تسجيل الدخول

مشاهدة النسخة كاملة : أهم 50 حاجة تفرح المصري (( تعالي غير جو ))

M.Sherif
20-02-2009, 09:38 AM
لما يضرب سجارتين حلوين مع صحابه
لما الماكينة تسحب فلوس اكتر من اللي طالبها
لما يلاقي حد يخلص له شهادة المخالفات
لما ينجح يوم ..... في التعبير عن نفسه
لما القناة الاولي تذيع في السهرة فيلم جديد
لما حد يجيبله وصلة دش ( بعشرين جنيه في الشهر)
لما حد ما يعرفوش يقول في حقه كلمة حلوة
لما يلاغي موزة فتضحك
لما يلاقي عرض مجاني في اي حتة
لما يقرا مانشيت يفضح الحكومة
لما يلاقي مواصلة رايقة اول ما يقرر يروح
لما يقدر يصلح حاجة في بيته بنفسه من غير صنايعي
لما يلاقي شغل و لما حد يطلبه في شغل
لما المدير يبعتله في مكتبه و يقوله انا مبسوط منك ...بس
لما يسفر ابوه و امه للحج
لما يكسب القضية اللي رافعها علي صاحب البيت
لو حد في الشارع سأله علي عنوان يعرفه (( تبقا ليلة سودة ))
و يفضل يوصفله العنوان بالتفصيل و بمنتهي الثقة و السعادة



و ممكن يروح معاه لحد هناك كمان

و لو راكب تاكسي يقوله بابتسامة الواثق من نفسه (( تعالي ورايا ))





لو حد في الشارع مايعرفوش طلب منه سيجارة
يعزم عليه بالعلبة كلها و هوا مبسوط و يولع له كمان

لو طلع بالصدفة خلف الكاميرات في التليفزيون ...
او طلع اسمه في الجرنال حتي لو في صفحة الوفيات مع اقارب الميت

لما ربنا يرزقه بعيل
لما يفتح الحنفية يلاقي ميه من غير لون ولا طعم ولا ريحة
لما يمشي في وسط البلد و يشم هوا طبيعي من غير شوائب
لما يشتري (مجموعة انفلونزا) لما يجيله برد
لما يطلع رحلة للقناطر
لما يشوف نفس الحيوانات في نفس جنينة الحيوانات
لما ينجح في الثانوية العامة بمجموع 50 في الميه
لما يتنقط في فرح ابنه
لما يشيل فلوسه في البوستة
لما يشاور عليه حد
لما يلقح بالكلام علي واحد بيسترخمه
لما امه تدعيله من قلبها
لما يجي له عقد عمل في الكويت
لما يكون معزوم علي فرح واحد صاحبه
لما يكون في الفرح رقاصة
لما امين الشرطة يسيب له الرخصة بخمسة جنيه
و هو خارج من الخزنة اول كل شهر و حاسس بالامان لمدة اسبوع
لما يلاقي حاجة عليها تخفيضات او اوكازيون او ( تلاتة بسعر اتنين ) أو يشوف كلمة ( بسعر المصنع ):)
لما يقضي مصلحته في اي مصلحة حكومية في يوم واحد و بأقل قدر من الخسائر
في الارواح و حرقة الدم



http://content.sweetim.com/sim/cpie/emoticons/0002031F.gif (http://www.sweetim.com/s.asp?im=gen&lpver=3&ref=10)




يوم ماتش الاهلي و الزمالك

يفضل طول اليوم يشعر بنشوة اقتراب ميعاد اذاعة الماتش


و علي نهاية الشوط التاني يزداد ابتهاجا لو كان اهلاوي

و يمتعض بقوة لو كان زملكاوي ( مع الاعتذار للزملكاوية )
http://content.sweetim.com/sim/cpie/emoticons/00020114.gif (http://www.sweetim.com/s.asp?im=gen&lpver=3&ref=10)








