مشاهدة النسخة كاملة : التزم شكلا و لا ما التزمش خالص احسن؟!!
لمى 2016 21-02-2009, 08:31 AM السلام عليكم
طبعا الجواب باين من عنوانه
التزم شكلا و لا ما التزمش خالص احسن؟!!
سؤال يطرح نفسه
كتير من الناس اللى احنا بنقول عليهم ملتزمين
بيبقوا ملتزمين شكلا بس
يعنى ايه؟
يعنى مثلا تلاقى شاب ملتحى
لكنه عمره ما صلى فى المسجد:(
و تلاقى بنت منتقبة و عينيها من تحت النقاب ايه
و لا صفية العمرى
و الضحك و القهقه حاجة عسل:av4056bb7jp3:
و فى الاخر الناس ييجوا يقولوا
شوفوا المنتقبة عاملة ازاى
طيب شوفوا الملتحى بيعمل ايه
لدرجة ان بعض الناس بقوا بيخاف يتعامل مع الناس دى
لانهم بقولوا بينهم و بين نفسهم
ما هى ممكن تكون منظر بس
و بعدين ارجع الاقى ان الناس بردو
مش بتسمع غير من اللى شايفينه ملتزم حتى و لو بالشكل
يعنى مثلا عندنا فى المدرسة
البنات يسمعوا لى انا دلوقتى (بعد لبس النقاب)
اكتر من اى وقت قبل كده
طيب ليه؟
رغم انى تقريبا مش اتغير فيا اى حاجة
انا انا
كلامى هو كلامى
طريقتى هى طريقتى
مش اتغير فيا غير اللبس بس
سبحان ربى
ما هى نفس الانسانة اللى بتكلمك دلوقت هى نفسها اللى كلمتك من كام يوم
لانى مش بقالى كتير يعنى:)
طيب انا مثلا لو كنت مش بصلى
هو انا حد شايفنى
ما انا منتقبة اه
لكن جوايا حد يعرف فيه ايه
لاء طبعا
و بردو لو واحد ملتحى
حد يعرف مثلا هو بيعامل اهله ازاى؟
و ده شىء بيخلينى استغرب
ليه احنا بناخد بالشكل بس
ليه مش بقينا نهتم باللى جوا الانسان نفسه
فيه ناس هتقولى
ما هو اللى بيتغير من برا هيجى عليه يوم و يتغير من جوا
هقوله متأسفة جداً
معتقدش و الدليل على كلامى
ان فيه بنات كتير
كانوا منتقبات
و خلعوا النقاب لاسباب كتيرة منها مثلا
انا شكلى وحشنى و انا من غير نقاب
نفسى ارجع زى الاول البس عبايات ملونة و فيه ترتر:romarioxp6:
ناس بتقول انا مش قادرة اغطى عينيا الساحرة لما اقدر اغطيها هابقى البسه تانى:o
و ناس تقول انها لبست النقاب هربا من ظروف معينة و بعد كده خلعته
و ناس و دى الكارثة بجد قالوا انا لبست النقاب عشان كنت عايزة ارتبط بفلان الفلانى الملتزم
لكنه اتجوز فقولت اقلع النقاب بقى:bosyht9:
و اسباب كتير جدا بنسمعها بعضها بيحبط الواحد و يثبط من عزيمته و البعض الاخر بيزيده ايماناً
و يخليه يحمد ربنا ان لو عمل شىء فهو عمله بس ابتغاء وجه الله
و السؤال اللى بيطرح نفسه على الساحة حالياً و بقوة
التزم شكلا و لا مالتزمش خالص؟
التحى عشان الناس يقلدونى؟
و لا اخلينى كده و خلاص؟
(ده فى واقع ان بعض الناس بتقول على الملتحى ده انه من جواه ما يعلم بيه الا الله سبحانه و تعالى و بتعتبر نفسها احسن من 4587616564854 مرة لان هى من جواها ابيض:))
البس اسدال عشان هو موضة بين البنات و لا مالبسوش عشان البنات اللى لابسينه بيبقى صوتهم عالى و هما بيضحكوا؟:huh:
و فى الاخر بنرجع نقول
انا كده كويس انا احسن من غيرى كتير
انا نيتى سليمة:unsure:
انا لما اسمع اغانى احسن من اللى بيطبق الكلام ده عملىB)
انا كده و انا من غير حجاب احسن من المحجبة اللى مش سايبة واحد الا و مشت معاه
و من ده ياما
و نقول لمين ان دول فئة قليلة
و ان دى مش بتمثل كل المحجبات
و ان و ان و ان .........
