مشاهدة النسخة كاملة : تقسيم قسم الاهداءات والمناسبات (افتراح)
عبقرينومان 20-02-2009, 03:22 PM السلام عليكم
اقتراح جديد
اقترحه عليا الاستاذ ( أ/ ممدوح مصطفى الانصارى (http://www.thanwya.com/vb/member.php?find=lastposter&t=73290))
ان يتم تقسيم قسم الاهداءات والمناسبات إلى قسمين قسم للمناسبات السعيدة وقسم للمناسبات الحزينة
وذلك مراعاة لشعور من لديهم ظروف غير سعيدة
واسمح لي سيدي ان اضيف علي الاقتراح ان نقسم القسم الى ثلاثة اقسام
الأول : للمناسبات السعيدة والطيبة (من تهاني واحتفالات وتهنئة مشرف او صاحب وسام ... الخ)
الثاني : للمناسبات غير السعيدة ( للموأساة ، الوفاة ، المرض ، ... الخ)
الثالث : يشمل على مواضيع الحوارات مثل (كرسي الاعتراف ، وزارة ما تمت ، المسابقات التي تجري في الاقسام تجري في هذا القسم مثل مسابقة الركن العام ومسابقة الشعر ... الخ )
في انتظار الرد على هذا الاقتراح من جميع الاعضاء والمشرفين
تمام
انا موافق على الفكره دى
فعلا فكره كويسه
Amethyst 20-02-2009, 03:29 PM أنا رأيي ..
قسم الترحيب بالأعضاء الجدد ..
قسم الأفراح والمناسبات السعيدة ..
قسم التعازي و المناسبات غير السعيدة ..
والحاجات التانية دي لوحدها برضه ..
اها تمام اوي انا موافقة
فكرة كويسة جدا كمان والقسم هيبقى منظم صراحة
انا من رأيي يكون قسم تهاني
قسم التعازي والدعاء مثلا للمرضى وكدا
وقسم للترحيب بالاعضاء الجدد
كدا هيبقى منظم اكتر
عبقرينومان 20-02-2009, 03:38 PM يعني كدا 4 اقسام صح
أحمـدنجـم 20-02-2009, 03:45 PM أنا موافق على 3 أقسام فكرة موفقة
Amethyst 20-02-2009, 03:53 PM ممكن يكون ..
قسم الترحيب بالأعضاء الجدد ..
قسم الأفراح والمناسبات السعيدة ..
قسم التعازي و المناسبات غير السعيدة ..
والحاجات التانية تبقى برة الثلاثة أقسام دول بس تكون جوة قسم اهداءات ومناسبات وتعارف ..
M.Sherif 20-02-2009, 03:59 PM فكرة جميلة جدا وعملية
التنظيم شئ رائع وبيرتب الافكار
لو ده استفتاء و هيتاخد برأي الناس
فأنا موافق موافق موافق
لا لا
ثواني مش في حاجة اسمها مناسبة سعيدة ومناسبة غير سعيدة
هما 3 اقسام
قسم التعازي والدعاء للمرضى ( هفكر في اسم كويس ليه)
هيكونوا الاتنين مع بعض في قسم واحد
وقسم ترحيب بالاعضاء
وقسم تهاني
مثلا بالاشراف اي مناسبة سعيدة كدا يعني
عبقرينومان 20-02-2009, 04:18 PM يعني 4 اقسام
1- التهاني
3- المواساة
3- عضو جديد
4- حوارات ومسابقات الاقسام
الله ينور يا استاذ اشرف
كدا تمام اوي
بالذات كمان القسم الرابع كويس جدا كمان
موافقة جدا جدا
من رأيي توكل على الله
ونشوف رأيي الناس التانية برده
مش اظن ان هيكون فيه اعتراض خالص
لان القسم محتاج فعلا تنظيم
وكدا هيبقى منظم جدااااااا
CoMMaNdo 20-02-2009, 04:32 PM فكره جميله جدا بجد
لان صح مينفعش موضوع عزاء مع موضوع ترحيب
prof.ahmed4d 20-02-2009, 04:48 PM على بركة الله انا موافق طبعا
يعني 4 اقسام
1- التهاني
3- المواساة
3- عضو جديد
4- حوارات ومسابقات الاقسام
تمام كده
خلاص استاذ عصام يبدأ على بركة الله يقسمهم
و انت يعم اشرف
تريح نفسك شويه الاسبوعين زى ما اتفقنا
عشان ترجعلنا اقوى من الاول
بس ريح نفسك اوكى؟:)
•-{«-•OkOhama•«-}-• 20-02-2009, 05:28 PM الله فعلا فكرا جميله
كدا هيكون في نظام اكتر
Dr.love ferdos paradise 20-02-2009, 05:31 PM ايوه صح فكره جميله اووي
عبقرينومان 20-02-2009, 05:37 PM تمام كده
خلاص استاذ عصام يبدأ على بركة الله يقسمهم
و انت يعم اشرف
تريح نفسك شويه الاسبوعين زى ما اتفقنا
عشان ترجعلنا اقوى من الاول
بس ريح نفسك اوكى؟:)
هستريح فين يا عم ايمن ما هو ده بيتي
راحتي هي راحة الجميع
وربنا يقدم ما فيه الخير
Amethyst 20-02-2009, 05:37 PM .. من يومين كنت بفكر أحط الاقتراح ده هنا .. بس رجعت في كلامي لأن كل ما حد يحط اقترح بيقعد يومين ويتحذف .. وغالبا لا يتم الموافقة عليه طبعا ..
