشعب المصرى موش مستعد لدخول حرب

لأن الفساد منشر جدا فى الحكومة ومنتشر اكتر فى عقول الشباب

منتظرة أرائكم ... </div>

فى ظل النظام الحالى مش هنخش اى حرب
احنا فى اعتبار المستسلم
وده مجرد راى

شكرا شاعر الحب على رأيك

اساسا حسني مبارك عمره مميعملها ويخش يحارب

لانه احنا لو حاربنا مش هنحارب اسرائيل

احنا هنحارب امريكا

وانتا عارف يعني ايه امريكا بالنسبة لمصر :D

شكرا يا محمد على مرورك

بس ليا سؤال --- يعنى ايه امريكا ؟؟

شكرا يا محمد على مرورك بالموضوع

الطالب المجتد
لا تقلل من شان مصر وجنودها فهم خير جنود الارض
قال رسول الله صلى الله عاليه وسلم
( اذا فتح الله عاليكم مصر فخذو منها جندا كثيافا فهم خير جنود الارض )
صدق رسول الله صلى الله عاليه وسلم

فعلا شاعرالحب

كلامك صحيح
بس ليا سؤال لمحمد مجاوبش عليه --- يعنى ايه امريكا ؟؟

استحالة مصر الخادم الصغير للولايات المتحدة واسرائيل
ولو حصل ودخلت فهتكون مع اسرائيل
زدا طبعا في ظل حكم الرئيس مبارك

انا اعتقد اننا عمرنا مهتجيلنا المباردة ابدا اننا نحارب بس اللى متأكدة منة ان مش بعيد يكون الدور علينا الحاجة التانية اننا عمرنا مهنتحرك الا لما تحصلنا مصيبة ... وقريب اوى

المشكلة يا جماعة ان موقفنا هو اللى اكبر مصيبة

انا رأيي رأي اخويا مصر لو قاتلت يبقي مع اسرائيل مش ضدها
وشكرا

وانا المصري اللي عمره ما انهزم
وراسه دايما مرفوعه بين الامم
ولو الناس ظلمتني التاريخ عمره ماظلم
ده ربك ورسوله قال الكريم عمره ما ينضام

<div class='quotetop'>إقتباس</div>وانا المصري اللي عمره ما انهزم
وراسه دايما مرفوعه بين الامم
ولو الناس ظلمتني التاريخ عمره ماظلم
ده ربك ورسوله قال الكريم عمره ما ينضام[/b]

فعلا كلام صحيح

بس اللى ضيعتنا حكومتنا

السلام عليكم ورحمة الله وبركاته
بجد موضوع مهم جدا وسؤال اهم بس الرد عليه مش سهل لان الرد عليه معروف واعتقد انه معروف لدى الجميع طبعا ابيه مبارك لو العالم كله اتحرك عمو مبارك ده عمره ما متحرك مع ان مصر لديها القوى العظمى اننا اقوى جيش فى الدول العربيه ولكننا نسير وراء واحد معرفش اسميه ايه عميل ممكن واحد مش عربى وخلاص معندهوش غيرة العروبه معندهوش خوف من شئ الا من شئ واحد يخاف ان مصروفه يتمنع من عند ابه الكبير عمو بوش لو بوش منع المعونه من مصر حتلاقى مبارك حيشحت يبقى ازاى بقى يعادها يا رب تكون فكرتى وصلتلكم

امريكا ملهاش معنى و لا حاجة و إسرائيل على رأى مسئول إيرانى شجرة عفنة فى طريقها للزوال و هما الأتنين مجتمعين ميسووش أى حاجة جنب دول الفرس و الروم زمان اللى انتصر عليها المسلمون ... اسرائيل انكشفت من ميليشيا صغيرة
و بلا شك هى اضعف بكتير من أنها تواجة الدول العربية مجتمعة متحدو لكن احنا اللى طيبين ...
عملوا بحث قبل كدة و قارنوا اعدادنا بأعدادهم وجدوا أن المسلمين لو بسقوا ( تفوا ) ع اليهود هيغرقوهم
الخوف اللى عندنا دة لان ربنا نزع مهابتنا من صدور اعدائنا و قذف فى قلوبنا الوهن لاننا تركنا الكتاب و السنة