متأسفة لو كنت طولت عليكم
لكن اللى عايزة اعرفه بقى هو انى
التزم شكلا بس و لا مش التزم خالص احسن
Sherif Elkhodary 21-02-2009, 12:19 PM تعرفي اكنك عوزاني اجاوب علي سؤال تتقتل بالسكينة و لا بالنار ؟؟؟
prof.ahmed4d 21-02-2009, 12:27 PM أشكرك على الموضوع
Its My Life 21-02-2009, 12:34 PM طبعا الالتزام الشكلي ارحم بكتير من عدم الالتزام لان الي بيلتزم بالشكل بس اكيد جواه خير كتير خلاه يعمل كده ومفيش مانع ابدا ان الالتزام الشكلي يكون هو بدايه الالتزام
وبالنسبه للبس النقاب حتى لو كان التزام شكلي بس فهو وقايه من حاجات كتير كفايه انك بتمنعي نفسك من ذنوب كتير كان ممكن تأخديها لو حد شاف وجهك فانت الوقت وقيتي نفسك من الذنب ده ووقيتي الشاب الي كان هيبصلك
وعلى فكره انا زيك بالظبط انا لبست النقاب من حوالي اربعه شهور كده و انا اهو لسه في تالته ثانوي والله اعلم هاعمل ايه في الامتحانات بالمنظر ده بس اكيد اكيد ربنا هيجازيني على اتباع اوامره
وبالنسبه للموضه فصحيح النقاب والسدال بقوا موضه اليومين دول بس لو لاحظتي كده هتلاقي ان
الي لبسينه موضه بيقلعوه تاني بعد كده وكمان الناس الي لبسين النقاب موضه بيكون باين عليهم لان تلاقيهم كده بيسرجوا وهما ماشيين من كتر الالوان والترتر والذي منه واسمهم لابسين نقاب وخلاص وبيقلعوه والله في الاخر لما موضته تخلص
وبصراحه الناس بتوع الموضه دول مش سايبينت حد في حالهم مجرد مالقوا في اقبال على العبايات والسدال والنقاب ياساتر يارب على الموضه الي نزلت في الحاجات دي رهيبه
وفي النهايه احب اقولك ان النقاب ده نصره لرسول الله وكفايه ان الرسول فرح بينا لما لبسناه وربنا يسبتك ان شاء الله
abdelRhman772007 21-02-2009, 02:04 PM معلش الاختيار غير ذلك
و محدش يستغرب ايه السؤال العجيب ده ؟ ده مش سؤال طبيعى
إذا حد عرف يعنى ايه التزام كان عرف المفروض اتباعه
فإذا كنت عايزة تلتزمى بالمجتمع فيبقى لازم أسلوبك واطى معلش برده ده حقيقى و في ناس بيسموه تكيف
و إذا كنت عايزة تلتزمى شكلاً بس فالله طيب ولا يقبل إلا طيب
بمعنى آخر الشكل بلا قيمه هو مجرد مؤشر للى فى قلبك
يبقى المقياس الفعلى هو الالتزام القلبى الروحى و لا شكل و لا منظر و لا ديوله
زى ما ينفعش تبنى قصور فى الهواء من غير أساس مينفعش تلتزم شكلاً و أنت جواك مش ملتزم خالص
يبقى ايه لازمته هتقوليلى طب ملتزمش خالص أحسن ؟
هاستغرب ما تلتزميش بمين؟؟؟؟
إنت مطالبة بالالتزام النفسى فى كل الحالات بغض النظر على الشكل
وإلا هتعيش ميت أيوة هتعيش ميت يمكن بلا هدف يمكن تحس كل حاجة ماشية معاك غلط الله أعلم أسئلوا اللى مجربين
وده تفسيره بسيط ينفع حد يفكر أو يجرى أو يعمل أى حاجة من غير ما ياكل ؟ طبعاً لأ
نفس الحال لروحك غذائها طاعة الله و بالطبع لو أطعت ربك من جواك هتطعيه شكلاً
و إنما الناتج ميجيبش السبب أبداً
و لو قلت أنا أحسن من غيرى كتير لازم تخاف أوى لأن هو ده اللى عمله كل اللى أنت أحسن منهم
أى حد كان زيك لأنه بفطرته خير و لكن كل شوية أنا أحسن من غير و بالتديج بقى سىء بل و أنتظر منه الأسوأ و الأسوأ
ومازال الانحدار مستمراً لحاااااااااااد إذا حدث حدث محورى أو اتصاحب على حد محترم أو ربنا هداه أو غيره
معلش على الرغى الكتير ده كله
بس فى النهاية بكرر السؤال ده ملهوش معنى
و أنت لازم تلتزمى جواكى و أوعى تقارنى نفك باللى أقل منك أبداً وبل بصى دائما للأكبر فى المنزلة
و الأحرى هو رسول الله و قد ذكر فى القرآن أن نتخذه أسوة
طيب لو مثلاً اتغيرت من جواى ايه اللى هيحصل؟
هيحصل كتير جداً و جربى و قوليلنا حتى لو حصل ايه هو ده قضائك
وبعد العسر اليسر و من ل يرض بقضائه فليرحل من تحت سمائه
آسف جداً للإطالة
لمى 2016 21-02-2009, 02:50 PM شكرا على مروركم كلكم يا جماعة
لكن استاذ عبد الرحمن فهمنى غلط
انا الحمد لله عارفة انا ليا ايه و عليا ايه
الحمد لله ربنا هادينى
و بحمد ربنا على النعمة دى
و بالنسبة لباشمهندس شريف
بعد الشر عنك انا ممكن اقترح عليك انك تموت رميا بالرصاص احسن
هههه
نورتوا يا جماعة
طارق ممدوح ذكي محمد 21-02-2009, 03:15 PM السلام عليكم ورحمة الله
من وجهة نظري انه ليس هناك التزام شكلي والتزام داخلي
فالالتزام ... التزام
اما ان نطبق الظاهر من الدين فقط من اجل ان يقال اننا ملتزمون
فذلك رياء ... وليس التزام ظاهري
لان كلمة التزام في رايي تطلق على من يلتزم بتعاليم الدين ارضاء لله
وليس ارضاء للناس بصرف النظر ان كانت هذه التعاليم التي يلتزم
بها ظاهره ام باطنه وللاجابة على سؤالك ...
