مشاهدة النسخة كاملة : الجمل يقرر إرسال أموال الكادر للمدارس مباشرة
محمد عباس 011 20-02-2009, 03:00 PM رغم تأكيدات عدد من مديرى المديريات التعليمية ببدء صرف أموال الكادر للمعلمين، إلا أن الدكتور يسرى الجمل وزير التربية والتعليم عقد صباح اليوم، الخميس، اجتماعا طارئا بمديرى المديريات للتعرف منهم على أسباب عدم صرف الكادر حتى الآن، رغم أن الوزارة قامت بتحويل 1.6 مليار للمديريات لصرف الأموال فى 6 يناير الماضى، وبرر مديرو المديريات للوزير تأخر الصرف بسبب عدم إرسال المدارس مندوبيهم للإدارة بكشوف المدرسين المستحقين لتسلم زيادات الكادر، وهو ما دفع الوزير لإصدار توجيهات بإرسال الزيادات المالية إلى المدارس وليس العكس، مشددا على أهمية حل أزمة الكادر قبل انتهاء فبراير الحالى حتى لا يدخل مشروع الكادر شهره الرابع دون صرف للأموال.
وبعيدا عن أزمة الكادر أكد الوزير على ضرورة متابعة مديرى المديريات للانتهاء من التعاقد مع الدفعة الإضافية من المعلمين المساعدين، والتى بلغت (25.500 معلم) بخلاف ما تم التعاقد معهم فى يناير الماضى وعددهم (75.000)، كما أصدر توجيهاته للأكاديمية المهنية للمعلم بالاستعداد لعقد الدورات التدريبية للمعلمين الذين رسبوا فى امتحانات الكادر، وسيخوضون الدور الثانى فى إبريل المقبل
.http://www.youm7.com/News.asp?NewsID=72453&SecID=65&IssueID=46
ledo2005 20-02-2009, 03:24 PM ويا ترى هايرسلهم ازاى
مستروجيه 20-02-2009, 04:27 PM يارب يكون الكلام صحيح ونصرف بقه
عبدالحليم المسلمى 20-02-2009, 04:28 PM مع الحمام الزاجل
أ / محمود هيكل 20-02-2009, 04:36 PM شكراااااااااااا على الخبر
almoalem 20-02-2009, 04:57 PM الادارات فى وادى والوزارة فى وادى واحنا بينهم ياقاضى وعجبى
teacher.reader 20-02-2009, 05:29 PM مع الحمام الزاجل
يأخى الحمام الزاجل دا كانت مرحله وعفا عليها الزمن
فيه حاجات تانيه كتير بس للاسف احنا منعرفهاش
ممكن مثلا تصحى من النوم تلاقى الفانوس السحرى ويقولك فلوس الكادر اهه بين ايديك
ahmed arfa 20-02-2009, 06:56 PM كلام × كلام
وده العادى بتاع الوزير بتاعنا مش جديده عليه
طارق ممدوح ذكي محمد 20-02-2009, 07:14 PM ايه ياخونا حمام زاجل ايه وفانوس سحري ايه
فيه قسم الكادر موجود اهوه
انا بقترح ان معاليه يبعتلنا الفلوس على قسم الكادر
يااااااااااه دي كانت تبقى ليله ... ههههههههههه
Ala'a Eldin 20-02-2009, 07:31 PM يعنى أية يرسل الفلوس للمدارس مباشرة؟؟؟؟؟؟؟
مش دى صعبة شوية !!!!!!!!!!!!!
وبعدين يقصد ايه بــ( وليس العكس)!!!!!!!!!!
