مشاهدة النسخة كاملة : بس بقى يا كدابييييييييين....
هنا الفقي 22-02-2009, 03:34 AM معلش مش قصدي ,بس بقى م اللي بشوفه ..بجد بجد مستحيل الكدب ده كله
تلاقي اييييييييه ....
أول حاجة اتنين ما بيطيقوش بعض أبدا أبدا مقابلين بعض ف الشارع ف يوم زي النهارده كده ها
وهاتك يا أحضان بقى وسلامات وإيه
فينك ياباشا ياكبير يا كينج
بموت فيك ووحشتني وحجات كده
قال يعني لو معملوش على بعض الشويتين دول هايبقى فيها زعلة!!
ماتسلم عليه وخلاص ياعم عادي لو وحشك قول.. مش واحشك خلي لسانك ف بقك وماتتعبوش وماتلمش سيئات ع الفاضي والمليان
المهم ييجوا بقى يمشوا تلاقي: ابقى خلينا نشوفك وهاستناك بآي بآي ياروحي
المهم انك تلاقي ال2 فاهمين إنهم بينتشوا على بعض بدليل إن كل واحد يقول للحد الي كان ماشي معاه لا بيطيقني ولا بطيقه مش فاهم بيزودها معايا كده ليه
عامل نفسه صاحبي ده كلمنجي ..مصلحجي ..........
حاجة تانية بقى دي اللي كارثة
خير اللهم اجعله خير
واد وبت بيرغوا ف التليفون ها
مركز؟؟!!!
ويقولوك إحنا كلامنا مش حرام رغم انو ف نص الليل وأهالينا ما يعرفوش ولما حد بيفتح الاوضة على غفلة بيتحولوا بقدره قادر
سبحان الله
لله في خلقه شئون
بس احنا علاقتنا شريفة (تقريبا أخت رأفت)
غير أي علاقة من بتوع اليومين دول
وما شاء الله المكالمة تبقى إيه !!!مااقولكوش
كلها يعني...............احم احم!!!!
وتلاقي الجملة بتبدأ وتنتهي بكلمات عجيبة جدااااااا
وأحسن حاجة بقى إن الولد تكون اكتر حاجة عجباه ف البنت دي احترامها والتزامها وإنها ما بتدردش مع شباب غيره
وبعد مكالمة لاتقل مدتها عن ساعتين ماشاء الله
أخيرا
قرروا يقفلوا
يبدأ بقى ماتش الساعة 4 الفجر عارفينو طبعا
بتاع اقفل لا اقفلي انتي ونتنيل على عيننا ونقفل مع بعض
والجميل انك تلاقي ختامه مسك
شوية جمل دخيلة على لغتنا الموقرة
تقولك إيه
تيب يللا بقى هابي دريمز يا روحي
خلي بالك على نفسك
سيي يو
تيك كير يابيبي
قال تيك كير قال ..الله يرحم .................................................. ..ولا بلاش
والبنوته بقى تقولوا بنبره تقطع القلب
:لا اله إلا الله
ويرد عليها وهو هايعيط يعيني
محمد رسول الله
اااااااااه يا مرارتي
صلى الله على محمد صلى الله عليه وسلم
مش داخلة اقولكو الحب والمشاعر الأكثر من رائعة دي حرام وأنا مش مفتية عشان احلل واحرم ..حاجة ما تخصنيش خالص يعني
لكن يا إخواننا لكل حاجة ضوابط و مقاييس معروفه ليه بنطبق المقاييس دي على أي حد وأي حاجة ونيجي لحد عندنا ونقول لا اصل احنا وضع تاني
احنا واعيين لنفسنا
عاقلين
متميزين
مختلفين
وشوية شوية نبدأ نقع ف الغلط ونرتكب محرمات وبرده مقتنعين إن عندنا مبادئ ما بنتنازلناش ولا هانتنازل عنها أبدا
دايما احنا صح وما بنغلطش
ما بنكدبش بس أيه؟ الظروف هيا اللي بتحطنا وبتخلينا نفشر
لازم نفهم اننا مش المفروض نعمل حاجة لمجرد إنها قابلة للتنفيذ
هو السبب ضعف ف الإيمان ولا نقص ف الشخصية ولا حرمان من حنان مثلا ولا إيه بالظبط ؟؟؟؟والحل فين ؟؟؟
shaheen11 22-02-2009, 03:59 AM هو السبب ضعف ف الإيمان ولا نقص ف الشخصية ولا حرمان من حنان مثلا ولا إيه بالظبط ؟؟؟؟
التلاته وازود عليهم عدم معرفه بالدين
والحل فين ؟؟؟
اكيد في الاربعه دول
شكرا على موضوع المهم ده
تقبلي مروري
7abiby el-awlany 22-02-2009, 10:13 AM البعد عن ربنا
ثانكس للتوبيك الحلو ده _ من غير كدب _
حلوة قراقوش دي كمان
**تسابيح** 22-02-2009, 08:59 PM بصي يا هنا :):)
موضوع انك تقابلي حد وسلامات واحضان دا أنا بقا بشوفوا كثير اوي
ومش بيكونوا مش طايقين بعض ومش عارفة ايه ويشتموا في بعض كمان بعد كل واحد فيهم يمشي
