مششششششششكلة عويييييييصه مع الإدارة .... لكن أنا مش هسكت .أبببببببببدا [الأرشيف]

محمد عبد العظيم وسية

18-02-2009, 09:56 PM

السلام عليكم ورحمة الله وبركاته جمييييييييييييييييييييعا ...

إخوتي وأحبتي في الله ...

علشان ما اطولش عليكم .. قولوا طووووول ..

كما قلتم لكم في الموضوع السابق ... بخصوص فكرة ..

الخمسة جنيهات التي نريد خصمها من زيادة الكادر لكل من وفقه الله واجتاز لتعود إلى إخوتنا الإداريين ..

بالفعل ... قمت اليوم بعرضها على إخوتي وزملائي وأصدقائي في المدرسة ... لآخذ رأيهم ..

ومعظمهم قال : اذهب للإدارة لتعرف الرد ... ((( اللي كان متوقع أصلا )))) ........

(((((((( المهم ))))))))))

رحت للمدير المبجل ... وعرضت عليه الفكرة .... قالي : مش موافق .... الموضوع دا مشاكله كتير وأنا ماقدرش اتحمله .... وناس كتير هتقول فلوس ايه اللي انتوا عايزين تلموها وتلموهاا ليه ...
وإداريين ايه اللي ياخدو فلوس مننا .... ماهو ياسيدي هياخدوا حوافز المحليات ...

ماسكتش يا حضرات .
...قولتله يعني تحب أجيبلك موافقة من وكيل الوزارة والا ايه بس ؟؟

قالي : ولا كأنك قولتلي حاجه ؟

قولتله : طيب انا هكتب صيغة محترمة كده في كشف فيها أن من باب التكافل والتعاون والمحبة بين أسرة المدرسة قرر الأساتذة الآتية أسماؤهم الموافقة على خصم خمسة جنيهات من حافز الكادر لتعود على إخوتنا الإداريين في المدرسة ، وأسماؤهم كالتالي :
الأستاذ فلان ........... وإمضاء ........ وهكذا ..

رد البيه المسئول وقالي : ولا كأنك قولتلي حاجه .

قولتله : طيب .. انا اللي هتصدر في الموضوع واللي يحصل يحصل .

رد البيه المسئول وقالي : ولا كأنك قولتلي حاجه .

لما الكيل طفح بقا ... قولتله في وشه :

السلام عليكم ورحمة الله وبركاته ...

ماسكتش يا حضرات ...

روحت لسيكرتير المحترم وزير المالية بتاع المدرسة اللي بيقبضنا كل شهر ... وطبعا مش هيجيلوا حاجه هوه والفريق اللي معاه من الزيادة اللي جايه ..
وعرضت عليه الفكرة ..
قالي : والله فكرة ممتازة .. بس ما ينفعش انا اشارك فيها .. انت عارف بعض الناس هتقول : ليه وبيخصم ليه وهوه ماله يخصم .. وانت عارف الباقي يا حاج محمد ..

فاقترح الأستاذ أشرف المحترم : انه يتم تشكيل لجنة من ثلاثة أو أربعة أفراد ... تقوم بالموضوع دا .. بعيد عن الإدراة وبعيد عن السكرتاريه ..

ماسكتش يا حضرات ..

ودخل واحد في الخط ... وقالي :
يا محمد يا ابني من غابر الزمان حاولنا نعمل صندوق زمالة في المدرسة .. الناس كانت هتاكلنا ..
ورد واحد تاني :
يا محمد يا ابني ..بلاش الحماس ياخدك للي ما تقدرش عليه .. ـــــــ وألف ليلة وليلة اشتغلت ـــ

ما سكتش يا حضرات ...

وفكرت أنا ومجموعة راااااااااائعة في مدرستي العريقة ...

إننا نبدأ تنفيذ الفكرة على مرحلتين ............ وعلى مسئولتنا الشخصية :

المرحلة الأولى :
كتابة صيغة وتجميع أكبر عدد من المعلمين الذين اجتازوا الكادر وإمضاءتهم وموافقتهم انهم يتخصم منهم الخمسة جنيه ... بصورة ودية جدا ... زي ما بنعمل لما حد فينا بيحصله حاجه من عملية أو تعب وخلافة .. بنلم من بعض ... ووالله بتلاقي في خلال نص ساعة ... اتلم آلاف الجنيهات ... لأن الخير لسه موجود في المعلمين العظماء في مدرستي والحمد لله .

المرحلة الثانية :
كتابة كشف بأسماء مستحقي المبلغ من الإدارين ... واقترح أحد السادة الفضلاء .. أننا لازم نضيف معاهم أسماء عمال المدرسة الكادحين ... لأنهم فعلا يستاهلوا ..

يعني دلوقتي اللي هياخد المبلغ دا ... ( الإداريين وعمال المدرسة ) .

وبعد ما نجمع الإمضاءات والموافقات ... نحدد المبلغ كله ...

ونبدأ نوزعه بنسب متساوية على عدد المستحقين ..

ــــــــــ

ودلوقتي بقا والمهم ..

محتاج رأيكم .. واللي عنده فكرة يضيفها ... وياريت تكون في الخير ... عشان مش عايزين قاسم السماوي أفندي اللي منتشر في كل مكان بيننا .. يدخل ويقول : والله ما انتم نافعين .. وابقوا قابلوني لو الفكرة اتنفذت ... ولو حد وافق تخصمه منه ابقوا تعالوا ................... ــ ما علينا ....

ـــــــــ
منتظركم ... ضروري بأي دعم معنوي يا جماعة ...

ومنتظر حد منكم يقولي : احنا كمان هنطبق الفكرة إن شاء الله عندنا في مدارسنا مهما كانت المعوقات ...

والله يا جماعة .. لو حطيتم نفسكم مكان أخويا الإداري اللي اكبر من بعشرات السنين واللي هيلاقيني من دور ولاده وبقبض اكتر منه بكتير ... وحالته النفسية ساعتها .. وكمان هوه اللي بيقبضني بنفسه ... هتتحمسه أكتر للموضوع ...

وتعملوا للناس المحترمة دي حاجه .... على بال حتى ما يصرفوا الحوافز بتاعهم بتاعت المحليات اللي مش باين لها صرف ..

وعلى فكرة .... كفاية روح المحبة وروح الإخاء ورح التعاون اللي هتكون موجودة في المدرسة ..
ــــ وماحدش يقولي روح ايه بس .. ياعم رووووح .

ـــــــــ
وأخيرا .. ياريت لو حصلنا حاجة ... تبقوا تيجوا تزورونا .. في الأماكن التالية :
سجن أبو زعبل ...
طرة
سجن القناط ............... لا دا بتاع الحريم ما ينفعش نروحه ..

المهم تفتكرونا بس لو حصل حاجه ..

