لو مبارك على فراش الموت ماذا سيقول ؟؟؟؟ [الأرشيف]

مشاهدة النسخة كاملة : لو مبارك على فراش الموت ماذا سيقول ؟؟؟؟

المجاهد فى سبيل الله

18-07-2006, 06:08 PM

<div align="center">السلام عليكم ورحمة الله وبركاته
اخى واختى فى الله......هذا الموضوع قراته فى احد المنتديات وحبيت ان انقله لكم
انه سؤال محير .....
لو مبارك على فراش الموت .. ماذا يقول؟
التفت الأسرة حول فراش الزعيم وهو يلفظ أنفاسه الأخيرة .... قال الزعيم
بصوت ضعيف ولكنه حازم فى نفس الوقت
حسنى: كلكم موجودين
سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين
حسنى: طب إسمعوا اللى حقوله كويس
جمال: سامعينك يابابا ... إتكلم
حسنى: مصر دى كنز ياولاد ... إمكسوا فيها بإيديكم وسنانكم ...
بنسرق فيها بقالنا سنين وسنين ولسه بتدينا
علاء: هيا دى البركة اللى بيقولوا عليها يابابا
حسنى: أيوه يابنى .... ربنا يبارك لكم ولعيالكم فيها ... ودلوقتى
علاء: إنته على الهوى يابابا ... إتكلم
حسنى: أنا مش مديون لحد ياولاد ... يعنى أى واحد يصيع عليكم ويقول
لكم
أبوكم كان مستلف منى فلوس تفوا فى وشه على طول
علاء:إطمن يابابا ... حرامى على حرامى ما يلعبش
حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض
... فلوس متلتلة متتعدش .... مش حقول لكم حافظوا عليها وبس ...
لآلآلآلآ ... زودوها كمان وكمان لاجل ما روحى ترتاح وأنا فى تربتى
جمال: هيا الفلوس اللى إنتا عملتها يابابا دى بتسميها فلوس ....
شفنى أنا
وعلاء حنعمل إيه .... ولا صحيح حتشوفنا إزاى .... عموماً ما
تقلقش
حسنى: ودلوقتى إسمعوا وصيتى ..... الحكم لاولاد مبارك ... لازم أول
ما
جمال يحلف اليمين تغيروا إسم مصر وترجعوه زى ما كان زمان أيام الملك
فاروق
والملكة نازلى (المملكة المصرية)
جمال: مفهوم يابابا ... خش فى اللى بعده
حسنى: الجيش والشرطة والأزهر ... أوعوا واحد من التلاته دول يخرج عن
طوعكم أبداً
علاء: مفهوم برده .. اللى بعده .... ياساتر ده إنته ملل
سوزان:عيب ياعلاء لما تكلم أبوك كده
علاء: بهزرياماما
حسنى: الهرم لأم العيال ... ليكى ياسوزان بعد ما خدمتينى بتفانى
وإخلاص طول السنين دى
سوزان: هرم !!!!!!! .... هو دى آخرة صبرى !!! ...... وده يسوى كام ده !!!!
علاء وهو يمسك بالألة الحاسبة : يسوى كتير ياماما ... لو تحبى أتصرف لك فيه ممكن يعمل معاكى مبلغ كويس
سوزان: مش ح ارضى باأقل من التلات أهرامات وأبو الهول
حسنى: مش خسارة فيكى ياغالية .... أثار النوبة لعلاء .... والأقصر لجمال
... ودلوقتى نيجى للميه .... الساحل الشمالى لعلاء والبحر الأحمر لجمال
وقناة السويس تخصصوا دخلها صدقة جارية على روحى
سوزان: إنته أكيد مخبول ... مليار ونص دولار صدقة جارية على روحك !!!!
جمال: ما تاخديش على كلامه ياماما .... ده يبقى كتير لو طلعنا 100 ولا 200 جنيه على روحه للفقرا
علاء وهو يمسك بالألة الحاسبة: ممكن نطلع لحد ألف جنيه يا جمال ... السيولة تسمح
حسنى: أوعوا تفرطوا فى حبيب العادلى من بعدى ياولاد ... حبيب قلبه ميت وإيده طرشه ... وهوه ده اللى ينفع مع الغجر اللى
هنا
جمال: بس ما بيعجبنيش شنبه يابابا
حسنى: إنته مالك ومال أم شنبه ..... إحنا بنشترى مجرم
جمال: أعاهدك يابابا إنى حخليه معايا ومش حفرط فيه أبداً
حسنى: الشيخ طنطاوى ياولاد راجل بركة ...... يمين يمين شمال شمال ....
أوعوا تفرطوا فيه ..... بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ
علاء: ولا يهمك يابابا .... حاخلى أنكل كمال الشاذلى يصلى عليك
حسنى: والله لو عملتها ياعلاء لكون متبرى منك إلى يوم الدين
علاء: بهزر معاك يابابا ..... أنكل كمال مش حافظ الفاتحة
حسنى: المشير طنطاوى ياولاد ..... مش حوصيكم عليه . . . الراجل ده عامل زى الست المستحية .... حاطط وشه فى الأرض على طول
وعمره ما استجرى يرفع عينه فيا ... وفى نفس الوقت ماسك الجيش بإيد من حديد
سوزان: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجمال
جمال: حاضر ياماما
حسنى: عايز جنازتى ياولاد الناس تحكى وتتحاكى عنها ...... هاتوا المخرج الإيطالى ده اللى إسمه مكافيللى يصورها
علاء وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر
حق توزيع الفيديو فى أوروبا وأمريكا
حسنى: عايز أحلى مدفع يشيل النعش يا ولاد
جمال: مدفع رشاش
سوزان: الهزار مش فى الحاجات دى يا جمال
جمال: آسف يا ماما
حسنى: عايز أدفن فى شرم الشيخ ياولاد جنب أولمرت وشارون
علاء: بلاش كفر مصيلحة يعنى ؟
حسنى: لأ كلها براغيت ياعلاء .... وإسم شرم الشيخ كمان أشيك بكتير</div>