بس دا بقي مش اسمه كذب دا اسمه نفاق اكبر من الكذب وبصراحة انا بكره جدا
بس فيه مواقف بتخلي الانسان يعامل الناس سلامات ومش عارفه ايه حتي لو هو مش بيحبهم بدل ممكن
يكون دا مش بينافق بس مش بيحب يزعل حد وكمان مش بيقول كلام وحش بس اصل فيه حاجة اسمها راحات
ام بخصوص ان الولد يكلم البنت ومش عارفة ايه
دا في الاول (من بني ع فلط فهو غلط في النهاية)
والله هم الاثنين بيبقوا عارفين انهم بيعملوا غلط بدليل ان لما حد بيجي بيقفلوا سماعة التليفون
وكدا
هو السبب ضعف ف الإيمان ولا نقص ف الشخصية ولا حرمان من حنان مثلا ولا إيه بالظبط ؟؟؟؟والحل فين ؟؟؟
كل الحاجات دي
ضعف الايمان لانهم مش قريبين من ربنا وحتي لو بيصلوا و مش عارفه ايه؟؟
(من لم تنه صلاته عن فعل الفواحش فلا صلاة له)
اللي عنده ضعف ايمان اكيد عنده ضعف شخصية
الحنان اهم حاجة في حياة المراهقين اللي معظمهم مش بيلاقوا الحنان دا في بيتهم في وسط اهلهم بلاقي قسوة وعنف وزعيق وهم محتاجين حنان وامان وحب عشان كدا بيدوروا عليه برده
بردوا مش كل الناس كدا فيه ناس بيبقي اهلها مربينها كويس بتقدر تتحكم في نفسها
الحل -------
بدل الانسان عرف ان اللي بيعمله غلط مش يعمله
ويحط حاجة في دماغه ان مقدار السعادة في حياته يساوي مقدار التعاسة فميحولش انه يغتنم السعادة كلها في بداية حياته عشان كدا مش هيلاقي حاجة في باقي حياته
وكمان رحمة ربنا اوسع من اي حاجة الانسان يتصورها
شكرا ياهنا ع الموضوع التحفة دا
هنا الفقي 24-02-2009, 12:40 AM شكرا على موضوع المهم ده
تقبلي مروري
مشكور جدا على مرورك واضافة رأيك
هنا الفقي 24-02-2009, 12:46 AM البعد عن ربنا
ثانكس للتوبيك الحلو ده _ من غير كدب _
حلوة قراقوش دي كمان
:078111rg3: طبعا من غير كدب
بشكرك على اضافة رايك
هنا الفقي 24-02-2009, 12:55 AM بصي يا هنا :):)
موضوع انك تقابلي حد وسلامات واحضان دا أنا بقا بشوفوا كثير اوي
ومش بيكونوا مش طايقين بعض ومش عارفة ايه ويشتموا في بعض كمان بعد كل واحد فيهم يمشي
بس دا بقي مش اسمه كذب دا اسمه نفاق اكبر من الكذب وبصراحة انا بكره جدا
بس فيه مواقف بتخلي الانسان يعامل الناس سلامات ومش عارفه ايه حتي لو هو مش بيحبهم بدل ممكن
يكون دا مش بينافق بس مش بيحب يزعل حد وكمان مش بيقول كلام وحش بس اصل فيه حاجة اسمها راحات
تمام صح كده في راحات وفي فرق بين انك تقابلي حد وتنافقي معاه وانك بس مش بتزعليه او بتعامليه بالحسنى
ام بخصوص ان الولد يكلم البنت ومش عارفة ايه
دا في الاول (من بني ع فلط فهو غلط في النهاية)
والله هم الاثنين بيبقوا عارفين انهم بيعملوا غلط بدليل ان لما حد بيجي بيقفلوا سماعة التليفون
وكدا
هو السبب ضعف ف الإيمان ولا نقص ف الشخصية ولا حرمان من حنان مثلا ولا إيه بالظبط ؟؟؟؟والحل فين ؟؟؟
كل الحاجات دي
ضعف الايمان لانهم مش قريبين من ربنا وحتي لو بيصلوا و مش عارفه ايه؟؟
(من لم تنه صلاته عن فعل الفحشاء فلا صلاة له)
اللي عنده ضعف ايمان اكيد عنده ضعف شخصية
الحنان اهم حاجة في حياة المراهقين اللي معظمهم مش بيلاقوا الحنان دا في بيتهم في وسط اهلهم بلاقي قسوة وعنف وزعيق وهم محتاجين حنان وامان وحب عشان كدا بيدوروا عليه برده
بردوا مش كل الناس كدا فيه ناس بيبقي اهلها مربينها كويس بتقدر تتحكم في نفسها
الحل -------
بدل الانسان عرف ان اللي بيعمله غلط مش يعمله
ويحط حاجة في دماغه ان مقدار السعادة في حياته يساوي مقدار التعاسة فميحولش انه يغتنم السعادة كلها في بداية حياته عشان كدا مش هيلاقي حاجة في باقي حياته
وكمان رحمة ربنا اوسع من اي حاجة الانسان يتصورها