وتقولوا ... ياااااااااااااااااااااااه .. والله كان زمان ناس بتقدم أفكار وتحاول تنفذها ... ودلوقتي يا سلام عليهم ... منورين
خللللللف القضبان خللللللللللف القضبان خلف القضبان خلف القضبان .

آه صحيح .....نسيت أقولكم .. فيه استطلاع ياريت تشاركه فيه دلوقتي حااااااااالا .. في أعلى الموضوع .

ويجعله عامر .

نعيم أحمد زمزم

18-02-2009, 10:11 PM

gomaa ashour

18-02-2009, 10:12 PM

السلف أحسن حاجة
نسلفهم وناخد حسنات وترجع فلوسنا تانى

طارق ممدوح ذكي محمد

18-02-2009, 10:25 PM

اعتذر عن الخطأ استاذ محمد فكنت اقصد الاقتباس ... والعتب ع النظر وعلى دور البرد الشيد اللي واخده من اسبوع ...

طارق ممدوح ذكي محمد

18-02-2009, 10:36 PM

وأخيرا .. ياريت لو حصلنا حاجة ... تبقوا تيجوا تزورونا .. في الأماكن التالية :
سجن أبو زعبل ...
طرة
سجن القناط ............... لا دا بتاع الحريم ما ينفعش نروحه ..

المهم تفتكرونا بس لو حصل حاجه ..

وتقولوا ... ياااااااااااااااااااااااه .. والله كان زمان ناس بتقدم أفكار وتحاول تنفذها ... ودلوقتي يا سلام عليهم ... منورين
خللللللف القضبان خللللللللللف القضبان خلف القضبان خلف القضبان .

اهم شيء ان ما حدش يجيب سيرة قسم الكادر ولا مشرفين قسم الكادر ... عايزينكم ابطال للنهايه ... وان شاء الله قسم الكادر واعضائه هيبعتلكم يوميا عيش وحلاوة ... ابسط يا عم . هههههههههههههه

انا شايف ان حضرتك مع الزملاء وبصورة وديه تقوموا بالمهمه دي فعلا بعيد عن الاداره لانه عمل اجتماعي وليس رسمي وعلشان ما تلاقيش اعتراض وتذمر من حد .... ويقدم بصورة ليس فيها احراج لاحد من الزملاء الاداريين فالغرض منه هو المشاركة الوجدانية وليس الصدقه والاحسان لابد ان يكون في صورة هديه تقدم لهم او اتعبيرا عن احساسكم بتعرضهم للظلم ... وانهم لايقلون اهمية عن اي معلم بالمدرسة وهذا شيء حقيقي .
اسال الله ان يجعله في ميزان حسناتك

واعتذر بالنيابه عنك يا استاذ محمد ... لكل الزملاء في تاخرك في الرد على مشاركاتهم وذلك لوجود ضيوف عندك بالمنزل .... طبعاً شرقاوي .. ربنا يزيدك كرم وشهامه ...

tota1234567

18-02-2009, 10:37 PM

mr.osama

18-02-2009, 10:42 PM

عمادالدين عبدالله

18-02-2009, 11:16 PM

أمل لاشين

18-02-2009, 11:24 PM

فكره جميله استاذ محمد .....والاجمل انها عمل تطوعي وبعيد عن اي اداره او مدير

وعلي فكرة برده الرد في المديريه..........ولا كأنك قولتلي حاجه

لان الكل بيخاف................

مسيو وليد عسكر

18-02-2009, 11:28 PM

الدال علي الخير كفاعله
جزاك الله كل خير اخي الفاضل

سعيد البحيرى

18-02-2009, 11:28 PM

بدر1973

18-02-2009, 11:29 PM

الفكرة جيدة وتنفذ على حسب ظروف كل مدرسة

galal333

18-02-2009, 11:33 PM

بوركت وبورك مسعاك اخى الفاضل

جمال الدين عوض

18-02-2009, 11:51 PM

أخي الفاضل محمد فكرة ممتازة بس عايز أعرف هل للذين لم يوفقوا والذين لم يدخلوا الامتحان نصيب أيضا أعتقد ستكون مشكلة أيضا وفيه ناس .........................

نجيب البقلي

18-02-2009, 11:59 PM

الفلوس دي للعمال .

ممكن و ممتاز

لكن للإداريين

هل سيقبلو ؟؟؟؟؟؟؟؟؟؟؟؟
فيها كلام

الأفضل نساندهم في تقديم شئ للوزارة يرفع دخلهم

profmoustafa

19-02-2009, 12:41 AM

هل سيقبلو ؟؟؟؟؟؟؟؟؟؟؟؟

محمد عبد العظيم وسية

19-02-2009, 12:53 AM

أولا : نورت يامحمد بيه أنت تضيف دائما لمسة وحيوية لقسم الكادر عاوزين نشاطك بتاع زمان
ثانيا : رأيى فى موضوعك الرائع أقول لك سر على بركة الله وتوكل على الله ومادمت تبغى وجه الله فى هذا العمل فلن يقدر على ضرك أحد فالله يحفظك
ثالثا : سأنفذ فكرتك من الغد فى مدرستى
تحياتى ومنتظرين مشاركاتك الرائعة دوما

النور نورك انت يا أستاذنا ..

بارك الله فيك ..

ومنتظر ردود الأفعال عندك في المدرسة لما تنفذ الفكرة بإذن الله ..
كي نتعلم من خبرتك العظيمة ..

أ/ محمد عبد العظيم

19-02-2009, 12:54 AM

فكرة ممتازة يا استاذ محمد بس الأفضل تكون عشرين جنيها من كل معلم حتى نجمع مبلغ محترم .... سدد الله خطاك

محمد عبد العظيم وسية

19-02-2009, 12:57 AM

السلف أحسن حاجة

نسلفهم وناخد حسنات وترجع فلوسنا تانى

لكن الإدارين مش محتاجين سلف ..

والسلف هيكون فيه مواجهة يا أستاذ جمعة ..

الفكرة دي ... مش هيبقى فيها أي مواجهة بين اللي اتخصم منه الخمسه جنيه وبين الإداري أو العامل ...
الموضوع بعيد عن الاتنين ..

ـــــــ
عموما بارك الله فيك ..
وأنا لسه زعلان منك ..

لأني اول مرة أعرف انك

طييييييييييار

يا جماعة بشهدكم على استاذ جمعة .. جالي المدرسة يسلم عليا .. ومرضيش ياخد أي واجب وطار وماقعدش معايا ...

وكمان كان شكلي وحش جدا .. وأنا عمال اعزم عليه ..

اتصرفوا انتوا معاه بقا .

استلقا وعدك يا ريس .