لما يلاقي مكان يركن فيه و هوا في وسط البلد
لما يحس انه ناصح و عرف يفاصل في حاجة مع علمه الاكيد انه عبيط و مضحوك عليه
لما يخش جمعية و يقبضها الاول
لما يقعد في مكان مليان بنات
لما يصالح اتنين متخانقين علي بعض...( و بعدين يدي حقن بعد كده مش مشكلة )
لما حد من قرايبه ان شاالله من بعيد يخش كلية الشرطة
لما يسدد الاقساط والديون اللي عليه و قسط التلاجة
لما يقضي مصلحة لواحد غيره (( خدمة يعني))
لما يحس انه تعبان و يروح يكشف الدكتور يقوله شوية ارهاق
لما يشوف شعبان عبد الرحيم
لما تكون في واحدة مزهقاه و مطلعة عينه و تحل عن دماغه
لما واحد صاحبه يديله سي دي عليها مسرحية العيال كبرت او فيلم اللي بالي بالك

او الاعمال الكاملة لتوم و جيري:)

اكلة حلوة ..شوية خضار...حتتين لحمة صغيرين..شوية رز بالشعرية .
..شوية جرجير..شوربة لسان عصفور



كل شهر تسعده اوي و تخليه طاير م الفرحة




لما يصحي براحته يوم الجمعة
مش كل المصريين يعني


و لو عندك حاجة تانية قولها علشان نعمل موسوعة هنا


و صباح الفل
http://www.t3as.com/vb/imgcache2/1292.gif
dream2
20-02-2009, 10:05 AM
يا استاذ شريف الشعب المصرى طيب قوى

ومن كتر الهموم البيلاقاها

بيدور على اى حاجة تفرحه

وعلى فكرة زى ما بيدور على الفرحة

احيانا كثيرة بيدور على شئ يبكى عليها

من كتر طيبته

ربنا دايما يفرحنا جميعا

شكرا لك
M.Sherif
20-02-2009, 10:08 AM
طبعا والله منا عارف
اكتر شعب عاطفي في الدنيا
و ده السبب الوحيد اللي مخلينا عايشين لحد دلوقتي في بلد
مليانة ..........
شرفاء:d
CoMMaNdo
20-02-2009, 10:24 AM
لما واحد صاحبه يديله سي دي عليها مسرحية العيال كبرت او فيلم اللي بالي بالك

او الاعمال الكاملة لتوم و جيري:)
هههههههههههههههه


وحضرتك نسيت



لما يلعب بلاى ستيشن ويكسب:d
ولما يكلم واحدا كانت مجنناه ومش طيقاه
ولما ياخد علاوه او مكافاه مع انها مش مرضيه
ولما يخلص تعليم بيبقى سعيد جدا بس بعدها بيتصدم:D


والله موضوع زى العسل زى حضرتك وفعلا دا الواقع
بس دا بيدل على اننا شعب بسيط جدا
يعنى بنفرح مثلا يعنى لما ناكل اكله حلوه
فيه بساكه اكتر من كدا
مصطفى ب2
20-02-2009, 10:32 AM
شكراا جزيلا
M.Sherif
20-02-2009, 10:49 AM
تسلم يا كوماندو
معلش انا عدلت حاجة في الموضوع انت علقت عليها
شكرا يا باشا علي مشاركتك الجميلة
وانت والله اللي زي العسل
M.Sherif
20-02-2009, 10:57 AM
نورتوا يا جماعة والله
و ياريت كل واحد يضيف كام جمله من عندو كده
علشان الواحد بقاله مده ماضحكش
esraa wael
20-02-2009, 11:10 AM
او لما يروح المدرسة لابنة ويقولة واللهي دة ممتاز دة كتير ع البلد دي
مع الملاحظة ان ابن الراجل بياخد مع المدرس دة درس
و
لمايشوف ابنة اللي في الثانوية العامة ماسك كتاب
ولما ياخد علاوة ويخرج العيال وامهم
ولمايجيب حاجة لعيالة او لمراتة وزوقها يعجبهم ويقولولو شكرا يا بابا
ولما رئيس بيكرة يشوفو في التلفزيون بيتضرب بجزمة 000مقاس09
وع فكرة الموضوع
جميل
جدا
وبيدل ع طيابة شعب مصر
من ايسوووووو
ملاك الاصل
M.Sherif
20-02-2009, 11:23 AM
اووبيدل ع طيابة شعب مصر
من ايسوووووو
ملاك الاصل
شكرا يا اسراء تسلم ايدك