شكرا ياهنا ع الموضوع التحفة دا
وجهه نظرك جميلة جدا ورايك فعلا فعلا اكثر من رائع يا تسابيح ربنا يجزيكي خير
wafa2y 24-02-2009, 01:29 AM هههههههههه
الموضوع علي فكرة جميل جدا
و حلوة أوي الحتة دي
قال تيك كير قال ..الله يرحم .................................................. ..ولا بلاش
بجد فعلا بلاش
و إن شاء الله هحاول أعلق علي المضمون بس في وقت تاني
سلاااااام
:)
نعمه محمود 24-02-2009, 12:26 PM عندك حق والله يا هنا الناس دى ملو البلد وبقو حاجة مستفزة اووووووووووووووووووووووووووووووى
ميرسي على موضوعك
EL-leader 24-02-2009, 12:54 PM انتى بتتكلمى فى اية ياهنا ولا هتقولى لمين ؟
دا تقريبا اكتر من النص من البنات بيكلم اولاد عمال على بطال يعنى مش مركزين على واحد بس (اللهم احفظنا )
ونص الباقى دول ناس كويسة شوية بيكلمو ناس معينة دول ارحم
وفاضل البنات الى ملهاش علاقة باولاد خالص ودول فى الاخر الاولاد بيقولو عليهم انهم مش بنات ................
هنا الفقي 27-02-2009, 03:41 AM انتى بتتكلمى فى اية ياهنا ولا هتقولى لمين ؟
دا تقريبا اكتر من النص من البنات بيكلم اولاد عمال على بطال يعنى مش مركزين على واحد بس (اللهم احفظنا )
اكتر من نص ايه بس يا ايمي مش كده الاحصائيات مش اوي كده يعني:o
ونص الباقى دول ناس كويسة شوية بيكلمو ناس معينة دول ارحم
هما ارحم اه بس مش النص التاني برده;)
وفاضل البنات الى ملهاش علاقة باولاد خالص ودول فى الاخر الاولاد بيقولو عليهم انهم مش بنات ................
وجهه نظر وتحترم بردو مرسي جدا ليكي
Soha Hamed 28-02-2009, 07:58 PM بس دا بقي مش اسمه كذب دا اسمه نفاق اكبر من الكذب وبصراحة انا بكره جدا
عندك حق يا تسابيح
والموضوع انتشر الزمن ده كتير لدرجة انه يكاد يكون هو الأصل والمشاعر الحقيقية والانسان الصريح هو اللي غلطان او اللي مش طبيعي
تسلم ايديكي يا هنا موضوع أكتر من رائع
lover rose 01-03-2009, 11:35 PM ميرسى على التوبيك الجامد ده
بجد انا اكتر حاجه تستفزنى النفاق ده
والمكالمات دى حاجه تانيه خالص
مش عارفه البنات بتعمل فى نفسها ليه كده
بندق__2007 02-03-2009, 12:30 AM طبعا كالعادة يا هنا
موضوعك تحفة و اكتر من تحفة
و انا هقولك رأيى برده يا ستى من غير كدب
أولا احنا شعب عاطفى
بمعنى اننا لما بنشوف بعض فى الشارع نعمل فرح و حوار و زى ما انتى قولتى
بس مش بننتش على بعض - و عجبنى التعبير - بس كل الحكاية ان حد محترم اوى قابل حد تانى
بيحبوا بعض فى الله بس مفيش ما بينهم كلام كتير علاقة سطحية
بس كل واحد فيهم بحب التانى و بيعزه جدا
فممكن يسلموا على بعض كدة .......... الفيصل بقى فى الموضوع ده
انه ميجيش بعد ما يسلموا على بعض يظرفوا بعض كلام ملوش لزمة
هنا بقى العيب و انا متفق معاكى بس حبيت اوضح حالة خاصة
تانى حاجة موضوع العلاقة الشريفة أخت رأفت دى
أنا ليا برده رأيى فيها (( و هذا ليس تحريما و لا تحليلا و لا يؤخذ بمردود دينى ))
ده مجرد رأيى الشخصى المعدوم القيمة
فيه ناس بتحب ............. مش فيه ناس ...........لا
كل الناس بتحب .. المهم
الفيصل فى موضوع الحب ده حاجات كتير
أولا معرفة الأهل
و ده شئ أساسى جدا من غير معرفة الاهل هتبقى شوربة .... و عن تجربة
ثانيا أنك تراعى ربنا و تتقى الله قدر ما استطعت ( و اتقوا الله ما استطعتم )
يعنى البنت تحافظ على نفسها مهما كان حبها و الولد مش هقول يعتبرها اخته لا
مش هو بيحبها يعنى نفسه تبقى هى مراته ..... طب و اللى هتبقى مراتك ترضى انها تعمل حاجة غلط ؟؟
فالولد يحافظ عليها لأنها أم عياله باعتبار ما سيكون و لو ربنا وفقهم و اتجوزوا و خلفوا