محمد عبد العظيم وسية

19-02-2009, 01:00 AM

اهم شيء ان ما حدش يجيب سيرة قسم الكادر ولا مشرفين قسم الكادر ... عايزينكم ابطال للنهايه ... وان شاء الله قسم الكادر واعضائه هيبعتلكم يوميا عيش وحلاوة ... ابسط يا عم . هههههههههههههه

انا شايف ان حضرتك مع الزملاء وبصورة وديه تقوموا بالمهمه دي فعلا بعيد عن الاداره لانه عمل اجتماعي وليس رسمي وعلشان ما تلاقيش اعتراض وتذمر من حد .... ويقدم بصورة ليس فيها احراج لاحد من الزملاء الاداريين فالغرض منه هو المشاركة الوجدانية وليس الصدقه والاحسان لابد ان يكون في صورة هديه تقدم لهم او اتعبيرا عن احساسكم بتعرضهم للظلم ... وانهم لايقلون اهمية عن اي معلم بالمدرسة وهذا شيء حقيقي .
اسال الله ان يجعله في ميزان حسناتك

واعتذر بالنيابه عنك يا استاذ محمد ... لكل الزملاء في تاخرك في الرد على مشاركاتهم وذلك لوجود ضيوف عندك بالمنزل .... طبعاً شرقاوي .. ربنا يزيدك كرم وشهامه ...

جميلة جدا ....... كلمة عمل اجتماعي ..

بارك الله فيك ... يا ايها الطارق دائما بالخير ..

وماتنساش ان عليك خمسه وسبعين قرش .

أبو ملك

19-02-2009, 01:00 AM

يا أخي أول شيء قاله الإداريون عندنا يارب ما يوعوا يصرفوا آخر قال
ينصرف على الدكاترة

أعتقد يستحقون منا الكثير

محمد عبد العظيم وسية

19-02-2009, 01:04 AM

السلام عليكم جزاك الله خيراعلى الفكره الطيبه ولا تستسلم لهذا المدير و نفذ ما تراه مناسبا انافى مدرستى اقوم بجمع مبالغ ماليه من المدرسين قبل رمضان ونشترى بها مواد تموينيه للطالبات الايتام ونعطى منها الادارين و العمال و محدش بلغ عنى والمديره اول واحدة بتدفع

أولا : واضح من اسمك حضرتك .. انك اختي .... يعني معلمة فاضلة ..

وربنا يستر وماتطلعش أستاذ ... وداخل باسم بنتك توتا ...

ثانيا :
انت نورت الموضوع يا أستاذنا الفاضل

وأشكرك جدااااااااااااا على تشجيعك وحماسك وإخلاصك ..

وبارك الله فيك
ورزقك الخير أينما كنت .

محمد عبد العظيم وسية

19-02-2009, 01:08 AM

- أوافقك على الفكرة جداً .. ولكن اختلف معك في طريقة التنفيذ .. وعلى فكرة انا اخترت المساهمة بشكل آخر .. ولا أريد الافصاح عنه حتى أنال الثواب كاملاً ..

- منذ نجاحي في الكادر وخاصة أنني أول من عرف نتيجته في المدرسة .. وعدت الاداريين بشيء .. وأن شاء الله سأنفذ وعدي معهم.

- أقدر وأفهم لماذا أعلنت عن فكرتك؟
حتى يعم الخير على جميع الإداريين بمعظم المدارس .. وهذا في حد ذاته ثواب كبير لك .. بارك الله فيك.

أهلا بأخي الفاضل مستر أسامة المبدع المتألق دائما ..

انا مش معاك .. انك ماتقولناش على طريقة مساهمتك ... أبدا ...

احنا لازم كلنا نعرف أفضل الطرق لتحقيق التعاون ونشر المحبة والتآخي بيننا في ظل زيادة الكادر ..

وياريت نعرف طريقة مساهمتك ..

ونتناقش فيها ... .......... خصوصا لو كانت جديدة وغير مسبوقة ..

يا جماعة ......... كلنا بنتعلم من بعض .

ممدوح مصطفى الانصارى

19-02-2009, 01:10 AM

فاتيما

19-02-2009, 01:13 AM

M.Sherif

19-02-2009, 01:14 AM

ولا كأنك قلتلي حاجة:excl:
:d

محمد عبد العظيم وسية

19-02-2009, 01:15 AM

الفكرة يامحمد باشا تنفذ بطريقة ودية واذا كنت زعلان من مدير الادارة فهو محق فيما قاله لك بس بقول حاجه -----هل الاداريين هتقبل هذا المبلغ أظن بأنهم لن يقبلوا هذه الفكرة صعبة على النفس قوى يامحمد باشا ممكن للعمال آى ويقبلوا خذ رأى الاداريين الأول لو وافقوا سر على بركة الله بطريقة ودية فى مدرستك

إن شاء الله يا أستاذي ..

الإداريين هيوافقوا ... وخاصة .. ان الموضوع زي ما قولت مافيش فيه أي مواجهة

وبالمناسبة انا لما أخدت رأي بعض الإداريين تخيل عملوا ..

والله شوفت الفرحة في عنيهم كلهم ..

وقالوا كلمة غريبة جدا .. لينا كلنا ..

قالوا : والله لو الفكرة دي ما تنفذتش كفاية شعوركم الجميل دا يا جماعة ..

وإدارية قالت : والله مدرستنا دي فعلا مليانه خير والحمد لله ..

ــــــــ
ومدارس حضارتكم ... مش اقل من مدرستنا ..

الخير موجود فينا كلنا ...

بس محتاج ان يكون صوته عالي ... يخرس أي محبط ومثبط للهمم .

محمد عبد العظيم وسية

19-02-2009, 01:19 AM

فكره جميله استاذ محمد .....والاجمل انها عمل تطوعي وبعيد عن اي اداره او مدير

................

شكرا أستاذه أمل على تشجيعك ..

ومحتاجينك تنوري دايما بمشاركاتك المتميزة .

محمد عبد العظيم وسية

19-02-2009, 01:23 AM

الدال علي الخير كفاعله
جزاك الله كل خير اخي الفاضل

صديقي العزيز

أيها الفارس النبيل ..

بارك الله فيك ..

فاتيما

19-02-2009, 01:27 AM

محمد عبد العظيم وسية

19-02-2009, 01:30 AM

فكرة تستحق التجربة وخصوصا انها فى الخير

استاذى الفاضل ...

انا مش عايز احبط معنوياتك لاننى قلت راى فى السطر السابق ولكن ..