المصريين كلهم دمهم خفيف
طارق ممدوح ذكي محمد
20-02-2009, 12:06 PM
واضيف كمان

1- لما يروح يخطب واهل العروسة يقولولوا احنا بنشتري رجاله ... ( اشتروا ولو عايزين تعملوا مزاد مافيش مانع )
2- لما يتجوز ويلاقي عروسته هيا هيا اللي خاطبها بالظبط .... ياه بتبقى فرحه كبيره.
3- لما يغيب من الشغل ورئيسه يمضيله .
4- لما يزوغ يوم بدري .
5- لما يلاقي انبوبة البوتجاز في الشتا بـ 15 جنيه ... يا سلام .
6- لما يلاقي صنية بطاطس باللحمه في الفرن او كبده محمره .... ودي اكتر حاجه مفرحاني النهارده .
M.Sherif
20-02-2009, 12:11 PM
واضيف كمان


1- لما يروح يخطب واهل العروسة يقولولوا احنا بنشتري رجاله ... ( اشتروا ولو عايزين تعملوا مزاد مافيش مانع )
2- لما يتجوز ويلاقي عروسته هيا هيا اللي خاطبها بالظبط .... ياه بتبقى فرحه كبيره.
3- لما يغيب من الشغل ورئيسه يمضيله .
4- لما يزوغ يوم بدري .
5- لما يلاقي انبوبة البوتجاز في الشتا بـ 15 جنيه ... يا سلام .

6- لما يلاقي صنية بطاطس باللحمه في الفرن او كبده محمره .... ودي اكتر حاجه مفرحاني النهارده .



ههههههههههههههههه
هههههههههه

الله عليك

بموت في الكبدة المحمرة
ماتنسانيش
لالا صحيح
عقبال لما نتقابل و تيجي من الصعيد تكون اتحولت الكبدة الي الياف و بروتينات
نعمه محمود
20-02-2009, 03:08 PM
لو الولاد ذاكرو من غير مناهدة

لو الزوج ذاكر للولاد
لو الزمالك كسب حتى لو كانت الست اهلاويه
لما الزوج ينزل بنفسه يشترى الطلبات من السوق
لما حد من الضيوف يقوم يشطب المطبخ
لما تتعزم على الغدا بره
لما الولاد (والزوج طبعا) يرجعو من برة يعلقو هدومهم
لما الزوج يجيب هدية دهب للزوجة
لما الزوج يديها فلوس اكتر من احتياج البيت( وميسألهاش راحو فين)
لما حد يقولها يا آنسه
لما سواق الميكروباص ميرخمش عليها وهى سايقه
لما تعرف تركن عربيتها من اول مرة من غير ما الشارع كله يتفرج عليها
لما يلغو المطبخ من البيت
BaNZeR
20-02-2009, 03:14 PM
ونسيتو لما يكون معزوم على فول وطعمية عند واحد صاحبه :)

موضوع لذيذ
M.Sherif
20-02-2009, 03:55 PM
لو الولاد ذاكرو من غير مناهدة

لو الزوج ذاكر للولاد
لو الزمالك كسب حتى لو كانت الست اهلاويه
لما الزوج ينزل بنفسه يشترى الطلبات من السوق
لما حد من الضيوف يقوم يشطب المطبخ
لما تتعزم على الغدا بره
لما الولاد (والزوج طبعا) يرجعو من برة يعلقو هدومهم
لما الزوج يجيب هدية دهب للزوجة
لما الزوج يديها فلوس اكتر من احتياج البيت( وميسألهاش راحو فين)
لما حد يقولها يا آنسه
لما سواق الميكروباص ميرخمش عليها وهى سايقه
لما تعرف تركن عربيتها من اول مرة من غير ما الشارع كله يتفرج عليها
لما يلغو المطبخ من البيت