هتربى ولاده على اللى هى اتعودت عليه و لازم يحط حاجة زى كدة فى اعتباره
ثالثا : مش هقولك محدش بيتكلم فى التيلفون عشان نبقى واقعيين
الكلام فى التليفون حرام شرعا و ده لا خلاف عليه
بس انا عن نفسى مقدرش ما اتكلمش فى التيلفون
و لكن مش كلام الساعتين و لا كلام بعد النجوم و لا مشتاق مشتاق الحب الحب
من طرف أخوكى اللمبى
لا
اطمن عليها و تطمن عليا
و لو فيه حاجة حصلت تحكيهالى و خلاص و نقفل
انا عارف برده اننا حتى لو بنتناقش فى أمور الدين برده حرام
بس خلينى واقعى انا ما اتعودتش اكدب او اتجمل على صفحات النت
انا زى ما انا كدة فى ردودى .. كدة فى الحقيقة
عموما ده رأيى يا هنا
انا معاكى فى اللى انتى قولتيه
تقدرى تعتبرى الرغى الكتير الاوفر اللى فوق ده
ملاحظاتى البسيطة على المناقشة دى
vampire1188 02-03-2009, 07:51 PM هو السبب ضعف ف الإيمان ولا نقص ف الشخصية ولا حرمان من حنان مثلا ولا إيه بالظبط ؟
هوا اكيد سبب واحد من الاسباب دي ..
ودا بيرجع لشخصية البني ادم نفسه
هل هوا بيكلم البنت وعارف انه حرام وبيستهبل فيها ؟
هل هوا بيكلم البنت وجاهل ومش عارف ؟
هل البنت نفسها بتقضيها معاه وتقفل وتكمل معا التاني ؟
بس انا شخصيا بيتهيألي ان السبب الرئيسي (الكبت) .. وممكن نضيف للكبت (الشعور بالاستقلالية)
لو جينا نتكلم عن الكبت .. غالبا علاقات الولد والبنت مابتبدأ في مرحلة الثانوية وانتي طالعة لفوق
المرحلة دي بنسميها مرحلة المراهقة " المتعسرة "
الواحد بيبقي داخل الثانوية العامة طالع عين اللي جابوه ..مذاكرة ودح وقرف ودروس وامتحانات وتمارين
وضغط في الاعصاب .. ويوم النتيجة المشهود ..
في اللحظات دي الشخص (سواءا بنت او ولد) بييجوا يبصوا لنفسهم بيحسوا انه في حاجة ناقصاهم
دا شعور طبيعي .. طبعا اللي داخل في تأثير دا بكم كبير جدا .. الأغاني والافلام
يعني مثلا اما واحد يقعد يسمع قرب كمان من حضني ....... بتاعة عم تامر منه لله
والنبي انا راضي ذمتكوا .. عايزين من الشخص ايه اما يقعد يحلل في الكلام ..
ماهو اكيد لازم دماغه تروح لحاجات زي كدا
اما واحده تقعد تتفرج على فيلم زي (عن العشق والهوا) ..
اذا كان اسم الفيلم نفسه زي الزفت .. يبقي عايزين ايه ؟!
الواحد او الواحده بقي اول مابيخشوا الجامعة . ياسلااااااام .. البنت همها كله المنظرة قدام الولاد عشان تجذبهم
والولد اهم حاجة عنده انه يبقي روش وفانكي عشان البنات تتلم حواليه ..
والبنت بتضحك على الواد .. والواد بيتسهبل على البنت .. وكله بيلعب على كله !!
والمهم انه البنت عارفه ان الواد بيتسهبل .. والولد عارف ان البنت بتستعبط .. ومع ذلك قابلين دا على نفسهم !
عشان كدا لو نلاحظ .. دائما بتوع سنة اولي جامعة هما اللي بيبقوا عندهم الحتة اللي فيها هبل شوية دي (طبعا مش كلهم)
بس اما بيعدوا بعد كدا بيبقي خلاص .. اتعودوا على اللي بيحصل ..
زي بالظبط اللي لسه اول مرة ياكل آيس كريم .. وفضل ياكله لمدة سنة لغاية ماتخنق منه
السبب التاني بقي ( الشعور بالاستقلالية)
الواحد في الثانوية .. طالع عينه .. ومش حاسس بأي شخصية .. رايح من الدرس .. جاي من الدرس
رايح الامتحان .. جاي من الامتحان .. روتين يومي متكرر لمدة عام دراسي كامل
يبقي فين الاستقلالية في دا ..
عشان كدا بيبقي عايز اي منفذ يهرب منه عشان يحس بنفسه شوية ..
والمشكلة ان مشكلة الاستقلالية دي بتبقي موجودة عن الطرفين .. الولد والبنت
فابيبقي فيه علاقة مصلحة .. الولد عايز يحس بنفسه .. والبنت عايزة تحس بنفسها
ومن خلال دا تنشأ العلاقة اللي غالباً مابنتهي بالفشل المحتم !