اعتقد ان كنت انت نيتك كويسه تجاه زملاءك الادارين فممكن يكون اخر له نظرة مختلفة حتى بعد الموافقة على الخصم

وعند اول سوء تفاهم والمواجهة ممكن ان تكون ذلة كبيرة بينهم وتكون هناك معايرة

واعتقد ان فيه ناس اداريين مش تقبل اصلا الوضع ده

وكمان حضرتك بتقول الادارى الاكبر منك بعشرات السنين هيلاقيك بتقبض اكتر منه بكتر

اعتقد ان ده مش صحيح لان اولا هناك فارق لصالحه فى المرتب بكثير قبل الكادر

وعند صرفك للكادر مرتبك هيزيد كام يعنى 200 جنيه هيعوض الفارق اياه

يعنى باختصار مفيش فارق كتير ولا يحزنون

اخيرا انا مش عايز اكون السماوى افندى ولا حاجة بس هى دى الحقيقة

ولكن جرب طالما خير وربنا يعينك

.....................

لى عتاب بسيط لحضرتك

بصراحه احزننى العنوان الخاص بالموضوع طريقه الكتابة مش ظريفة بالمرة وفيها اهانه للغة العربية التى تحبها

وحزنت اكتر انها من مدرس لغة عربية لانه يجب ان يكون غيور على كل حرف ويجب ان يوضع فى مكانه الصحيح

مش كده ولا ايه ؟؟؟

أهلا بيك يا أستاذ سعيد ..

وعتابك يدل على إخلاصك ..

وشكرا لك .

وبمناسبة اللهجة العامية ...
فأنا كثيرا ما ألجأ إليها ... عندم أريد كتابة موضوع حيوي كي ينتشر بسرعة أكبر ...

ولتعلم .. انني لا أشرح اللغة العربية باللغة العربية ...

ولو فعلت .... لن أجد طالبا يسمعني ..

للأسف أصبحت اللهجة العامية ... هي الوسيلة الوحيدة لاستئثار قلوب الطلاب والجماهير ... وجذب انتباههم ...

وعندئذ تستطيع أن تحقق ما تريده إن انتبه إليك الناس وتركوا ما بأيديهم ليسمعوك وكلهم آذان مصغية .

omar1

19-02-2009, 01:32 AM

نحن طبيعى نجمع كل شهر مبلغ لعاملات المدرسة لأنهن بالأجر وذلك بالتعاون مع ادارة المدرسة ومع أن المبلغ بسيط - 5 خمسة جنيهات - فتجد العجب فهناك من يتذمر لدفع تلك الجنيهات وهناك من يدفع بترحاب بل ويزيد .
ولقد عرضت فكرتك على الزملاء والحمد لله أغلب من تحدثت معهم مؤيد جدا لتلك الفكرة ولكن الاختلاف كان فى كيفية التنفيذ لأن أغلب الاداريين سيدات متزوجات ومستوياتهن المادية معقولة . والمقترح أن تذهب فى شكل مجاملات اجتماعية لهم . أعاننا وأعانكم الله وتقبل من صالح الأعمال

محمد عبد العظيم وسية

19-02-2009, 01:34 AM

الفكرة جيدة وتنفذ على حسب ظروف كل مدرسة

خير الكلام ما قل ودل ..

شكرا أستاذ بدر 73

وجعلك الله منتصرا دائما في بدر وفي 73

محمد عبد العظيم وسية

19-02-2009, 01:38 AM

بوركت وبورك مسعاك اخى الفاضل

بارك الله فيك يا أستاذ جلال

وأتمنى

أعرف

ايه سر

التلات تلاتات ؟؟

محمد عبد العظيم وسية

19-02-2009, 01:41 AM

أخي الفاضل محمد فكرة ممتازة بس عايز أعرف هل للذين لم يوفقوا والذين لم يدخلوا الامتحان نصيب أيضا أعتقد ستكون مشكلة أيضا وفيه ناس .........................

والله معظم الناس قالوا :

من يستحقوا فعلا هم الإداريون والعمال فقط ..

لأن الذين لم يوفقوا سيرفضون بشدة ..

أبوعلى55555

19-02-2009, 01:43 AM

اخى محمد تحيه طيبه معطره بكل الورود
حبيت بس اقولك شىء بسيط انت تشكر على احساسك باخوانك الاداريين بس فاتك انهم عندهم كرامه مين اليقبل بالشكل ده تلمولهم وال يديهم واليرفض ليه كل ده الافضل انكم تقفو معهم موقف رجل واحد حتى يتم التساوى بينهم وبين كل المدرسين هما مش اقل من المدرس والراجل العنده كرامه لايقبل هذه الاهانه الغير مقصوده اكيد منك عل العموم انت تشكر على احساسك بزملاءك واوعدك انهم يوما ما لابد من انهم ياخدو الكادر هناك اعتصامات ونتمنى من كل الاداريين الاتحاد حتى لاياتى يوم ونلم ليهم وهم اصحاب حق

محمد عبد العظيم وسية

19-02-2009, 01:45 AM

الفلوس دي للعمال .

ممكن و ممتاز

لكن للإداريين

هل سيقبلو ؟؟؟؟؟؟؟؟؟؟؟؟
فيها كلام

الأفضل نساندهم في تقديم شئ للوزارة يرفع دخلهم

مفيش حاجه يا أستاذ نجيب هتتنفذ من الوزارة

وانت عارف الروتين قاتل ..

وبالنسبة لموافقة الإداريين ـــــ بإذن الله كلهم هيوافقوا لان طريقة التنفيذ ليس فيها أي جرح لشعورهم أبدا .

محمد عبد العظيم وسية

19-02-2009, 01:51 AM

فكرة ممتازة يا استاذ محمد بس الأفضل تكون عشرين جنيها من كل معلم حتى نجمع مبلغ محترم .... سدد الله خطاك

انا مفتقدك جدا يا أستاذ محمد ...

وبالنسبة للعشرين جنيه ... فكرتك جميلة ..

بس ممكن ألاقي اتنين تلاته بس اللي هيدفعوا العشرين جنيه في المدرسة ..

على أساس ان الزوجة بتنزل السوق ب 100 جنيه ... بترجع بشوية خضار ..

ــــــ
خليها عليك ... وتبقى خمسه جنيه .. عشان العدد يكون أكتر

يا راجل

دا فيه ناس لو قولتهم هيتخصم منكم عشرين جنيه كل شهر ممكن يجيلهم جلطة .. وكده بقا يبقى انت رحت في حديد بجد

ومش بعيد حديد عز الدخيلة كمان .

safwatscc

19-02-2009, 01:54 AM

والله عمل الخير خير فى كل مكان وزمان
وغير مرتبط بكادر او غيرة
الاداريين فيهم ناس مبسوطة وفيهم غير كدة
واحنا فى المدرسة بنساعد كل من ظروفة صعبة ايا كان فى المدرسة او كان مدرس او اخصائى
او ادارى
فهذا الموضوع لا يستحق النقاش لانة امر واجب على كل مسلم مقتدر

محمد عبد العظيم وسية

19-02-2009, 01:56 AM

يا أخي أول شيء قاله الإداريون عندنا يارب ما يوعوا يصرفوا آخر قال
ينصرف على الدكاترة

أعتقد يستحقون منا الكثير

أهلا أهلا يا أبا ملك ..