ياريت الجميع يلتزم بتعايم ديننا الاسلامي على قدر استطاعته ...
وان لايفرق ابدا بين عمل ظاهر واخر لايراه الناس
اللهم اجعل باطنا خير من ظاهرنا ... اللهم آمين
JusT DreaM 21-02-2009, 04:01 PM اولا مبروك ياقمر ع لبس النقاب
انتي كنتي لسة اول امبارح مش لبستيه
حصل امتى ده :d
وشي حلو عليكي:)
بس بجد السؤال صعب جدا وصعب اننا نجاوب عليه
بس هقولك ع حاجة
يارب تتفهم صح
بصي لو انا التزمت شكلا بس عشان الناس وعشان يسمعولي
وابقى المتدينة قدام الناس
يبقى ده رياء الي هو الشرك الاصغر
فالاحسن
لو حد من جواه مش مقتنع باللي بيعمله
خلاص يبقى يخلي علاقته بربنا زي ماهي حتى لو كانت مش كويسة
لان اكيد عقاب دي اخف من الرياء
وربنا يهدي الجميع
الجويرية 21-02-2009, 08:36 PM اولا
الف الف الف الف الف مبارك على لبسك النقاب ياقمر
والله فرحت جداااااااا وكدة ماتقولليليش وتفرحينى؟؟؟
بجد ربنا يبارك فيكى يجعلك ذخرا للاسلام والمسلمين
ويارب يزيدك ويحفظك ويثبتك عليه
ثانيا بقى
موضوعك جميل بيناقش فعلا ظاهرة منتشرة انهم يقولولك ادى المنتقبة عملت والملتحى سوا
كانهم ماسكين مجهر ليهم وواقفينلهم على اى غلطة
وبيدعوا يارب يغلط علشان العداد يشتغل
انا طبعا بؤيد الالتزام الخارجى بشدة
لانك عمرك ماهاتلتزمى داخليا الا ولازم تلتزمى من برا فى الظاهر
لان العنوان هو اللى بيدل على اللى من االداخل والظواهر هيا اللى ممكن تستنتجى منها البواطن
وجزاك الله خيرا على الموضوع يا قمر
..Just Stop 21-02-2009, 08:50 PM سلام عليكم
اولا الشكل والمظهر الدينى مطلوب
لانه بيى راحة نفسية لما اجى اتكلم مع حد
مينفعشمثلا البس بنطلون على الموضة ( تسقيط البنطلون يعنى ) واقول قال الله وقال الرسول
لو عملت كدا ولا حد هيعبرنى
انمالما اكون لابس كويس ولو ملتحى اكون افضل كمان
فى الحالة ى الناس هتسمعنى وهتفهم الكلام ومش هتعارض لا مظهرى دينى
والناس بتتعامل بالمظاهر
يعنى لنا الظاهر ولنا السرائر
الباطن ربنا بس هو اللى بيحاسب عليه
فى ناس تانية لا عندها ولا ظاهر ولا باطن ( يعرف المجرمون بسيماهم )
انما لما اكون ملتحى على الاقل هتكثف من نفسى ان ابص لواحدة او اعمل حاجة غلط
دمتم فى رعاية الله
السلام عليكم
اولا مبارك ليكى على النقاب بجد
ربنا يثبتك يارب
تانى حاجه
انا مره واحد صحبى راح سأل شيخ ادامى
قاله يا شيخنا انا نفسى ابطل اكلم بنات فى الكليه
و مش لاقى حاجه تساعدنى على كده
الشيخ رد عليه بجمله من 3 كلمات انا اقتنعت بيهم اوى
قاله يبنى
ربى لحيتك تربيك
معناها ايه دى
معناها انه هيلتحى ة هوا لسه زى ما هوا متغيرش من جواه؟
اه فعلا هيحصل ده
لكن لانه جواه اصلا طيب و عايز يقرب من ربنا
اللحيه هتشده لادام
يعنى ممكن البنت تنتقب
زى منتى بتقولى انتقبت و كلامى هوا كلامى و انا هوا انا
لكن النقاب بعد كده هيشدك لادام و هيساعدك انك تقربى اكتر
يعنى نقدر نقول عليه خطوه للطريق الصح
بس نصيحتين لكل بنت هتنتقب او ولد هيلتحى
للناس اللى شايفه ان ده حاجه كويسه و تبص تنبهر بيه
اياكم و الرياء بجد حتى لو رياء بينك و بين نفسك
لو بصيتى فى المرايا و انتى منتقيه و قلتى اه انا كويسه كده و احسن من غيرى كتير
صحيح كويسه و احسن من غيرك بس اقل من غيرك