tet0

18-07-2006, 06:16 PM

بصراحة جميله جدا جدا جدا جدا

المجاهد فى سبيل الله

18-07-2006, 06:23 PM

السلام عليكم ورحمة الله وبركاته
جزاك الله كل خير اخى فى الله على المرور وبارك الله فيك

Assmaa

18-07-2006, 08:08 PM

جزاك الله خيرا
وهي في الحقيقة تشبه كتير من الواقع

mohamed_oweis

18-07-2006, 08:16 PM

اسماءفريد

18-07-2006, 08:18 PM

لا دا هوا دا الحقيقه مش اشبه بيها وبس

شكرا ليك يا مجاهد

sun rays 2010

14-05-2008, 08:07 AM

اخي المجاهد
شكراا على المجهود الرائع بس الكلام ده ممكن يحصل بس بعد كمان 80 سنة و ربنا يجعل كلامنا خفيف عليهم

dr.saeed

14-05-2008, 08:09 AM

blossoming love

14-05-2008, 08:29 AM

[QUOTE=]<div align="center">السلام عليكم ورحمة الله وبركاته
حسنى: الشيخ طنطاوى ياولاد راجل بركة ...... يمين يمين شمال شمال ....
أوعوا تفرطوا فيه ..... بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ
علاء: ولا يهمك يابابا .... حاخلى أنكل كمال الشاذلى يصلى عليك
حسنى: والله لو عملتها ياعلاء لكون متبرى منك إلى يوم الدين
علاء: بهزر معاك يابابا ..... أنكل كمال مش حافظ الفاتحة
حسنى: المشير طنطاوى ياولاد ..... مش حوصيكم عليه . . . الراجل ده عامل زى الست المستحية .... حاطط وشه فى الأرض على طول
وعمره ما استجرى يرفع عينه فيا ... وفى نفس الوقت ماسك الجيش بإيد من حديد

جميله جدا جدا جدا

salvazero

14-05-2008, 08:43 AM

يا خبر كلامك جرئ اوى يا جدع

dr \manoo

14-05-2008, 08:49 AM

بصراحة التحدث بسخرية لاذعة بالطريقة دى مش كويس
احنا منعرفش الناس دى حياتهم عاملة ازاى و منقبلش ان حد يعمل فينا كدة ..... ماشى حرية تعبير و كل حاجة بس منجرحش فى حد
لان الكلام دة هنتحاسب علية

بصراحه انا معاه فى راية وبعدين ده ريسنا لو احنا هنتريق كدة امال غيرنا يقول اية
وعيب لان حياة دى خصوصيته
واكيد انت متحبش حد يتريق على خصوصياتك