يعنى إحنا اللى هنرسل الفلوس من المدارس للحكومة أو للوزارة:049gc0:
حد يفهمنى يا جماعة أنا حاسس أنى هتجنن خلاص
ومبقتش فاهم حاجة
:giljotiiniug3::giljotiiniug3::giljotiiniug3:
شكراااااااااااااااااااااااااااااااا
الاستاذ/توفيق عزت عبدالعزيز 20-02-2009, 07:37 PM ايه ياخونا حمام زاجل ايه وفانوس سحري ايه
فيه قسم الكادر موجود اهوه
انا بقترح ان معاليه يبعتلنا الفلوس على قسم الكادر
يااااااااااه دي كانت تبقى ليله ... ههههههههههه
الاخ الاستاذ / طارق
مشرف قسم الكادر بحاله
دايما كانت تعليقاتى شديدة وجارحة شوية .... لكن حقيقية و واقعية جدا
و يا ما حضرتك حذفت لى موضوعات و آراء
و مرتين تلغى عضويتى بسبب آرائى الرخمة ( عليهم طبعا )
اليوم انت بتتهكم عليهم
لو انا المشرف كنت وقفت عضويتك
بالمناسبة ... انت قريت تصريح / محمد كمال سليمان بتاع نقابة المعمعمعمعللللل
بيشتم فى روابط المعلم
و بيقول عليها : شوية ناس قاعدين على القهوة و بيلموا فى بعض
مع انى لا اعرف كيف اصبح امييييييييييييييييييييين عاااااااااااام البتاعة الميتة دى ....
اسمها ايه يا استاذ توفيق ؟؟؟؟؟؟؟؟؟ اسمها ايه ؟؟؟؟؟؟؟؟؟؟؟؟؟ رد على و فكرنى لو سمحت
أبو ملك 20-02-2009, 07:38 PM يعني اجهز الزكايب وأنتظر على باب المدرسة
طارق ممدوح ذكي محمد 20-02-2009, 07:49 PM الاخ الاستاذ / طارق
مشرف قسم الكادر بحاله
دايما كانت تعليقاتى شديدة وجارحة شوية .... لكن حقيقية و واقعية جدا
و يا ما حضرتك حذفت لى موضوعات و آراء
امتى ؟ انا لسة مشرف من يومين وقبلها كنت عضو زيك بالظبط .
و مرتين تلغى عضويتى بسبب آرائى الرخمة ( عليهم طبعا )
ليس من صلاحياتي الغاء عضوية احد ولم اتسبب في ذلك لاحد ابداً ...
اليوم انت بتتهكم عليهم
فين التهكم ده انا بحاول اغير بس من الردود الجاده ....
لو انا المشرف كنت وقفت عضويتك
ربنا يكرمك ...
شكرا جزيلا
Ala'a Eldin 20-02-2009, 07:53 PM يعنى أية يرسل الفلوس للمدارس مباشرة؟؟؟؟؟؟؟
مش دى صعبة شوية !!!!!!!!!!!!!
وبعدين يقصد ايه بــ( وليس العكس)!!!!!!!!!!
يعنى إحنا اللى هنرسل الفلوس من المدارس للحكومة أو للوزارة:049gc0:
حد يفهمنى يا جماعة أنا حاسس أنى هتجنن خلاص
ومبقتش فاهم حاجة
:giljotiiniug3::giljotiiniug3::giljotiiniug3:
ياجماعة حد يرد على لو سمحتوا
طارق ممدوح ذكي محمد 20-02-2009, 08:00 PM ياجماعة حد يرد على لو سمحتوا
اللي فهمتوا ان سيادته عايز المديريات تبعت الفلوس للمدارس
دون انتظار لارسال الكشوف من المدارس للمديرية
هذا والله اعلم ...