و الصحابه كانو ماشيين بايه
فمن زحزح عن النار و ادخل الجنه فقد فاز
تانى نصيحه عشان الناس بتنتقد ده
اما تأثمى او تأثم انت للاسف فى مجتمعنا هتشيل اثمك و هتشيل اثم اى حد هياخد فكره عن الدين او السنه وحشه بسبب فعل انت عملته لازم نحاول نبقى اد مظهرنا و نبقى قدوه
صحيح كلنا بنغلط بس نحاول
الكلام ده مطابق لكلامك مش مخالف
يعنى انتى ابدأى بالمظهر الخارجى و الالتزام الخارجى لكن ساعديه انه يشدك لادام مش تفضلى ثابته مكانك
وربنا يكرمنا و يهدينا جميعا
و جزاكى الله خيرا:)
mohamadelhawary 22-02-2009, 01:29 AM السلام عليكم و رحمه الله و بركاته
أتفق كثيراً مع الأستاذ طارق ممدوح ذكى فى رأيه
و أضيف أهم نقطتين بالموضوع من رأى
1:اللبس الإسلامى للمرأه لازم يتوافر به ثلاث شروط:_
1:لا يشف
2:لا يصف
3:لا يبرز
النقطه الثانيه :-
هى أقتناع البنت بالحجاب و ده من رأى المشكله الحقيقيه ان البنت مقتنعتش أقتناع كامل بالحجاب و مش عارفه بتلبس ليه حجاب و لذلك بتتخلى عنه .
و أقول فى ذلك أن البنت ترتدى الحجاب لعده أسباب أهمها
1-حتى لا يزنى أحد بكِ فقد قال الرسول (ص) العينان تزنيان و زناهما النظر.
و قد ثبت صحه هذا الحديث علمياً نعم يمكن أن يزنى بك شاب بعينه.
2-حتى لا تفتنى شاب بك و ما يترتب عليه من مشكلات لو كان متزوج فأنت بذلك أحدى أسباب الخلافات الزوجيه
3:تجذبين أعين الشباب بتبرجك و تثيريهم و ما ينتج عن ذلك من مرض نفسى .
و ربما تقول بنت فلماذا لا يغض بصره هو و أرد بأن اليوم و مع الإختلاط الذى لا مثيل له لو لم يرى بإرادته سوف يرى قهراً و هذا ليس أتهام للبنت و لكن يجب عليها أن تحترم مشاعر الآخرين .
الحجاب حجاب للبنت و صون لكرامنها و تعبير عن دينها .
و السلام عليكم و رحمه الله و بركاته
محمد الهوارى
هنا الفقي 22-02-2009, 01:58 AM والله انا شكلي عمري ما هادخل اي موضوع ف العام الا ولازم اقول لا للتعميييييييييييييييييييييييييييييم لا لقانون التعميم
وبرده زي ما شريف قال اموت بالنار ولا بالسكين
اولا ليه هما دول بس الاختيارين
تعالي نشوف المشكلة فين يالمى
ان الواحد ممكن يكون واخد مظهر الملتزم اوي اوي موت لكن افعاله بتدل على العكس
نبدا نقول ان المشكلة ف ان الناس بتاخد فكرة عن المتدينين كلهم انهم زي الشخص ده
فعاوزين نعرف نتدين ونظهر ده ف مظهرنا وخلاص ولا نمشي زي الباقي عشان ماحدش يفتكر اننا مش كويسين
بصي
في حاجة سمعتها زمان مش عارفه والله حديث ولا مقولة ولا ايه مش فاكر بصراحة بس هي عبارة عن ايه
ان عمل العمل من اجل الناس رياء ...وتركه من اجل الناس رياء
شوفتي لو انتي ف مكان في حد بيجمع صدقات وانتي عاوزة تتصدقي وعاوزاها ف السر وعارفة انك لو تصدقتي قدام الناس هايقولو ماشاء الله عليها وكده بقى وانتي مش قصدك رياء ولا حاجة ..مخلصة جدا لكن قلتي مش هاتصدق قدام الناس عشان رياء هايبقى كده عدم التصدق رياء
ما بعدتش ولا خرجت عن الموضوع
لكن لما نشوف واحدة محجبة مثلا حجابها او اخلاقها او اسلوبها او لبسها (ومش هاتكلم عن النقاب عشان انا مش منتقبة دلوقتي) مش كويس نقول لا مش هانتحجب عشان دي بتدي فكرة وحشة عن المحجبة
يبقى احنا كده صح
؟؟!!!!!!!