<div class='quotetop'>إقتباس</div>امريكا ملهاش معنى و لا حاجة و إسرائيل على رأى مسئول إيرانى شجرة عفنة فى طريقها للزوال و هما الأتنين مجتمعين ميسووش أى حاجة جنب دول الفرس و الروم زمان اللى انتصر عليها المسلمون ... اسرائيل انكشفت من ميليشيا صغيرة
و بلا شك هى اضعف بكتير من أنها تواجة الدول العربية مجتمعة متحدو لكن احنا اللى طيبين ...
عملوا بحث قبل كدة و قارنوا اعدادنا بأعدادهم وجدوا أن المسلمين لو بسقوا ( تفوا ) ع اليهود هيغرقوهم
الخوف اللى عندنا دة لان ربنا نزع مهابتنا من صدور اعدائنا و قذف فى قلوبنا الوهن لاننا تركنا الكتاب و السنة[/b]

و الله انا معاك فى رأيك يا باشا

شجرة عفنة فى طريقها للزوال

حلم اى شاب عربى ان يزول هذا السرطان البشع(اسرائيل) من جسد الامة

لكن يجب دراسة الامور بعقلانية فتحكيم العاطفة دون العقل منتهى السفاهة

مصر الان فى وضع متدنى للغاية سواء على المستوى الاقتصادى او السياسى او العلمى ودعنا نقول حقيقة ان اسرائيل فى الوقت الحالى اقوى من اى دولة عربية منفردة وضع تحت كلمة منفردة مائة خط وذلك لان الدول العربية مجتمعة تستطيع ردع اسرائيل والقضاء عليها بقليل من الاتحاد ولك فى حرب 73 مثال على ذلك حيث ان مصر وحدها لم تكن فى قوة اسرائيل ولكن بمساعدة الدول العربية باكملها استطاعت مصر ان تسحق هذا المسخ وتصليه نار الهزيمة

اذن السر يكمن فى الاتحاد والاتحاد لن يأتى لان كل دولة تسعى لمصلحتها الشخصية وكلنا نعلم ان المصلحة الشخصية دائما وابدا مع امريكا

اذن الحل هو التخلى عن امريكا

والتخلى عن امريكا ومقاطعتها فى الوقت الراهن هو درب من الخيال لان الويندوز الذى اكتب منه الان هو امريكى والشاشة التى تقرأ انت منها الان هى امريكية وتقريبا كل شىء فى حياتك هو من اختراع امريكى

اذن الحل يكمن فى الاعتماد على النفس وصناعة النهضة بانفسنا خصوصا واننا ( المصريون خصيصا ) نملك الحضارة ونملك ايضا مقومات النهضة ولكننا لا نستطيع التوظيف

اعلم انى تفرعت من موضوع لموضوع ولكن المشكلة متفرعة بذاتها ولا تقف على عامل واحد


ومجمل الكلام ان دخول مصر فى اى حرب فى الوقت الراهن سوف يزيد الاوضاع سوءا

كلامك سليم

و فعلا دخول مصر فى اى حرب فى الوقت الراهن سوف يزيد الاوضاع سوءا

واحد رد عليك زي منا كنت عاوز اقول ( اسلام رشوان )

انا لما بقول يا شاعر مصر مش هتحارب انا مش بنزل من منزلة جنودها

انا اقصد ان الحكومة ال .....(محذوف):D ... مش هتحارب لان مبارك

ابن امريكا ده فاضل يغير الجنسية ويمكن الديانة وتبقي خربت

الشعب المصري يقدر مقولناش حاجة لكن مفيش حد هيتحرك الا بامر الحكومة ال ...... :D

للاسف نص اللي ردوا مشو فاهمين الموقف اصلا


يا اخي دي حاجة خسرانة خسرانة ندخلها ليه انتا عارف مفيش ولا دولة عربية تقدر ع اسرائيل ولو مصر اتدخلت امريكا هتتدخل

افهموا الموقف موش ابيه مبارك وعمو الريس لا هو يعني غلطان انه بيحميكم لو دخلكم حرب نصكم هيموت

تقولي اموت ورافع راسي وما عشي مذلول


يا حبي لما اصلا جيش لبنان يحارب ابأى تعالى قابلني وانا هخلي مصر تحارب اوكى


لكن قدر الموقف ومصر لو دخلت الحرب هتخسر معونات امريكا ودول كتير وهتسقط من نظر العالم لانها الدولة الاولى الداعية للسلام في الشرق الاوسط


سلام

ابن امريكا يا محمد سعيد


طب يابني احنا مالنا موش انتا عايش معزز مكرم هتقولي سرقة وبتاع احمد ربنا انك بتمشي ع الارض غيرك موش لاقي اللي انتا فيه شوف فلسطين شوف العراق

احمد ربنا وهاتلي واحد بس يصلح للرئاسة يا عمي انا عاوز واحد بس قولي مين؟

ياعم انت متخيل مصر تدخل حرب علشان الى بيحصل ده ؟؟

وهو الى بيحصل ده شيئ جديد ؟

الى بيحصل ده من يوم ما وعينا على الدنيا وهو بيحصل !!!!!