بصراحة .. انا اختلف مع حضرتك في وجهة النظر دي ..

ليه بقا ؟؟

لان مش عشان بعض الحاقدين والنفوس الضعيفة نحكم على كل الناس ..

بالعكس

احنا مثلا عندنا في المدرسة ــ بفضل الله ــ مفيش اي حد قال كده ... والكل بيحب بعض ويحب الخير للتاني لأن كل واحد في حاله .

عموما شكرا لك ..

ووحشتني ونفسنا نشوف الملاك ملك

بارك الله فيك وفيها وفي الأسرة الكريمة

محمد عبد العظيم وسية

19-02-2009, 02:00 AM

طبعا موافق واللى يحصل يحصل
واقول لزملائى التكافل واجب
واعملوا الخير ، والاجر والثواب على الله.
وادعو الله ان يكون عقابى فى الدنيا
من المسؤلين اياهم (ولا سمعت حاجة)
على فعل الخير .
جزاكم الله كل الخير استاذ/محمد وسية
ولا تدع لحطام البشر
ان يوقفوا مسيرة الخير
او يثبتوا همتك

ويا ليتنا جميعا نعمم الفكرة .

هوووووووووووه دا الكلام ..

هووووووووووه دا التشجيع ..

يا سلام عليك يا عمدة أدفينا يا غالي يا ابو المقام عااااالي ..

ماتنساش الجوافتين ..

الجوافة بتاعتي

والتانية بتاعة وليد

وشريف لأ .. كفاية عليه نعناع أستاذ جمال .

محمد عبد العظيم وسية

19-02-2009, 02:05 AM

على فكرة ياستاذ محمد بكدر اومن غير كدر احنا بنتفع فلوس كل شهر

اشى فاتوره تليفون او تصليح حمامات اوتنجيد انتريه المدير او ماشابه ذللك

والمدير عندنا رسب فى الكادر وان ملمش للادريين يجمع فلوس لنفسه واعتقد ان خمسه جنيهات

لا هتكفى الاداريين ولا المدير طبعاوشكرا على الفكره الرائعه الذى نعانى منها شهريا

شكرا لك أستاذه فاتيما ..

وأحب أوضح لحضرتك نقطة مهمة جدا ..

إحنا عددنا في المدرسة كملعمين ماشاء الله كتييييييييير جدا ..

على سبيل المثال أسرة اللغة العربية بسم الله ما شاء الله عددها 46 معلم ..

احسبي بقا زي ما انتي عايزه الباقي يبقوا كام ..

يعني الخمسه جنيه في عدد كبير هيعملوا مبلغ محترم إن شاء الله

وياريت لما تشوفي المدير بتاعك بكره أو يوم السبت ... تقولي محمد وسية ما بيسلمش عليك ولا عايز يسلم عليك ولا عايز يشوفك اصلا .

محمد عبد العظيم وسية

19-02-2009, 02:08 AM

ولا كأنك قلتلي حاجة:excl:

:d

لا لا لالالالالالالالالالالالالالالالالالالالالالا

مش معقول ..

انا مش مصدق عنيا ... ولا صوابع ايديا ...

مين ؟؟

سيادة المدير بنفسه وشحمه ولحمه ....

هوه انت ورااااااااايا وراااااااايا ...

أنا خايف افتح الحنفية ألاقيك ...

خف عنا بقا .

ونصيحة أخيرة ..

مش هينفعك غير النعناع .. ركز فيه الفترة اللي جايه ...

محمد عبد العظيم وسية

19-02-2009, 02:11 AM

M.Sherif

19-02-2009, 02:19 AM

طيب
ده كان الكلام علي الفكرة نفسها
لكن اسمحلي يا مستر محمد:006et4:
اتكلم علي نقطة تانية
و هي قسم الكادر نفسه
و تقييم الموضوع :rolleyes:و قيمته بالنسبة لقسم الكادر

تعرف ان نوعية أفكارك دي
هيا الأسلوب الوحيد اللي ممكن يرجع لقسم الكادر :wub:رونقه
تعرف ان الفكرة دي طفرة بالنسبة لموضوعات قسم الكادر
التي لا تتجاوز مشاعر الاعضاء و مذكراتهم اليومية بالنسبة
لموضوع الصرف من عدمه:bosyht9:
تعرف ان أفكارك دي :022yb4::friendsxs3:((( اللي تودي في داهية )))
هيا الطريقة الوحيدة اللي ممكن تجمعنا تاني في قسم الكادر؟

متهيألي بقا
تنسي موضوع الصومعة دي الله يخليك
:blink:
بالمناسبة
عنوان موضوعك ناري صاروخي مكوكي فضائي متمكن
و جاي في وقت حساس أوي
و يودي في سكك تانية خالص

إنك :wacko:لمتمكن

M.Sherif

19-02-2009, 02:27 AM

سيادة المدير بنفسه وشحمه ولحمه ....

مدير؟
مدير مين؟
بص علي الاسم كويس و البس النضارةB)

هوه انت ورااااااااايا وراااااااايا ...

أنا خايف افتح الحنفية ألاقيك ...

خف عنا بقا .

حاضر
عينيا
وعد من النهاردة مش هتلاقيني أداامك
و لا في أي موضوع تبعك
الحق عليا يا سيدي
و اعتبرني و لا كأني قلت حاجة:)
قال خف عنا قال :excl:

أحمد محمد كمال الدين

19-02-2009, 02:30 AM

انا مش معاك خالص فى هذه الفكرة بعض الناس حياؤها يمنعها أن تمتد يدها لذلك لانها عارفة ومتأكدة ان ده مش من حقها وبدل منقول نديهم ويبان منظرهم وحش نقول نطالب من خلال النقابات ان يكون لهم هم كمان كادر
تقديرى واحترامى

محمد عبد العظيم وسية

19-02-2009, 02:32 AM

[/color][/size][/b]
مدير؟
مدير مين؟
بص علي الاسم كويس و البس النضارةB)

[SIZE=4][COLOR=red]حاضر

عينيا
وعد من النهاردة مش هتلاقيني أداامك
و لا في أي موضوع تبعك
الحق عليا يا سيدي
و اعتبرني و لا كأني قلت حاجة:)

[B]قال خف عنا قال :excl:

مدير ايه بس ...

خليك في المفيد ...

مش عارف ليه بتطنش موضوع النعناع ...

ياراااااااجل ..... خليك في اللي هينفعك ..

ماتقولوا حاجه يا مسيو وليد ..

ما تقولا حاجه يا غالي يا انصاري ..

ما تفهموا بقا يا أستاذ جمال يا بتاع النعناع يا منعنع ..

معلشي لابد أن أنهي هذا الرد ..

بهذا القول المأثور ..