هههههههههههه

:d
تسلم ايدك والله يا استاذة نعمة
اضافة رائعة
وكل يغني علي ليلاااااااااااااااه

ههههههههه

بس واضح ان كل اللي المصرية بتفرح انه يتعمل
بيغلبها و ما بيتعملش
:)
و لا ايه يا استاذ عبد الحميد؟؟؟؟

امال مين اللي بيذاكر لعمر و حبيبة؟؟؟؟؟؟؟:)

مش الاستاذ عبد الحميد برضه؟

اه لو عرفت الزوجة المصرية فضل الزوج
الدهب بيروح وبيجي يا اخت نعمة
المهم الراجل العسل اللي حسه في الدنيا ده

(( احنا جايين نهدي النفوس ))):)
omar1
20-02-2009, 04:19 PM
لما الأولاد يسمعوا النصيحة بدون جدل أو تأفف أو صوت عالى

لما ابنى يعمل أنشطة ملف الانجاز وحده بدون إرهاقى بها
أمل لاشين
20-02-2009, 04:26 PM
لما تلاقي رئيسك في العمل بيقدرك ويدفعك للامام حتي لو هتسبقه وعن طيب خاطر .....
لما تلاقي المنافسه الشريفه في العمل من غير اي مقالب او ضغائن ........
لما يفهم اقرب الناس ان التدخل في حياتك ليه حدود ......
ويفهموا ان الدبه قتلت صاحبها من كتر حبها فيه ..........
لما يختفوا الناس اللي بيحشروا نفسهم في حياتنا بغرض الاطمئنان عليك ......
لما تتعامل مع ناس يكونوا علي طبيعتهم مش ليهم وجهه اخر ..

بجد موضوع جميل جداااااااا
ونتمني تحقيق كل اللي يفرحنا ....
M.Sherif
20-02-2009, 04:27 PM
لما الأولاد يسمعوا النصيحة بدون جدل أو تأفف أو صوت عالى

لما ابنى يعمل أنشطة ملف الانجاز وحده بدون إرهاقى بها

هههههههههه
واضح ان الشعب المصري بيعاني من حاجات كتير اوي :)
مش بس الكام حاجة اللي انا قلتها
M.Sherif
20-02-2009, 04:29 PM
لما تلاقي رئيسك في العمل بيقدرك ويدفعك للامام حتي لو هتسبقه وعن طيب خاطر .....
لما تلاقي المنافسه الشريفه في العمل من غير اي مقالب او ضغائن ........
لما يفهم اقرب الناس ان التدخل في حياتك ليه حدود ......
ويفهموا ان الدبه قتلت صاحبها من كتر حبها فيه ..........
لما يختفوا الناس اللي بيحشروا نفسهم في حياتنا بغرض الاطمئنان عليك ......
لما تتعامل مع ناس يكونوا علي طبيعتهم مش ليهم وجهه اخر ..

بجد موضوع جميل جداااااااا
ونتمني تحقيق كل اللي يفرحنا ....

ماكنتش اعرف ان الموضوع ده هيثير في النفوس حاجات كتير اوي كده
شكلها هتقلب بغم:)
هههههههههههههه
تسلم ايدك
وشكرا جزيلا
علي اضافاتك
نعمه محمود
20-02-2009, 04:47 PM
هههههههههههه


:d
تسلم ايدك والله يا استاذة نعمة
اضافة رائعة
وكل يغني علي ليلاااااااااااااااه

ههههههههه

بس واضح ان كل اللي المصرية بتفرح انه يتعمل
بيغلبها و ما بيتعملش
:)
و لا ايه يا استاذ عبد الحميد؟؟؟؟

امال مين اللي بيذاكر لعمر و حبيبة؟؟؟؟؟؟؟:)

مش الاستاذ عبد الحميد برضه؟

اه لو عرفت الزوجة المصرية فضل الزوج
الدهب بيروح وبيجي يا اخت نعمة
المهم الراجل العسل اللي حسه في الدنيا ده