أسيل رزق

14-05-2008, 01:12 PM

ههههههههههههه

ياااااااااااااه

الموضوع ده كان من أوائل المواضيع اللى كتبت فيها وأول خناقة اتخانقها كانت فيه

هههههه والموضوع بعدها تقريبا اتحذف او الادارة كتبت عليه ( مغلق للصلاة :D )

خاف على نفسك يا أستاذ أحمد

وربنا يحسن ختامنا

انت ماشفتنيش ولا تعرفنيش:p

فاهم؟؟:mad:

سلام عليكم

MohammeD el_SadaT

14-05-2008, 02:06 PM

و
عليكم السلام ورحمه الله وبركاته

ههههههههههههههههههههه
الله يجازى شطانك يا أحمد بجد أنا مش بطلت ضحك طول ما أنا بقرأ الموضوع
فعلاً هم يبكى وهم يضحك
ههههههههههههههههههههههه
ألا صحيح هما مش هيسيبو حاجه للعب يضحكو بيها عليه ولا إيه

الجويرية

14-05-2008, 04:55 PM

اولا هو موضوع لذيذ جدا بس الخوف ان الراجل ده يكون افضل مننا عند ربنا واحنا مش حسين
وبعدين انا بقول لحضرتك نصيحة
ملكش دعوة بالسياسة خالص
مع انى عارف رد حضرك كويس فى النقطة دى بس اللعب مع الناس دى كبير اوى احنا مش قدهم
خاااااف على نفسك
نسيت
جزاكم الله خيرا على الموضوع
اضحك الله سنك
بس ممكن اسال حضرتك سؤال؟
هذا الكلام اللى اضحكت به كثير من الاعضاء
هل انت من الدال على الخير كفاعله ولا الدال على الشر كفاعله ايضا
وانت كتبت هذه الكلمات
هل هى حجة لك يوم القيامة ولا حجة عليك
اتمنى ان يكون حجة لك لا عليك وفى ميزان حسناتك يوم العرض عليه
بس بجد ده ما ينفعش مع اخ متدين لازم يكون قدوة لغيره فى كل شئ
نصيحة اخرى منى افقله حتى لا يكون حجة عليك وياتى لك مبارك ويوم القيامة وياخذ من حسناتك
ارجو ان يكون كلامى وصل لحضرتك
واسف كثيرا على الاطالة

زهرة البنفسج

14-05-2008, 08:40 PM

موضوع روعة انا ما بطلتش ضحك جزاك الله خير والله امتعتنا وعلى فكرة استمر وميهمكشى من اراء الاعضاء لانك بتكتب حقيقة تقبل مرورى .......................اختك زهرة البنفسج

بندق__2007

14-05-2008, 08:45 PM

والله يا اخى
ضحكتنا

هم يبكى و هم يضحك

جزاك الله كل خير يا اخ مجاهد

روميو

15-05-2008, 01:38 AM

بجد حلوة اوى اوى

وحكاية كفر المصيلحة ان فيها براغيت ده مش صح هو صحيح نسى بلده وكده بس كفر المصيلحة قرية جميلة ومش تعتبر قرية دى تعتبر منطقى من شبين الكوم فى المنوفية انا بكلم عن ثقة دى بلدى وصدقنى لو مات محدش يرضى من المنوفية كلها انه يدفن فى كفر المصيلحة احسن الارض تنفجر ولا حاجة

لولو داد

15-05-2008, 02:05 AM

هههههههههههههههههه
بجد تسلم ايدك
انا فية حاجة مش مصدقها
هى سوزان مش هتورث تمن مصر وحق الشرع تملك التمن
طيب التمن الاهرام وابو الهول بس
لالالالالالالالالالالالالالالا انتا اكيد غلطان راجع المحامى تانى وابقا قول
تسلم ااااااااااااااااااااايدك

عاشقـــ الانمى ـــة

15-05-2008, 06:56 AM

ههههههههههههههههههههههههههه
لسه كنت بقرأ موضوع عن الضحك
دلوقتى بنفذه
هههههههههههههههههههههههههههههههه
استنوا بس أضحك كمان شوية
ههههههههههههههههههههههه
دا أقل واجب هيعملوا أهل مبارك
مش بعيد يشتروا الشعب بالمرة
ليه كده بس قلبت المواجع أنا مبحبش أجيب سيرة الرجل دا
أل صاحب الضربة الجوية الأولى أل