ولا كأني سمعت حاجه :giljotiiniug3:

El Sayed Siam

19-02-2009, 06:15 AM

من غير كل الموضوع ده ولا فيه مشكلة ولاحاجة قمنا نحن فى مدرستنا (الطبرى الثانوية بروكسى) بجمع مبلغ من الزملاء لابأس به لتوزيعه على العمال والاداريين ولكن رفضوا أخذه واعتذروا لنا بطريقة مهذبة على أن هذا رزق وكل واحد بياخد رزقه وقمنا بارجاع الفلوس لكل واحد ليقوم بدوره بعمل الخير بطريقته

اشرف المصرى

19-02-2009, 07:15 AM

قدسنا

19-02-2009, 02:05 PM

السلام عليكم الاستاذ الفاضل محمد : فكرة طيبة ... ولكم الاجر والثواب من رب العباد

محمد سعد صقر

19-02-2009, 03:03 PM

سيف سالم

19-02-2009, 03:40 PM

الفكرة جيد
ولكن هناك فرق كبير بين الصدقة - لها مخارج وشروط - وبين الهدايا
والافضل الوقوف صف واحد من اجل حافز الاثابة لنه حق لهم بدون اهدار للكرامة

كريم حسن

19-02-2009, 04:14 PM

بارك الله فيك يا استاذ محمد في تقديم يد العون للأخرين وان شاء الله يكون في ميزان حساناتك عند الله وحبذا لو جعلتموها بنية الصدقة حتى تأخذوا الثواب كاملا والى الأمام ومزيدا من الأعمال الصالحة

mohamedzaher

19-02-2009, 06:15 PM

فكرة جميلة يا استاذ محمد وفقك الله

نعمه محمود

19-02-2009, 06:22 PM

استاذ محمد اهنئك على موضوعك وفعلا مواضيعك لها مذاق خاص .انا لما قريت موضوعك اللي فات اعجبت جدا بالفكرة وعرضتها على الزملاء منهم من رحب ومنهم من قال انتى فلوسك كتيرة بعثيريها براحتك وانا اتفق معك تماما في احقية الاداريين لهذا المبلغ وكما قلت في موضوع سابق ان هناك من الاداريين من يعمل اكثر من بعض المعلمين فلك ان تعرف ان هناك معلمين لايعملون سوى ثلاث حصص اسبوعيا وانا منهم وانا ارى الاداريين ينكبون على الاوراق منن الثامنة حتى الثانية فليس اقل من ان نساعدهم
بارك الله فيك
وجعل ما تفعل في ميزان حسناتك

شمس بياض

19-02-2009, 06:33 PM

فكرتك اقترحتها فى مدرستى ولاقت اقبال وستنفذ باذن الله

وعلى فكره والله انا كانت لى فكره جميله ان شاء الله هاعملها لما ربنا يوسعها على ولو فى العمر بقيه

وهى عمل بنك تسليف او قرض حسن بالمدرسه رأس ماله من جيبى الخاص

يعن قد خمسه الاف او عشره الاف جنيها كده يعنى باّن الله يارب قدرنى ولا اكون مثل حنظله

مين حنظله ؟---بعدين بقى مش موضوعنا

الفكره ان واحد امين يمسك بنك التسليف دا فى المدرسه

ويقوم بتسليف كل من هو فى احتياج فى هذا الشهر ويتم السداد على اقساط كجمعيه

يدفعها من اخذ القرض او السلف

والاولويه للمحتاج اكتر وهكذا للمجموعه

كدورى لسداد بعض احتياجات الاخوة المعلمين

من هذا المنتدى ومن هذا الموضوع ادعو كل اخ كريم او كل اخت كريمه لديها فائض مادى تقوم بالفكرة فى مدرستها وصدقونى هايبقى فيه تكافل اجتماعى وهايبقى فيه روح اخوة عاليه

وربنا الموفقوهايبقى راس المال لك اخى الفاضل او لك اختى الفاضله

لكن ارباحه فظيعه لاتسألنى عن ارباحه
بل اسأل رب العالمين

وكيف عطاياه ؟انها..................لا حدلها

أبو ملك

19-02-2009, 06:41 PM

أهلا أهلا يا أبا ملك ..

بصراحة .. انا اختلف مع حضرتك في وجهة النظر دي ..

ليه بقا ؟؟

لان مش عشان بعض الحاقدين والنفوس الضعيفة نحكم على كل الناس ..

بالعكس

احنا مثلا عندنا في المدرسة ــ بفضل الله ــ مفيش اي حد قال كده ... والكل بيحب بعض ويحب الخير للتاني لأن كل واحد في حاله .

عموما شكرا لك ..

ووحشتني ونفسنا نشوف الملاك ملك (وشدو وجنة )أحسن لهما حق عندك الآن

بارك الله فيك وفيها وفي الأسرة الكريمة

يا أخي لا أستطيع أن أنال منك حقا
كلماتك تجعلني عاجزا أمامها
ولكن إجعلها للعمال فهم اولى بذلك

الاستاذ ايمن

19-02-2009, 07:08 PM

فكرة جميلة يا استاذ محمد والافضل تبعد عن ادارة المدرسة والرسميات وياريت يكون المبلغ اكبر

نعمه محمود

19-02-2009, 07:45 PM

أستاذة غادة

19-02-2009, 08:18 PM

عصام جعفر

19-02-2009, 08:49 PM

:(انت بتحب اية يا استاذ محمد علشان نجيلك على الزززززززززززززززززززززززززززززززززززززززززززززونج يبلك عيش وحلاوة

شمس بياض

19-02-2009, 10:03 PM

ما شاء الله عليك يا شمس الشموس كما عهدتك معطاءة دائمااااااااااااااا

اختى فى الله نعمه والله لقد تعلمت منك العطاء بون مقابل

فجزاك الله عنى خير الجزاء

قلب صغير2

19-02-2009, 10:36 PM

اسمحولى الفكره جميله
لكن ارجوا اضافه اختيار ثالث فى الاستطلاع
وهو فكره جميله لكن لا انفذها
لان الحكايه هيدخل فيها اعتبارات كتير حسب ظروف كل مدرسه
مثلا عن مدرستى الاداريين عباره عن 4 افراد فقط
ودول اعتبروا مجرد عرض الفكره او الحديث فيها اهانه
لانهم شعروا ان ده بسبب ان المدرسين خايفين اسفه يعنى ( من عنيهم ليحسدونا على الثروه الى هبططت علينا فجاءه )
وطلع كلام كتير انهم مش مستنيين منا احسان او صدقه
وفكره اننا اخوه او ان الخير لازم يعم الجميع ما جتش فى بالهم اطلاقا ولا حتى بعد توضيح الفكره
حتى المدرسين الى ما دخلوش الامتحان واجلوا لشهر 8 القادم
اعتبروا الفكره تعالى عليهم وقالوا ( طب ما تلموا لنا احنا كمان صدقه )
يا جماعه الافكار جميله لكن للاسف مش كل الافكار الجميله ممكن تحقق
مش كل المدارس اجوائها ورديه لكن اكيد فيه مدارس هتعمل الموضوع ده بحب