أسيل رزق 20-02-2009, 06:37 PM بتهيقلى يكونوا 4 أقسام
قسم الترحيب بالأعضاء الجدد
قسم المواساة ( أى حاجة بقى )
قسم للمناسبات السارة
قسم للمواضيع الحوارية
يا إما يكونوا 3 والمواضيع الحوارية تكون فى اهداءات مش فى قسم فرعى
و إقتراح موفق بإذن الله
M.Sherif 20-02-2009, 07:02 PM اقتراح كمان ليه نفس الفكرة
واثق مليون في الميه انه مستحيل يتنفذ طبعا:)
امال هقترحه ليه؟
علشان تعرفوا بس المعاناة
والاقتراح هوا
تقسيم القسم العام
و ياريت كل اقسام المنتدي الغير تعليمية
الي قسمين
قسم للمعلمين
و قسم لباقي الاعضاء !!!!!:)
ايه ؟ صعبة؟؟؟
لالا دي مستحيلة اساسا
انا بس حبيت اقولكم انا فكرت في كده ليه
عشان
دخول المدرسين الاقسام العامة دي بيبقا شئ غريب اوي عند البعض
مش عارف ليه
و بيعتبروا ان ده تدخل سافر في شئونهم !!!!
يعني انا لو عندي موضوع جيد مكانه القسم العام وانا مدرس اكتبه فين غير في العام؟
يا سلام لو في عام للمدرسين
تدخل انسة تقولي
لو سمحت
بلاش تشارك في المواضيع دي عشان هيبتك كمدرس!!!
ايه علاقة هيبة المدرس بكده؟؟؟؟؟
هوا انا لما اشارك في الاقسام العامة هيبتي هتقل؟؟؟؟
عموما
انسوا انسوا
انا بفضفض بس يمكن الاقي حل:)
مس رانيا حسن 20-02-2009, 07:12 PM اقتراح جيد
جزاك الله خيرا استاذ ممدوح
وشكرا استاذ اشرف لاهتمامك بالاقتراحات
فى امان الله
لمى 2016 20-02-2009, 07:21 PM انا شايفة بقى
ان الموضوع ده هيجرح الناس
يعنى زى يوم اليتيم كده
لما اعمل يوم مخصوص للايتام ده شىء بيضايقهم
و لما اعمل قسم خاص للتعازى
ده برضو هيدايقهم
عموما اللى انتوا شايفينه صح اعملوه
و طالما فيه اقتراحات اهيه و عايزين تنفذوها
امال ليه محدش معبر الموضوع بتاع اقترح علينا قسما ده
و لا هو لازم الاقتراح ييجى من مدرس
يلا عموما ربنا يوفقكم
ممدوح مصطفى الانصارى 20-02-2009, 07:45 PM شكرا لكل صاحب رأى
شكر لكل من رفض مقترحى
وشكر لكل من وافق عليه
المهم ان الافكار تكون
نحو التطوير للافضل .
والذى دفعنى للمقترح هو انى لا استسيغ
وجود جيران بينهم الحزين وبين الفرح ، فاردت
ان يبتعد كل صاحب فرحة بفرحه (وله ان يفرح كما يشاء) ولكن بعيدا عن رؤيةومسمع صاحب الحزن
اليس هذا تكافل اجتماعى ، فضلا عن انه كما أشار بعض الافاضل هو تنظيم جيد للقسم .
وكون قبول المقترح لانه مقدم من معلم ، فنا ارى ان مدير المنتدى اقر برفض مقترح تقدم به لتغير الاسم كل 3 اشهر على الاقل ،وذلك لرفض غالبيةالاعضاء المقترح .
اذن قبول مقترح او رفضه يرجع الى اراء الاعضاء
وليس لشخص من قدمه
عبقرينومان 20-02-2009, 08:38 PM موافقة باكتساح
وساعات بأذن الله وسيتم التنفيذ
عبقرينومان 20-02-2009, 08:46 PM تم التنفيذ بفضل الله وعلي المشرفين والاداريين نقل كل موضوع لمكانه وسأقوم بمساعدتكم من الآن في نقل المواضيع وأيضاً سأقوم بمراجعة كل المقترحات بالقسم وأخذ الآراء فيها من الآن
عبقرينومان 20-02-2009, 09:30 PM تم التنفيذ بفضل الله وعلي المشرفين والاداريين نقل كل موضوع لمكانه وسأقوم بمساعدتكم من الآن في نقل المواضيع وأيضاً سأقوم بمراجعة كل المقترحات بالقسم وأخذ الآراء فيها من الآن
بعتذر عن التنفيذ سريعا بعد اذن الاستاذ عصام
وربنا يكرمك بعتذر اني نفذت قبل نهاية الاسبوعين
الاستاذ شفيق عجاج 20-02-2009, 09:43 PM اين مشاركات الدكتورة الصغيرة
|