اميرة ولكن حزينة

23-05-2008, 03:56 PM

ربنا موجود ادما فى ايمان بية انتو نسيتوا ان ربنا عادل نستو ولا اية يا جماعة فى الى اقوى من كل شىء

Messenger of Peace

31-05-2009, 06:49 AM

هههههههههههههههه
جامد يا استاذ احمد
انا قرأته قبل كده
بس قلت ارد فيه بقى
اهو مطلعش ميت زي القتت 7000 روح ربنا يرحمنا ويرحمه
المهم في خطبة سيدنا بو بكر االصديق

قريب من هذا كلمات نيرة تكتب بماء الذهب قالها أبو بكر الصديق رضي الله عنه في مطلع خلافته، إذ خطب الناس وأوصاهم بأشياء كثيرة ، وأشفق على نفسه أن يتوقعوا منه ما كانوا يرونه من رسول الله صلى الله عليه وسلم فقال "... أما والله ما أنا بخيركم، ولقد كنت لمقامي هذا كارها، ولوددت أن فيكم من يكفيني، أفتظنون أني أعمل فيكم بسنة رسول الله صلى الله عليه وسلم؟ إذن لا أقوم بها. إن رسول الله كان يعصم بالوحي، وكان معه ملك، وإن لي شيطانا يعتريني، فإذا غضبت فاجتنبوني أن لا أؤثر في أشعاركم وأبشاركم، ألا فراعوني فإن استقمت فأعينوني وإن زغت فقوموني ..." ، ثم أخذ يبين لهم مشكلة الملوك والأمراء في كلمات تحتاج أن تقرأها أكثر من مرة لثقلها وصدقها. قال "...‏ إنه والله لولا أن تضيع أموركم ونحن بحضرتها لأحببت أن يكون هذا الأمر في عنق أبغضكم إليَّ ثم لا يكون خيرا له. ألا إن أشقى الناس في الدنيا والآخرة الملوك، فاشرأب الناس ‏(‏فاشرأب‏:‏ أي رفعوا رؤوسهم لينظروا إليه لغرابة الكلمة إذ كيف يشقى الملوك في الدنيا ؟‏)‏ ورفعوا إليه رؤوسهم فقال‏:‏ على رسلكم إنكم عجلون، إنه لن يملك ملك قط إلا علم الله ملكه قبل أن يملكه فينقص نصف عمره، ويُوَكل به الروع (الفزع‏) والحزن‏، ويزهده فيما بيديه ويرغبه فيما بأيدي الناس، فتضنك معيشته وإن أكل طعاما طيبا ولبس جيدا، حتى إذا أضحى ظله (أي انتهى عمره) وذهبت نفسه وورد إلى ربه فحاسبه فشد حسابه وقل غفرانه له ألا إن المساكين هم المغفورون ...".

تأمل أي صاحب ملك أو رئاسة، وطبق عليه هذا الكلام لترى صدقه بالكامل ... هذه بصيرة منه رضي الله عنه.

فيا اخواني والذي نفسي بيده لو علم الحكام بما فيها من مشقة لاجتوبها وما تقاتلو عليها
رحمنا الله وبتولنا برحمته
مببارك عليك يا بابا مبارك

al_shaba7

31-05-2009, 08:34 AM

دي او ل مشاركه لي في المنتدى

وبدايه جميله جدا على ايد الموضوع ده

لانه بصراحه لامس الواقع المحزن

والخيال المضحك

:: [ K A B B O W ] ::

31-05-2009, 11:52 AM

http://i86.servimg.com/u/f86/13/56/13/38/ououou10.jpg

اولا ليك الاحترام الكامل فى وجهة نظرك او وجهة نظر اللى انت حبيتها ونقلت عنها الكلام
لكن احنا بنتكلم عنه ليه مش يمكن هو احسن مننا عند ربنا
مش يمكن قبل ما يموت ربنا يصلح حاله ويكون اتقى انسان
ليه نعيب عليه ده حتى لو كانت فيه العيوب دى ميصحش اننا نعيب عليه
ده الانسان العادى لا يصح سبه ما بالك بالوالى
انظر الى كلام سيدنا محمد ( صلى الله عليه وسلم)
( لا تسبوا أمراءكم ولا تغشوهم ولا تبغضوهم واتقوا الله واصبروا فإن الأمر قريب)
وقوله ( صلى الله عليه وسلم )
( من كره من أميره شيئاً فليصبر عليه فإنه ليس أحد من الناس خرج من السلطان شبراً فمات عليه إلا مات ميتة جاهلية)
وقوله تعالى
(يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ذَلِكَ خَيْرٌ وَأَحْسَنُ تَأْوِيلاً)