مستر احمد يحيى 04-03-2009, 11:53 AM بارك الله فيك
بس للاسف هذه ظاهره منتشره خلال هذا الزمن
.....................
بسبب غياب الرقابه والبعد عن الدين الحنيف
تقبلى مرورى
بالنسبة للجزء الاولانى بتاع الكذب
قال رسول الله صلى الله عليه وسلم عندما سؤل:
هل المسلم يسرق ؟
فأجاب الرسول : نعم المسلم يسرق .
ثم سألوه : هل المسلم يقتل ؟
فأجاب : نعم المسلم يقتل .
ثم سألوه : هل المسلم يزني ؟
فأجاب : نعم المسلم يزني .
ثم سألوه : هل المسلم يكذب ؟
فأجاب : لا المسلم لايكذب المسلم لايكذب
صدق رسول الله صلى الله عليه وسلم
---
بالنسبة للجزء التانى
;)
موضوع جميل يا هنا
هنا الفقي 13-03-2009, 11:58 PM هههههههههه
الموضوع علي فكرة جميل جدا
و حلوة أوي الحتة دي
بجد فعلا بلاش
و إن شاء الله هحاول أعلق علي المضمون بس في وقت تاني
سلاااااام
:)
:)تشرف ف اي وقت ياباشا :078111rg3:
هنا الفقي 14-03-2009, 12:08 AM عندك حق والله يا هنا الناس دى ملو البلد وبقو حاجة مستفزة اووووووووووووووووووووووووووووووى
ميرسي على موضوعك
مرسي على مرور حضرتك الجميل يا استاذة نعمة
هنا الفقي 14-03-2009, 12:20 AM عندك حق يا تسابيح
والموضوع انتشر الزمن ده كتير لدرجة انه يكاد يكون هو الأصل والمشاعر الحقيقية والانسان الصريح هو اللي غلطان او اللي مش طبيعي
مش للدرجة يكون ده الطبيعي ان شاء الله يارب نكون ما وصلناش للدرجة دي لان لو وصلنالها هاتبقى كارثة
تسلم ايديكي يا هنا موضوع أكتر من رائع
اشكرك جدا على زوق حضرتك ..جزيت خيرا
هنا الفقي 14-03-2009, 12:30 AM ميرسى على التوبيك الجامد ده
بجد انا اكتر حاجه تستفزنى النفاق ده
والمكالمات دى حاجه تانيه خالص
مش عارفه البنات بتعمل فى نفسها ليه كده
ماهو مانقولش البنات بس برده
بلاش نمشي ورا الموجة دي
صحيح لو البنت محترمة نفسها ماحدش هايقدر يكلمها بس مش معنى كده ان الولد ملاك من ابو جناحين
لا الغلط ع ال2 طبعا
جزيتي خيرا
Messenger of Peace 14-03-2009, 12:36 AM انا مش عارف اقول اية الضبط
بس الكذب والنفاق علشان الناس تقضي مصحلتها .....
اما البنات والشباب دول بقى مسؤلين من الاسرة الاول
يعني يكون في توعية ونصح
غرز للدين الاسلامي ومبادئه وقيمه ....
انا التنافس لجذب الشباب .. فين رقابة الاهالي على البنات ...
انا مش بقول انه يوصلها الجامعة ويتنسى قدام السور
بس يكون واخد باله منها
بس احنا بقينا في عصر فضائيات وفضحيات .. حفظكم الله وياكم وابناء المسلمين
في كتاب اسمه
بروتكولات حكماء صهيون
الكتاب ده اتمنع من النشار في الاتحاد السوفيتي في القرن 18 بان
في كل حاجة بتحصلنا دلوقت يا عرب يا مسلمين
يا ناس ياهو اقرئوه
اه كان في برتكول فيهم بيقول
" سننشر اللا اخلاقية والفجور وننبذ عنهم فكرة الله بذلك ننتصر عليهم"
ده في ما معناه يعني
تقبلو مروري
هنا الفقي 27-03-2009, 04:29 AM طبعا كالعادة يا هنا
موضوعك تحفة و اكتر من تحفة
وكالعادة انت بتدخل تزيده تحاا لالا تحفاا لالا تحفنة
و انا هقولك رأيى برده يا ستى من غير كدب زي ما اتعودت
أولا احنا شعب عاطفى
بمعنى اننا لما بنشوف بعض فى الشارع نعمل فرح و حوار و زى ما انتى قولتى
بس مش بننتش على بعض - و عجبنى التعبير - بس كل الحكاية ان حد محترم اوى قابل حد تانى
بيحبوا بعض فى الله بس مفيش ما بينهم كلام كتير علاقة سطحية
بس كل واحد فيهم بحب التانى و بيعزه جدا
فممكن يسلموا على بعض كدة .......... الفيصل بقى فى الموضوع ده
انه ميجيش بعد ما يسلموا على بعض يظرفوا بعض كلام ملوش لزمة
تماااااام وعجبني بردو التعبير العجيب جدا -يظرفوا-
