مشاهدة النسخة كاملة : يا شريف يا جامد (اقتراح)
عبقرينومان 19-02-2009, 05:27 PM السلام عليكم
كنا في القناطر واقتراح الاستاذ عصام ان موضوع تغير الاسماء للاعضاء يكون بمدة معينة مثلا كل 3 شهر لما العضو يطلب تعديل اسمه
فانا النهاردة لاحظت ان الاستاذ شريف عدل اسمه وبقي active يعني نشيط على قدر فهمي
بس انا مش عرفته من بداية التعديل لما كتب في مشاركة له في النهاية اخوكم شريف
فانتم رايكم ايه في موضوع تعديل الاسماء والمدة المقترحة
ومعلش يا استاذ شريف انت اللي جيت على بالي في الموضوع
وفي انتظار الاقتراح بخصوص هذا الصدد
Amethyst 19-02-2009, 05:32 PM أنا بتلخبط من تغيير الأسماء دي .. ثلاث شهور حلوين ..
لمى 2016 19-02-2009, 07:07 PM يعنى ايه
مش عارفة بصراحة
انا ليه مش بفهم كلام حضرتك
الاسماء تتغير كل شهور
و لا مدة تغيير الاسم تبقى 3 شهور
و بعد كدة يرجع تانى
بس مش دى حرية شخصية يعنى
مش عارفة
عموما انا برجع كل يوم و اقول
اللى عايز يعمل حاجة بيعملها
عبقرينومان 19-02-2009, 07:10 PM يعنى ايه
مش عارفة بصراحة
انا ليه مش بفهم كلام حضرتك
الاسماء تتغير كل شهور
و لا مدة تغيير الاسم تبقى 3 شهور
و بعد كدة يرجع تانى
بس مش دى حرية شخصية يعنى
مش عارفة
عموما انا برجع كل يوم و اقول
اللى عايز يعمل حاجة بيعملها
مش قصدنا كدا
قصدنا ان العضو اللي يطلب تغير اسمه لا يطلب تغيير اسمه مرة أخرى الا بعد 3 شهور كحد ادنى او كما سيشارك الاعضاء في هذا الاقتراح
مسيو وليد عسكر 19-02-2009, 07:44 PM والله يا شريف مش عارف اقولك ايه
بالفرنسيه....
actif يعني نشيط
active المؤنث يعني نشيطه
انا رايي خليك شريف
واللي نعرفه احسن من اللي مانعرفوش
M.Sherif 19-02-2009, 07:46 PM انا موافق
ان شاالله يبقوا 10 شهور حتي
انا مابتهددش لامؤاخذة :excl:
ههههههههههه
:d
و بعدين التغيير عموما
سنة الحياة
و ناموس الكون
و الملل
ربنا ما يوريك الملل
حاجة صعبة:)
M.Sherif 19-02-2009, 08:01 PM انا رايي خليك شريف
هههههههه
أمال أنا مين؟
منا شريف برضو يا مسيو
الأفكار هيا هيا
و الدماغ واحدة
واللي نعرفه احسن من اللي مانعرفوش
علي فكرة
الحاجة اللي الكل ما يعرفهاش بقا
و المفاجأة الكبيرة
إن اللي مانعرفوش هوا الأفضل
:)
نعمه محمود 19-02-2009, 08:01 PM عارفين بتفكرونى باللي قال لابنه لو عرفت السلة دى فيها ايه هديك منه برتقاله
خلاص كل الناس عرفت انه شريف
تاخدو برتقالة؟؟؟
واحد غير اسمه اكيد ليه وجهة نظر مالكم وماله
M.Sherif 19-02-2009, 08:10 PM مالكم وماله
يسلم لسانك يا استاذة نعمة
شوفتوا يا جماعة؟
اكتيف وراه رجالة يدافعوا عنه
قصدي مدرسات يعني :)
M.Sherif 19-02-2009, 08:16 PM بالفرنسيه....
active المؤنث يعني نشيطه
لا يا حبيبي :)
ده هناك
عندكوا في الفرنساوي
انما احنا انجلش
و اكتيف مذكر مذكر مذكر
انا مدرس انجليزي
و شايف الدنيا من منظور بريطاني و ليس فرنسي:)
doaa shedid 19-02-2009, 09:32 PM على فكرة كل واحد له اسلوب بيتعرف منه
يغير الاسم او يغير الصورة هو هو برده
والله انا عرفت انه شريف من غير
معرف قصة تغيير الاسم
من الاسلوب!!!!
ملحوظة :
الي يفرق معاه تغيير الاسم الي مشاركاته عبارة عن
"تقبل مرورى - جزاك الله خير - نورت الموضوع"
لانها لا تدل على رأى انما صاحب الرأى والفكر
واضح وضوح الشمس
..Just Stop 19-02-2009, 10:35 PM بصراحة انا معترض على المدة
اولا دى حرية شخصية
تغيير الاسم مش معضل ولا حاجة
هو الواحد بيجى عليه وقت وبيزهق من اسمه فبيطالب بتغييره
مش متعبة يعنى
M.Sherif 20-02-2009, 05:30 AM والله انا عرفت انه شريف من غير
معرف قصة تغيير الاسم
من الاسلوب!!!!