فلنتق الله ونعلم ان فسادهم هو سبب لفسادنا
فاذا اصلحنا فسادنا صلح فسادهم
دى حاجه و الحاجه التانيه جملة
حسنى: الشيخ طنطاوى ياولاد راجل بركة ...... يمين يمين شمال شمال ....
أوعوا تفرطوا فيه ..... بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ

ده شيخ الازهر قائد اكبر صرح اسلامى لايصح ادخاله فى موضوع زى ده
احترامنا مش ليه هوه لا احنا منحترمه علشان المكانه اللى هو فيها يعنى احترامه جى من احترام الازهر

http://i86.servimg.com/u/f86/13/56/13/38/uu_ouo10.jpg

*NODY*

31-05-2009, 12:57 PM

بجد مش عارفة اقولك ايه
موضوعك رائع فوق الوصف
والله مش بعيد ده يحصل
كل شى فى مصر جايز
مش بعيد يخلصوا على الشعب كمان
والله يا ريسنا ما هزعل عليك
مش بعيد ازغرط مع انى مش بعرف
اوزع كوكا احسن

هانى الشرقاوى

31-05-2009, 01:01 PM

ربنا يحسن ختامنا جميعا

ابراهيم حافظ

31-05-2009, 01:49 PM

اشراقة

31-05-2009, 01:57 PM

جرأة متناهية

لكن توبيك روووووووووعة

ربنا يحسن ختامنا جميعا

شهدالجنة

31-05-2009, 03:30 PM

ههههههههههههههههههههههه
بجد موضوع مشكلة فعلا جميل جدا

بجد بجد بس هل ياترى مصيرنا ايه بعد موته؟

مروج البحر

31-05-2009, 08:45 PM

كالعاده التميز في انتقاء المواضيع

جزاك الله خير الجزاء اخي المجاهد في سبيل الله

المجاهد فى سبيل الله

31-05-2009, 09:19 PM

fictional.girl

31-05-2009, 09:35 PM

ههههههههههههههه
بجد احييك علي جرأتك في التعبير عن الواقع المؤلم
وشكراا علي الموضوع .......

الاستاذ محمد سرور

01-06-2009, 06:13 AM

عن البراء بن عازب رضي الله عنهما قال ,قال رسول الله صلى الله عليه وسلم يا فلان إذا أويت الى فراشك فقل : اللهم أسلمت نفسي اليك, ووجهت وجهي اليك, وفوضت أمري اليك, وألجأت ظهري اليك, رغبة ورهبة اليك, لا ملجأ ولا منجى منك الا اليك, آمنت بكتابك الذي أنزلت, ونبيك الذي أرسلت, فإنك إن مت من ليلتك, مت على الفطرة, وإن أصبحت أصبت خيرا

بل نحن ماذا سنفعل على فراش الموت!!!!!!!!

دايما كدة نعيب على غيرنا واحنا اسوا الناس

انا بتكلم عن نفسى ماحدش يفهم غلط

بس ممكن اسال حضرتك سؤال؟
هذا الكلام اللى اضحكت به كثير من الاعضاء
هل انت من الدال على الخير كفاعله ولا الدال على الشر كفاعله ايضا
وانت كتبت هذه الكلمات
هل هى حجة لك يوم القيامة ولا حجة عليك
اتمنى ان يكون حجة لك لا عليك وفى ميزان حسناتك يوم العرض عليه
بس بجد ده ما ينفعش مع اخ متدين لازم يكون قدوة لغيره فى كل شئ
نصيحة اخرى منى افقله حتى لا يكون حجة عليك وياتى لك مبارك ويوم القيامة وياخذ من حسناتك
ارجو ان يكون كلامى وصل لحضرتك
واسف كثيرا على الاطالة