عشان كده اخ محمد انا معرفتش ارد على الاستطلاع
لانى عجبانى الفكره لكن مش هقدر انفذها او حتى احاول بعد كل ما حدث

hagaralaa2001

20-02-2009, 12:07 AM

tarek elhamy

20-02-2009, 12:29 AM

- أوافقك على الفكرة جداً

صفاء100

20-02-2009, 01:21 AM

فكرة رائعة ولكن ياريت لوكان صافى شهر واحد للفقراء فهذه الاموال لم تكن مضمونة حتى تعم البركة وقد عرضنا الفكرة على الاداريين رفضوا فيوجد من هم اولى واشد حاجة وتعرفون قصدى والله المستعان

محمد عبد العظيم وسية

20-02-2009, 02:32 AM

هذا الموقع جميع ولكن يعيبه أن هنك بعض الأشخاص يعرضون أفكارا ساذجه تدل علي الأستهتار بالأخرين أو عدم إدراكع
هم لأهمية الشئ الذي يكتبوه فنرجو من الأخوة الأفاضل عرض المهم وهذا ليس حجر علي رأي ولكن يجب أن نلتزم بالجدية

يا أستاذ أحمد يا محترم .....

مش قادر أفسر كلامك .... من أي زاوية بنية حسنة ...

انت اتهمتني :

1ـ بأنني صاحب أفكار ساذجة

2ـ وأنني أستهتر بالآخرين .

3ـ وأنني لا ألتزم بالجدية .

ــــــــــ

فما السر وراء ذلك الهجوم الغير مبرر ؟؟

ممدوح مصطفى الانصارى

20-02-2009, 02:54 AM

يا أستاذ أحمد يا محترم .....

مش قادر أفسر كلامك .... من أي زاوية بنية حسنة ...

انت اتهمتني :

1ـ بأنني صاحب أفكار ساذجة

2ـ وأنني أستهتر بالآخرين .

3ـ وأنني لا ألتزم بالجدية .

ــــــــــ

فما السر وراء ذلك الهجوم الغير مبرر ؟؟

ركز يا استاذ /محمد وسية فى الردود المفهومة
واللى فيها تواصل .
وأعتقد ان الرد الغير مفهوم ليس لك وهو لمشاركات اخرى لا يجب ان نطلق عليها ساذجة
باى حال من الاحوال .
واذا كان الرد على كلامك فهى وجهة نظر صاحبها ويكفيك الكم الغير عادى ممن يؤيدون
فكرتك .
ولا انت عاوز النسبة 99.99%
قلبك ابيض ياغالى ،ونفسى كل ما اشوفك برة الصومعة ابخرك .

ahmed34

20-02-2009, 03:18 AM

اشرف المصرى

20-02-2009, 05:30 AM

محمد عبد العظيم وسية

20-02-2009, 09:42 AM

شكرا أستاذ محمد على هذه المبادرة وهى فكرة كويسة
لكن لا اعتقد ان الخمسة جنيهات كافية لكى ترضى الاداريين ولكن ترضى العمال
وهى ايضا لاتنفع فى مدرستنا لان عدد مستحقى الكادر من المعلمين حوالى 15 والاداريين حوالى 25 ومعرفش ليه كل العدد ده فى مدرسة واحدة تحتوى على 12 فصل ولا يفعلون شئ غير المشاكل ولا يعمل منهم الا القليل واعتقد ان معظمهم لا يستحق الكادر وبعضهم يتعب ويستحق حوافز اثابة

احمد الشربينى
مدرس لغة عربية ابتدائى

أهلا بك أستاذ أحمد الشربيني ..

أحب أن أصحح لحضرتك معلومة هاااااااااااااااااااااامة جدا ...

مدرستنا ليست 12 فصلا ....

سجل عندك .... ويارب ما حد يحسدنا ..

عندنا
الصف الأول الثانوي ( 26 ) فصلا ..

الصف الثاني الثانوي ....... اللي مش موجود اصلا في كل المدارس السنه دي ( فصل ) واحد .

الصف الثالث الثانوي ( 25 ) فصلا ...

يعني قوة المدرسة حاليا : ( 52 ) فصلا ........... وليس ( 12 ) .

واعلم يا أستاذ أحمد ..

أن عدد أسرتي في المدرسة ( أسرة اللغة العربية ــــــــــــــ 46 مدرسا

ولك أن تتخيل باقي العدد ..

وباقي الإداريين .

وباقي العمال ..

واعلم أيضا .. أننا بفضل الله بعيدو عن المشاكل ... وإن كان هناك مشاكل فهي مشاكل عادية جدا وبسيطة كأي مدرسة .....
وفي المقابل ستجد خلايا نحل في كل مكان .. تعمل بفضل الله ــ ولوجه الله في كد ونشاط ...

فعندنا هذا العام على سبيل المثال ( بطولة شطرنج ) بين طلاب المدرسة .

و( ودوري ثقافي )

و( ودوري كرة قدم )

بالإضافة إلى مشاركات المدرسة في البطولات الخارجية على مستوى الجمهورية .

و( عندنا فريق مسرح ) من الطلاب .

و( ما خفي كان أعظم ) ..

وأرجو أن تشرفني في المدرسة في أي يوم ... لكي ترى كل ذلك على الطبيعة ..

وأتشرف بك يا أخي دائما .

Youssefz

20-02-2009, 10:21 AM

جزاك الله خيراعلى الفكره الطيبه

اسامه القزاز

20-02-2009, 11:32 AM

محمد عبد العظيم وسية

20-02-2009, 12:21 PM

أخى الحبيب الغالى المحترم المهذب
أولاً : جزاك الله خيراً على الخير الذى هو عنوانك دائماً
ثانياً : هذه الفكرة كانت فى بالى منذ اعلان النتيجة فى 2 / 11 وحتى أول يوم من اجازة نصف العام ولكن بعد تفكير عميق به كل الإحتمالات وبنظرة موضوعية شاملة لكل الأبعاد على المدى القريب والبعيد وجدت أنها ستسبب مشاكل نفسية وسيكولوجية ستكون أصعب بكثير من مجرد مرتب عالى ومرتب منخفض لذلك انا ضد الفكرة .

كما عودتنا دائما أيها الرجل المهذب والمعلم الخلوق ..

مهذب وعظيم وإن كنت مختلفا مع إخوانك وأحبابك ..

ــــ

شكرا لك أستاذ أسامة ...

فقد تعلمت منك كثيرا ..