(( احنا جايين نهدي النفوس ))):)



تسلم يا اخ شريف وتعيش وتهدى النفوس
Not Allowed
20-02-2009, 06:53 PM
يوم ماتش الاهلي و الزمالك
يفضل طول اليوم يشعر بنشوة اقتراب ميعاد اذاعة الماتش


و علي نهاية الشوط التاني يزداد ابتهاجا لو كان اهلاوي

و يمتعض بقوة لو كان زملكاوي ( مع الاعتذار للزملكاوية )
http://content.sweetim.com/sim/cpie/emoticons/00020114.gif (http://www.sweetim.com/s.asp?im=gen&lpver=3&ref=10)




ههههههههههههههههههههههههههههه
حلوة الحتة دى

شكرآ لحضرتك على الموضوع الجميل دة
M.Sherif
20-02-2009, 07:37 PM
ههههههههههههههههههههههههههههه

حلوة الحتة دى


شكرآ لحضرتك على الموضوع الجميل دة


ماكونتش عايز اخش في الرياضة
بس دي من صميم ما يفكر فيه المصري
شكرا جزيلا
doaa shedid
20-02-2009, 07:48 PM
لما تفرح باباك ومامتك وتحقق لهم حلمهم

لما محدش ياخد حق حد

لما محدش يقولك هم الرجالة اتعموا

لما محدش يتمنى حاجة عند غيره

لما الي بيحبك يتنازل عن الكبر ويعترف

لما تحقق حلمك بعد طول انتظار

ولما ولما ولما .... بجد الله على الموضوع
M.Sherif
20-02-2009, 08:02 PM
.... بجد الله على الموضوع



الله علي المشاركة
totyfroty20
20-02-2009, 08:17 PM
لما الواحد ينزل الشارع يلاقيه نضيف تماما

لما يذيعوا ماتش من الدوريات الاوروبية على القنوات الارضية

لما المدرسين يبطلوا يضربوا التلامذة

لما الشباب يبطلوا معاكسة البنات

موضوع جميل سلمت يداك:):078111rg3:
M.Sherif
20-02-2009, 08:34 PM
موضوع جميل سلمت يداك:):078111rg3:


و تسلم ايدك علي المشاركة
عبد الحميد حافظ
20-02-2009, 09:16 PM
وحشتنى جدا يا شريف
موضوع جميل من انسان اجمل
prof.ahmed4d
20-02-2009, 09:21 PM
أشكرك على الموضوع الممتاز
جزاك الله كل خير
M.Sherif
20-02-2009, 09:39 PM
وحشتنى جدا يا شريف
موضوع جميل من انسان اجمل

الله اكبر
طلع القمر علينا
منور المنتدي والله يا استاذ عبد الحميد
وانت والله واحشني كتتتتتتتتتتتير جدا
ربنا يبارك في عمرك يارب
شرف ليا ان تكون المشاركة الثالثة لك في هذا المنتدي من نصيبي
و منتظر مشاركات حضرتك معانا

عارف يا استاذ عبد الحميد
انا ماسك الخشب و في نفس الوقت بحسد الاستاذة نعمة
ان شريك حياتها
انسان مثلك
اجتماعي
بشوش
متفائل
مبتسم دوما
ايجابي
مشارك
يحب الناس
و يحب الخير لهم

هناك اناس تراهم لأول مرة
تشعر انك قد رايتهم من قبل ألاف المرات
و تريد ان تتقابل معهم مرات و مرات عديدة بدون ملل
عبد الحميد حافظ
20-02-2009, 10:58 PM
شكرا يا شريف على ذوقك وكلامك الحلو ده وعشان انت انسان جميل شايف الدنيا جميله
انت مكسب حقيقي للمنتدى ربنا يحفظك. وكما قالت الحكمة الطيور على اشكالها تقع وانتم توليفه جميله من المبدعين ربنا يحفظ هذا السرب الجميل ويستمر في التحليق حتى لو فضلنا احنا على الارض
شمس بياض
21-02-2009, 04:03 PM
السلام عليكم