لا طبعا ده فعل
رد الفعل بقى اني اتحجب حجاب كويس زصح عشان لما تكون هي بتقول المحجبة انا اهه اقدر اواجه فكرتها واقول الحجاب الصح اهه
اتمنى اكون قدرت اوصل وجهه نظري وهارجع عشان اكلمكم تاني
لمى 2016 23-02-2009, 01:18 PM بجد يا جماعة شكرا ليكم كلكم على ردودكم
بس مش عارفة ليه كلكم فكرتوا
انى بتكلم عن نفسى
لاء و الله انا بتكلم عن شبهة بتترمى فى وشى اول ما باجى اكلم حد فى الموضوع ده
و فكرة ان كلامى هو كلامى
معناها انى كنت فى الاول
بدعى لله بردو
بس دلوقت الموضوع بقى اوسع و اصحابى بقوا بيسمعولى اكتر
و بينفذوا كلامى
فى رعاية الله
ممدوح مصطفى الانصارى 23-02-2009, 02:05 PM السلام عليكم
فيه ناس هتقولى
ما هو اللى بيتغير من برا هيجى عليه يوم و يتغير من جوا
هقوله متأسفة جداً
رأى المتواضع
اللى يتغير من جوه هيجى عليه
يوم ويتغير من بره ، ويكون تغير
عن قناعة ،و القناعة رضى وسلام
مع النفس.
والمظهر الخارجى الذى لا يتناسب
مع الجوهر الداخلى فيه مغالطة
للنفس والاخرين .
wafa2y 24-02-2009, 12:47 AM بجد موضوعك جمييل جدا
من أجمل المواضيع اللي قبلتها في المنتدي
بالنسبة لسؤالك
ألتزم شكلا ولا ملتزمش خالص أحسنهقولك حاجة
أنا دلوقتي لو ملتزمتش هتبقي معصية
زي مثلا حلق اللحية
و لو إلتزمت وأسئت للإلتزام هيبقي وزر لأني هكونثغرة في ضهر الإسلام للجاهلين يخشوا منها
زي اللي مبيعملوش حاجة غير شوف الشيخ ده بيعمل
شوف المنتقبة دي بتعمل إيه
يعني بالنسبة ليا أنا ورب الكعبة بشوف مناظر في الكلية
رهييبة
تلاقي واحدة منتقبة ووقفالي مع ولاد من الدفعة وعمالين يضحكوا و يهظروا
وتلاقي التانية لابسالي نقاب بترتر و جيبة فوشيك:d
حلوة فوشيك دي:rolleyes:
و الإسم إن هي منتقبة
طبعا في ناس ماشاء الله ملحفة و نقاب مافيش أعف من كده
و هما دول اللي يكبروا من نظر الواحد
نيجي بالنسبةللملتحين
بما إني واحد منهم
فكل اللي بعمله
الحمد الله الواحد لبسي كويس
مش معني إني إلتزمت إني مش أهتم بمظهري
لأ
الواحد لازم يهتم بمظهره
بالنسبالي
في الكلية ما بسيبش شباب أعدين إلا لما أعد معاهم
و اهظر و أضحك و طبعا اللي بيسوء الأدب
بيخبط في حيطة سد:d:d
بجيث إني الشباب دي يحبوني
ولما أجي أكلمهم في حاجة يتقبلوا مني
لدرجة إني شوفت واحد في الدفعة بيشرب سجاير
قلتله والله مش أكتر من كلمتين
وسيبته و مشيت
والله قابلني بعد أكتر من شهر و قالي كلامك خلاني معدش أشرب سجاير
أنا مكلمتوش في الدين لأ
انا كلمته من أخ لأخوه
هو أه للأسف عرف شباب خلوه يرجع يشرب تاني
طبعا أصحاب سوء
بس فعلا الكلمة ممكن تأثر في الواحد بطريقة ممكن تغير مستقبله
لدرجة موقف لسه حاصل معايا إنهاردة واحد بسلم عليه
بيقولي أنا شوفتك قبل كده بس مش عارف فين
بس كنت بتضحك هو بردو إنت لسه بتضحك من ساعتها
^_^^_^^_^^_^
و التاني يقولي والله السيكشن مبيحلاش من غيرك
و التالت يقولي وأنا بحسب الشيوخ دول معقدين
طلعوا زي العسل
و واحد يقولي إنت ماشاء الله عليك مزاجك رايق علي طول
حتي الدكاترة بعد أهظر معاهم و أناغشهم
__________
الشاهد أنا لما أكلم واحد من دول ساعة الصلاة
أقوله مثلا
يلا نروح نصلي يجي معايا و هو مرتاح
و ممكن يقولي لما أروح هلحق الصلاةأقوله هو حد ضامن عمره
تعالي بس هفهمك