مع كل الكلام السابق
واضيف اليه

هداكم الله

احمد رضا

01-06-2009, 08:10 AM

برغم من اني غالباً مبحبش النكت السياسية عشان بتحمل إيحاءات
احب لما اقول كلمة اقولها علي طول أكيد مش هعمل كدا يعني
ولو اسمك مكتوب انا متأكد إنك مكنتش هتنزل الموضوع
:d
إحنا ( والدي ) لغاية دلوقتي اتقفلنا يجي سبع رخص جرائد وكنا سبب في قفل 48 رخصة قفل نهائي ماشاء الله تقريبا سنة 98 وسلسلة من الاعتقالات السياسية
:d وإن شاء الله نكمل المسيرة
إلا ان الموضوع ده احسن من قاااااااااااااااااادم اللي بتدل علي الشلل اللي جاي
وااللي بيرددها الإخوان وأكنهم بيقولوا للحكومة انا ليا أمين شرطة في قسم الخليفة هيطلع عينكم
اتقلوا بس قاااااااااادم وهيوريكم وانا طبعاً غلطان في سخريتي
:d
أتمني أي حد من الحزب الوطني يدخل ويمسك رمز من رموز الإخوان ويشمله كدا عشان تبقي لكل واحد حق للتعبير عن رأيه ومن جهه انك غلطان فأنت غلطان بالشرع من غيره غلطان والقاعدة الفقهية إن نصت علي شئ هتنص علي التصدي للحاكم مش السخرية منه اما السخرية فهي بدون قاعدة فقهية موجودة في القرآن حرام
" يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ "
تم تنكير قوم للعموم والشمول يعني تقدر تضمن الفئات اللي انت عايزها كلها تحتيها
عايز تغلط قول انا بغلط مش تقول دين ومش دين بقي ياحمادة
زيي كدا ممكن اسب الحاكم بس وانا عارف اني غلطان لان ديني ميدنيش الأحقية بذلك
:d
ملايكة ياخواتي
:d
يلا ربنا يرحمنا

The Secret

01-06-2009, 09:40 AM

مكنش لازم يطلع الموضوع دا من حضرتك انا بحترمك جدااا وانت انسان متدين جداااا

مع احترامى الشديد لحضرتك انت كدا بتخالف تعاليم دينك ويمكن انت عارف دينك اكتر منى انا مش بقولك انا شيخ ولا حاجة

بس اعرف اللى يحمينى والدين الاسلامى عمره ما امرنا بالسخرية من حد ولا الاستهزاء مهما كان الراجل برده ليها مميزات

وليه عيوب انا منكرش انى مبحبش نظام حكمه ونقضته كتير بس مش هتوصل للدرجة دى واحنا مينفعش نوصلها للدرجة دى

انا كنت فاكر هدخل القى الناس مضايقة وتقول عيب يا جماعة دا الريس بتاعنا ومهما كان بس للاسف معظم الردود بتحيك

وبتشجعك , انت لو واحد من ديانة تانية وقالك انت دينك بيامرك بكدا هتقوله ايه ؟

انا هقوله الدين الاسلامى مش بيامرنا بكدا بس دى سقطت سهوا من اخونا

والدليل على كدا

بسم الله الرحمن الرحيم

http://www.iu.edu.sa/Edu/syukbah/taf10.htm1.gif
http://www.iu.edu.sa/Edu/syukbah/taf10.htm2.gif

كان ممكن حضرتك تعبر عن رايك فى الناس بطريقة احسن من كدا وتليق بثقافتك

نصيحة منى الموضوع مش فى صالحك انصحك بالحذف نهائى

احمد رضا

01-06-2009, 05:34 PM

دا الريس بتاعنا

ده الريس بتاعكم
انت من المنوفية ولا ايه ؟
:)

:: [ K A B B O W ] ::

02-06-2009, 12:39 AM

كلام حضرتك جميل
بس يا ترى نصبر اد ايه

الرسول لم يعطنا وقت نصبر له امرنا بالصبر فقط ما دام لم يامر الوالى بمعصية كبرى ( من كره من أميره شيئاً فليصبر عليه فإنه ليس أحد من الناس خرج من السلطان شبراً فمات عليه إلا مات ميتة جاهلية)

دوقتى لما سيدنا ابو بكر لما تولى الخلافة
فيما معنى كلامة
اذا جرت فردونى

فعلا هذا قول لسيدنا ابوبكر فى خطبته عندما تولى الخلافه لكن هذا الوالى والقائد سيدنا ابوبكر ومن سيرده هو خيرة رجال الامه
اما نحن فمن قائدنا واين الرجال الذين فى مستوى هؤلاء العظماء ليرد الان؟

وقول النبى صلى الله عليه وسلم
افضل الجهاد كلمة حق عند سلطان جائر

واين السلطان الذى تقول له هذا الكلام الان انه لا يعرف اى شىء عن كلامنا الان بل فقط ناخذ نحن ذنب الغيبه