هنا بقى العيب و انا متفق معاكى بس حبيت اوضح حالة خاصة
تانى حاجة موضوع العلاقة الشريفة أخت رأفت دى
أنا ليا برده رأيى فيها (( و هذا ليس تحريما و لا تحليلا و لا يؤخذ بمردود دينى ))
ده مجرد رأيى الشخصى المعدوم القيمة
فيه ناس بتحب ............. مش فيه ناس ...........لا
كل الناس بتحب .. المهم
الفيصل فى موضوع الحب ده حاجات كتير
أولا معرفة الأهل
و ده شئ أساسى جدا من غير معرفة الاهل هتبقى شوربة .... و عن تجربة
ثانيا أنك تراعى ربنا و تتقى الله قدر ما استطعت ( و اتقوا الله ما استطعتم )
يعنى البنت تحافظ على نفسها مهما كان حبها و الولد مش هقول يعتبرها اخته لا
مش هو بيحبها يعنى نفسه تبقى هى مراته ..... طب و اللى هتبقى مراتك ترضى انها تعمل حاجة غلط ؟؟
فالولد يحافظ عليها لأنها أم عياله باعتبار ما سيكون و لو ربنا وفقهم و اتجوزوا و خلفوا
هتربى ولاده على اللى هى اتعودت عليه و لازم يحط حاجة زى كدة فى اعتباره
جميييييييييل
ثالثا : مش هقولك محدش بيتكلم فى التيلفون عشان نبقى واقعيين اعز الواقية انا
الكلام فى التليفون حرام شرعا و ده لا خلاف عليه
بس انا عن نفسى مقدرش ما اتكلمش فى التيلفون
و لكن مش كلام الساعتين و لا كلام بعد النجوم و لا مشتاق مشتاق الحب الحب
من طرف أخوكى اللمبى
لا
اطمن عليها و تطمن عليا
و لو فيه حاجة حصلت تحكيهالى و خلاص و نقفل
انا عارف برده اننا حتى لو بنتناقش فى أمور الدين برده حرام
بس خلينى واقعى انا ما اتعودتش اكدب او اتجمل على صفحات النت
انا زى ما انا كدة فى ردودى .. كدة فى الحقيقة
عموما ده رأيى يا هنا
انا معاكى فى اللى انتى قولتيه
تقدرى تعتبرى الرغى الكتير الاوفر اللى فوق ده
ملاحظاتى البسيطة على المناقشة دى
ممم برافون برافون برافون .........احييك جدا جدا على صراحتك وانك ابديت رايك بصدق
ونورتنا جدا يا بندق ودي مش مجاملة ولا كدب
هنا الفقي 27-03-2009, 04:37 AM هوا اكيد سبب واحد من الاسباب دي ..
ودا بيرجع لشخصية البني ادم نفسه
هل هوا بيكلم البنت وعارف انه حرام وبيستهبل فيها ؟
هل هوا بيكلم البنت وجاهل ومش عارف ؟
هل البنت نفسها بتقضيها معاه وتقفل وتكمل معا التاني ؟
بس انا شخصيا بيتهيألي ان السبب الرئيسي (الكبت) .. وممكن نضيف للكبت (الشعور بالاستقلالية)
لو جينا نتكلم عن الكبت .. غالبا علاقات الولد والبنت مابتبدأ في مرحلة الثانوية وانتي طالعة لفوق
المرحلة دي بنسميها مرحلة المراهقة " المتعسرة "
الواحد بيبقي داخل الثانوية العامة طالع عين اللي جابوه ..مذاكرة ودح وقرف ودروس وامتحانات وتمارين
وضغط في الاعصاب .. ويوم النتيجة المشهود ..
في اللحظات دي الشخص (سواءا بنت او ولد) بييجوا يبصوا لنفسهم بيحسوا انه في حاجة ناقصاهم
ده اذا كانو لسه ما بصوش م الاعدادي ودول الغلابة دلوقتي الابتدائي بقى بيلحق بدري بدري
دا شعور طبيعي .. طبعا اللي داخل في تأثير دا بكم كبير جدا .. الأغاني والافلام
يعني مثلا اما واحد يقعد يسمع قرب كمان من حضني ....... بتاعة عم تامر منه لله
والنبي انا راضي ذمتكوا .. عايزين من الشخص ايه اما يقعد يحلل في الكلام ..
ماهو اكيد لازم دماغه تروح لحاجات زي كدا
اما واحده تقعد تتفرج على فيلم زي (عن العشق والهوا) ..
اذا كان اسم الفيلم نفسه زي الزفت .. يبقي عايزين ايه ؟!
ماهو ده اللي بيخلي الناس اللي ماحبتش تقولك نفسي اجرب ونفسي اعيش معرفش ايه وحجات كده
الواحد او الواحده بقي اول مابيخشوا الجامعة . ياسلااااااام .. البنت همها كله المنظرة قدام الولاد عشان تجذبهم
والولد اهم حاجة عنده انه يبقي روش وفانكي عشان البنات تتلم حواليه ..