و أعد أكلمه لغاية لما نروح المسجد
:):)
رايحين بنضحك و راجعين بنضحك
و لما أجي أنصحه
بيحس إني فعلا خايف عليه
_______
لدرجة إن واحد صاحبي بيقولي والله يا محمود
إنت لو مكنتش ماشي معانا كان زمانا ضعنا
عارفين ليه؟؟؟؟
لأن اللحية لجام المؤمن ولجام لمن معه
يعني لما واحد يبقي واقف معايا و يسمع حد مشغل أغاني يقله أقفل يابني الأغاني دي
هو بيسمع أه بس بردوا لما نكون مع بعض علي
الأقل بيعملي إحترام
لما أكون ماشي نعاه مبيحاولش يبص علي واحدة
ولا يكلم واحدة عشان مش عايزني أزعل منه
و التاني يقولي انا بعد ما شوفتك قررت ألتحي
عشان إنت دمك زي العسل
طبعا بيهظر معايا
الشاهد ليه قال كده
ليه
عشان انا شاب و في سنه
بتكلم زي ما هو بيتكلم و بلبس زي ماهو بيلبس
و ممكن أكون أحسن منه في مجالات تانية
فبيحب إن هو يكون معايا
وكلام من ده كتير
___
بس طبعا انا مش بقدر اعمل علي كله كنترول
أنا عندي حدود برده في التعاملات معاهم
_______________
و طبعا عقيدة أهل السنة و الجماعة
إن الإيمان بيزيد و ينقص
بس فعلا لو تنصح واحد بإنه يبعد عن المعصية
ربنا بيعينك إنت لو كنت بتقع في المعصية دي إنك تتغلب عليها
_______
فالسؤال زي ما شريف قال
تعرفي اكنك عوزاني اجاوب علي سؤال تتقتل بالسكينة و لا بالنار ؟؟؟و يمكن أكتر
عشان إحنا مش مسؤلين عن إننا ندور في قلوب الناس
إحنا لينا أعمالهم أفعاهلم
والباقي بين العبد و ربه
_______________________________
عايز أنصحك نصيحة شخصية
تاني مرة مبروك علي النقاب
و بنصحك:
أوعي في يوم تكوني إنتي سبب إن حد يغلط في الملتزمين بسببك
أوعي في يوم تكوني سبب في تنفير الناس من النقاب
و خلي بالك الناس كلها بتراقبك و بتبصلك
إنتي قررت تتحطي تحت المراقبة 24 ساعة من عيون الناس اللي متربصة لغلطة منك
فبالله عليكي متتهونيش أبدا
و ياريت لو تحاولي الحد من رواسب الجاهلية
و تفتكري الأيتين دول
قال تعالي
و" أدعوا إلي سبيل ربك بالحكمة والموعظة الحسنة"
"ولو كنت فظا غليظ القلب لأنفضوا من حولك"
و والله ثم والله دي نصيحة ليا ثم ليا
وبعدين ليكي
في أمان الله
و أسف إني طولت
الرد ده أنا عارف كل كلمة قولتها فيه
و متأكد منها بإذن الله
وقولت أفضفض شوية قبل ما أنام
يلا سلام
:078111rg3::078111rg3::078111rg3:
(أخيرا هنام :006et4::006et4:)
:d:d
BaNZeR 25-02-2009, 09:38 AM الالتزام الشكلي ملهوش لازمة خالص (مش خالص خالص يعني)
بس ممكن نغير السؤال
التزم داخلياً من غير الشكل ولا مالتزمش خالص
في الحالة ده نختار الاولى
بالنسبة للبنات طبعاً مش حيفرق الحجاب او النقاب مادام ستر العيوب ولم يشف او يصف
اوركيديا 27-02-2009, 02:07 AM احم احم
انا بجد كنت ناويه اتكلم كتير قوى فى الموضوع ده
و اكتب المعلقه التامنه هنا :romarioxp6:
بس لقيت الردود اغلبها جميله فعلا
و انا استفدت منها كتير :)
و مش حزود على رد ساى
بجد موضوعك جمييل جدا
من أجمل المواضيع اللي قبلتها في المنتدي
بالنسبة لسؤالك
هقولك حاجة
أنا دلوقتي لو ملتزمتش هتبقي معصية
زي مثلا حلق اللحية
و لو إلتزمت وأسئت للإلتزام هيبقي وزر لأني هكونثغرة في ضهر الإسلام للجاهلين يخشوا منها
زي اللي مبيعملوش حاجة غير شوف الشيخ ده بيعمل
شوف المنتقبة دي بتعمل إيه