وناك حكم فقهى
بجوار الخروج على الحاكم اذا كان جائرا

انا لم اسمع عن هذا الحكم قبل ذلك فدائما اسمع دعاتنا وفقهائنا العظام سواء من السلفين او من علمائنا من الازهر يقولون وجوب اتباع الوالى مالم يامر بكفر او ذنب عظيم وفى هذه الحاله له النصح ثم يرى ( بضم الياء ) ان كان الخروج عنه سيسبب ضرر ومكروه اكثر مما يسببه حكمه وفى هذه الحاله لا يجوز اما ان وجد العكس جاز ذلك ومما يؤكد لك كلامى انا الحجاج كان يقتل المسلمين وهذا اثم كبير ولم يخرج عنه احد بل كان كبار رجال الدين العظماء والرجال الذين يعدون من اتقى رجال الامه كانوا يصلون خلفه وانا كان عندك مصدر موثوق لهذا الحكم بعد هذا الكلام فانا اتشرف بمعرفته وتكون قد جوزيت خيرا بتعليمى شىء جديدا فى الدين

وانت ايه رائى حضرتك فى حاكمنا هل تنطبق عليه هذه الايام و تلك الاحاديث؟؟؟؟؟؟؟

هذه الاحاديث صدقت على من هم افجر منهم

كالعاده لك خالص الاحترام لوجهة نظرك
تحياتى لك

The Secret

02-06-2009, 01:31 AM

ده الريس بتاعكم
انت من المنوفية ولا ايه ؟
:)

لا حضرتك واضح فى الاقامة

روميو

02-06-2009, 01:38 AM

بجد حلو اوى اوى اوى

وكمان مش عاوز يدفن فى كفر المصيلحة اللى هيا بلده واصل المنوفية مش ترضى انه يدفن على ارضها

بس بجد حلوة اوى

احمد رضا

02-06-2009, 02:16 AM

لا حضرتك واضح فى الاقامة

اها أصلك بتقول رئيسنا يعني فقولت من المنوفية من بلد الأخ
رئيسكم لوحدكم أو الفئة اللي انتم منها أكيد
لكن صراحةً انا لا أتشرف بيه كرئيس او كشخص مصري أصلا
:)

nothing

02-06-2009, 02:27 AM

اها أصلك بتقول رئيسنا يعني فقولت من المنوفية من بلد الأخ
رئيسكم لوحدكم أو الفئة اللي انتم منها أكيد
لكن صراحةً انا لا أتشرف بيه كرئيس او كشخص مصري أصلا
:)
كنت طيب اوى يا احمد
يا عينى عليه كان فى عز شبابه:huh::(

Amethyst

02-06-2009, 10:21 AM

The Secret

02-06-2009, 12:40 PM

اها أصلك بتقول رئيسنا يعني فقولت من المنوفية من بلد الأخ
رئيسكم لوحدكم أو الفئة اللي انتم منها أكيد
لكن صراحةً انا لا أتشرف بيه كرئيس او كشخص مصري أصلا
:)

المفروض يكون شرف لكل مصرى

**تسابيح**

03-06-2009, 01:12 AM

ده الريس بتاعكم
انت من المنوفية ولا ايه ؟
:)
مالهم اللي من المنوفية:d
ما السادات كان من المنوفية
وبسببه انتصارنا في 73 وبسببه
رجعتلنا سينا وكمان حسني من المنوفية
وساعد ان طابا ترجع لنا
يعني فيها عظماء كثير المنوفية
وانا اولهم:blush::blush::p
نرجع للموضوع
مع احترامي برده لحضرتك استاذ احمد
انا ضد السخرية منه
اكيد كل واحد ليه عيوب ووميزات
فهو فعلا بسببه محتفظين بعلاقتنا الكويسه
مع الدول الاجنية وحاجات كثير
مش معني كدا اني متحيزة ليه
انا رافضه سياسته كليا
لانه بيختار الوزاء غلط وغير انه عايش في التكييف
ومش حاسس بالناس اللي في البلد
ع كل حال لما تحصل الانتخابات تاني اللي مش عايزة مش يبقي
يرشحه;);)

المجاهد فى سبيل الله

03-06-2009, 07:59 AM

ههههههههه
دا على اساس حد رشحة اولا علشان يرشحه ثانيا