والبنت بتضحك على الواد .. والواد بيتسهبل على البنت .. وكله بيلعب على كله !!
والمهم انه البنت عارفه ان الواد بيتسهبل .. والولد عارف ان البنت بتستعبط .. ومع ذلك قابلين دا على نفسهم !
عشان كدا لو نلاحظ .. دائما بتوع سنة اولي جامعة هما اللي بيبقوا عندهم الحتة اللي فيها هبل شوية دي (طبعا مش كلهم)
بس اما بيعدوا بعد كدا بيبقي خلاص .. اتعودوا على اللي بيحصل ..
زي بالظبط اللي لسه اول مرة ياكل آيس كريم .. وفضل ياكله لمدة سنة لغاية ماتخنق منه
السبب التاني بقي ( الشعور بالاستقلالية)
الواحد في الثانوية .. طالع عينه .. ومش حاسس بأي شخصية .. رايح من الدرس .. جاي من الدرس
رايح الامتحان .. جاي من الامتحان .. روتين يومي متكرر لمدة عام دراسي كامل
يبقي فين الاستقلالية في دا ..
عشان كدا بيبقي عايز اي منفذ يهرب منه عشان يحس بنفسه شوية ..
والمشكلة ان مشكلة الاستقلالية دي بتبقي موجودة عن الطرفين .. الولد والبنت
فابيبقي فيه علاقة مصلحة .. الولد عايز يحس بنفسه .. والبنت عايزة تحس بنفسها
ومن خلال دا تنشأ العلاقة اللي غالباً مابنتهي بالفشل المحتم !
رايك بصراحة اكتر من رائع واضافتك جميلة جدا تشرفت جدا بمرورك
هنا الفقي 27-03-2009, 04:45 AM بارك الله فيك
بس للاسف هذه ظاهره منتشره خلال هذا الزمن
.....................
بسبب غياب الرقابه والبعد عن الدين الحنيف
تقبلى مرورى
شاكرة جدا مرورك وابداء رايك جزيت خيرا
انا مش عارف اقول اية الضبط
بس الكذب والنفاق علشان الناس تقضي مصحلتها .....
اما البنات والشباب دول بقى مسؤلين من الاسرة الاول
يعني يكون في توعية ونصح
غرز للدين الاسلامي ومبادئه وقيمه ....
انا التنافس لجذب الشباب .. فين رقابة الاهالي على البنات ...
اااااااااااااااااايون اهه دي حلوة ..صح بقت موجوده دلوقتي كتييييييييييييييير ربنا يحفظنا
انا مش بقول انه يوصلها الجامعة ويتنسى قدام السور
بس يكون واخد باله منها
بس احنا بقينا في عصر فضائيات وفضحيات .. حفظكم الله وياكم وابناء المسلمين
في كتاب اسمه
بروتكولات حكماء صهيون
الكتاب ده اتمنع من النشار في الاتحاد السوفيتي في القرن 18 بان
في كل حاجة بتحصلنا دلوقت يا عرب يا مسلمين
يا ناس ياهو اقرئوه
تمام
اه كان في برتكول فيهم بيقول
" سننشر اللا اخلاقية والفجور وننبذ عنهم فكرة الله بذلك ننتصر عليهم"
ده في ما معناه يعني
تقبلو مروري
ربنا يجزيك خير وربنا يحفظنا ويهدينا يارب
د/بسمة الاسلام 11-03-2010, 05:21 AM جزاكم الله خير
موضوع اكثر من رائع
بارك الله فيكي
عجبتنى اوى .. حكاية ان كل واحد بعد ما بيسلم بيقول للى ماشى معاه انا مش بطيقه ؟؟
هههههههههه
طب سلمت ليه من الأول
أما بالنسبة للموضوع بتاع الشباب والبنات ده فربنا يهدي بجد
ربنا يهدي
وفعلا
اهم حاجة ان الواحد لازم يبحث عن عيوبه بمنظار حتى يستطيع تداركها
ولازم نعرف ان مفيش حد كامل
looody 11-03-2010, 04:59 PM الموضوع جميل جدا جدا والله
وعندك حق فى كل كلمة والله
ربنا يهدينا
totta2010 11-03-2010, 05:34 PM واللى يغيظك اكتر لما البنت تتصل بالواد
يدوب يقول الو تقوم مخضوضة عليه وتقولو صوتك مش عاجبنى مالك
والله ياستى مافى حاجة
لا بليز قلى مالك
هى فاكرة انو بيخبى عليها المصيبة اللى واقع فيها
وهو كمان لازم يجارى مشاعرها
طالما هى مخضوضة يبقى هو كمان لازم تكون عندو حاجة تخض مينفعش يسيبها تتخض عالفاضى كدا
يقوم قايلها ابدا انا بس عندى انفلونزا
تقوم صارخة ف وشو ومرحتش لدكتور انت لازم تعمل شيك اب انا عايزة اطمن عليك وكانك بتقولها انا عندى انفلونزا الخنازير
يلا باى
سيو
تيك كير
لازم كلكو تعملو شيك اب وتطمنونى عليكو اصواتكو مش عجبانى
ياسمينايا 11-03-2010, 06:19 PM موضوع مهم جدا ..