وقد ذكرتني بأدب الخلاف .

محمد عبد العظيم وسية

20-02-2009, 12:25 PM

محمد عبد العظيم وسية

20-02-2009, 03:53 PM

محمد عبد العظيم وسية

20-02-2009, 04:01 PM

مشكور استاذ محمد - الدال على الخير كفاعله

الفكرة رائعة حقاوالحمد لله احنا نفذ نها فى مدرستى يوم الاحد 15/2/2009 يوم الصرف بالضبط

وتجربتنا هى

من فترة قبل الصرف قمت بهذا الاقتراح على الزملاء كل اسرة لوحدها الكلام ده بعيد عن الادارة

لان العمل نابع من داخلنا ودى وهيكون بدون خصم من المنصرف نفسه

فوافق الزملاء بس مش لكل الاداريين وذلك منعنا لاحراج زملائنا الغير موفقين فى الامتحان

المهم اتفقناعلى ان المبلغ المجمع يقسم بين السكرتيرة وكاتبة المهيات فقط والحمد لله للاسف مدرستنا من غير عمال

قبل الصرف معظم الزملاء عندهم فكرة وموافقين

وبعد ما خرجنا من عند السكرتيرة مسكت ورقة وقلم وبدات الوفود تاتى فى مكان تواجدى بالمدرسة

وكانت المبالف متفاوتة يعنى 5جنيهات فاكثر الى 20 جنيها كلا بمحض ارادته

وجمعنا المبلغ وقسمناه ووضع فى ظرف شيك وقدمنا لهما ( حلاوة الكادر )

وربنا يكتر كوادر الوزارة ويقدرنا ونعمل اكتر من كده

موضوعك جميل وتعالى على نفسك ولا تحرمنا من طلاتك وافكارك الرائعة

دائما سباقة للخير أيتها الأخت الغيداء دائما ..

بارك الله فيك ..

وأكثر من أمثالك ..

فالفكرة ليست مهمة ... ما لم تجد متحمسين شرفاء مخلصين ينفذونها ..

أستاذة غادة نشاط وعمل بلا حدود .

لكن فيه ملاحظة ..

احنا عندنا بإذن الله هنطبقها كل شهر .. وليست ( حلاوة للكادر ) فقط ..

وبمناسبة حلاوة الكادر ...

ياريت ماتنسيناش في ( العيش والحلاوه ) :giljotiiniug3::abdoog8:

وتبقوا تزورنا انت وأستاذه شمس وأستاذه نعمة وأستاذه هدى ...
تشكلوا لجنة وتلموا من بعض .. وتجيبوا ب 100 جنيه عيش ...

وبـ 500 جنيه حلاوة طحنية من النوع الفاخر ..

لأن عددنا هيكون كتير هناك ..

محمد عبد العظيم وسية

20-02-2009, 04:07 PM

:(انت بتحب اية يا استاذ محمد علشان نجيلك على الزززززززززززززززززززززززززززززززززززززززززززززونج يبلك عيش وحلاوة

ياريت يا أستاذ عصام ..

تجيب معاك حلاوة طحنية فاخرة ... مكسرات بقا والذي منه

يعني الكيلو يعدي الخمشه وعشرين جنيه ..

ويا سلام بقا لو حلاوة بالشيكولاته .

أصل أخوك خبرة فيها ..

وبالنسبة للعيش ... مش مهم ..

هناكلها حاف ...

دا إذا لقينا وقت ناكلها أصلا بعد .:abdoog8:

محمد عبد العظيم وسية

20-02-2009, 04:12 PM

قم بذلك لوجه الله الكريم بعيد عن القيل و القال - اما قولك انهم مثل المعلم او السن الكبير فهذا بعيد جدا عن الواقع فالاداري غير المعلم فيمكن أن يأتي ادراي من مجلس المدينة ( الحكم المحلي ) و يقوم بعمله و الكادر الذي اخذته ليس اعانة لك فتقول مسكين اخي الاداري لم يأخذها بل هي بدل لطبيعة عملك و مكانتك و هذا بعيد عن السن - و سؤالي هل يمكن أن يكون راتب شخص أكبر من حاصل على الدكتوراه لمجرد أنه أكبر سننا و تذكر أسامة بن زيد و كفاية معلمي الدبلومات خناقونا في الابتدائي أنهم سنهم كبير و أصحاب خبرة عالية

شكرا جزيلا لك أستاذة هاجر علاء ..

وما يعنينا في الموضوع ليس زيادة في مرتب إخوتنا الإدرايين ... لأن الزيادة سواء لنا أو لهم لن تواجه وحش الغلاء القادم ..

ولكن الفكرة أساسها نشر روح المحبة والإيخاء داخل المؤسسة التعليمية الواحدة .

mohsenhalem

20-02-2009, 08:16 PM

فكرة طيبة وربنا يوفقك الى فعل الخير

ضياء الجمل

20-02-2009, 08:33 PM

متخفش ياعم جمد قلبك ال.......... للرجاله

mahmood1888

21-02-2009, 01:00 PM

الاخ الفاضل محمد
فكرتك فكر ة ممتازة من حيث التفكير ولكن طريقه التطبيق اسف لو اقولك فيها تجريح ومش مظبوطه ابدا
ومدير الادارة عنده حق كيف يستحق موظف مبلغ عائد من المدرسين يجب ان يكون المبلغ من باب 1 حتى لايكون هناك اى احراج وكل النفوس مش زى بعضها وممكن الادارى يتوقع كلمه من اى انسان ضعيف نفسيا
وكان يجب ان تكون الفكرة بين المدرسين وبعضهم وفى سريه تامه ولا يحس احد انك اعطيت اى شىء للادارين
واغلب الادارين عندما تعلم انك تستقطع جزء من حقك لتعطيه لهم سوف يرفضون رفض تام
لايمكن ان يقبل الادارين هذا الاسلوب واستمارة المرتبات دى استامرة ماليه اى استقطاع او خصم يكون قانونى وبمستند مش اى حد عايز يستقطع يستقطع
انت تتكلم بحماس وتتكلم بشهامه نشكرك عليها ونحن لانقل عنك شهامه وجدعنه
ولكن يجب علينا نحن كمعلمين عندما نتكلم نتكلم بالمنطق والقانون لانتكلم بالمشاعر وبالاخص فى الاشياء الماليه
انشاء الله سنقوم نحن كمدرسه بتكليف اى زميل ويجمع مبلغ نتفق عليه كلنا وسوف يقوم المندوب باعطائه للاخ الادارى لو لم يقبل سوف نسترجع المبلغ ولو قبل سوف نقوم بالتجميع كل شهر بدون علم اى شخص بما يحدث ويكون شىء سرى لعدم الاحراج وسوف نطالب ايضا بحق الادارين لانهم لايقلو عن اى عمل بالمدرسه