موضوع هايل كما تعودنا من نمر المنتدى

دا اولا ثانيا عجبتنى تعبيرات الاستاذ عبد الحميد

وانتم توليفه جميله من المبدعين ربنا يحفظ هذا السرب الجميل ويستمر في التحليق حتى لو فضلنا احنا على الارض

ثالثا انصح الاستاذه نعمه بانها تتبخر وترقى نفسها من عينى انا فانا احسدها وبشده على زوج متعاون بل ايجابى

واحسدها هى على انها جعلته يقتنع بالانضمام الى منتدانا فهو مكسب

رابعا نرجع للموضوع اكتر اشياء تفرح

1-ان الزوج يقول كلمه جميله ولو مش من قلبه مقبوله بس تتقال

2- لو اعطى فرصه للنقاش حتى فى مشاكل بلاد الواء واء

3- لو الاولاد قاموا باداء الصلاه (بجد بتسعدنى جدا )

4-لو تم القيام بالواجب الامثل لاخوة الزوج

5- لو قامت حماتى بالدعاء لابنها امامى

6- لو كل معلم بالمدرسه اخذ حصته واشتغل فيها بضمير

7- لو انتشر العدل والمساوة وحب الفقير وعدم ازدراءه

8- لو العيال ذاكرات بدون زعيق معاهم

9- لو ابوهم قال اسمعوا كلام امكم وذاكروا

10- لو الزمالك غلب الاهلى اه يابوىىىىىىىىىىىىىىىىى
نعمه محمود
21-02-2009, 04:53 PM
السلام عليكم

موضوع هايل كما تعودنا من نمر المنتدى

دا اولا ثانيا عجبتنى تعبيرات الاستاذ عبد الحميد

وانتم توليفه جميله من المبدعين ربنا يحفظ هذا السرب الجميل ويستمر في التحليق حتى لو فضلنا احنا على الارض

ثالثا انصح الاستاذه نعمه بانها تتبخر وترقى نفسها من عينى انا فانا احسدها وبشده على زوج متعاون بل ايجابى

واحسدها هى على انها جعلته يقتنع بالانضمام الى منتدانا فهو مكسب

رابعا نرجع للموضوع اكتر اشياء تفرح

1-ان الزوج يقول كلمه جميله ولو مش من قلبه مقبوله بس تتقال

2- لو اعطى فرصه للنقاش حتى فى مشاكل بلاد الواء واء

3- لو الاولاد قاموا باداء الصلاه (بجد بتسعدنى جدا )

4-لو تم القيام بالواجب الامثل لاخوة الزوج

5- لو قامت حماتى بالدعاء لابنها امامى

6- لو كل معلم بالمدرسه اخذ حصته واشتغل فيها بضمير

7- لو انتشر العدل والمساوة وحب الفقير وعدم ازدراءه

8- لو العيال ذاكرات بدون زعيق معاهم

9- لو ابوهم قال اسمعوا كلام امكم وذاكروا

10- لو الزمالك غلب الاهلى اه يابوىىىىىىىىىىىىىىىىى

الله عليكى يا شموسه مش عارفه اقولك ايه انا بعد كلامك ده محدش هيعرف يكلمنى هتكبر على الناس كلها.وبعدين ابخر مين ...........
انتى لما تبصي لحاجة تزيد وربنا يطرح فيها البركة عشان قلبك الصافي واخلاصك
حقيقي أحبك في الله
M.Sherif
21-02-2009, 05:00 PM
اه يابوىىىىىىىىىىىىىىىىى


هههههههههه
أجمل جملة صعيدية سمعتها من تلات سنين :)
واه يا بوووووووووووووووووووووووووي