يعني بالنسبة ليا أنا ورب الكعبة بشوف مناظر في الكلية
رهييبة
تلاقي واحدة منتقبة ووقفالي مع ولاد من الدفعة وعمالين يضحكوا و يهظروا
وتلاقي التانية لابسالي نقاب بترتر و جيبة فوشيك:d
حلوة فوشيك دي:rolleyes:
و الإسم إن هي منتقبة
طبعا في ناس ماشاء الله ملحفة و نقاب مافيش أعف من كده
و هما دول اللي يكبروا من نظر الواحد
نيجي بالنسبةللملتحين
بما إني واحد منهم
فكل اللي بعمله
الحمد الله الواحد لبسي كويس
مش معني إني إلتزمت إني مش أهتم بمظهري
لأ
الواحد لازم يهتم بمظهره
بالنسبالي
في الكلية ما بسيبش شباب أعدين إلا لما أعد معاهم
و اهظر و أضحك و طبعا اللي بيسوء الأدب
بيخبط في حيطة سد:d:d
بجيث إني الشباب دي يحبوني
ولما أجي أكلمهم في حاجة يتقبلوا مني
لدرجة إني شوفت واحد في الدفعة بيشرب سجاير
قلتله والله مش أكتر من كلمتين
وسيبته و مشيت
والله قابلني بعد أكتر من شهر و قالي كلامك خلاني معدش أشرب سجاير
أنا مكلمتوش في الدين لأ
انا كلمته من أخ لأخوه
هو أه للأسف عرف شباب خلوه يرجع يشرب تاني
طبعا أصحاب سوء
بس فعلا الكلمة ممكن تأثر في الواحد بطريقة ممكن تغير مستقبله
لدرجة موقف لسه حاصل معايا إنهاردة واحد بسلم عليه
بيقولي أنا شوفتك قبل كده بس مش عارف فين
بس كنت بتضحك هو بردو إنت لسه بتضحك من ساعتها
^_^^_^^_^^_^
و التاني يقولي والله السيكشن مبيحلاش من غيرك
و التالت يقولي وأنا بحسب الشيوخ دول معقدين
طلعوا زي العسل
و واحد يقولي إنت ماشاء الله عليك مزاجك رايق علي طول
حتي الدكاترة بعد أهظر معاهم و أناغشهم
__________
الشاهد أنا لما أكلم واحد من دول ساعة الصلاة
أقوله مثلا
يلا نروح نصلي يجي معايا و هو مرتاح
و ممكن يقولي لما أروح هلحق الصلاةأقوله هو حد ضامن عمره
تعالي بس هفهمك
و أعد أكلمه لغاية لما نروح المسجد
:):)
رايحين بنضحك و راجعين بنضحك
و لما أجي أنصحه
بيحس إني فعلا خايف عليه
_______
لدرجة إن واحد صاحبي بيقولي والله يا محمود
إنت لو مكنتش ماشي معانا كان زمانا ضعنا
عارفين ليه؟؟؟؟
لأن اللحية لجام المؤمن ولجام لمن معه
يعني لما واحد يبقي واقف معايا و يسمع حد مشغل أغاني يقله أقفل يابني الأغاني دي
هو بيسمع أه بس بردوا لما نكون مع بعض علي
الأقل بيعملي إحترام
لما أكون ماشي نعاه مبيحاولش يبص علي واحدة
ولا يكلم واحدة عشان مش عايزني أزعل منه
و التاني يقولي انا بعد ما شوفتك قررت ألتحي
عشان إنت دمك زي العسل
طبعا بيهظر معايا
الشاهد ليه قال كده
ليه
عشان انا شاب و في سنه
بتكلم زي ما هو بيتكلم و بلبس زي ماهو بيلبس
و ممكن أكون أحسن منه في مجالات تانية
فبيحب إن هو يكون معايا
وكلام من ده كتير
___
بس طبعا انا مش بقدر اعمل علي كله كنترول
أنا عندي حدود برده في التعاملات معاهم
_______________
و طبعا عقيدة أهل السنة و الجماعة
إن الإيمان بيزيد و ينقص
بس فعلا لو تنصح واحد بإنه يبعد عن المعصية
ربنا بيعينك إنت لو كنت بتقع في المعصية دي إنك تتغلب عليها
_______
فالسؤال زي ما شريف قال
و يمكن أكتر
عشان إحنا مش مسؤلين عن إننا ندور في قلوب الناس
إحنا لينا أعمالهم أفعاهلم
والباقي بين العبد و ربه
_______________________________
عايز أنصحك نصيحة شخصية
تاني مرة مبروك علي النقاب
و بنصحك:
أوعي في يوم تكوني إنتي سبب إن حد يغلط في الملتزمين بسببك