ledo2005 20-02-2009, 08:22 PM اعتقد إن الإدارات التعليمية ستقوم بطباعة كشوف الناجحين من موقع الأكاديمية لكل مدرسة ثم يتم ارسالها لكل مدرسة ليتم مراجعتها واعتمادها من شئون العاملين والمدير ثم يتم الصرف من قبل الإدارات التعليمية وذلك دون انتظار لقيام المدارس بطباعة هذه الكشوف واعتمادها وارسالها مرة ثانية للإدارا التعليمية
vegoom 20-02-2009, 08:41 PM هل هذا الكلام ممكن يحصل والوزير يرسل الفلوس على المدارس يارب يكون الكلام دة صحيح
Soaad-532 20-02-2009, 09:02 PM من العدل اعطاء الكادر للجميع..ناجح راسب او متغيب كلهم معلمين مصريين ..كل ما يحدث حراااااااااام...التفرقة المالية ستحدث مشاكل بين المعلمين والامتحان ليس مقياس صادق لمعرفةمستوى المعلم علميا ومهاريا ونفسيا واخلاقيا وتربويا و.............الغش والموبايلات والتشاور مصور على صفحات النت ا ثناء الا متحا ن...... والحالة المادية لجميع المعلمين سيئة للغاية..فكيفيصرف زميلى ضعف مرتبى علشان بيسمع الكلام ودخل الامتحا ن وغش (حسبى الله ونعم الوكيل ).
yaratk 20-02-2009, 09:04 PM اين الكادر يا أدارة الهرم
faizmattar 20-02-2009, 09:06 PM يا سلاااااااااااااااااااااااااااااااام
هكذا وبكل بساطة
-ألوووووه ما بعتوش الفلوس ليه يا اخواننا
-أصل المدار س م بعتتش الاستمارات
-طيب معلهش أنا هبعتلهم الفلوس على طول قبل ما الشهر يخلص
-يبقى كدة عملت فينا معروف أصل المدرسين عاملين لنا صداع
-خلاص خليها علي المرة دي
-مع السلامة
-سلام
الكلام دا في بلاد الواق واق يمشي
Ala'a Eldin 20-02-2009, 09:24 PM ماشى هصدق الكلام المرة دى برضوة
وهصدق أن سيادته هيبعت الكشوف ومعاها الفلوس من الوزارة للمدارس اللى شكلها مستغنى عن الكادر فى معظم الجمهورية لدرجة انهم حتى مبعتوش الكشوف!!!!!!!!!!!!!!!!
المدارس هى اللى مبعتتش الكشوف!!!!!!!!!! ماشى !!!!!!!!!!!!!!!!!!!
هصدق كل ده!!!!!!!!!!!!!!!!
بس عايز حد يقنعنى هم ليه عايزين الكشوف من المدارس وان لازم كل مدرسة تطبع كشف الناجحين وترسلة للإدارة
طالما ان هناك قاعدة بيانات مركزية عند الوزارة وكل مديرية تقدر تعمل إحصاء بسهولة من خلال قاعدة البيانات دى وتحدد عدد الناجحين ويخلصونا من الصداع ده اللى مش عايزين يعمللوا آخر
وبعدين مش من الأفضل أن الوزارة هى اللى تبعت كشوف بأسماء المستحقين فى كل مدرسة للإدارات عشان مايكنش فيه فرصة للعب والتزوير وتحديد أعداد غير واقعية
شاركونى الرأى لو سمحتوا
محمد السيد غريب 20-02-2009, 09:40 PM شكرا لك اخى العزيز ويارب يكرم الجميع با لكادر
yousri_2000 20-02-2009, 09:40 PM سيادة الوزير قال كل من دخل الامتحان ناجح وهيقبض الكادر و الكل يتساوي
albatol70 20-02-2009, 10:08 PM الاخوة الافاضل الكادر جاي لامحالة...................الموت قادم لامحالة
وبارك الله فيكم.............ولكم..........................وبك م