شكرا يا اخت نور علي المشاركة الرائعة بتاعتك
نورتي الموضوع والله
و ربنا يصلح لك زوجك و اولادك و اهلك امين
برضه ضل راجل و لا ضل حيطة
AhmedElromy
21-02-2009, 05:48 PM
شكرااااااااااااااااااااااااااااااااااااااااااااااا اااااااااااااااااااااااااااااا
موضوع اكثر من رائع
M.Sherif
21-02-2009, 07:19 PM
شكرااااااااااااااااااااااااااااااااااااااااااااااا اااااااااااااااااااااااااااااا
موضوع اكثر من رائع

نورت يا احمد
شمس بياض
21-02-2009, 09:00 PM
الله عليكى يا شموسه مش عارفه اقولك ايه انا بعد كلامك ده محدش هيعرف يكلمنى هتكبر على الناس كلها.وبعدين ابخر مين ...........
انتى لما تبصي لحاجة تزيد وربنا يطرح فيها البركة عشان قلبك الصافي واخلاصك
حقيقي أحبك في الله


مين قال كدة ايتها الجوهرة المكنونه

والله انا بتكلم جد الرقيه الشرعيه واجبه

وانا والله احبك فى الله واحبك الله الذى احببتنى فيه
شمس بياض
21-02-2009, 09:03 PM
و ربنا يصلح لك زوجك و اولادك و اهلك امين
برضه ضل راجل و لا ضل حيطة

اللهم امين وحالى وحال جميع المسلمين
وارضنا بما قسمته لنا يا ارحم الراحمين
أحمـدنجـم
23-02-2009, 09:52 PM
هذا الموضوع الناقد لحال المجتمع المصري .. نريد أن نرى وجهه الإيجابي .. في طرح الحلول لتلك السلبيات من هنا سيتحول لموسوعية اجتماعية ضخمة .. ونرجو مراعاة عدم تحويله إلى مجرد فكاهة .. فأنا ألمس فيه أفكاراً من الممكن أن تكون نواة لحلول اجتماعية وإثارة لسلبيات المجتمع المصري .. وشكراً جزيلاً للجميع ..
Travel
23-02-2009, 10:32 PM
هذا الموضوع الناقد لحال المجتمع المصري .. نريد أن نرى وجهه الإيجابي .. في طرح الحلول لتلك السلبيات من هنا سيتحول لموسوعية اجتماعية ضخمة .. ونرجو مراعاة عدم تحويله إلى مجرد فكاهة .. فأنا ألمس فيه أفكاراً من الممكن أن تكون نواة لحلول اجتماعية وإثارة لسلبيات المجتمع المصري .. وشكراً جزيلاً للجميع ..
مع احترامى لحضرتك
بعترض على ارجاع الموضوع
و
انا اللى حذفته قبل كده
اسم الموضوع

أهم 50 حاجة تفرح المصري (( تعالي غير جو )) (http://www.thanwya.com/vb/showthread.php?t=107729)

اطار الموضوع

لما يضرب سجارتين حلوين مع صحابه


لما القناة الاولي تذيع في السهرة فيلم جديد


لما يلاغي موزة فتضحك


لو حد في الشارع سأله علي عنوان يعرفه (( تبقا ليلة سودة ))


لو حد في الشارع مايعرفوش طلب منه سيجارة


لما يشوف نفس الحيوانات في نفس جنينة الحيوانات


لما يكون في الفرح رقاصة

لما يقعد في مكان مليان بنات





اكلة حلوة ..شوية خضار...حتتين لحمة صغيرين..شوية رز بالشعرية .
..شوية جرجير..شوربة لسان عصفور

ايه بقى الافكار لنواة الحلول الاجتماعية اللى حضرتك بتلمسها
وايه فيه علشان يكون موسوعة اجتماعية ضخمة
:confused:

ونرجو مراعاة عدم تحويله إلى مجرد فكاهة ..


هههههههههههههههه
وحضرتك نسيت



لما يلعب بلاى ستيشن ويكسب:d


ههههههههههههههههه
هههههههههه
الله عليك
بموت في الكبدة المحمرة


علشان الواحد بقاله مده ماضحكش

ده غير باقى الردود
والموضوع
مع احترامى لحضرتك
هيتم حذف الموضوع مرة اخرى :)