أوعي في يوم تكوني سبب في تنفير الناس من النقاب
و خلي بالك الناس كلها بتراقبك و بتبصلك
إنتي قررت تتحطي تحت المراقبة 24 ساعة من عيون الناس اللي متربصة لغلطة منك
فبالله عليكي متتهونيش أبدا
و ياريت لو تحاولي الحد من رواسب الجاهلية
و تفتكري الأيتين دول
قال تعالي
و" أدعوا إلي سبيل ربك بالحكمة والموعظة الحسنة"
"ولو كنت فظا غليظ القلب لأنفضوا من حولك"
و والله ثم والله دي نصيحة ليا ثم ليا
وبعدين ليكي
في أمان الله
و أسف إني طولت
الرد ده أنا عارف كل كلمة قولتها فيه
و متأكد منها بإذن الله
وقولت أفضفض شوية قبل ما أنام
يلا سلام
:078111rg3::078111rg3::078111rg3:
(أخيرا هنام :006et4::006et4:)
:d:d
مش حزود غير انى اقول ربنا يثبتك ان شاء الله:)
و عمليه ان الانسان يلتزم شكلا دى بتدل على انه عارف ان ده الصح
و عارف ان ده اللى المفروض يحصل
مع الايام
حتلافى التزامه بدا يبقى فى الجوهر برده
المهم الاعتقاد فى الحاجه من الاول:)
بس:028ja7:
يلا فى رعايه الله
مستر احمد يحيى 27-02-2009, 02:55 PM اختى الفاضله
لا تترددى فى قرارك
ولا تستمعى لحقد الحاقدين
وكلام المفسدين
لان كده الناس مش بيعجبها حاجه
وطالما انت مقتنعه توكلى على الله
وعلى الله قصد السبيل
EL BASHAAA 04-03-2009, 08:39 AM طريق الله واضح ودستور المسلم القران.....فما الصعوبة ؟؟؟طهر قلبك واستر مظهرك تنجو وتسلم
أفنان أحمد 04-03-2009, 02:44 PM موضوع هام يطرحه كثير من الشباب وأقول :
ليس فى الإسلام قشر ولباب فقد أمرنا الله سبحانه وتعالى أن ندخل فى الإسلام كافة( يا أيها الذين آمنوا ادخلوا فى السلم كافة ) يعنى الإسلام . فلم يفرق بين التزام ظاهرى و باطنى
(ما آتاكم الرسول فخذوه وما نهاكم عنه فانتهوا )
فلنمضِ فى طريقنا ولا يضرنا قلة السالكين
( وما أكثر الناس ولو حرصت بمؤمنين )
وأنما يعرف الرجال بالحق لا يعرف الحق بالرجال
فلا يكون البشر حكاما على شرع الله و إنما شرع الله هو الحكم بيننا جميعا
بارك الله فيكم ودمتم بكل خير
إيساف 04-03-2009, 03:41 PM يعنى انتى لبستى النقاب !!!!!!!!
على كل ده حاجة ترجعلك انتى
بس المشكلة فينا دايما اننا بنتخدع بالمظاهر
عارفة ليه بيتقال المنقبة بتعمل والملتحى بيعمل
عشان هما دول الظاهرين
يعنى لما تشوفى واحدة لبسها مش محترم وبتضحك بصوت عالى
بتهزر مع شباب .. بتعمل اى حاجة
عادى ولا هاتبصيلها
لكن لو جت من واحدة منقبة
تبقى كارثة
لانها بالمظهر اللى اخدته فرضت على نفسها تكون انسانة محترمة
ولازم تبقى قد مظهرها
وتبقى ملتزمة من جواها
نفس الكلام بالنسبة للملتحى
---
بالنسبة لسؤالك بقى
التزم جوايا بس يكون افضل
وبعد كدة واحدة واحدة التزامى هايعلمنى اكون ملتزمة ف مظهرى كمان
وساعتها مش هابقى ملتزمة شكلا بس
---
مبروك يا لمى لبس النقاب
ربنا يثبتك عليه
:)
the black rose 05-03-2009, 03:16 AM الاول الف مبرووووك يا حبيبتى عالنقاب :friendsxs3:
بجد خطوة جميلة
بصى يا ستى الالتزام شيء جميل
بس طبعا مش بالشكل بس
لكن ربنا هو اللى عارف ايه اللى جوا الانسان
بس اللى مثلا بتلبس النقاب او الملتحى
لازم يكون اد الالتزام ده
عشان دى رسالته ان التدين يكون فى مظهر حلو
فلازم يراعى ده فى كل تصرف يعمله
تقبلى مرورى
|