ومصر لم تحرك ساكنا

ولا تنتظر حرب من مصر حتى لو ضربوا الاهرامات او السد العالى او حتى الكعبة

فمصر بلد الامن والامان

ومصر بلد الحرية والديمقراطية

مصر هى درع الامه الاسلامية

مصر لن تحارب لان الحرب عييييييب

فهمت والا لسة ؟؟؟؟

الاستاذ الفاضل استاذ مجدي

حضرتك ببتريأ طيب هديك مثال حرامي دخل بيتك وعندك جيران وانتا الحرامي معاه عصابة مزودة باحدث الاسلحة حد من جيرانك هيساعدك ولو اخوك والله ما هيساعدك مهما كان مهما كان


وعلى فكرة احنا موش عاوزين نخسر جندي واحد بلاش اقولكم اسلحتنا عامله ازاي والله وصلني ان البرومة واكله نص الاسلحة

والاسلحة قديمه قوي قوي قوي


يعني هندخل حرب بايه بسيوف ولا نبوت ولا رجل مكنسة يا جماعة انا عاوز كلام منطقي


هاتوا ليا رئيس في البلد دي ينفع ويحمي مصر اكيد ممفيش

اولا انا مش محمد سعيد :) انا محمد سيد ---> للعلم بس :lol:

ثانيا

شوف فلسطين وشوف العراق

انتا بتقول اهو ان حال فلسطين والعراق محدش يحسدهم عليه

طيب محنا لو فاضلنا ساكتين وجنب الحيط هيجي اليوم الى هنحصلهم

دلوقتي خلصوا فلسطين والعراق وافغاناستان ودلوقتي شغالين فى لبنان

والى يمكن تكون عرفته انهم بيرسموا على سوريا دلوقتي وعاوزين يوطوها فى الهجمات

علشان لما يهجموا عليها يبقي عندهم حق وبعد كده يدخلوا على الاردن طبعا السعودية مش هينفع تحارب

لان السعودية بها قواعد امريكية يعني تعبر ولاية امريكية

وبعد كدل ده يستفرطوا بمصر مخلاص هتبقي العملية خربت

بس ربنا يباركلنا فى خامنئي يارب :D

انا لا اتوقع دخول الحرب نهائيا فى ظل الحكومة الحالية والنظام السياسى السائد

واكاد اجزم باننا لو دخلنا الحرب و معظم شبابنا فى هذه الحالة الايمانية الضعيفة او المتدنية فانناسنخسر وبلا ادنى شك

اولا يا عمي احنا نقدر ندافع عن نفسنا واحنا خير اجناد الارض ومتقوليش حكومة ولا موش حكومة ملناش دعوة ثانيا

البلد دي ليه تدخل في حاجا خسرانة خسرانة يا عمي اللي عاوز يحارب يروح ويموت شهيد وانا نفسي بس ليه

انا عارف اني ميت ميت ادخل ليه واان قولت مثال بس محدش بصله باين كله بيدخل يقوم كاتب كلمتين ويمشي من غير مي

يقرأ ردود اللي قبله

أنا مش هقول كلام تانى بعد حواركم و مش هتوقع ولا اى حاجة


هو اه دخول مصر دلوقتى صعب شوية
بس اسرائيل اكيد يوما ما لما حزب تانى فلسطينى ييجى لنا هتكون حجتها للدخول

دى عالم بتتحجج

بس انا بصراحة المفروض ان الكل يخش الحرب و اولهم مصر بقى
هما دول مش عرب؟؟ هو احنا مش اخوات ..؟؟ :angry:

حاجة تكسف


بنتفرج و خلاص






ربنا يستر و يسهل و يوفق

السلام عليكم ورحمة الله وبركاته
اخى واختى فى الله اختى كول جير انا اتفق معكى واختلف مع اخى محمد يا اخى زى منا قولت ان ابيه مبارك خايف من حاجات كتير اوى اوى سيبك من انه خايف على اولدنا ان يدخلو معركه خسرانه ولله دا لو ادو لكل واحد بندقية صيد حمام المصريين مش حيقولو لا اخى انهم خير جنود الارض وان شاء الله النصر سياتى على ايديهم ولكنهم محتجين الى الرجوع الى دين الله
اخى انظر الى حزب الله الان يقذف بلعشرين والاربعين صاروخ ماذا يحصد يحصد خمسه سته يا عم قول سبعه وتيجى اسرائيل تقذف صاروخ واحد يقتل ويحصد اكثر من عشرين شخص لماذا هل سالت نفسك هذا السؤال متقوليش لان اسرائيل تختار المواقع البتضرب فيها لا لان اللبنانيين كانو بعدين عن دين الله وكانو ربما او احتمال انهم نسوه اصلا اخى هيا نرجع الى دين الله ولله لو كل واحد تف بس تفه حيموت اكثر من الهما حيموتوه مننا لاننا حنكون موتناهم كلهم غرقنين بفضل من الله

إذا ضاع الإيمان فلا تتألم من ضياع العزيمة
النصر بيد واحد فقط
اللي يعرفوه يكلموه
مش معايا ليه نمرة موبايل يا بشوات
ولا حتة تليفون
اللي عاوزه هيلاقيه
غير كده بلاش كلام كتير
ربنا قالنا
ربنا إحنا مش رب الناس اللي مش مؤمنة
إن العشرين يدخلوا على ميتين يبهدلوهم
ومش مهم العتاد اللي معانا
أهم حاجة العشرين دول يكونوا مؤمنين ومش هيكون فيه خسائر في صفوفهم
بري
أنا لوضامن إني هأموت شهيد
حتى لو المعركة خسرانة
والله لأروح
بس يوسعوا
وإعلان تمني الشهادة لم يكن يوماً من الأيام نوعاً من النفاق
لأنك لما بتموت ربنا هوه اللي بيحاسبك وعارف نيتك
كل من يتمنى الشهادة ويقدر يقولها يقولها هنا
بلاش كتر كلام
اللي نفسه مش بتحب تحارب
والله لو إديتوه كل أسلحة الأرض
هيقولك إحنا أهل سلام و إحنا مسلمين
مع إن ده لا يجري على الإسلام في شئ
أستاذ أينشتاين لو مستعد تكمل الحوار فأنا بأعارضك تماماً
اللهم وفقنا يا رب
اللهم انصرنا يا رب
اللهم هون علينا
الهم لا تجعلنا منافقين
اللهم أحببنا
وحبب لنا الجهاد
الجهاد
الجهاد
الجهاد
اللهم آمين

جيش مصر قوى جدا جدا جدا جدا لكن لا أتمنى دخولها الحرب
مش كل ما وواحد ياخد على قفاه نعمل فيها شمشون الجبار الى مبيحبش الظلم وبيدافع عن غيره وبعد ما يطلع عنينا يرجع الى اضرب يضربنا احنا ويقارن نفسه بينا ويعيش فى الدور ويحسسك ان احنا شحاتينه مثلا

زى مقال فيثاغورث جيش مصر اقوى جنود الارض والله العظيم واحنا لو حاربنا هنبقى بنحارب برجاله من غير سلاح لانه بكل بساطه زى مقال محمد البرى احنا معندناش سلاح طب هقولكوا حاجه تعرفوا ان احدث طياره فى مصر الطياره F-16 بس عارفين موديل كام ؟؟؟؟؟؟؟ موديل 82 طبعا نصكم مش مصدق بس دى الحقيقه
وبعدين لو عايزين تحاربوا يبقى تحاربوا لحاجه مبنيه على اسس يعنى مش تحابروا عشان ناس بيكرهونا اصلا دنا لما بكلم واحد سورى ولا لبنانى بيقعد يشتم فى اللى جابوا المصريين
يا عم بلا حرب يلا بتاع اظبط حكومتك الاول وراضى شعبك اللى مظلوم اكتر من لبنان وفلسطين والعراق طب دول على الاقل الشعب مع الحكومه لكن احنا الشعب ضد الحكومه وبعدين ابقى تعالى دور على الحرب




وانا رايى يا تيتو لو عايز الموضوع يبقى كامل تبعت رساله صغيره للميهى هوا معانا فى المنتدى وهو فى كليه الفنيه العسكريه وهوا هيكلمك احسن منى فى موضوع السلاح دا والرجاله اللى عندنا

احنا مش هندخل الحرب دي

عشان لسه مخدناش الاذن من ماما امريكا

انا من رأيي :

انا مـصـر أكييد موش حتدخل حرب ..مادامت لم تهاجم من اسرائيل