عشان الضمير تلاشى خلاص ..
تلاقى النفاق كتيير قوووووى..
وتلاقي البنات بتكلم الولاد عمال على بطال ..بجد ازاى بيجيلهم قلب ((على اساس ان مامتهم وباباهم اكيد ميعرفو الجو ده ))
شكرا ..ع الموضوع ..
عبير الشذى 12-03-2010, 11:46 AM واللهى كلامك كله صح
وان واحده تسلم عليكى
وبالاحضان ووحشتينى
وبعد كده تلاقيها
بتجيب فى سرتك
وبتتكلم عليكى
ده شئ فوق
الفظيع
ده
اسمه
"نفاق"
بجد موضوعك جميل
جدااااااااا
مش بكذب
واللهى
هى كلمة كلنا بنقولها
"كفايه كدب"
"كفايه نفاق "
"كفايه غش وخداع"
هنا الفقي 17-07-2010, 04:31 PM جزاكم الله خير
موضوع اكثر من رائع
بارك الله فيكي
عجبتنى اوى .. حكاية ان كل واحد بعد ما بيسلم بيقول للى ماشى معاه انا مش بطيقه ؟؟
هههههههههه
طب سلمت ليه من الأول
أما بالنسبة للموضوع بتاع الشباب والبنات ده فربنا يهدي بجد
ربنا يهدي
وفعلا
اهم حاجة ان الواحد لازم يبحث عن عيوبه بمنظار حتى يستطيع تداركها
ولازم نعرف ان مفيش حد كامل
ايه العسل ده
ازيك يا بسمة
عاوزة ابعتلك بوسة ومش لاقية ف الايموشنات
الموضوع جميل جدا جدا والله
وعندك حق فى كل كلمة والله
ربنا يهدينا
يارب
نورتي
واللى يغيظك اكتر لما البنت تتصل بالواد
يدوب يقول الو تقوم مخضوضة عليه وتقولو صوتك مش عاجبنى مالك
والله ياستى مافى حاجة
لا بليز قلى مالك
هى فاكرة انو بيخبى عليها المصيبة اللى واقع فيها
وهو كمان لازم يجارى مشاعرها
طالما هى مخضوضة يبقى هو كمان لازم تكون عندو حاجة تخض مينفعش يسيبها تتخض عالفاضى كدا
يقوم قايلها ابدا انا بس عندى انفلونزا
تقوم صارخة ف وشو ومرحتش لدكتور انت لازم تعمل شيك اب انا عايزة اطمن عليك وكانك بتقولها انا عندى انفلونزا الخنازير
يلا باى
سيو
تيك كير
لازم كلكو تعملو شيك اب وتطمنونى عليكو اصواتكو مش عجبانى
ههههههههههههههههههههههه
اه عارف انا الموضوع ده
هاعمل انا كمان شيك اب حاضر
موضوع مهم جدا ..
عشان الضمير تلاشى خلاص ..
تلاقى النفاق كتيير قوووووى..
وتلاقي البنات بتكلم الولاد عمال على بطال ..بجد ازاى بيجيلهم قلب ((على اساس ان مامتهم وباباهم اكيد ميعرفو الجو ده ))
شكرا ..ع الموضوع ..
هو غير الضمير كمان .. تغييب العقول ... ما بقوش عارفين الصح م الغلط
واللهى كلامك كله صح
وان واحده تسلم عليكى
وبالاحضان ووحشتينى
وبعد كده تلاقيها
بتجيب فى سرتك
وبتتكلم عليكى
ده شئ فوق
الفظيع
ده
اسمه
"نفاق"
بجد موضوعك جميل
جدااااااااا
مش بكذب
واللهى
هى كلمة كلنا بنقولها
"كفايه كدب"
"كفايه نفاق "
"كفايه غش وخداع"
ههههههههههههههههههه
انتي تبع حركة كفاية ولا ايه
بس معاكي حق فعلا كفاية
سهر 2000 17-07-2010, 04:56 PM حلو التوبيك
انا اكتر حاجه فى حياتى بكرهها النفاق
وكتير بلاقى ناس حواليا كده ووالله بتحصل قدامى
نبقى اقفين مع بعض واول ما البنت تمشى يقعدو يتكلموا عليها
بجد حاجه نرفز
اما بخصوص البنات والولاد وكده
انا مش هعلق علشان بتعصب لما بتكلم فى الموضوع ده
ربنا يهدى
وميرسى على التوبيك
samar saad 17-07-2010, 05:23 PM والله الموضوع رائع الصراحه وكلامك جميل جدا والحقيقة هى المشكلة ضعف الايمان طبعا والبعد عن ربنا سبحانه وتعالى لكن هنعمل ايه هى دى الدنيا وحالها بقينا فى عالم غريب ولسة ولسة وميرسى بجد موضوع رائع فعلا
|