يا نهار أبيض
هوا أنا مفقوس أوي كده ؟؟؟؟؟؟؟؟
:)
علي فكرة في ناس بيبقا ليهم نوع خط مميز برضه
مابيتغيرش
زي حضرتك
اللون مميز و نادر اللي بيكتب بيه
فبعرف انه مشاركة لحضرتك علي طول
wafa2y 20-02-2009, 08:30 AM أنا مش مع حضرتك في المدة دي
و مش هنخسر حاجة
لما يتغير الأسم
عشان العضو معروف بمواضيعوا
أحمد جمعة الخطيب 20-02-2009, 08:40 AM تغيير الاسم مش مشكلة المشكلة اسم التغيير
واللى نعرفه أحسن من اللى مانعرفوش
M.Sherif 20-02-2009, 08:44 AM تغيير الاسم مش مشكلة المشكلة اسم التغيير
تصدق بقالي مدة بحاول افهم جملتك دي
مش جاية معايا خالص؟:blink:
CoMMaNdo 20-02-2009, 09:02 AM ممكن منخليهاش بالمده
نخليها بعدد المشاركات
العضو الى يعدى 300 مشاركه
ينفع يغير اسمه براحته
لانه هيكون معروف ساعتها
JusT DreaM 20-02-2009, 10:22 AM تصدق بقالي مدة بحاول افهم جملتك دي
مش جاية معايا خالص؟:blink:
يعني المشكلة ف الاسم اللي هيتغيرله
بس ياترى بيبقى ظاهر ف لوحة التحكم اخر مرة الضو غير الاسم فيها امتى؟
Sherif Elkhodary 20-02-2009, 11:34 AM مش موافق
3 شهور كتير
فيه اعضاء كتيرة مش هتوافق
لانها علي راي اسلام بتغير اسمها 3 مرات بعد الاكل يوميا
انا عن نفسي مش موافق و ده مجرد راي
في امان الله
Sharp Nails 20-02-2009, 11:43 AM ماتسيبوا الناس تتبسط وتلعب شوية
دية الحاجة الوحيدة الى مهونة علينا
وبعدين ما كدة كدة مع الوقت بنعرف دة مين ودة مش مين
وانا اول ما شوفت اسم اكتيف عرفت انه الى كان شريف فالاول
دية مسألة سينس بقى
بس انا مش موافقة
اعترض
Lost Dreamer 20-02-2009, 12:53 PM اعتقد انها فكره مش موفقه
تغير الاسم ده حريه شخصيه
واذا كان ليه ايجابيات وسلبيات
فهي بتعود علي العضو
الي طلب تغير اسم عضويته
بنفسه
واعتقد دي حريه شخصيه
تكفلها الدوله والشرع والقانون والمنتدي:d
أسيل رزق 20-02-2009, 01:15 PM لو عليا مش هحتاج الموضوع أصلاً ( عاجبنى اسمى كده :romarioxp6:)
بس شايفة إن الاقتراح ماينفعش يتنفذ لإن ببساطة شديدة مش هيأثر على حاجة فى المنتدى ومفيش إقبال عليه شديد علشان نقول بيعطل المشرفين
مش موافقة على الاقتراح
فائق إحترامى للجميع
احمد فاروق1991 20-02-2009, 01:33 PM هى حرية شخصية بس تغيير الاسماء بيعمل لخبطة كتيرة
وياريت منغيرش اسمائنا
M.Sherif 20-02-2009, 01:56 PM واضح ان الجميع بيأيد فكرة ان تغيير الاسماء حرية شخصية
و بيني و بينك يا اخ اشرف
موضوع مش هيضر حد نهائي
و بعدين أي مشرف بنظرة بسيطة يقدر يعرف العضو
اللي غير اسمه و موضوعاته و تفكيره
و الكل مفقوس الحمد لله :d
يعني مش هغير اسمي علشان أتبرأ من عضويتي و لا حاجة
و لا عشان اهرب من قضية عليا في المحاكم
و لا واخد كام مليون و هربان بيهم بره البلد
و لا ساقي تربة مصر مواد مسرطنة و خايف اي مصري يشوفني
ويتعرف عليا ولا حاجة:d
و لا واعد المدرسين بكادر و سيبتهم في عز فرحتهم و خلعت
و لا عامل عملية في وشي و مش عايزها تبان أدام الاعضاء:blink:
هههههههههه
هيا العملية كلها تغيير
عشان ساعات بتمر علي المنتدي ظروف
تخلي الواحد يكره نفسه:bosyht9:
و بالتالي الاجراء الوحيد اللي يقدر يقوم بيه
انه يغير اسمه
عبقرينومان 20-02-2009, 01:58 PM اقتراح مرفوض
وشكرا لجميع من شارك في الاستفتاء
|