khgyu 20-02-2009, 10:15 PM الفلوس توصل المدارس من غير لا إدارة ولا مديرية هههههههههه تتوزع زي الكتب كده كل واحد وهو رايح المدرسة يوم الأحد القادم إن شاء الله ياخد ولي أمره معاه علشان يستلم فلوس الكادر من أمين توريدات المدرسة ويكون معاه ايصال تسديد المصرفات ويروح بدري ويقف في الطابور واللي هايتأخر وما يصرفش يبقى يروح لعمو الوزير يشوف له حل ههههههههههه
في الحلقة ( 101) من مسابقة المفتش كرمبو : الواد شلاطة بتاع البطاطا كان واقف قدام باب المدرسة بيوصل حتتين بطاطا دليفري لقى المدرسين قاعدين وحاطين ايديهم على خدهم علشان فلوس الكادر لسه ما وصلتش ، سألهم عن سبب التأخير قالوا :
1ـ يا فرحة ما تمت خدها الجمل في خفه
2ـ ابقى قابلني لو شفت منهم مليم أحمر
3ـ محلات الكويتش قافلة والأربع فرد بتوع عربية الكادر نايمين
لو عرفت الحل اتصل على تليفون الوزارة هههههههههههههههههه
1ـ
مصطفى النحاس باشا 20-02-2009, 10:40 PM يا أخي لايبعت ولا يتعب نفسه بس يقول فين هي الفلوس واحنا نرو ح لها
ehab1644 20-02-2009, 10:44 PM مشكووووووووووووووووور
البورسعيدية 20-02-2009, 10:48 PM الوزارة طلبت من المديريات ارسال كشوف باسماء الناجحين فى اختبار الكادر ولكن العاملين بالمديريات اضافوا اسماء بعض المحاسيب وعند مراجعتها بالوزارة كشفت اللعبة وتم تحويل المسئولين الى التحقيق
وذلك ماحدث فى بورسعيد
البرنس كتكوت 20-02-2009, 11:00 PM الكادر ربما يكون مغلقاً اوغير متحا اصرف فى وقت لاحق
gomaa ashour 20-02-2009, 11:41 PM شكراً جزيلا على الخبر الموثق
الأستاذ/ مجدي عمار 20-02-2009, 11:48 PM شكرا لك
" فلح إن صدق "
إن : تفيد الشك
tareqe012 20-02-2009, 11:48 PM انا مش فاهم حاجة
الأستاذ/ مجدي عمار 20-02-2009, 11:49 PM شكرا لك
" أفلح إن صدق "
إن : تفيد الشك
samir1eg 21-02-2009, 12:12 AM طيب يا جماعة حد يعرف أزاي سيتم التعاقد مع 25.500 مدرس دول . يعني في الأدارات أم في المديريات, و هل ال 25.500 دول غير الذين تم التعاقد معهم بالفعل. ياريت حد يعرف و يقولي بجد الأمر مهم. معليهش كل يغني على ليلاه
adelfadaly 21-02-2009, 12:23 AM وصلني خبر من مصدر موثوق من داخل مطبخ الكادر
وبمنتهى الشفافية الخبر مفاده:
"فلوس الكادر مع نبيل البوشي"
عادل فضالي
مدرس تعيس في وزارة تعيسة
Ala'a Eldin 21-02-2009, 07:32 AM أشعر أن هناك تحرك ما (خفى طبعا) خلال هذا الأسبوع فى إتجاه صرف الكادر
ياترى إجتماع الوزير مع مدراء المديريات هيكون ليه أصداء هذا الأسبوع!!!!!!!!!!!!!!!!!
انا معاكم لما نشوف ايه اللى هيحصل
التوفيق 21-02-2009, 09:00 AM أصدر معالى الوزير توجيهات سيادتة بإرسال الزيادات المالية إلى المدارس وليس العكس، مشددا على أهمية حل أزمة الكادر قبل انتهاء فبراير الحالى حتى لا يدخل مشروع الكادر شهره الرابع دون صرف للأموال.
حد يعرف الصرف سنة كام؟!!!!!!
ايمن الشريف 23-02-2009, 09:38 PM احنا صرفنا شهرين وبس بعدين قالوا ستصرفون كل شهرين هل هذا صحيح
طالب العفو 23-02-2009, 09:52 PM طالما إن الإدارييين مالهومش فى الكادر نتوقع التأخير
ابو بسملة 23-02-2009, 11:33 PM يانهار ابيض الفلوس جاية على المدارس مباشرة واحنا هانفرقها على بعض بمعرفتنا الله حاجة حلوة قوى
|